ᱚᱱᱤᱛᱟ ᱵᱷᱟᱨᱫᱽᱣᱟᱡᱽ

ᱚᱱᱤᱛᱟ ᱵᱷᱟᱨᱫᱽᱣᱟᱡᱽ ᱫᱚ ᱢᱤᱫ ᱵᱷᱟᱨᱚᱛᱤᱭᱚ ᱩᱥᱩᱞ-ᱩᱛᱟᱹᱨ ᱨᱮᱥᱠᱩ ᱰᱟᱠᱛᱚᱨ ᱠᱟᱱᱟᱭ ᱾ ᱩᱱᱤ ᱫᱚ ᱥᱤᱠᱥ ᱥᱤᱜᱽᱢᱟ ᱦᱟᱭ ᱮᱞᱴᱤᱴᱩᱰ ᱢᱮᱰᱤᱠᱟᱞ ᱨᱮᱥᱠᱩ ᱥᱟᱨᱵᱷᱤᱥᱮᱥ ᱨᱤᱱᱤᱡ ᱡᱚᱭᱮᱱᱴ ᱢᱮᱰᱤᱠᱟᱞ ᱰᱟᱭᱨᱮᱠᱴᱚᱨ ᱠᱟᱱᱟᱭ ᱟᱨ ᱩᱱᱤ ᱫᱚ ᱵᱷᱟᱨᱚᱛ ᱨᱮ ᱛᱤᱨᱞᱟᱹ ᱠᱚ ᱞᱟᱹᱜᱤᱫ ᱡᱚᱛᱚ ᱠᱷᱚᱱ ᱪᱮᱛᱟᱱ ᱥᱤᱨᱯᱷᱟᱹ, ᱫᱟ ᱱᱟᱨᱤ ᱥᱟᱠᱛᱤ ᱯᱩᱨᱚᱥᱠᱟᱨ ᱮ ᱧᱟᱢ ᱟᱠᱟᱫᱟ ᱾

ᱡᱤᱭᱚᱱ

ᱩᱱᱤ ᱫᱚ ᱥᱤᱠᱥ ᱥᱤᱜᱽᱢᱟ ᱦᱮᱞᱛᱷᱠᱮᱭᱨ ᱦᱟᱭ ᱮᱞᱴᱤᱴᱩᱰ ᱢᱮᱰᱤᱠᱟᱞ ᱨᱮᱥᱠᱩ ᱥᱟᱨᱵᱷᱤᱥᱮᱥ, ᱵᱷᱟᱨᱚᱛ ᱨᱤᱱᱤᱡ ᱢᱮᱰᱤᱠᱟᱞ ᱰᱟᱭᱨᱮᱠᱴᱚᱨ ᱠᱟᱱᱟᱭ ᱾ ᱱᱚᱣᱟ ᱥᱟᱨᱵᱷᱤᱥ ᱫᱚ (ᱢᱟᱨᱪ ᱒᱐᱑᱘ ᱦᱟᱹᱵᱤᱡ) ᱕᱐,᱐᱐᱐ ᱠᱷᱚᱱ ᱵᱟᱹᱲᱛᱤ ᱦᱚᱲ ᱠᱚ ᱩᱥᱩᱞ-ᱩᱛᱟᱹᱨ ᱨᱮ ᱜᱚᱲᱚ ᱮᱢ ᱟᱠᱟᱫ ᱠᱚᱣᱟ ᱟᱨ ᱒᱔,᱐᱐᱐ ᱯᱷᱩᱴ ᱩᱥᱩᱞ ᱫᱷᱟᱹᱵᱤᱡ ᱠᱟᱹᱢᱤ ᱠᱟᱛᱮ ᱕,᱐᱐᱐ ᱠᱷᱚᱱ ᱵᱟᱹᱲᱛᱤ ᱛᱤᱨᱞᱟᱹ ᱟᱨ ᱜᱤᱫᱽᱨᱟᱹ ᱠᱚᱣᱟᱜ ᱡᱤᱣᱤ ᱠᱚ ᱵᱟᱧᱪᱟᱣ ᱟᱠᱟᱫᱟ ᱾^[᱑]

᱒᱐᱑᱔ ᱨᱮ ᱩᱱᱤ ᱫᱚ ᱟᱡᱟᱜ ᱠᱟᱹᱢᱤ ᱞᱟᱹᱜᱤᱫ ᱠᱚᱞᱯᱟᱱᱟ ᱪᱟᱣᱞᱟ ᱥᱚᱣᱨᱭᱟ ᱥᱤᱨᱯᱷᱟᱹ ᱮ ᱧᱟᱢ ᱠᱮᱫᱟ ᱡᱟᱦᱟᱸ ᱨᱮ ᱟᱡᱟᱜ ᱛᱤᱨᱛᱷᱟᱹᱭᱟᱹ ᱠᱚ ᱢᱟᱹᱯᱷ ᱛᱮ ᱢᱮᱰᱤᱠᱟᱞ ᱧᱮᱞ ᱫᱚᱦᱚ ᱮᱢ ᱞᱟᱹᱜᱤᱫ ᱠᱟᱹᱢᱤ ᱦᱚᱸ ᱥᱮᱞᱮᱫ ᱛᱟᱦᱮᱸ ᱠᱟᱱᱟ ᱾ ᱱᱚᱣᱟ ᱥᱤᱨᱯᱷᱟᱹ ᱫᱚ ᱕᱐,᱐᱐᱐ ᱴᱟᱠᱟ ᱨᱮᱱᱟᱜ ᱥᱤᱨᱯᱷᱟᱹ ᱮ ᱥᱟᱵ ᱠᱮᱫᱟ ᱾

ᱵᱟᱨᱫᱽᱣᱟᱡᱽ ᱫᱚ ᱨᱮᱥᱠᱩ ᱨᱮ ᱜᱚᱲᱚ ᱞᱟᱹᱜᱤᱫ ᱵᱩᱨᱩ ᱠᱚ ᱥᱮᱱᱚᱜ ᱞᱟᱹᱜᱤᱫ ᱛᱮ ᱵᱟᱰᱟᱭᱚᱜ ᱠᱟᱱᱟᱭ ᱾ ᱩᱱᱤ ᱫᱚ ᱩᱛᱛᱚᱨᱟᱠᱷᱚᱸᱰ ᱵᱟᱱ ᱟᱨ ᱱᱮᱯᱟᱞ ᱚᱛ ᱦᱤᱞᱟᱹᱣ ᱟᱨ ᱟᱢᱟᱨᱱᱟᱛᱷ ᱭᱟᱛᱨᱟ ᱨᱮᱱᱟᱜ ᱦᱩᱞ ᱨᱮ ᱟᱭᱢᱟ ᱮᱴᱟᱜ ᱦᱚᱲ ᱥᱟᱶ ᱮ ᱥᱮᱞᱮᱫ ᱟᱠᱟᱱᱟ ᱾

ᱟᱡᱟᱜ ᱱᱟᱨᱤ ᱥᱟᱠᱛᱤ ᱯᱩᱨᱚᱥᱠᱟᱨ ᱨᱮᱱᱟᱜ ᱥᱤᱨᱯᱷᱟᱹ ᱫᱚ ᱨᱟᱥᱴᱨᱚᱯᱚᱛᱤ ᱵᱷᱚᱵᱚᱱ (ᱫᱤᱥᱚᱢ ᱜᱚᱢᱠᱮ ᱢᱟᱦᱟᱞ) ᱨᱮᱱᱟᱜ ᱫᱩᱨᱵᱟᱨ ᱨᱩᱢ ᱨᱮ ᱵᱷᱟᱨᱚᱛ ᱨᱤᱱᱤᱡ ᱫᱤᱥᱚᱢ ᱜᱚᱢᱠᱮ ᱨᱟᱢ ᱱᱟᱛᱷ ᱠᱳᱵᱤᱱᱫᱽ ᱦᱚᱛᱮᱛᱮ ᱡᱮᱜᱮᱛ ᱛᱤᱨᱞᱟᱹ ᱢᱟᱦᱟᱸ ᱨᱮ ᱦᱩᱭ ᱞᱮᱱᱟ ᱾ ᱱᱚᱣᱟ ᱥᱤᱨᱯᱷᱟᱹ ᱫᱚ ᱵᱷᱟᱨᱚᱛ ᱨᱮᱱᱟᱜ ᱛᱤᱨᱞᱟᱹ ᱠᱚ ᱞᱟᱹᱜᱤᱫ ᱡᱚᱛᱚ ᱠᱷᱚᱱ ᱪᱮᱛᱟᱱ ᱱᱟᱜᱚᱨᱤᱠ ᱥᱤᱨᱯᱷᱟᱹ ᱠᱟᱱᱟ ᱾

ᱡᱩᱞᱟᱭ ᱒᱐᱑᱙ ᱨᱮ ᱩᱛᱛᱚᱨᱟᱠᱷᱚᱸᱰ ᱨᱤᱱᱤᱡ ᱢᱩᱠᱷᱭᱟᱹ ᱢᱚᱱᱛᱨᱤ ᱛᱨᱤᱵᱮᱱᱫᱽᱨᱚ ᱥᱤᱝ ᱨᱟᱣᱟᱛ ᱨᱩᱫᱨᱟᱯᱨᱚᱭᱟᱜ ᱨᱮ ᱢᱤᱫ ᱵᱩᱨᱩ ᱤᱱᱥᱴᱤᱴᱭᱩᱴ ᱨᱮ ᱯᱷᱟᱱᱰ ᱮᱢ ᱞᱟᱹᱜᱤᱫ ᱮ ᱨᱟᱡᱤ ᱮᱱᱟ ᱾ ᱯᱷᱟᱱᱰ ᱫᱚ ᱑,᱒᱐᱐ ᱠᱟᱹᱢᱤ ᱵᱮᱱᱟᱣ ᱫᱟᱲᱮᱭᱟᱜᱼᱟ ᱟᱨ ᱱᱚᱣᱟ ᱫᱚ ᱥᱤᱠᱥ ᱥᱤᱜᱽᱢᱟ ᱦᱟᱭ ᱮᱞᱴᱤᱴᱩᱰ ᱢᱮᱰᱤᱠᱟᱞ ᱨᱮᱥᱠᱩ ᱥᱟᱨᱵᱷᱤᱥᱮᱥ ᱦᱚᱛᱮᱛᱮ ᱪᱟᱞᱟᱣ ᱦᱩᱭᱩᱜᱼᱟ ᱾ ᱱᱟᱣᱟ ᱥᱮᱱᱴᱟᱨ ᱫᱚ ᱥᱮᱪᱮᱫ ᱟᱨ ᱴᱨᱮᱱᱤᱝ ᱥᱟᱶᱛᱮ ᱢᱮᱰᱤᱠᱟᱞ ᱥᱟᱨᱵᱷᱤᱥ ᱮᱢ ᱦᱩᱭᱩᱜᱼᱟ ᱾ ᱩᱱᱤ ᱫᱚ ᱥᱟᱨᱵᱷᱤᱥ ᱨᱤᱱ ᱢᱟᱨᱟᱝ ᱥᱴᱟᱯ ᱠᱚ ᱥᱤᱨᱯᱷᱟᱹᱭ ᱮᱢᱟᱫ ᱠᱚᱣᱟ ᱡᱮᱞᱮᱠᱟ ᱰᱟᱠᱛᱚᱨ ᱯᱨᱟᱫᱤᱯ ᱵᱷᱟᱨᱫᱽᱣᱟᱡᱽ, ᱥᱤᱤᱳ ᱟᱨ ᱢᱮᱰᱤᱠᱟᱞ ᱰᱟᱭᱨᱮᱠᱴᱚᱨ, ᱰᱟᱠᱛᱚᱨ ᱟᱨᱵᱤᱱᱫᱽ ᱠᱩᱢᱟᱨ, ᱰᱟᱠᱛᱚᱨ ᱯᱟᱨᱵᱷᱮᱡᱽ ᱟᱦᱢᱚᱫᱽ, ᱵᱷᱤᱢ ᱵᱟᱦᱟᱫᱩᱨ, ᱫᱮᱵᱽᱡᱤᱛ ᱱᱟᱭᱚᱠ ᱟᱨ ᱵᱷᱟᱨᱫᱽᱣᱟᱡᱽ ᱾

ᱟᱯᱱᱟᱨ ᱡᱤᱭᱚᱱ

ᱩᱱᱤ ᱫᱚ ᱰᱟᱠᱛᱚᱨ ᱯᱨᱟᱫᱤᱯ ᱵᱷᱟᱨᱫᱽᱣᱟᱡᱽ ᱥᱟᱶ ᱮ ᱵᱟᱯᱞᱟ ᱟᱠᱟᱱᱟ ᱾^[᱒]

ᱥᱟᱹᱠᱷᱭᱟᱹᱛ

↑ India #StayHome #StaySafe, P. I. B. (2018-03-07). "Meet Dr. Anita Bhardwaj, #NariShakti Puraskar 2017 awardee. She is a medical practitioner who has dedicated her career to ensuring health services in the most difficult situationspic.twitter.com/OkkEkP466M". @PIB_India (in ᱟᱝᱜᱽᱨᱮᱡᱤ). Retrieved 2020-05-15.
↑ Chawla, Kalpana (2016-03-09). "Anita Bhardwaj (34)". Nepal: Hindustan Timers (Jalandhar). Retrieved 2020-05-15 – via PressReader.

[1] India #StayHome #StaySafe, P. I. B. (2018-03-07). "Meet Dr. Anita Bhardwaj, #NariShakti Puraskar 2017 awardee. She is a medical practitioner who has dedicated her career to ensuring health services in the most difficult situationspic.twitter.com/OkkEkP466M". @PIB_India (in ᱟᱝᱜᱽᱨᱮᱡᱤ). Retrieved 2020-05-15.

[hindu-2] Chawla, Kalpana (2016-03-09). "Anita Bhardwaj (34)". Nepal: Hindustan Timers (Jalandhar). Retrieved 2020-05-15 – via PressReader.

[᱑]

[᱒]