ᱚᱱᱢᱳᱞ ᱠᱷᱚᱨᱵ

ᱚᱱᱢᱳᱞ ᱠᱷᱚᱨᱵ (ᱡᱟᱱᱟᱢ ᱒᱐ ᱡᱟᱱᱩᱣᱟᱨᱤ ᱒᱐᱐᱗) ᱫᱚ ᱢᱤᱫ ᱵᱷᱟᱨᱚᱛᱤᱭᱚ ᱵᱮᱰᱢᱤᱱᱴᱚᱱ ᱠᱷᱮᱞᱚᱸᱰᱤᱭᱟᱹ ᱠᱟᱱᱟᱭ ᱾ ᱩᱱᱤ ᱮᱥᱤᱭᱟ ᱴᱤᱢ ᱪᱟᱢᱯᱤᱭᱟᱱᱥᱤᱯ ᱨᱮ ᱥᱚᱱᱟ ᱮ ᱡᱤᱛᱠᱟᱹᱨ ᱟᱠᱟᱫᱟ ᱾

ᱮᱛᱚᱦᱚᱵ ᱡᱤᱭᱚᱱ

ᱠᱷᱚᱨᱵ ᱫᱚ ᱒᱐ ᱡᱟᱱᱩᱣᱟᱨᱤ ᱒᱐᱐᱗ ᱨᱮ ᱯᱷᱚᱨᱤᱫᱟᱵᱟᱫᱽ, ᱦᱚᱨᱤᱭᱟᱱᱟ ᱨᱮ ᱡᱟᱱᱟᱢ ᱞᱮᱱᱟᱭ ᱾ ᱩᱱᱤ ᱫᱚ ᱟᱡ ᱵᱚᱭᱦᱟ ᱟᱜ ᱵᱮᱰᱢᱤᱱᱴᱚᱱ ᱞᱟᱹᱜᱤᱫ ᱨᱟᱹᱥᱠᱟᱹ ᱠᱷᱚᱱ ᱮ ᱚᱨᱥᱚᱝ ᱞᱮᱱᱟ ᱾ ᱟᱡ ᱵᱚᱭᱦᱟ ᱠᱷᱮᱞ ᱠᱷᱚᱱ ᱫᱷᱭᱟᱱ ᱥᱟᱦᱟ ᱠᱟᱛᱮ ᱨᱮᱦᱚᱸ ᱚᱱᱢᱳᱞ ᱫᱚ ᱟᱡ ᱜᱷᱟᱨᱚᱸᱡᱽ ᱟᱜ ᱥᱚᱦᱚᱫ ᱛᱮ ᱱᱚᱣᱟ ᱮ ᱪᱟᱹᱞᱩ ᱫᱚᱦᱚ ᱠᱮᱫᱟ ᱾ ᱩᱱᱤ ᱯᱷᱚᱨᱤᱫᱟᱵᱟᱫᱽ ᱨᱮ ᱫᱟᱭᱟᱱᱟᱱᱫᱽ ᱯᱚᱵᱽᱞᱤᱠ ᱟᱥᱲᱟ ᱨᱮ ᱟᱨ ᱛᱟᱭᱚᱢ ᱛᱮ ᱠᱳᱪ ᱠᱩᱥᱩᱢᱢ ᱥᱤᱝ ᱛᱟᱹᱨᱤ ᱨᱮ ᱱᱚᱭᱤᱰᱟ ᱨᱮ ᱥᱟᱱᱨᱟᱭᱤᱡᱽ ᱥᱚᱴᱚᱞᱟᱨᱥ ᱮᱠᱟᱰᱮᱢᱤ ᱨᱮ ᱥᱮᱪᱮᱫ ᱮ ᱧᱟᱢ ᱠᱮᱫᱟ ᱾

ᱠᱮᱨᱤᱭᱚᱨ

ᱮᱛᱚᱦᱚᱵ (᱒᱐᱒᱓-᱒᱐᱒᱔)

᱒᱐᱒᱓ ᱨᱮ ᱠᱷᱚᱨᱵ ᱡᱟᱹᱛᱤᱭᱟᱹᱨᱤ ᱪᱟᱢᱯᱤᱭᱟᱱᱥᱤᱯ ᱨᱮ ᱥᱚᱱᱟ ᱮ ᱡᱤᱛᱠᱟᱹᱨ ᱠᱮᱫᱟ ᱾ ᱩᱱᱤᱭᱟᱜ ᱯᱩᱭᱞᱩ ᱡᱮᱜᱮᱛ ᱡᱟᱠᱟᱛ ᱴᱟᱭᱤᱴᱮᱞ ᱡᱤᱛᱠᱟᱹᱨ ᱫᱚ ᱥᱤᱱᱤᱭᱟᱨ ᱞᱮᱵᱮᱞ ᱨᱮ ᱡᱚᱠᱷᱚᱱ ᱩᱱᱤ ᱒᱐᱒᱔ ᱵᱮᱞᱡᱤᱭᱟᱱ ᱡᱮᱜᱮᱛ ᱡᱟᱠᱟᱛ ᱮ ᱡᱤᱛᱠᱟᱹᱨ ᱠᱮᱫᱟ ᱾ ᱩᱱᱤ ᱱᱚᱣᱟ ᱒᱐᱒᱔ ᱯᱳᱞᱤᱥ ᱡᱮᱜᱮᱛ ᱡᱟᱠᱟᱛ ᱨᱮ ᱟᱡᱟᱜ ᱡᱤᱛᱠᱟᱹᱨ ᱥᱟᱶᱛᱮ ᱯᱩᱨᱟᱹᱣ ᱠᱮᱫᱟ ᱚᱱᱟ ᱞᱮᱠᱟᱛᱮ ᱢᱤᱫ ᱪᱟᱸᱫᱚ ᱨᱮ ᱛᱟᱭᱚᱢ-ᱛᱟᱭᱚᱢ ᱡᱮᱜᱮᱛ ᱡᱟᱠᱟᱛ ᱴᱟᱭᱤᱴᱮᱞ ᱮ ᱡᱤᱛᱠᱟᱹᱨ ᱠᱮᱫᱟ ᱾

ᱠᱷᱚᱨᱵ ᱒᱐᱒᱔ ᱮᱥᱤᱭᱟ ᱴᱤᱢ ᱪᱟᱢᱯᱤᱭᱟᱱᱥᱤᱯ ᱨᱮ ᱥᱚᱱᱟ ᱡᱤᱛᱠᱟᱹᱨ ᱟᱠᱟᱫ ᱵᱷᱟᱨᱚᱛᱤᱭᱚ ᱛᱤᱨᱞᱟᱹ ᱫᱚᱞ ᱨᱮ ᱟᱹᱰᱤ ᱢᱩᱠᱷᱭᱟᱹ ᱮᱱᱮᱢ ᱮ ᱠᱚᱨᱟᱣ ᱠᱮᱫᱟ ᱱᱚᱣᱟ ᱪᱟᱢᱯᱤᱭᱟᱱᱥᱤᱯ ᱨᱮᱱᱟᱜ ᱱᱟᱜᱟᱢ ᱨᱮ ᱯᱩᱭᱞᱩ ᱫᱷᱟᱣ ᱵᱷᱟᱨᱚᱛᱤᱭᱚ ᱛᱤᱨᱞᱟᱹ ᱫᱚᱞ ᱪᱮᱛᱟᱱ ᱨᱮ ᱯᱮ ᱦᱚᱲ ᱠᱚ ᱥᱟᱶ ᱨᱮ ᱥᱮᱞᱮᱫ ᱞᱮᱱᱟ ᱾ ᱩᱱᱤ ᱡᱟᱦᱟᱸ ᱜᱟᱱ ᱢᱮᱪ ᱮ ᱠᱷᱮᱞ ᱞᱮᱫ ᱛᱟᱦᱮᱸᱱᱟ ᱚᱱᱟ ᱨᱮᱱᱟᱜ ᱡᱚᱛᱚ ᱯᱮᱭᱟ ᱜᱮᱭ ᱡᱤᱛᱠᱟᱹᱨ ᱞᱮᱱᱟ ᱡᱟᱦᱟᱸ ᱫᱚ ᱴᱟᱭᱤ ᱰᱤᱥᱟᱭᱤᱰᱟᱨᱥ ᱛᱟᱦᱮᱸ ᱠᱟᱱᱟ ᱾ ᱡᱚᱠᱷᱚᱱ ᱪᱟᱢᱯᱤᱭᱟᱱᱥᱤᱯ ᱮᱛᱚᱦᱚᱵ ᱞᱮᱱᱟ ᱩᱱ ᱚᱠᱛᱮ ᱵᱤᱰᱟᱹᱵᱞᱩᱭᱮᱯᱷ ᱡᱮᱜᱮᱛ ᱨᱮᱸᱠᱤᱝ ᱨᱮ ᱔᱗᱒ ᱟᱱᱟᱜ ᱴᱷᱟᱶ ᱨᱮ ᱛᱟᱦᱮᱸ ᱠᱟᱱᱟ, ᱩᱱᱤ ᱫᱚ ᱜᱨᱩᱯ ᱥᱴᱮᱡᱽ ᱨᱮ ᱑᱔᱙ ᱟᱱᱟᱜ ᱨᱮᱸᱠ ᱨᱮ ᱛᱟᱦᱮᱸ ᱠᱟᱱ ᱣᱩ ᱞᱳ ᱭᱩ, ᱥᱮᱢᱤ-ᱯᱷᱟᱭᱱᱟᱞ ᱨᱮ ᱒᱙ ᱟᱱᱟᱜ ᱨᱮᱸᱠ ᱨᱮ ᱛᱟᱦᱮᱸ ᱠᱟᱱ ᱱᱟᱛᱥᱩᱠᱤ ᱱᱤᱫᱟᱭᱨᱟ ᱟᱨ ᱯᱷᱟᱭᱱᱟᱞ ᱨᱮ ᱔᱕ ᱟᱱᱟᱜ ᱨᱮᱸᱠ ᱨᱮ ᱛᱟᱦᱮᱸ ᱠᱟᱱ ᱯᱳᱨᱱᱯᱤᱪᱟ ᱪᱳᱭᱠᱤᱣᱳᱝ ᱮ ᱦᱟᱨᱟᱣ ᱠᱮᱫ ᱠᱚᱣᱟ ᱾

ᱟᱪᱤᱵᱽᱢᱮᱱᱴ

ᱵᱤᱰᱟᱹᱵᱞᱩᱭᱮᱯᱷ ᱡᱮᱜᱮᱛ ᱴᱩᱨ (᱑ ᱨᱟᱱᱟᱨ-ᱟᱯ)

ᱵᱤᱰᱟᱹᱵᱞᱩᱭᱮᱯᱷ ᱡᱮᱜᱮᱛ ᱴᱩᱨ ᱡᱟᱦᱟᱸ ᱫᱚ ᱑᱙ ᱢᱟᱨᱪ ᱒᱐᱑᱗ ᱨᱮ ᱞᱟᱹᱭ ᱥᱚᱫᱚᱨ ᱦᱩᱭ ᱞᱮᱱᱟ ᱟᱨ ᱒᱐᱑᱘ ᱨᱮ ᱞᱟᱹᱜᱩ ᱦᱩᱭ ᱞᱮᱱᱟ, ᱱᱚᱣᱟ ᱫᱚ ᱵᱮᱰᱢᱤᱱᱴᱚᱱ ᱡᱮᱜᱮᱛ ᱯᱷᱮᱰᱮᱨᱮᱥᱚᱱ (ᱵᱤᱰᱟᱹᱵᱞᱩᱭᱮᱯᱷ) ᱦᱚᱛᱮᱛᱮ ᱢᱟᱱᱡᱩᱨᱤ ᱟᱢᱮᱴ ᱠᱟᱛᱮ ᱥᱚᱨᱮᱥ ᱵᱮᱰᱢᱤᱱᱴᱚᱱ ᱴᱩᱨᱱᱟᱢᱮᱱᱴ ᱨᱮᱱᱟᱜ ᱢᱤᱫ ᱥᱤᱨᱤᱡᱽ ᱠᱟᱱᱟ ᱾ ᱵᱤᱰᱟᱹᱵᱞᱩᱭᱮᱯᱷ ᱡᱮᱜᱮᱛ ᱴᱩᱨ ᱫᱚ ᱡᱮᱜᱮᱛ ᱴᱩᱨ ᱯᱷᱟᱭᱱᱟᱞ, ᱥᱩᱯᱟᱨ ᱑᱐᱐᱐, ᱥᱩᱯᱟᱨ ᱗᱕᱐, ᱥᱩᱯᱟᱨ ᱕᱐᱐, ᱥᱩᱯᱟᱨ ᱓᱐᱐ (ᱮᱪᱮᱥᱵᱤᱥᱤ ᱡᱮᱜᱮᱛ ᱴᱩᱨ ᱨᱮᱱᱟᱜ ᱦᱤᱸᱥ) ᱟᱨ ᱵᱤᱰᱟᱹᱵᱞᱩᱭᱮᱯᱷ ᱴᱩᱨ ᱥᱩᱯᱟᱨ ᱑᱐᱐ ᱞᱮᱵᱮᱞ ᱨᱮ ᱦᱟᱹᱴᱤᱧ ᱟᱠᱟᱱᱟ ᱾