ᱛᱟᱱᱵᱷᱤ ᱠᱷᱟᱱᱱᱟ

ᱛᱟᱱᱵᱷᱤ ᱠᱷᱟᱱᱱᱟ (ᱡᱟᱱᱟᱢ ᱒᱓ ᱡᱩᱞᱟᱭ ᱑᱙᱙᱖) ᱫᱚ ᱢᱤᱫ ᱵᱷᱟᱨᱚᱛᱤᱭᱚ ᱛᱤᱨᱞᱟᱹ ᱯᱨᱚᱯᱷᱮᱥᱚᱱᱟᱞ ᱥᱠᱩᱣᱟᱥ ᱠᱷᱮᱞᱚᱸᱰᱤᱭᱟᱹ ᱟᱨ ᱵᱷᱟᱨᱚᱛᱤᱭᱚ ᱥᱠᱩᱣᱟᱥ ᱫᱚᱞ ᱨᱮᱱᱤᱡ ᱥᱚᱦᱮᱫ ᱮ ᱠᱟᱱᱟᱭ ᱾ ᱱᱤᱛᱚᱜ ᱩᱱᱤ ᱡᱮᱜᱮᱛ ᱨᱮ ᱖᱙ ᱟᱱᱟᱜ ᱨᱮᱸᱠ ᱨᱮ ᱢᱮᱱᱟᱭᱟ ᱟᱨ ᱵᱷᱟᱨᱚᱛ ᱠᱷᱚᱱ ᱩᱫᱩᱜ ᱥᱚᱫᱚᱨ ᱦᱟᱛᱟᱣ ᱟᱠᱟᱫ ᱱᱟᱯᱟᱭ ᱥᱠᱩᱣᱟᱥ ᱠᱷᱮᱞᱚᱸᱰᱤᱭᱟᱹ ᱠᱚ ᱢᱩᱫᱽ ᱨᱮ ᱢᱤᱫᱴᱟᱹᱝ ᱢᱮᱱᱛᱮ ᱠᱚ ᱢᱟᱱᱟᱣᱮᱭᱟ ᱾ ᱥᱮᱯᱴᱮᱢᱵᱚᱨ ᱒᱐᱒᱓ ᱨᱮ ᱩᱱᱤ ᱵᱷᱟᱨᱚᱛ ᱨᱮ ᱛᱤᱨᱞᱟᱹ ᱱᱚᱢᱵᱚᱨ ᱑ ᱥᱠᱩᱣᱟᱥ ᱠᱷᱮᱞᱚᱸᱰᱤᱭᱟᱹ ᱞᱮᱠᱟᱛᱮ ᱠᱚ ᱨᱮᱸᱠ ᱠᱮᱫᱮᱭᱟ ᱾ ᱩᱱᱤ ᱠᱚᱞᱚᱢᱵᱤᱭᱟ ᱞᱟᱭᱚᱱᱥ ᱥᱠᱩᱣᱟᱥ ᱴᱤᱢ ᱞᱟᱹᱜᱤᱫ ᱦᱚᱸᱭ ᱠᱷᱮᱞᱚᱸᱰᱟ ᱡᱟᱦᱟᱸ ᱫᱚ ᱠᱚᱞᱚᱢᱵᱤᱭᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱥᱮᱞᱮᱫ ᱢᱮᱱᱟᱜᱼᱟ ᱾ ᱩᱱᱤ ᱥᱮᱯᱴᱮᱢᱵᱚᱨ ᱒᱐᱒᱑ ᱨᱮ ᱘᱖ ᱨᱮᱱᱟᱜ ᱟᱡᱟᱜ ᱡᱚᱛᱚ ᱠᱷᱚᱱ ᱪᱮᱛᱟᱱ ᱯᱤᱮᱥᱮ ᱡᱮᱜᱮᱛ ᱨᱮᱸᱠ ᱮ ᱧᱟᱢ ᱞᱮᱫᱟ ᱟᱨ ᱒᱐᱑᱙-᱒᱐ ᱯᱤᱮᱥᱮ ᱡᱮᱜᱮᱛ ᱴᱩᱨ ᱚᱠᱛᱮ ᱨᱮ ᱯᱩᱭᱞᱩ ᱫᱷᱟᱣ ᱑᱐᱐ ᱨᱮᱭ ᱵᱚᱞᱚ ᱞᱮᱱᱟ ᱾

ᱠᱮᱨᱤᱭᱚᱨ

ᱩᱱᱤ ᱒᱐᱑᱘ ᱮᱥᱤᱭᱟᱱ ᱜᱮᱢᱥ ᱨᱮ ᱵᱷᱟᱨᱚᱛ ᱨᱮᱱᱟᱜ ᱨᱮᱯᱨᱮᱡᱮᱱᱴ ᱠᱟᱛᱮ ᱟᱡᱟᱜ ᱮᱥᱤᱭᱟᱱ ᱜᱮᱢᱥ ᱨᱮ ᱯᱩᱭᱞᱩ ᱫᱷᱟᱣ ᱧᱮᱞ ᱮᱱᱟ ᱟᱨ ᱛᱤᱨᱞᱟᱹ ᱫᱚᱞ ᱤᱵᱷᱮᱱᱴ ᱨᱮ ᱢᱤᱫ ᱥᱤᱞᱵᱷᱚᱨ ᱢᱮᱰᱟᱞ ᱮ ᱡᱤᱛᱠᱟᱹᱨ ᱠᱮᱫᱟ ᱾ ᱩᱱᱤ ᱒᱐᱑᱙ ᱛᱤᱨᱞᱟᱹ ᱮᱥᱤᱭᱟᱱ ᱵᱷᱤᱛᱨᱤ ᱥᱠᱩᱣᱟᱥ ᱪᱟᱢᱯᱤᱭᱟᱱᱥᱤᱯ ᱨᱮ ᱦᱚᱸᱭ ᱥᱮᱞᱮᱫ ᱞᱮᱱᱟ ᱟᱨ ᱠᱣᱟᱨᱴᱟᱨ-ᱯᱷᱟᱭᱱᱟᱞ ᱨᱮᱭ ᱥᱮᱴᱮᱨ ᱞᱮᱱᱟ ᱾ ᱩᱱᱤ ᱠᱣᱟᱨᱴᱟᱨ ᱯᱷᱟᱭᱱᱟᱞ ᱨᱮ ᱜᱚᱛ ᱡᱟᱹᱛᱤᱭᱟᱹᱨᱤ ᱥᱠᱩᱣᱟᱥ ᱠᱷᱮᱞᱚᱸᱰᱤᱭᱟᱹ ᱡᱳᱥᱷᱱᱟ ᱪᱤᱱᱟᱯᱟ ᱴᱷᱮᱱ ᱦᱟᱨᱟᱣ ᱮᱱᱟ ᱾

ᱛᱟᱱᱵᱷᱤ ᱠᱷᱟᱱᱱᱟ ᱟᱭᱵᱷᱤ ᱞᱤᱜᱽ ᱨᱮ ᱠᱚᱞᱚᱢᱵᱤᱭᱟ ᱞᱟᱭᱚᱱᱥ ᱦᱚᱸᱭ ᱨᱮᱯᱨᱮᱡᱮᱱᱴ ᱮᱫᱟ ᱟᱨ ᱒᱐᱑᱖-᱒᱐᱑᱘ ᱠᱷᱚᱱ ᱯᱮ ᱞᱮᱛᱟᱲ ᱥᱮᱨᱢᱟ ᱞᱟᱹᱜᱤᱫ ᱯᱩᱭᱞᱩ ᱴᱤᱢ ᱚᱞ-ᱟᱭᱵᱷᱤ ᱞᱤᱜᱽ ᱢᱮᱱᱛᱮ ᱧᱩᱛᱩᱢ ᱮᱢ ᱦᱩᱭ ᱞᱮᱱᱟ ᱾ ᱒᱐᱑᱘ ᱥᱟᱣᱛᱷ ᱮᱥᱤᱭᱟᱱ ᱜᱮᱢᱥ ᱱᱮᱯᱟᱞ ᱵᱷᱤᱛᱨᱤ ᱤᱵᱷᱮᱱᱴ ᱨᱮ ᱥᱚᱱᱟ ᱢᱮᱰᱟᱞ ᱡᱤᱛᱠᱟᱹᱨᱤᱭᱟᱹ ᱾

ᱛᱟᱱᱵᱷᱤ ᱠᱷᱟᱱᱱᱟ ᱒᱐᱒᱓ ᱮᱥᱤᱭᱟᱱ ᱜᱮᱢᱥ ᱞᱟᱹᱜᱤᱫ ᱥᱤᱱᱤᱭᱟᱨ ᱛᱤᱨᱞᱟᱹ ᱥᱠᱩᱣᱟᱥ ᱴᱤᱢ ᱨᱮᱱᱟᱜ ᱦᱚᱸ ᱦᱤᱸᱥ ᱮ ᱛᱟᱦᱮᱸ ᱠᱟᱱᱟ ᱾

ᱥᱮᱯᱴᱮᱢᱵᱚᱨ ᱒᱐᱒᱓ ᱨᱮ ᱩᱱᱤ ᱡᱳᱥᱷᱱᱟ ᱪᱤᱱᱟᱯᱟ ᱵᱚᱫᱚᱞ ᱛᱮ ᱵᱷᱟᱨᱚᱛ ᱨᱤᱱᱤᱡ ᱪᱮᱛᱟᱱ ᱨᱮᱸᱠ ᱟᱠᱟᱱ ᱥᱠᱩᱣᱟᱥ ᱠᱷᱮᱞᱚᱸᱰᱤᱭᱟᱹ ᱮ ᱵᱮᱱᱟᱣ ᱮᱱᱟ ᱟᱨ ᱚᱱᱟ ᱯᱨᱚᱠᱨᱤᱭᱟ ᱨᱮ ᱖᱙ ᱨᱮᱱᱟᱜ ᱡᱮᱜᱮᱛ ᱨᱮᱸᱠ ᱮ ᱧᱟᱢ ᱠᱮᱫᱟ ᱾

ᱛᱟᱱᱵᱷᱤ ᱠᱷᱟᱱᱱᱟ ᱪᱤᱱ ᱨᱮᱱᱟᱜ ᱦᱟᱝᱡᱳᱣ ᱨᱮ ᱫᱚᱦᱚ ᱦᱩᱭᱩᱜ ᱒᱐᱒᱓ ᱮᱥᱤᱭᱟᱱ ᱜᱮᱢᱥ ᱞᱟᱹᱜᱤᱫ ᱵᱷᱟᱨᱚᱛᱤᱭᱚ ᱛᱤᱨᱞᱟᱹ ᱥᱠᱩᱣᱟᱥ ᱫᱚᱞ ᱨᱮᱱᱟᱜ ᱦᱤᱸᱥ ᱠᱟᱱᱟᱭ ᱾

ᱴᱟᱭᱤᱴᱟᱞ

ᱥᱮᱨᱢᱟ ᱒᱐᱑᱙ ᱨᱮ ᱛᱟᱱᱵᱷᱤ ᱠᱷᱟᱱᱱᱟ ᱛᱤᱨᱞᱟᱹ ᱠᱚᱣᱟᱜ ᱴᱟᱭᱤᱴᱟᱞ ᱞᱟᱹᱜᱤᱫ ᱛᱩᱨᱩᱭ ᱟᱱᱟᱜ ᱵᱮᱝᱜᱟᱞ ᱳᱯᱮᱱ ᱥᱠᱩᱣᱟᱥ ᱴᱩᱨᱱᱟᱢᱮᱸᱴ ᱮ ᱫᱟᱹᱵᱤ ᱠᱮᱫᱟ ᱾

ᱥᱮᱨᱢᱟ ᱒᱐᱒᱑ ᱨᱮ ᱛᱟᱱᱵᱷᱤ ᱠᱷᱟᱱᱱᱟ ᱮᱪᱥᱤᱮᱞ-ᱮᱥᱟᱨᱮᱯᱷᱟᱭᱤ ᱤᱱᱰᱤᱭᱟᱱ ᱴᱩᱨ ᱪᱮᱱᱱᱟᱭ ᱞᱮᱜᱽ-᱓ ᱤᱵᱷᱮᱱᱴ ᱨᱮ ᱯᱟᱸᱪ ᱥᱮᱴ ᱨᱮᱱᱟᱜ ᱛᱷᱨᱤᱞᱟᱨ ᱢᱮᱪ ᱑᱑-᱕,᱙-᱑᱑,᱗-᱑᱑,᱑᱑-᱗,᱑᱕-᱑᱓ ᱨᱮ ᱥᱩᱱᱭᱟᱱᱟ ᱠᱩᱨᱩᱵᱷᱤᱞᱟ ᱦᱟᱨᱟᱣ ᱠᱟᱛᱮ ᱟᱡᱟᱜ ᱯᱩᱭᱞᱩ ᱯᱤᱮᱥᱮ ᱪᱮᱞᱮᱱᱡᱟᱨ ᱴᱩᱨ-᱑᱐ ᱤᱵᱷᱮᱱᱴ ᱮ ᱡᱤᱛᱠᱟᱹᱨ ᱠᱮᱫᱟ ᱾

ᱥᱮᱨᱢᱟ ᱒᱐᱒᱑ ᱨᱮ ᱛᱟᱱᱵᱷᱤ ᱠᱷᱟᱱᱱᱟ ᱛᱤᱨᱞᱟᱹ ᱠᱚᱣᱟᱜ ᱯᱷᱟᱭᱱᱟᱞ ᱚᱠᱛᱮ ᱮᱪᱥᱤᱮᱞ-ᱮᱥᱟᱨᱮᱯᱷᱟᱭᱤ ᱤᱱᱰᱤᱭᱟᱱ ᱴᱩᱨ ᱱᱳᱭᱤᱰᱟ ᱞᱮᱜᱽ ᱨᱮ ᱥᱩᱱᱟᱭᱱᱟ ᱠᱩᱨᱩᱵᱷᱤᱞᱟ ᱗-᱑᱑,᱗-᱑᱑,᱙-᱑᱑ ᱦᱟᱨᱟᱣ ᱠᱟᱛᱮ ᱟᱡᱟᱜ ᱫᱚᱥᱟᱨ ᱯᱤᱮᱥᱮ ᱪᱮᱞᱮᱱᱡᱟᱨ ᱴᱩᱨ ᱤᱵᱷᱮᱱᱴ ᱮ ᱡᱤᱛᱠᱟᱹᱨ ᱠᱮᱫᱟ ᱾

ᱛᱟᱱᱵᱷᱤ ᱠᱷᱟᱱᱱᱟ ᱠᱳᱥᱴ ᱱᱳᱨᱛᱷ ᱳᱯᱮᱱ ᱒᱐᱒᱓ ᱴᱟᱭᱤᱴᱟᱞ ᱪᱟᱢᱯᱤᱭᱟᱱᱥᱤᱯ ᱮ ᱡᱤᱛᱠᱟᱹᱨ ᱠᱮᱫᱟ, ᱱᱚᱣᱟ ᱫᱚ ᱱᱟᱣᱟ ᱠᱳᱥᱴᱟ ᱱᱳᱨᱛᱷ ᱴᱩᱨᱱᱟᱢᱮᱸᱴ ᱞᱟᱹᱜᱤᱫ ᱱᱤᱛᱚᱜ ᱥᱮᱨᱢᱟ ᱨᱮᱱᱟᱜ ᱪᱟᱢᱯᱤᱭᱟᱱ ᱮ ᱵᱮᱱᱟᱣ ᱠᱮᱫᱮᱭᱟ ᱾ ᱱᱚᱣᱟ ᱡᱤᱛᱠᱟᱹᱨ ᱫᱚ ᱩᱱᱤ ᱠᱮᱨᱤᱭᱚᱨ ᱨᱮ ᱛᱮᱥᱟᱨ ᱯᱤᱮᱥᱮ ᱴᱟᱭᱤᱴᱮᱞ ᱮ ᱮᱢᱟᱫᱮᱭᱟ ᱾