ᱛᱤᱨᱞᱟᱹ ᱥᱮᱪᱮᱫ ᱨᱮ ᱥᱟᱶᱛᱟᱼᱠᱟᱹᱣᱰᱤᱭᱟᱹᱨᱤ ᱮᱥᱮᱨ
ᱛᱤᱨᱞᱟᱹ ᱥᱮᱪᱮᱫ ᱨᱮᱭᱟᱜ ᱥᱟᱶᱛᱟᱼᱠᱟᱹᱣᱰᱤᱭᱟᱹᱨᱤ ᱚᱨᱥᱚᱝ ᱫᱚ ᱡᱮᱜᱮᱫ ᱡᱟᱠᱟᱛ ᱩᱛᱱᱟᱹᱣ ᱢᱩᱫᱽᱨᱮ ᱛᱚᱞᱟᱥ ᱨᱮᱭᱟᱜ ᱢᱤᱫᱴᱟᱹᱝ ᱢᱟᱨᱟᱝ ᱴᱚᱴᱷᱟ ᱠᱟᱱᱟ᱾ ᱴᱚᱴᱷᱟ ᱠᱚᱨᱮ ᱛᱤᱨᱞᱟᱹ ᱥᱮᱪᱮᱫ ᱨᱮᱭᱟᱜ ᱵᱟᱹᱲᱛᱤ ᱫᱚ ᱵᱟᱹᱲᱛᱤ ᱩᱛᱷᱱᱟᱹᱣ ᱥᱟᱶ ᱥᱟᱹᱜᱟᱹᱭ ᱢᱮᱱᱟᱜᱼᱟ᱾ ᱱᱚᱶᱟ ᱨᱮᱭᱟᱜ ᱛᱤᱱᱟᱹᱜ ᱜᱟᱱ ᱮᱥᱮᱨ ᱫᱚ ᱠᱟᱹᱣᱰᱤᱭᱟᱹᱨᱤ ᱩᱛᱱᱟᱹᱣ ᱥᱟᱶ ᱥᱟᱹᱭᱟᱹᱭ ᱢᱮᱱᱟᱜᱼᱟ ᱾ ᱛᱤᱨᱞᱟᱹ ᱠᱚᱣᱟᱜ ᱥᱮᱪᱮᱫ ᱫᱚ ᱛᱤᱨᱞᱟᱹ ᱠᱚᱣᱟᱜ ᱟᱨᱡᱟᱣ ᱵᱟᱹᱲᱛᱤ ᱟᱨ ᱡᱤᱰᱤᱯᱤ ᱦᱚᱸ ᱵᱟᱹᱲᱛᱤ ᱨᱮᱭᱟᱜ ᱰᱟᱦᱟᱨ ᱮ ᱪᱟᱪᱞᱟᱣᱟ ᱾ ᱮᱴᱟᱜ ᱮᱥᱮᱨ ᱠᱚᱫᱚ ᱥᱟᱶᱛᱟ ᱨᱮᱭᱟᱜ ᱩᱛᱱᱟᱹᱣ ᱥᱟᱞᱟᱜ ᱡᱚᱲᱟᱣ ᱢᱮᱱᱟᱜᱼᱟ ᱾ ᱠᱩᱲᱤ ᱠᱚᱣᱟᱜ ᱥᱮᱪᱮᱫ ᱫᱚ ᱛᱤᱨᱞᱟᱹ ᱠᱚᱣᱟᱜ ᱫᱟᱲᱮ ᱥᱟᱶᱛᱮ ᱟᱭᱢᱟ ᱥᱟᱶᱛᱟᱹᱨᱤ ᱨᱮᱭᱟᱜ ᱱᱟᱯᱟᱭ ᱨᱮᱭᱟᱜ ᱮ ᱩᱫᱩᱜ ᱥᱚᱫᱚᱨᱟ ᱾
ᱠᱷᱚᱸᱫᱽᱨᱚᱸᱫᱽ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱦᱚᱲ ᱩᱛᱱᱟᱹᱣ ᱵᱟᱵᱚᱛ ᱱᱟᱦᱟᱜ ᱠᱷᱚᱸᱫᱽᱨᱚᱸᱫᱽ ᱮ ᱧᱟᱢᱟᱠᱟᱫᱼᱟᱭ ᱛᱤᱨᱞᱟᱹ ᱠᱚᱣᱟᱜ ᱥᱮᱪᱮᱫ ᱟᱨ ᱡᱮᱜᱮᱫ ᱡᱟᱠᱟᱛ ᱩᱛᱱᱟᱹᱣ ᱢᱩᱫᱨᱮ ᱢᱤᱫ ᱠᱮᱴᱮᱡ ᱥᱟᱹᱜᱟᱹᱭ ᱾ ᱡᱮᱜᱮᱫ ᱡᱟᱠᱟᱛ ᱩᱛᱱᱟᱹᱣ ᱫᱚ ᱢᱤᱫᱴᱟᱹᱝ ᱥᱮᱪᱮᱫ ᱨᱮᱭᱟᱜ ᱥᱟᱛᱟᱢ ᱡᱟᱦᱟᱸ ᱫᱚ ᱵᱟᱹᱲᱤᱡ ᱴᱚᱴᱷᱟ ᱨᱮ ᱥᱟᱶᱛᱟ ᱟᱨ ᱠᱟᱹᱣᱰᱤᱭᱟᱹᱨᱤ ᱩᱛᱱᱟᱹᱣ ᱥᱟᱞᱟᱜ ᱡᱚᱲᱟᱣ ᱢᱮᱱᱟᱜᱼᱟ ᱾[᱑] ᱠᱷᱟᱥ ᱠᱟᱛᱮ, ᱠᱷᱚᱸᱫᱽᱨᱚᱸᱫᱤᱭᱟᱹ ᱠᱚ ᱱᱚᱶᱟ ᱵᱟᱰᱟᱭ ᱞᱟᱹᱜᱤᱫ ᱠᱚ ᱨᱤᱠᱟᱹ ᱞᱮᱫᱼᱟ ᱡᱮ ᱪᱮᱫ ᱚᱡᱮ ᱠᱚ ᱩᱛᱱᱟᱹᱣ ᱨᱮᱭᱟᱜ ᱦᱟᱨ ᱨᱮ ᱵᱷᱮᱜᱟᱨ ᱠᱚ ᱞᱟᱹᱭᱟᱠᱟᱫᱼᱟ ᱾[᱒] ᱛᱤᱨᱞᱟᱹ ᱠᱚᱣᱟᱜ ᱥᱮᱪᱮᱫ ᱫᱚ ᱥᱟᱶᱛᱟ ᱟᱨ ᱠᱟᱹᱣᱰᱤᱭᱟᱹᱨᱤ ᱩᱛᱱᱟᱹᱣ ᱨᱮᱭᱟᱜ ᱦᱟᱨ ᱛᱟᱭᱚᱢ ᱨᱮ ᱢᱤᱫᱴᱟᱹᱝ ᱢᱩᱬᱩᱫ ᱵᱚᱨᱱᱚᱱ ᱟᱱᱟᱜ ᱯᱚᱨᱤᱢᱟᱱ, ᱟᱨ ᱵᱟᱱᱟᱨ ᱥᱟᱶ ᱜᱮ ᱢᱤᱫᱴᱟᱹᱝ ᱱᱟᱯᱟᱭ ᱥᱟᱹᱜᱟᱹᱭ ᱢᱮᱱᱟᱜᱼᱟ ᱢᱮᱱᱛᱮ ᱩᱫᱩᱜ ᱟᱠᱟᱱᱟ ᱾ ᱧᱩᱛᱩᱢᱟᱱ ᱠᱟᱹᱣᱰᱤᱭᱟᱹᱨᱤ ᱞᱳᱨᱮᱱᱥ ᱥᱟᱢᱟᱨᱥᱟᱜ ᱢᱮᱱ ᱞᱮᱠᱟᱛᱮ, "ᱠᱩᱲᱤ ᱠᱚᱣᱟᱜ ᱥᱮᱪᱮᱫ ᱨᱮ ᱵᱤᱱᱤᱡᱳᱜᱽ ᱜᱮ ᱦᱩᱭ ᱫᱟᱲᱮᱭᱟᱜᱼᱟ ᱩᱛᱱᱟᱹᱣᱟᱱ ᱡᱮᱜᱮᱫ ᱨᱮ ᱡᱚᱛᱚ ᱠᱷᱚᱱ ᱡᱟᱹᱥᱛᱤ ᱨᱩᱣᱟᱹᱲ ᱨᱮᱭᱟᱜ ᱵᱤᱱᱤᱡᱳᱜᱽ"᱾ ᱡᱟᱹᱛᱤᱭᱟᱹᱨᱤ ᱵᱷᱮᱜᱟᱨ ᱠᱚᱢ ᱦᱚᱸ ᱭᱩ.ᱮᱱ. ᱢᱤᱞᱮᱱᱤᱭᱟᱹᱢ ᱩᱛᱷᱱᱟᱹᱣᱟᱱ ᱡᱚᱥᱠᱚ ᱨᱮᱭᱟᱜ ᱢᱤᱫ ᱞᱟᱠᱪᱟᱨ ᱠᱟᱱᱟ᱾[᱓]
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ Klasen, Stephan. "Low Schooling for Girls, Slower Growth for All? Cross-Country Evidence on the Effect of Gender Inequality in Education on Economic Development." The World Bank Economic Review 16, no. 3 (2002): 345-373.
- ↑ Dollar, David, and Roberta Gatti. Gender Inequality, Income, and Growth: Are Good Times Good for Women? Archived ᱒᱐᱑᱔-᱐᱒-᱐᱗ at the Wayback Machine.. Washington D.C.: The World Bank, 1999.
- ↑ UN. "United Nations Millennium Development Goals." UN News Center. http://www.un.org/millenniumgoals/gender.shtml (accessed November 24, 2013).