ᱛᱤᱨᱞᱟ. ᱦᱚᱲᱢᱚᱥᱟᱶᱟᱨ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search

ᱛᱤᱨᱞᱟᱹ ᱦᱚᱲᱢᱚᱥᱟᱶᱟᱨ

ᱛᱤᱨᱞᱟᱹ ᱦᱚᱲᱢᱚᱥᱟᱶᱟᱨ ᱨᱮᱭᱟᱜ ᱪᱤᱛᱟᱹᱨ

ᱛᱤᱨᱞᱟᱹ ᱠᱚᱣᱟᱜ ᱦᱚᱲᱢᱚᱥᱟᱶᱟᱨ ᱫᱚ ᱢᱟᱹᱱᱢᱤ ᱥᱚᱥᱱᱚᱜ ᱟᱨ ᱦᱚᱲᱢᱚᱥᱟᱶᱟᱨ ᱴᱷᱟᱶᱨᱮ ᱢᱤᱫ ᱵᱟᱵᱷᱤᱱᱟᱹ ᱚᱝᱜᱚᱥ ᱠᱟᱱᱟ ᱾ ᱪᱮᱫᱟᱜ ᱥᱮ ᱛᱤᱨᱞᱟᱹ ᱠᱚᱫᱚ ᱢᱟᱹᱱᱢᱤ ᱥᱟᱶᱛᱟ ᱨᱤᱱ ᱥᱩᱨᱥᱩᱯᱩᱨ ᱟᱫᱷᱟ ᱦᱟᱹᱴᱤᱧ ᱠᱟᱱᱟ ᱠᱚ ᱾ ᱟᱹᱰᱤ ᱦᱚᱲᱢᱚᱥᱟᱶᱟᱨ ᱠᱟᱛᱷᱟᱨᱮ ᱠᱩᱲᱤ ᱦᱚᱯᱚᱱ ᱠᱚᱣᱟᱜ ᱫᱚ ᱠᱚᱲᱟ ᱦᱚᱯᱚᱱ ᱠᱷᱚᱱ ᱫᱚ ᱱᱟᱯᱟᱭ ᱜᱮ ᱛᱟᱦᱮᱸᱱᱟ, ᱡᱟᱦᱟᱸ ᱞᱮᱠᱟ ᱦᱚᱲᱢᱚ ᱱᱟᱯᱟᱭ ᱞᱟᱹᱜᱤᱫ ᱡᱚᱢ-ᱧᱩ ᱟᱨᱵᱟᱝ ᱦᱚᱲᱢᱚ ᱵᱟᱹᱲᱤᱡ ᱡᱚᱢ-ᱧᱩ ᱨᱮᱭᱟᱜ ᱫᱟᱲᱮ ᱫᱚ ᱠᱩᱲᱤ ᱦᱚᱯᱚᱱ ᱟᱨ ᱠᱚᱲᱟ ᱦᱚᱯᱚᱱ ᱴᱷᱮᱱ ᱟᱹᱰᱤᱜᱟᱱ ᱜᱮ ᱥᱚᱢᱟᱱ ᱜᱮᱭᱟ ᱾ ᱮᱱ ᱦᱚᱸ ᱱᱚᱣᱟ ᱥᱤᱨᱤᱡᱽ ᱫᱚ ᱡᱟᱱᱟᱢ ᱠᱷᱚᱱ ᱜᱮ ᱠᱩᱲᱤ - ᱠᱚᱲᱟ ᱟᱜ ᱦᱚᱲᱢᱚ ᱟᱨ ᱦᱚᱲᱢᱚᱥᱟᱶᱟᱨ ᱨᱮ ᱟᱹᱰᱤ ᱞᱮᱠᱟᱱ ᱞᱤᱪᱟᱹᱲ ᱟᱨ ᱵᱷᱮᱯᱮᱫ ᱮ ᱫᱚᱦᱚ ᱟᱠᱟᱜᱼᱟ ᱾ ᱛᱩᱞᱟᱹᱡᱚᱠᱷᱟ ᱱᱚᱡᱚᱨ ᱠᱷᱚᱱ ᱢᱤᱫ ᱱᱟᱣᱟ ᱡᱟᱱᱟᱢ ᱠᱩᱲᱤ ᱜᱤᱫᱽᱨᱟᱹ ᱠᱚᱲᱟ ᱜᱤᱫᱽᱨᱟᱹ ᱠᱷᱚᱱ ᱟᱹᱰᱤ ᱱᱟᱯᱟᱭ ᱦᱚᱲᱢᱚᱥᱟᱶᱟᱨ ᱛᱟᱦᱮᱸᱱ ᱛᱟᱭᱟ ᱟᱨ ᱟᱹᱰᱤ ᱠᱟᱹᱡ ᱜᱮ ᱟᱡᱟᱨ ᱦᱚᱸ ᱧᱟᱢᱮᱭᱟ ᱾ ᱠᱩᱲᱤ ᱜᱤᱫᱽᱨᱟᱹ ᱫᱚ ᱟᱹᱰᱤ ᱩᱥᱟᱹᱨᱟ ᱠᱚ ᱦᱟᱨᱟᱜᱼᱟ ᱟᱨ ᱠᱚᱲᱟ ᱠᱷᱚᱱ ᱫᱚ ᱟᱹᱰᱤ ᱞᱚᱜᱚᱱ ᱜᱮ ᱵᱚᱭᱚᱥ ᱨᱮᱭᱟᱜ ᱞᱟᱦᱟ ᱥᱮᱫ ᱠᱚ ᱥᱮᱴᱮᱨ ᱜᱚᱫᱚᱜᱼᱟ ᱾

ᱪᱟᱸᱫᱚᱠᱤᱭᱟᱹ ᱫᱷᱚᱨᱚᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱡᱩᱣᱟᱹᱱ ᱚᱵᱚᱥᱛᱟ ᱞᱮᱵᱮᱫᱽ ᱥᱟᱶ-ᱥᱟᱶ ᱛᱮᱜᱮ ᱠᱩᱲᱤ ᱦᱚᱦᱚᱱ ᱠᱚᱫᱚ ᱡᱚᱛᱚ ᱪᱟᱸᱫᱚ ᱨᱮᱜᱮ ᱫᱟᱸᱫᱚᱠᱤᱭᱟᱹ ᱫᱷᱚᱨᱚᱢ ᱵᱷᱩᱸᱡᱟᱹᱣ ᱦᱩᱭ ᱟᱠᱚᱣᱟ ᱾ ᱥᱟᱹᱨᱤ ᱛᱮᱫᱚ ᱢᱤᱫ ᱵᱚᱭᱚᱥᱠᱚ ᱠᱩᱲᱤ ᱦᱚᱯᱚᱱ ᱜᱮ ᱦᱟᱢᱟᱞ ᱦᱚᱲᱢᱚ ᱞᱟᱹᱜᱤᱫ ᱫᱚ ᱥᱟᱹᱨᱤ ᱛᱮᱦᱚᱸ ᱥᱟᱯᱲᱟᱣ ᱮ ᱛᱟᱦᱮᱸᱱᱟ ᱾ ᱡᱩᱫᱤ ᱩᱱᱤᱭᱟᱜ ᱡᱟᱦᱟᱸᱭ ᱠᱚᱲᱟ ᱦᱚᱯᱚᱱ ᱥᱟᱶ ᱥᱟᱹᱜᱟᱹᱭ ᱮ ᱫᱚᱦᱚᱭᱟ ᱮᱱᱠᱷᱟᱱ ᱚᱸᱰᱮ ᱠᱷᱚᱱ ᱜᱮ ᱜᱤᱫᱽᱨᱟᱹ ᱡᱟᱱᱟᱢ ᱞᱟᱹᱜᱤᱫ ᱮ ᱥᱟᱯᱲᱟᱣᱜᱼᱟ ᱟᱨ ᱩᱱᱤ ᱴᱷᱮᱱ ᱠᱷᱚᱱ ᱜᱮ ᱱᱟᱣᱟ ᱟᱨ ᱵᱟᱝ ᱵᱟᱞᱮ ᱜᱤᱫᱽᱨᱟᱭ ᱡᱟᱱᱟᱢ ᱚᱜᱼᱟ ᱾ ᱪᱟᱸᱫᱚᱠᱤᱭᱟᱹ ᱫᱷᱚᱨᱚᱢ ᱚᱠᱛᱚ ᱨᱮᱫᱚ ᱛᱤᱨᱞᱟᱹ ᱦᱚᱯᱚᱱ ᱠᱚ ᱟᱹᱲᱤᱥ ᱨᱟᱹᱜᱤᱜ ᱞᱮᱠᱟᱱ ᱵᱮᱵᱷᱟᱨ ᱦᱚᱸᱠᱚ ᱥᱚᱫᱚᱨ ᱫᱟᱲᱮᱭᱟᱜᱼᱟ ᱾ ᱱᱚᱝᱠᱟᱱ ᱚᱠᱛᱚ ᱨᱮ ᱩᱱᱠᱩ ᱞᱟᱹᱜᱤᱫ ᱢᱤᱫ ᱱᱟᱯᱟᱭ ᱡᱚᱢᱟᱜ ᱧᱩᱣᱟᱜ ᱞᱟᱹᱠᱛᱤ ᱦᱩᱭ ᱫᱟᱲᱮᱭᱟᱜᱼᱟ ᱾ ᱛᱤᱱᱟᱹᱝ ᱜᱟᱱ ᱛᱤᱨᱞᱟᱹ ᱠᱚᱫᱚ ᱡᱚᱛᱚ ᱪᱟᱸᱫᱚ ᱱᱟᱯᱟᱭ ᱥᱟᱺᱦᱤᱡ ᱪᱟᱸᱫᱚᱠᱤᱭᱟᱹ ᱫᱷᱚᱨᱚᱢ ᱵᱟᱝ ᱧᱮᱞ ᱨᱮᱭᱟᱜ ᱦᱚᱸ ᱮᱴᱠᱮᱴᱚᱬᱮ ᱥᱟᱢᱟᱝ ᱦᱩᱭ ᱟᱠᱚᱣᱟ ᱾ ᱡᱟᱦᱟᱸ ᱠᱷᱟᱹᱛᱤᱨ ᱩᱱᱠᱩ ᱴᱷᱮᱱ ᱵᱟᱨ ᱡᱤᱣᱤ ᱵᱟᱝ ᱛᱟᱦᱮᱸᱱ ᱨᱮᱭᱟᱜ ᱮᱴᱠᱮᱴᱚᱬᱮ ᱥᱤᱨᱡᱟᱹᱣᱜᱼᱟ ᱾ ᱪᱟᱸᱫᱚᱠᱤᱭᱟᱹ ᱫᱷᱚᱨᱚᱢ ᱨᱮ ᱪᱟᱞᱟᱜ ᱢᱟᱭᱟᱢ ᱠᱷᱟᱹᱛᱤᱨ ᱛᱤᱨᱞᱟᱹ ᱟᱜ ᱦᱚᱲᱢᱚ ᱨᱮᱫᱚ ᱟᱭᱨᱚᱱ ᱨᱮᱭᱟᱜ ᱠᱚᱢ ᱦᱩᱭ ᱫᱟᱲᱮᱭᱟᱜᱼᱟ, ᱱᱚᱣᱟ ᱠᱷᱟᱹᱛᱤᱨ ᱩᱱᱠᱩᱣᱟᱜ ᱦᱚᱲᱢᱚ ᱨᱮ ᱵᱟᱹᱲᱤᱡ ᱚᱨᱥᱚᱝ ᱵᱟᱡᱟᱣ ᱫᱟᱲᱮᱭᱟᱜᱼᱟ ᱾

ᱦᱟᱢᱟᱞ ᱦᱚᱲᱢᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱦᱟᱢᱟᱞ ᱦᱚᱲᱢᱚ ᱚᱠᱛᱚ ᱨᱮ ᱢᱤᱫ ᱛᱤᱨᱞᱟᱹ ᱟᱜ ᱡᱚᱢᱼᱧᱩ ᱟᱨ ᱦᱚᱲᱢᱚᱥᱟᱶᱟᱨ ᱪᱮᱛᱟᱱ ᱨᱮ ᱵᱟᱹᱲᱛᱤ ᱫᱷᱮᱭᱟᱱ ᱫᱚᱦᱚ ᱦᱩᱭᱩᱜᱼᱟ ᱾ ᱜᱤᱫᱽᱨᱟᱹ ᱡᱟᱱᱟᱢᱚᱜ ᱫᱷᱟᱹᱵᱤᱡ ᱜᱤᱫᱽᱨᱟᱹ ᱟᱨ ᱮᱸᱜᱟᱛᱟᱜ ᱦᱚᱲᱫᱚ ᱚᱵᱚᱥᱛᱟ ᱢᱤᱫ ᱦᱚᱲᱟᱜ ᱟᱨ ᱢᱤᱫ ᱦᱚᱲ ᱥᱟᱶ ᱡᱩᱲᱟᱹᱭ ᱠᱟᱛᱮ ᱛᱟᱦᱮᱸᱱᱟ ᱾ ᱚᱱᱟᱛᱮ ᱛᱟᱞᱟ ᱛᱟᱞᱟ ᱨᱮ ᱦᱚᱲᱢᱚ ᱨᱮ ᱜᱤᱫᱽᱨᱟᱹ ᱦᱟᱨᱟᱜ ᱨᱮᱭᱟᱜ ᱛᱩᱱᱠᱷᱤ ᱦᱩᱭᱩᱜᱼᱟ ᱟᱨ ᱮᱸᱜᱟᱛᱟᱜ ᱦᱚᱲᱢᱚ ᱛᱤᱠᱪᱷᱟᱹ ᱦᱩᱭᱩᱜᱼᱟ ᱾ ᱱᱚᱝᱠᱟᱱ ᱚᱠᱛᱚ ᱨᱮᱫᱚ ᱢᱟᱭᱟᱢ ᱨᱮᱭᱟᱜ ᱟᱱᱟᱴ, ᱢᱟᱭᱟᱢ ᱯᱮᱥᱟᱨ ᱟᱹᱰᱤ ᱞᱮᱠᱟᱱ ᱮᱴᱠᱮᱴᱚᱬᱮ ᱥᱟᱢᱟᱝ ᱛᱮ ᱦᱮᱡ ᱫᱟᱲᱮᱭᱟᱜᱼᱟ, ᱡᱟᱦᱟᱸ ᱠᱚ ᱧᱮᱞ ᱠᱟᱛᱮ ᱛᱤᱠᱪᱷᱟᱹ ᱦᱩᱭᱩᱜᱼᱟ ᱾

ᱮᱸᱜᱟᱛ ᱛᱳᱣᱟ ᱧᱩ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱮᱸᱜᱟᱛ ᱛᱳᱣᱟ ᱧᱩ ᱞᱟᱹᱜᱤᱫ ᱵᱟᱞᱮ ᱜᱤᱫᱽᱨᱟᱹ ᱟᱭᱳ ᱦᱚᱲᱢᱚ ᱠᱷᱚᱱ ᱥᱟᱦᱟ ᱠᱟᱛᱮ ᱨᱮᱦᱚᱸ ᱩᱱᱤ ᱥᱟᱶ ᱟᱡᱟᱜ ᱨᱮᱸᱜᱮᱡ ᱯᱩᱨᱩᱱ ᱞᱟᱹᱜᱤᱫ ᱟᱨ ᱦᱚᱸ ᱡᱩᱲᱟᱹᱭ ᱠᱟᱛᱮ ᱜᱮᱭ ᱛᱟᱦᱮᱸᱱᱟ ᱾ ᱛᱳᱣᱟᱭ ᱟᱹᱧᱩ ᱟᱭ ᱮᱸᱜᱟᱛ ᱜᱤᱫᱽᱨᱟᱹ ᱡᱟᱱᱟᱢ ᱛᱟᱭᱚᱢ ᱚᱰᱚᱠᱚᱜ ᱟᱹᱰᱤ ᱞᱮᱠᱟᱱ ᱮᱴᱠᱮᱴᱚᱬᱮ ᱠᱷᱚᱱ ᱵᱟᱧᱪᱟᱣ ᱮ ᱫᱚᱦᱚ ᱮᱭᱟ ᱾ ᱱᱚᱝᱠᱟ ᱜᱮ ᱜᱤᱫᱽᱨᱟᱹᱦᱚᱸ ᱵᱟᱹᱲᱤᱡ ᱟᱨ ᱠᱷᱤᱛᱤ ᱞᱮᱠᱟᱱ ᱡᱚᱢᱟᱜ ᱡᱤᱱᱤᱥ ᱠᱷᱚᱱ ᱥᱟᱺᱜᱤᱧ ᱨᱮᱭ ᱛᱟᱦᱮᱸᱱᱟ ᱾ ᱮᱸᱜᱟᱛ ᱛᱳᱣᱟ ᱢᱟᱹᱱᱢᱤ ᱫᱚ ᱡᱤᱭᱚᱱ ᱵᱷᱩᱨ ᱡᱟᱦᱟᱸᱱ ᱟᱡᱟᱨ ᱟᱨ ᱦᱚᱲᱢᱚ ᱞᱤᱪᱟᱹᱲ ᱠᱷᱚᱱ ᱥᱟᱺᱜᱤᱧ ᱨᱮᱭ ᱫᱚᱦᱚ ᱮᱭᱟ ᱾ ᱚᱱᱟᱛᱮ ᱵᱟᱞᱮ ᱜᱤᱫᱽᱨᱟᱹ ᱟᱭᱳ ᱛᱳᱣᱟᱭ ᱧᱩᱭ ᱵᱮᱲᱟ ᱨᱮᱫᱚ ᱮᱸᱜᱟᱛ ᱟᱜ ᱡᱚᱢ-ᱧᱩ ᱟᱨ ᱞᱟᱹᱠᱛᱤ ᱞᱮᱠᱟᱱ ᱨᱟᱱ ᱢᱩᱨᱜᱟᱹᱱ ᱟᱨ ᱱᱟᱯᱟᱭ ᱛᱤᱠᱪᱷᱟᱹ ᱨᱮᱭᱟᱜ ᱞᱟᱹᱠᱛᱤ ᱛᱚᱸᱜᱮ ᱛᱟᱦᱮᱸᱱᱟ ᱾

ᱮᱴᱟᱜ ᱛᱤᱨᱞᱟᱹ ᱟᱡᱟᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱚᱣᱟ ᱵᱷᱮᱜᱮᱫ ᱠᱟᱛᱮ ᱛᱤᱨᱞᱟᱹ ᱫᱚ ᱟᱨ ᱦᱚᱸ ᱟᱹᱰᱤ ᱞᱮᱠᱟᱱ ᱟᱡᱟᱨ ᱨᱮᱭ ᱯᱟᱲᱟᱣ ᱫᱟᱲᱮᱭᱟᱜᱼᱟ ᱾ ᱩᱱᱤᱭᱟᱜ ᱠᱚᱲᱟᱢ ᱠᱮᱱᱥᱚᱨ ᱥᱟᱶᱛᱮ ᱟᱹᱰᱤ ᱞᱮᱠᱟᱱ ᱠᱚᱲᱟᱢ ᱟᱡᱟᱨ, ᱪᱟᱸᱫᱚᱠᱤᱭᱟᱹ ᱫᱷᱚᱨᱚᱢ ᱨᱮᱭᱟᱜ ᱟᱹᱰᱤ ᱵᱟᱹᱲᱛᱤ ᱟᱨᱵᱟᱜ ᱟᱹᱰᱤ ᱠᱟᱹᱡ ᱦᱩᱭᱩᱜ ᱨᱮᱭᱟᱜ ᱮᱴᱠᱮᱴᱚᱬᱮ, ᱴᱷᱟᱹᱣᱠᱟᱹ ᱟᱨᱵᱟᱝ ᱱᱟᱯᱟᱭ ᱥᱟᱺᱦᱤᱡ ᱪᱟᱸᱫᱚᱠᱤᱭᱟᱹ ᱵᱟᱝ ᱦᱩᱭᱩᱜ ᱨᱮᱭᱟᱜ ᱮᱴᱠᱮᱴᱚᱬᱮ, ᱯᱩᱸᱰ ᱜᱮ ᱪᱟᱞᱟᱜ ᱨᱮᱭᱟᱜ ᱮᱴᱠᱮᱴᱚᱬᱮ, ᱪᱟᱸᱫᱚᱠᱤᱭᱟᱹ ᱦᱟᱹᱯᱤᱫ ᱩᱛᱟᱹᱨᱚᱜ ᱥᱟᱶ-ᱥᱟᱶ ᱛᱮ ᱟᱨ ᱦᱚᱸ ᱞᱮᱠᱟᱱ ᱞᱮᱠᱟᱱ ᱦᱚᱲᱢᱚ ᱟᱡᱟᱨ ᱥᱮᱞᱮᱫ ᱠᱟᱛᱮ ᱛᱟᱦᱮᱸᱱᱟ ᱾

ᱦᱟᱹᱞᱤ ᱱᱟᱝ ᱨᱮᱭᱟᱜ ᱮᱴᱠᱮᱴᱚᱬᱮ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱤᱛᱚᱜ ᱱᱟᱝ ᱨᱮ ᱦᱟᱢᱟᱞ ᱦᱚᱲᱢᱚᱜ ᱟᱴᱠᱟᱣ ᱫᱚᱦᱚᱭ ᱞᱟᱹᱜᱤᱫ ᱨᱟᱱ ᱵᱩᱴᱠᱟᱹ ᱟᱹᱰᱤ ᱜᱮ ᱥᱟᱦᱛᱟ ᱪᱟᱵᱟ ᱟᱠᱟᱱᱟ ᱾ ᱱᱚᱣᱟ ᱨᱟᱱ ᱟᱯᱱᱟᱨ ᱮᱫ ᱠᱚ ᱛᱤᱨᱞᱟᱹ ᱫᱚ ᱚᱲᱟᱜ ᱜᱤᱨᱱᱤ ᱦᱚᱸ ᱠᱚ ᱦᱩᱭ ᱫᱟᱲᱮᱭᱟᱜᱼᱟ ᱟᱨᱵᱟᱝ ᱠᱷᱟᱱ ᱰᱟᱺᱜᱽᱣᱟᱹ ᱠᱩᱲᱤ ᱦᱚᱸ ᱾ ᱵᱟᱝ ᱟᱸᱥᱚᱜ ᱠᱟᱱ ᱜᱤᱫᱽᱨᱟᱹ ᱠᱷᱚᱱ ᱥᱟᱦᱟᱨᱮ ᱛᱟᱦᱮᱸᱱ ᱞᱟᱹᱜᱤᱫ ᱱᱚᱣᱟ ᱨᱟᱱ ᱠᱚ ᱟᱯᱱᱟᱨᱮᱜᱼᱟ ᱾

ᱦᱟᱢᱟᱞ ᱦᱚᱲᱢᱚ ᱟᱴᱠᱟᱣ ᱫᱚᱦᱚᱭ ᱨᱟᱱ ᱨᱮᱭᱟᱜ ᱯᱚᱲᱦᱚᱱ ᱠᱷᱚᱱ ᱵᱟᱰᱟᱭ ᱧᱟᱢ ᱟᱠᱟᱱᱟ ᱫᱚ ᱞᱮᱛᱟᱲ ᱞᱮᱛᱟᱲ ᱱᱚᱣᱟ ᱧᱟᱱ ᱡᱚᱢ ᱞᱮᱠᱷᱟᱱ ᱦᱚᱲᱢᱚ ᱵᱟᱹᱲᱛᱤ ᱢᱚᱴᱟᱜ ᱠᱟᱱ ᱨᱮᱭᱟᱜ ᱠᱟᱛᱷᱟ ᱥᱟᱢᱟᱝ ᱛᱮ ᱦᱮᱡ ᱟᱠᱟᱱᱟ ᱾ ᱨᱟᱱ ᱠᱚᱢᱯᱟᱹᱱᱤ ᱱᱚᱣᱟ ᱵᱟᱹᱲᱤᱡ ᱚᱨᱥᱚᱝ ᱤᱫᱤ ᱠᱟᱛᱮ ᱦᱟᱢᱟᱞ ᱦᱚᱲᱢᱚ ᱴᱷᱟᱠᱮᱫ ᱫᱚᱦᱚᱭ ᱨᱟᱱ ᱯᱟᱞᱮᱴ ᱪᱮᱛᱟᱱ ᱨᱮᱦᱚᱸ ᱠᱚ ᱚᱞ ᱠᱟᱜ ᱠᱟᱱ ᱜᱮᱭᱟ ᱾ ᱱᱚᱝᱠᱟ ᱱᱟᱜ ᱮᱴᱠᱮᱴᱚᱬᱮ ᱠᱚ ᱛᱤᱨᱞᱟᱹ ᱟᱹᱰᱤ ᱵᱟᱹᱲᱛᱤ ᱥᱟᱦᱟᱣ ᱛᱮ ᱦᱩᱭ ᱟᱠᱚ ᱠᱟᱱᱟ ᱡᱟᱦᱟᱸᱛᱮ ᱪᱟᱸᱫᱚᱠᱤᱭᱟᱹ ᱫᱷᱚᱨᱚᱢ ᱚᱠᱛᱚ ᱨᱮᱜᱮ ᱵᱟᱹᱲᱛᱤ ᱵᱟᱝ ᱜᱟᱱᱚᱜ ᱞᱮᱠᱟᱱ ᱦᱟᱞᱟᱛ ᱥᱮᱞᱮᱫ ᱠᱟᱛᱮ ᱢᱮᱱᱟᱜᱼᱟ ᱾

ᱟᱨ ᱦᱚᱸ ᱧᱮᱞ ᱢᱮ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

https://en.m.wikipedia.org/wiki/European_Institute_of_Women%27s_Healthe https://en.m.wikipedia.org/wiki/Gynaecology

https://en.m.wikipedia.org/wiki/Gender_discrimination

https://en.m.wikipedia.org/wiki/Health_equity

https://en.m.wikipedia.org/wiki/Reproductive_Health_Supplies_Coalition https://en.m.wikipedia.org/wiki/Social_determinants_of_health

https://en.m.wikipedia.org/wiki/Women_and_smoking

ᱥᱟᱹᱠᱷᱤᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

http://www.who.int/topics/womens_health/en/

https://en.m.wikipedia.org/wiki/Women%27s_health#CITEREFWHO1948

https://en.m.wikipedia.org/wiki/Women%27s_health#CITEREFNLM2015

https://en.m.wikipedia.org/wiki/Women%27s_health#CITEREFClancyMassion1992

https://en.m.wikipedia.org/wiki/Women%27s_health#CITEREFMacEachron2014

http://www.who.int/life-course/en/

ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]