ᱛᱟᱞᱟᱧᱤᱫᱟᱹ ᱨᱮᱹᱱ ᱜᱤᱫᱽᱨᱟᱹᱠᱚ
ᱛᱟᱞᱟᱧᱤᱫᱟᱹ ᱨᱮᱹᱱ ᱜᱤᱫᱽᱨᱟᱹᱠᱚ ᱫᱚ ᱦᱩᱭᱩᱜ ᱠᱟᱱᱟ ᱥᱤᱧᱚᱛᱤᱭᱟᱹᱼᱵᱽᱨᱤᱴᱤᱥ ᱚᱱᱚᱞᱤᱭᱟᱹ ᱥᱟᱞᱢᱟᱱ ᱨᱟᱥᱰᱟᱭᱟᱜ ᱫᱚᱥᱟᱨ ᱜᱟᱢᱟᱢ, ᱡᱟᱦᱟᱸ ᱫᱚ ᱵᱤᱞ ᱵᱟᱴᱮᱱᱟᱜ ᱫᱟᱞᱚᱵ ᱥᱟᱯᱲᱟᱣ ᱥᱟᱶ ᱡᱳᱱᱟᱛᱷᱚᱱ ᱠᱮᱯ ᱫᱟᱨᱟᱭ ᱛᱮ ᱩᱪᱷᱟᱹᱱ ᱞᱮᱱᱟ, ᱡᱟᱦᱟᱸ ᱫᱚ ᱤᱝᱨᱮᱡᱽ ᱰᱮᱨᱟ ᱡᱟᱹᱨᱤ ᱠᱷᱚᱱ ᱯᱷᱩᱨᱜᱟᱹᱞ ᱟᱨ ᱦᱟᱹᱴᱤᱧ ᱨᱮ ᱥᱤᱧᱚᱛ ᱨᱮᱭᱟᱜ ᱵᱚᱱᱚᱫᱚᱞ ᱤᱫᱤ ᱠᱟᱛᱮ ᱾ ᱱᱚᱶᱟ ᱫᱚ ᱢᱤᱫᱴᱟᱹᱝ ᱰᱮᱨᱟᱣᱟᱜ ᱛᱟᱭᱚᱢ, ᱱᱟᱦᱟᱜᱟᱜ ᱛᱟᱭᱚᱢ ᱟᱨ ᱡᱟᱹᱫᱩᱣᱟᱱ ᱥᱟᱹᱨᱤᱭᱟᱜ ᱠᱟᱹᱦᱱᱤ ᱡᱟᱦᱟᱸ ᱫᱚ ᱱᱚᱶᱟ ᱨᱮᱹᱱ ᱢᱩᱬᱩᱫ ᱪᱮᱦᱨᱟ ᱥᱟᱞᱤᱢ ᱥᱤᱱᱟᱭᱮ ᱞᱟᱹᱭ ᱟᱠᱟᱫᱼᱟ, ᱡᱟᱦᱟᱸ ᱫᱚ ᱱᱟᱜᱟᱢ ᱨᱮ ᱦᱩᱭᱟᱠᱟᱱ ᱠᱟᱛᱷᱟ ᱞᱮᱠᱟᱛᱮ ᱵᱮᱱᱟᱣᱟᱠᱟᱱᱟ ᱾ ᱩᱭᱦᱟᱹᱨᱟᱱ ᱞᱮᱠᱟᱛᱮ ᱱᱟᱜᱟᱢ ᱫᱚᱦᱚ ᱨᱮᱭᱟᱜ ᱠᱟᱹᱨᱤ ᱫᱚ ᱟᱡᱛᱮᱼᱩᱫᱩᱜᱚᱜᱼᱟ ᱾
ᱛᱟᱞᱟᱧᱤᱫᱟᱹ ᱨᱮᱹᱱ ᱜᱤᱫᱽᱨᱟᱹᱠᱚ ᱠᱷᱟᱹᱞᱤ ᱭᱩᱠᱮ ᱨᱮᱜᱮ ᱑᱐ ᱞᱚᱠ ᱠᱷᱚᱱ ᱦᱚᱸ ᱡᱟᱹᱥᱛᱤ ᱠᱷᱚᱸᱰ ᱟᱹᱠᱷᱨᱤᱧ ᱞᱮᱱᱟ ᱟᱨ ᱑᱙᱘᱑ ᱥᱟᱹᱦᱤᱛ ᱨᱮ ᱯᱚᱛᱚᱵᱤᱡ ᱥᱤᱨᱯᱷᱟᱹ ᱟᱨ ᱡᱮᱢᱥ ᱴᱟᱭᱴ ᱵᱽᱞᱟᱠ ᱢᱮᱢᱳᱨᱤᱭᱚᱞ ᱥᱤᱨᱯᱷᱟᱹᱭ ᱦᱟᱢᱮᱴ ᱞᱮᱫᱼᱟ ᱾ ᱱᱚᱶᱟ ᱫᱚ ᱑᱙᱙᱓ ᱥᱟᱹᱦᱤᱛ ᱨᱮ ᱯᱚᱛᱚᱵᱤᱡ ᱥᱤᱨᱯᱷᱟᱹ ᱨᱮᱭᱟᱜ ᱒᱕ ᱟᱱᱟᱜ ᱟᱨ ᱔᱐ ᱟᱱᱟᱜ ᱥᱮᱨᱢᱟ ᱯᱩᱨᱟᱹᱣ ᱢᱟᱱᱟᱣ ᱞᱟᱹᱜᱤᱫ ᱯᱚᱛᱚᱵᱠᱚ ᱠᱷᱚᱱ ᱥᱚᱨᱮᱥ ᱯᱚᱛᱚᱵᱤᱡ ᱥᱤᱨᱯᱷᱟᱹ ᱟᱨ ᱒᱐᱐᱘ ᱥᱟᱹᱦᱤᱛ ᱨᱮ ᱥᱚᱨᱮᱥ ᱯᱚᱛᱚᱵᱤᱡ ᱥᱤᱨᱯᱟᱹᱭ ᱦᱟᱢᱮᱴ ᱞᱮᱫᱼᱟ ᱾ ᱒᱐᱐᱓ ᱥᱟᱹᱦᱤᱛ ᱨᱮ ᱵᱤᱵᱤᱥᱤ ᱨᱮᱭᱟᱜ ᱫᱟ ᱵᱤᱜᱽ ᱨᱮᱰ ᱵᱟᱪᱷᱱᱟᱣ ᱨᱮ ᱱᱚᱣᱟ ᱜᱟᱢᱟᱢ ᱫᱚ ᱑᱐᱐ ᱱᱚᱢᱵᱚᱨ ᱨᱮ ᱥᱮᱴᱮᱨ ᱞᱮᱱᱟ, ᱡᱟᱦᱟᱸ ᱫᱚ ᱭᱩᱠᱮ ᱨᱮᱭᱟᱜ ᱥᱟᱱᱟᱢ ᱚᱠᱛᱚ ᱨᱮᱭᱟᱜ "ᱥᱚᱨᱮᱥᱼᱠᱩᱥᱤᱭᱟᱜ ᱜᱟᱢᱟᱢ" ᱠᱚ ᱜᱚᱴᱟ ᱞᱮᱫᱼᱟ ᱾
ᱯᱷᱮᱰᱟᱛ ᱟᱨ ᱥᱟᱨᱛᱮᱫ ᱜᱟᱜ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱛᱟᱞᱟᱧᱤᱫᱟᱹ ᱨᱮᱹᱱ ᱜᱤᱫᱽᱨᱟᱹᱠᱚ ᱑᱙᱔᱗ ᱥᱟᱹᱦᱤᱛ ᱨᱮ ᱵᱽᱨᱤᱴᱤᱥ ᱨᱟᱡᱽ ᱵᱷᱟᱨᱚᱛ ᱨᱮ ᱟᱨ ᱵᱷᱟᱨᱚᱛ ᱨᱮᱭᱟᱜ ᱦᱟᱹᱴᱤᱧ ᱛᱟᱭᱚᱢ ᱜᱷᱚᱴᱱᱟ ᱞᱟᱹᱜᱤᱫ ᱢᱤᱫᱴᱟᱹᱝ ᱪᱷᱟᱹᱲᱟᱱ ᱪᱤᱱᱦᱟᱹ ᱾ ᱠᱟᱹᱦᱱᱤ ᱨᱮᱹᱱ ᱢᱩᱬᱩᱫ ᱪᱮᱦᱨᱟ ᱟᱨ ᱜᱟᱵᱟᱱᱤᱭᱟᱹ ᱫᱚᱭ ᱦᱩᱭᱩᱜ ᱠᱟᱱᱟ ᱥᱟᱞᱤᱢ ᱥᱤᱱᱟᱭ, ᱵᱷᱟᱨᱚᱛ ᱫᱚ ᱢᱤᱫᱴᱟᱹᱝ ᱯᱷᱩᱨᱜᱟᱹᱞ ᱫᱤᱥᱚᱢᱮ ᱵᱮᱱᱟᱣᱮᱱ ᱚᱠᱛᱚ ᱨᱮᱭ ᱡᱟᱱᱟᱢ ᱞᱮᱱᱟ ᱾ ᱜᱟᱢᱟᱢ ᱫᱚ ᱯᱮᱭᱟ ᱯᱚᱛᱚᱵ ᱨᱮ ᱦᱟᱹᱴᱤᱧᱟᱠᱟᱱᱟ ᱾
ᱯᱩᱭᱞᱩ ᱯᱚᱛᱚᱵ ᱫᱚ ᱥᱤᱱᱟᱭᱟᱜ ᱜᱷᱟᱨᱚᱸᱡᱽ ᱨᱮᱭᱟᱜ ᱠᱟᱹᱦᱱᱤ ᱠᱷᱟᱱ ᱮᱛᱚᱦᱚᱵᱼᱟᱠᱟᱱᱟ, ᱵᱤᱥᱮᱥ ᱠᱟᱭᱛᱮ ᱤᱝᱨᱮᱡᱽ ᱰᱮᱨᱟᱣᱟᱜ ᱥᱤᱧᱚᱛ ᱨᱮᱭᱟᱜ ᱢᱩᱪᱟᱹᱫ ᱟᱨ ᱦᱟᱹᱴᱤᱧᱚᱜ ᱚᱠᱛᱚ ᱨᱮᱭᱟᱜ ᱜᱷᱚᱴᱱᱟᱠᱚ ᱥᱟᱶᱛᱮ ᱾ ᱥᱟᱞᱤᱢ ᱑᱙᱔᱗ ᱥᱟᱹᱦᱤᱛ ᱨᱮᱭᱟᱜ ᱑᱕ ᱚᱜᱚᱥᱴ ᱛᱟᱞᱟ ᱧᱤᱫᱟᱹ ᱨᱮᱭ ᱡᱟᱱᱟᱢ ᱞᱮᱱᱟ, ᱚᱱᱟᱛᱮ, ᱯᱷᱩᱨᱜᱟᱹᱞ ᱵᱷᱟᱨᱚᱛ ᱞᱮᱠᱟ ᱢᱟᱨᱮᱱ ᱾