ᱛᱟᱢᱤᱞᱱᱟᱰᱩ ᱢᱟᱦᱟᱸ
| ᱛᱟᱢᱤᱞᱱᱟᱰᱩ ᱢᱟᱦᱟᱸ | |
|---|---|
| ᱚᱯᱷᱤᱥᱤᱭᱟᱞ ᱧᱩᱛᱩᱢ | ᱛᱟᱢᱤᱞᱱᱟᱰᱩ ᱛᱷᱟᱯᱚᱱ ᱢᱟᱦᱟᱸ |
| ᱮᱴᱟᱜ ᱧᱩᱛᱩᱢ | ᱛᱟᱢᱤᱞᱱᱟᱰᱩ ᱫᱤᱱᱚᱢ |
| ᱢᱟᱱᱟᱣᱠᱩ | ᱛᱟᱢᱤᱞᱱᱟᱰᱩ, ᱥᱤᱧᱚᱛ |
| ᱞᱮᱠᱟᱱ | ᱛᱷᱟᱯᱚᱱ ᱢᱟᱦᱟᱸ |
| ᱢᱳᱦᱚᱴᱣᱚ | ᱯᱚᱱᱚᱛ ᱫᱚᱦᱲᱟ ᱵᱮᱱᱟᱣ ᱨᱩᱣᱟᱹᱲ ᱟᱫᱷᱤᱱᱤᱭᱚᱢ, ᱑᱙᱕᱖ ᱦᱚᱛᱮᱛᱮ ᱛᱟᱢᱤᱞᱱᱟᱰᱩ ᱯᱚᱱᱚᱛ ᱨᱮᱱᱟᱜ ᱯᱚᱱᱚᱛ ᱢᱟᱦᱟᱸ ᱾ |
| ᱮᱦᱚᱵ | ᱑᱘ ᱡᱩᱞᱟᱭ ᱒᱐᱒᱒ |
| ᱢᱟᱹᱦᱤᱛ | ᱑᱘ ᱡᱩᱞᱟᱭ |
| ᱛᱤᱱᱟᱹ ᱢᱟᱦᱟᱸ ᱛᱟᱭᱚᱢ | ᱥᱮᱨᱢᱟᱠᱤᱭᱟᱹ |
ᱛᱟᱢᱤᱞᱱᱟᱰᱩ ᱢᱟᱦᱟᱸ, ᱡᱟᱦᱟᱸ ᱫᱚ ᱛᱟᱢᱤᱞᱱᱟᱰᱩ ᱫᱤᱱᱚᱢ, ᱦᱚᱸ ᱠᱚ ᱢᱮᱛᱟᱜᱼᱟ, ᱫᱚ ᱮᱛᱚᱢ ᱥᱤᱧᱚᱛᱤᱭᱟᱹ ᱯᱚᱱᱚᱛ ᱛᱟᱢᱤᱞᱱᱟᱰᱩ ᱨᱮ ᱯᱚᱱᱚᱛ ᱵᱮᱱᱟᱣ ᱨᱮᱱᱟᱜ ᱢᱟᱦᱟᱸ ᱞᱮᱠᱟᱛᱮ ᱢᱟᱱᱟᱣ ᱦᱩᱭᱩᱜᱼᱟ ᱾ ᱛᱟᱢᱤᱞᱱᱟᱰᱩ ᱫᱚ ᱑ ᱱᱚᱵᱷᱮᱢᱵᱚᱨ ᱑᱙᱕᱖ ᱥᱟᱞᱮ ᱨᱮ ᱢᱟᱫᱽᱨᱟᱥ ᱯᱚᱱᱚᱛ ᱧᱩᱛᱩᱢ ᱛᱮ ᱵᱮᱱᱟᱣ ᱞᱮᱱᱟ ᱾ ᱑᱘ ᱡᱩᱞᱟᱭ ᱑᱙᱖᱙ ᱥᱟᱞᱮ ᱨᱮ ᱢᱟᱫᱽᱨᱟᱥ ᱯᱚᱱᱚᱛ ᱨᱮᱱᱟᱜ ᱥᱚᱨᱠᱟᱨᱤ ᱧᱩᱛᱩᱢ ᱫᱚ ᱛᱟᱢᱤᱞᱱᱟᱰᱩ ᱠᱚ ᱧᱩᱢ ᱠᱮᱫᱟ ᱾
ᱱᱟᱜᱟᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱑᱕ ᱚᱜᱚᱥᱴ ᱑᱙᱔᱗ ᱨᱮ ᱥᱤᱧᱚᱛ ᱯᱷᱩᱨᱜᱟᱹᱞ ᱛᱟᱭᱚᱢ, ᱢᱟᱫᱽᱨᱟᱥ ᱯᱨᱮᱥᱤᱰᱮᱱᱥᱤ ᱫᱚ ᱢᱟᱫᱽᱨᱟᱥ ᱯᱨᱚᱫᱮᱥ ᱮ ᱵᱮᱱᱟᱣ ᱮᱱᱟ ᱾ ᱒᱖ ᱡᱟᱱᱩᱣᱟᱨᱤ ᱑᱙᱕᱐ ᱥᱟᱞᱮ ᱨᱮ ᱥᱤᱧᱚᱛ ᱨᱮᱱᱟᱜ ᱟᱯᱱᱟᱛ ᱵᱮᱱᱟᱣ ᱮᱱᱟ ᱟᱨ ᱥᱤᱧᱚᱛ ᱥᱚᱨᱠᱟᱨ ᱱᱚᱣᱟ ᱫᱚ ᱢᱟᱫᱽᱨᱟᱥ ᱯᱚᱱᱚᱛ ᱢᱮᱱᱛᱮᱭ ᱵᱮᱱᱟᱣ ᱠᱮᱫᱼᱟ ᱾
᱑᱙᱕᱐ ᱥᱟᱞᱮ ᱨᱮ ᱱᱚᱶᱟ ᱫᱚ ᱵᱟᱱᱟᱣ ᱚᱠᱛᱚ ᱱᱚᱶᱟ ᱨᱮ ᱱᱟᱦᱟᱜ ᱛᱟᱢᱤᱞᱱᱟᱰᱩ, ᱠᱚᱥᱴᱟᱞ ᱟᱱᱫᱷᱨᱚ, ᱨᱟᱭᱚᱞᱥᱤᱢᱟ, ᱠᱚᱧᱮ ᱠᱮᱨᱟᱞᱟ ᱨᱮᱱᱟᱜ ᱢᱟᱞᱟᱵᱟᱨ ᱴᱚᱴᱷᱟ ᱟᱨ ᱮᱛᱚᱢ ᱠᱚᱱᱱᱚᱲ ᱨᱮᱱᱟᱜ ᱵᱮᱞᱞᱟᱨᱤ ᱮᱢᱟᱱ ᱠᱚ ᱛᱟᱦᱮᱸ ᱠᱟᱱᱟ ᱾ ᱑᱙᱕᱓ ᱥᱟᱞᱮ ᱨᱮ ᱫᱚᱨᱭᱟ ᱟᱸᱫᱷᱨᱚ ᱟᱨ ᱨᱟᱭᱞᱚᱥᱤᱢᱟ ᱫᱚ ᱦᱟᱹᱴᱤᱧ ᱠᱟᱛᱮ ᱟᱸᱫᱷᱨᱚ ᱯᱚᱱᱚᱛ ᱵᱮᱱᱟᱣ ᱞᱮᱱᱟ, ᱢᱮᱱᱠᱷᱟᱱ ᱮᱛᱚᱢ ᱠᱚᱱᱱᱚᱲ ᱟᱨ ᱵᱮᱞᱟᱨᱤ ᱦᱚᱱᱚᱛ ᱫᱚ ᱢᱮᱭᱥᱩᱨ ᱯᱚᱱᱚᱛ ᱨᱮ ᱟᱨ ᱢᱟᱞᱟᱵᱟᱨ ᱦᱚᱱᱚᱛ ᱫᱚ ᱛᱨᱟᱵᱷᱟᱱᱠᱳᱨ-ᱠᱳᱪᱤᱱ ᱯᱚᱱᱚᱛ ᱨᱮ ᱢᱮᱥᱟ ᱠᱟᱛᱮ ᱑᱙᱕᱖ ᱥᱟᱞᱮ ᱨᱮ ᱠᱮᱨᱟᱞ ᱯᱚᱱᱚᱛ ᱵᱮᱱᱟᱣ ᱞᱮᱱᱟ ᱾
ᱯᱚᱱᱚᱛ ᱫᱚᱦᱲᱟ ᱵᱮᱱᱟᱣ ᱨᱩᱣᱟᱹᱲ ᱟᱹᱱ ᱛᱮ, ᱑᱙᱕᱖ ᱥᱟᱞ ᱨᱮᱱᱟᱜ ᱚᱨᱡᱚ, ᱯᱚᱱᱚᱛ ᱨᱮᱱᱟᱜ ᱥᱤᱢᱟᱹ ᱫᱚᱦᱲᱟ ᱵᱮᱱᱟᱣ ᱨᱩᱣᱟᱹᱲ ᱞᱮᱱᱟ ᱾ ᱠᱟᱱᱭᱟᱠᱩᱢᱟᱨᱤ ᱨᱮᱱᱟᱜ ᱛᱟᱢᱤᱞ ᱨᱚᱲ ᱴᱚᱴᱷᱟ, ᱢᱟᱨᱮ ᱴᱨᱟᱵᱷᱟᱱᱠᱚᱨ-ᱠᱳᱪᱤᱱ ᱨᱮᱱᱟᱜ ᱦᱟᱹᱴᱤᱧ, ᱢᱟᱫᱽᱨᱟᱥ ᱯᱚᱱᱚᱛ ᱥᱟᱶ ᱢᱤᱞᱟᱹᱣ ᱮᱱᱟ ᱾
᱑᱙᱖᱗ ᱥᱮᱨᱢᱟ ᱨᱮ, ᱥᱚᱝᱠᱚᱨᱞᱤᱝᱜᱚᱱᱚᱨ (ᱡᱟᱦᱟᱸ ᱫᱚ ᱚᱨᱡᱚ ᱩᱱᱤ ᱜᱚᱡ ᱮᱱᱟ) ᱟᱜ ᱦᱩᱞᱥᱟᱹᱭ ᱛᱟᱭᱚᱢ, ᱢᱟᱫᱽᱨᱟᱥ ᱯᱚᱱᱚᱛ ᱨᱤᱱ ᱥᱟᱱᱟᱢ ᱨᱟᱡᱽᱟᱹᱨᱤ ᱫᱚᱞ ᱠᱚ ᱢᱤᱫ ᱫᱷᱟᱨᱟ ᱛᱮ ᱯᱚᱱᱚᱛ ᱨᱮᱱᱟᱜ ᱧᱩᱛᱩᱢ ᱛᱟᱢᱤᱞᱱᱟᱰᱩ ᱠᱚ ᱫᱚᱦᱚ ᱞᱟᱹᱜᱤᱫ ᱠᱚ ᱫᱟᱹᱵᱤ ᱞᱮᱫᱟ ᱾ ᱛᱟᱢᱤᱞᱱᱟᱰᱩ ᱨᱤᱱᱤᱡ ᱥᱤᱨᱟᱹ ᱢᱚᱱᱛᱨᱤ ᱥᱤ.ᱮᱱ ᱟᱱᱱᱟᱫᱩᱨᱟᱭ ᱟᱜ ᱟᱹᱭᱩᱨᱤᱡ ᱥᱚᱨᱠᱟᱨ ᱫᱚ ᱢᱟᱫᱽᱨᱟᱥ ᱯᱚᱱᱚᱛ ᱵᱤᱫᱷᱟᱱᱥᱚᱵᱷᱟ ᱨᱮ ᱢᱤᱫ ᱢᱚᱱᱮ ᱛᱮ ᱢᱤᱫ ᱢᱚᱱᱮ ᱯᱟᱥᱱᱟᱣ ᱠᱮᱫᱟ, ᱡᱟᱦᱟᱸ ᱨᱮ ᱯᱚᱱᱚᱛ ᱨᱮᱭᱟᱜ ᱧᱩᱛᱩᱢ ᱛᱟᱢᱤᱞᱱᱟᱰᱩ ᱦᱚᱪᱚ ᱨᱮᱭᱟᱜ ᱫᱟᱹᱵᱤ ᱢᱮᱱᱟᱜᱼᱟ ᱾
᱑᱘ ᱡᱩᱞᱟᱭ ᱑᱙᱖᱗ ᱥᱟᱞᱮ ᱨᱮ ᱯᱚᱱᱚᱛ ᱨᱮᱱᱟᱜ ᱧᱩᱛᱩᱢ ᱟᱹᱢᱟᱹᱞᱮᱛ ᱞᱮᱠᱟᱛᱮ ᱢᱟᱫᱽᱨᱟᱥ ᱯᱚᱱᱚᱛ ᱠᱷᱚᱱ ᱵᱚᱫᱚᱞ ᱠᱟᱛᱮ ᱛᱟᱢᱤᱞᱱᱟᱰᱩ ᱦᱩᱭ ᱮᱱᱟ ᱾[᱑]
ᱯᱚᱱᱚᱛ ᱨᱮᱱᱟᱜ ᱧᱩᱛᱩᱢ ᱵᱚᱫᱚᱞ ᱢᱚᱬᱮ ᱥᱮᱨᱢᱟ ᱛᱟᱭᱚᱢ ᱑᱙᱑᱙ ᱥᱮᱨᱢᱟ ᱨᱮ, ᱛᱟᱢᱤᱞᱱᱟᱰᱩ ᱥᱚᱨᱠᱟᱨ, ᱚᱠᱛᱚ ᱨᱤᱱᱤᱡ ᱥᱤᱨᱟᱹ ᱢᱚᱱᱛᱨᱤ ᱮᱰᱟᱯᱯᱟᱫᱤ ᱠᱮ ᱯᱟᱞᱟᱱᱤᱥᱣᱟᱢᱤ ᱟᱜ ᱟᱹᱭᱩᱨᱛᱮ, ᱯᱚᱱᱚᱛ ᱨᱮᱱᱟᱜ ᱵᱮᱱᱟᱣ ᱨᱮᱱᱟᱜ ᱢᱟᱹᱱ ᱨᱮ ᱑᱙᱑᱙ ᱥᱮᱨᱢᱟ ᱠᱷᱚᱱ ᱡᱟᱣ ᱥᱮᱨᱢᱟ ᱑ ᱱᱚᱵᱷᱮᱢᱵᱚᱨ ᱫᱚ ᱛᱟᱢᱤᱞᱱᱟᱰᱩ ᱢᱟᱦᱟᱸ ᱞᱮᱠᱟᱛᱮ ᱠᱚ ᱢᱟᱱᱟᱣᱟ ᱾
ᱡᱩᱞᱟᱭ ᱒᱐᱒᱒ ᱨᱮ, ᱛᱟᱢᱤᱞᱱᱟᱰᱩ ᱨᱤᱱᱤᱡ ᱥᱤᱨᱟᱹ ᱢᱚᱱᱛᱨᱤ ᱮᱢ.ᱠᱮ ᱥᱴᱟᱞᱤᱱ ᱟᱹᱭᱩᱨᱤᱡ ᱛᱟᱢᱤᱞᱱᱟᱰᱩ ᱥᱚᱨᱠᱟᱨ ᱯᱚᱱᱚᱛ ᱨᱮᱱᱟᱜ ᱧᱩᱛᱩᱢ ᱵᱚᱫᱚᱞ ᱞᱟᱹᱜᱤᱫ ᱛᱮ ᱒᱐᱒᱒ ᱥᱮᱨᱢᱟ ᱠᱷᱚᱱ ᱡᱟᱣ ᱥᱮᱨᱢᱟ ᱑᱘ ᱡᱩᱞᱟᱭ ᱦᱤᱞᱚᱜ ᱛᱟᱢᱤᱞᱱᱟᱰᱩ ᱢᱟᱦᱟᱸ ᱞᱮᱠᱟᱛᱮ ᱢᱟᱱᱟᱣ ᱦᱩᱭᱩᱜᱼᱟ ᱾