ᱛᱟᱱᱩᱡᱟ ᱢᱩᱠᱷᱚᱨᱡᱤ
| ᱛᱟᱱᱩᱡᱟ ᱢᱩᱠᱷᱚᱨᱡᱤ | |
|---|---|
 Tanuja in 2021 | |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | Tanuja Samarth ᱵᱚᱢᱵᱟᱭ, ᱵᱚᱢᱵᱟᱭ ᱯᱨᱮᱥᱤᱰᱮᱱᱥᱤ, ᱵᱨᱤᱴᱤᱥ ᱵᱷᱟᱨᱚᱛ (ᱱᱤᱛᱚᱜ-ᱢᱩᱢᱵᱟᱭ], ᱢᱟᱦᱟᱨᱟᱥᱴᱨᱟ, ᱵᱷᱟᱨᱚᱛ) |
| ᱠᱟᱹᱢᱤ | ᱮᱠᱴᱨᱮᱥ |
| ᱠᱟᱹᱢᱤ ᱚᱠᱛᱚ | 1952–ᱱᱤᱛ |
| ᱡᱤᱭᱚᱱ ᱥᱚᱦᱮᱫ | ᱥᱳᱢᱩ ᱢᱩᱠᱷᱟᱨᱡᱤ (m. 1973; died 2008) |
ᱛᱟᱱᱩᱡᱟ ᱢᱩᱠᱷᱚᱨᱡᱤ (ᱡᱟᱱᱟᱢ ᱥᱚᱢᱚᱨᱛᱷ), ᱛᱟᱱᱩᱡᱟ ᱧᱩᱛᱩᱢ ᱛᱮ ᱵᱟᱰᱟᱭᱚᱜᱼᱟ, ᱢᱤᱫ ᱥᱤᱧᱚᱛᱤᱭᱟᱹ ᱮᱠᱴᱨᱮᱥ ᱠᱟᱱᱟᱭ ᱡᱟᱦᱟᱸᱭ ᱫᱚ ᱦᱤᱱᱫᱤ ᱯᱷᱤᱞᱢ ᱤᱱᱰᱟᱥᱴᱨᱤ ᱨᱮ ᱠᱟᱹᱢᱤ ᱠᱟᱱᱟᱭ ᱾ ᱢᱩᱠᱷᱚᱨᱡᱤ-ᱥᱚᱢᱚᱨᱛᱷ ᱜᱷᱟᱨᱚᱸᱡᱽ ᱨᱮᱱ ᱢᱤᱫᱴᱮᱱ ᱠᱟᱱᱟᱭ, ᱩᱱᱤ ᱫᱚ ᱟᱠᱴᱨᱮᱥ ᱥᱳᱵᱷᱱᱟ ᱥᱚᱢᱚᱨᱛᱷ ᱟᱨ ᱯᱨᱚᱰᱭᱩᱥᱚᱨ ᱠᱩᱢᱟᱨᱥᱮᱱ ᱥᱚᱢᱚᱨᱛᱷ ᱨᱮᱱ ᱠᱩᱲᱤ ᱜᱤᱫᱽᱨᱟᱹ ᱠᱟᱱᱟᱭ,[᱑] ᱟᱠᱴᱨᱮᱥ ᱱᱩᱴᱟᱱ ᱟᱜ ᱠᱚᱢ ᱩᱢᱮᱨ ᱟᱭᱳ ᱠᱟᱱᱟᱭ ᱟᱨ ᱯᱷᱤᱞᱢ ᱰᱟᱭᱨᱮᱠᱴᱚᱨ ᱥᱳᱢᱩ ᱢᱩᱠᱷᱚᱨᱡᱤ ᱥᱟᱶᱮ ᱵᱟᱯᱞᱟ ᱞᱮᱱᱟ, ᱩᱱᱤ ᱥᱟᱶ ᱩᱱᱤᱭᱟᱜ ᱵᱟᱨᱭᱟ ᱠᱩᱲᱤ ᱜᱤᱫᱽᱨᱟ. ᱢᱮᱱᱟᱜ ᱠᱤᱱᱟ ᱠᱚᱡᱚᱞ ᱟᱨ ᱛᱟᱱᱤᱥᱟ ᱾ ᱵᱟᱨᱭᱟ ᱯᱷᱤᱞᱢ ᱯᱷᱮᱭᱟᱨ ᱟᱣᱟᱨᱰ ᱧᱟᱢ ᱟᱠᱟᱫ ᱛᱚᱱᱩᱡᱟ ᱫᱚ ᱦᱤᱱᱫᱤ ᱯᱷᱤᱞᱢ ᱢᱮᱢᱰᱤᱰᱤ (᱑᱙᱖᱑), ᱪᱟᱸᱫᱚ ᱚᱨ ᱥᱩᱨᱟᱡᱽ (᱑᱙᱖᱕), ᱵᱚᱦᱟᱨᱮᱱ ᱯᱤᱨ ᱵᱷᱤ ᱟᱭᱮᱝᱜᱤ (᱑᱙᱖᱖), ᱡᱩᱣᱮᱞ ᱛᱷᱤᱯᱷ (᱑᱙᱖᱗), ᱱᱟᱭ ᱨᱳᱥᱱᱤ (᱑᱙᱖᱗), ᱡᱤᱱᱟᱭ ᱠᱤ ᱨᱟᱦ (᱑᱙᱖᱙), ᱦᱟᱛᱷᱤ ᱢᱮᱨᱮ ᱥᱟᱛᱷᱤ (᱑᱙᱗᱑), ᱟᱱᱩᱵᱷᱚᱵ (᱑᱙᱗᱑), ᱢᱮᱨᱮ ᱡᱤᱵᱚᱱ ᱥᱟᱛᱷᱤ (᱑᱙᱗᱒), ᱰᱳ ᱪᱳᱨ (᱑᱙᱗᱒) ᱟᱨᱦᱚᱸ ᱵᱟᱝᱞᱟ ᱯᱷᱤᱞᱢ ᱫᱮᱭᱟ ᱱᱟᱭᱚ (᱑᱙᱖᱓), ᱯᱷᱤᱨᱚᱱᱤ ᱯᱷᱤᱨᱤᱱᱜᱤ (᱑᱙᱖᱗), ᱛᱤᱱ ᱯᱟᱨᱮ ᱵᱷᱩᱵᱚᱱᱮᱨ (᱑᱙᱖᱙), ᱯᱨᱚᱛᱷᱚᱢ ᱠᱟᱫᱚᱢ ᱯᱷᱳᱞ (᱑᱙᱗᱐),[᱒][᱓] ᱨᱟᱡᱽᱠᱩᱢ ᱑᱙᱖᱐ ᱥᱮᱨᱢᱟ ᱨᱮᱱᱟᱜ ᱢᱩᱪᱟᱹᱫ ᱟᱨ ᱑᱙᱗᱐ ᱥᱮᱨᱢᱟ ᱨᱮᱱᱟᱜ ᱮᱛᱚᱦᱚᱵ ᱨᱮ ᱩᱛᱛᱚᱢ ᱠᱩᱢᱟᱨ, ᱨᱟᱡᱮᱥ ᱠᱷᱟᱱᱱᱟ, ᱫᱷᱚᱨᱢᱮᱱᱫᱨᱚ, ᱥᱚᱸᱡᱤᱵᱽ ᱠᱩᱢᱟᱨ ᱮᱢᱟᱱ ᱮᱠᱴᱚᱨ ᱠᱚ ᱥᱟᱶ ᱟᱡᱟᱜ ᱡᱩᱲᱟᱹᱭ ᱟᱹᱰᱤ ᱧᱩᱛᱩᱢᱟᱱ ᱛᱟᱦᱮᱸ ᱠᱟᱱᱟ ᱾
ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱛᱚᱱᱩᱡᱟ ᱫᱚ ᱢᱤᱫ ᱢᱚᱨᱟᱴᱷᱤ ᱜᱷᱟᱨᱚᱸᱡᱽ ᱨᱮ ᱡᱟᱱᱟᱢ ᱞᱮᱱᱟᱭ ᱾ ᱟᱡ ᱫᱚ ᱯᱷᱤᱞᱢ ᱰᱮᱠᱭᱩᱮᱡᱚᱨ ᱠᱩᱢᱟᱨᱥᱮᱱ ᱥᱚᱢᱚᱨᱛᱷ ᱟᱨ ᱮᱠᱴᱨᱮᱥ ᱥᱳᱵᱷᱱᱟ ᱥᱚᱢᱚᱨᱛᱷ ᱟᱜ ᱜᱤᱫᱽᱨᱟ. ᱟᱡᱟᱜ ᱯᱮᱭᱟ ᱠᱩᱲᱤ ᱦᱚᱯᱚᱱ ᱢᱮᱱᱟᱜ ᱠᱚᱣᱟ, ᱡᱟᱦᱟᱸ ᱨᱮ ᱮᱠᱴᱨᱮᱥ ᱱᱩᱴᱟᱱ ᱟᱨ ᱢᱤᱫ ᱵᱚᱭᱦᱟ ᱢᱮᱱᱟᱜ ᱠᱚᱣᱟ ᱾ ᱟᱡ ᱟᱭᱳ, ᱨᱚᱛᱚᱱ ᱵᱟᱭᱤ, ᱟᱨ ᱠᱩᱥᱤᱱ ᱱᱟᱞᱤᱱᱤ ᱡᱚᱭᱚᱣᱚᱱᱛᱚ ᱦᱚᱸ ᱟᱠᱴᱨᱮᱥ ᱠᱚ ᱛᱟᱦᱮᱸ ᱠᱟᱱᱟ ᱾ ᱛᱟᱱᱩᱡᱟ ᱟᱜ ᱟᱭᱳ-ᱵᱟᱵᱟ ᱫᱚ ᱩᱱᱤ ᱜᱤᱫᱽᱨᱟ. ᱛᱟᱦᱮᱸ ᱠᱟᱱ ᱚᱠᱛᱮ ᱜᱮ ᱵᱟᱨᱟᱵᱟᱨᱤ ᱮᱱᱟ ᱟᱨ ᱥᱳᱵᱷᱟᱱᱟ ᱫᱚ ᱟᱠᱴᱚᱨ ᱢᱳᱴᱤᱞᱟᱞ ᱥᱟᱶ ᱡᱩᱲᱟ. ᱥᱳᱵᱷᱟᱱᱟ ᱫᱚ ᱛᱟᱱᱩᱡᱟ ᱟᱨ ᱟᱡᱤᱡ ᱢᱟᱨᱟᱝ ᱜᱟᱶᱛᱟ ᱱᱩᱴᱟᱱ ᱞᱟᱹᱜᱤᱫ ᱰᱮᱵᱩᱴ ᱯᱷᱤᱞᱢ ᱠᱚᱭ ᱯᱨᱚᱰᱭᱩᱥ ᱟᱠᱟᱫᱟ ᱾ ᱟᱡᱟᱜ ᱮᱴᱟᱜ ᱵᱟᱨᱭᱟ ᱠᱩᱲᱤ ᱦᱚᱯᱚᱱ ᱫᱚ ᱦᱩᱭᱩᱜ ᱠᱟᱱᱟ; ᱪᱟᱛᱩᱨᱟ, ᱢᱤᱫ ᱮᱱᱮᱡᱤᱭᱟᱹ, ᱟᱨ ᱨᱮᱥᱢᱟ, ᱟᱨ ᱟᱡᱤᱡ ᱵᱚᱭᱦᱟ ᱫᱚ ᱡᱚᱭᱫᱤᱯ ᱠᱟᱱᱟᱭ, ᱡᱟᱦᱟᱸᱭ ᱫᱚ ᱮᱱᱮᱡ ᱨᱮ ᱵᱟᱭ ᱥᱮᱞᱮᱫ ᱞᱮᱱᱟ ᱾
ᱛᱚᱱᱩᱡᱟ ᱫᱚ ᱑᱙᱗᱓ ᱥᱟᱞᱮᱨᱮ ᱯᱷᱤᱞᱢ ᱰᱟᱭᱨᱮᱠᱴᱚᱨ ᱥᱳᱢᱩ ᱢᱩᱠᱷᱚᱨᱡᱤ ᱥᱟᱶ ᱵᱟᱯᱞᱟ ᱞᱮᱱᱟᱭ ᱾ ᱱᱩᱠᱩ ᱵᱟᱯᱞᱟ ᱨᱮ ᱵᱟᱨᱭᱟ ᱠᱩᱲᱤ ᱜᱤᱫᱽᱨᱟ. ᱠᱚᱡᱚᱞ ᱟᱨ ᱛᱟᱱᱤᱥᱟ ᱾ ᱠᱟᱡᱚᱞ ᱫᱚ ᱟᱠᱴᱚᱨ ᱚᱡᱚᱭ ᱫᱮᱵᱜᱚᱱ ᱥᱟᱶ ᱵᱟᱯᱞᱟ ᱞᱮᱱᱟᱭ ᱾ ᱥᱳᱢᱩ ᱫᱚ ᱑᱐ ᱮᱯᱨᱤᱞ ᱒᱐᱐᱘ ᱥᱟᱞᱮᱨᱮ ᱖᱔ ᱵᱚᱪᱷᱚᱨ ᱩᱢᱮᱨ ᱨᱮ ᱢᱚᱱᱮ ᱟᱸᱡᱚᱢ ᱠᱟᱛᱮᱭ ᱜᱩᱨ ᱞᱮᱱᱟ ᱾ ᱯᱷᱤᱞᱢ ᱠᱚᱨᱮ ᱡᱚᱭ, ᱰᱮᱵᱽ ᱟᱨ ᱨᱟᱢ ᱫᱚ ᱩᱱᱤᱭᱟᱜ ᱵᱚᱭᱦᱟ-ᱵᱟᱵᱟ ᱠᱟᱱᱟ ᱠᱚ ᱾ ᱩᱱᱤ ᱫᱚ ᱟᱠᱴᱚᱨ ᱢᱳᱦᱱᱤᱥ ᱵᱷᱮᱞ, ᱨᱟᱱᱤ, ᱟᱨ ᱥᱟᱨᱵᱟᱱᱤ ᱟᱨ ᱰᱤᱨᱮᱠᱴᱚᱨ ᱟᱭᱟᱱ ᱢᱩᱠᱷᱚᱨᱡᱤ ᱟᱜ ᱟᱭᱳ ᱠᱟᱱᱟᱭ ᱾
ᱠᱮᱨᱤᱭᱚᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱦᱟᱢᱟᱨᱤ ᱵᱷᱤᱛᱤ (᱑᱙᱕᱐) ᱨᱮ ᱟᱡᱤᱡ ᱢᱟᱨᱟᱝ ᱵᱚᱭᱦᱟ ᱱᱩᱴᱟᱱ ᱥᱟᱶ ᱩᱱᱤ ᱫᱚ ᱵᱟᱵᱤ ᱛᱟᱱᱩᱡᱟ ᱞᱮᱠᱟᱛᱮ ᱟᱡᱟᱜ ᱯᱷᱤᱞᱢ ᱡᱤᱭᱚᱱ ᱮᱛᱚᱦᱚᱵ ᱞᱮᱫ-ᱟ ᱾ ᱢᱟᱨᱟᱝ ᱦᱚᱲ ᱞᱮᱠᱟᱛᱮ, ᱩᱱᱤ ᱫᱚ ᱪᱷᱟᱵᱤᱞᱤ (᱑᱙᱖᱐) ᱯᱷᱤᱞᱢ ᱨᱮᱭ ᱠᱟ.ᱢᱤ ᱞᱮᱱᱟ ᱡᱟᱦᱟᱸ ᱫᱚ ᱟᱡ ᱟᱭᱳ ᱫᱚᱭ ᱰᱤᱨᱮᱠᱴᱚᱨ ᱟᱠᱟᱫ ᱛᱟᱦᱮᱸᱫ, ᱟᱨ ᱟᱡ ᱟᱭᱳ ᱱᱩᱴᱟᱱ ᱫᱚ ᱢᱩᱬᱩᱛ ᱠᱟ.ᱢᱤ ᱨᱮᱭ ᱠᱟ.ᱢᱤ ᱞᱮᱭᱟ । ᱑᱙᱖᱑ ᱥᱟᱞ ᱨᱮ ᱦᱟᱢᱟᱨᱤ ᱭᱟᱫ ᱟᱭᱮᱜᱤ (Hamari Yaad Aayegi) ᱯᱷᱤᱞᱢ ᱨᱮ ᱠᱟ.ᱢᱤ ᱞᱮᱱᱟᱭ ᱾ ᱠᱤᱰᱟᱨ ᱥᱚᱨᱢᱟ ᱫᱚ ᱨᱟᱡᱽ ᱠᱟᱯᱩᱨ, ᱢᱟᱫᱷᱩᱵᱟᱞᱟ ᱟᱨ ᱜᱤᱛᱟ ᱵᱟᱞᱤ ᱠᱚᱭ ᱧᱟᱢ ᱞᱮᱫ ᱛᱟᱦᱮᱸᱫ ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "Tanishaa Mukerji reveals how her 'amazing' family feels about her being unmarried at 43". Hindustan Times (in ᱟᱝᱜᱽᱨᱮᱡᱤ). 18 July 2021. Retrieved 24 October 2021.
- ↑ "Do Chor (1972)". The Hindu. 2016-12-02. ISSN 0971-751X. Retrieved 2022-02-16.
- ↑ "Archived copy". Archived from the original on 21 January 2011. Retrieved 2011-02-06.
{{cite web}}: CS1 maint: archived copy as title (link)
ᱵᱟᱦᱨᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ] |
ᱣᱤᱠᱤᱢᱤᱰᱤᱭᱟ ᱠᱚᱢᱚᱱᱥ ᱨᱮ ᱛᱟᱱᱩᱡᱟ ᱢᱩᱠᱷᱚᱨᱡᱤ ᱵᱟᱵᱚᱛᱫᱽ ᱛᱮ ᱨᱮᱫ ᱢᱮᱱᱟᱜᱼᱟ ᱾. |
- Tanuja (ᱤᱱᱴᱚᱨᱱᱮᱴ ᱢᱩᱵᱷᱤ ᱰᱟᱴᱟᱵᱮᱥ ᱨᱮ)
- Sparkling spitfire: Tanuja Dinesh Raheja's profile on Tanuja, Rediff.com