ᱚᱨᱡᱩᱱ ᱪᱚᱨᱚᱱ ᱥᱮᱴᱷᱤ
| ᱚᱨᱡᱩᱱ ᱪᱚᱨᱚᱱ ᱥᱮᱴᱷᱤ | |
|---|---|
 | |
| ᱥᱚᱦᱮᱛ: ᱕ ᱟᱹᱱᱤᱡ, ᱗ ᱟᱹᱱᱤᱡ, ᱑᱐ ᱟᱹᱱᱤᱡ, ᱑᱒ ᱟᱹᱱᱤᱡ, ᱑᱓ ᱟᱹᱱᱤᱡ, ᱑᱔ ᱟᱹᱱᱤᱡ, ᱑᱕ ᱟᱹᱱᱤᱡ ᱟᱨ ᱑᱖ ᱟᱹᱱᱤᱡ ᱞᱳᱠᱥᱚᱵᱷᱟ | |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱢᱚᱱᱡᱩᱞᱚᱛᱟ ᱢᱚᱱᱰᱚᱞ |
| ᱵᱟᱪᱷᱱᱟᱣ ᱮᱞᱟᱠᱟ | ᱵᱷᱚᱫᱽᱨᱚᱠ |
| ᱯᱟᱨᱥᱚᱱᱟᱞ ᱵᱤᱵᱚᱨᱚᱱ | |
| ᱡᱟᱱᱟᱢ | ᱑᱘ ᱥᱮᱯᱴᱮᱢᱵᱚᱨ ᱑᱙᱔᱑ ᱳᱰᱟᱝ, ᱵᱷᱚᱫᱽᱨᱚᱠ, ᱳᱰᱤᱥᱟ |
| ᱜᱩᱨ | ᱘ ᱡᱩᱱ ᱒᱐᱒᱐ (ᱩᱢᱮᱨ ᱗᱘ ᱥᱮᱨᱢᱟ) ᱵᱷᱩᱵᱽᱱᱮᱥᱚᱨ, ᱳᱰᱤᱥᱟ |
| ᱡᱟᱹᱛᱤᱭᱟᱹᱨᱤ | ᱥᱤᱧᱚᱛᱤᱭᱟᱹ |
| ᱨᱟᱡᱽᱟᱹᱨᱤ ᱫᱚᱞ | ᱵᱤᱡᱮᱯᱤ |
| ᱡᱤᱭᱚᱱ ᱥᱚᱦᱮᱫ | ᱥᱩᱵᱷᱚᱫᱽᱨᱟ ᱥᱮᱴᱷᱤ |
| ᱦᱚᱯᱚᱱ | ᱯᱮᱭᱟ ᱠᱚᱲᱟ ᱜᱤᱫᱽᱨᱟᱹ ᱟᱨ ᱵᱟᱨᱭᱟ ᱠᱩᱲᱤ ᱜᱤᱫᱽᱨᱟᱹ |
| ᱚᱲᱟᱜ | ᱵᱷᱚᱫᱽᱨᱚᱠ, ᱳᱰᱤᱥᱟ |
| As of ᱒᱒ ᱥᱮᱯᱴᱮᱢᱵᱚᱨ, ᱒᱐᱐᱖ Source: | |
ᱚᱨᱡᱩᱱ ᱪᱚᱨᱚᱱ ᱥᱮᱴᱷᱤ (᱑᱘ ᱥᱮᱯᱴᱮᱢᱵᱚᱨ ᱑᱙᱔᱑ – ᱘ ᱡᱩᱱ ᱒᱐᱒᱐)[᱑] ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱨᱟᱡᱽᱟᱹᱨᱤᱭᱟᱹᱭ ᱛᱟᱦᱮᱸ ᱠᱟᱱᱟ ᱾
ᱩᱱᱤ ᱫᱚ ᱑᱙᱙᱘ ᱠᱷᱚᱱ ᱒᱐᱑᱙ ᱫᱷᱟᱹᱨᱤᱡ, ᱑᱙᱙᱑ ᱠᱷᱚᱱ ᱑᱙᱙᱖ ᱫᱷᱟᱹᱨᱤᱡ, ᱑᱙᱘᱐ ᱠᱷᱚᱱ ᱑᱙᱘᱔ ᱫᱷᱟᱹᱨᱤᱡ ᱟᱨ ᱑᱙᱗᱑ ᱠᱷᱚᱱ ᱑᱙᱗᱗ ᱫᱷᱟᱹᱨᱤᱡ ᱵᱷᱚᱫᱽᱨᱚᱠ ᱵᱟᱪᱷᱱᱟᱣ ᱴᱚᱴᱷᱟ ᱠᱷᱚᱱ ᱞᱳᱠ ᱥᱚᱵᱷᱟ ᱨᱮᱭ ᱛᱟᱦᱮᱸ ᱠᱟᱱᱟ ᱾
ᱟᱡᱟᱜ ᱡᱤᱭᱚᱱ ᱚᱠᱛᱚ ᱨᱮ ᱩᱱᱤ ᱫᱚ ᱯᱩᱭᱞᱩ ᱫᱚ ᱠᱚᱝᱜᱽᱨᱮᱥ ᱯᱟᱨᱴᱤ, ᱛᱟᱭᱚᱢ ᱛᱮ ᱵᱤᱡᱩ ᱡᱚᱱᱛᱟ ᱫᱚᱞ ᱟᱨ ᱢᱩᱪᱟᱹᱫ ᱨᱮ ᱟᱡᱟᱜ ᱜᱩᱨ ᱚᱠᱛᱚ ᱨᱮ ᱵᱤᱡᱮᱯᱤ ᱨᱮ ᱥᱮᱞᱮᱫ ᱞᱮᱱᱟᱭ ᱾
᱑᱙᱗᱑ ᱥᱟᱞ ᱨᱮ ᱩᱱᱤ ᱫᱚ ᱯᱩᱭᱞᱩ ᱫᱷᱟᱣ ᱠᱚᱸᱜᱽᱨᱮᱥ ᱠᱟᱱᱰᱤᱰᱮᱴ ᱞᱮᱠᱟᱛᱮ ᱵᱷᱚᱫᱽᱨᱚᱠ ᱠᱷᱚᱱ ᱞᱳᱠᱥᱚᱵᱷᱟ ᱞᱟᱹᱜᱤᱫ ᱮ ᱵᱟᱪᱷᱚᱱ ᱞᱮᱱᱟ ᱾ ᱩᱱᱤ ᱫᱚ ᱑᱙᱘᱐ ᱥᱟᱞ ᱨᱮ ᱚᱱᱟ ᱵᱟᱪᱷᱱᱟᱣ ᱴᱚᱴᱷᱟ ᱠᱷᱚᱱ ᱥᱤᱧᱚᱛᱤᱭᱟᱹ ᱡᱟᱹᱛᱤᱭᱟᱹᱨᱤ ᱠᱚᱝᱜᱽᱨᱮᱥ (I) ᱦᱚᱛᱮᱛᱮᱭ ᱵᱟᱪᱷᱚᱱ ᱞᱮᱱᱟ ᱾ ᱑᱙᱙᱑ ᱥᱟᱞ ᱨᱮ ᱩᱱᱤ ᱫᱚ ᱚᱱᱟ ᱵᱟᱪᱷᱱᱟᱣ ᱴᱚᱴᱷᱟ ᱠᱷᱚᱱ ᱡᱟᱱᱛᱟ ᱫᱚᱞ ᱠᱟᱱᱰᱤᱰᱮᱴ ᱞᱮᱠᱟᱛᱮ ᱞᱳᱠᱥᱚᱵᱷᱟ ᱞᱟᱹᱜᱤᱫ ᱛᱮᱭ ᱵᱟᱪᱷᱚᱱ ᱞᱮᱱᱟ ᱾ ᱑᱙᱙᱘, ᱑᱙᱙᱙, ᱒᱐᱐᱔ ᱟᱨ ᱒᱐᱐᱙ ᱨᱮ ᱩᱱᱤ ᱫᱚ ᱵᱤᱡᱩ ᱡᱚᱱᱛᱟ ᱫᱚᱞ ᱠᱚᱱᱰᱤᱰᱮᱴ ᱞᱮᱠᱟᱛᱮ ᱞᱳᱠᱥᱚᱵᱷᱟ ᱞᱟᱹᱜᱤᱫ ᱛᱮᱭ ᱵᱟᱪᱷᱚᱱ ᱞᱮᱱᱟ ᱾ ᱩᱱᱤ ᱫᱚ ᱒᱐᱐᱐ ᱠᱷᱚᱱ ᱒᱐᱐᱔ ᱫᱷᱟᱹᱨᱤᱡ ᱚᱴᱚᱞ ᱵᱤᱦᱟᱨᱤ ᱵᱟᱡᱽᱯᱮᱭᱤ ᱟᱜ ᱥᱚᱨᱠᱟᱨ ᱨᱮ ᱛᱟᱞᱢᱟ ᱫᱟᱜ ᱢᱚᱱᱛᱨᱤ ᱞᱮᱠᱟᱛᱮᱭ ᱛᱟᱦᱮᱸ ᱠᱟᱱᱟ ᱾
᱒᱐᱑᱙ ᱥᱮᱨᱢᱟ ᱨᱮ ᱩᱱᱤ ᱫᱚ ᱵᱤᱡᱩ ᱡᱚᱱᱛᱟ ᱫᱚᱞ ᱠᱷᱚᱱ ᱵᱟᱦᱨᱮ ᱠᱟᱛᱮ ᱟᱡᱤᱡ ᱜᱤᱫᱽᱨᱟᱹ ᱚᱵᱷᱤᱢᱚᱱᱭᱩ ᱥᱮᱴᱷᱤ ᱥᱟᱶ ᱵᱷᱟᱨᱚᱛᱤᱭᱚ ᱡᱚᱱᱛᱟ ᱯᱟᱨᱴᱤ ᱨᱮᱭ ᱥᱮᱞᱮᱫ ᱞᱮᱱᱟ ᱾ ᱩᱱᱤ ᱫᱚ ᱘ ᱡᱩᱱ ᱒᱐᱒᱐ ᱨᱮ ᱵᱷᱩᱵᱽᱱᱮᱥᱚᱨ ᱨᱮᱱᱟᱜ ᱢᱤᱫ ᱦᱟᱥᱯᱟᱛᱟᱞ ᱨᱮ ᱜᱩᱨ ᱞᱮᱱᱟᱭ ᱾[᱑]