Jump to content

ᱛᱟᱦᱮᱨᱮᱦ ᱥᱟᱯᱷᱯᱷᱟᱨᱡᱟᱫᱮᱦ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
ᱛᱟᱦᱮᱨᱮᱦ ᱥᱟᱯᱷᱯᱷᱟᱨᱡᱟᱫᱮᱦ
ᱡᱟᱱᱟᱢ᱑᱙᱓᱖
ᱥᱤᱨᱡᱟᱱ, ᱤᱨᱟᱱ
ᱜᱩᱨ᱒᱕ ᱚᱠᱴᱚᱵᱚᱨ ᱒᱐᱐᱘ (ᱩᱢᱮᱨ ᱗᱒)
ᱛᱮᱦᱨᱟᱱ, ᱤᱨᱟᱱ
ᱠᱟᱹᱢᱤᱛᱚᱨᱡᱚᱢᱤᱭᱟᱹ, ᱚᱱᱚᱞᱤᱭᱟᱹ, ᱚᱱᱚᱬᱦᱤᱭᱟᱹ
ᱯᱟᱹᱨᱥᱤᱯᱷᱟᱨᱥᱤ, ᱤᱝᱞᱤᱥ, ᱟᱨᱚᱵᱤᱠ
ᱡᱟᱹᱛᱤᱭᱟᱹᱛᱤᱨᱟᱱᱤ
ᱥᱮᱪᱮᱫ ᱟᱥᱲᱟᱛᱮᱦᱨᱟᱱ ᱡᱮᱜᱮᱛ ᱵᱤᱨᱫᱟᱹᱜᱟᱲ

ᱛᱟᱦᱮᱨᱮᱦ ᱥᱟᱯᱷᱯᱷᱟᱨᱡᱟᱫᱮᱦ (ᱯᱷᱟᱨᱥᱤ: طاهره صفارزاده‎‎, ᱑᱙᱓᱖ ᱥᱤᱨᱡᱟᱱ, ᱠᱮᱨᱢᱟᱱ ᱯᱚᱱᱚᱛ, ᱤᱨᱟᱱ - ᱒᱕ ᱚᱠᱴᱚᱵᱚᱨ ᱒᱐᱐᱘ ᱛᱮᱦᱨᱟᱱ, ᱤᱨᱟᱱ) ᱫᱚ ᱢᱤᱫ ᱤᱨᱟᱱᱤ ᱚᱱᱚᱬᱦᱤᱭᱟᱹ, ᱚᱱᱚᱞᱤᱭᱟᱹ, ᱛᱚᱨᱡᱚᱢᱤᱭᱟᱹ ᱟᱨ ᱧᱩᱛᱩᱢᱟᱱ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱯᱨᱚᱯᱷᱮᱥᱚᱨ ᱮ ᱛᱟᱦᱮᱸ ᱠᱟᱱᱟᱭ ᱾[᱑]

ᱥᱮᱪᱮᱫ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱩᱱᱤ ᱑᱙᱖᱐ ᱥᱟᱞᱮ ᱨᱮ ᱤᱝᱞᱤᱥ ᱯᱟᱹᱨᱥᱤ ᱟᱨ ᱥᱟᱶᱦᱮᱫ ᱨᱮ ᱵᱤ.ᱮ. ᱰᱤᱜᱽᱨᱤ ᱧᱟᱢ ᱞᱮᱫᱼᱟ ᱾ ᱠᱤᱪᱷᱩ ᱥᱮᱨᱢᱟ ᱛᱟᱭᱚᱢ ᱩᱱᱤ ᱤᱨᱟᱱ ᱵᱟᱜᱤ ᱠᱟᱛᱮ ᱤᱝᱞᱚᱸᱰ ᱟᱨ ᱤᱱᱟᱹ ᱛᱟᱭᱚᱢ ᱥᱮᱞᱮᱫ ᱯᱚᱱᱚᱛ ᱟᱢᱮᱨᱤᱠᱟᱭ ᱪᱟᱞᱟᱣ ᱮᱱᱟ ᱾ ᱤᱱᱴᱚᱨᱱᱮᱥᱱᱟᱞ ᱨᱟᱭᱴᱤᱝ ᱯᱨᱚᱜᱽᱨᱟᱢ ᱨᱤᱱᱤᱡ ᱥᱚᱦᱮᱫ ᱞᱮᱠᱟᱛᱮ ᱥᱮᱞᱮᱫ ᱮᱱ ᱛᱟᱭᱚᱢ, ᱩᱱᱤ ᱫᱚ ᱮᱢ.ᱮᱯᱷ.ᱮ. ᱯᱨᱚᱜᱽᱨᱟᱢ ᱨᱮ ᱧᱩᱛᱩᱢ ᱮ ᱚᱞ ᱠᱮᱫᱼᱟ ᱡᱟᱦᱟᱸ ᱫᱚ ᱢᱩᱬᱩᱛ ᱞᱮᱠᱟᱛᱮ ᱚᱱᱚᱞᱤᱭᱟᱹ, ᱚᱱᱚᱬᱦᱤᱭᱟᱹ, ᱪᱤᱛᱟᱹᱨᱤᱭᱟᱹ ᱮᱢᱟᱱ ᱠᱚ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱛᱷᱚᱠ ᱨᱮ ᱯᱨᱮᱠᱴᱤᱠᱟᱞ ᱣᱟᱨᱠᱥᱚᱯ ᱟᱨ ᱛᱷᱤᱭᱚᱨᱮᱴᱤᱠᱟᱞ ᱠᱳᱨᱥ ᱵᱟᱱᱟᱨ ᱨᱮ ᱟᱠᱚᱣᱟᱜ ᱟᱨᱴ ᱨᱮᱭᱟᱜ ᱴᱚᱴᱷᱟ ᱨᱮ ᱯᱟᱲᱦᱟᱣ ᱫᱟᱲᱮᱭᱟᱜ ᱞᱟᱹᱜᱤᱫ ᱰᱤᱡᱟᱭᱤᱱ ᱟᱠᱟᱱᱟ ᱾ ᱟᱡᱟᱜ ᱰᱤᱜᱽᱨᱤ ᱞᱟᱹᱜᱤᱫ ᱩᱱᱤ ᱯᱨᱮᱠᱴᱤᱠᱟᱞ ᱞᱤᱴᱮᱨᱟᱨᱤ ᱠᱨᱤᱴᱤᱥᱤᱡᱚᱢ ᱟᱨ ᱛᱚᱨᱡᱚᱢᱟ ᱣᱟᱨᱠᱥᱚᱯ ᱪᱮᱛᱟᱱ ᱨᱮ ᱢᱩᱬᱩᱛ ᱫᱷᱮᱭᱟᱱ ᱮᱢ ᱠᱟᱛᱮ ᱢᱩᱬᱩᱛ ᱱᱟᱦᱟᱜ ᱡᱮᱜᱮᱛ ᱥᱟᱶᱦᱮᱫ ᱮ ᱯᱟᱲᱦᱟᱣ ᱞᱮᱱᱟ ᱾[᱒]

ᱠᱟᱹᱢᱤ ᱠᱚ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱯᱷᱯᱷᱟᱨᱡᱟᱫᱮᱦ ᱑᱔ ᱜᱚᱴᱟᱝ ᱚᱱᱚᱬᱦᱮ ᱯᱚᱛᱚᱵ ᱮ ᱯᱟᱨᱥᱟᱞ ᱟᱠᱟᱫᱼᱟ ᱾ ᱩᱱᱤ ᱫᱚ ᱥᱟᱶᱦᱮᱫ, ᱥᱟᱬᱮᱥ ᱟᱨ ᱠᱳᱨᱟᱱ ᱨᱮᱭᱟᱜ ᱚᱱᱚᱞ ᱠᱚ ᱤᱫᱤ ᱠᱟᱛᱮ ᱛᱚᱨᱡᱚᱢᱟ ᱨᱮᱭᱟᱜ ᱟᱹᱨᱤ ᱪᱮᱛᱟᱱ ᱨᱮ ᱑᱐ ᱜᱚᱴᱟᱝ ᱯᱚᱛᱚᱵ ᱨᱤᱱᱤᱡ ᱚᱱᱚᱞᱤᱭᱟᱹ ᱦᱚᱸ ᱠᱟᱱᱟᱭ ᱾

ᱛᱚᱨᱡᱚᱢᱟ ᱥᱟᱬᱮᱥ ᱨᱮᱭᱟᱜ ᱚᱨᱥᱚᱝ ᱤᱫᱤ ᱠᱟᱛᱮ, ᱥᱟᱯᱷᱯᱷᱟᱨᱡᱟᱫᱮᱦ ᱟᱭᱢᱟ ᱛᱷᱤᱭᱳᱨᱤ ᱮ ᱥᱟᱢᱟᱝ ᱟᱠᱟᱫᱼᱟ ᱡᱟᱦᱟᱸ ᱢᱩᱸᱫᱽ ᱠᱷᱚᱱ "ᱫᱚ ᱥᱟᱭᱤᱱᱴᱤᱯᱷᱤᱠ ᱯᱨᱚᱜᱽᱨᱮᱥᱚᱱ ᱵᱷᱟᱭᱟ ᱴᱨᱟᱱᱥᱞᱮᱥᱚᱱ" ᱡᱚᱛᱚ ᱠᱷᱚᱱ ᱧᱩᱛᱩᱢᱟᱱ ᱞᱮᱠᱟᱛᱮ ᱢᱟᱱᱟᱣ ᱟᱠᱟᱱᱟ ᱾ "ᱴᱨᱟᱱᱥᱞᱮᱴᱤᱝ ᱫᱚ ᱯᱷᱚᱱᱰᱟᱢᱮᱱᱴᱟᱞ ᱢᱤᱱᱤᱝᱥ ᱚᱯᱷ ᱫᱚ ᱦᱳᱞᱤ ᱠᱳᱨᱟᱱ" (᱑᱙᱙᱙) ᱯᱚᱛᱚᱵ ᱨᱮ ᱡᱟᱦᱟᱸ ᱫᱚ ᱠᱳᱨᱟᱱ ᱨᱮᱭᱟᱜ ᱤᱝᱞᱤᱥ ᱟᱨ ᱯᱷᱟᱨᱥᱤ ᱛᱚᱨᱡᱚᱢᱟ ᱪᱮᱛᱟᱱ ᱨᱮ ᱢᱤᱫ ᱥᱟᱹᱨᱤ ᱠᱷᱚᱸᱫᱽᱨᱚᱸᱫᱽ ᱠᱟᱱᱟ, ᱩᱱᱤ ᱢᱩᱬᱩᱛ ᱵᱷᱩᱞ ᱟᱨ ᱠᱷᱟᱢᱛᱤ ᱠᱚ ᱯᱟᱸᱡᱟ ᱧᱟᱢ ᱨᱮᱭ ᱥᱟᱠᱥᱮᱥ ᱟᱠᱟᱱᱟ; ᱟᱨ ᱚᱱᱟ ᱠᱷᱟᱢᱛᱤ ᱠᱚ ᱩᱫᱩᱜ ᱠᱟᱛᱮ ᱩᱱᱤ ᱠᱳᱨᱟᱱ ᱨᱮᱭᱟᱜ ᱛᱚᱨᱡᱚᱢᱟ ᱨᱮ ᱥᱚᱢᱟᱱ ᱟᱹᱲᱟᱹ ᱯᱟᱸᱡᱟ ᱧᱟᱢ ᱨᱮᱭᱟᱜ ᱢᱤᱫ ᱱᱟᱣᱟ ᱦᱚᱨᱟᱭ ᱩᱫᱩᱜ ᱟᱠᱟᱫᱼᱟ ᱡᱟᱦᱟᱸ ᱨᱮᱭᱟᱜ ᱚᱨᱥᱚᱝ ᱱᱚᱶᱟ ᱧᱩᱛᱩᱢᱟᱱ ᱩᱭᱦᱟᱹᱨᱟᱱ ᱛᱚᱨᱡᱚᱢᱟ ᱞᱮᱠᱟᱛᱮ ᱥᱟᱢᱟᱝ ᱦᱮᱡ ᱟᱠᱟᱱᱟ ᱾[᱒] ᱩᱱᱤ ᱒᱐᱐᱑ ᱥᱟᱞᱮ ᱨᱮ ᱯᱷᱟᱨᱥᱤ ᱟᱨ ᱤᱝᱞᱤᱥ ᱛᱮ ᱠᱳᱨᱟᱱ ᱨᱮᱭᱟᱜ ᱵᱟᱨ-ᱯᱟᱹᱨᱥᱤᱭᱟᱱ ᱛᱚᱨᱡᱚᱢᱟᱭ ᱯᱟᱨᱥᱟᱞ ᱞᱮᱫᱼᱟ, ᱡᱟᱦᱟᱸ ᱫᱚ ᱠᱳᱨᱟᱱ ᱨᱮᱭᱟᱜ ᱯᱩᱭᱞᱩ ᱵᱟᱨ-ᱯᱟᱹᱨᱥᱤᱭᱟᱱ ᱛᱚᱨᱡᱚᱢᱟ, ᱟᱨ ᱢᱤᱫ ᱠᱩᱲᱤ ᱦᱚᱯᱚᱱ ᱦᱚᱛᱮᱛᱮ ᱠᱳᱨᱟᱱ ᱨᱮᱭᱟᱜ ᱤᱝᱞᱤᱥ ᱛᱮ ᱯᱩᱭᱞᱩ ᱛᱚᱨᱡᱚᱢᱟ ᱠᱟᱱᱟ ᱾[᱓][᱔][᱕]

ᱥᱤᱨᱯᱷᱟᱹ ᱟᱨ ᱢᱟᱹᱱ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱩᱱᱤ ᱒᱐᱐᱕ ᱥᱟᱞᱮ ᱨᱮ "ᱚᱨᱜᱟᱱᱟᱭᱡᱮᱥᱚᱱ ᱚᱯᱷ ᱟᱯᱷᱨᱳ-ᱮᱥᱤᱭᱟᱱ ᱨᱟᱭᱴᱚᱨᱥ" ᱦᱚᱛᱮᱛᱮᱭ ᱵᱟᱪᱷᱟᱣ ᱞᱮᱱᱟ ᱟᱨ ᱢᱤᱥᱚᱨ ᱨᱤᱱᱤᱡ "ᱠᱟᱞᱪᱟᱨ ᱮᱱᱰ ᱤᱱᱯᱷᱚᱨᱢᱮᱥᱚᱱ ᱢᱚᱱᱛᱨᱤ" ᱢᱚᱦᱚᱢᱢᱚᱫᱽ ᱢᱟᱡᱽᱫᱤ ᱢᱟᱨᱡᱟᱱ ᱡᱟᱦᱟᱸᱭ ᱫᱚ ᱱᱚᱶᱟ ᱚᱨᱜᱟᱱᱟᱭᱡᱮᱥᱚᱱ ᱨᱤᱱᱤᱡ ᱢᱩᱬᱩᱛ ᱠᱟᱱᱟᱭ, ᱩᱱᱤᱭᱟᱜ ᱢᱮᱱ ᱞᱮᱠᱟᱛᱮ:[᱖]

ᱪᱤᱴᱷᱤ ᱨᱮ ᱚᱞ ᱢᱮᱱᱟᱜᱼᱟ,

"ᱥᱟᱶᱦᱮᱫ ᱨᱤᱱ ᱢᱩᱬᱩᱛ ᱟᱨ ᱧᱩᱛᱩᱢᱟᱱ ᱠᱩᱲᱤ ᱦᱚᱯᱚᱱ ᱠᱚ ᱩᱭᱦᱟᱹᱨ ᱫᱚᱦᱚ ᱞᱟᱹᱜᱤᱫ ᱟᱞᱮ ᱡᱮᱜᱮᱛᱟᱹᱨᱤ ᱞᱮᱵᱷᱮᱞ ᱨᱮ ᱧᱩᱛᱩᱢᱟᱱ ᱤᱨᱟᱱᱤ ᱠᱩᱲᱤ ᱚᱱᱚᱬᱦᱤᱭᱟᱹ ᱛᱟᱦᱮᱨᱮᱦ ᱥᱟᱯᱷᱯᱷᱟᱨᱡᱟᱫᱮᱦ ᱞᱮ ᱵᱟᱪᱷᱟᱣ ᱟᱠᱟᱫᱮᱭᱟ, ᱡᱟᱦᱟᱸᱭᱟᱜ ᱡᱤᱞᱤᱧ ᱥᱚᱝᱜᱷᱚᱨᱥ ᱨᱮᱭᱟᱜ ᱱᱟᱜᱟᱢ ᱥᱟᱶ ᱜᱚᱴᱟ ᱤᱥᱞᱟᱢᱤᱠ ᱩᱢᱢᱟᱦ ᱩᱯᱨᱩᱢ ᱢᱮᱱᱟᱜ ᱠᱚᱣᱟ, ᱤᱥᱞᱟᱢᱤᱠ ᱡᱮᱜᱮᱛ ᱨᱮ ᱟᱨ ᱒᱐᱐᱕ ᱨᱮᱭᱟᱜ ᱡᱮᱜᱮᱛᱟᱹᱨᱤ ᱴᱷᱟᱶ ᱨᱮ ᱢᱤᱫ ᱢᱩᱬᱩᱛ ᱠᱩᱲᱤ ᱦᱚᱯᱚᱱ ᱞᱮᱠᱟᱛᱮ ᱾"

ᱚᱨᱜᱟᱱᱟᱭᱡᱮᱥᱚᱱ ᱚᱯᱷ ᱟᱯᱷᱨᱳ-ᱮᱥᱤᱭᱟᱱ ᱨᱟᱭᱴᱚᱨᱥ ᱞᱮᱠᱟᱛᱮ:[᱗]

ᱛᱟᱦᱮᱨᱮᱦ ᱥᱟᱯᱷᱯᱷᱟᱨᱡᱟᱫᱮᱦ ᱢᱟᱦᱟᱱ ᱤᱨᱟᱱᱤ ᱚᱱᱚᱬᱦᱤᱭᱟᱹ ᱟᱨ ᱚᱱᱚᱞᱤᱭᱟᱹ ᱫᱚ ᱢᱩᱥᱞᱤᱢ ᱯᱟᱹᱛᱭᱟᱹᱣᱟᱱ ᱠᱩᱲᱤ ᱦᱚᱯᱚᱱ ᱠᱚ ᱞᱟᱹᱜᱤᱫ ᱢᱤᱫ ᱢᱟᱨᱟᱝ ᱫᱟᱹᱭᱠᱟᱹ ᱠᱟᱱᱟᱭ, ᱡᱮ ᱥᱟᱱᱟᱢ ᱢᱩᱥᱞᱤᱢ ᱩᱱᱤᱭᱟᱜ ᱴᱷᱟᱶ ᱠᱚ ᱢᱟᱱᱟᱣ ᱵᱟᱛᱟᱣᱟ ᱟᱨ ᱟᱡᱟᱜ ᱨᱟᱡᱽᱟᱹᱨᱤ ᱞᱟᱹᱲᱦᱟᱹᱭ ᱵᱮᱠᱜᱨᱟᱣᱩᱱᱰ, ᱟᱨ ᱟᱡᱟᱜ ᱜᱟᱹᱦᱤᱨ ᱜᱮᱭᱟᱱ ᱠᱷᱟᱹᱛᱤᱨ, ᱱᱤᱭᱟᱹ ᱥᱮᱨᱢᱟ ᱩᱱᱤ ᱱᱚᱶᱟ ᱚᱨᱜᱟᱱᱟᱭᱡᱮᱥᱚᱱ ᱦᱚᱛᱮᱛᱮ ᱢᱟᱱᱟᱣ ᱞᱟᱹᱜᱤᱫ ᱮ ᱵᱟᱪᱷᱟᱣ ᱟᱠᱟᱱᱟ ᱾

ᱥᱟᱹᱠᱷᱭᱟᱹᱛ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
  1. ↑ Muslimah Writers Alliance Muslim Women Making History: Tahereh Saffarzadeh
  2. 1 2 "Saffarzade's website". Archived from the original on 2007-07-07. Retrieved 2007-02-22.
  3. ↑ Saffarzadeh Commemoration Due Iran Daily, October 18, 2010
  4. ↑ Art News in Brief Tehran Times, October 28, 2008
  5. ↑ The Sublime Quran. Islamicworld.com. 2007. ISBN 978-1567447507.
  6. ↑ Muslimah Writers Alliance Muslim Women Making History Tahereh Saffarzadeh
  7. ↑ "Taherehsaffarzadeh.ir". Archived from the original on 2007-07-07. Retrieved 2007-02-22.

ᱯᱷᱮᱰᱟᱛ ᱠᱚ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱟᱦᱨᱮ ᱡᱚᱱᱚᱲ ᱠᱚ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
"https://sat.wikipedia.org/w/index.php?title=ᱛᱟᱦᱮᱨᱮᱦ_ᱥᱟᱯᱷᱯᱷᱟᱨᱡᱟᱫᱮᱦ&oldid=196502" ᱠᱷᱚᱱ ᱧᱟᱢ ᱟᱹᱜᱩᱭ