ᱛᱚᱭᱟ ᱜᱩᱨᱩᱝ
ᱛᱚᱭᱟ ᱜᱩᱨᱩᱝ (ᱱᱮᱯᱟᱞᱤ: तोया गुरुङ) ᱫᱚ ᱢᱤᱫ ᱱᱮᱯᱟᱞᱤ ᱚᱱᱚᱞᱤᱭᱟᱹ ᱟᱨ ᱚᱱᱚᱬᱦᱤᱭᱟᱹ ᱠᱟᱱᱟᱭ ᱾ ᱩᱱᱤᱫᱚ ᱨᱚᱭᱟᱞ ᱱᱮᱯᱟᱞ ᱮᱠᱟᱰᱮᱢᱤ ᱨᱮᱱ ᱯᱩᱭᱞᱩ ᱛᱤᱨᱞᱟᱹ ᱠᱟᱹᱢᱤᱭᱟᱹ ᱥᱚᱦᱮᱫ ᱞᱮᱠᱟᱛᱮᱭ ᱠᱟᱹᱢᱤ ᱟᱠᱟᱫᱼᱟ ᱾ ᱩᱱᱤᱫᱚ ᱑᱙᱙᱔ ᱠᱷᱚᱱ ᱒᱐᱐᱔ ᱫᱷᱟᱹᱵᱤᱡ ᱱᱮᱯᱟᱞ ᱮᱠᱟᱰᱮᱢᱤ ᱨᱮᱱᱟᱜ ᱚᱱᱚᱬᱦᱮᱸ ᱵᱤᱵᱷᱟᱜ ᱨᱮ ᱢᱩᱠᱷᱭᱟᱹᱭ ᱛᱟᱦᱮᱸ ᱠᱟᱱᱟ ᱾ ᱩᱱᱤᱫᱚ 'ᱫᱷᱚᱯᱤ' ᱟᱨ 'ᱛᱚᱭᱟ ᱜᱩᱨᱩᱝᱠᱟ ᱞᱟᱢᱟ ᱠᱚᱵᱤᱛᱟ' ᱞᱮᱠᱟᱱ ᱟᱭᱢᱟ ᱚᱱᱚᱬᱦᱮᱸ ᱯᱩᱛᱷᱤ ᱟᱨ 'ᱠᱩᱥᱩᱢ' ᱧᱩᱛᱩᱢᱟᱱ ᱢᱤᱫ ᱦᱩᱰᱤᱧ ᱠᱟᱹᱦᱱᱤ ᱯᱩᱛᱷᱤᱭ ᱪᱷᱟᱯᱟ ᱟᱠᱟᱫᱼᱟ ᱾ ᱟᱡᱟᱜ ᱚᱱᱚᱬᱦᱮᱸ ᱠᱚ ᱦᱤᱱᱫᱤ ᱟᱨ ᱤᱝᱞᱤᱥ ᱯᱟᱹᱨᱥᱤ ᱛᱮᱦᱚᱸ ᱛᱚᱨᱡᱚᱢᱟ ᱟᱠᱟᱱᱟ ᱾
ᱡᱤᱭᱚᱱ ᱠᱟᱛᱷᱟ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱱᱤᱫᱚ ᱓᱐ ᱢᱟᱨᱪ ᱑᱙᱔᱘ (᱑᱘ ᱪᱮᱛᱨᱚ ᱒᱐᱐᱔ ᱵᱤ.ᱥ.) ᱥᱟᱞᱮ ᱨᱮ ᱥᱤᱱᱫᱷᱩᱯᱟᱞᱪᱚᱣᱠ ᱦᱚᱱᱚᱛ ᱨᱮᱱᱟᱜ ᱠᱚᱫᱟᱨᱤ ᱟᱹᱛᱩ ᱨᱮᱭ ᱡᱟᱱᱟᱢ ᱞᱮᱱᱟ, ᱱᱚᱣᱟ ᱟᱹᱛᱩ ᱫᱚ ᱥᱤᱱᱳ-ᱱᱮᱯᱟᱞᱤ ᱵᱚᱰᱟᱨ ᱥᱩᱨ ᱨᱮ ᱢᱮᱱᱟᱜᱼᱟ ᱾ ᱩᱱᱤᱫᱚ ᱟᱡ ᱵᱟᱵᱟ ᱯᱩᱨᱱᱚ ᱵᱟᱦᱟᱫᱩᱨ ᱜᱩᱨᱩᱝ ᱟᱨ ᱟᱭᱳ ᱯᱚᱫᱽᱢᱟ ᱠᱩᱢᱟᱨᱤ ᱜᱩᱨᱩᱝ ᱨᱮᱱ ᱮᱭᱟᱭ ᱜᱤᱫᱽᱨᱟᱹ ᱠᱚ ᱢᱩᱫᱽ ᱨᱮ ᱡᱚᱛᱚ ᱠᱷᱚᱱ ᱢᱟᱨᱟᱝ ᱮ ᱛᱟᱦᱮᱸ ᱠᱟᱱᱟ ᱾ ᱟᱡ ᱵᱟᱵᱟ ᱫᱚ ᱨᱚᱭᱟᱞ ᱱᱮᱯᱟᱞ ᱟᱨᱢᱤ ᱨᱮ ᱢᱮᱡᱚᱨ ᱮ ᱛᱟᱦᱮᱸ ᱠᱟᱱ ᱠᱷᱟᱹᱛᱤᱨ, ᱩᱱᱤᱫᱚ ᱟᱡᱟᱜ ᱜᱤᱫᱽᱨᱟᱹ ᱵᱮᱲᱟ ᱱᱮᱯᱟᱞ ᱨᱮᱱᱟᱜ ᱟᱭᱢᱟ ᱦᱚᱱᱚᱛ ᱨᱮ ᱠᱷᱮᱢᱟᱣ ᱟᱠᱟᱫᱼᱟ ᱾ ᱩᱱᱤᱫᱚ ᱟᱡᱟᱜ ᱦᱟᱭᱤᱥᱠᱩᱞ ᱥᱮᱪᱮᱫ ᱥᱤᱧᱚᱛ ᱨᱮᱱᱟᱜ ᱠᱚᱞᱠᱟᱛᱟ ᱨᱮ ᱢᱮᱱᱟᱜ ᱟᱢᱟᱨ ᱦᱤᱱᱫᱤ ᱥᱠᱩᱞ ᱠᱷᱚᱱ ᱮ ᱧᱟᱢ ᱞᱮᱫᱼᱟ ᱾ ᱩᱱᱤᱫᱚ ᱦᱩᱰᱤᱧ ᱩᱢᱮᱨ ᱠᱷᱚᱱ ᱜᱮ ᱚᱱᱚᱬᱦᱮᱸ ᱚᱞ ᱮᱛᱚᱦᱚᱵ ᱞᱮᱫᱼᱟ ᱾
ᱩᱱᱤᱫᱚ ᱟᱨᱴᱥ ᱨᱮ ᱢᱟᱥᱴᱟᱨᱥ ᱰᱤᱜᱽᱨᱤ ᱟᱨ ᱟᱹᱱᱟᱹᱨᱤ ᱨᱮ ᱰᱤᱜᱽᱨᱤ ᱮ ᱧᱟᱢ ᱞᱮᱫᱼᱟ ᱾ ᱟᱡᱟᱜ ᱯᱟᱲᱦᱟᱣ ᱠᱷᱚᱨᱪᱚ ᱠᱟᱹᱣᱰᱤ ᱞᱟᱹᱜᱤᱫ ᱩᱱᱤᱫᱚ ᱢᱤᱫ ᱵᱮᱸᱠ ᱨᱮ ᱠᱤᱨᱟᱹᱱᱤ ᱞᱮᱠᱟᱛᱮᱭ ᱠᱟᱹᱢᱤ ᱟᱠᱟᱫᱼᱟ ᱾
ᱩᱱᱤᱫᱚ PEN ᱱᱮᱯᱟᱞ ᱨᱮᱱ ᱛᱷᱟᱯᱚᱱᱤᱭᱟᱹ ᱥᱚᱦᱮᱫ ᱠᱚ ᱢᱩᱫᱽ ᱨᱮ ᱢᱤᱫ ᱦᱚᱲ ᱮ ᱛᱟᱦᱮᱸ ᱠᱟᱱᱟ ᱾
ᱥᱤᱨᱯᱷᱟᱹ ᱠᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱱᱤᱫᱚ ᱟᱡᱟᱜ ᱠᱟᱹᱢᱤ ᱠᱚ ᱞᱟᱹᱜᱤᱫ ᱟᱭᱢᱟ ᱥᱤᱨᱯᱷᱟᱹᱭ ᱧᱟᱢ ᱟᱠᱟᱫᱼᱟ, ᱡᱮᱞᱮᱠᱟ ᱑᱙᱘᱖ ᱥᱟᱞᱮ ᱨᱮ 'ᱯᱨᱚᱛᱤᱵᱷᱟ ᱯᱩᱨᱚᱥᱠᱟᱨ', ᱑᱙᱘᱘ ᱥᱟᱞᱮ ᱨᱮ 'ᱵᱮᱛᱷᱤᱛ ᱥᱟᱶᱦᱮᱫ ᱥᱤᱨᱯᱷᱟᱹ' ᱟᱨ ᱑᱙᱘᱙ ᱥᱟᱞᱮ ᱨᱮ ᱨᱚᱛᱱᱚ ᱥᱨᱤ ᱥᱚᱱᱟ ᱢᱮᱰᱟᱞ ᱾ ᱩᱱᱤᱫᱚ ᱒᱐᱑᱗ ᱥᱟᱞᱮ ᱨᱮ ᱜᱟᱝᱜᱟᱫᱮᱵᱤ ᱪᱚᱣᱫᱷᱟᱨᱤ ᱥᱢᱨᱤᱛᱤ ᱥᱚᱢᱢᱟᱱ ᱛᱮᱠᱚ ᱢᱟᱹᱱ ᱦᱟᱞᱟᱝ ᱞᱮᱫᱮᱭᱟ ᱾