ᱥᱟᱯᱲᱟᱣ ᱪᱟᱞᱟᱜᱠᱟᱱᱟ ᱡᱟᱫᱩ-ᱴᱚᱱᱟ


[[File:Baldung Hexen 1508 kol.JPG|thumb|Baldung Hexen 1508 kol]]

[[File:Shona witch doctor (Zimbabwe).jpg|thumb|Shona witch doctor (Zimbabwe)]]


'''ᱡᱟᱫᱩ-ᱴᱚᱱᱟ''' ᱟᱨᱵᱟᱝ '''ᱪᱟᱲᱚᱱ''' ᱨᱮ ᱯᱟᱹᱛᱭᱟᱹᱣ ᱢᱮᱱᱟᱜ-ᱟ ᱡᱮ  ᱟᱥᱚᱞ ᱡᱟᱫᱩ ᱠᱟᱱᱟ ᱟᱨ ᱱᱚᱶᱟ ᱨᱮ ᱠᱚᱫᱟᱞ ᱧᱟᱢ ᱟᱠᱟᱱ ᱫᱟᱲᱮ ᱠᱷᱚᱱ ᱱᱚᱶᱟ ᱠᱟᱹᱢᱤ ᱨᱮᱢ ᱞᱟᱜᱟᱣ ᱫᱟᱲᱮᱭᱟᱜ-ᱟ ᱾ ᱱᱚᱶᱟ ᱫᱚ ᱢᱤᱫ ᱞᱮᱠᱟᱱ ᱟᱸᱫᱷᱟ ᱯᱟᱹᱛᱭᱟᱹᱣ ᱠᱟᱱᱟ ᱟᱨ ᱱᱚᱶᱟ ᱨᱮ ᱪᱮᱫ ᱦᱚᱸ ᱥᱟᱬᱮᱥᱤᱭᱟᱹ ᱥᱟᱹᱠᱷᱭᱟᱹᱛ ᱫᱚ ᱵᱟᱹᱱᱩᱜ ᱟᱱᱟ ᱾<ref name="Russell">[https://books.google.com/books?hl=en&lr=&id=LsjagvvkveEC&oi=fnd&pg=PA2&dq=witchcraft+definition&ots=aw4oz13kOS&sig=2CWBjLB2TIsUt1aNz_nyUPxOf5E&redir_esc=y#v=onepage&q=witchcraft%20definition&f=false Witchcraft in the Middle Ages], Jeffrey Russell, p.4-10.</ref>

==ᱡᱟᱫᱩ ᱴᱚᱱᱟ ᱮᱢᱟᱱ ᱠᱚ ᱧᱩᱛᱩᱢ ᱛᱮ ᱥᱤᱧᱚᱛ ᱨᱮ ᱛᱤᱨᱞᱟᱹ ᱪᱮᱛᱟᱱ ᱵᱮ-ᱵᱟᱹᱲᱤᱡ==
ᱥᱤᱧᱚᱛ ᱩᱯ ᱢᱟᱦᱟᱫᱣᱤᱯ ᱨᱮ ᱟᱭᱢᱟ ᱛᱟᱭᱱᱚᱢ ᱡᱟᱭᱜᱟ ᱨᱮ ᱪᱩᱲᱤᱱ ᱮᱢᱟᱱ ᱠᱚ ᱨᱮᱱᱟᱜ ᱞᱟᱹᱭ ᱯᱟᱨᱥᱟᱞ ᱥᱟᱨᱟ ᱫᱤᱱ ᱛᱤᱨᱞᱟᱹ ᱴᱷᱮᱱ ᱜᱮ ᱵᱟᱹᱲᱛᱤ ᱞᱮᱠᱟᱛᱮ ᱥᱟᱡᱟ ᱮᱢᱟ ᱠᱚ ᱨᱮᱱᱟᱜ ᱟᱹᱱ-ᱟᱹᱨᱤ ᱦᱮᱡ ᱟᱠᱟᱱᱟ ᱾  ᱱᱚᱶᱟ ᱠᱷᱚᱱ ᱡᱩᱫᱟᱹ ᱡᱩᱫᱟᱹ ᱡᱟᱭᱜᱟ ᱨᱮ ᱡᱩᱫᱟᱹ-ᱡᱩᱫᱟᱹ ᱧᱩᱛᱩᱢ ᱛᱮᱠᱚ ᱵᱟᱰᱟᱭᱚᱜ ᱠᱟᱱᱟ ᱡᱮᱞᱮᱠᱟ ᱪᱩᱲᱤᱱ, ᱰᱟᱹᱱ, ᱰᱟᱹᱠᱤᱱ ᱟᱨ ᱥᱟᱠᱟᱱ ᱮᱢᱟᱱ ᱾ ᱨᱟᱡᱚᱥᱛᱷᱟᱱ ᱨᱮᱭᱟᱜ ᱟᱭᱢᱟ ᱡᱟᱭᱜᱟ ᱠᱚᱨᱮ  ᱱᱩᱠᱩ ᱰᱟᱠᱟᱬ ᱟᱹᱨᱤ ᱧᱩᱛᱩᱢ ᱛᱮ ᱦᱚᱸ ᱠᱚ ᱵᱟᱰᱟᱭᱚᱜ ᱠᱟᱱᱟ ᱾ ᱱᱚᱶᱟ ᱫᱚ ᱢᱤᱫ ᱢᱟᱨᱮ ᱟᱹᱨᱤ ᱠᱟᱱᱟ, ᱡᱟᱦᱟᱸ ᱫᱚ ᱢᱟᱱᱟᱣ ᱟᱠᱟᱱᱟ ᱡᱮ ᱡᱟᱦᱟᱸᱭ ᱛᱤᱨᱞᱟᱹ ᱢᱚᱸᱛᱨᱚ- ᱵᱤᱨᱫᱟᱹ ᱵᱟᱰᱟᱭ ᱮᱫᱟᱭ ᱡᱟᱦᱟᱸᱭ ᱫᱚ ᱠᱟᱹᱴᱤᱡ ᱜᱤᱫᱽᱨᱟᱹ ᱟᱨ  ᱱᱟᱶᱟ ᱵᱟᱯᱞᱟ ᱟᱱ ᱵᱟᱹᱦᱩ ᱠᱩᱲᱤ ᱡᱟᱶᱟᱭ ᱠᱚᱲᱟ ᱠᱚᱭ ᱡᱚᱢ ᱮᱫ ᱠᱚᱣᱟ ᱾ ᱟᱥᱚᱞ ᱞᱮᱠᱟᱛᱮ ᱱᱚᱶᱟ ᱟᱹᱨᱤ ᱮᱴᱟᱜ ᱡᱟᱹᱛ ᱨᱮᱦᱚᱸ ᱢᱮᱱᱟᱜ ᱜᱮᱭᱟ ᱡᱟᱦᱟᱸ ᱫᱚ ᱫᱤᱠᱩ ᱠᱚᱴᱷᱮᱱ ᱢᱮᱱᱠᱷᱟᱱ ᱫᱤᱠᱩ ᱠᱚᱣᱟᱜ ᱞᱟᱹᱭ ᱫᱚ ᱟᱵᱚ ᱟᱹᱫᱤᱵᱟᱹᱥᱤ ᱨᱮᱜᱮ ᱠᱚ ᱧᱟᱢᱚᱜᱼᱟ,  ᱥᱟᱱᱟᱢ ᱠᱷᱚᱱ ᱢᱟᱲᱟᱝ ᱱᱚᱶᱟ ᱟᱹᱨᱤ ᱨᱮᱱᱟᱜ ᱵᱟᱰᱟᱭ ᱨᱟᱡᱚᱥᱛᱷᱟᱱ ᱨᱮᱱᱟᱜ ᱩᱫᱚᱭᱯᱩᱨ ᱴᱚᱴᱷᱟ ᱨᱮ ᱠᱷᱮᱨᱣᱟᱰᱟ ᱡᱟᱭᱜᱟ ᱨᱮ ᱟᱸᱜᱽᱨᱮᱡᱽ ᱠᱚ ᱠᱚ ᱵᱟᱰᱟᱭ ᱧᱟᱢ ᱞᱮᱫ ᱛᱟᱦᱮᱸᱱ ᱾

ᱰᱟᱹᱱ ᱟᱹᱨᱤ ᱵᱤᱦᱟᱨ ᱨᱮᱭᱟᱜ ᱟᱭᱢᱟ ᱡᱟᱭᱜᱟ ᱨᱮ ᱱᱤᱛ ᱦᱚᱸ ᱟᱭᱢᱟ ᱯᱟᱨᱥᱟᱞ ᱵᱟᱰᱟᱭ ᱢᱮᱱᱟᱜ-ᱟ ᱾ ᱱᱚᱶᱟ ᱨᱮ ᱡᱟᱫᱩ ᱧᱩᱛᱩᱢ ᱛᱮ ᱛᱤᱨᱞᱟᱹ ᱟᱭᱳ ᱦᱚᱲ ᱠᱚ ᱵᱚᱸᱜᱟ ᱚᱪᱚᱜ ᱠᱟᱱᱟ ᱾
ᱩᱛᱚᱨ ᱯᱨᱚᱫᱮᱥ ᱨᱮ ᱦᱚᱸ ᱱᱚᱝᱠᱟ ᱜᱮ ᱠᱚ ᱵᱚᱸᱜᱟ ᱮᱫ ᱠᱚᱣᱟ ᱾

==ᱵᱮ ᱵᱟᱹᱲᱤᱡ ᱟᱹᱨᱤ==
ᱟᱸᱫᱷᱟ ᱯᱟᱹᱛᱭᱟᱹᱣ ᱨᱮᱱᱟᱜ ᱵᱚᱛᱚᱨᱟᱱ ᱜᱚᱡ ᱦᱚᱸ ᱦᱩᱭᱩᱜ ᱠᱟᱱᱟ ᱾
ᱥᱮᱞᱮᱫ ᱨᱟᱥᱴᱨᱚ ᱥᱟᱶ ᱫᱚ ᱛᱤᱱᱟᱹᱝ ᱥᱮᱨᱢᱟ ᱢᱟᱲᱟᱝ ᱢᱤᱫ  ᱨᱤᱯᱚᱨᱴ ᱮ ᱥᱚᱫᱚᱨ ᱞᱮᱫ ᱛᱟᱦᱮᱸᱱ, ᱡᱟᱦᱟᱸ ᱫᱚ ᱥᱤᱧᱚᱛ ᱨᱮ ᱑᱙᱘᱗ ᱠᱷᱚᱱ ᱥᱮ ᱒᱐᱐᱓ ᱦᱟᱹᱵᱤᱡ ᱛᱮ ᱒ ᱜᱮᱥᱟᱭ ᱕᱕᱖ ᱛᱤᱨᱞᱟᱹ ᱠᱚ ᱰᱟᱹᱱ ᱥᱮ ᱪᱩᱲᱤᱱ ᱢᱮᱱ ᱠᱟᱛᱮᱫ ᱜᱚᱡᱽ ᱠᱚ ᱨᱮᱱᱟᱜ ᱠᱟᱛᱷᱟ ᱠᱚ ᱢᱮᱱ ᱞᱮᱫ ᱛᱟᱦᱮᱸᱱ ᱾  ᱱᱚᱶᱟ ᱜᱚᱡ ᱞᱟᱹᱜᱤᱫ ᱢᱟᱢᱞᱟ ᱨᱮ ᱡᱷᱟᱨᱠᱷᱚᱸᱰ ᱨᱤᱱ ᱥᱟᱱᱟᱢ ᱠᱷᱚᱱ ᱞᱟᱦᱟ ᱨᱮ ᱢᱮᱱᱟᱜ ᱠᱚᱣᱟ ᱾ ᱫᱚᱥᱟᱨ ᱨᱮ ᱫᱚ ᱳᱰᱤᱥᱟ ᱟᱨ ᱛᱮᱥᱟᱨ ᱥᱟᱛᱟᱢ ᱨᱮᱫᱚ ᱛᱟᱢᱤᱞᱱᱟᱰᱩ  ᱨᱤᱱ ᱦᱚᱲ ᱢᱮᱱᱟᱜ ᱠᱚᱣᱟ ᱾ ᱢᱤᱫ ᱨᱤᱯᱚᱨᱴ ᱠᱷᱚᱵᱚᱨ ᱵᱟᱰᱟᱭ ᱞᱮᱠᱟᱛᱮ ᱟᱨ ᱢᱤᱫ ᱫᱚᱥᱟᱨ  ᱠᱷᱚᱵᱚᱨ ᱞᱮᱠᱟᱛᱮ ᱥᱤᱧᱚᱛ ᱨᱮ ᱒᱐᱑᱑ ᱨᱮ ᱒᱔᱐, ᱒᱐᱑᱒ ᱨᱮ ᱑᱑᱙, ᱒᱐᱑᱓ ᱑᱖᱐ ᱜᱚᱡ ᱟᱸᱫᱷᱟ ᱯᱟᱹᱛᱭᱟᱹᱣ ᱧᱩᱛᱩᱢ ᱛᱮ ᱦᱩᱭ ᱟᱠᱟᱱᱟ ᱾ ᱮᱠᱞᱟ ᱡᱷᱟᱨᱠᱷᱚᱸᱰ ᱨᱮ ᱒᱐᱐᱑ ᱠᱷᱚᱱ ᱒᱐᱑᱕ ᱦᱟᱹᱵᱤᱡ ᱯᱩᱱ ᱜᱮᱥᱟᱭ ᱛᱤᱨᱞᱟᱹ ᱠᱚ ᱜᱚᱡ ᱟᱠᱟᱫ ᱠᱚᱣᱟ ᱟᱸᱫᱷᱟ ᱯᱟᱹᱛᱭᱟᱹᱣ ᱨᱮᱭᱟᱜ ᱚᱨᱥᱚᱝ ᱠᱷᱟᱹᱛᱤᱨ ᱾

==ᱵᱟᱦᱨᱮ ᱡᱚᱱᱚᱲ==

* [http://www.indg.in/social-sector/social-awareness/stop-witchcraft-sorcery/91c93e926942-91f94b92893e/view?set_language=hi ᱡᱟᱫᱩ-ᱴᱚᱱᱟ]

==ᱥᱟᱹᱠᱷᱭᱟᱹᱛ==