ᱛᱟᱜᱮ ᱨᱤᱛᱟ
| Tage Rita | |
|---|---|
 Receiving the Nari Shakti Puraskar for "excellence in promoting women entrepreneurship and local products" in 2022 | |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | 1981/01/26 ᱡᱤᱨᱳ, ᱚᱨᱩᱱᱟᱪᱚᱞ ᱯᱨᱟᱫᱮᱥ, India |
| ᱮᱴᱟᱜ ᱧᱩᱛᱩᱢ | ᱛᱟᱜᱮ ᱨᱤᱛᱟ ᱴᱷᱟᱜᱮ |
| ᱠᱟᱹᱢᱤ | Agricultural Engineer |
| ᱧᱩᱢᱱᱟᱢ | India's first kiwi wine brewer |
| ᱡᱤᱭᱚᱱ ᱥᱚᱦᱮᱫ | ᱴᱷᱟᱜᱮ ᱛᱟᱢᱚ |
| ᱦᱚᱯᱚᱱ | 4 |
| ᱥᱤᱨᱯᱷᱟᱹ | Women Transforming India Awards 2018, Nari Shakti Puraskar 2022. |
| ᱣᱮᱵᱽᱥᱟᱭᱤᱴ | www.naaraaaba.com |
ᱛᱟᱜᱮ ᱨᱤᱛᱟ ᱫᱚ ᱡᱤᱨᱚ ᱵᱷᱮᱞᱤ ᱨᱤᱱᱤᱡ ᱢᱤᱫ ᱪᱟᱥ ᱤᱧᱡᱤᱱᱤᱭᱟᱹᱨ ᱠᱟᱱᱟᱭ ᱟᱨ ᱱᱩᱭ ᱫᱚ ᱵᱷᱟᱨᱚᱛ ᱨᱤᱱᱤᱡ ᱯᱩᱭᱞᱩ ᱠᱤᱣᱤ ᱣᱟᱭᱤᱱ ᱵᱮᱱᱟᱣᱤᱡ ᱠᱟᱱᱟᱭ᱾[᱑] ᱒᱐᱑᱘ ᱥᱟᱞ ᱨᱮ, ᱩᱱᱤ ᱫᱚ ᱭᱩᱱᱟᱭᱴᱮᱰ ᱱᱮᱥᱚᱱᱥ ᱟᱨ ᱱᱤᱛᱤ ᱟᱭᱳᱜ ᱦᱚᱛᱮᱛᱮ ᱥᱟᱯᱲᱟᱣ ᱟᱠᱟᱱ ᱣᱩᱢᱮᱱ ᱴᱨᱟᱱᱥᱯᱷᱚᱨᱢᱤᱝ ᱤᱱᱰᱤᱭᱟ ᱟᱣᱟᱨᱰᱥ ᱥᱟᱶᱛᱮ ᱢᱟᱱ ᱮᱢ ᱦᱩᱭ ᱞᱮᱱᱟ᱾
ᱮᱛᱚᱦᱚᱵ ᱡᱤᱭᱚᱱ ᱟᱨ ᱥᱮᱪᱮᱫ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱛᱟᱜᱮ ᱨᱤᱛᱟ ᱛᱟᱠᱷᱮ ᱫᱚ ᱚᱨᱩᱬᱟᱪᱚᱞ ᱯᱨᱚᱫᱮᱥ ᱨᱮᱱᱟᱜ ᱡᱤᱨᱚ ᱵᱷᱮᱞᱤ ᱨᱮ ᱡᱟᱱᱟᱢ ᱞᱮᱱᱟᱭ᱾ ᱩᱱᱤ ᱫᱚ ᱟᱯᱟᱛᱟᱱᱤ ᱡᱟᱹᱛ ᱨᱮᱱᱤᱡ ᱠᱟᱱᱟᱭ᱾ ᱩᱱᱤ ᱫᱚ ᱮᱱ.ᱤ.ᱟᱨ.ᱟᱭ.ᱮᱥ.ᱴᱤ (ᱱᱚᱨᱛᱷ ᱤᱥᱴᱚᱨᱱ ᱨᱤᱡᱚᱱᱟᱞ ᱤᱱᱥᱴᱤᱴᱭᱩᱴ ᱚᱯᱷ ᱥᱟᱭᱤᱱᱥ ᱮᱱᱰ ᱴᱮᱠᱱᱚᱞᱚᱡᱤ), ᱱᱤᱨᱡᱩᱞᱤ, ᱚᱨᱩᱬᱟᱪᱚᱞ ᱯᱨᱚᱫᱮᱥ ᱠᱷᱚᱱ ᱪᱟᱥ ᱤᱧᱡᱤᱱᱤᱭᱟᱹᱨ ᱞᱮᱠᱟᱛᱮ ᱯᱟᱲᱦᱟᱣ ᱟᱠᱟᱱᱟᱭ ᱟᱨ ᱴᱨᱮᱱᱤᱝ ᱮ ᱦᱟᱛᱟᱣ ᱟᱠᱟᱫᱟ᱾
ᱠᱟᱹᱢᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱒᱐᱑᱗ ᱥᱟᱞ ᱨᱮ, ᱨᱤᱛᱟ ᱫᱚ ᱢᱤᱫ ᱵᱩᱴᱤᱠ ᱣᱟᱭᱤᱱᱟᱨᱤ - ᱱᱟᱨᱟ ᱟᱟᱵᱟ ᱨᱮ ᱫᱟᱱ ᱮ ᱮᱢ ᱠᱮᱫᱟ᱾ ᱚᱱᱟ ᱠᱟᱹᱢᱤ ᱠᱟᱛᱮ, ᱩᱱᱤ ᱫᱚ ᱴᱚᱴᱷᱟ ᱨᱮᱱᱟᱜ ᱢᱤᱫ ᱮᱴᱠᱮᱴᱚᱬᱮ ᱨᱮᱱᱟᱜ ᱥᱚᱞᱦᱮ ᱦᱚᱸᱭ ᱧᱟᱢ ᱠᱮᱫᱟ᱾ ᱩᱱᱤ ᱫᱚ ᱠᱤᱣᱤ ᱠᱷᱚᱱ ᱣᱟᱭᱤᱱ ᱮ ᱵᱮᱱᱟᱣ ᱠᱮᱫᱟ, ᱱᱚᱣᱟ ᱫᱚ ᱢᱤᱫ ᱡᱚ ᱠᱟᱱᱟ ᱡᱟᱦᱟᱸ ᱫᱚ ᱩᱱᱤ ᱵᱟᱥᱟᱜ ᱠᱟᱱ ᱵᱷᱮᱞᱤ ᱨᱮ ᱟᱹᱰᱤ ᱵᱟᱹᱲᱛᱤ ᱠᱷᱚᱱ ᱧᱟᱢᱚᱜ ᱠᱟᱱ ᱛᱟᱦᱮᱸᱫ᱾ ᱩᱱᱤ ᱫᱚ ᱟᱡᱟᱜ ᱚᱨᱜᱟᱱᱤᱠ ᱡᱚ ᱫᱚ ᱟᱡᱟᱜ ᱵᱟᱜᱟᱱ ᱠᱷᱚᱱ ᱟᱨ ᱚᱨᱩᱬᱟᱪᱚᱞ ᱯᱨᱚᱫᱮᱥ ᱨᱮᱱᱟᱜ ᱠᱤᱣᱤ ᱜᱨᱳᱣᱟᱨᱥ ᱠᱚᱚᱯᱚᱨᱮᱴᱤᱵᱷ ᱥᱚᱥᱟᱭᱤᱴᱤ ᱠᱷᱚᱱ ᱮ ᱧᱟᱢ ᱮᱫ ᱛᱟᱦᱮᱸᱫ᱾ ᱪᱟᱥ ᱴᱚᱴᱷᱟ ᱨᱮ ᱱᱤᱥᱪᱤᱛ ᱠᱤᱨᱤᱧᱤᱭᱟᱹ ᱠᱚ ᱦᱟᱢᱮᱴ ᱠᱮᱫᱟ᱾ ᱩᱱᱤᱭᱟᱜ ᱣᱟᱭᱤᱱ ᱵᱮᱱᱟᱣ ᱯᱨᱚᱥᱮᱥ ᱫᱚ ᱯᱟᱨᱚᱢᱯᱟᱨᱤᱠ ᱦᱚᱨᱟ ᱛᱮ ᱪᱟᱞᱟᱜ ᱠᱟᱱᱟ᱾ ᱱᱚᱣᱟ ᱞᱟᱹᱜᱤᱫ ᱩᱱᱤ ᱫᱚ ᱴᱷᱤᱠᱟᱹᱣ ᱯᱨᱚᱥᱮᱡᱟᱨ ᱟᱨ ᱵᱮᱥ ᱢᱮᱥᱟ ᱵᱮᱱᱟᱣ ᱞᱟᱹᱜᱤᱫ ᱛᱩᱨᱩᱭ ᱥᱮᱨᱢᱟ ᱨᱮᱱᱟᱜ ᱨᱤᱥᱟᱨᱪ ᱟᱨ ᱯᱞᱟᱱᱤᱝ ᱞᱟᱜᱟᱣ ᱟᱫᱮᱭᱟ᱾ ᱣᱟᱭᱤᱱᱟᱨᱤ ᱫᱚ ᱒᱐᱑᱗ ᱠᱷᱚᱱ ᱟᱡᱟᱜ ᱠᱮᱯᱟᱥᱤᱴᱤ ᱒᱐,᱐᱐᱐ ᱞᱤᱴᱟᱨ ᱠᱷᱚᱱ ᱖᱐,᱐᱐᱐ ᱞᱤᱴᱟᱨ ᱣᱟᱭᱤᱱ ᱩᱛᱯᱟᱫᱟᱱ ᱦᱟᱹᱵᱤᱡ ᱑᱖ ᱴᱟᱝᱠ ᱦᱚᱛᱮᱛᱮ ᱦᱟᱹᱴᱤᱧ ᱟᱠᱟᱫᱟ᱾ ᱣᱟᱭᱤᱱ ᱩᱛᱯᱟᱫᱟᱱ ᱨᱮᱱᱟᱜ ᱯᱩᱭᱞᱩ ᱥᱮᱨᱢᱟ ᱨᱮ ᱓᱐᱐ ᱪᱟᱹᱥᱤ ᱠᱚ ᱜᱚᱲᱚ ᱠᱚ ᱮᱢᱟᱫ ᱠᱚᱣᱟ ᱟᱨ ᱩᱱᱠᱩ ᱫᱚ ᱠᱤᱣᱤ ᱵᱟᱜᱟᱱ ᱛᱮ ᱨᱩᱣᱟᱹᱲ ᱠᱚ ᱟᱹᱜᱩ ᱠᱮᱫ ᱠᱚᱣᱟ, ᱪᱮᱫᱟᱜ ᱥᱮ ᱩᱱᱠᱩ ᱫᱚ ᱣᱟᱭᱤᱱᱟᱨᱤ ᱨᱮ ᱒᱐ ᱢᱮᱴᱨᱤᱠ ᱴᱚᱱ (᱒᱐,᱐᱐᱐ ᱠᱤᱞᱚᱜᱨᱟᱢ) ᱠᱤᱣᱤ ᱠᱚ ᱟᱹᱠᱷᱨᱤᱧ ᱠᱮᱫᱟ᱾ ᱨᱚ ᱢᱮᱴᱮᱨᱤᱭᱟᱞ ᱨᱟᱯᱩᱫ ᱠᱷᱚᱱ ᱵᱚᱛᱚᱞᱤᱝ ᱫᱷᱟᱹᱵᱤᱡ ᱱᱚᱣᱟ ᱯᱨᱚᱥᱮᱥ ᱫᱚ ᱯᱩᱱ ᱪᱟᱸᱫᱚ ᱞᱮᱠᱟ ᱚᱠᱛᱚ ᱦᱟᱛᱟᱣᱟ᱾ ᱣᱟᱭᱤᱱ ᱨᱮᱱᱟᱜ ᱥᱤᱵᱤᱞ ᱫᱚ ᱛᱩᱨᱩᱭ ᱟᱨ ᱤᱨᱟᱹᱞ ᱰᱤᱜᱽᱨᱤ ᱥᱮᱞᱥᱤᱭᱟᱹᱥ ᱛᱟᱞᱟ ᱨᱮ ᱵᱮᱥ ᱵᱩᱡᱷᱟᱹᱣᱟ᱾
ᱥᱤᱨᱯᱟᱹ ᱟᱨ ᱩᱯᱨᱩᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱡᱮᱡᱟᱹᱛᱤᱭᱟᱹᱨᱤ ᱛᱤᱨᱞᱟᱹ ᱢᱟᱦᱟᱸ ᱒᱐᱒᱒ ᱨᱮ, ᱩᱱᱤ ᱫᱚ ᱨᱟᱥᱴᱨᱚᱯᱚᱛᱤ ᱨᱟᱢ ᱱᱟᱛᱷ ᱠᱳᱵᱤᱸᱫ ᱠᱷᱚᱱ ᱒᱐᱒᱐ ᱥᱟᱞ ᱨᱮᱱᱟᱜ ᱱᱟᱨᱤ ᱥᱚᱠᱛᱤ ᱯᱩᱨᱚᱥᱠᱟᱨ ᱮ ᱧᱟᱢ ᱠᱮᱫᱟ᱾ ᱱᱚᱣᱟ ᱥᱤᱨᱯᱟᱹ ᱫᱚ ᱛᱤᱨᱞᱟᱹ ᱟᱨ ᱜᱤᱫᱽᱨᱟᱹ ᱩᱛᱱᱟᱹᱣ ᱢᱚᱱᱛᱨᱟᱞᱚᱭ ᱦᱚᱛᱮᱛᱮ ᱥᱮᱨᱢᱟᱠᱤᱭᱟᱹ ᱥᱟᱯᱲᱟᱣ ᱦᱩᱭᱩᱜ ᱠᱟᱱᱟ ᱡᱟᱦᱟᱸᱭ ᱛᱤᱨᱞᱟᱹ ᱠᱚ ᱵᱚᱫᱚᱞ ᱠᱚ ᱵᱮᱱᱟᱣᱟ ᱥᱮ ᱩᱫᱽᱜᱟᱹᱣ ᱠᱚ ᱮᱢᱟ᱾ ᱠᱳᱣᱤᱰ-᱑᱙ ᱯᱟᱱᱰᱮᱢᱤᱠ ᱠᱷᱟᱹᱛᱤᱨ ᱱᱚᱣᱟ ᱟᱠᱷᱲᱟ ᱫᱚ ᱛᱷᱩᱠᱟᱹᱢ ᱦᱩᱭ ᱞᱮᱱᱟ ᱟᱨ ᱱᱚᱣᱟ ᱟᱠᱷᱲᱟ ᱨᱮ ᱗᱒ ᱜᱚᱴᱟᱝ ᱛᱤᱨᱞᱟᱹ ᱵᱷᱮᱠᱥᱤᱱᱮᱴᱚᱨ ᱠᱚ ᱥᱮᱞᱮᱫ ᱠᱚ ᱛᱟᱦᱮᱸ ᱠᱟᱱᱟ ᱡᱟᱦᱟᱸᱭ ᱠᱚ ᱟᱠᱚᱣᱟᱜ ᱠᱟᱹᱢᱤ ᱨᱮ ᱵᱷᱟᱹᱜᱤ ᱠᱚ ᱩᱫᱩᱜ ᱞᱮᱫᱟ᱾