ᱚᱱᱩᱨᱟᱫᱷᱟ ᱴᱤ.ᱠᱮ

ᱚᱱᱩᱨᱟᱫᱷᱟ ᱴᱤ.ᱠᱮ.
ᱚᱱᱩᱨᱟᱫᱷᱟ ᱴᱤ.ᱠᱮ.
ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ	᱓᱐ ᱮᱯᱨᱤᱞ ᱑᱙᱖᱐ (᱖᱖ ᱥᱮᱨᱢᱟ); ᱵᱮᱸᱜᱽᱞᱳᱨ, ᱢᱟᱭᱥᱩᱨ ᱯᱚᱱᱚᱛ, ᱥᱤᱧᱚᱛ
ᱥᱮᱪᱮᱫ	ᱭᱩᱱᱤᱵᱷᱟᱨᱥᱤᱴᱤ ᱵᱤᱥᱵᱮᱥᱵᱚᱨᱟᱭᱭᱟ ᱠᱚᱞᱮᱡᱽ ᱚᱯᱷ ᱤᱧᱡᱤᱱᱤᱭᱟᱹᱨᱤᱝ
ᱥᱮᱪᱮᱫ ᱟᱠᱷᱲᱟ	ᱭᱩᱱᱤᱵᱷᱟᱨᱥᱤᱴᱤ ᱵᱤᱥᱵᱮᱥᱵᱚᱨᱟᱭᱭᱟ ᱠᱚᱞᱮᱡᱽ ᱚᱯᱷ ᱤᱧᱡᱤᱱᱤᱭᱟᱹᱨᱤᱝ
ᱧᱩᱢᱱᱟᱢ	GSAT-12 ᱨᱮ ᱜᱚᱲᱚ ᱟᱨ ISRO ᱨᱮ ᱯᱩᱭᱞᱩ ᱛᱤᱨᱞᱟᱹ ᱴᱤᱢ ᱞᱤᱰᱚᱨ
	Scientific career
Fields	ᱥᱯᱮᱥ ᱥᱟᱭᱤᱱᱥ
Institutions	ᱥᱤᱧᱚᱛᱤᱭᱟᱹ ᱥᱯᱮᱥ ᱨᱤᱥᱟᱨᱪ ᱚᱨᱜᱟᱱᱟᱭᱡᱮᱥᱚᱱ (ISRO)

ᱚᱱᱩᱨᱟᱫᱷᱟ ᱴᱤ.ᱠᱮ. ᱫᱚ ᱢᱤᱫ ᱡᱤᱨᱟᱹᱣ ᱟᱠᱟᱱ ᱥᱤᱧᱚᱛᱤᱭᱟᱹ ᱥᱟᱭᱤᱱᱴᱤᱥᱴ ᱟᱨ ᱥᱤᱧᱚᱛᱤᱭᱟᱹ ᱥᱯᱮᱥ ᱨᱤᱥᱟᱨᱪ ᱚᱨᱜᱟᱱᱟᱭᱡᱮᱥᱚᱱ (ISRO) ᱨᱤᱱᱤᱡ ᱯᱨᱳᱜᱽᱨᱟᱢ ᱰᱟᱭᱨᱮᱠᱴᱚᱨ ᱠᱟᱱᱟᱭ, ᱡᱟᱦᱟᱸᱭ ᱫᱚ ᱡᱚᱜᱟᱡᱚᱜᱽ ᱥᱟᱴᱮᱞᱟᱭᱤᱴ (communication satellites) ᱨᱮ ᱜᱟᱹᱠᱷᱩᱲᱤᱭᱟᱹ ᱠᱟᱱᱟᱭ ᱾ ᱩᱱᱤ ᱫᱚ GSAT-12 ᱟᱨ GSAT-10 ᱥᱟᱴᱮᱞᱟᱭᱤᱴ ᱠᱚ ᱞᱚᱧᱪ (launch) ᱨᱮ ᱠᱟᱹᱢᱤ ᱟᱠᱟᱫᱟ ᱾ ᱩᱱᱤ ᱫᱚ ISRO ᱨᱮᱱ ᱡᱚᱛᱚ ᱠᱷᱚᱱ ᱥᱤᱱᱤᱭᱚᱨ ᱛᱤᱨᱞᱟᱹ ᱥᱟᱭᱤᱱᱴᱤᱥᱴ ᱮ ᱛᱟᱦᱮᱸ ᱠᱟᱱᱟ, ᱡᱟᱦᱟᱸᱭ ᱫᱚ ᱑᱙᱘᱒ ᱥᱟᱞᱮ ᱨᱮ ᱱᱚᱶᱟ ᱥᱯᱮᱥ ᱮᱡᱮᱱᱥᱤ ᱨᱮ ᱥᱮᱞᱮᱫ ᱞᱮᱱᱟᱭ,^[᱑]^[᱒] ᱟᱨ ISRO ᱨᱮ ᱥᱟᱴᱮᱞᱟᱭᱤᱴ ᱯᱨᱚᱡᱮᱠᱴ ᱰᱟᱭᱨᱮᱠᱴᱚᱨ ᱵᱮᱱᱟᱣ ᱟᱠᱟᱱ ᱯᱩᱭᱞᱩ ᱛᱤᱨᱞᱟᱹ ᱦᱚᱸ ᱠᱟᱱᱟᱭ ᱾^[᱓]

ᱱᱤᱡᱮᱨᱟᱜ ᱡᱤᱭᱚᱱ

ᱚᱱᱩᱨᱟᱫᱷᱟ ᱴᱤ.ᱠᱮ. ᱫᱚ ᱑᱙᱖᱑ ᱥᱟᱞᱮ ᱨᱮ ᱠᱚᱨᱱᱟᱴᱚᱠ ᱨᱮᱱᱟᱜ ᱵᱮᱸᱜᱽᱞᱳᱨ ᱨᱮ ᱡᱟᱱᱟᱢ ᱞᱮᱱᱟᱭ ᱾ ᱩᱱᱤ ᱫᱚ ᱵᱮᱸᱜᱽᱞᱳᱨ ᱨᱮᱱᱟᱜ ᱭᱩᱱᱤᱵᱷᱟᱨᱥᱤᱴᱤ ᱵᱤᱥᱵᱮᱥᱵᱚᱨᱟᱭᱭᱟ ᱠᱚᱞᱮᱡᱽ ᱚᱯᱷ ᱤᱧᱡᱤᱱᱤᱭᱟᱹᱨᱤᱝ ᱠᱷᱚᱱ ᱤᱞᱮᱠᱴᱨᱚᱱᱤᱠᱥ ᱨᱮ ᱵᱮᱪᱞᱚᱨ ᱰᱤᱜᱽᱨᱤ ᱟᱢᱮᱴ ᱟᱠᱟᱫᱟ ᱾ ᱩᱱᱤ ᱫᱚ ᱥᱟᱭᱤᱱᱥ ᱨᱮ ᱟᱹᱰᱤ ᱜᱮ ᱨᱟᱹᱥᱠᱟᱹ ᱛᱟᱦᱮᱸ ᱠᱟᱱᱟ ᱟᱨ ᱡᱟᱣᱮ ᱜᱮ ᱥᱯᱮᱥ ᱯᱨᱳᱜᱽᱨᱟᱢ ᱨᱮ ᱥᱮᱞᱮᱫᱚᱜ ᱮ ᱠᱷᱚᱡᱚᱜ ᱠᱟᱱ ᱛᱟᱦᱮᱸᱫ, ᱚᱱᱟᱛᱮ ᱩᱱᱤ ᱫᱚ ᱤᱱᱰᱤᱭᱟ ᱤᱱᱥᱴᱤᱴᱭᱩᱴ ᱚᱯᱷ ᱥᱟᱭᱤᱱᱥ (IISc) ᱠᱷᱚᱱ ᱢᱟᱥᱴᱚᱨ ᱚᱯᱷ ᱥᱟᱭᱤᱱᱥ ᱯᱟᱲᱦᱟᱣ ᱨᱮᱱᱟᱜ ᱚᱯᱷᱟᱨ ᱮ ᱵᱟᱹᱜᱤ ᱞᱮᱫᱟ ᱾^[᱔] ᱚᱱᱩᱨᱟᱫᱷᱟ ᱨᱮᱱ ᱯᱮᱭᱟ ᱢᱤᱥᱨᱟ ᱢᱮᱱᱟᱜ ᱠᱚᱣᱟ ᱾ ᱟᱡ ᱵᱟᱵᱟ ᱫᱚ ᱥᱚᱸᱥᱠᱨᱤᱛ ᱨᱤᱱᱤᱡ ᱯᱨᱚᱯᱷᱮᱥᱚᱨ ᱮ ᱛᱟᱦᱮᱸ ᱠᱟᱱᱟ ᱟᱨ ᱟᱡ ᱟᱭᱳ ᱫᱚ ᱚᱲᱟᱜ ᱥᱟᱣᱟᱨᱤ (homemaker) ᱮ ᱛᱟᱦᱮᱸ ᱠᱟᱱᱟ ᱾ ᱡᱚᱠᱷᱚᱱ ᱱᱤᱞ ᱟᱨᱢᱥᱴᱨᱚᱝ ᱑᱙᱖᱙ ᱥᱟᱞᱮ ᱨᱮ ᱪᱟᱸᱫᱚ ᱨᱮ ᱯᱮᱰ ᱞᱮᱱᱟᱭ, ᱩᱱ ᱡᱚᱠᱷᱚᱱ ᱩᱱᱤ ᱫᱚ ᱯᱩᱭᱞᱩ ᱟᱥᱲᱟ ᱨᱮ ᱛᱟᱦᱮᱸ ᱠᱟᱱᱟᱭ ᱾ ᱟᱡ ᱨᱮᱱ ᱟᱭᱳ-ᱵᱟᱵᱟ ᱩᱱᱤ ᱟᱹᱰᱤ ᱠᱤᱱ ᱩᱫᱽᱜᱟᱹᱣ ᱞᱮᱫᱮᱭᱟ ᱟᱨ ᱪᱟᱸᱫᱚ ᱢᱤᱥᱚᱱ ᱵᱟᱵᱚᱛ ᱟᱭᱢᱟ ᱠᱤᱱ ᱞᱟᱹᱭ ᱟᱫᱮ ᱛᱟᱦᱮᱸᱫ ᱾ ᱚᱱᱩᱨᱟᱫᱷᱟ ᱫᱚ ᱱᱚᱝᱠᱟᱱ ᱢᱤᱫ ᱜᱷᱟᱨᱚᱸᱡᱽ ᱨᱮ ᱵᱟᱯᱞᱟ ᱟᱠᱟᱱᱟᱭ ᱡᱟᱦᱟᱸ ᱨᱮ ᱡᱚᱛᱚ ᱦᱚᱲ ᱜᱮ ᱤᱞᱮᱠᱴᱨᱚᱱᱤᱠᱥ ᱨᱮ ᱨᱟᱹᱥᱠᱟᱹ ᱠᱚ ᱫᱚᱦᱚᱭᱟ ᱾ ᱟᱡ ᱡᱟᱶᱟᱭ ᱫᱚ ᱵᱷᱟᱨᱚᱛ ᱤᱞᱮᱠᱴᱨᱚᱱᱤᱠᱥ ᱨᱮ ᱡᱮᱱᱮᱨᱟᱞ ᱢᱮᱱᱮᱡᱚᱨ ᱠᱟᱱᱟᱭ ᱾ ᱟᱡ ᱨᱮᱱ ᱢᱟᱨᱟᱝ ᱦᱚᱯᱚᱱ ᱮᱨᱟ ᱫᱚ US ᱨᱮ ᱠᱚᱢᱯᱭᱩᱴᱚᱨ ᱥᱟᱭᱤᱱᱥ ᱤᱧᱡᱤᱱᱤᱭᱟᱹᱨ ᱠᱟᱱᱟᱭ ᱟᱨ ᱫᱚᱥᱟᱨ ᱦᱚᱯᱚᱱ ᱮᱨᱟ ᱫᱚ ᱤᱞᱮᱠᱴᱨᱚᱱᱤᱠ ᱤᱧᱡᱤᱱᱤᱭᱟᱹᱨᱤᱝ ᱨᱤᱱᱤᱡ ᱯᱟᱹᱴᱷᱩᱣᱟᱹ ᱠᱟᱱᱟᱭ ᱾

ᱠᱮᱨᱤᱭᱟᱨ

ᱟᱡ ᱨᱮᱱ ᱟᱭᱢᱟ ᱠᱞᱟᱥᱢᱮᱴ ᱠᱚ ᱞᱮᱠᱟ ᱫᱚ ᱵᱟᱝ, ᱩᱱᱤ ᱫᱚ ᱟᱡᱟᱜ ᱠᱮᱨᱤᱭᱟᱨ ᱞᱟᱹᱜᱤᱫ ᱥᱤᱧᱚᱛ ᱨᱮᱜᱮ ᱛᱟᱦᱮᱸᱱ ᱮ ᱵᱟᱪᱷᱟᱣ ᱞᱮᱫᱟ ᱾ ᱟᱡᱟᱜ ᱯᱩᱭᱞᱩ ᱠᱟᱹᱢᱤ ᱫᱚ ᱵᱮᱸᱜᱽᱞᱳᱨ ᱨᱮᱱᱟᱜ ᱥᱟᱴᱮᱞᱟᱭᱤᱴ ᱥᱮᱱᱴᱚᱨ ᱨᱮ ᱥᱟᱴᱮᱞᱟᱭᱤᱴ ᱵᱤᱰᱟᱹᱣ (testing) ᱛᱟᱦᱮᱸ ᱠᱟᱱᱟ ᱾ ᱚᱱᱩᱨᱟᱫᱷᱟ ᱴᱤ.ᱠᱮ. ᱫᱚ ᱥᱤᱱᱤᱭᱚᱨ ᱛᱤᱨᱞᱟᱹ ᱚᱯᱷᱤᱥᱚᱨ ᱠᱟᱱᱟᱭ ᱡᱟᱦᱟᱸᱭ ᱫᱚ ISRO ᱨᱮ ᱓᱔ ᱥᱮᱨᱢᱟ ᱫᱷᱟᱹᱵᱤᱡ ᱠᱟᱹᱢᱤ ᱟᱠᱟᱫᱟ ᱾ ᱩᱱᱤ ᱫᱚ ᱡᱟᱣᱮ ᱜᱮ ᱢᱮᱱᱟ, "ᱟᱢ ᱫᱚ ᱛᱤᱨᱞᱟᱹ ᱠᱟᱱᱟᱢ ᱢᱮᱱᱛᱮ ᱡᱟᱦᱟᱸᱱᱟᱜ ᱵᱤᱥᱮᱥ ᱥᱩᱵᱤᱫᱷᱟ ᱵᱟᱢ ᱧᱟᱢᱟ, ᱟᱨ ᱛᱤᱨᱞᱟᱹ ᱠᱟᱱᱟᱢ ᱢᱮᱱᱛᱮ ᱵᱟᱢ ᱵᱷᱮᱜᱟᱨ ᱵᱷᱮᱜᱟᱨᱚᱜ-ᱟ ᱾ ᱱᱚᱸᱰᱮ ᱫᱚ ᱡᱚᱛᱚ ᱦᱚᱲ ᱥᱚᱢᱟᱱ ᱜᱮᱠᱚ ᱧᱮᱞᱚᱜ-ᱟ ᱾" ᱩᱱᱤ ᱫᱚ GSAT-12, GSAT-10, GSAT-9, GSAT-17 ᱟᱨ GSAT-18 ᱞᱮᱠᱟᱱ ᱡᱚᱜᱟᱡᱚᱜᱽ ᱥᱟᱴᱮᱞᱟᱭᱤᱴ ᱠᱚ ᱞᱚᱧᱪ ᱨᱮ ᱟᱹᱭᱩᱨ ᱮ ᱮᱢ ᱟᱠᱟᱫᱟ ᱾ ᱩᱱᱤ ᱫᱚ ᱤᱱᱰᱤᱭᱟᱱ ᱨᱤᱢᱳᱴ ᱥᱮᱱᱥᱤᱝ ᱟᱨ ᱤᱱᱰᱤᱭᱟᱱ ᱨᱤᱡᱤᱭᱚᱱᱟᱞ ᱱᱮᱵᱤᱜᱮᱥᱚᱱ ᱥᱟᱴᱮᱞᱟᱭᱤᱴ ᱥᱤᱥᱴᱮᱢ ᱯᱨᱳᱜᱽᱨᱟᱢ ᱨᱮ ᱯᱨᱚᱡᱮᱠᱴ ᱢᱮᱱᱮᱡᱚᱨ ᱟᱨ ᱰᱮᱯᱩᱴᱤ ᱯᱨᱚᱡᱮᱠᱴ ᱰᱟᱭᱨᱮᱠᱴᱚᱨ ᱞᱮᱠᱟᱛᱮ ᱦᱚᱸᱭ ᱠᱟᱹᱢᱤ ᱟᱠᱟᱫᱟ ᱾ ᱩᱱᱤᱭᱟᱜ ᱜᱟᱹᱠᱷᱩᱲ ᱫᱚ ᱥᱟᱴᱮᱞᱟᱭᱤᱴ ᱪᱮᱠᱟᱣᱩᱴ ᱥᱤᱥᱴᱮᱢ ᱨᱮ ᱢᱮᱱᱟᱜ-ᱟ, ᱡᱟᱦᱟᱸ ᱫᱚ ᱥᱯᱮᱥ ᱨᱮ ᱥᱟᱴᱮᱞᱟᱭᱤᱴ ᱟᱜ ᱠᱟᱹᱢᱤ ᱦᱚᱨᱟᱭ ᱧᱮᱞᱟ ᱾^[᱕] ᱩᱱᱤ ᱫᱚ ᱒᱐ ᱜᱚᱴᱟᱝ ᱤᱧᱡᱤᱱᱤᱭᱟᱹᱨ ᱠᱚᱣᱟᱜ ᱢᱤᱫ ᱴᱮᱠᱱᱤᱠᱟᱞ ᱜᱽᱨᱩᱯ ᱨᱮᱱ ᱢᱩᱬᱩᱛ ᱮ ᱛᱟᱦᱮᱸ ᱠᱟᱱᱟᱭ ᱾

ᱥᱤᱨᱯᱷᱟᱹ ᱠᱚ

* ᱒᱐᱐᱓: ᱥᱯᱮᱥ ᱥᱟᱭᱤᱱᱥ ᱨᱮᱱᱟᱜ ᱠᱟᱹᱢᱤ ᱞᱟᱹᱜᱤᱫ ᱮᱥᱴᱨᱳᱱᱚᱴᱤᱠᱟᱞ ᱥᱳᱥᱟᱭᱴᱤ ᱚᱯᱷ ᱤᱱᱰᱤᱭᱟ ᱯᱟᱦᱴᱟ ᱠᱷᱚᱱ "ᱥᱯᱮᱥ ᱜᱳᱞᱰ ᱢᱮᱰᱟᱞ" ᱥᱤᱨᱯᱷᱟᱹ ᱾
* ᱒᱐᱑᱑: IEI ᱨᱮᱱᱟᱜ ᱱᱮᱥᱱᱟᱞ ᱰᱤᱡᱟᱭᱤᱱ ᱮᱱᱰ ᱨᱤᱥᱟᱨᱪ ᱯᱷᱳᱨᱟᱢ (NDRF) ᱯᱟᱦᱴᱟ ᱠᱷᱚᱱ "ᱥᱩᱢᱚᱱ ᱥᱚᱨᱢᱟ ᱟᱣᱟᱨᱰ" ᱾
* ᱒᱐᱑᱒: ASI- ISRO ᱢᱮᱨᱤᱴ ᱟᱣᱟᱨᱰ ᱾
* ᱒᱐᱑᱒: GSAT-12 ᱨᱮᱱᱟᱜ ᱠᱟᱹᱢᱤ ᱞᱟᱹᱜᱤᱫ ISRO ᱴᱤᱢ ᱟᱣᱟᱨᱰ ᱒᱐᱑᱒ ᱾^[᱕]

ᱥᱟᱹᱠᱷᱭᱟᱹᱛ

↑ "The women scientists who took India into space". BBC News (in ᱵᱨᱤᱴᱤᱥ ᱟᱝᱜᱽᱨᱮᱡᱤ). 12 ᱰᱤᱥᱮᱢᱵᱚᱨ 2016. Retrieved 4 ᱢᱟᱨᱪ 2017.
↑ "Meet ISRO's 'Space Girls'". Deccan Herald. 5 ᱚᱜᱚᱥᱴ 2011. Retrieved 4 ᱢᱟᱨᱪ 2017.
↑ Bihar Reporter. "Meet the lady behind success of RISAT I". The Biharprabha News (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). Retrieved 4 ᱮᱯᱨᱤᱞ 2017.
↑ ISS. "Reaching out to the skies". indianspacestation.com (in ᱵᱨᱤᱴᱤᱥ ᱟᱝᱜᱽᱨᱮᱡᱤ). Archived from the original on 2 ᱡᱩᱞᱟᱭ 2017. Retrieved 4 ᱢᱟᱨᱪ 2017.{{cite news}}: CS1 maint: unfit URL (link)
1 2 "Smt T K Anuradha – IEEE WIE Global Summit 2016". wiesummit.ieeer10.org (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). Archived from the original on 7 ᱢᱟᱨᱪ 2017. Retrieved 4 ᱢᱟᱨᱪ 2017.

[:2-1] "The women scientists who took India into space". BBC News (in ᱵᱨᱤᱴᱤᱥ ᱟᱝᱜᱽᱨᱮᱡᱤ). 12 ᱰᱤᱥᱮᱢᱵᱚᱨ 2016. Retrieved 4 ᱢᱟᱨᱪ 2017.

[:0-2] "Meet ISRO's 'Space Girls'". Deccan Herald. 5 ᱚᱜᱚᱥᱴ 2011. Retrieved 4 ᱢᱟᱨᱪ 2017.

[3] Bihar Reporter. "Meet the lady behind success of RISAT I". The Biharprabha News (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). Retrieved 4 ᱮᱯᱨᱤᱞ 2017.

[:1-4] ISS. "Reaching out to the skies". indianspacestation.com (in ᱵᱨᱤᱴᱤᱥ ᱟᱝᱜᱽᱨᱮᱡᱤ). Archived from the original on 2 ᱡᱩᱞᱟᱭ 2017. Retrieved 4 ᱢᱟᱨᱪ 2017.{{cite news}}: CS1 maint: unfit URL (link)

[:4-5] 1 2 "Smt T K Anuradha – IEEE WIE Global Summit 2016". wiesummit.ieeer10.org (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). Archived from the original on 7 ᱢᱟᱨᱪ 2017. Retrieved 4 ᱢᱟᱨᱪ 2017.

[᱑]

[᱒]

[᱓]

[᱔]

[᱕]