ᱛᱟᱨᱤᱱᱟ ᱯᱟᱴᱮᱞ
| ᱛᱟᱨᱤᱱᱟ ᱯᱟᱴᱮᱞ | |
|---|---|
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱠᱮᱯ ᱴᱟᱣᱩᱱ, ᱥᱟᱣᱩᱛᱷ ᱟᱯᱷᱨᱤᱠᱟ |
| ᱥᱮᱪᱮᱫ | Durban Girls' College University of the Free State |
| ᱠᱟᱹᱢᱤ | ᱮᱠᱴᱨᱮᱥ, ᱢᱚᱰᱮᱞ, ᱯᱷᱤᱞᱢ ᱯᱨᱚᱰᱩᱭᱩᱥᱚᱨ |
| ᱠᱟᱹᱢᱤ ᱚᱠᱛᱚ | 2006 – ᱱᱤᱛ |
| ᱧᱩᱢᱦᱟᱞᱟᱝ ᱠᱟᱹᱢᱤ | Bhool Bhulaiyaa |
| ᱡᱤᱭᱚᱱ ᱥᱚᱦᱮᱫ | ᱤᱠᱵᱟᱞ ᱥᱚᱨᱢᱟ (m. 2009) |
ᱛᱟᱨᱤᱱᱟ ᱯᱟᱴᱮᱞ ᱫᱚ ᱠᱮᱯ ᱴᱟᱣᱩᱱ ᱨᱮ ᱡᱟᱱᱟᱢ ᱟᱠᱟᱱ ᱟᱨ ᱰᱟᱨᱵᱚᱱ ᱨᱮ ᱦᱟᱨᱟ ᱵᱩᱨᱩ ᱟᱠᱟᱱ ᱢᱤᱫ ᱫᱟᱹᱠᱷᱤᱱ ᱟᱯᱷᱨᱤᱠᱟᱱ ᱮᱠᱴᱨᱮᱥ, ᱯᱷᱤᱞᱢ ᱯᱨᱚᱰᱭᱩᱥᱟᱨ, ᱢᱚᱰᱮᱞ ᱟᱨ ᱴᱮᱞᱤᱵᱷᱤᱡᱚᱱ ᱦᱳᱥᱴ ᱠᱟᱱᱟᱭ᱾[᱑][᱒] ᱩᱱᱤ ᱟᱠᱥᱟᱭ ᱠᱩᱢᱟᱨ ᱟᱜ, ᱦᱳᱨᱳᱨ-ᱠᱳᱢᱮᱰᱤ - ᱵᱷᱩᱞ ᱵᱷᱩᱞᱟᱹᱭᱤᱭᱟ ᱨᱮᱭ ᱧᱮᱞ ᱞᱮᱱᱟ᱾ ᱩᱱᱤ ᱫᱟ ᱨᱤᱭᱟᱞ ᱦᱟᱣᱩᱥᱣᱟᱭᱤᱵᱽᱥ ᱚᱯᱷ ᱡᱳᱦᱟᱱᱮᱥᱵᱚᱨᱜ ᱨᱮᱱᱟᱜ ᱫᱟᱹᱠᱷᱤᱱ ᱟᱯᱷᱨᱤᱠᱟᱱ ᱵᱷᱚᱨᱥᱚᱱ ᱨᱮᱭ ᱛᱟᱦᱮᱸ ᱟᱠᱟᱱᱟ᱾
ᱮᱛᱚᱦᱚᱵ ᱡᱤᱭᱚᱱ ᱟᱨ ᱥᱮᱪᱮᱫ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱯᱟᱴᱮᱞ ᱠᱮᱯ ᱴᱟᱣᱩᱱ, ᱫᱟᱹᱠᱷᱤᱱ ᱟᱯᱷᱨᱤᱠᱟ ᱨᱮᱭ ᱡᱟᱱᱟᱢ ᱟᱠᱟᱱᱟ ᱟᱨ ᱰᱟᱨᱵᱚᱱ, ᱠᱣᱟᱡᱩᱞᱩ-ᱱᱟᱛᱟᱞ ᱯᱨᱳᱵᱷᱤᱱᱥ ᱨᱮ ᱦᱟᱨᱟ ᱵᱩᱨᱩ ᱦᱩᱭ ᱟᱠᱟᱱᱟ᱾ ᱩᱱᱤ ᱨᱟᱢᱟᱱ ᱯᱟᱴᱮᱞ ᱨᱤᱱ ᱢᱤᱫ ᱥᱩᱢᱩᱝ ᱠᱩᱲᱤ ᱠᱟᱱᱟᱭ, ᱢᱤᱫ ᱰᱟᱠᱛᱟᱨ ᱡᱟᱦᱟᱸᱭ ᱜᱷᱟᱨᱚᱸᱡᱽ ᱟᱨ ᱮᱢᱟᱨᱡᱮᱱᱥᱤ ᱢᱮᱰᱤᱥᱤᱱ ᱨᱮ ᱮᱥᱯᱮᱥᱤᱭᱟᱞᱟᱭᱤᱡᱤᱝ ᱮ ᱠᱟᱱᱟ, ᱟᱨ ᱵᱷᱤᱱᱟ ᱯᱟᱴᱮᱞ ᱤᱝᱜᱽᱨᱟᱹᱡᱤ ᱟᱨ ᱱᱟᱜᱟᱢ ᱨᱮᱱ ᱢᱤᱫ ᱢᱟᱪᱮᱛ ᱠᱟᱱᱟᱭ᱾ ᱩᱱᱤ ᱨᱤᱱ ᱵᱟᱨᱭᱟ ᱵᱚᱭᱦᱟ ᱢᱮᱱᱟᱜ ᱠᱤᱱᱟ: ᱦᱤᱛᱮᱥ ᱯᱟᱴᱮᱞ, ᱢᱤᱫ ᱵᱤᱡᱱᱮᱥ ᱞᱳ ᱟᱨ ᱴᱮᱠᱥ ᱮᱠᱥᱯᱟᱨᱴ, ᱟᱨ ᱫᱤᱱᱮᱥ ᱯᱟᱴᱮᱞ, ᱡᱟᱦᱟᱸᱭ ᱮᱠᱪᱩᱣᱟᱞ ᱥᱟᱭᱮᱱᱥ ᱟᱨ ᱵᱤᱡᱱᱮᱥ ᱥᱟᱭᱮᱱᱥ ᱮ ᱯᱟᱲᱦᱟᱣ ᱟᱠᱟᱫᱟ ᱟᱨ ᱚᱨᱰᱟᱨ-ᱤᱱ ᱧᱩᱛᱩᱢ ᱛᱮ ᱟᱡᱟᱜ ᱵᱤᱡᱱᱮᱥ ᱮ ᱛᱷᱟᱯᱚᱱ ᱟᱠᱟᱫᱟ᱾ ᱯᱟᱴᱮᱞ ᱢᱤᱫ ᱟᱭᱚ ᱨᱮᱱ ᱜᱩᱡᱽᱨᱟᱛᱤ ᱠᱟᱱᱟᱭ ᱟᱨ ᱦᱤᱱᱫᱩ ᱯᱟᱹᱛᱭᱟᱹᱣ ᱨᱮ ᱦᱟᱨᱟ ᱵᱩᱨᱩ ᱦᱩᱭ ᱟᱠᱟᱱᱟ᱾[᱓]
ᱯᱟᱴᱮᱞ ᱰᱟᱨᱵᱚᱱ ᱜᱟᱨᱞᱥ' ᱠᱚᱞᱮᱡᱽ ᱨᱮ ᱥᱮᱪᱮᱫ ᱦᱩᱭ ᱟᱠᱟᱱᱟ ᱡᱟᱦᱟᱸ ᱨᱮ ᱟᱡᱟᱜ ᱯᱟᱲᱦᱟᱣ ᱨᱮ ᱤᱝᱜᱽᱨᱟᱹᱡᱤ, ᱟᱯᱷᱨᱤᱠᱟᱱᱥ, ᱯᱷᱨᱮᱸᱪ, ᱞᱮᱴᱤᱱ, ᱵᱟᱭᱳᱞᱳᱡᱤ, ᱥᱟᱭᱮᱱᱥ, ᱢᱮᱛᱷᱮᱢᱮᱴᱤᱠᱥ, ᱮᱰᱵᱷᱟᱸᱥ ᱢᱮᱛᱷᱮᱢᱮᱴᱤᱠᱥ ᱟᱨ ᱠᱚᱢᱯᱭᱩᱴᱟᱨ ᱥᱟᱭᱮᱱᱥ ᱥᱮᱞᱮᱫ ᱛᱟᱦᱮᱸ ᱠᱟᱱᱟ᱾ ᱦᱟᱭ ᱤᱥᱠᱩᱞ ᱯᱩᱨᱟᱹᱣ ᱠᱟᱛᱮ ᱛᱟᱭᱚᱢ, ᱩᱱᱤ ᱡᱟᱭ ᱦᱟᱱᱰ ᱠᱚᱞᱮᱡᱽ ᱨᱮ ᱢᱮᱰᱤᱥᱤᱱ ᱯᱟᱲᱦᱟᱣ ᱞᱟᱹᱜᱤᱫ ᱢᱩᱢᱵᱟᱭ ᱥᱮᱱ ᱮᱱᱟ ᱟᱨ ᱛᱟᱭᱚᱢ ᱜᱨᱟᱸᱴ ᱢᱮᱰᱤᱠᱟᱞ ᱠᱚᱞᱮᱡᱽ ᱨᱮ ᱦᱚᱸ, ᱚᱸᱰᱮ ᱟᱡ ᱵᱟᱵᱟ ᱢᱮᱰᱤᱥᱤᱱ ᱮ ᱯᱟᱲᱦᱟᱣ ᱟᱠᱟᱫᱟ᱾[᱔]
ᱫᱟᱹᱠᱷᱤᱱ ᱟᱯᱷᱨᱤᱠᱟ ᱨᱩᱣᱟᱹᱲ ᱠᱟᱛᱮ, ᱛᱟᱨᱤᱱᱟ ᱟᱡᱟᱜ ᱢᱮᱰᱤᱠᱟᱞ ᱠᱨᱮᱰᱤᱴ ᱮ ᱵᱚᱫᱚᱞ ᱠᱮᱫᱟ ᱟᱨ ᱵᱽᱞᱳᱢᱯᱷᱳᱱᱴᱮᱱ ᱨᱮ ᱯᱷᱨᱤ ᱤᱥᱴᱮᱴ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱢᱱᱳᱵᱤᱜᱽᱭᱟᱱ ᱨᱮ ᱦᱳᱱᱟᱨᱥ ᱯᱨᱳᱜᱨᱟᱢ ᱨᱮ ᱥᱮᱞᱮᱫ ᱮᱱᱟ᱾ ᱩᱱᱤ ᱠᱞᱤᱱᱤᱠᱟᱞ ᱥᱟᱭᱠᱳᱞᱳᱡᱤ ᱨᱮ ᱢᱤᱫ ᱰᱤᱜᱽᱨᱤ ᱥᱟᱶ ᱥᱟᱢᱟ ᱠᱚᱢ ᱞᱚᱰ ᱥᱟᱶ ᱜᱨᱟᱡᱩᱭᱮᱴ ᱮᱱᱟ᱾ ᱢᱮᱱᱠᱷᱟᱱ, ᱩᱱᱤ ᱥᱟᱭᱠᱳᱞᱳᱡᱤᱥᱴ ᱞᱮᱠᱟᱛᱮ ᱯᱷᱚᱨᱢᱟᱞᱤ ᱨᱩᱯ ᱛᱮ ᱛᱤᱥ ᱦᱚᱸ ᱵᱟᱭ ᱯᱨᱮᱠᱴᱤᱥ ᱟᱠᱟᱫᱟ᱾[᱕]
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ Pantsi, Nandipha. "Tarina Patel, the beauty on Generations". The Citizen (in ᱟᱝᱜᱽᱨᱮᱡᱤ). Retrieved 2018-09-06.
- ↑ "Bollywood Star Tarina Patel joins the cast of Generations: The Legacy | DESTINY Magazine". DESTINY Magazine (in ᱵᱨᱤᱴᱤᱥ ᱟᱝᱜᱽᱨᱮᱡᱤ). 2015-02-27. Archived from the original on 7 September 2018. Retrieved 2018-09-06.
- ↑ Khan, Ayesha (2019-07-15). "I want to take the wisdom and courage of Gandhi and Mandela ahead: Tarina Patel". The Sunday Guardian Live (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). Archived from the original on 2025-02-19. Retrieved 2024-11-09.
- ↑ "Durban star hotting up silver screen". Retrieved 2024-11-08 – via PressReader.
- ↑ "India Honours SA Actress". Retrieved 2024-11-08 – via PressReader.
ᱵᱟᱦᱨᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ᱛᱟᱨᱤᱱᱟ ᱯᱟᱴᱮᱞ (ᱤᱱᱴᱚᱨᱱᱮᱴ ᱢᱩᱵᱷᱤ ᱰᱟᱴᱟᱵᱮᱥ ᱨᱮ)