ᱚᱫᱤᱛᱟ ᱣᱟᱦᱤ
ᱚᱫᱤᱛᱟ ᱣᱟᱦᱤ ᱫᱚ ᱢᱤᱫ ᱵᱷᱟᱨᱚᱛᱤᱭᱚ ᱴᱮᱞᱤᱵᱤᱡᱚᱱ ᱮᱠᱴᱨᱮᱥ, ᱢᱚᱰᱮᱞ ᱟᱨ ᱮᱸᱠᱚᱨ ᱠᱟᱱᱟᱭ ᱾ ᱩᱱᱤ ᱫᱚ ᱡᱟᱹᱥᱛᱤ ᱠᱟᱭᱛᱮ ᱴᱤᱵᱷᱤ ᱥᱳ, ᱞᱳᱣᱛ ᱟᱟᱳ ᱛᱨᱤᱥᱟ (᱒᱐᱑᱔) ᱨᱮ ᱥᱳᱱᱟᱞᱤ ᱥᱣᱟᱭᱠᱟ ᱞᱮᱠᱟᱛᱮ ᱟᱨ ᱥᱟᱟᱨᱨᱛᱷᱤ (᱒᱐᱐᱗) ᱨᱮ ᱥᱮᱯᱷᱟᱞᱤ ᱜᱳᱭᱮᱱᱠᱟ ᱞᱮᱠᱟᱛᱮ ᱟᱡᱟᱜ ᱨᱳᱞ ᱞᱟᱹᱜᱤᱫ ᱵᱟᱰᱟᱭᱚᱜ ᱠᱟᱱᱟᱭ ᱾ ᱚᱫᱤᱛᱟ ᱯᱷᱮᱢᱤᱱᱟ ᱢᱤᱥ ᱤᱱᱰᱤᱭᱟ ᱵᱤᱭᱩᱴᱤ ᱯᱮᱡᱮᱸᱴ ᱨᱮ ᱯᱷᱟᱭᱱᱟᱞᱤᱥᱴ ᱮ ᱛᱟᱦᱮᱸ ᱠᱟᱱᱟ ᱾
ᱮᱛᱚᱦᱚᱵ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱚᱫᱤᱛᱟ ᱫᱚ ᱱᱟᱣᱟ ᱫᱤᱞᱞᱤ, ᱵᱷᱟᱨᱚᱛ ᱨᱮ ᱡᱟᱱᱟᱢ ᱞᱮᱱᱟᱭ ᱾ ᱩᱱᱤ ᱫᱚ ᱟᱡᱟᱜ ᱥᱠᱩᱞ ᱥᱮᱪᱮᱫ ᱠᱚᱱᱵᱷᱮᱱᱴ ᱚᱯᱷ ᱡᱤᱥᱟᱥ ᱮᱱᱰ ᱢᱮᱨᱤ, ᱫᱤᱞᱞᱤ ᱨᱮ ᱯᱩᱨᱟᱹᱣ ᱠᱮᱫᱟ ᱾ ᱩᱱᱤ ᱫᱚ ᱣᱤᱠᱮᱱᱰᱚᱨᱥ ᱨᱮ ᱢᱤᱫ ᱥᱟᱢᱟᱨ ᱤᱱᱴᱚᱨᱱᱥᱤᱯ ᱮ ᱦᱟᱛᱟᱣ ᱠᱮᱫᱟ - ᱢᱤᱫ ᱧᱩᱛᱩᱢᱟᱱ ᱞᱩᱜᱽᱲᱤ ᱨᱤᱴᱮᱞᱟᱨ ᱾ ᱠᱤᱪᱷᱩ ᱥᱮᱨᱢᱟ ᱵᱷᱤᱛᱨᱤ ᱨᱮ, ᱚᱫᱤᱛᱟ ᱫᱚ ᱫᱤᱞᱞᱤ ᱨᱮ ᱡᱚᱛᱚ ᱠᱷᱚᱱ ᱢᱟᱨᱟᱝ ᱞᱩᱜᱽᱲᱤ ᱮᱠᱥᱯᱳᱨᱴᱟᱨ ᱞᱟᱹᱜᱤᱫ ᱢᱟᱨᱪᱮᱱᱰᱟᱭᱤᱡᱤᱝ ᱮ ᱠᱟᱹᱢᱤ ᱠᱮᱫᱟ ᱾ ᱚᱱᱟ ᱛᱟᱭᱚᱢ, ᱚᱫᱤᱛᱟ ᱫᱚ ᱯᱷᱮᱥᱚᱱ ᱤᱱᱥᱴᱤᱪᱩᱴ ᱚᱯᱷ ᱴᱮᱠᱱᱚᱞᱳᱡᱤ ᱨᱮ ᱢᱟᱨᱪᱮᱱᱰᱟᱭᱤᱡᱤᱝ ᱨᱮ ᱢᱤᱫ ᱵᱤᱥᱮᱥ ᱯᱨᱳᱜᱽᱨᱟᱢ ᱯᱟᱥᱱᱟᱣ ᱞᱟᱹᱜᱤᱫ ᱱᱤᱣ ᱭᱚᱨᱠ ᱥᱤᱴᱤ ᱛᱮ ᱩᱪᱟᱹᱲ ᱮᱱᱟ ᱾ ᱱᱤᱭᱩ ᱭᱚᱨᱠ ᱨᱮ ᱛᱟᱦᱮᱸᱱ ᱚᱠᱛᱚ ᱩᱱᱤ ᱛᱷᱤᱭᱮᱴᱚᱨ ᱟᱨ ᱮᱠᱴᱤᱝ ᱥᱟᱶ ᱫᱩᱞᱟᱹᱲ ᱮ ᱧᱮᱞ ᱠᱮᱫᱟ ᱟᱨ ᱢᱩᱪᱟᱹᱫ ᱨᱮ ᱮᱠᱴᱤᱝ ᱨᱮᱱᱟᱜ ᱫᱩᱞᱟᱹᱲ ᱯᱟᱥᱱᱟᱣ ᱞᱟᱹᱜᱤᱫ ᱟᱡᱟᱜ ᱚᱠᱛᱚ ᱟᱨ ᱮᱱᱮᱨᱡᱤ ᱯᱷᱳᱠᱟᱥ ᱞᱟᱹᱜᱤᱫ ᱴᱷᱟᱹᱣᱠᱟᱹ ᱠᱮᱫᱼᱟ ᱾ ᱩᱱᱤ ᱫᱚ ᱱᱤᱭᱩ ᱭᱚᱨᱠ ᱨᱮ ᱞᱤ ᱥᱴᱨᱟᱥᱵᱚᱨᱜᱽ ᱛᱷᱤᱭᱮᱴᱚᱨ ᱟᱨ ᱯᱷᱤᱞᱢ ᱤᱱᱥᱴᱤᱪᱩᱴ ᱨᱮ ᱦᱟᱡᱟᱨ ᱞᱮᱱᱟᱭ ᱾