ᱛᱟᱸᱛ ᱥᱟᱹᱲᱤ

ᱛᱟᱸᱛ ᱥᱟᱹᱲᱤ ᱫᱚ ᱢᱤᱫ ᱥᱮᱨᱣᱟ ᱵᱟᱝᱜᱟᱞᱤ ᱥᱟᱹᱲᱤ ᱠᱟᱱᱟ ᱡᱟᱦᱟᱸ ᱫᱚ ᱥᱤᱧᱚᱛ ᱩᱯᱚᱢᱟᱦᱟᱫᱮᱥ ᱨᱮᱱᱟᱜ ᱥᱟᱢᱟᱝ ᱯᱟᱦᱴᱟ ᱨᱮ ᱢᱮᱱᱟᱜ ᱵᱟᱝᱞᱟ ᱴᱚᱴᱷᱟ ᱠᱷᱚᱱ ᱮᱦᱚᱵ ᱟᱠᱟᱱᱟ᱾ ᱥᱮᱨᱣᱟ ᱞᱮᱠᱟᱛᱮ ᱱᱚᱣᱟ ᱫᱚ ᱯᱚᱪᱷᱤᱢ ᱵᱟᱝᱞᱟ ᱟᱨ ᱵᱟᱝᱞᱟᱫᱮᱥ ᱨᱮᱱ ᱛᱮᱧ ᱠᱚ ᱦᱚᱛᱮᱛᱮ ᱛᱮᱭᱟᱨᱚᱜᱼᱟ, ᱢᱮᱱᱠᱷᱟᱱ ᱟᱥᱚᱠᱟᱭ ᱛᱮ ᱥᱟᱱᱛᱤᱯᱩᱨ, ᱯᱷᱩᱞᱤᱭᱟ, ᱫᱷᱚᱱᱮᱠᱷᱟᱞᱤ, ᱵᱮᱜᱚᱢᱯᱩᱨ, ᱠᱟᱞᱱᱟ, ᱟᱴᱯᱩᱨ, ᱴᱟᱝᱜᱟᱭᱤᱞ ᱞᱮᱠᱟᱱ ᱠᱤᱪᱷᱩ ᱴᱷᱟᱶ ᱫᱚ ᱛᱟᱸᱛ ᱥᱟᱹᱲᱤ ᱞᱟᱹᱜᱤᱫ ᱧᱩᱛᱩᱢᱟᱱᱟ᱾^[᱑] ᱛᱟᱸᱛ ᱥᱟᱹᱲᱤ ᱫᱚ ᱠᱟᱥᱠᱚᱢ ᱥᱩᱛᱟᱹᱢ ᱛᱮ ᱛᱮᱧᱚᱜᱼᱟ ᱟᱨ ᱱᱚᱣᱟ ᱨᱮᱭᱟᱜ ᱨᱟᱣᱟᱞ ᱟᱨ ᱯᱟᱨᱫᱟᱨᱥᱤ (transparency) ᱜᱩᱱ ᱞᱟᱹᱜᱤᱫ ᱱᱚᱣᱟ ᱫᱚ ᱵᱟᱰᱟᱭᱚᱜᱼᱟ᱾ ᱥᱤᱧᱚᱛ ᱩᱯᱚᱢᱟᱦᱟᱫᱮᱥ ᱨᱮᱭᱟᱜ ᱞᱚᱞᱚ ᱟᱨ ᱩᱫᱜᱟᱹᱨ ᱦᱚᱭ-ᱦᱤᱥᱤᱫ ᱞᱟᱹᱜᱤᱫ ᱱᱚᱣᱟ ᱫᱚ ᱡᱚᱛᱚ ᱠᱷᱚᱱ ᱟᱨᱟᱢ ᱥᱟᱹᱲᱤ ᱢᱮᱱᱛᱮ ᱞᱮᱠᱷᱟᱜᱼᱟ᱾^[᱒]

ᱱᱟᱜᱟᱢ

ᱨᱟᱡᱽ ᱟᱹᱭᱩᱨ ᱛᱮ ᱛᱟᱸᱛ ᱥᱟᱹᱲᱤ ᱫᱚ ᱧᱩᱛᱩᱢᱟᱱ ᱞᱮᱱᱟ ᱟᱨ ᱚᱱᱟ ᱥᱟᱶᱛᱮ ᱢᱚᱥᱞᱤᱱ ᱟᱨ ᱡᱟᱢᱫᱟᱱᱤ ᱞᱩᱜᱽᱲᱤ ᱦᱚᱸ ᱵᱟᱝᱞᱟ ᱨᱮ ᱑᱕ ᱥᱟᱭ ᱥᱮᱨᱢᱟ ᱚᱠᱛᱚ ᱥᱟᱱᱛᱤᱯᱩᱨ ᱨᱮ ᱵᱟᱹᱲᱛᱤ ᱞᱮᱱᱟ᱾ ᱱᱚᱣᱟ ᱦᱩᱱᱟᱹᱨ ᱫᱚ ᱢᱚᱜᱚᱞ ᱥᱟᱥᱚᱱ ᱚᱠᱛᱚ (᱑᱖ - ᱑᱘ ᱥᱟᱭ ᱥᱮᱨᱢᱟ) ᱨᱮᱦᱚᱸ ᱞᱟᱦᱟ ᱤᱫᱤ ᱞᱮᱱᱟ, ᱡᱟᱦᱟᱸ ᱫᱚ ᱥᱟᱦᱤ ᱚᱲᱟᱜ ᱠᱚᱨᱮᱱᱟᱜ ᱵᱟᱪᱷᱟᱣ ᱞᱩᱜᱽᱲᱤ ᱵᱮᱱᱟᱣ ᱞᱮᱱᱟ᱾ ᱵᱨᱤᱴᱤᱥ ᱨᱟᱡᱽ ᱚᱠᱛᱚ ᱨᱮ, ᱱᱚᱣᱟ ᱛᱮᱧ ᱦᱩᱱᱟᱹᱨ ᱫᱚ ᱟᱫ ᱞᱟᱹᱜᱤᱫ ᱠᱚ ᱨᱤᱠᱟᱹ ᱞᱮᱫᱟ ᱡᱮᱢᱚᱱ ᱟᱠᱚᱣᱟᱜ ᱞᱩᱜᱽᱲᱤ ᱤᱱᱰᱟᱥᱴᱨᱤ ᱞᱟᱦᱟᱜ ᱢᱟ, ᱢᱮᱱᱠᱷᱟᱱ ᱛᱟᱸᱛ ᱞᱩᱜᱽᱲᱤ ᱫᱚ ᱵᱟᱧᱪᱟᱣ ᱛᱟᱦᱮᱸ ᱭᱮᱱᱟ᱾

᱑᱙᱔᱗ ᱨᱮ ᱥᱤᱧᱚᱛ ᱦᱟᱹᱴᱤᱧ ᱚᱠᱛᱚ ᱨᱮ, ᱟᱭᱢᱟ ᱛᱮᱧ ᱠᱚ ᱵᱟᱝᱞᱟᱫᱮᱥ ᱠᱷᱚᱱ ᱯᱩᱪᱷᱤᱢ ᱵᱟᱝᱞᱟ, ᱥᱤᱧᱚᱛ ᱛᱮᱠᱚ ᱦᱮᱡ ᱮᱱᱟ᱾ ᱩᱱᱠᱩ ᱫᱚ ᱯᱷᱩᱞᱤᱭᱟ ᱨᱮᱠᱚ ᱵᱟᱥᱟ ᱭᱮᱱᱟ, ᱡᱟᱦᱟᱸ ᱫᱚ ᱥᱟᱱᱛᱤᱯᱩᱨ ᱠᱷᱚᱱ ᱟᱹᱰᱤ ᱥᱩᱨ ᱨᱮ ᱢᱮᱱᱟᱜᱼᱟ᱾^[᱑]

ᱛᱮᱧ ᱰᱷᱚᱝ

ᱛᱟᱸᱛ ᱥᱟᱹᱲᱤ ᱫᱚ ᱠᱟᱥᱠᱚᱢ ᱥᱩᱛᱟᱹᱢ ᱛᱮ ᱛᱮᱧᱚᱜᱼᱟ᱾ ᱚᱱᱟ ᱛᱟᱭᱚᱢ, ᱞᱩᱜᱽᱲᱤ ᱫᱚ ᱥᱟᱯᱷᱟ ᱠᱟᱛᱮ ᱟᱨ ᱥᱟᱦᱟᱨ ᱞᱟᱹᱜᱤᱫ ᱨᱚᱦᱚᱲ ᱦᱩᱭᱩᱜᱼᱟ, ᱡᱟᱦᱟᱸ ᱫᱚ ᱱᱚᱣᱟ ᱥᱟᱯᱷᱟ ᱛᱟᱦᱮᱸᱱᱟ᱾ ᱚᱱᱟ ᱛᱟᱭᱚᱢ ᱥᱩᱛᱟᱹᱢ ᱫᱚ ᱠᱮᱴᱮᱡ ᱞᱟᱹᱜᱤᱫ ᱢᱟᱨ (starch) ᱨᱮ ᱡᱚᱵᱮ ᱦᱩᱭᱩᱜᱼᱟ ᱟᱨ ᱟᱨᱦᱚᱸ ᱨᱚᱦᱚᱲ ᱦᱩᱭᱩᱜᱼᱟ᱾ ᱛᱮᱧ ᱞᱟᱹᱜᱤᱫ ᱛᱮ ᱥᱩᱛᱟᱹᱢ ᱫᱚ ᱰᱨᱚᱢ ᱨᱮ ᱜᱩᱲᱤᱭᱟᱹᱣ ᱦᱩᱭᱩᱜᱼᱟ᱾ ᱟᱭᱢᱟ ᱞᱮᱠᱟᱱ ᱵᱟᱨᱦᱤ ᱠᱚ ᱛᱮᱭᱟᱨ ᱞᱟᱹᱜᱤᱫ ᱛᱮᱧ ᱠᱚ ᱡᱟᱠᱟᱨᱰ (Jacquard) ᱞᱩᱢ ᱠᱚ ᱵᱮᱵᱷᱟᱨᱟ᱾ ᱱᱚᱠᱥᱟ ᱩᱫᱩᱜ ᱞᱟᱹᱜᱤᱫ ᱠᱮᱴᱮᱡ ᱠᱟᱜᱚᱡ ᱠᱚ ᱵᱮᱵᱷᱟᱨᱟ᱾

ᱛᱟᱸᱛ ᱥᱟᱹᱲᱤ ᱨᱮᱭᱟᱜ ᱯᱟᱹᱨᱞᱟᱹᱠ ᱫᱚ ᱟᱹᱰᱤ ᱢᱚᱴᱟ ᱜᱮ ᱛᱟᱦᱮᱸᱱᱟ ᱟᱨ ᱱᱚᱣᱟ ᱨᱮᱭᱟᱜ ᱟᱧᱪᱟᱨ ᱫᱚ ᱟᱭᱢᱟ ᱞᱮᱠᱟᱱ ᱱᱚᱠᱥᱟ ᱛᱮ ᱥᱟᱡᱟᱣ ᱛᱟᱦᱮᱸᱱᱟ᱾^[᱓]

ᱛᱷᱤᱢ ᱟᱨ ᱢᱳᱴᱤᱯᱷ

ᱛᱟᱸᱛ ᱥᱟᱹᱲᱤ ᱫᱚ ᱱᱟᱱᱟ-ᱦᱩᱱᱟᱹᱨ ᱵᱟᱦᱟ ᱟᱨ ᱮᱴᱟᱜ ᱪᱤᱛᱟᱹᱨ ᱛᱮ ᱥᱟᱡᱟᱣ ᱠᱚᱜᱼᱟ᱾ ᱡᱟᱦᱟᱸᱨᱮ ᱵᱷᱩᱢᱨᱟ (bumblebee), ᱨᱟᱡᱽ ᱢᱚᱦᱚᱞ, ᱪᱟᱸᱫᱽᱢᱟᱞᱟ, ᱚᱨᱫᱷᱚ-ᱪᱚᱸᱫᱽᱨᱚ (half moon), ᱛᱟᱨᱟ, ᱠᱚᱞᱠᱟ, ᱟᱨ ᱵᱟᱦᱟ ᱞᱮᱠᱟᱱ ᱥᱮᱨᱣᱟ ᱪᱤᱛᱟᱹᱨ ᱠᱚ ᱵᱮᱱᱟᱣ ᱛᱟᱦᱮᱸᱱᱟ᱾ ᱱᱮᱛᱟᱨ ᱫᱤᱱ ᱨᱮ ᱱᱟᱦᱟᱜ ᱪᱤᱛᱟᱹᱨ ᱦᱚᱸ ᱛᱟᱸᱛ ᱥᱟᱹᱲᱤ ᱨᱮ ᱧᱮᱞᱚᱜ ᱠᱟᱱᱟ᱾ ᱚᱱᱟ ᱥᱟᱶᱛᱮ ᱜᱟᱝᱜᱟ ᱡᱟᱢᱩᱱᱟ ᱞᱮᱠᱟᱱ ᱢᱟᱨᱮ ᱱᱚᱠᱥᱟ ᱦᱚᱸ ᱵᱮᱵᱷᱟᱨᱚᱜ ᱠᱟᱱᱟ᱾

ᱧᱩᱛᱩᱢᱟᱱ ᱞᱮᱠᱟᱱ

ᱛᱟᱸᱛ ᱥᱟᱹᱲᱤ ᱨᱮᱭᱟᱜ ᱧᱩᱛᱩᱢᱟᱱ ᱞᱮᱠᱟᱱ ᱠᱚ ᱫᱚ ᱦᱩᱭᱩᱜ ᱠᱟᱱᱟ:

ᱡᱚᱛᱚᱱ

ᱛᱟᱸᱛ ᱥᱟᱹᱲᱤ ᱥᱟᱯᱷᱟ ᱫᱚᱦᱚ ᱞᱟᱹᱜᱤᱫ ᱫᱚ ᱱᱟᱥᱮ ᱞᱚᱞᱚ ᱫᱟᱜ ᱟᱨ ᱱᱟᱥᱮ ᱥᱟᱵᱚᱱ ᱛᱮ ᱥᱟᱯᱷᱟ ᱞᱟᱹᱠᱛᱤ᱾ ᱨᱚᱝ ᱵᱟᱝ ᱪᱷᱟᱰᱟᱜ ᱞᱟᱹᱜᱤᱫ ᱯᱩᱭᱞᱩ ᱫᱷᱟᱣ ᱥᱟᱯᱷᱟ ᱡᱚᱠᱷᱚᱫ ᱫᱟᱜ ᱨᱮ ᱱᱟᱥᱮ ᱵᱩᱞᱩᱝ ᱢᱮᱥᱟ ᱞᱮᱠᱷᱟᱱ ᱱᱟᱯᱟᱭᱟ᱾ ᱥᱟᱹᱲᱤ ᱠᱮᱴᱮᱡ ᱟᱨ ᱱᱟᱶᱟ ᱞᱮᱠᱟ ᱫᱚᱦᱚ ᱞᱟᱹᱜᱤᱫ ᱥᱟᱯᱷᱟ ᱛᱟᱭᱚᱢ ᱢᱟᱨ (starch) ᱞᱟᱜᱟᱣ ᱦᱩᱭᱩᱜᱼᱟ᱾^[᱔]

ᱥᱟᱹᱠᱷᱭᱟᱹᱛ

1 2 "Tant Sari". mapsofindia.com. Retrieved 2023-11-20.
↑ "Tant Saree - Bengal's Heartbeat". Biswa Bangla. Retrieved 2023-11-20.^{[permanent dead link]}
↑ "The weaving of a Tant Sari". Retrieved 2023-11-20.^{[permanent dead link]}
↑ "Of weaves and wafts". Deccan Herald. Retrieved 2023-11-20.

[MOI-1] 1 2 "Tant Sari". mapsofindia.com. Retrieved 2023-11-20.

[BMB-2] "Tant Saree - Bengal's Heartbeat". Biswa Bangla. Retrieved 2023-11-20.^{[permanent dead link]}

[3] "The weaving of a Tant Sari". Retrieved 2023-11-20.^{[permanent dead link]}

[4] "Of weaves and wafts". Deccan Herald. Retrieved 2023-11-20.

[᱑]

[᱒]

[᱓]

[᱔]