ᱛᱮᱛᱨᱮ
| ᱥᱟᱯᱲᱟᱣᱤᱡ | ᱢᱚᱦᱟᱫᱮᱵᱽ ᱦᱟᱸᱥᱫᱟ |
|---|---|
| ᱛᱷᱚᱠ | ᱥᱟᱶᱦᱮᱫ ᱯᱟᱛᱷᱟᱢ |
| ᱯᱟᱨᱥᱟᱞ ᱚᱠᱛᱚ | ᱪᱟᱸᱫᱚᱠᱤᱭᱟᱹ |
| ᱯᱟᱯᱟᱨᱥᱟᱞᱤᱡ | ᱢᱚᱦᱟᱫᱮᱵᱽ ᱦᱟᱸᱥᱫᱟ |
| ᱯᱩᱭᱞᱩ ᱩᱪᱷᱟᱹᱱ | ᱚᱠᱴᱚᱵᱚᱨ, ᱑᱙᱗᱖ |
| ᱫᱤᱥᱚᱢ | ᱥᱤᱧᱚᱛ |
| ᱯᱟᱹᱨᱥᱤ | ᱥᱟᱱᱛᱟᱲᱤ |
ᱛᱮᱛᱨᱮ ᱫᱚ ᱢᱤᱫᱴᱟᱹᱝ ᱧᱩᱛᱩᱢᱟᱱ ᱥᱟᱱᱛᱟᱲᱤ ᱥᱟᱶᱦᱮᱫ ᱪᱟᱸᱫᱚᱠᱤᱭᱟᱹ ᱯᱟᱛᱷᱟᱢ ᱛᱟᱦᱮᱸ ᱠᱟᱱᱟ ᱾ ᱱᱚᱶᱟ ᱯᱟᱛᱷᱟᱢ ᱨᱤᱱᱤᱡ ᱥᱟᱯᱲᱟᱣᱤᱡ ᱟᱨ ᱩᱪᱷᱟᱹᱱᱤᱡ ᱫᱚ ᱧᱩᱛᱩᱢᱟᱱ ᱥᱟᱶᱦᱮᱫᱤᱭᱟᱹ ᱟᱨ ᱥᱟᱸᱵᱟᱫᱤᱠ ᱢᱚᱦᱟᱫᱮᱵᱽ ᱦᱟᱸᱥᱫᱟ ᱛᱟᱦᱮᱸ ᱠᱟᱱᱟᱭ ᱾
ᱱᱟᱜᱟᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱑᱙᱗᱖ ᱥᱮᱨᱢᱟ ᱨᱮᱱᱟᱜ ᱚᱠᱴᱚᱵᱚᱨ ᱪᱟᱸᱫᱚ ᱠᱷᱚᱱ ᱱᱚᱶᱟ ᱯᱟᱛᱷᱟᱢ ᱫᱚ ᱯᱚᱪᱷᱤᱢ ᱵᱟᱝᱞᱟ ᱨᱮᱱᱟᱜ ᱯᱩᱨᱩᱞᱤᱭᱟᱹ ᱦᱚᱱᱚᱛ ᱨᱮᱱᱟᱜ ᱠᱩᱢᱲᱟ ᱰᱟᱠᱜᱷᱚᱨ ᱞᱟᱛᱟᱨ ᱨᱮ ᱢᱮᱱᱟᱜ ᱠᱟᱭᱨᱟ ᱟᱹᱛᱩ ᱠᱷᱚᱱ ᱩᱪᱷᱟᱹᱱ ᱮᱛᱚᱦᱚᱵ ᱞᱮᱱᱟ ᱾ ᱮᱛᱚᱦᱚᱵ ᱨᱮ ᱱᱚᱶᱟ ᱫᱚ ᱯᱩᱨᱩᱞᱤᱭᱟᱹ ᱨᱮᱱᱟᱜ 'ᱥᱩᱥᱤᱨ ᱜᱟᱶᱛᱟ' ᱯᱟᱦᱴᱟ ᱠᱷᱚᱱ ᱩᱪᱷᱟᱹᱱᱚᱜ ᱠᱟᱱ 'ᱥᱩᱥᱤᱨ ᱰᱟᱦᱟᱨ' ᱧᱩᱛᱩᱢ ᱛᱮ ᱛᱟᱦᱮᱸ ᱠᱟᱱᱟ, ᱛᱟᱭᱚᱢ ᱛᱮ ᱱᱚᱶᱟ ᱨᱮᱱᱟᱜ ᱧᱩᱛᱩᱢ ᱵᱚᱫᱚᱞ ᱠᱟᱛᱮ 'ᱛᱮᱛᱨᱮ' ᱫᱚᱦᱚ ᱮᱱᱟ ᱾ 'ᱥᱩᱥᱤᱨ ᱜᱟᱶᱛᱟ' ᱩᱪᱷᱟᱹᱱ ᱠᱟᱹᱢᱤ ᱠᱷᱚᱱ ᱠᱚ ᱥᱟᱦᱟ ᱮᱱ ᱠᱷᱟᱱ, ᱢᱚᱦᱟᱫᱮᱵᱽ ᱦᱟᱸᱥᱫᱟ ᱜᱮ ᱥᱟᱯᱲᱟᱣ ᱟᱨ ᱩᱪᱷᱟᱹᱱ ᱨᱮᱱᱟᱜ ᱡᱚᱛᱚ ᱟᱸᱜᱤᱵᱷᱟᱨ ᱮ ᱜᱚᱜ ᱞᱮᱫᱟ ᱾
ᱥᱟᱶᱦᱮᱫ ᱨᱮ ᱮᱱᱮᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱟᱱᱛᱟᱲᱤ ᱥᱟᱶᱦᱮᱫ ᱨᱮ 'ᱛᱮᱛᱨᱮ' ᱫᱚ ᱢᱤᱫ ᱢᱟᱭᱤᱞ-ᱠᱷᱩᱱᱴᱤ (Milestone) ᱞᱮᱠᱟᱱ ᱯᱟᱛᱷᱟᱢ ᱠᱟᱱᱟ ᱾ ᱱᱚᱶᱟ ᱯᱟᱛᱷᱟᱢ ᱛᱟᱞᱟ ᱛᱮᱜᱮ ᱥᱟᱱᱛᱟᱲᱤ ᱥᱟᱶᱦᱮᱫ ᱨᱮ ᱟᱹᱫᱷᱩᱱᱤᱠ ᱡᱩᱜᱽ ᱨᱮᱱᱟᱜ ᱵᱚᱞᱚᱱ ᱦᱩᱭ ᱞᱮᱱᱟ, ᱵᱷᱮᱜᱮᱫ ᱠᱟᱛᱮ ᱚᱱᱚᱲᱦᱮ ᱟᱨ ᱚᱱᱚᱲ ᱚᱱᱚᱲᱦᱮ (Prose poetry) ᱠᱷᱮᱛᱨᱚ ᱨᱮ ᱾ ᱱᱚᱶᱟ ᱯᱟᱛᱷᱟᱢ ᱨᱮ ᱥᱮᱨᱮᱧ, ᱚᱱᱚᱲᱦᱮ, ᱠᱟᱹᱦᱱᱤ, ᱚᱱᱚᱞ, ᱜᱟᱭᱟᱱ, ᱜᱟᱞᱚᱪ, ᱥᱟᱶᱦᱮᱫ ᱛᱩᱞᱟᱹᱡᱚᱠᱷᱟ ᱟᱨ ᱪᱤᱴᱷᱤ-ᱯᱟᱛᱷᱟᱢ ᱮᱢᱟᱱ ᱠᱚ ᱩᱪᱷᱟᱹᱱᱚᱜ ᱠᱟᱱ ᱛᱟᱦᱮᱸᱫ ᱾
ᱵᱤᱥᱮᱥ ᱜᱩᱱ ᱠᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]'ᱛᱮᱛᱨᱮ' ᱯᱟᱛᱷᱟᱢ ᱫᱚ ᱟᱡᱟᱜ ᱱᱤᱡᱚᱨᱟᱜ ᱢᱤᱫ ᱥᱟᱯᱲᱟᱣ ᱰᱟᱦᱟᱨ ᱮ ᱛᱮᱭᱟᱨ ᱞᱮᱫᱟ ᱾ ᱟᱹᱲᱟᱹ ᱵᱮᱵᱷᱟᱨ ᱟᱨ ᱵᱟᱱᱟᱱ ᱨᱮ ᱱᱚᱶᱟ ᱯᱟᱛᱷᱟᱢ ᱫᱚ ᱢᱤᱫ ᱢᱟᱱᱚᱛ ᱟᱱᱟᱜ (Standard) ᱴᱷᱟᱶ ᱮ ᱟᱢᱮᱴ ᱞᱮᱫᱟ ᱾ ᱨᱚᱲ ᱵᱷᱟᱥᱟ ᱨᱮ ᱵᱮᱵᱷᱟᱨᱚᱜ ᱠᱟᱱ 'ᱵᱤᱱ ᱵᱮᱱ' ᱠᱚ ᱚᱞ ᱥᱟᱶᱦᱮᱫ ᱠᱷᱚᱱ ᱵᱟᱫᱽ ᱮᱢ ᱨᱮᱱᱟᱜ ᱡᱚᱥ ᱫᱚ 'ᱛᱮᱛᱨᱮ' ᱯᱟᱛᱷᱟᱢ ᱨᱮᱱᱟᱜ ᱜᱮ ᱠᱟᱱᱟ ᱾
ᱮᱴᱟᱜ ᱠᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ᱯᱚᱨᱟᱢᱚᱨᱥᱚᱫᱟᱛᱟ: ᱧᱩᱛᱩᱢᱟᱱ ᱚᱱᱚᱲᱦᱤᱭᱟᱹ ᱥᱟᱨᱚᱫᱟ ᱯᱨᱚᱥᱟᱫᱽ ᱠᱤᱥᱠᱩ ᱾
- ᱩᱪᱷᱟᱹᱱᱤᱡ (ᱛᱟᱞᱟ ᱨᱮ): ᱟᱫᱤᱛᱭᱚ ᱠᱤᱥᱠᱩ ᱾
- ᱱᱤᱛᱚᱜ ᱚᱵᱚᱥᱛᱟ: ᱱᱤᱛᱚᱜ ᱫᱚ ᱱᱚᱶᱟ ᱯᱟᱛᱷᱟᱢ ᱵᱟᱭ ᱩᱪᱷᱟᱹᱱᱚᱜ ᱠᱟᱱᱟ ᱾