ᱛᱟᱭᱣᱟᱱ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
ᱪᱤᱱ ᱨᱮᱱᱟᱜ ᱡᱷᱟᱹᱱᱰᱤ

ᱛᱟᱭᱣᱟᱱ (ᱤᱝᱞᱤᱥᱛᱮ-Taiwan) ᱥᱚᱨᱠᱟᱨᱤ ᱞᱮᱠᱟᱛᱮ ᱫᱚ ᱪᱤᱱ ᱯᱨᱚᱡᱟᱛᱚᱱᱛᱨᱚ ᱜᱤ ᱞᱮᱠᱷᱟᱜᱼᱟ ᱾ ᱱᱤᱭᱟᱹ ᱫᱚ ᱯᱩᱨᱩᱵᱽ ᱮᱥᱤᱭᱟ ᱨᱮᱱᱟᱜ ᱢᱤᱫᱴᱟᱝ ᱫᱷᱤᱯ ᱠᱟᱱᱟ ᱾ ᱚᱠᱟ ᱫᱚ ᱛᱟᱭᱣᱟᱱ ᱯᱨᱚᱱᱟᱞᱤ ᱨᱮᱱᱟᱜ ᱯᱩᱨᱩᱵᱽ ᱨᱮ ᱪᱤᱱ ᱨᱮᱱᱟᱜ ᱫᱟᱠᱷᱤᱱ-ᱯᱩᱨᱩᱵᱽ ᱩᱯᱚᱠᱩᱞ ᱨᱮ ᱢᱮᱱᱟᱜᱼᱟ ᱾ ᱛᱟᱭᱣᱟᱱ ᱫᱚ ᱦᱚᱭᱩᱜ ᱠᱟᱱᱟ ᱤᱣᱨᱳᱯ ᱮᱥᱤᱭᱟ ᱯᱞᱮᱴ ᱞᱮᱠᱟᱛᱮ ᱛᱮᱭᱟᱨ ᱚᱛ ᱟᱨ ᱯᱷᱤᱞᱤᱯᱟᱭᱤᱱ ᱠᱷᱚᱱ ᱫᱟᱠᱷᱤᱱ ᱨᱮ ᱢᱮᱱᱟᱜᱼᱟ ᱾ ᱫᱚᱥᱟᱨ ᱢᱟᱨᱟᱝ ᱞᱟᱹᱲᱦᱟᱹᱭ ᱛᱟᱭᱚᱢ ᱱᱤᱭᱟᱹ ᱫᱤᱯ ᱠᱚ ᱪᱤᱱ ᱟᱜ ᱥᱟᱥᱚᱱ ᱨᱮ ᱛᱟᱦᱮᱸ ᱠᱟᱱᱟ ᱾ ᱚᱱᱟ ᱞᱮᱠᱟᱛᱮ ᱯᱨᱚᱡᱟᱛᱚᱱᱛᱨᱤ ᱪᱤᱱ ᱢᱮᱱᱛᱮ ᱦᱚᱸ ᱛᱟᱭᱣᱟᱱ ᱵᱟᱰᱟᱭᱚᱜᱼᱟ ᱾ ᱯᱨᱚᱡᱟᱛᱚᱱᱛᱨᱤ ᱪᱤᱱ ᱯᱨᱚᱥᱟᱱᱛᱚ ᱢᱚᱦᱟᱫᱚᱨᱮᱭᱟ ᱨᱮᱱᱟᱜ ᱛᱟᱭᱣᱟᱱ ᱫᱷᱤᱯ, ᱚᱨᱠᱤᱰ ᱟᱭᱞᱟᱱᱰ, ᱜᱨᱤᱱ ᱟᱭᱞᱟᱱᱰ ᱮ ᱥᱟᱥᱚᱱ ᱮᱫ ᱛᱟᱦᱮᱸ ᱠᱟᱱᱟ ᱾ ᱚᱱᱟᱵᱟᱝ ᱠᱟᱛᱮᱜ ᱦᱚᱸ ᱯᱤᱥᱠᱟᱫᱳᱨᱤᱥ, ᱠᱤᱱᱢᱮᱱ, ᱯᱷᱩᱪᱤᱭᱮᱱ ᱛᱤᱨ ᱨᱮᱱᱟᱜ ᱢᱟᱛᱥᱩ ᱟᱭᱞᱟᱱᱰ ᱮᱢᱟᱱ ᱫᱤᱯ ᱦᱚᱸ ᱠᱚ ᱥᱟᱥᱚᱱ ᱟᱠᱟᱫᱼᱟ ᱾ ᱛᱟᱭᱣᱟᱱ ᱟᱨ ᱯᱷᱮᱝᱦᱩ ᱫᱚ ᱯᱨᱚᱡᱟᱛᱚᱱᱛᱨᱤ ᱪᱤᱱ ᱨᱮᱱᱟᱜ ᱛᱟᱭᱣᱟᱱ ᱯᱨᱚᱫᱮᱥ ᱞᱮᱠᱟᱛᱮ ᱥᱟᱥᱚᱱᱚᱜ ᱠᱟᱱᱟ ᱾

ᱡᱟᱹᱛᱤ ᱪᱤᱠᱷᱱᱟᱹ

ᱛᱟᱭᱣᱟᱱ ᱫᱤᱯ ᱨᱮᱱᱟᱜ ᱚᱛ ᱫᱚ ᱯᱷᱩᱨᱢᱳᱡᱟ ᱧᱤᱛᱩᱢ ᱛᱮᱦᱚᱸ ᱢᱮᱱᱚᱜᱼᱟ ᱾ ᱚᱠᱟᱫᱚ ᱯᱩᱨᱩᱵᱽ ᱮᱥᱤᱭᱟ ᱨᱮᱱᱟᱜ ᱪᱤᱱ ᱢᱩᱞ ᱚᱛ ᱨᱮᱱᱟᱜ ᱟᱲᱮ ᱨᱮ ᱟᱨ ᱡᱟᱯᱟᱱ ᱨᱮᱱᱟᱜ ᱚᱛ ᱨᱮᱱᱟᱜ ᱫᱟᱠᱷᱤᱱ-ᱯᱟᱹᱪᱷᱤᱢ ᱨᱮ ᱢᱮᱱᱟᱜᱼᱟ ᱾ ᱡᱟᱯᱟᱱ ᱨᱮᱱᱟᱜ ᱨᱤᱣᱠᱤᱴ ᱫᱤᱯ ᱨᱮᱱᱟᱜ ᱴᱷᱤᱠ ᱯᱟᱹᱪᱷᱤᱢ ᱨᱮ ᱛᱟᱭᱣᱟᱱ ᱫᱚ ᱢᱮᱱᱟᱜᱼᱟ ᱾ ᱱᱤᱭᱟᱹ ᱨᱮᱱᱟᱜ ᱯᱩᱨᱩᱵᱽ ᱨᱮ ᱫᱚ ᱯᱨᱚᱥᱟᱱᱛᱚ ᱢᱚᱦᱟᱫᱚᱨᱮᱭᱟ, ᱫᱟᱹᱠᱷᱤᱱ ᱨᱮ ᱫᱟᱹᱠᱷᱤᱱ ᱪᱤᱱ ᱜᱟᱝᱜᱟ ᱟᱨ ᱞᱩᱡᱚᱱ ᱠᱷᱟᱹᱲᱤ, ᱯᱟᱹᱪᱷᱤᱢ ᱨᱮ ᱛᱟᱭᱣᱟᱱ ᱠᱷᱟᱹᱲᱤ ᱟᱨ ᱯᱩᱨᱩᱵᱽ ᱨᱮ ᱫᱚ ᱯᱩᱨᱩᱵᱽ ᱪᱤᱱ ᱜᱟᱝᱜᱟ ᱢᱮᱱᱟᱜᱼᱟ ᱾ ᱱᱤᱭᱟᱹ ᱫᱤᱯ ᱫᱚ ᱓᱙᱔ ᱠᱤᱞᱳᱢᱤᱴᱟᱨ (᱒᱔᱕ ᱢᱟᱭᱤᱞ) ᱡᱤᱞᱤᱧ ᱟᱨ ᱑᱔᱔ ᱠᱤᱞᱳᱢᱤᱴᱟᱨ (᱘᱙ ᱢᱟᱭᱤᱞ) ᱜᱟᱱᱰᱮ ᱛᱮ ᱱᱚᱱᱰᱮ ᱫᱚ ᱠᱟᱲᱟ ᱵᱩᱨᱩ ᱟᱨ ᱴᱨᱚᱯᱤᱠᱟᱞ ᱵᱤᱨ ᱢᱮᱱᱟᱜᱼᱟ ᱾

ᱛᱟᱭᱣᱟᱱ ᱨᱮᱱ ᱢᱟᱱᱣᱟ ᱮᱞ ᱫᱚ ᱒᱐,᱓᱐,᱐᱐,᱐᱐᱐ ᱞᱮᱠᱟ ᱢᱮᱱᱟᱜ ᱠᱚᱣᱟ ᱾ ᱱᱚᱱᱰᱮ ᱦᱳᱠᱞᱳ ᱡᱟᱹᱛᱤ ᱠᱚ ᱰᱷᱮᱨᱼᱟ ᱟᱨᱦᱚᱸ ᱢᱮᱱᱟᱜ ᱠᱚᱣᱟ ᱦᱟᱠᱠᱟ, ᱥᱮᱫᱟᱭ ᱛᱟᱭᱣᱟᱱ ᱵᱟᱥᱤ, ᱪᱤᱱ ᱛᱟᱭᱣᱟᱱ ᱵᱟᱥᱤ, ᱯᱨᱚᱵᱟᱥᱤ ᱛᱟᱭᱣᱟᱱ ᱵᱟᱥᱤ ᱮᱢᱟᱱ ᱡᱟᱹᱛᱤ ᱢᱮᱱᱟᱜ ᱠᱚᱣᱟ ᱾ ᱱᱚᱱᱰᱮ ᱨᱮᱱᱟᱜ ᱢᱟᱨᱟᱝ ᱟᱱ ᱯᱟᱹᱨᱥᱤ ᱫᱚ ᱢᱟᱱᱫᱟᱨᱤᱱ ᱠᱟᱱᱟ ᱟᱨ ᱦᱩᱰᱤᱧ ᱯᱟᱹᱨᱥᱤ ᱠᱚ ᱫᱚ ᱦᱩᱭᱩᱜᱼᱠᱟᱱᱟ ᱛᱟᱭᱣᱟᱱᱤ (ᱱᱤᱱᱚᱱᱟᱱ ᱩᱯᱚᱵᱷᱟᱥᱟ), ᱦᱟᱠᱠᱟ ᱯᱟᱹᱨᱥᱤ ᱮᱢᱟᱱᱟᱜ ᱠᱚ ᱾ ᱦᱟᱭᱟᱨ ᱴᱮᱠᱱᱳᱞᱚᱡᱤ, ᱠᱨᱤᱥᱤ ᱡᱤᱱᱤᱥ ᱞᱮᱠᱟᱱ ᱮᱢᱟᱱᱟᱜ ᱵᱟᱦᱨᱮ ᱫᱤᱥᱚᱢ ᱛᱮ ᱟᱹᱠᱷᱽᱨᱤᱧ ᱠᱟᱛᱮᱜ ᱜᱮ ᱟᱭᱢᱟ ᱵᱤᱫᱮᱥᱤ ᱠᱟᱹᱣᱰᱤ ᱠᱚ ᱧᱟᱢᱟ ᱾ ᱱᱮᱱᱚᱴᱮᱠᱱᱚᱞᱚᱡᱤ, ᱚᱯᱴᱳ ᱤᱞᱮᱠᱴᱨᱚᱱᱤᱠ, ᱴᱩᱨᱤᱥᱴ ᱞᱮᱠᱟᱱ ᱮᱢᱟᱱ ᱠᱟᱨᱜᱟᱲ ᱜᱮ ᱛᱟᱭᱣᱟᱱ ᱨᱮᱱᱟᱜ ᱟᱨᱡᱟᱣ ᱦᱚᱨᱰᱟᱦᱟᱨ ᱠᱟᱱᱟ ᱾

ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱫᱚᱥᱟᱨ ᱢᱟᱨᱟᱝ ᱞᱟᱹᱲᱦᱟᱹᱭ ᱚᱠᱛᱮ ᱜᱚᱱᱚ ᱪᱤᱱ ᱨᱮ ᱡᱟᱯᱟᱱᱤ ᱠᱚᱣᱟᱜ ᱦᱟᱢᱞᱟ ᱫᱟᱨᱟᱢ ᱞᱟᱹᱜᱤᱛ ᱛᱮ ᱪᱤᱱ ᱨᱮᱱ ᱠᱩᱣᱢᱤᱱᱛᱟᱝ ᱯᱟᱨᱴᱤ ᱪᱤᱱ ᱨᱮᱱ ᱠᱚᱢᱤᱣᱱᱤᱥᱴ ᱯᱟᱹᱨᱴᱤ ᱥᱟᱶ ᱠᱚ ᱢᱤᱫ ᱞᱮᱱᱟ ᱾ ᱡᱟᱯᱟᱱ ᱫᱟᱨᱟᱢ ᱡᱤᱛᱠᱟᱹᱨ ᱛᱟᱭᱚᱢ ᱪᱤᱭᱟᱝ ᱠᱟᱭᱥᱮᱠ ᱟᱜ ᱟᱹᱭᱩᱨ ᱛᱮ ᱢᱩᱣᱢᱤᱱᱛᱟᱝ ᱜᱳᱥᱴᱷᱤ ᱟᱢᱮᱨᱤᱠᱟ ᱨᱮᱱᱟᱜ ᱩᱥᱠᱟᱹᱣ ᱛᱮ ᱫᱤᱥᱟᱹᱢ ᱨᱮ ᱚᱲᱟᱜ ᱞᱟᱹᱲᱦᱟᱹᱭ ᱠᱚ ᱮᱦᱚᱵ ᱠᱮᱫᱟ ᱾ ᱪᱤᱱ ᱨᱮᱱ ᱠᱚᱢᱤᱣᱱᱤᱥᱴ ᱯᱟᱨᱴᱤ ᱨᱮᱱᱟᱜ ᱟᱹᱭᱩᱨ ᱛᱮ ᱪᱤᱱ ᱨᱮᱱ ᱦᱚᱲ ᱠᱚ ᱯᱮ ᱥᱮᱨᱢᱟ ᱠᱷᱚᱱ ᱰᱷᱤᱨ ᱚᱠᱛᱮ ᱠᱚ ᱞᱟᱹᱲᱦᱟᱹᱭᱮᱱᱟ ᱤᱱᱟᱹ ᱚᱠᱛᱚ ᱨᱮᱱ ᱠᱩᱣᱢᱤᱱᱛᱟᱝ ᱜᱳᱥᱴᱤᱭᱟᱜ ᱯᱟᱸᱡᱟ ᱟᱹᱨᱤ ᱫᱚ ᱡᱚᱛᱚ ᱦᱚᱲ ᱞᱟᱹᱜᱤᱫ ᱦᱟᱨᱚᱱ ᱜᱤ ᱛᱟᱦᱮ ᱠᱟᱱᱟ ᱾ ᱚᱱᱟᱛᱮ ᱡᱚᱛᱚ ᱦᱚᱲ ᱜᱮ ᱱᱩᱠᱩ ᱜᱳᱥᱴᱤ ᱠᱩ ᱦᱤᱨᱠᱷᱟᱹᱣᱟᱠᱩ ᱠᱟᱱ ᱛᱟᱦᱮᱱᱟ ᱾ ᱚᱱᱟᱛᱮ ᱠᱩᱣᱢᱩᱱᱛᱟᱝ ᱯᱟᱨᱴᱤᱭᱟᱜ "ᱪᱤᱱ ᱯᱨᱚᱡᱟᱛᱚᱱᱛᱨᱚ" (ᱨᱤᱯᱟᱵᱞᱤᱠ ᱚᱵᱽ ᱪᱟᱭᱱᱟ) ᱥᱚᱨᱠᱟᱨ ᱫᱚ ᱯᱟᱹᱴᱩᱵ ᱮᱱᱟ ᱾ ᱑᱙᱔᱙ ᱥᱮᱨᱢᱟ ᱨᱮᱱᱟᱜ ᱑ ᱚᱠᱴᱚᱵᱚᱨ ᱪᱤᱱ ᱜᱚᱱᱚ ᱯᱨᱚᱡᱟᱛᱚᱱᱛᱨᱚ ᱵᱮᱨᱮᱫ ᱮᱱᱟ ᱟᱨ ᱪᱤᱱ ᱨᱮ ᱡᱚᱛᱚ ᱦᱚᱲ ᱢᱟᱱᱟᱣ ᱞᱮᱠᱟ ᱥᱚᱨᱠᱟᱨ ᱦᱚᱸᱭ ᱛᱮᱭᱟᱨ ᱮᱱᱟ ᱾ ᱢᱩᱣᱢᱤᱱᱛᱟᱝ ᱜᱳᱥᱴᱷᱤ ᱨᱮᱱ ᱛᱤᱱᱟᱹᱜ ᱜᱟᱱ ᱯᱷᱚᱳᱡᱤ ᱵᱟᱦᱤᱱᱤ ᱟᱨ ᱥᱚᱨᱠᱟᱨᱤ ᱠᱟᱹᱢᱤᱭᱟᱹ ᱠᱚ ᱫᱚ ᱚᱪᱚᱜ ᱠᱟᱛᱮ ᱛᱟᱭᱣᱟᱱ ᱨᱮ ᱠᱚ ᱥᱟᱵ ᱠᱮᱴᱮᱡ ᱮᱱᱟ ᱾ ᱩᱱᱠᱩ ᱫᱚ ᱤᱱᱟ ᱚᱠᱛᱚ ᱨᱮᱱ ᱢᱟᱨᱠᱤᱱ ᱥᱚᱨᱠᱟᱨᱟᱜ ᱜᱚᱲᱚ ᱥᱚᱯᱚᱦᱚᱜ ᱛᱮ ᱛᱟᱭᱣᱟᱱ ᱯᱨᱚᱱᱟᱞᱤ ᱨᱮᱱᱟᱜ ᱵᱟᱱᱟᱨ ᱟᱲᱮ ᱠᱚ ᱦᱟᱹᱴᱤᱧ ᱠᱮᱫᱟ ᱾

ᱥᱟ.ᱠᱷᱭᱟ.ᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]