ᱛᱚᱱᱩᱡᱟ ᱪᱚᱸᱫᱽᱨᱟ
| ᱛᱚᱱᱩᱡᱟ ᱪᱚᱸᱫᱽᱨᱟ | |
|---|---|
 ᱛᱚᱱᱩᱡᱟ ᱪᱚᱸᱫᱽᱨᱟ ᱒᱐᱐᱗ ᱨᱮ | |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱫᱤᱞᱞᱤ, ᱥᱤᱧᱚᱛ |
| ᱫᱤᱥᱚᱢᱤᱭᱟᱹ | ᱥᱤᱧᱚᱛᱤᱭᱟᱹ |
| ᱠᱟᱹᱢᱤ | ᱯᱷᱤᱞᱤᱢ ᱩᱫᱩᱜᱤᱭᱟᱹ, ᱚᱱᱚᱞᱤᱭᱟᱹ |
ᱛᱚᱱᱩᱡᱟ ᱪᱚᱸᱫᱽᱨᱟ ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱯᱷᱤᱞᱤᱢ ᱩᱫᱩᱜᱤᱭᱟᱹ ᱟᱨ ᱚᱱᱚᱞᱤᱭᱟᱹ ᱠᱟᱱᱟᱭ ᱾ ᱩᱱᱤ ᱫᱚ ᱭᱚᱥ ᱪᱚᱯᱨᱟ ᱦᱟᱜ ᱦᱚᱲ ᱠᱩᱥᱤᱭᱟᱱ ᱯᱷᱤᱞᱤᱢ ᱫᱤᱞ ᱛᱳ ᱯᱟᱜᱚᱞ ᱦᱮ ᱯᱷᱤᱞᱤᱢ ᱞᱟᱹᱜᱤᱫ ᱢᱤᱫ ᱡᱚᱱᱚᱲᱟᱣ ᱥᱠᱨᱤᱱ ᱨᱟᱭᱴᱚᱨ ᱮ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱵᱟᱹᱲᱛᱤ ᱞᱮᱠᱟ ᱛᱮᱫᱚ ᱛᱤᱨᱞᱟᱹᱨᱤᱭᱟᱹ ᱯᱷᱤᱞᱤᱢ ᱠᱚ ᱩᱫᱩᱜ ᱞᱟᱹᱜᱤᱫ ᱵᱷᱟᱹᱜᱤ ᱩᱯᱨᱩᱢ ᱢᱮᱱᱟᱜ ᱛᱟᱭᱟ , ᱡᱟᱦᱟᱸᱨᱮ ᱛᱤᱨᱞᱟᱹ ᱠᱷᱮᱞᱚᱸᱰᱟᱹᱱᱤ ᱫᱚ ᱟᱡᱟᱜ ᱯᱷᱤᱞᱤᱢ ᱨᱮ ᱢᱩᱠᱷᱤᱭᱟᱹ ᱴᱷᱟᱶ ᱨᱮᱭ ᱛᱟᱦᱮᱸᱱᱟ ᱾ ᱚᱱᱟ ᱠᱚᱨᱮ ᱠᱷᱚᱱ ᱛᱤᱱᱟᱹᱝ ᱜᱟᱱ ᱯᱷᱤᱞᱤᱢ ᱫᱚ ᱫᱩᱥᱢᱚᱱ ᱟᱨ ᱥᱚᱝᱜᱷᱚᱨᱥ ᱥᱮᱞᱮᱫ ᱢᱮᱱᱟᱜ-ᱟ ᱾ [᱑]
ᱜᱷᱟᱨᱚᱸᱡᱽ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱛᱚᱱᱩᱡᱟ ᱪᱚᱸᱫᱽᱨᱟ ᱦᱟᱜ ᱡᱟᱱᱟᱢ ᱫᱚ ᱫᱤᱞᱞᱤ ᱨᱮ ᱦᱩᱭ ᱞᱮᱱ ᱛᱟᱦᱮᱸᱫ ᱾ [᱒] ᱩᱱᱤ ᱫᱚ ᱧᱩᱛᱩᱢᱟᱱ ᱚᱱᱚᱞᱤᱭᱟᱹ ᱵᱤᱠᱨᱚᱢ ᱪᱚᱸᱫᱽᱨᱟ ᱭᱤᱡ ᱵᱩᱦᱤᱱ ᱠᱟᱱᱟᱭ ᱟᱨ ᱯᱷᱤᱞᱤᱢ ᱠᱨᱤᱴᱤᱠ ᱚᱱᱩᱯᱚᱢᱟ ᱪᱳᱯᱨᱟ ᱭᱤᱡ ᱦᱚᱸ ᱵᱚᱭᱦᱟ ᱠᱟᱱᱟᱭ ᱾ ᱩᱱᱤ ᱟᱡ ᱟᱭᱳ ᱫᱚ ᱯᱷᱤᱞᱤᱢ ᱚᱻᱚᱞᱤᱡ ᱠᱟᱢᱱᱟ ᱪᱚᱸᱫᱽᱨᱟ ᱠᱟᱱᱟᱭ ᱾ [᱓].[᱔]
ᱠᱟᱹᱢᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱛᱚᱱᱩᱡᱟ ᱪᱚᱸᱫᱽᱨᱟ ᱫᱚ ᱑᱙᱙᱕ ᱠᱷᱚᱱ ᱟᱡᱟᱜ ᱠᱟᱹᱢᱤᱭ ᱮᱛᱚᱦᱚᱵ ᱠᱮᱫ-ᱟ ᱾ ᱛᱚᱱᱣᱤ ᱟᱡᱽᱢᱤᱭ ᱯᱟᱴ ᱟᱠᱟᱫ ᱴᱤᱵᱤ ᱥᱨᱩᱝᱠᱷᱚᱲᱟ ᱡᱚᱢᱤᱱ ᱟᱥᱢᱟᱱ (ᱴᱤᱵᱤ ᱥᱨᱩᱝᱠᱷᱚᱲᱟ) ᱥᱟᱶ ᱟᱡᱟᱜ ᱩᱱᱩᱫᱩᱜ ᱮ ᱮᱛᱚᱦᱚᱵ ᱠᱮᱫ-ᱟ ᱾ ᱑᱙᱙᱖ ᱨᱮ ᱩᱱᱤ ᱫᱚ ᱥᱚᱵᱽᱱᱟᱢ ᱥᱩᱠᱷᱫᱮᱵᱽ ᱥᱟᱶ ᱢᱩᱢᱠᱤᱱ ᱧᱩᱛᱩᱢᱟᱱ ᱢᱤᱫ ᱟᱨ ᱴᱮᱞᱤᱵᱤᱡᱚᱱ ᱥᱤᱨᱤᱭᱚᱞ ᱨᱮᱱᱟᱜ ᱩᱫᱩᱜ ᱥᱚᱫᱚᱨ ᱠᱮᱫ-ᱟ ᱾ ᱑᱙᱙᱗ ᱨᱮ, ᱩᱱᱤ ᱫᱚ ᱭᱚᱥ ᱪᱳᱯᱨᱟ ᱟᱜ ᱫᱤᱞ ᱛᱳ ᱯᱟᱜᱚᱞ ᱦᱮ ᱞᱟᱹᱜᱤᱫ ᱥᱠᱨᱤᱱᱯᱞᱮ ᱚᱞ ᱠᱮᱫ ᱟᱭ ᱾ ᱡᱟᱦᱟᱸ ᱫᱚ ᱵᱮᱵᱽᱥᱟᱭᱟᱱ ᱡᱤᱛᱠᱟᱹᱨ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱢᱚᱦᱮᱥ ᱵᱷᱚᱴ ᱥᱟᱶ ᱦᱚᱸ ᱢᱮᱥᱟ ᱠᱟᱛᱮ ᱠᱤᱱ ᱠᱟᱹᱢᱤ ᱟᱠᱟᱫ-ᱟ ᱾ ᱑᱙᱙᱘ ᱨᱮ, ᱯᱷᱤᱞᱤᱢ ᱡᱚᱠᱷᱢ ᱞᱟᱹᱜᱤᱫ ᱦᱚᱸ ᱥᱠᱨᱤᱱᱯᱞᱮ ᱚᱞ ᱟᱠᱟᱫ-ᱟ ᱾ ᱩᱱᱤ ᱫᱚ ᱚᱱᱟ ᱥᱮᱨᱢᱟ ᱜᱮ ᱟᱡᱟᱜ ᱯᱩᱭᱞᱩ ᱯᱷᱤᱞᱤᱢ ᱩᱱᱩᱫᱩᱜ ᱫᱩᱥᱢᱚᱱ ᱥᱟᱶᱛᱮᱭ ᱮᱛᱚᱦᱚᱵ ᱠᱮᱫ-ᱟ ᱾ ᱱᱚᱶᱟ ᱯᱷᱤᱞᱤᱢ ᱨᱤᱱᱤᱡ ᱢᱩᱠᱷᱤᱭᱟᱹ ᱠᱷᱮᱞᱚᱸᱰᱟᱹᱱᱤ ᱞᱮᱠᱟᱛᱮ ᱠᱟᱡᱚᱞ ᱫᱚ ᱟᱹᱰᱤ ᱜᱮ ᱥᱟᱨᱦᱟᱣᱱᱟᱭ ᱧᱟᱢ ᱟᱠᱟᱫ-ᱟ ᱟᱨ ᱵᱚᱠᱥ ᱳᱯᱷᱤᱥ ᱨᱮᱦᱚᱸ ᱱᱟᱯᱟᱭ ᱮ ᱩᱫᱩᱜ ᱥᱚᱫᱚᱨ ᱠᱮᱫ-ᱟ ᱾ ᱩᱱᱤᱭᱟᱜ ᱞᱟᱦᱟ ᱛᱮᱱᱟᱜ ᱯᱷᱤᱞᱤᱢ ᱫᱚ ᱥᱚᱝᱜᱷᱚᱨᱥ (᱑᱙᱙᱙) ᱦᱚᱸ ᱢᱚᱦᱮᱥ ᱵᱷᱚᱴ ᱦᱚᱛᱮᱛᱮ ᱵᱮᱱᱟᱣ ᱞᱮᱱ ᱛᱟᱦᱮᱸᱫ ᱟᱨ ᱱᱚᱶᱟ ᱨᱮ ᱚᱠᱥᱚᱭ ᱠᱩᱢᱟᱨ ᱟᱨ ᱯᱨᱤᱛᱤ ᱡᱤᱱᱴᱟ ᱫᱚ ᱢᱩᱬ ᱴᱷᱟᱶ ᱨᱮ ᱠᱤᱱ ᱠᱟᱹᱢᱤ ᱟᱠᱟᱫ ᱛᱟᱦᱮᱸᱫ ᱾
ᱩᱱ ᱠᱷᱚᱱ ᱜᱮ ᱪᱚᱸᱫᱽᱨᱟ ᱫᱚ ᱟᱹᱰᱤ ᱜᱟᱱ ᱯᱷᱤᱞᱤᱢ ᱮ ᱩᱫᱩᱜ ᱟᱠᱟᱫ-ᱟ , ᱡᱟᱦᱟᱸ ᱠᱚᱨᱮ ᱠᱷᱚᱱ ᱫᱚ ᱟᱹᱰᱤ ᱜᱟᱱ ᱨᱮᱜᱮ ᱚᱠᱚᱭᱟᱜ ᱦᱚᱸ ᱚᱱᱟ ᱪᱮᱛᱟᱱ ᱫᱷᱮᱭᱟᱱ ᱜᱮ ᱵᱟᱝ ᱪᱟᱞᱟᱣ ᱞᱮᱱᱟ ᱾ ᱮᱱ ᱦᱚᱸ ᱥᱩᱨ ᱫᱤ ᱢᱮᱞᱚᱰᱤ ᱳᱯᱷ ᱞᱟᱭᱤᱯᱷ (᱒᱐᱐᱒) ᱞᱮᱠᱟᱱ ᱯᱷᱤᱞᱤᱢ ᱥᱴᱟᱨ (᱒᱐᱐᱕) ᱞᱮᱠᱟᱱ ᱯᱷᱤᱞᱤᱢ, ᱡᱟᱦᱟᱸ ᱨᱮᱱᱟᱜ ᱩᱫᱩᱜ ᱟᱨ ᱚᱞ ᱫᱚ ᱪᱚᱸᱫᱽᱨᱟ ᱜᱮᱭ ᱛᱚᱨᱟᱣ ᱟᱠᱟᱫ-ᱟ ᱾ ᱜᱟᱞᱚᱪᱤᱭᱟᱹ ᱟᱨ ᱛᱩᱞᱟᱹᱡᱚᱠᱷᱟ ᱠᱟᱹᱢᱤ ᱠᱚ ᱠᱟᱹᱢᱤ ᱠᱟᱱ ᱦᱚᱲ ᱠᱚ ᱯᱟᱦᱴᱟ ᱠᱷᱚᱱ ᱟᱡᱟᱜ ᱚᱱᱚᱞᱤᱭᱟᱹ ᱨᱩᱯ ᱨᱮ ᱩᱱᱤᱭᱟᱜ ᱠᱟᱹᱢᱤ ᱞᱟᱹᱜᱤᱫ ᱛᱮ ᱟᱹᱰᱤ ᱜᱮ ᱥᱟᱨᱦᱟᱣᱱᱟ ᱟᱠᱟᱫᱮᱭᱟ ᱾
ᱤᱱᱟᱹ ᱛᱟᱭᱚᱢ ᱟᱡ ᱫᱚ ᱥᱩᱥᱢᱤᱛᱟ ᱥᱮᱱ ᱮ ᱯᱟᱴ ᱟᱠᱟᱫ ᱯᱷᱤᱞᱤᱢ ᱡᱤᱱᱫᱮᱜᱤ ᱨᱚᱠᱥ (᱒᱐᱐᱖) ᱮ ᱵᱮᱱᱟᱣ ᱞᱮᱫ ᱛᱟᱦᱮᱸᱫ, ᱱᱚᱶᱟ ᱯᱷᱤᱞᱤᱢ ᱞᱟᱹᱜᱤᱫ ᱠᱟᱹᱦᱱᱤ ᱟᱨ ᱥᱠᱨᱤᱱᱯᱞᱮ ᱦᱚᱸᱭ ᱚᱞ ᱟᱠᱟᱫ-ᱟ ᱾ ᱩᱱᱤᱭᱟᱜ ᱡᱚᱛᱚ ᱠᱷᱚᱱ ᱱᱟᱶᱟ ᱯᱷᱤᱞᱤᱢ ᱦᱳᱯ ᱮᱸᱰ ᱞᱤᱴᱤᱞ ᱥᱩᱜᱚᱨ (᱒᱐᱐᱘) ᱛᱟᱦᱮᱸ ᱠᱟᱱᱟ, ᱡᱟᱦᱟᱸ ᱫᱚ ᱯᱩᱨᱟᱹ ᱞᱮᱠᱟᱛᱮ ᱟᱢᱮᱨᱤᱠᱟ ᱨᱮ ᱤᱝᱞᱤᱥ ᱛᱮ ᱥᱩᱴᱤᱝ ᱞᱮᱱ ᱛᱟᱦᱮᱸᱫ ᱾ ᱒᱐᱑᱖ ᱨᱮᱱᱟᱜ ᱮᱛᱚᱦᱚᱵ ᱨᱮ ᱩᱱᱤ ᱫᱚ ᱫᱤ ᱴᱮᱞᱤᱯᱷᱤᱞᱢ ᱞᱟᱹᱜᱤᱫ ᱢᱤᱫ ᱠᱷᱟᱴᱚ ᱯᱷᱤᱞᱤᱢ ᱥᱤᱞᱵᱚᱴ ᱮ ᱩᱫᱩᱜ ᱞᱮᱫ-ᱟ, ᱡᱟᱦᱟᱸ ᱨᱮ ᱫᱚ ᱠᱟᱨᱛᱤᱠ ᱟᱨᱭᱚᱱ ᱮ ᱛᱟᱦᱮᱸ ᱠᱟᱱᱟ ᱾ [᱕][᱖]
ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- ↑ Jha, Subhash K. (3 January 2007). "Why Tanuja Chandra is an angry young woman". Indo-Asian News Service, Press Trust of India. Hindustan Times. Archived from the original on 18 August 2020. Retrieved 28 March 2020.
- ↑ "I'm a migrant, this is my city". Times of India. 17 February 2008. Retrieved 23 February 2018.
- ↑ http://www.business-standard.com/article/news-ians/i-ve-inherited-creative-genes-from-mom-tanuja-chandra-118021800424_1.html
- ↑ "Tanuja Chandra's film is stuck". Retrieved 2016-06-30.
- ↑ "Kartik Aaryan plays Muslim boy in Tanuja Chandra's film". The Indian Express. February 18, 2016. Retrieved 2016-06-27.
- ↑ "Kartik Aaryan plays Muslim boy in Tanuja Chandra's film". CNN-IBN.
{{cite web}}: Missing or empty|url=(help)
ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- ᱛᱚᱱᱩᱡᱟ ᱪᱚᱸᱫᱽᱨᱟ (ᱤᱱᱴᱚᱨᱱᱮᱴ ᱢᱩᱵᱷᱤ ᱰᱟᱴᱟᱵᱮᱥ ᱨᱮ)
- Tanuja Chandra Filmography on Bollywood Hungama