Jump to content

᱒᱐᱒᱖ ᱱᱮᱯᱟᱞ ᱵᱟᱱ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
᱒᱐᱒᱖ ᱱᱮᱯᱟᱞ ᱵᱟᱱ
Date᱒᱖ ᱚᱜᱚᱥᱴ ᱒᱐᱒᱖ (2026-08-26)
Locationᱨᱚᱥᱩᱣᱟ ᱦᱚᱱᱚᱛ ᱟᱨ ᱱᱩᱣᱟᱠᱳᱴ ᱦᱚᱱᱚᱛ, ᱱᱮᱯᱟᱞ
ᱜᱤᱨᱚᱝ ᱠᱟᱣᱱᱴᱤ, ᱛᱤᱵᱵᱚᱛ ᱚᱴᱚᱱᱚᱢᱟᱥ ᱴᱚᱴᱷᱟ, ᱪᱤᱱ
Typeᱟᱪᱠᱟ ᱵᱟᱱ
Deaths᱑᱖᱐+
Missing᱑,᱔᱔᱔+
Property damageᱫᱟᱜ-ᱵᱤᱡᱽᱞᱤ ᱛᱟᱞᱢᱟ, ᱚᱲᱟᱜ, ᱯᱚᱞ, ᱥᱚᱲᱚᱠ, ᱰᱮᱢ, ᱵᱮᱯᱟᱨ ᱟᱨ ᱥᱚᱨᱠᱟᱨᱤ ᱚᱯᱷᱤᱥ ᱠᱚ

᱒᱖ ᱟᱜᱚᱥᱴ ᱒᱐᱒᱖ ᱥᱮᱛᱟᱜ ᱵᱮᱲᱟ ᱨᱮ, ᱛᱨᱤᱥᱩᱞᱤ ᱜᱟᱰᱟ ᱟᱲᱮ ᱛᱮ ᱦᱮᱡ ᱟᱠᱟᱱ ᱟᱹᱰᱤ ᱵᱚᱛᱚᱨᱟᱱ ᱟᱪᱠᱟ ᱵᱟᱱ[lower-alpha ᱑] ᱫᱚ ᱱᱮᱯᱟᱞ ᱨᱮᱭᱟᱜ ᱨᱚᱥᱩᱣᱟ ᱟᱨ ᱱᱩᱣᱟᱠᱳᱴ ᱦᱚᱱᱚᱛ ᱨᱮᱭᱟᱜ ᱟᱭᱢᱟ ᱟᱹᱛᱩ ᱴᱚᱞᱟ ᱠᱚᱭ ᱵᱟᱹᱲᱤᱡ ᱠᱮᱫᱟ᱾ ᱱᱚᱶᱟ ᱵᱟᱱ ᱫᱚ ᱪᱤᱱ–ᱱᱮᱯᱟᱞ ᱥᱤᱢᱟᱹ ᱨᱮ ᱢᱮᱱᱟᱜ ᱜᱤᱨᱚᱝ ᱯᱚᱨᱴ ᱴᱚᱴᱷᱟ ᱨᱮᱦᱚᱸ ᱚᱨᱥᱚᱝ ᱮ ᱯᱟᱲᱟᱣ ᱚᱪᱚ ᱠᱮᱫᱟ, ᱡᱟᱦᱟᱸ ᱫᱚ ᱥᱤᱢᱟᱹ ᱯᱟᱨᱚᱢ ᱵᱮᱯᱟᱨ ᱟᱨ ᱫᱟᱬᱟᱱ ᱞᱟᱹᱜᱤᱫ ᱢᱤᱫ ᱢᱩᱬᱩᱛ ᱦᱚᱨ ᱠᱟᱱᱟ᱾ ᱱᱚᱶᱟ ᱟᱪᱠᱟ ᱵᱟᱱ ᱟᱨ ᱦᱟᱥᱟ ᱜᱷᱟᱥᱠᱟᱣ ᱠᱷᱟᱹᱛᱤᱨ ᱦᱚᱲ ᱠᱚ ᱛᱟᱦᱮᱸᱱ ᱴᱚᱴᱷᱟ ᱨᱮ ᱟᱹᱰᱤ ᱵᱟᱹᱲᱤᱡ ᱦᱩᱭᱮᱱᱟ, ᱟᱹᱭᱫᱟᱹᱨᱤᱭᱟᱹ ᱠᱚᱣᱟᱜ ᱨᱤᱯᱳᱨᱴ ᱞᱮᱠᱟᱛᱮ ᱱᱮᱯᱟᱞ ᱨᱮ ᱠᱚᱢ ᱥᱮ ᱠᱚᱢ ᱑᱕᱗ ᱟᱨ ᱪᱤᱱ ᱨᱮ ᱓ ᱦᱚᱲ ᱠᱚ ᱜᱚᱡ ᱟᱠᱟᱱᱟ᱾ ᱥᱮᱸᱫᱽᱨᱟ ᱟᱨ ᱵᱟᱧᱪᱟᱣ ᱠᱟᱹᱢᱤᱦᱚᱨᱟ ᱪᱟᱞᱟᱜ ᱠᱟᱱ ᱚᱠᱛᱚ ᱨᱮ, ᱴᱚᱴᱷᱟᱠᱤᱭᱟᱹ ᱦᱚᱲ ᱟᱨ ᱫᱟᱬᱟᱱ ᱦᱚᱲ ᱠᱚ ᱥᱮᱞᱮᱫ ᱠᱟᱛᱮ ᱑,᱔᱐᱐ ᱠᱷᱚᱱ ᱵᱟᱹᱲᱛᱤ ᱦᱚᱲ ᱟᱫ ᱟᱠᱟᱱᱟ ᱢᱮᱱᱛᱮ ᱯᱨᱚᱢᱟᱱ ᱧᱟᱢ ᱟᱠᱟᱱᱟ᱾ ᱟᱹᱭᱫᱟᱹᱨᱤᱭᱟᱹ ᱠᱚ ᱨᱚᱥᱩᱣᱟ, ᱱᱩᱣᱟᱠᱳᱴ, ᱫᱷᱟᱫᱤᱝ, ᱜᱳᱨᱠᱷᱟ, ᱟᱨ ᱪᱤᱛᱣᱟᱱ ᱦᱚᱱᱚᱛ ᱨᱮᱭᱟᱜ ᱜᱟᱰᱟ ᱟᱲᱮ ᱨᱮ ᱢᱮᱱᱟᱜ ᱦᱚᱲ ᱠᱚ ᱞᱟᱹᱜᱤᱫ ᱵᱟᱱ ᱨᱮᱭᱟᱜ ᱦᱩᱥᱤᱭᱟᱹᱨᱤ ᱠᱚ ᱮᱢ ᱟᱠᱟᱫᱟ᱾

ᱵᱮᱠᱜᱽᱨᱟᱣᱩᱱᱰ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱷᱳᱴᱮᱠᱳᱥᱤ ᱫᱚ ᱞᱷᱮᱱᱰᱮ ᱠᱷᱳᱞᱟ (ᱞᱮᱱᱰᱮ ᱜᱟᱰᱟ ᱢᱮᱱᱛᱮ ᱦᱚᱸ ᱵᱟᱰᱟᱭᱚᱜᱼᱟ) ᱥᱟᱶ ᱢᱤᱫᱚᱜᱼᱟ, ᱡᱟᱦᱟᱸ ᱫᱚ ᱛᱤᱵᱵᱚᱛ ᱨᱮᱭᱟᱜ ᱜᱤᱨᱚᱝ ᱠᱟᱣᱱᱴᱤ ᱠᱷᱚᱱ ᱚᱰᱚᱠ ᱠᱟᱛᱮ ᱫᱷᱩᱱᱪᱮ ᱯᱟᱨᱚᱢ ᱠᱟᱛᱮ ᱞᱤᱸᱜᱤᱱᱟ, ᱡᱟᱦᱟᱸ ᱨᱮᱭᱟᱜ ᱞᱟᱛᱟᱨ ᱦᱟᱹᱴᱤᱧ ᱫᱚ ᱛᱨᱤᱥᱩᱞᱤ ᱜᱟᱰᱟ ᱥᱤᱥᱴᱮᱢ ᱨᱮᱭᱟᱜ ᱢᱤᱫ ᱦᱟᱹᱴᱤᱧ ᱮ ᱵᱮᱱᱟᱣᱟ᱾[᱑]

ᱠᱟᱨᱚᱱ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱟᱹᱭᱫᱟᱹᱨᱤᱭᱟᱹ ᱠᱚ ᱱᱤᱛ ᱫᱷᱟᱹᱵᱤᱡ ᱵᱟᱱ ᱨᱮᱭᱟᱜ ᱥᱟᱹᱨᱤ ᱠᱟᱨᱚᱱ ᱵᱟᱝ ᱠᱚ ᱧᱟᱢ ᱟᱠᱟᱫᱟ᱾ ᱱᱮᱯᱟᱞ ᱨᱮᱱ ᱚᱯᱷᱤᱥᱤᱭᱟᱞ ᱠᱚᱣᱟᱜ ᱯᱟᱹᱛᱭᱟᱹᱣ ᱢᱮᱱᱟᱜᱼᱟ ᱡᱮ ᱞᱷᱮᱱᱰᱮ ᱠᱷᱳᱞᱟ ᱫᱚ ᱱᱮᱯᱟᱞ ᱨᱮ ᱢᱤᱫ ᱵᱚᱨᱚᱯᱷ ᱫᱷᱟᱥᱟᱣ ᱠᱷᱟᱹᱛᱤᱨ ᱮᱥᱮᱫ ᱞᱮᱱᱟ, ᱡᱟᱦᱟᱸ ᱛᱮ ᱢᱤᱫ ᱡᱷᱤᱞ ᱵᱮᱱᱟᱣ ᱞᱮᱱᱟ᱾ ᱚᱱᱟ ᱛᱟᱭᱚᱢ ᱡᱚᱠᱷᱚᱱ ᱚᱱᱟ ᱵᱚᱨᱚᱯᱷ ᱫᱷᱟᱥᱟᱣ ᱨᱮᱭᱟᱜ ᱰᱮᱢ ᱨᱟᱹᱯᱩᱫ ᱮᱱᱟ, ᱥᱟᱭᱚᱫᱽ ᱚᱛᱞᱟᱲᱟᱣ ᱠᱷᱟᱹᱛᱤᱨ, ᱩᱱ ᱚᱠᱛᱚ ᱟᱴᱠᱟᱣ ᱟᱠᱟᱱ ᱫᱟᱜ ᱟᱲᱟᱜ ᱮᱱᱟ᱾[᱒][᱓] ᱱᱚᱶᱟ ᱨᱮ ᱜᱽᱞᱮᱥᱤᱭᱟᱨ ᱡᱷᱤᱞ ᱯᱚᱥᱟᱜ ᱠᱷᱟᱹᱛᱤᱨ ᱵᱟᱱ ᱦᱚᱸ ᱥᱮᱞᱮᱫ ᱛᱟᱦᱮᱸ ᱫᱟᱲᱮᱭᱟᱜᱼᱟ᱾[᱒]

ᱱᱮᱯᱟᱞ ᱨᱮᱱ ᱵᱤᱫᱮᱥ ᱢᱚᱱᱛᱨᱤ ᱥᱤᱥᱤᱨ ᱠᱷᱟᱱᱟᱞ ᱮ ᱢᱮᱱ ᱠᱮᱫᱟ ᱡᱮ ᱮᱛᱚᱦᱚᱵ ᱛᱚᱫᱟᱨᱚᱛ ᱠᱷᱚᱱ ᱵᱟᱰᱟᱭ ᱧᱟᱢ ᱟᱠᱟᱱᱟ ᱡᱮ ᱢᱤᱫ ᱚᱛᱞᱟᱲᱟᱣ ᱠᱷᱟᱹᱛᱤᱨ ᱵᱚᱨᱚᱯᱷ ᱫᱷᱟᱥᱟᱣ ᱮᱱᱟ ᱡᱟᱦᱟᱸ ᱫᱚ ᱵᱟᱱ ᱮ ᱥᱤᱨᱡᱚᱱ ᱠᱮᱫᱟ᱾[᱔] ᱡᱚᱨᱢᱟᱱ ᱨᱤᱥᱟᱨᱪ ᱥᱮᱱᱴᱟᱨ ᱯᱷᱚᱨ ᱡᱤᱭᱳᱥᱟᱭᱤᱱᱥᱮᱥ ᱞᱮᱠᱟᱛᱮ ᱚᱛᱞᱟᱲᱟᱣ ᱨᱮᱭᱟᱜ ᱚᱠᱛᱚ ᱟᱨ ᱛᱤᱵᱵᱚᱛ ᱥᱤᱢᱟᱹ ᱯᱟᱨᱚᱢ ᱴᱷᱟᱶ ᱨᱮᱭᱟᱜ ᱢᱤᱫ ᱥᱤᱠᱤᱣᱨᱤᱴᱤ ᱵᱤᱰᱤᱭᱳ ᱨᱮᱭᱟᱜ ᱚᱠᱛᱚ ᱧᱮᱞ ᱠᱟᱛᱮ, ᱱᱚᱶᱟ ᱠᱤᱱ ᱛᱟᱞᱟ ᱨᱮ ᱮᱭᱟᱭ ᱴᱤᱲᱤᱡ ᱨᱮᱭᱟᱜ ᱯᱷᱟᱨᱟᱠ ᱛᱟᱦᱮᱸ ᱠᱟᱱᱟ᱾ ᱤᱱᱴᱟᱨᱱᱮᱥᱱᱟᱞ ᱥᱮᱱᱴᱟᱨ ᱯᱷᱚᱨ ᱤᱱᱴᱤᱜᱽᱨᱮᱴᱮᱰ ᱢᱟᱣᱩᱱᱴᱮᱱ ᱰᱮᱵᱷᱮᱞᱚᱯᱢᱮᱱᱴ ᱨᱮᱱ ᱢᱤᱫ ᱨᱚᱲ-ᱦᱚᱲ ᱮ ᱢᱮᱱ ᱠᱮᱫᱟ ᱡᱮ ᱚᱱᱟ ᱛᱟᱭᱚᱢ ᱞᱷᱮᱱᱰᱮ ᱠᱷᱳᱞᱟ ᱜᱟᱰᱟ ᱨᱮ ᱢᱤᱫ ᱵᱚᱨᱚᱯᱷ ᱫᱷᱟᱥᱟᱣ ᱦᱩᱭᱮᱱᱟ ᱡᱟᱦᱟᱸ ᱠᱷᱟᱹᱛᱤᱨ ᱵᱟᱱ ᱦᱮᱡ ᱮᱱᱟ᱾[᱕]

ᱭᱩᱱᱟᱭᱴᱮᱰ ᱥᱴᱮᱴᱥ ᱡᱤᱭᱳᱞᱳᱡᱤᱠᱟᱞ ᱥᱟᱨᱵᱷᱮ ᱟᱜ ᱡᱤᱞᱤᱧ ᱚᱠᱛᱚ ᱨᱮᱭᱟᱜ ᱥᱤᱥᱢᱤᱠ ᱣᱮᱵᱷ ᱨᱮᱭᱟᱜ ᱮᱱᱟᱞᱤᱥᱤᱥ ᱫᱚ ᱚᱛᱞᱟᱲᱟᱣ ᱵᱚᱫᱚᱞ ᱛᱮ ᱦᱟᱥᱟ ᱫᱷᱟᱥᱟᱣ ᱥᱟᱶ ᱵᱟᱹᱲᱛᱤ ᱢᱤᱞ ᱛᱟᱦᱮᱸ ᱠᱟᱱᱟ᱾ ᱱᱚᱶᱟ ᱜᱷᱚᱴᱚᱱ ᱫᱚ Ms 5.2 ᱢᱟᱯ ᱞᱮᱱᱟ, ᱐᱒:᱕᱒ UTC ᱨᱮ ᱦᱩᱭ ᱞᱮᱱᱟ, ᱟᱨ ᱱᱚᱶᱟ ᱨᱮᱭᱟᱜ ᱛᱟᱞᱢᱟ ᱫᱚ ᱞᱟᱝᱴᱟᱝ ᱟᱨ ᱞᱟᱝᱴᱟᱝ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ ᱛᱟᱞᱟ ᱨᱮ ᱛᱟᱦᱮᱸ ᱠᱟᱱᱟ᱾[᱖]

ᱚᱛᱞᱟᱲᱟᱣ ᱵᱟᱰᱟᱭ ᱧᱟᱢᱚᱜ ᱥᱟᱶ-ᱥᱟᱶᱛᱮ ᱟᱹᱰᱤ ᱡᱳᱨ ᱫᱟᱜ ᱞᱤᱸᱜᱤᱱ ᱨᱮᱭᱟᱜ ᱪᱤᱱᱦᱟᱹ ᱧᱟᱢ ᱞᱮᱱᱟ ᱟᱨ ᱱᱚᱶᱟ ᱵᱟᱱᱟᱨ ᱜᱷᱚᱴᱚᱱ ᱢᱤᱫ ᱥᱟᱶᱛᱮ ᱦᱩᱭᱩᱜ ᱟᱨ ᱥᱮᱴᱮᱞᱟᱭᱤᱴ ᱪᱤᱛᱟᱹᱨ ᱧᱮᱞ ᱠᱟᱛᱮ ᱠᱤᱪᱷᱩ ᱨᱤᱥᱟᱨᱪᱟᱨ ᱠᱚ ᱱᱚᱶᱟ ᱠᱚ ᱢᱮᱱ ᱠᱮᱫᱟ ᱡᱮ ᱜᱽᱞᱮᱥᱤᱭᱟᱨ ᱨᱮᱭᱟᱜ ᱢᱤᱫ 2,000 feet (610 m) ᱚᱥᱟᱨ ᱵᱚᱨᱚᱯᱷ ᱦᱟᱹᱴᱤᱧ ᱫᱚ ᱯᱟᱞᱮᱱ 4,000 feet (1,200 m) ᱞᱟᱛᱟᱨ ᱧᱩᱨ ᱞᱮᱱᱟ, ᱟᱨ ᱠᱟᱴᱷᱢᱟᱱᱰᱩ ᱠᱷᱚᱱ 40 miles (64 km) ᱮᱛᱚᱢ ᱥᱮᱫ ᱨᱮ ᱱᱚᱶᱟ ᱨᱟᱹᱯᱩᱫ ᱜᱮ ᱵᱟᱱ ᱥᱤᱨᱡᱚᱱ ᱨᱮᱭᱟᱜ ᱠᱟᱨᱚᱱ ᱦᱩᱭ ᱫᱟᱲᱮᱭᱟᱜᱼᱟ᱾ [᱗]

ᱜᱚᱡ ᱜᱷᱟᱹᱞ ᱠᱚ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱮᱯᱟᱞ ᱨᱮ ᱠᱚᱢ ᱥᱮ ᱠᱚᱢ ᱑᱕᱗ ᱦᱚᱲ ᱜᱚᱡ ᱨᱮᱭᱟᱜ ᱯᱨᱚᱢᱟᱱ ᱧᱟᱢ ᱟᱠᱟᱱᱟ,[᱘] ᱥᱟᱶᱛᱮ ᱖᱐᱐ ᱴᱚᱴᱷᱟᱠᱤᱭᱟᱹ ᱦᱚᱲ ᱟᱫ ᱟᱠᱟᱱᱟ ᱢᱮᱱᱛᱮ ᱵᱟᱰᱟᱭ ᱟᱠᱟᱱᱟ᱾[᱙] ᱱᱚᱶᱟ ᱵᱮᱜᱚᱨ, ᱱᱮᱯᱟᱞ ᱴᱩᱨᱤᱡᱚᱢ ᱵᱳᱨᱰ ᱮᱛᱚᱦᱚᱵ ᱞᱮᱠᱟᱛᱮ ᱕᱗᱙ ᱟᱫ ᱟᱠᱟᱱ ᱦᱚᱲ ᱠᱚᱣᱟᱜ ᱞᱮᱠᱷᱟᱭ ᱯᱟᱨᱥᱟᱞ ᱠᱮᱫᱟ, ᱡᱟᱦᱟᱸ ᱨᱮ ᱔᱖᱖ ᱵᱤᱫᱮᱥᱤ ᱦᱚᱲ ᱠᱚ ᱥᱮᱞᱮᱫ ᱢᱮᱱᱟᱜ ᱠᱚᱣᱟ᱾[᱑᱐] ᱟᱫ ᱟᱠᱟᱱ ᱦᱚᱲ ᱠᱚ ᱢᱩᱫᱽ ᱨᱮ ᱯᱮᱭᱟ ᱟᱢᱮᱨᱤᱠᱟᱱ ᱫᱟᱬᱟᱱ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ᱾[᱑᱑] ᱮᱛᱚᱢ ᱠᱳᱨᱤᱭᱟ ᱨᱮᱭᱟᱜ ᱵᱤᱫᱮᱥ ᱢᱚᱱᱛᱨᱟᱞᱚᱭ ᱘ ᱡᱚᱱᱟ ᱱᱟᱜᱟᱨᱤᱭᱟᱹ ᱟᱫ ᱟᱠᱟᱱᱟ ᱢᱮᱱᱛᱮ ᱨᱤᱯᱳᱨᱴ ᱮ ᱮᱢ ᱟᱠᱟᱫᱟ᱾[᱑᱒] ᱠᱚᱢ ᱥᱮ ᱠᱚᱢ ᱑᱐᱕ ᱥᱤᱧᱚᱛᱤᱭᱟᱹ ᱟᱨ ᱓৭ ᱵᱟᱦᱨᱮ ᱫᱤᱥᱚᱢ ᱨᱮᱱ ᱥᱤᱧᱚᱛᱤᱭᱟᱹ ᱦᱚᱸᱠᱚ ᱟᱫ ᱟᱠᱟᱱᱟ᱾ ᱟᱭᱢᱟ ᱥᱤᱧᱚᱛᱤᱭᱟᱹ ᱫᱚ ᱛᱤᱵᱵᱚᱛ ᱨᱮ ᱠᱟᱭᱞᱟᱥ ᱢᱟᱱᱚᱥᱚᱨᱳᱵᱚᱨ ᱡᱟᱛᱨᱟ ᱞᱟᱹᱜᱤᱫ ᱠᱚ ᱥᱮᱱᱚᱜ ᱠᱟᱱ ᱛᱟᱦᱮᱸᱫ ᱟᱨ ᱚᱸᱰᱮ ᱕᱙ ᱛᱤᱨᱛᱷᱚ ᱡᱟᱹᱛᱨᱤ ᱠᱚ ᱛᱟᱦᱮᱸ ᱠᱟᱱᱟ᱾ ᱵᱳᱨᱰ ᱮ ᱢᱮᱱ ᱠᱮᱫᱟ ᱡᱮ ᱚᱥᱴᱨᱮᱞᱤᱭᱟ, ᱢᱟᱞᱮᱥᱤᱭᱟ, ᱭᱩᱱᱟᱭᱴᱮᱰ ᱠᱤᱝᱰᱚᱢ, ᱮᱛᱚᱢ ᱟᱯᱷᱨᱤᱠᱟ, ᱟᱨ ᱱᱮᱫᱟᱨᱞᱮᱱᱰᱥ ᱨᱮᱱ ᱫᱟᱬᱟᱱ ᱦᱚᱲ ᱠᱚ ᱦᱚᱸᱠᱚ ᱟᱫ ᱟᱠᱟᱱᱟ᱾[᱑᱓] ᱛᱤᱢᱩᱨᱮ ᱥᱤᱢᱟᱹ ᱟᱣᱩᱴᱯᱳᱥᱴ ᱨᱮ ᱰᱤᱭᱩᱴᱤ ᱨᱮ ᱛᱟᱦᱮᱸ ᱠᱟᱱ ᱙ ᱟᱨᱢᱰ ᱯᱩᱞᱤᱥ ᱯᱷᱳᱨᱥ ᱡᱟᱣᱟᱱ ᱠᱚ ᱦᱚᱸᱠᱚ ᱟᱫ ᱟᱠᱟᱱᱟ ᱢᱮᱱᱛᱮ ᱨᱤᱯᱳᱨᱴ ᱧᱟᱢ ᱟᱠᱟᱱᱟ᱾[᱑᱔][᱑᱕] ᱒᱖ ᱯᱩᱞᱤᱥ ᱡᱟᱣᱟᱱ, ᱙ ᱟᱨᱢᱰ ᱯᱩᱞᱤᱥ ᱚᱯᱷᱤᱥᱟᱨ ᱟᱨ ᱔᱔ ᱢᱤᱞᱤᱴᱟᱨᱤ ᱨᱮᱱ ᱥᱚᱫᱚᱥᱭᱚ ᱟᱫ ᱟᱠᱟᱱᱟ ᱢᱮᱱᱛᱮ ᱨᱤᱯᱳᱨᱴ ᱢᱮᱱᱟᱜᱼᱟ᱾[᱑᱖]

ᱪᱤᱱ ᱨᱮᱭᱟᱜ ᱥᱚᱨᱠᱟᱨᱤ ᱢᱤᱰᱤᱭᱟ ᱦᱚᱸ ᱛᱤᱵᱵᱚᱛ ᱨᱮ ᱓ ᱦᱚᱲ ᱜᱚᱡ ᱟᱨ ᱒᱖᱕ ᱦᱚᱲ ᱟᱫ ᱨᱮᱭᱟᱜ ᱨᱤᱯᱳᱨᱴ ᱮ ᱮᱢ ᱟᱠᱟᱫᱟ,[᱑᱗] ᱡᱟᱦᱟᱸ ᱨᱮ ᱜᱤᱨᱚᱝ ᱯᱚᱨᱴ ᱥᱤᱢᱟᱹ ᱯᱟᱨᱚᱢ ᱴᱷᱟᱶ ᱨᱮᱭᱟᱜ ᱛᱤᱵᱵᱚᱛ ᱯᱟᱦᱴᱟ ᱨᱮᱱ ᱟᱭᱢᱟ ᱦᱚᱲ ᱥᱮᱞᱮᱫ ᱢᱮᱱᱟᱜ ᱠᱚᱣᱟ᱾[᱑᱘]

ᱠᱷᱚᱛᱤ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱵᱟᱱ ᱨᱮᱭᱟᱜ ᱵᱤᱰᱤᱭᱳ

ᱵᱟᱱ ᱫᱟᱜ ᱫᱚ ᱜᱟᱰᱟ ᱨᱮᱭᱟᱜ ᱞᱮᱵᱮᱞ ᱠᱷᱚᱱ ᱒᱗᱐ ᱯᱷᱩᱴ ᱪᱮᱛᱟᱱ ᱨᱮ ᱢᱮᱱᱟᱜ ᱟᱹᱛᱩ ᱴᱚᱞᱟ ᱠᱚᱨᱮ ᱥᱮᱴᱮᱨ ᱞᱮᱱᱟ᱾[᱑᱙] ᱱᱩᱣᱟᱠᱳᱴ ᱨᱮ, ᱵᱟᱱ ᱫᱟᱜ ᱫᱚ ᱛᱤᱢᱩᱨᱮ, ᱫᱷᱩᱱᱪᱮ, ᱢᱟᱭᱞᱩᱝ, ᱥᱭᱟᱯᱷᱨᱩᱵᱮᱥᱤ, ᱵᱮᱛᱨᱟᱣᱟᱛᱤ, ᱛᱨᱤᱥᱩᱞᱤ, ᱟᱨ ᱫᱮᱵᱷᱤᱜᱷᱟᱴ ᱮᱢᱟᱱ ᱴᱚᱴᱷᱟ ᱠᱚᱨᱮ ᱵᱚᱞᱚ ᱮᱱᱟ᱾[᱑᱙][᱒᱐] ᱴᱚᱴᱷᱟᱠᱤᱭᱟᱹ ᱚᱯᱷᱤᱥᱤᱭᱟᱞ ᱠᱚᱠᱚ ᱢᱮᱱ ᱠᱮᱫᱟ ᱡᱮ ᱫᱷᱚᱱ-ᱫᱩᱨᱤᱵᱽ ᱨᱮᱭᱟᱜ ᱟᱹᱰᱤ ᱵᱟᱹᱲᱛᱤ ᱠᱷᱚᱛᱤ ᱦᱩᱭ ᱟᱠᱟᱱᱟ; ᱟᱨ ᱛᱚᱫᱟᱨᱚᱛ ᱪᱟᱞᱟᱜ ᱠᱟᱱᱟ᱾[᱒᱐][᱒᱑]

ᱱᱮᱯᱟᱞ ᱨᱮ, ᱦᱚᱲ ᱛᱟᱦᱮᱸᱱ ᱴᱚᱴᱷᱟ ᱟᱨ ᱤᱱᱯᱷᱨᱟᱥᱴᱨᱚᱠᱪᱚᱨ, ᱥᱟᱶᱛᱮ ᱥᱚᱲᱚᱠ ᱠᱚ ᱟᱹᱰᱤ ᱵᱟᱹᱲᱤᱡ ᱠᱷᱚᱛᱤ ᱟᱠᱟᱱᱟ᱾[᱑᱘] ᱨᱚᱥᱩᱣᱟᱜᱟᱲᱤ ᱠᱚᱥᱴᱚᱢᱥ ᱚᱯᱷᱤᱥ ᱫᱚ ᱨᱟᱹᱯᱩᱫ ᱪᱟᱵᱟ ᱮᱱᱟ᱾[᱑᱙] ᱛᱨᱤᱥᱩᱞᱤ ᱵᱟᱡᱟᱨ ᱥᱟᱶ ᱡᱚᱲᱟᱣ ᱟᱠᱟᱱ ᱢᱤᱫ ᱯᱚᱞ ᱟᱹᱛᱩ ᱤᱫᱤ ᱮᱱᱟ᱾[᱑᱖]

ᱵᱤᱡᱽᱞᱤ ᱛᱮᱭᱟᱨ, ᱴᱨᱟᱱᱥᱢᱤᱥᱚᱱ, ᱟᱨ ᱦᱟᱹᱴᱤᱧ ᱤᱱᱯᱷᱨᱟᱥᱴᱨᱚᱠᱪᱚᱨ ᱨᱟᱹᱯᱩᱫ ᱮᱱ ᱠᱷᱟᱹᱛᱤᱨ ᱚᱨᱥᱚᱝ ᱯᱟᱲᱟᱣ ᱟᱠᱟᱱ ᱴᱚᱴᱷᱟ ᱠᱚᱨᱮ ᱵᱤᱡᱽᱞᱤ ᱥᱟᱯᱞᱟᱭ ᱵᱚᱸᱫᱽ ᱮᱱᱟ᱾ ᱱᱮᱯᱟᱞ ᱤᱞᱮᱠᱴᱨᱤᱥᱤᱴᱤ ᱚᱛᱷᱚᱨᱤᱴᱤ ᱮ ᱢᱮᱱ ᱠᱮᱫᱟ ᱡᱮ ᱛᱩᱨᱩᱭ ᱜᱚᱴᱟᱝ ᱢᱩᱬᱩᱛ ᱦᱟᱭᱰᱨᱚᱯᱟᱣᱟᱨ ᱟᱨ ᱴᱨᱟᱱᱥᱢᱤᱥᱚᱱ ᱥᱩᱵᱤᱫᱷᱟ ᱠᱚ ᱠᱷᱚᱛᱤ ᱟᱠᱟᱱᱟ᱾ ᱱᱚᱶᱟ ᱠᱚ ᱢᱩᱫᱽ ᱨᱮ ᱨᱚᱥᱩᱣᱟᱜᱟᱲᱤ, ᱪᱤᱞᱤᱢᱮ, ᱛᱨᱤᱥᱩᱞᱤ ᱓ᱮ, ᱛᱨᱤᱥᱩᱞᱤ ᱓ᱵᱤ ᱦᱚᱵᱽ ᱒᱒᱐ ᱠᱮᱵᱷᱤ ᱥᱟᱵᱥᱴᱮᱥᱚᱱ, ᱛᱨᱤᱥᱩᱞᱤ ᱦᱟᱭᱰᱨᱚᱯᱟᱣᱟᱨ ᱥᱴᱮᱥᱚᱱ, ᱟᱨ ᱫᱮᱵᱷᱤᱜᱷᱟᱴ ᱦᱟᱭᱰᱨᱚᱯᱟᱣᱟᱨ ᱥᱴᱮᱥᱚᱱ ᱥᱮᱞᱮᱫ ᱢᱮᱱᱟᱜᱼᱟ᱾[᱒᱒]

ᱵᱟᱧᱪᱟᱣ ᱠᱟᱹᱢᱤᱦᱚᱨᱟ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱮᱯᱟᱞ ᱥᱚᱨᱠᱟᱨ ᱫᱚ ᱥᱮᱸᱫᱽᱨᱟ, ᱵᱟᱧᱪᱟᱣ, ᱟᱨ ᱨᱤᱞᱤᱯᱷ ᱠᱟᱹᱢᱤᱦᱚᱨᱟ ᱪᱟᱞᱟᱣ ᱞᱟᱹᱜᱤᱫ ᱱᱮᱯᱟᱞ ᱟᱨᱢᱤ, ᱟᱨᱢᱰ ᱯᱩᱞᱤᱥ ᱯᱷᱳᱨᱥ, ᱟᱨ ᱱᱮᱯᱟᱞ ᱯᱩᱞᱤᱥ ᱮ ᱵᱷᱮᱡᱟ ᱠᱮᱫ ᱠᱚᱣᱟ, ᱡᱟᱦᱟᱸᱨᱮ ᱦᱮᱞᱤᱠᱚᱯᱴᱚᱨ ᱟᱨ ᱢᱮᱰᱤᱠᱟᱞ ᱴᱤᱢ ᱨᱮᱭᱟᱜ ᱜᱚᱲᱚ ᱦᱚᱸ ᱛᱟᱦᱮᱸ ᱠᱟᱱᱟ᱾[᱒᱓][᱒᱔] ᱱᱮᱯᱟᱞ ᱟᱨᱢᱤ ᱨᱤᱯᱳᱨᱴ ᱮ ᱮᱢ ᱠᱮᱫᱟ ᱡᱮ ᱠᱚᱢ ᱥᱮ ᱠᱚᱢ ᱘᱘ ᱦᱚᱲ ᱠᱚ ᱵᱟᱧᱪᱟᱣ ᱟᱠᱟᱫ ᱠᱚᱣᱟ᱾[᱑᱖]

ᱥᱤ.ᱥᱤ.ᱯᱤ ᱡᱮᱱᱮᱨᱟᱞ ᱥᱮᱠᱨᱮᱴᱟᱨᱤ ᱥᱤ ᱡᱤᱱᱯᱤᱝ ᱫᱚ ᱟᱫ ᱟᱠᱟᱱ ᱦᱚᱲ ᱠᱚ ᱥᱮᱸᱫᱽᱨᱟ ᱧᱟᱢ ᱞᱟᱹᱜᱤᱫ ᱞᱮᱛᱟᱲ ᱨᱤᱠᱟᱹ ᱟᱨ ᱵᱤᱯᱚᱫᱽ ᱢᱚᱱᱤᱴᱚᱨᱤᱝ ᱟᱨ ᱦᱩᱥᱤᱭᱟᱹᱨᱤ ᱥᱤᱥᱴᱮᱢ ᱨᱮ ᱥᱩᱫᱷᱟᱹᱨ ᱟᱹᱜᱩᱭ ᱨᱮᱭᱟᱜ ᱮ ᱫᱟᱹᱵᱤ ᱠᱮᱫᱟ᱾[᱒᱕][᱒᱖]

ᱱᱳᱴᱥ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
  1. ↑ ᱱᱮᱯᱟᱞ ᱨᱮ ᱛᱨᱤᱥᱩᱞᱤ ᱜᱟᱰᱟ ᱨᱮᱭᱟᱜ ᱪᱮᱛᱟᱱ ᱦᱟᱹᱴᱤᱧ ᱫᱚ ᱵᱷᱳᱴᱮᱠᱳᱥᱤ ᱜᱟᱰᱟ ᱢᱮᱱᱛᱮ ᱦᱚᱸ ᱵᱟᱰᱟᱭᱚᱜᱼᱟ; ᱥᱟᱢᱟᱝ ᱥᱮᱫ ᱖᱕ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜ ᱟᱨ ᱢᱤᱫ ᱢᱟᱨᱟᱝ ᱜᱟᱰᱟ, ᱡᱟᱦᱟᱸ ᱨᱮᱭᱟᱜ ᱧᱩᱛᱩᱢ ᱦᱚᱸ ᱵᱷᱳᱴᱮᱠᱳᱥᱤ, ᱚᱱᱟ ᱨᱮᱫᱚ ᱱᱚᱶᱟ ᱨᱮᱭᱟᱜ ᱚᱨᱥᱚᱝ ᱵᱟᱝ ᱯᱟᱲᱟᱣ ᱟᱠᱟᱱᱟ᱾

ᱥᱟᱹᱠᱷᱭᱟᱹᱛ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
  1. ↑ "रसुवामा भीषण बाढी, मुग्लिङसम्म सतर्कता" [Heavy flood in Rasuwa, alert up to Muglin] (in ᱱᱮᱯᱟᱞᱤ). BBC. 26 August 2026. Retrieved 26 August 2026.
  2. 1 2 "Ice avalanche, debris lake may have triggered Bhotekoshi flood". kathmandupost.com (in English). Retrieved 2026-08-26.{{cite web}}: CS1 maint: unrecognized language (link)
  3. ↑ "Nepal flash floods live: At least 98 dead and hundreds missing, including tourists, near Tibet border". Reuters. 26 August 2026. Retrieved 26 August 2026.
  4. ↑ "Flash flood hits Rasuwa, damages hydropower projects and markets". kathmandupost.com (in English). Retrieved 2026-08-26.{{cite web}}: CS1 maint: unrecognized language (link)
  5. ↑ "Hundreds missing after deadly floods hit Nepal-Tibet border". Helsinki Times. 26 August 2026. Retrieved 26 August 2026.
  6. ↑ ᱪᱷᱟᱸᱪ:Cite anss
  7. ↑ Sands, Leo. "Deadly Nepal Flood May Have Been Caused by Ice Snapping Off Glacier, Scientists Say", The New York Times, August 26, 2026. Accessed August 26, 2026. "The deadly flooding in Nepal on Wednesday was likely set off at least in part by an enormous chunk of ice snapping off a glacier and cascading thousands of feet to the valley below, according to an initial assessment by a group of geologists and glaciologists. The phenomenon is known as an ice avalanche.... On Wednesday, a chunk of ice with a width of about 2,000 feet snapped cleanly off the glacier, Dr. Shugar said, sending a mixture of ice and water to the valley floor. By his assessment, the chunk of ice fell from an altitude of around 17,000 feet, dropping almost 4,000 feet."
  8. ↑ "Flash flood on Nepal-Tibet border kills more than 150, with hundreds of tourists missing". www.bbc.com (in ᱵᱨᱤᱴᱤᱥ ᱟᱝᱜᱽᱨᱮᱡᱤ). 2026-08-26. Retrieved 2026-08-26.
  9. ↑ "At least 95 dead and more than 600 missing due to the floods in northern Nepal, near the border with China". Democrata. 26 August 2026.
  10. ↑ "Girl, 13, among dozens of Britons missing in Nepal flash floods". The Daily Telegraph. 26 August 2026.
  11. ↑ Brennan, David (26 August 2026). "Americans reported among hundreds missing in Nepal floods, tourism board says". ABC News. Retrieved 26 August 2026.
  12. ↑ "8 Koreans missing, 10 stranded in flood in Nepal". The Korea Times. Yonhap. 26 August 2026. Retrieved 26 August 2026.
  13. ↑ "Nepal flash flood from Tibet leaves 17 dead, 105 Indians missing". India Today. 26 August 2026. Retrieved 26 August 2026.
  14. ↑ "Bhotekoshi flood: What we know, what remains unclear". kathmandupost.com (in English). Retrieved 2026-08-26.{{cite web}}: CS1 maint: unrecognized language (link)
  15. ↑ "Nepal flooding latest: 12 from UK among hundreds missing after deadly flash floods hit border area, tourism board says". Sky News. 26 August 2026.
  16. 1 2 3 "Nepal flash floods: Hundreds of tourists missing and 95 people killed". BBC (in ᱵᱨᱤᱴᱤᱥ ᱟᱝᱜᱽᱨᱮᱡᱤ). 2026-08-26. Retrieved 2026-08-26.
  17. ↑ "受尼泊爾泥石流波及 西藏3死265人失聯". am730 (in ᱪᱟᱭᱱᱤᱡᱽ). 26 August 2026.
  18. 1 2 Sharma, Gopal (26 August 2026). "Nepal flash flood kills eight; damages roads, power projects". Reuters. Retrieved 26 August 2026.
  19. 1 2 3 Prasai, Kamal; Gautam, Dinesh (2026-08-26). "Rasuwa flood leaves trail of destruction from Rasuwagadhi to Bidur". Online Khabar (in ᱵᱨᱤᱴᱤᱥ ᱟᱝᱜᱽᱨᱮᱡᱤ). Retrieved 2026-08-26.
  20. 1 2 "Flood Damages Property in Nuwakot Due to Rasuwa Border Overflow". english.ratopati.com (in Nepali). Retrieved 2026-08-26.{{cite web}}: CS1 maint: unrecognized language (link)
  21. ↑ Thompson, Angus; Hoyle, Craig; Dahal, Phanindra; Bicker, Laura (2026-08-26). "Flash flood on Nepal-Tibet border kills at least 95, with hundreds of foreign tourists missing". BBC News (in ᱵᱨᱤᱴᱤᱥ ᱟᱝᱜᱽᱨᱮᱡᱤ). Retrieved 2026-08-26.
  22. ↑ "Rasuwa flood damages 6 major hydropower, transmission facilities, disrupts power supply". Nepal News. Kathmandu. 26 August 2026. Retrieved 26 August 2026.
  23. ↑ "Flood leaves parts of Rasuwa and Nuwakot cut off - OnlineKhabar English News" (in ᱵᱨᱤᱴᱤᱥ ᱟᱝᱜᱽᱨᱮᱡᱤ). 2026-08-26. Retrieved 2026-08-26.
  24. ↑ "Rasuwa flashflood: NA teams, two choppers deployed for search, rescue". GorakhaPatra. Retrieved 2026-08-26.
  25. ↑ "习近平对西藏日喀则市吉隆县遭受泥石流灾害作出重要指示". Xinhua News Agency (in Chinese (China)). Xinhua News Agency. 2026-08-26. Retrieved 2026-08-26.
  26. ↑ "Nepal flash flood kills eight; damages roads, power projects". CNN. 26 August 2026. Retrieved 26 August 2026.
"https://sat.wikipedia.org/w/index.php?title=᱒᱐᱒᱖_ᱱᱮᱯᱟᱞ_ᱵᱟᱱ&oldid=197327" ᱠᱷᱚᱱ ᱧᱟᱢ ᱟᱹᱜᱩᱭ