ᱚᱱᱩᱨᱟᱫᱷᱟ ᱯᱟᱣᱩᱱᱨᱟᱡᱽ
ᱚᱱᱩᱨᱟᱫᱷᱟ ᱯᱟᱣᱩᱱᱨᱟᱡᱽ ᱥᱮ ᱯᱤ. ᱚᱱᱩᱨᱟᱫᱷᱟ (ᱡᱟᱱᱟᱢ ᱒᱕ ᱢᱮ ᱑᱙᱙᱒) ᱫᱚ ᱯᱩᱫᱷᱩᱠᱠᱳᱴᱴᱟᱭ, ᱛᱟᱢᱤᱞ ᱱᱟᱰᱩ ᱠᱷᱚᱱ ᱢᱤᱫ ᱵᱷᱟᱨᱚᱛᱤᱭᱚ ᱦᱟᱢᱟᱞ ᱛᱩᱞᱟᱹᱣᱤᱭᱟᱹ ᱠᱟᱱᱟᱭ᱾ ᱩᱱᱤ ᱒᱐᱑᱙ ᱠᱚᱢᱚᱱᱣᱮᱞᱛᱷ ᱦᱟᱢᱟᱞ ᱛᱩᱞᱟᱹᱣ ᱪᱟᱢᱯᱤᱭᱟᱱᱥᱤᱯᱥ ᱨᱮ ᱵᱷᱟᱨᱚᱛ ᱫᱤᱥᱚᱢ ᱨᱮᱯᱨᱮᱡᱮᱱᱴ ᱞᱮᱫᱟ, ᱡᱟᱦᱟᱸ ᱫᱚ ᱟᱯᱤᱭᱟ, ᱥᱟᱢᱳᱣᱟ ᱨᱮ ᱦᱩᱭ ᱞᱮᱱᱟ᱾ ᱩᱱᱤ ᱛᱤᱨᱞᱟᱹ ᱠᱚᱣᱟᱜ ᱘᱗ ᱠᱤᱞᱚᱜᱨᱟᱢ ᱛᱷᱚᱠ ᱨᱮ ᱒᱒᱑ ᱠᱤᱞᱚᱜᱨᱟᱢ (ᱥᱱᱮᱪ ᱨᱮ ᱑᱐᱐ ᱠᱤᱞᱚᱜᱨᱟᱢ ᱟᱨ ᱠᱞᱤᱱ ᱟᱨ ᱡᱚᱨᱠ ᱨᱮ ᱑᱒᱑ ᱠᱤᱞᱚᱜᱨᱟᱢ) ᱛᱩᱞᱟᱹᱣ ᱠᱟᱛᱮ ᱥᱚᱱᱟ ᱢᱮᱰᱟᱞ ᱮ ᱡᱤᱛᱠᱟᱹᱨ ᱞᱮᱱᱟ᱾
ᱮᱛᱚᱦᱚᱵ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱚᱱᱩᱨᱟᱫᱷᱟ ᱫᱚ ᱒᱕ ᱢᱮ ᱑᱙᱙᱒ ᱨᱮ ᱱᱮᱢᱢᱮᱞᱤᱯᱟᱴᱴᱤ ᱨᱮ ᱯᱩᱫᱷᱩᱠᱠᱳᱴᱴᱟᱭ, ᱛᱟᱢᱤᱞ ᱱᱟᱰᱩ ᱨᱮ ᱡᱟᱱᱟᱢ ᱞᱮᱱᱟ᱾ ᱩᱱᱤ ᱨᱤᱱ ᱢᱤᱫ ᱢᱟᱨᱟᱝ ᱵᱚᱭᱦᱟ ᱢᱟᱨᱤᱢᱩᱛᱩ ᱢᱮᱱᱟᱭᱟ᱾ ᱟᱠᱚ ᱵᱟᱵᱟ ᱠᱚ ᱦᱩᱰᱤᱧ ᱨᱮ ᱵᱟᱹᱜᱤ ᱠᱟᱛᱮ, ᱟᱡ ᱢᱟᱨᱟᱝ ᱵᱚᱭᱦᱟ ᱩᱱᱤ ᱜᱚᱲᱚ ᱞᱟᱹᱜᱤᱫ ᱟᱡᱟᱜ ᱯᱟᱲᱦᱟᱣ ᱮ ᱵᱟᱹᱜᱤ ᱞᱮᱫᱟ᱾ ᱩᱱᱤ ᱤᱧᱡᱤᱱᱤᱭᱟᱹᱨᱤᱝ ᱜᱨᱟᱡᱩᱮᱴ ᱵᱮᱱᱟᱣ ᱵᱚᱫᱚᱞ ᱛᱮ ᱠᱷᱮᱞᱚᱸᱰ ᱨᱮ ᱪᱟᱞᱟᱜ ᱞᱟᱹᱜᱤᱫ ᱩᱫᱩᱜ ᱥᱚᱫᱚᱨ ᱞᱮᱫᱮᱭᱟ᱾
ᱩᱱᱤ ᱨᱟᱡᱟᱦᱟᱜ ᱠᱚᱞᱮᱡᱽ ᱠᱷᱚᱱ ᱠᱚᱢᱯᱩᱭᱴᱚᱨ ᱥᱟᱭᱤᱱᱥ ᱜᱨᱟᱡᱩᱮᱥᱚᱱ ᱟᱨ ᱡᱮ.ᱡᱮ. ᱠᱚᱞᱮᱡᱽ ᱠᱷᱚᱱ ᱯᱳᱥᱴ ᱜᱨᱟᱡᱩᱮᱥᱚᱱ ᱮ ᱯᱩᱨᱟᱹᱣ ᱠᱮᱫᱟ᱾ ᱩᱱᱤ ᱒᱐᱑᱖ ᱨᱮ ᱛᱟᱢᱤᱞ ᱱᱟᱰᱩ ᱯᱩᱞᱤᱥ ᱨᱮ ᱛᱷᱟᱱᱟ ᱤᱱᱪᱟᱨᱡᱽ ᱞᱮᱠᱟᱛᱮ ᱛᱷᱟᱱᱡᱟᱵᱩᱨ ᱦᱚᱱᱚᱛ ᱨᱮ ᱥᱮᱞᱮᱫ ᱮᱱᱟ᱾
ᱢᱟᱨᱪ ᱒᱐᱑᱙ ᱨᱮ, ᱵᱷᱟᱨᱚᱛ ᱥᱚᱨᱠᱟᱨᱟᱜ ᱥᱟᱭᱤ ᱥᱯᱳᱱᱥᱚᱨᱥᱤᱯ ᱛᱟᱞᱟ ᱨᱮ ᱩᱱᱤ ᱯᱟᱴᱤᱭᱟᱞᱟ ᱨᱮ ᱵᱷᱟᱨᱚᱛᱤᱭᱚ ᱠᱮᱢᱯ ᱨᱮ ᱥᱮᱪᱮᱫ ᱮ ᱦᱟᱛᱟᱣ ᱠᱮᱫᱟ ᱟᱨ ᱠᱚᱢᱚᱱᱣᱮᱞᱛᱷ ᱪᱟᱢᱯᱤᱭᱟᱱᱥᱤᱯ ᱞᱟᱹᱜᱤᱫ ᱵᱟᱪᱷᱟᱣ ᱮᱱᱟ, ᱡᱟᱦᱟᱸᱨᱮ ᱩᱱᱤ ᱥᱚᱱᱟ ᱮ ᱡᱤᱛᱠᱟᱹᱨ ᱞᱮᱱᱟ᱾