ᱚᱯᱚᱨᱱᱟ ᱵᱟᱞᱟᱱ
ᱚᱯᱚᱨᱱᱟ ᱵᱟᱞᱟᱱ (ᱡᱟᱱᱟᱢ ᱙ ᱚᱜᱚᱥᱴ ᱑᱙᱘᱖) ᱫᱚ ᱠᱚᱡᱷᱤᱠᱚᱰ, ᱠᱮᱨᱟᱞᱟ ᱠᱷᱚᱱ ᱢᱤᱫ ᱵᱷᱟᱨᱚᱛᱤᱭᱚ ᱵᱮᱰᱢᱤᱱᱴᱚᱱ ᱠᱷᱮᱞᱚᱸᱰᱤᱭᱟᱹ ᱠᱟᱱᱟᱭ᱾ ᱩᱱᱤ ᱒᱐᱑᱐ ᱠᱚᱢᱚᱱᱣᱮᱞᱛᱷ ᱜᱮᱢᱥ ᱨᱮ ᱨᱩᱯᱟᱹ ᱢᱮᱰᱟᱞ ᱡᱤᱛᱠᱟᱹᱨ ᱟᱠᱟᱫ ᱡᱟᱹᱛᱤᱭᱟᱹᱨᱤ ᱴᱤᱢ ᱨᱮᱱᱟᱜ ᱦᱟᱹᱴᱤᱧ ᱮ ᱛᱟᱦᱮᱸ ᱠᱟᱱᱟ, ᱒᱐᱐᱔, ᱒᱐᱐᱖ ᱟᱨ ᱒᱐᱑᱐ ᱫᱟᱠᱠᱷᱤᱱ ᱮᱥᱤᱭᱟᱱ ᱜᱮᱢᱥ ᱨᱮ ᱥᱚᱱᱟ ᱢᱮᱰᱟᱞ ᱦᱚᱸ᱾ ᱩᱱᱤ ᱫᱚ ᱢᱮᱥᱟ ᱰᱚᱵᱚᱞᱥ ᱨᱮ ᱖ ᱫᱷᱟᱣ ᱡᱟᱹᱛᱤᱭᱟᱹᱨᱤ ᱪᱟᱢᱯᱤᱭᱟᱱ ᱟᱨ ᱛᱤᱨᱞᱟᱹ ᱰᱚᱵᱚᱞᱥ ᱨᱮ ᱓ ᱫᱷᱟᱣ ᱡᱟᱹᱛᱤᱭᱟᱹᱨᱤ ᱪᱟᱢᱯᱤᱭᱟᱱ ᱠᱟᱱᱟᱭ᱾ ᱩᱱᱤ ᱟᱭᱢᱟ ᱡᱮᱜᱮᱛ ᱡᱟᱹᱛᱤᱭᱟᱹᱨᱤ ᱵᱮᱰᱢᱤᱱᱴᱚᱱ ᱴᱩᱨᱱᱟᱢᱮᱱᱴ ᱨᱮ ᱵᱷᱟᱨᱚᱛ ᱮ ᱨᱮᱯᱨᱮᱡᱮᱱᱴ ᱟᱠᱟᱫᱟ᱾
ᱠᱮᱨᱤᱭᱚᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱒᱐᱐᱖ ᱨᱮ, ᱩᱱᱤ ᱵᱷᱤ. ᱰᱤᱡᱩ ᱥᱟᱶ ᱢᱮᱥᱟ ᱠᱟᱛᱮ ᱡᱟᱹᱛᱤᱭᱟᱹᱨᱤ ᱢᱮᱥᱟ ᱰᱚᱵᱚᱞᱥ ᱴᱟᱭᱤᱴᱮᱞ ᱮ ᱡᱤᱛᱠᱟᱹᱨ ᱞᱮᱱᱟ᱾ ᱚᱱᱟ ᱥᱮᱨᱢᱟ ᱨᱮᱜᱮ, ᱩᱱᱤ ᱒᱐᱐᱖ ᱫᱟᱠᱠᱷᱤᱱ ᱮᱥᱤᱭᱟᱱ ᱜᱮᱢᱥ ᱨᱮ ᱦᱮᱯᱨᱟᱣ ᱞᱮᱱᱟ ᱟᱨ ᱛᱤᱨᱞᱟᱹ ᱟᱨ ᱢᱮᱥᱟ ᱰᱚᱵᱚᱞᱥ ᱤᱵᱷᱮᱱᱴ ᱨᱮ ᱵᱟᱨᱭᱟ ᱨᱩᱯᱟᱹ ᱢᱮᱰᱟᱞ ᱮ ᱡᱤᱛᱠᱟᱹᱨ ᱞᱮᱱᱟ᱾ ᱒᱐᱑᱐ ᱫᱟᱠᱠᱷᱤᱱ ᱮᱥᱤᱭᱟᱱ ᱜᱮᱢᱥ ᱨᱮ, ᱵᱟᱞᱟᱱ ᱥᱨᱩᱛᱤ ᱠᱩᱨᱤᱭᱮᱱ ᱥᱟᱶ ᱛᱤᱨᱞᱟᱹ ᱰᱚᱵᱚᱞᱥ ᱥᱚᱱᱟ ᱟᱨ ᱥᱟᱱᱟᱵᱷᱮ ᱛᱷᱚᱢᱟᱥ ᱥᱟᱶ ᱢᱮᱥᱟ ᱰᱚᱵᱚᱞᱥ ᱨᱩᱯᱟᱹ ᱮ ᱡᱤᱛᱠᱟᱹᱨ ᱞᱮᱱᱟ᱾
ᱯᱟᱨᱥᱚᱱᱟᱞ ᱞᱟᱭᱤᱯᱷ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱐᱙ ᱮᱯᱨᱤᱞ ᱒᱐᱑᱘ ᱨᱮ, ᱩᱱᱤ ᱥᱟᱱᱫᱤᱯ ᱮᱢ. ᱮᱥ. ᱥᱟᱶ ᱮ ᱵᱟᱯᱞᱟ ᱞᱮᱱᱟ᱾ ᱱᱩᱠᱤᱱ ᱡᱩᱨᱤ ᱨᱤᱱ ᱢᱤᱫ ᱠᱚᱲᱟ ᱜᱤᱫᱽᱨᱟᱹ ᱥᱨᱤᱭᱟᱱ ᱥᱟᱱᱫᱤᱯ ᱢᱟᱞᱤᱭᱮᱠᱠᱟᱞ ᱢᱮᱱᱟᱭᱟ᱾