Jump to content

ᱛᱷᱤᱨᱩᱵᱷᱟᱛᱷᱤᱨᱟ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
ᱛᱷᱤᱨᱩᱵᱷᱟᱛᱷᱤᱨᱟ
ᱥᱤᱵᱽ ᱫᱚ ᱱᱟᱴᱟᱨᱟᱡᱟ ᱟᱨ ᱯᱟᱨᱵᱟᱛᱤ ᱞᱮᱠᱟᱛᱮ ᱢᱤᱱᱟᱠᱥᱤ ᱢᱚᱱᱫᱤᱨ, ᱢᱟᱫᱩᱨᱟᱭ ᱨᱮ
ᱢᱟᱱᱟᱣᱠᱩ ᱦᱤᱱᱫᱩ ᱠᱚ
ᱞᱮᱠᱟᱱᱫᱷᱚᱨᱚᱢ
ᱢᱳᱦᱚᱴᱣᱚᱥᱤᱨᱡᱚᱱ ᱮᱱᱮᱡ, ᱡᱟᱱᱟᱢ ᱢᱟᱦᱟᱸ, ᱟᱨ ᱵᱚᱸᱜᱟ ᱥᱤᱵᱽ ᱟᱜ ᱚᱨᱫᱷᱟᱱᱟᱨᱤᱥᱣᱟᱨᱟ ᱨᱩᱯ ᱢᱟᱱᱟᱣᱟ
Observancesᱩᱯᱟᱹᱥ, ᱚᱵᱷᱤᱥᱮᱠᱟ, ᱯᱩᱡᱟᱹ, ᱨᱚᱛᱷ ᱡᱟᱛᱨᱟ, ᱛᱷᱤᱨᱩᱵᱷᱟᱥᱟᱜᱟᱢ, ᱛᱷᱤᱨᱩᱵᱷᱟᱛᱷᱤᱨᱟᱠᱟᱞᱤ
ᱢᱟᱹᱦᱤᱛᱢᱟᱨᱜᱟᱞᱤ
ᱛᱤᱱᱟᱹ ᱢᱟᱦᱟᱸ ᱛᱟᱭᱚᱢᱥᱮᱨᱢᱟᱠᱤᱭᱟᱹ / ᱟᱫᱷᱟ-ᱥᱮᱨᱢᱟᱠᱤᱭᱟᱹ

ᱛᱷᱤᱨᱩᱵᱷᱟᱛᱷᱤᱨᱟ (ᱡᱟᱦᱟᱸ ᱫᱚ ᱛᱷᱤᱨᱩᱵᱷᱟᱛᱷᱤᱨᱟᱭ ᱥᱮ ᱟᱨᱩᱫᱽᱨᱟ ᱫᱟᱨᱤᱥᱟᱱᱟᱢ ᱧᱩᱛᱩᱢ ᱛᱮᱦᱚᱸ ᱵᱟᱰᱟᱭᱚᱜᱼᱟ) ᱫᱚ ᱢᱤᱫ ᱦᱤᱱᱫᱩ ᱯᱟᱨᱟᱵᱽ ᱠᱟᱱᱟ ᱡᱟᱦᱟᱸ ᱫᱚ ᱢᱩᱬᱩᱛ ᱞᱮᱠᱟᱛᱮ ᱥᱤᱧᱚᱛ ᱨᱮᱭᱟᱜ ᱯᱚᱱᱚᱛ ᱠᱮᱨᱟᱞᱟ ᱟᱨ ᱛᱟᱢᱤᱞ ᱱᱟᱰᱩ ᱨᱮᱠᱚ ᱢᱟᱱᱟᱣᱟ ᱾[᱑][᱒][᱓] ᱛᱷᱤᱨᱩᱵᱷᱟᱛᱷᱤᱨᱟᱭ (ᱟᱨᱩᱫᱽᱨᱟ) ᱟᱹᱲᱟᱹ ᱨᱮᱭᱟᱜ ᱢᱮᱱᱮᱛ ᱫᱚ ᱛᱟᱢᱤᱞ ᱛᱮ "ᱥᱚᱱᱚᱛ ᱢᱟᱨᱟᱝ ᱰᱷᱮᱣ" ᱠᱟᱱᱟ, ᱡᱟᱦᱟᱸ ᱫᱚ ᱵᱚᱸᱜᱟ ᱥᱤᱵᱽ ᱟᱜ ᱥᱤᱨᱡᱚᱱ ᱮᱱᱮᱡ ᱨᱮᱭᱟᱜ ᱪᱤᱱᱦᱟᱹ ᱠᱟᱱᱟ ᱾

ᱛᱟᱢᱤᱞ ᱱᱟᱰᱩ ᱨᱮ, ᱱᱚᱣᱟ ᱯᱟᱨᱟᱵᱽ ᱨᱮᱭᱟᱜ ᱵᱤᱥᱮᱥ ᱢᱚᱦᱚᱛ ᱫᱚ ᱪᱤᱫᱟᱢᱵᱟᱨᱟᱢ ᱨᱮᱭᱟᱜ ᱱᱟᱴᱟᱨᱟᱡᱟ ᱢᱚᱱᱫᱤᱨ ᱨᱮ ᱢᱮᱱᱟᱜᱼᱟ, ᱡᱟᱦᱟᱸ ᱨᱮ ᱥᱮᱨᱢᱟᱠᱤᱭᱟᱹ ᱟᱨᱩᱫᱽᱨᱟ ᱫᱟᱨᱥᱟᱱᱟᱢ ᱟᱹᱰᱤ ᱨᱟᱹᱥᱠᱟᱹ ᱥᱟᱞᱟᱜ ᱠᱚ ᱢᱟᱱᱟᱣᱟ ᱾[᱔][᱕] ᱱᱚᱣᱟ ᱠᱟᱹᱢᱤᱦᱚᱨᱟ ᱫᱚ ᱵᱚᱸᱜᱟ ᱱᱟᱴᱟᱨᱟᱡᱟ ᱟᱜ ᱥᱮᱨᱢᱟ ᱨᱮᱭᱟᱜ ᱮᱱᱮᱡ ᱮ ᱩᱭᱦᱟᱹᱨᱟ, ᱡᱟᱦᱟᱸ ᱫᱚ ᱥᱤᱵᱽ ᱟᱜ ᱢᱤᱫ ᱨᱩᱯ ᱠᱟᱱᱟ ᱾

ᱠᱮᱨᱟᱞᱟ ᱨᱮ, ᱱᱚᱣᱟ ᱯᱟᱨᱟᱵᱽ ᱫᱚ ᱢᱟᱞᱟᱭᱟᱞᱟᱢ ᱪᱟᱸᱫᱚ ᱢᱟᱠᱟᱨᱟᱢ (ᱡᱟᱱᱩᱣᱟᱨᱤ-ᱯᱷᱮᱵᱽᱨᱩᱣᱟᱨᱤ) ᱨᱮ ᱛᱷᱤᱨᱩᱵᱷᱟᱛᱷᱤᱨᱟ ᱤᱯᱤᱞ ᱨᱮᱠᱚ ᱢᱟᱱᱟᱣᱟ ᱾ ᱢᱤᱫ ᱧᱩᱛᱩᱢᱟᱱ ᱢᱟᱱᱟᱣ ᱫᱚ ᱢᱟᱛᱷᱤᱨᱟ ᱯᱤᱰᱤᱠᱟ ᱫᱮᱵᱤ ᱢᱚᱱᱫᱤᱨ ᱨᱮ ᱦᱩᱭᱩᱜᱼᱟ, ᱡᱟᱦᱟᱸ ᱫᱚ ᱠᱳᱞᱞᱟᱢ ᱦᱚᱱᱚᱛ ᱨᱮᱭᱟᱜ ᱠᱟᱫᱟᱠᱠᱟᱞ ᱨᱮ ᱢᱮᱱᱟᱜᱼᱟ, ᱟᱨ ᱛᱷᱤᱨᱩᱵᱷᱤᱛᱷᱟᱢᱠᱳᱨ ᱫᱮᱵᱟᱥᱣᱚᱢ ᱵᱳᱨᱰ ᱦᱚᱛᱮᱛᱮ ᱪᱟᱪᱞᱟᱣᱜ ᱠᱟᱱᱟ ᱾ ᱵᱷᱚᱠᱛᱚ ᱠᱚ ᱱᱚᱸᱰᱮ ᱵᱚᱸᱜᱟ ᱥᱤᱵᱽ ᱢᱟᱱᱚᱛ ᱞᱟᱹᱜᱤᱫ ᱠᱚ ᱡᱟᱣᱨᱟᱜᱼᱟ, ᱡᱟᱦᱟᱸ ᱨᱮ ᱟᱹᱨᱤᱪᱟᱹᱞᱤ, ᱩᱯᱟᱹᱥ, ᱟᱨ ᱛᱷᱤᱨᱩᱵᱷᱟᱛᱷᱤᱨᱟ ᱠᱟᱞᱤ (ᱢᱤᱫ ᱜᱩᱞᱟᱹᱭ ᱮᱱᱮᱡ) ᱞᱮᱠᱟᱱ ᱟᱹᱨᱤᱪᱟᱹᱞᱤ ᱮᱱᱮᱡ ᱠᱚᱠᱚ ᱩᱫᱩᱜ ᱥᱚᱫᱚᱨᱟ ᱾

ᱮᱠᱟᱢᱵᱟᱨᱮᱥᱣᱟᱨᱟᱨ ᱢᱚᱱᱫᱤᱨ (ᱠᱟᱧᱪᱤᱯᱩᱨᱚᱢ)

ᱪᱤᱫᱟᱢᱵᱟᱨᱟᱢ (ᱛᱷᱤᱞᱞᱟᱭ) ᱨᱮ ᱟᱨᱩᱫᱽᱨᱟ ᱫᱟᱨᱥᱟᱱ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱛᱷᱤᱨᱩᱵᱷᱟᱫᱤᱨᱟᱭ – ᱟᱨᱩᱫᱽᱨᱟ ᱫᱟᱨᱥᱟᱱ ᱫᱚ ᱢᱤᱫ ᱧᱩᱛᱩᱢᱟᱱ ᱦᱤᱱᱫᱩ ᱯᱟᱨᱟᱵᱽ ᱠᱟᱱᱟ ᱡᱟᱦᱟᱸ ᱫᱚ ᱵᱚᱸᱜᱟ ᱱᱟᱴᱟᱨᱟᱡᱟ ᱥᱟᱶ ᱡᱚᱲᱟᱣ ᱢᱚᱬᱮ ᱜᱚᱴᱟᱝ ᱥᱚᱱᱚᱛ ᱥᱚᱵᱷᱟ (halls) ᱨᱮ ᱟᱹᱰᱤ ᱨᱟᱹᱥᱠᱟᱹ ᱥᱟᱞᱟᱜ ᱠᱚ ᱢᱟᱱᱟᱣᱟ:

  1. ᱠᱟᱱᱟᱠᱟ ᱥᱚᱵᱷᱟ (ᱥᱳᱱᱟ ᱦᱚᱞ) – ᱪᱤᱫᱟᱢᱵᱟᱨᱟᱢ (ᱛᱷᱤᱞᱞᱟᱭ), ᱛᱟᱢᱤᱞ ᱱᱟᱰᱩ ᱾
  2. ᱵᱷᱮᱞᱞᱤ ᱥᱚᱵᱷᱟ (ᱨᱩᱯᱟᱹ ᱦᱚᱞ) – ᱢᱟᱫᱩᱨᱟᱭ, ᱛᱟᱢᱤᱞ ᱱᱟᱰᱩ ᱾
  3. ᱨᱚᱛᱱᱚ ᱥᱚᱵᱷᱟ (ᱨᱩᱵᱤ ᱦᱚᱞ) – ᱛᱤᱨᱩᱵᱷᱟᱞᱟᱱᱠᱟᱰᱩ, ᱛᱟᱢᱤᱞ ᱱᱟᱰᱩ ᱾
  4. ᱛᱟᱢᱨᱟ ᱥᱚᱵᱷᱟ (ᱛᱟᱢᱵᱟ ᱦᱚᱞ) – ᱛᱤᱨᱩᱱᱮᱞᱵᱷᱮᱞᱤ, ᱛᱟᱢᱤᱞ ᱱᱟᱰᱩ ᱾
  5. ᱪᱤᱛᱨᱟ ᱥᱚᱵᱷᱟ (ᱪᱤᱛᱟᱹᱨ ᱦᱚᱞ) – ᱠᱩᱴᱨᱟᱞᱟᱢ (ᱠᱳᱨᱴᱟᱞᱞᱟᱢ), ᱛᱟᱢᱤᱞ ᱱᱟᱰᱩ ᱾

ᱛᱷᱤᱞᱞᱟᱭ ᱪᱤᱫᱟᱢᱵᱟᱨᱟᱢ ᱨᱮ, ᱛᱷᱤᱨᱩᱵᱷᱟᱛᱷᱤᱨᱟᱭ ᱤᱯᱤᱞ ᱚᱠᱛᱚ ᱨᱮ ᱱᱟᱴᱟᱨᱟᱡᱟ ᱢᱚᱱᱫᱤᱨ ᱨᱮ ᱑᱐-ᱫᱤᱱ ᱨᱮᱭᱟᱜ ᱯᱟᱨᱟᱵᱽ ᱠᱚ ᱢᱟᱱᱟᱣᱟ ᱾ ᱟᱹᱨᱤᱪᱟᱹᱞᱤ ᱠᱚᱫᱚ ᱢᱚᱦᱟ ᱚᱵᱷᱤᱥᱮᱠᱟᱢ (ᱥᱚᱱᱚᱛ ᱩᱢ) ᱥᱟᱶ ᱮᱦᱚᱵᱚᱜᱼᱟ ᱡᱟᱦᱟᱸ ᱫᱚ ᱵᱚᱸᱜᱟ ᱱᱟᱴᱟᱨᱟᱡᱟ ᱟᱨ ᱥᱤᱵᱷᱟᱠᱟᱢᱟᱥᱩᱱᱫᱟᱨᱤ ᱞᱟᱹᱜᱤᱫ ᱨᱟᱡᱟ ᱥᱚᱵᱷᱟ ᱨᱮ ᱑᱐ ᱟᱱᱟᱜ ᱢᱟᱦᱟᱸ ᱨᱮᱭᱟᱜ ᱥᱮᱛᱟᱜ ᱵᱮᱲᱟ (ᱟᱢᱫᱟᱡᱽ ᱓:᱐᱐ AM) ᱨᱮ ᱦᱩᱭᱩᱜᱼᱟ ᱾ ᱱᱚᱣᱟ ᱢᱟᱨᱟᱝ ᱟᱹᱨᱤᱪᱟᱹᱞᱤ ᱫᱚ ᱓-᱔ ᱴᱟᱲᱟᱝ ᱫᱷᱟᱹᱵᱤᱡ ᱪᱟᱞᱟᱜᱼᱟ ᱾ ᱚᱱᱟ ᱛᱟᱭᱚᱢ, ᱵᱚᱸᱜᱟ ᱠᱚᱫᱚ ᱛᱷᱤᱨᱩᱵᱷᱟᱵᱷᱟᱨᱟᱱᱟᱢ (ᱥᱚᱱᱚᱛ ᱜᱚᱭᱱᱟ) ᱛᱮᱠᱚ ᱥᱟᱡᱟᱣ ᱠᱚᱣᱟ ᱟᱨ ᱨᱟᱦᱟᱥᱤᱭᱟ ᱯᱩᱡᱟᱹ (ᱩᱠᱩ ᱟᱹᱨᱤᱪᱟᱹᱞᱤ) ᱛᱟᱞᱟ ᱛᱮᱠᱚ ᱵᱚᱸᱜᱟ ᱟᱠᱚᱣᱟ ᱾ ᱛᱤᱠᱤᱱ ᱵᱮᱲᱟ, ᱯᱟᱱᱪᱟ ᱢᱩᱨᱛᱤ ᱛᱷᱤᱨᱩᱵᱷᱤᱛᱷᱤ ᱩᱞᱟ (ᱢᱚᱬᱮ ᱵᱚᱸᱜᱟ ᱠᱚᱣᱟᱜ ᱨᱚᱛᱷ ᱡᱟᱛᱨᱟ) ᱦᱩᱭᱩᱜᱼᱟ, ᱚᱱᱟ ᱛᱟᱭᱚᱢ ᱟᱨᱩᱫᱽᱨᱟ ᱫᱟᱨᱤᱥᱟᱱᱟᱢ, ᱡᱟᱦᱟᱸ ᱨᱮ ᱱᱟᱴᱟᱨᱟᱡᱟ ᱟᱨ ᱥᱤᱵᱷᱟᱠᱟᱢᱤ ᱫᱚ ᱠᱟᱱᱟᱠᱟ ᱥᱚᱵᱷᱟ ᱛᱮ ᱨᱩᱣᱟᱹᱲ ᱢᱟᱲᱟᱝ ᱵᱷᱚᱠᱛᱚ ᱠᱚ ᱥᱤᱵᱽ ᱟᱜ ᱥᱤᱨᱡᱚᱱ ᱮᱱᱮᱡ (ᱟᱱᱟᱱᱫᱟ ᱛᱟᱱᱰᱟᱵᱷᱟ) ᱨᱮᱭᱟᱜ ᱧᱮᱱᱮᱞ ᱛᱮᱠᱚ ᱛᱷᱩᱢ ᱟᱠᱚᱣᱟ ᱾[᱖]

ᱠᱟᱛᱷᱟ ᱞᱮᱠᱟᱛᱮ, ᱥᱮᱥᱟ (ᱵᱤᱥᱱᱩ ᱟᱜ ᱥᱚᱱᱚᱛ ᱵᱤᱧ) ᱟᱨ ᱨᱤᱥᱤ ᱵᱷᱭᱟᱜᱽᱨᱟᱯᱟᱫᱟ ᱫᱚ ᱥᱤᱵᱽ ᱟᱜ ᱥᱤᱨᱡᱚᱱ ᱮᱱᱮᱡ ᱧᱮᱞ ᱠᱤᱱ ᱠᱷᱚᱡᱽ ᱞᱮᱫᱟ ᱾ ᱩᱱᱠᱤᱱ ᱫᱚ ᱪᱤᱫᱟᱢᱵᱟᱨᱟᱢ ᱨᱮᱭᱟᱜ ᱱᱟᱴᱟᱨᱟᱡᱟ ᱢᱚᱱᱫᱤᱨ ᱨᱮ ᱟᱹᱰᱤ ᱠᱮᱴᱮᱡ ᱛᱚᱯᱚᱥᱭᱟ ᱠᱤᱱ ᱠᱚᱨᱟᱣ ᱞᱮᱫᱟ ᱾ ᱥᱤᱵᱽ ᱫᱚ ᱩᱱᱠᱤᱱᱟᱜ ᱵᱷᱚᱠᱛᱤ ᱧᱮᱞ ᱛᱮ ᱠᱩᱥᱤ ᱮᱱᱟᱭ ᱟᱨ ᱩᱱᱠᱤᱱᱟᱜ ᱠᱷᱚᱡᱽ ᱮ ᱯᱩᱨᱟᱹᱣ ᱠᱮᱫᱟ ᱟᱨ ᱟᱱᱟᱱᱫᱟ ᱛᱟᱱᱰᱟᱵᱷᱟ ᱮ ᱩᱫᱩᱜ ᱥᱚᱫᱚᱨ ᱠᱮᱫᱟ ᱾ ᱩᱱᱤ ᱫᱚ ᱵᱷᱭᱟᱜᱽᱨᱟᱯᱟᱫᱟ ᱫᱚ ᱛᱟᱹᱨᱩᱵ ᱞᱮᱠᱟᱱ ᱡᱟᱝᱜᱟ ᱦᱚᱸᱭ ᱮᱢᱟᱫᱮᱭᱟ ᱡᱟᱦᱟᱸ ᱛᱮ ᱩᱱᱤ ᱫᱚ ᱧᱮᱞᱮ ᱠᱚᱣᱟᱜ ᱮᱴᱠᱮᱴᱚᱬᱮ ᱵᱮᱜᱚᱨ ᱵᱟᱦᱟᱭ ᱛᱩᱢᱟᱹᱞ ᱫᱟᱲᱮᱭᱟᱜᱼᱟ, ᱡᱟᱦᱟᱸ ᱫᱚ ᱨᱤᱥᱤ ᱭᱟᱜ ᱵᱟᱝ ᱦᱤᱞᱟᱹᱣᱜ ᱵᱷᱚᱠᱛᱤ ᱨᱮᱭᱟᱜ ᱪᱤᱱᱦᱟᱹ ᱠᱟᱱᱟ ᱾[᱗]

ᱮᱛᱚᱦᱚᱵ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱟᱨᱩᱫᱽᱨᱟ ᱫᱟᱨᱥᱟᱱ (ᱛᱷᱤᱨᱩᱵᱷᱟᱛᱷᱤᱨᱟᱭ) ᱫᱚ ᱛᱟᱢᱤᱞ ᱪᱟᱸᱫᱚ ᱢᱟᱨᱜᱟᱡᱷᱤ (ᱰᱤᱥᱮᱢᱵᱚᱨ-ᱡᱟᱱᱩᱣᱟᱨᱤ) ᱨᱮᱭᱟᱜ ᱠᱩᱱᱟᱹᱢᱤ ᱧᱤᱫᱟᱹ ᱨᱮᱠᱚ ᱢᱟᱱᱟᱣᱟ, ᱡᱟᱦᱟᱸ ᱫᱚ ᱥᱮᱨᱢᱟ ᱨᱮᱭᱟᱜ ᱡᱚᱛᱚ ᱠᱷᱚᱱ ᱡᱤᱞᱤᱧ ᱧᱤᱫᱟᱹ ᱥᱟᱶ ᱢᱮᱞᱚᱜᱼᱟ ᱾[᱘][᱙][᱑᱐] ᱱᱟᱜᱟᱢᱤᱭᱟᱹ ᱯᱨᱚᱢᱟᱱ, ᱡᱟᱦᱟᱸ ᱨᱮ ᱫᱷᱤᱨᱤ ᱚᱞ ᱠᱚᱦᱚᱸ ᱥᱮᱞᱮᱫ ᱢᱮᱱᱟᱜᱼᱟ, ᱩᱫᱩᱜᱟ ᱡᱮ ᱱᱚᱣᱟ ᱯᱟᱨᱟᱵᱽ ᱫᱚ ᱑,᱕᱐᱐ ᱥᱮᱨᱢᱟ ᱠᱷᱚᱱ ᱦᱚᱸ ᱵᱟᱹᱲᱛᱤ ᱚᱠᱛᱚ ᱠᱷᱚᱱ ᱠᱚ ᱢᱟᱱᱟᱣᱮᱫᱟ ᱾ ᱛᱟᱢᱤᱞ ᱟᱹᱨᱤᱪᱟᱹᱞᱤ ᱨᱮ, ᱥᱤᱵᱽ ᱫᱚ ᱟᱛᱷᱤᱨᱟᱭᱤᱭᱟᱱ ᱞᱮᱠᱟᱛᱮᱠᱚ ᱢᱟᱱᱟᱣᱮᱭᱟ, ᱡᱟᱦᱟᱸ ᱧᱩᱛᱩᱢ ᱫᱚ ᱛᱷᱤᱨᱩᱵᱷᱟᱛᱷᱤᱨᱟᱭ ᱠᱷᱚᱱ ᱦᱮᱡ ᱟᱠᱟᱱᱟ (ᱛᱷᱤᱨᱩ ᱨᱮᱭᱟᱜ ᱢᱮᱱᱮᱛ ᱫᱚ "ᱥᱚᱱᱚᱛ" ᱟᱨ ᱟᱛᱷᱤᱨᱟᱭ ᱨᱮᱭᱟᱜ ᱢᱮᱱᱮᱛ ᱫᱚ "ᱛᱷᱤᱨ" ᱥᱮ "ᱢᱟᱦᱟᱱ") ᱾[᱑᱑][᱑᱒]

ᱞᱤᱴᱟᱨᱡᱤᱠᱟᱞ (Liturgical) ᱚᱵᱷᱭᱟᱥ ᱠᱚ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱚᱣᱟ ᱯᱟᱨᱟᱵᱽ ᱨᱮ ᱛᱟᱢᱤᱞ ᱱᱟᱰᱩ ᱨᱮᱭᱟᱜ ᱥᱤᱵᱽ ᱢᱚᱱᱫᱤᱨ ᱠᱚᱨᱮ ᱢᱟᱱᱤᱠᱠᱟᱵᱷᱟᱥᱟᱠᱟᱨ ᱟᱜ ᱛᱤᱨᱩᱵᱷᱟᱪᱟᱠᱟᱢ ᱨᱮᱭᱟᱜ ᱛᱟᱢᱤᱞ ᱥᱮᱨᱮᱧ ᱠᱚ, ᱟᱥᱚᱠᱟᱭ ᱛᱮ ᱛᱤᱨᱩᱵᱷᱮᱢᱯᱟᱵᱷᱟᱭ ᱟᱨ ᱛᱤᱨᱩᱯᱯᱟᱞᱞᱤᱮᱞᱩᱪᱤ ᱨᱮᱭᱟᱜ ᱯᱟᱲᱦᱟᱣ ᱦᱩᱭᱩᱜᱼᱟ ᱾ ᱛᱷᱤᱨᱩᱵᱷᱟᱛᱷᱤᱨᱟᱭ ᱢᱟᱦᱟᱸ ᱨᱮ, ᱱᱟᱴᱟᱨᱟᱡᱟ (ᱥᱤᱵᱽ ᱥᱤᱨᱡᱚᱱ ᱮᱱᱮᱡᱤᱡ ᱞᱮᱠᱟᱛᱮ) ᱟᱨ ᱩᱱᱤᱨᱮᱱ ᱡᱤᱭᱚᱱ ᱥᱟᱶᱛᱤ ᱥᱤᱵᱷᱟᱜᱟᱢᱤ (ᱯᱟᱨᱵᱟᱛᱤ) ᱟᱜ ᱢᱩᱨᱛᱤ ᱠᱚᱫᱚ ᱢᱚᱱᱫᱤᱨ ᱠᱷᱚᱱ ᱵᱟᱦᱨᱮ ᱢᱟᱨᱟᱝ ᱨᱚᱛᱷ ᱡᱟᱛᱨᱟ ᱛᱮᱠᱚ ᱚᱰᱚᱠ ᱠᱚᱣᱟ, ᱡᱟᱦᱟᱸ ᱫᱚ ᱥᱟᱭᱵᱷᱟᱭᱤᱴ ᱵᱚᱸᱜᱟ ᱵᱳᱨᱳ ᱨᱮᱭᱟᱜ ᱢᱤᱫ ᱪᱤᱱᱦᱟᱹ ᱠᱟᱱᱟ ᱾

ᱥᱟᱶᱦᱮᱫ ᱨᱮᱭᱟᱜ ᱢᱚᱦᱚᱛ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱛᱮᱵᱷᱟᱨᱟᱢ ᱥᱮᱨᱮᱧ ᱠᱚ, ᱡᱟᱦᱟᱸ ᱫᱚ ᱥᱟᱢᱵᱟᱱᱫᱟᱨ (᱗-᱙ ᱥᱟᱭ ᱥᱮᱨᱢᱟ CE) ᱞᱮᱠᱟᱱ ᱥᱟᱹᱫᱷᱩ ᱠᱚ ᱚᱞ ᱞᱮᱫᱟ, ᱚᱱᱟ ᱨᱮ ᱠᱟᱯᱟᱞᱤᱥᱣᱟᱨᱟᱢ ᱢᱚᱱᱫᱤᱨ (ᱢᱟᱭᱞᱟᱯᱳᱨ, ᱪᱮᱱᱱᱟᱭ) ᱞᱮᱠᱟᱱ ᱧᱩᱛᱩᱢᱟᱱ ᱢᱚᱱᱫᱤᱨ ᱠᱚᱨᱮ ᱛᱷᱤᱨᱩᱵᱷᱟᱛᱷᱤᱨᱟᱭ ᱢᱟᱱᱟᱣ ᱨᱮᱭᱟᱜ ᱵᱤᱵᱚᱨᱚᱱ ᱢᱮᱱᱟᱜᱼᱟ ᱾[᱑᱓] ᱚᱱᱠᱟ ᱜᱮ, ᱟᱯᱯᱟᱨ (ᱢᱤᱫ ᱗-ᱥᱟᱭ ᱥᱮᱨᱢᱟ ᱨᱮᱱ ᱥᱟᱹᱫᱷᱩ) ᱫᱚ ᱛᱮᱵᱷᱟᱨᱟᱢ ᱨᱮ ᱛᱷᱤᱨᱩᱵᱷᱟᱛᱷᱤᱨᱟᱭ ᱞᱟᱹᱜᱤᱫ ᱢᱤᱫ ᱯᱟᱛᱷᱤᱜᱟᱢ (᱑᱐-ᱥᱮᱨᱮᱧ ᱥᱟᱭᱠᱮᱞ) ᱮ ᱟᱞᱟᱭ ᱞᱮᱫᱟ, ᱡᱟᱦᱟᱸ ᱨᱮ ᱱᱚᱣᱟ ᱨᱮᱭᱟᱜ ᱫᱷᱚᱨᱚᱢ ᱟᱨ ᱞᱟᱠᱪᱟᱨ ᱢᱚᱦᱚᱛ ᱮ ᱵᱤᱥᱛᱟᱨ ᱟᱠᱟᱫᱟ ᱾[᱑᱔] ᱟᱯᱯᱟᱨ ᱫᱚ ᱟᱡᱟᱜ ᱔ ᱟᱱᱟᱜ ᱛᱤᱨᱩᱢᱩᱨᱟᱭ ᱨᱮ ᱛᱤᱨᱩᱵᱷᱟᱨᱩᱨ ᱢᱚᱱᱫᱤᱨ ᱨᱮ ᱱᱚᱣᱟ ᱯᱟᱨᱟᱵᱽ ᱢᱟᱱᱟᱣ ᱨᱮᱭᱟᱜ ᱦᱚᱸᱭ ᱚᱞ ᱫᱚᱦᱚ ᱟᱠᱟᱫᱟ ᱾[᱑᱕][᱑᱖]

ᱥᱤᱵᱽ ᱟᱜ ᱥᱤᱨᱡᱚᱱ ᱮᱱᱮᱡ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱟᱨᱩᱫᱽᱨᱟ ᱫᱟᱨᱥᱟᱱ ᱫᱚ ᱥᱤᱵᱽ ᱟᱜ ᱟᱱᱟᱱᱫᱟ ᱛᱟᱱᱰᱟᱵᱷᱟ (ᱟᱱᱟᱱᱫᱽ ᱨᱮᱭᱟᱜ ᱥᱤᱨᱡᱚᱱ ᱮᱱᱮᱡ) ᱮ ᱢᱟᱱᱟᱣᱟ, ᱡᱟᱦᱟᱸ ᱫᱚ ᱥᱤᱨᱡᱚᱱ, ᱵᱟᱧᱪᱟᱣ, ᱨᱟᱹᱯᱩᱫ, ᱨᱩᱯ ᱦᱟᱛᱟᱣ, ᱟᱨ ᱢᱩᱠᱛᱤ ᱨᱮᱭᱟᱜ ᱞᱮᱛᱟᱲ ᱥᱟᱭᱠᱮᱞ ᱮ ᱩᱫᱩᱜᱟ ᱾[᱑᱗][᱑᱘][᱑᱙] ᱱᱚᱣᱟ ᱮᱱᱮᱡ ᱫᱚ ᱢᱤᱫ ᱥᱳᱱᱟ-ᱟᱨᱟᱜ ᱥᱮᱸᱜᱮᱞ (ᱟᱨᱩᱫᱽᱨᱟ) ᱞᱮᱠᱟᱛᱮ ᱧᱮᱞᱚᱜᱼᱟ ᱢᱮᱱᱛᱮ ᱯᱟᱹᱛᱭᱟᱹᱣ ᱢᱮᱱᱟᱜᱼᱟ, ᱡᱟᱦᱟᱸ ᱨᱮ ᱥᱤᱵᱽ ᱫᱚ ᱱᱚᱣᱟ ᱫᱤᱱ ᱨᱮ ᱫᱷᱚᱨᱚᱢ ᱫᱟᱲᱮ ᱩᱫᱩᱜ ᱞᱟᱹᱜᱤᱫ ᱱᱟᱴᱟᱨᱟᱡᱟ ᱞᱮᱠᱟᱛᱮᱭ ᱨᱩᱯ ᱮ ᱦᱟᱛᱟᱣᱟ ᱾[᱑᱙][᱒᱐][᱒᱑] ᱱᱚᱣᱟ ᱯᱟᱨᱟᱵᱽ ᱫᱚ ᱱᱚᱣᱟ ᱯᱟᱹᱛᱭᱟᱹᱣ ᱨᱮ ᱡᱳᱨ ᱮᱢᱟ ᱡᱮ ᱱᱚᱣᱟ ᱥᱤᱨᱡᱚᱱ ᱮᱱᱮᱡ ᱫᱚ ᱫᱷᱟᱹᱨᱛᱤ ᱨᱮᱭᱟᱜ ᱡᱚᱛᱚ ᱠᱟᱹᱴᱤᱡ ᱦᱟᱹᱴᱤᱧ ᱠᱚᱭ ᱡᱤᱣᱤᱫ ᱠᱚᱣᱟ, ᱟᱨ ᱡᱚᱛᱚ ᱥᱤᱨᱡᱚᱱ ᱫᱟᱲᱮ ᱨᱮᱭᱟᱜ ᱯᱷᱮᱰᱟᱛ ᱞᱮᱠᱟᱛᱮ ᱠᱟᱹᱢᱤᱭᱟ ᱾[᱑᱙]

ᱜᱞᱳᱵᱟᱞ (Global) ᱢᱟᱱᱟᱣ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱚᱣᱟ ᱯᱟᱨᱟᱵᱽ ᱫᱚ ᱵᱟᱹᱲᱛᱤ ᱜᱟᱱ ᱛᱟᱢᱤᱞ ᱥᱟᱭᱵᱷᱟᱭᱤᱴ ᱟᱨ ᱱᱟᱴᱟᱨᱟᱡᱟ ᱢᱚᱱᱫᱤᱨ ᱠᱚᱨᱮ ᱢᱟᱱᱟᱣᱚᱜᱼᱟ ᱾[᱒᱒][᱒᱓][᱒᱔][᱒᱕] ᱢᱤᱫ ᱢᱩᱬᱩᱛ ᱟᱹᱨᱤᱪᱟᱹᱞᱤ ᱨᱮ ᱛᱷᱤᱨᱩᱵᱷᱟᱛᱷᱤᱨᱟᱭ ᱠᱟᱞᱤ (ᱪᱟᱣᱞᱮ, ᱜᱩᱲ, ᱟᱨ ᱫᱟᱹᱞ ᱛᱮ ᱵᱮᱱᱟᱣ ᱟᱠᱟᱱ ᱢᱤᱫ ᱦᱮᱲᱮᱢ ᱡᱚᱢᱟᱜ) ᱫᱚ ᱱᱟᱴᱟᱨᱟᱡᱟ ᱴᱷᱮᱱ ᱱᱮᱭᱵᱷᱮᱫᱷᱭᱟᱢ (ᱫᱷᱚᱨᱚᱢ ᱫᱟᱱ) ᱞᱮᱠᱟᱛᱮ ᱮᱢᱚᱜ ᱥᱮᱞᱮᱫ ᱢᱮᱱᱟᱜᱼᱟ ᱾[᱒᱖][᱒᱗][᱒᱘]

ᱥᱨᱤᱞᱚᱝᱠᱟ ᱨᱮ, ᱱᱚᱣᱟ ᱢᱟᱱᱟᱣ ᱨᱮᱭᱟᱜ ᱢᱤᱫ ᱟᱹᱨᱤᱪᱟᱹᱞᱤ ᱫᱚ ᱟᱫᱚᱢ ᱥᱨᱤᱞᱚᱝᱠᱟᱱ ᱛᱟᱢᱤᱞ ᱵᱷᱚᱠᱛᱚ ᱠᱚ ᱦᱚᱛᱮᱛᱮ ᱑᱙᱖᱐ ᱟᱨ ᱒᱐᱐᱐ ᱨᱮᱭᱟᱜ ᱫᱚᱥᱚᱠ ᱛᱟᱞᱟ ᱨᱮ, ᱠᱟᱨᱟᱭᱱᱟᱜᱟᱨ ᱥᱤᱵᱷᱟᱱ ᱠᱳᱵᱷᱤᱞ ᱨᱮ ᱵᱤᱥᱛᱟᱨ ᱞᱮᱱᱟ ᱾[᱒᱙][᱒᱗] ᱱᱚᱣᱟ ᱢᱚᱱᱫᱤᱨ, ᱡᱟᱦᱟᱸ ᱫᱚ ᱥᱩᱱᱫᱟᱨᱮᱥᱣᱟᱨᱟᱨ (ᱥᱤᱵᱽ ᱫᱚ ᱱᱟᱯᱟᱭ ᱵᱚᱸᱜᱟ ᱞᱮᱠᱟᱛᱮ) ᱟᱞᱟᱭ ᱟᱠᱟᱱᱟ, ᱛᱷᱤᱱᱱᱟᱯᱩᱨᱟᱢ ᱟᱹᱛᱩ ᱨᱮ ᱢᱮᱱᱟᱜᱼᱟ, ᱟᱨ ᱱᱚᱣᱟ ᱨᱮᱱ ᱪᱟᱪᱞᱟᱣᱤᱡ ᱠᱚ ᱦᱚᱛᱮᱛᱮ "ᱤᱞᱟᱛᱷᱩ ᱪᱤᱛᱷᱟᱢᱯᱟᱨᱟᱢ" ("ᱥᱤᱞᱳᱱ ᱨᱮᱭᱟᱜ ᱪᱤᱫᱟᱢᱵᱟᱨᱟᱢ") ᱞᱮᱠᱟᱛᱮ ᱯᱨᱚᱢᱳᱴ ᱟᱠᱟᱱᱟ ᱾[᱒᱙][᱒᱗]

ᱧᱩᱛᱩᱢᱟᱱ ᱢᱟᱱᱟᱣ ᱠᱚ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱒᱐᱒᱒ ᱨᱮ, ᱟᱨᱩᱫᱽᱨᱟ ᱫᱟᱨᱥᱟᱱ ᱫᱚ ᱟᱹᱨᱤᱪᱟᱹᱞᱤ ᱠᱮᱞᱮᱱᱰᱟᱨ ᱥᱟᱶ ᱵᱟᱝ ᱢᱤᱞᱟᱹᱣ ᱞᱮᱱᱟ, ᱡᱟᱦᱟᱸ ᱠᱷᱟᱹᱛᱤᱨ ᱒᱐᱒᱓ ᱨᱮ ᱱᱚᱣᱟ ᱫᱚ ᱵᱟᱨ ᱫᱷᱟᱣ ᱢᱟᱱᱟᱣ ᱦᱩᱭ ᱞᱮᱱᱟ—ᱡᱟᱦᱟᱸ ᱫᱚ ᱪᱟᱸᱫᱚ-ᱥᱤᱧ ᱪᱟᱸᱫᱚ ᱠᱮᱞᱮᱱᱰᱟᱨ ᱨᱮᱭᱟᱜ ᱵᱚᱫᱚᱞ ᱠᱷᱟᱹᱛᱤᱨ ᱟᱫᱚᱢ ᱚᱠᱛᱚ ᱦᱩᱭᱩᱜ ᱜᱮᱭᱟ ᱾[᱓᱐]

ᱛᱟᱢᱤᱞ ᱱᱟᱰᱩ ᱨᱮ ᱢᱚᱦᱚᱛ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱛᱟᱢᱤᱞ ᱱᱟᱰᱩ ᱨᱮ, ᱟᱥᱚᱠᱟᱭ ᱛᱮ ᱠᱳᱝᱜᱩᱱᱟᱰᱩ ᱴᱚᱴᱷᱟ ᱨᱮ, ᱛᱷᱤᱨᱩᱵᱷᱟᱛᱷᱤᱨᱟᱭ ᱨᱮᱭᱟᱜ ᱜᱟᱦᱤᱨ ᱞᱟᱠᱪᱟᱨ ᱟᱨ ᱫᱷᱚᱨᱚᱢ ᱢᱚᱦᱚᱛ ᱢᱮᱱᱟᱜᱼᱟ ᱾ ᱵᱟᱯᱞᱟ ᱟᱠᱟᱱ ᱛᱤᱨᱞᱟᱹ ᱠᱚᱫᱚ ᱜᱮᱞ-ᱫᱤᱱ ᱨᱮᱭᱟᱜ ᱢᱤᱫ ᱩᱯᱟᱹᱥ ᱟᱹᱨᱤᱪᱟᱹᱞᱤ ᱠᱚ ᱢᱟᱱᱟᱣᱟ ᱡᱟᱦᱟᱸ ᱫᱚ ᱛᱷᱤᱨᱩᱵᱷᱮᱢᱯᱟᱵᱷᱟᱭ ᱱᱳᱱᱵᱩ ᱠᱚ ᱢᱮᱛᱟᱜᱼᱟ, ᱡᱟᱦᱟᱸ ᱫᱚ ᱛᱷᱤᱨᱩᱵᱷᱟᱛᱷᱤᱨᱟᱭ ᱠᱷᱚᱱ ᱟᱨᱮ ᱫᱤᱱ ᱢᱟᱲᱟᱝ ᱮᱦᱚᱵᱚᱜᱼᱟ ᱟᱨ ᱯᱟᱨᱟᱵᱽ ᱢᱟᱦᱟᱸ ᱨᱮ ᱢᱩᱪᱟᱹᱫᱚᱜᱼᱟ ᱾[᱓᱑][᱓᱒] ᱱᱚᱣᱟ ᱚᱠᱛᱚ ᱨᱮ, ᱩᱱᱠᱩ ᱫᱚ ᱥᱮᱛᱟᱜ ᱢᱟᱲᱟᱝ ᱨᱮ ᱡᱚᱢᱟᱜ ᱠᱚ ᱡᱚᱢᱟ (ᱯᱟᱞᱞᱤᱭᱟᱭ ᱩᱱᱟᱵᱷᱩ) ᱟᱨ ᱪᱟᱸᱫᱚ ᱨᱟᱠᱟᱵ ᱫᱷᱟᱹᱵᱤᱡ ᱠᱚ ᱩᱯᱟᱹᱥᱟ, ᱡᱟᱦᱟᱸ ᱫᱚ ᱮᱠᱮᱱ ᱪᱟᱸᱫᱚ ᱧᱮᱞ ᱛᱟᱭᱚᱢ ᱜᱮᱠᱚ ᱨᱟᱹᱯᱩᱫᱟ ᱾

ᱤᱥᱤᱱ ᱟᱹᱨᱤᱪᱟᱹᱞᱤ ᱠᱚ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱛᱷᱤᱨᱩᱵᱷᱟᱛᱷᱤᱨᱟᱭ ᱨᱮ ᱢᱤᱫ ᱵᱤᱥᱮᱥ ᱵᱷᱳᱡᱽ ᱥᱟᱯᱲᱟᱣᱜᱼᱟ, ᱡᱟᱦᱟᱸ ᱨᱮ ᱥᱮᱞᱮᱫ ᱢᱮᱱᱟᱜᱼᱟ:

  • ᱛᱷᱤᱨᱩᱵᱷᱟᱛᱷᱤᱨᱟᱭ ᱠᱟᱞᱤ: ᱪᱟᱣᱞᱮ, ᱜᱩᱲ, ᱢᱩᱝ ᱫᱟᱹᱞ, ᱱᱟᱨᱠᱚᱲ, ᱮᱞᱟᱪᱤ, ᱟᱨ ᱜᱷᱤ ᱛᱮ ᱵᱮᱱᱟᱣ ᱟᱠᱟᱱ ᱢᱤᱫ ᱦᱮᱲᱮᱢ ᱡᱚᱢᱟᱜ ᱾
  • ᱛᱷᱤᱨᱩᱵᱷᱟᱛᱷᱤᱨᱟᱭ ᱮᱡᱷᱩ ᱠᱟᱹᱨᱤ ᱠᱩᱴᱴᱩ: ᱮᱭᱟᱭ ᱜᱚᱴᱟᱝ ᱥᱚᱵᱽᱡᱤ ᱥᱮᱞᱮᱫ ᱠᱟᱛᱮ ᱵᱮᱱᱟᱣ ᱟᱠᱟᱱ ᱢᱤᱫ ᱥᱤᱵᱤᱞ ᱩᱛᱩ, ᱡᱟᱦᱟᱸ ᱨᱮ ᱥᱟᱫᱷᱟᱨᱚᱱ ᱞᱮᱠᱟᱛᱮ ᱠᱚᱦᱸᱰᱟ, ᱮᱥ ᱜᱳᱨᱰ, ᱯᱞᱟᱱᱴᱮᱱ, ᱯᱷᱤᱞᱰ ᱵᱤᱱᱥ, ᱥᱟᱠᱟᱨᱠᱮᱸᱫᱽ, ᱥᱟᱨᱩ, ᱟᱞᱩ, ᱟᱨ ᱵᱮᱸᱜᱟᱲ ᱥᱮᱞᱮᱫ ᱛᱟᱦᱮᱸᱱᱟ ᱾[᱓᱓]

ᱢᱚᱱᱫᱤᱨ ᱢᱟᱱᱟᱣ ᱠᱚ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱚᱣᱟ ᱯᱟᱨᱟᱵᱽ ᱫᱚ ᱛᱟᱢᱤᱞ ᱱᱟᱰᱩ ᱨᱮᱭᱟᱜ ᱥᱤᱵᱽ ᱢᱚᱱᱫᱤᱨ ᱠᱚᱨᱮ ᱱᱟᱴᱟᱨᱟᱡᱟ (ᱥᱤᱵᱽ ᱟᱜ ᱮᱱᱮᱡ ᱨᱩᱯ) ᱟᱜ ᱢᱟᱨᱟᱝ ᱨᱚᱛᱷ ᱡᱟᱛᱨᱟ ᱛᱮ ᱢᱟᱱᱟᱣᱚᱜᱼᱟ ᱾ ᱪᱤᱫᱟᱢᱵᱟᱨᱟᱢ ᱱᱟᱴᱟᱨᱟᱡᱟ ᱢᱚᱱᱫᱤᱨ ᱨᱮ, ᱟᱹᱨᱤᱪᱟᱹᱞᱤ ᱠᱚᱨᱮ ᱥᱮᱞᱮᱫ ᱢᱮᱱᱟᱜᱼᱟ:

  • ᱱᱚᱵᱷᱚᱨᱚᱛᱱᱚᱢ ᱚᱵᱷᱤᱥᱮᱠᱟᱢ: ᱠᱩᱱᱟᱹᱢᱤ ᱧᱤᱫᱟᱹ ᱢᱟᱲᱟᱝ, ᱵᱚᱸᱜᱟ ᱫᱚ ᱥᱚᱱᱚᱛ ᱡᱤᱱᱤᱥ ᱠᱚᱛᱮ ᱠᱚ ᱩᱢᱮᱭᱟ, ᱡᱟᱦᱟᱸ ᱨᱮ ᱟᱨᱮ ᱜᱚᱴᱟᱝ ᱫᱟᱢᱟᱱ ᱫᱷᱤᱨᱤ (ᱱᱚᱵᱷᱚᱨᱚᱛᱱᱚᱢ) ᱡᱮᱞᱮᱠᱟ ᱦᱤᱨᱟᱹ, ᱢᱩᱝᱜᱟ, ᱢᱩᱛᱤ, ᱟᱨ ᱯᱟᱱᱱᱟ ᱵᱮᱵᱷᱟᱨ ᱠᱟᱛᱮ ᱢᱤᱫ ᱟᱹᱰᱤ ᱫᱟᱢᱟᱱ ᱩᱢ ᱥᱮᱞᱮᱫ ᱢᱮᱱᱟᱜᱼᱟ ᱾[᱓᱔]
  • ᱨᱟᱛᱷᱳᱛᱥᱟᱵᱷᱟᱢ (ᱨᱚᱛᱷ ᱯᱟᱨᱟᱵᱽ): ᱠᱩᱱᱟᱹᱢᱤ ᱢᱟᱦᱟᱸ ᱨᱮ, ᱱᱟᱴᱟᱨᱟᱡᱟ ᱟᱨ ᱥᱤᱵᱷᱟᱜᱟᱢᱤ (ᱯᱟᱨᱵᱟᱛᱤ) ᱫᱚ ᱢᱚᱱᱫᱤᱨ ᱨᱚᱛᱷ ᱨᱮᱠᱚ ᱟᱹᱪᱩᱨ ᱠᱤᱱᱟ ᱾
  • ᱥᱤᱨᱡᱚᱱ ᱮᱱᱮᱡ ᱫᱚᱦᱲᱟ ᱩᱫᱩᱜ ᱥᱚᱫᱚᱨ: ᱥᱤᱵᱽ ᱟᱜ ᱟᱱᱟᱱᱫᱟ ᱛᱟᱱᱰᱟᱵᱷᱟ (ᱥᱤᱨᱡᱚᱱ ᱮᱱᱮᱡ) ᱫᱚ ᱪᱤᱱᱦᱟᱹ ᱞᱮᱠᱟᱛᱮ ᱩᱫᱩᱜ ᱥᱚᱫᱚᱨᱚᱜᱼᱟ, ᱡᱟᱦᱟᱸ ᱫᱚ ᱱᱚᱣᱟ ᱫᱷᱚᱨᱚᱢ ᱩᱫᱩᱜ ᱥᱚᱫᱚᱨ ᱧᱮᱞ ᱞᱟᱹᱜᱤᱫ ᱦᱟᱡᱟᱨ ᱦᱟᱡᱟᱨ ᱵᱷᱚᱠᱛᱚ ᱠᱚᱭ ᱚᱨ ᱟᱹᱜᱩ ᱠᱚᱣᱟ ᱾

ᱪᱤᱫᱟᱢᱵᱟᱨᱟᱢ ᱢᱚᱱᱫᱤᱨ ᱫᱚ ᱟᱨᱩᱫᱽᱨᱟ ᱫᱟᱨᱥᱟᱱ ᱢᱟᱱᱟᱣ ᱨᱮᱭᱟᱜ ᱛᱟᱞᱢᱟ ᱞᱮᱠᱟᱛᱮ ᱛᱟᱦᱮᱸᱱᱟ, ᱡᱟᱦᱟᱸ ᱫᱚ ᱥᱤᱵᱽ ᱟᱜ ᱥᱤᱨᱡᱚᱱ ᱮᱱᱮᱡᱤᱡ ᱞᱮᱠᱟᱛᱮ ᱮᱱᱮᱢ ᱨᱮ ᱡᱳᱨ ᱮ ᱮᱢᱟ ᱡᱟᱦᱟᱸᱭ ᱫᱚ ᱥᱤᱨᱡᱚᱱ ᱟᱨ ᱨᱟᱹᱯᱩᱫ ᱨᱮᱭᱟᱜ ᱥᱟᱭᱠᱮᱞ ᱮ ᱵᱟᱧᱪᱟᱣ ᱫᱚᱦᱚᱭᱟ ᱾

ᱠᱮᱨᱟᱞᱟ ᱨᱮ ᱢᱚᱦᱚᱛ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
Thiruvathirakali
ᱛᱤᱨᱞᱟᱹ ᱠᱚ ᱛᱷᱤᱨᱩᱵᱷᱟᱛᱷᱤᱨᱟᱠᱟᱞᱤ ᱠᱚ ᱮᱱᱮᱡ ᱠᱟᱱᱟ

ᱛᱷᱤᱨᱩᱵᱷᱟᱛᱷᱤᱨᱟ, ᱡᱟᱦᱟᱸ ᱫᱚ ᱢᱟᱞᱟᱭᱟᱞᱟᱢ ᱠᱮᱞᱮᱱᱰᱟᱨ ᱨᱮ ᱥᱤᱵᱽ ᱟᱜ ᱱᱟᱠᱥᱟᱛᱨᱟ (ᱤᱯᱤᱞ) ᱥᱟᱶ ᱡᱚᱲᱟᱣ ᱢᱮᱱᱟᱜᱼᱟ, ᱠᱮᱨᱟᱞᱟ ᱨᱮ ᱜᱟᱦᱤᱨ ᱞᱟᱠᱪᱟᱨ ᱟᱨ ᱫᱷᱚᱨᱚᱢ ᱢᱚᱦᱚᱛ ᱮ ᱫᱚᱦᱚᱭᱟ ᱾ ᱟᱹᱨᱤᱪᱟᱹᱞᱤ ᱞᱮᱠᱟᱛᱮ, ᱱᱚᱣᱟ ᱯᱟᱨᱟᱵᱽ ᱫᱚ ᱚᱱᱟ ᱫᱤᱱ ᱮ ᱩᱫᱩᱜᱟ ᱡᱚᱠᱷᱚᱱ ᱫᱮᱵᱤ ᱯᱟᱨᱵᱟᱛᱤ ᱫᱚ ᱥᱤᱵᱽ ᱥᱟᱶ ᱟᱡᱨᱮᱱ ᱥᱚᱢᱟᱱ ᱡᱤᱭᱚᱱ ᱥᱟᱶᱛᱤ (ᱥᱟᱦᱟ-ᱫᱷᱚᱨᱢᱟ ᱪᱟᱨᱤᱱᱤ) ᱞᱮᱠᱟᱛᱮᱭ ᱢᱤᱫ ᱞᱮᱱᱟ, ᱡᱟᱦᱟᱸ ᱫᱚ ᱵᱟᱯᱞᱟ ᱡᱤᱭᱚᱱ ᱨᱮᱭᱟᱜ ᱢᱤᱞᱟᱹᱣ ᱨᱮᱭᱟᱜ ᱪᱤᱱᱦᱟᱹ ᱠᱟᱱᱟ ᱟᱨ ᱚᱨᱫᱷᱟᱱᱟᱨᱤᱥᱣᱟᱨᱟ ᱨᱩᱯ ᱨᱮ (ᱟᱫᱷᱟ-ᱥᱤᱵᱽ, ᱟᱫᱷᱟ-ᱯᱟᱨᱵᱟᱛᱤ) ᱧᱮᱞᱚᱜᱼᱟ ᱾[᱓᱕] ᱟᱨᱢᱤᱫ ᱯᱟᱹᱛᱭᱟᱹᱣ ᱫᱚ ᱱᱚᱣᱟ ᱯᱟᱨᱟᱵᱽ ᱫᱚ ᱠᱷᱚᱡᱽ ᱨᱮᱱ ᱵᱚᱸᱜᱟ ᱠᱟᱢᱫᱮᱵᱽ ᱟᱜ ᱜᱩᱨ ᱥᱟᱶ ᱮ ᱡᱚᱲᱟᱣᱟ ᱾[᱓᱖]

ᱢᱟᱱᱟᱣ ᱟᱨ ᱟᱹᱨᱤᱪᱟᱹᱞᱤ ᱠᱚ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱛᱷᱤᱨᱩᱵᱷᱟᱛᱷᱤᱨᱟ ᱫᱚ ᱠᱮᱨᱟᱞᱟ ᱨᱮᱭᱟᱜ ᱢᱤᱫ ᱢᱩᱬᱩᱛ ᱯᱟᱨᱟᱵᱽ ᱠᱟᱱᱟ, ᱡᱟᱦᱟᱸ ᱫᱚ ᱳᱱᱟᱢ ᱟᱨ ᱵᱤᱥᱩ ᱥᱟᱶᱛᱮ ᱠᱚ ᱢᱟᱱᱟᱣᱟ ᱾ ᱢᱩᱬᱩᱛ ᱞᱮᱠᱟᱛᱮ ᱛᱤᱨᱞᱟᱹ ᱠᱚ ᱦᱚᱛᱮᱛᱮ ᱢᱟᱱᱟᱣᱜ ᱠᱟᱱ, ᱱᱚᱣᱟ ᱨᱮ ᱥᱮᱞᱮᱫ ᱢᱮᱱᱟᱜᱼᱟ:

  • ᱩᱯᱟᱹᱥ: ᱵᱟᱯᱞᱟ ᱟᱠᱟᱱ ᱛᱤᱨᱞᱟᱹ ᱠᱚᱫᱚ ᱢᱟᱲᱟᱝ ᱫᱤᱱ (ᱢᱟᱠᱟᱭᱤᱨᱟᱢ ᱱᱟᱠᱥᱟᱛᱨᱟ) ᱠᱷᱚᱱ ᱛᱷᱤᱨᱩᱵᱷᱟᱛᱷᱤᱨᱟ ᱫᱷᱟᱹᱵᱤᱡ ᱟᱠᱚᱨᱮᱱ ᱡᱟᱶᱟᱭ ᱟᱨ ᱜᱷᱟᱨᱚᱸᱡᱽ ᱨᱮᱭᱟᱜ ᱱᱟᱯᱟᱭ ᱞᱟᱹᱜᱤᱫ ᱠᱚ ᱩᱯᱟᱹᱥᱟ ᱾ ᱰᱟᱺᱜᱽᱣᱟᱹ ᱛᱤᱨᱞᱟᱹ ᱠᱚᱫᱚ ᱱᱟᱯᱟᱭ ᱡᱟᱶᱟᱭ ᱧᱟᱢ ᱞᱟᱹᱜᱤᱫ ᱠᱚ ᱩᱯᱟᱹᱥᱟ ᱾ ᱢᱤᱫ ᱱᱟᱣᱟ ᱵᱟᱯᱞᱟ ᱟᱠᱟᱱᱤᱡ ᱟᱜ ᱯᱩᱭᱞᱩ ᱛᱷᱤᱨᱩᱵᱷᱟᱛᱷᱤᱨᱟ ᱫᱚ ᱯᱩᱛᱷᱤᱨᱩᱵᱷᱟᱛᱷᱤᱨᱟ ᱠᱚ ᱢᱮᱛᱟᱜᱼᱟ ᱾
ᱛᱷᱤᱨᱩᱵᱷᱟᱛᱷᱤᱨᱟ ᱯᱩᱡᱷᱩᱠᱠᱩ
ᱛᱷᱤᱨᱩᱵᱷᱟᱛᱷᱤᱨᱟ ᱮᱴᱴᱟᱝᱜᱟᱰᱤ
  • ᱡᱚᱢ-ᱧᱩ ᱟᱹᱨᱤ ᱠᱚ: ᱩᱯᱟᱹᱥ ᱨᱮ ᱪᱟᱣᱞᱮ ᱛᱮ ᱵᱮᱱᱟᱣ ᱡᱚᱢᱟᱜ ᱠᱚᱫᱚ ᱵᱟᱨᱚᱱ ᱜᱮᱭᱟ ᱾ ᱡᱚᱢᱟᱜ ᱨᱮ ᱥᱟᱫᱷᱟᱨᱚᱱ ᱞᱮᱠᱟᱛᱮ ᱥᱮᱞᱮᱫ ᱛᱟᱦᱮᱸᱱᱟ:
    • ᱤᱥᱤᱱ ᱟᱠᱟᱱ ᱨᱟᱹᱯᱩᱫ ᱜᱚᱦᱚᱢ ᱾
    • ᱛᱷᱤᱨᱩᱵᱷᱟᱛᱷᱤᱨᱟ ᱯᱩᱡᱷᱩᱠᱠᱩ: ᱫᱟᱜ ᱞᱟᱛᱟᱨ ᱨᱮ ᱦᱩᱭᱩᱜ ᱥᱚᱵᱽᱡᱤ ᱠᱚᱨᱮᱱᱟᱜ ᱢᱤᱫ ᱩᱛᱩ (ᱥᱟᱨᱩ, ᱠᱟᱱᱫᱟ, ᱪᱤᱱᱟ ᱟᱞᱩ, ᱥᱟᱠᱟᱨᱠᱮᱸᱫᱽ) ᱥᱟᱶᱛᱮ ᱡᱤᱞᱤᱧ ᱵᱤᱱᱥ, ᱵᱮᱨᱮᱞ ᱯᱞᱟᱱᱴᱮᱱ, ᱟᱨ ᱴᱟᱴᱠᱟ ᱨᱤᱫ ᱟᱠᱟᱱ ᱱᱟᱨᱠᱚᱲ ᱯᱮᱥᱴ ᱾
    • ᱠᱩᱵᱷᱟ ᱯᱟᱭᱟᱥᱟᱢ: ᱮᱨᱟᱨᱩᱴ ᱯᱟᱣᱰᱟᱨ, ᱜᱩᱲ, ᱟᱨ ᱱᱟᱨᱠᱚᱲ ᱛᱳᱣᱟ ᱛᱮ ᱵᱮᱱᱟᱣ ᱟᱠᱟᱱ ᱢᱤᱫ ᱦᱮᱲᱮᱢ ᱡᱚᱢᱟᱜ ᱾

ᱛᱷᱤᱨᱩᱵᱷᱟᱛᱷᱤᱨᱟᱠᱟᱞᱤ ᱮᱱᱮᱡ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱛᱷᱤᱨᱩᱵᱷᱟᱛᱷᱤᱨᱟᱠᱟᱞᱤ, ᱛᱤᱨᱞᱟᱹ ᱠᱚ ᱦᱚᱛᱮᱛᱮ ᱩᱫᱩᱜ ᱥᱚᱫᱚᱨᱚᱜ ᱠᱟᱱ ᱢᱤᱫ ᱟᱹᱨᱤᱪᱟᱹᱞᱤ ᱜᱩᱴ ᱮᱱᱮᱡ, ᱢᱟᱱᱟᱣ ᱨᱮᱭᱟᱜ ᱛᱟᱞᱢᱟ ᱠᱟᱱᱟ ᱾ ᱛᱷᱤᱨᱩᱵᱷᱟᱛᱷᱤᱨᱟ ᱯᱟᱴᱴᱩ (ᱯᱟᱨᱵᱟᱛᱤ ᱵᱷᱚᱠᱛᱤ ᱟᱨ ᱥᱤᱵᱽ ᱟᱜ ᱢᱚᱦᱤᱢᱟ ᱞᱟᱹᱭᱮᱫ ᱦᱚᱲ ᱥᱮᱨᱮᱧ) ᱥᱟᱶᱛᱮ, ᱮᱱᱮᱡᱤᱡ ᱠᱚᱫᱚ ᱢᱤᱫ ᱱᱤᱞᱟᱵᱷᱤᱞᱟᱠᱠᱩ (ᱟᱹᱨᱤᱪᱟᱹᱞᱤ ᱵᱟᱹᱛᱤ) ᱵᱮᱲᱦᱟᱭ ᱛᱮ ᱜᱩᱞᱟᱹᱭ ᱛᱮᱠᱚ ᱟᱹᱪᱩᱨᱚᱜᱼᱟ, ᱡᱟᱦᱟᱸ ᱫᱚ ᱞᱟᱥᱭᱟ (ᱱᱟᱯᱟᱭ, ᱛᱤᱨᱞᱟᱹ ᱞᱟᱲᱟᱣᱱᱟ) ᱮ ᱩᱫᱩᱜᱟ ᱾[᱓᱗] ᱮᱱᱮᱡ ᱨᱮ ᱨᱤᱫᱚᱢᱤᱠ ᱛᱷᱟᱭᱚ ᱟᱨ ᱟᱹᱪᱩᱨᱚᱜ ᱥᱮᱞᱮᱫ ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱵᱟᱯᱞᱟ ᱡᱤᱭᱚᱱ ᱨᱮᱭᱟᱜ ᱨᱟᱹᱥᱠᱟᱹ ᱟᱨ ᱟᱸᱥ ᱨᱮᱭᱟᱜ ᱥᱟᱛᱟᱢ ᱠᱚᱭ ᱩᱫᱩᱜᱟ ᱾

ᱱᱟᱜᱟᱢ ᱞᱮᱠᱟᱛᱮ ᱯᱟᱨᱟᱵᱽ ᱚᱠᱛᱚ ᱨᱮ ᱚᱲᱟᱜ ᱵᱷᱤᱛᱨᱤ ᱨᱮ ᱩᱫᱩᱜ ᱥᱚᱫᱚᱨᱚᱜ ᱠᱟᱱ ᱛᱟᱦᱮᱸᱫ (ᱡᱟᱦᱟᱸ ᱫᱚ ᱠᱟᱭᱠᱳᱴᱴᱤᱠᱟᱞᱤ – "ᱚᱲᱟᱜ ᱵᱷᱤᱛᱨᱤ ᱨᱮ ᱛᱷᱟᱭᱚ ᱮᱱᱮᱡ" ᱧᱩᱛᱩᱢ ᱛᱮᱦᱚᱸ ᱵᱟᱰᱟᱭᱚᱜᱼᱟ), ᱥᱮᱞᱮᱫᱤᱭᱟᱹ ᱠᱚᱫᱚ ᱟᱹᱨᱤᱪᱟᱹᱞᱤ ᱢᱩᱱᱰᱩ (ᱦᱚᱨᱚᱜ ᱞᱩᱜᱽᱲᱤ) ᱟᱨ ᱱᱮᱨᱤᱭᱟᱛᱷᱩ (ᱪᱮᱛᱟᱱ ᱦᱚᱨᱚᱜ) ᱠᱚ ᱦᱚᱨᱚᱜᱟ, ᱥᱟᱶᱛᱮ ᱩᱵ ᱨᱮ ᱪᱟᱢᱮᱞᱤ ᱵᱟᱦᱟ ᱨᱮᱭᱟᱜ ᱢᱟᱞᱟ ᱛᱮᱠᱚ ᱥᱟᱡᱟᱣᱜᱼᱟ ᱾ ᱛᱷᱤᱨᱩᱵᱷᱟᱛᱷᱤᱨᱟᱠᱟᱞᱤ ᱫᱚ ᱨᱟᱹᱥᱠᱟᱹ, ᱵᱟᱯᱞᱟ ᱡᱤᱭᱚᱱ ᱨᱮᱭᱟᱜ ᱢᱤᱞᱟᱹᱣ, ᱟᱨ ᱰᱟᱺᱜᱽᱣᱟᱹ ᱛᱤᱨᱞᱟᱹ ᱠᱚᱣᱟᱜ ᱟᱸᱥ ᱨᱮᱭᱟᱜ ᱪᱤᱱᱦᱟᱹ ᱠᱟᱱᱟ, ᱡᱟᱦᱟᱸ ᱫᱚ ᱟᱭᱢᱟ ᱚᱠᱛᱚ ᱠᱮᱨᱟᱞᱟ ᱨᱮᱭᱟᱜ ᱠᱟᱨᱵᱷᱟ ᱪᱚᱣᱛᱷ ᱨᱮᱭᱟᱜ ᱥᱚᱢᱟᱱᱟᱜ ᱞᱮᱠᱟᱛᱮ ᱢᱟᱱᱟᱣᱚᱜᱼᱟ ᱾[᱓᱘]

ᱛᱷᱤᱨᱩᱵᱷᱟᱛᱷᱤᱨᱟ ᱠᱟᱞᱤ ᱥᱟᱶ ᱡᱚᱲᱟᱣ ᱡᱮᱜᱮᱛ ᱨᱮᱠᱚᱨᱰ ᱠᱚ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱫᱷᱟᱹᱨᱛᱤ ᱨᱮᱭᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱛᱷᱤᱨᱩᱵᱷᱟᱛᱷᱤᱨᱟᱠᱟᱞᱤ ᱩᱫᱩᱜ ᱥᱚᱫᱚᱨ ᱫᱚ ᱴᱣᱮᱱᱴᱤ᱒᱐ ᱠᱤᱡᱷᱟᱠᱠᱟᱢᱵᱟᱞᱟᱢ, ᱠᱤᱴᱮᱠᱥ ᱜᱨᱩᱯ ᱨᱮᱭᱟᱜ ᱢᱤᱫ ᱠᱚᱨᱯᱚᱨᱮᱴ ᱥᱳᱥᱤᱭᱟᱞ ᱨᱮᱥᱯᱳᱱᱥᱤᱵᱤᱞᱤᱴᱤ (CSR) ᱠᱩᱨᱩᱢᱩᱴᱩ ᱦᱚᱛᱮᱛᱮ, ᱪᱟᱵᱷᱟᱨᱟ ᱠᱟᱞᱪᱟᱨᱟᱞ ᱥᱮᱱᱴᱟᱨ ᱟᱨ ᱯᱟᱨᱵᱷᱟᱱᱮᱱᱰᱩ ᱤᱥᱠᱩᱞ ᱚᱯᱷ ᱛᱷᱤᱨᱩᱵᱷᱟᱛᱷᱤᱨᱟ ᱥᱟᱶ ᱢᱤᱫ ᱠᱟᱛᱮ ᱥᱟᱯᱲᱟᱣ ᱞᱮᱱᱟ ᱾ ᱑ ᱢᱮ ᱒᱐᱑᱗ ᱨᱮ ᱦᱩᱭ ᱞᱮᱱ ᱱᱚᱣᱟ ᱠᱟᱹᱢᱤᱦᱚᱨᱟ ᱨᱮ ᱖,᱕᱘᱒ ᱥᱮᱞᱮᱫᱤᱭᱟᱹ (ᱩᱢᱮᱨ ᱑᱐-᱗᱕) ᱠᱚ ᱛᱟᱦᱮᱸ ᱠᱟᱱᱟ, ᱡᱟᱦᱟᱸ ᱨᱮ ᱠᱮᱨᱟᱞᱟ, ᱥᱤᱧᱚᱛ ᱨᱮᱭᱟᱜ ᱮᱴᱟᱜ ᱒᱐ ᱜᱚᱴᱟᱝ ᱯᱚᱱᱚᱛ, ᱟᱨ ᱢᱤᱫ ᱨᱟᱥᱤᱭᱟᱱ ᱱᱟᱜᱟᱨᱤᱭᱟᱹ ᱛᱤᱨᱞᱟᱹ ᱟᱨ ᱠᱩᱲᱤ ᱜᱤᱫᱽᱨᱟᱹ ᱠᱚ ᱥᱮᱞᱮᱫ ᱠᱚ ᱛᱟᱦᱮᱸ ᱠᱟᱱᱟ ᱾ ᱥᱮᱞᱮᱫᱤᱭᱟᱹ ᱠᱚᱫᱚ, ᱧᱩᱛᱩᱢᱟᱱ ᱛᱷᱤᱨᱩᱵᱷᱟᱛᱷᱤᱨᱟᱠᱟᱞᱤ ᱥᱮᱪᱮᱫᱤᱭᱟᱹ ᱠᱚ ᱦᱚᱛᱮᱛᱮ ᱥᱮᱪᱮᱫ ᱠᱟᱛᱮ, ᱠᱤᱴᱮᱠᱥ ᱜᱨᱩᱯ ᱦᱚᱛᱮᱛᱮ ᱮᱢ ᱟᱠᱟᱱ ᱟᱹᱨᱤᱪᱟᱹᱞᱤ ᱠᱟᱥᱟᱵᱷᱩ ᱢᱩᱱᱰᱩ ᱟᱨ ᱱᱮᱨᱤᱭᱟᱛᱷᱩ ᱦᱚᱨᱚᱜ ᱛᱮ ᱑᱖-ᱴᱤᱯᱤᱡ ᱨᱮᱭᱟᱜ ᱢᱤᱫ ᱥᱤᱝᱠᱨᱳᱱᱟᱭᱤᱡᱽᱰ (synchronized) ᱮᱱᱮᱡ ᱠᱚ ᱩᱫᱩᱜ ᱥᱚᱫᱚᱨ ᱞᱮᱫᱟ ᱾ ᱜᱤᱱᱤᱥ ᱣᱟᱨᱞᱰ ᱨᱮᱠᱚᱨᱰᱥ ᱮᱰᱡᱩᱰᱤᱠᱮᱴᱚᱨ ᱨᱤᱥᱤ ᱱᱟᱛᱷ ᱫᱚ ᱱᱚᱣᱟ ᱡᱤᱛᱠᱟᱹᱨ ᱮ ᱚᱯᱷᱤᱥᱤᱭᱟᱞ ᱞᱮᱠᱟᱛᱮᱭ ᱥᱟᱨᱴᱤᱯᱷᱟᱭ (certified) ᱠᱮᱫᱟ ᱾

ᱢᱟᱲᱟᱝ ᱨᱮᱭᱟᱜ ᱨᱮᱠᱚᱨᱰ ᱠᱚ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
  • ᱒᱐᱑᱕: ᱒ ᱯᱷᱮᱵᱽᱨᱩᱣᱟᱨᱤ ᱒೦᱑᱕ ᱨᱮ ᱤᱨᱤᱱᱡᱟᱞᱟᱠᱩᱰᱟ, ᱛᱷᱨᱤᱥᱩᱨ ᱨᱮ ᱛᱷᱟᱱᱤᱢᱟ ᱵᱮᱱᱟᱨ ᱞᱟᱛᱟᱨ ᱨᱮ ᱡᱤᱛᱷᱟ ᱵᱤᱱᱳᱭ ᱟᱜ ᱟᱹᱭᱩᱨ ᱛᱮ ᱕,᱒᱑᱑ ᱛᱤᱨᱞᱟᱹ ᱠᱚ ᱥᱟᱶ ᱢᱤᱫ ᱨᱮᱠᱚᱨᱰ ᱵᱮᱱᱟᱣ ᱞᱮᱱᱟ ᱾[᱓᱙]
  • ᱒೦᱑᱒: ᱢᱩᱢᱵᱟᱭ ᱯᱩᱨᱟᱢ ᱯᱷᱟᱣᱱᱰᱮᱥᱚᱱ ᱫᱚ ᱙ ᱱᱚᱵᱷᱮᱢᱵᱚᱨ ᱒೦᱑᱒ ᱨᱮ ᱢᱚᱦᱟᱨᱟᱥᱴᱨᱚ ᱨᱮᱭᱟᱜ ᱰᱳᱢᱵᱤᱵᱷᱞᱤ ᱨᱮ ᱢᱤᱫ ᱩᱫᱩᱜ ᱥᱚᱫᱚᱨ ᱮ ᱥᱟᱯᱲᱟᱣ ᱞᱮᱫᱟ, ᱡᱟᱦᱟᱸ ᱨᱮ ᱡᱩᱫᱟᱹ ᱡᱩᱫᱟᱹ ᱯᱟᱹᱨᱥᱤ ᱟᱨ ᱫᱷᱚᱨᱚᱢ ᱨᱮᱱ ᱒,᱖᱓᱙ ᱛᱤᱨᱞᱟᱹ ᱠᱚ ᱥᱮᱞᱮᱫ ᱠᱚ ᱛᱟᱦᱮᱸ ᱠᱟᱱᱟ, ᱡᱟᱦᱟᱸ ᱨᱮ ᱠᱮᱨᱟᱞᱟᱭᱤᱴᱥ, ᱢᱚᱦᱟᱨᱟᱥᱴᱨᱤᱭᱟᱱᱥ, ᱜᱩᱡᱽᱨᱟᱴᱤᱥ, ᱵᱮᱝᱜᱚᱞᱤᱥ, ᱛᱟᱢᱤᱞᱥ, ᱛᱮᱞᱩᱜᱩᱥ, ᱟᱨ ᱠᱟᱱᱱᱟᱰᱤᱜᱟᱥ ᱥᱮᱞᱮᱫ ᱠᱚ ᱛᱟᱦᱮᱸ ᱠᱟᱱᱟ ᱾[᱔᱐]
  • ᱒᱐᱑᱓: ᱑᱔ ᱰᱤᱥᱮᱢᱵᱚᱨ ᱒０᱑᱓ ᱨᱮ ᱠᱳᱪᱤ ᱨᱮ ᱦᱩᱭ ᱞᱮᱱ ᱢᱤᱫ ᱠᱟᱹᱢᱤᱦᱚᱨᱟ ᱨᱮ ᱓,᱐᱐᱐ ᱠᱷᱚᱱ ᱵᱟᱹᱲᱛᱤ ᱥᱮᱞᱮᱫᱤᱭᱟᱹ ᱠᱚ ᱛᱷᱤᱨᱩᱵᱷᱟᱛᱷᱤᱨᱟᱭ ᱯᱟᱨᱟᱵᱽ (᱑᱘ ᱰᱤᱥᱮᱢᱵᱚᱨ ᱒᱐᱑᱓) ᱢᱟᱲᱟᱝ ᱨᱮ ᱢᱮᱱᱟᱜ ᱨᱮᱠᱚᱨᱰ ᱨᱟᱹᱯᱩᱫ ᱞᱟᱹᱜᱤᱫ ᱠᱚ ᱨᱤᱠᱟᱹ ᱞᱮᱫᱟ ᱾[᱓᱙][᱔᱑]

ᱥᱟᱹᱠᱷᱭᱟᱹᱛ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
  1. ↑ "திருவாரூர் கோயிலில் திருவாதிரை திருவிழா – - Dinakaran". dinakaran.com. Archived from the original on 19 December 2013. Retrieved 19 December 2013.
  2. ↑ "Error -DailyThanthi". dailythanthi.com.
  3. ↑ LLP, Adarsh Mobile Applications. "2018 Arudra Darshan Date and Time for Ujjain, Madhya Pradesh, India". drikpanchang.com.
  4. ↑ "சிதம்பரம் நடராஜர் கோவிலில் ஆருத்ரா தரிசன திருவிழா – Captain News". captainnews.net. Archived from the original on 20 December 2013. Retrieved 19 December 2013.{{cite web}}: CS1 maint: unfit URL (link)
  5. ↑ "Arudra Darisanam in Chidambaram | Festivals of India". Archived from the original on 19 December 2013. Retrieved 2013-12-19.
  6. ↑ K, Kandaswamy. "Arudra Darisanam Schedule in Chidambaram". Live Trend. K Kandaswamy. Retrieved 27 November 2017.
  7. ↑ Arudra Darisanam: Know all about this day dedicated to Lord Shiva
  8. ↑ Kannikeswaran, Kanniks. "Arudra Darisanam". templenet.com.
  9. ↑ J.Sampath. "Live Chennai: Arudra Darisanam at Natarajar Temple, Chidambaram – Commenced with Flag Hoisting, Arudra Darisanam at Natarajar Temple, Chidambaram, Flag Hoisting, Chidambaram, Natarajar Temple". livechennai.com.
  10. ↑ "ஆடல் அரசனின் ஆருத்ரா தரிசனம் – - Dinakaran". dinakaran.com. Archived from the original on 19 December 2013. Retrieved 19 December 2013.
  11. ↑ "ஆடி மாதத்து ஆதிரை விழா". Dinamani (in ᱛᱟᱹᱢᱤᱞ).
  12. ↑ "திருவாதிரைத் திருநாள் | Saivanarpani.org". Archived from the original on 20 December 2013. Retrieved 2013-12-20.
  13. ↑ "தமில் ஆக்ரிகேடர் | Tamil news | Tamil blogs | Tamil movies | Tamil songs | kavita | politics |". Archived from the original on 20 December 2013. Retrieved 2013-12-19.
  14. ↑ "Saivanarpani". saivanarpani.org. 24 March 2018.
  15. ↑ "Thiruvarur Thiruvathirai Thiruppathigam – முத்து விதான – திருவாரூர் திருவாதிரைத் திருப்பதிகம் – திருநாவுக்கரசர் தேவாரம்". shaivam.org. Archived from the original on 6 July 2013. Retrieved 19 December 2013.
  16. ↑ "Archived copy". Archived from the original on 19 December 2013. Retrieved 2013-12-19.{{cite web}}: CS1 maint: archived copy as title (link)
  17. ↑ "Lord Natarajar Chidambaram Thiruvathirai – Aarudhra Darshan Thiruvathirai – Arudra darisanam darshanam". photofeature.templesonnet.com. Archived from the original on 19 December 2013. Retrieved 19 December 2013.
  18. ↑ Appreciation of the cosmic dance of Lord Shiva – Arudra Darshan
  19. 1 2 3 "Arudra Darshan". hindusphere.com.
  20. ↑ "Significance of Arudhra Darshan – Date of Arudra Darshan in 2018 – Celebration of the Cosmic Dance of Lord Shiva – Arudra Darisanam in Margazhi Month – Hindu Blog". hindu-blog.com.
  21. ↑ "Arudra Darisanam". tamilbrahmins.com. Archived from the original on 19 December 2013. Retrieved 18 December 2013.
  22. ↑ "காஞ்சிபுரத்தில் ஆருத்ரா தரிசனம் கோலாகலம்". Dinamani (in ᱛᱟᱹᱢᱤᱞ).
  23. ↑ "சிவன் கோவிலில் ஆருத்ரா தரிசனம்". 19 December 2013.
  24. ↑ "Temple Videos – Arudhra Festival – Uthirakosamangai – Uthirakosamangai Arudhra Festival – ஆருத்ரா தரிசனம்". Dinamalar.
  25. ↑ "திருவாதிரை நட்சத்திர நாயகன்".
  26. ↑ "THIRUVADIRAI KALI RECIPE -THIRUVATHIRA KALI". 5 January 2012.
  27. 1 2 3 Administrator. "ஈழத்து சிதம்பரம் – காரைநகர் சிவன் ஆலய சிறப்பும் மார்கழி திருவாதிரை விழாவும்". panippulam.com. Archived from the original on 19 December 2013. Retrieved 19 December 2013.
  28. ↑ Network, S.M Media. "திருவெம்பாவை விரதத்தின் இறுதி நாளான இன்று திருவாதிரை சிறப்புப் பூஜைகள் நடைபெற்றன. – Thinakkathir". thinakkathir.com. Archived from the original on 4 January 2014.{{cite web}}: CS1 maint: unfit URL (link)
  29. 1 2 "Eelathu Chithambaram (Karainagar Sivan Temple)". tourismnorth.lk. Northern Province Tourism Bureau. Retrieved 2026-06-28.
  30. ↑ 2023 Arudra Darshan Pooja Time And Puja Dates
  31. ↑ Archived ᱑᱙ ᱰᱤᱥᱮᱢᱵᱚᱨ ᱒᱐᱑᱓ at the Wayback Machine.
  32. ↑ "மார்கழி நோன்பு - திருவெம்பாவை விரதம் - திருவெம்பாவை, திருப்பாவை, திருபள்ளியெழுச்சி தோத்திரங்கள் இணைப்பு". Archived from the original on 4 January 2014. Retrieved 2014-01-04.
  33. ↑ "திருவாதிரை களி திருவாதிரை கூட்டு | Dinaethal". Archived from the original on 20 December 2013. Retrieved 2013-12-19.
  34. ↑ "ஆருத்ரா தரிசனம்: சிவ ஆலயங்களில் நடராஜபெருமானுக்கு சிறப்பு அபிஷேகங்கள்! – - Dinakaran". dinakaran.com. Archived from the original on 19 December 2013. Retrieved 19 December 2013.
  35. ↑ "Tubers are the veggies of choice to celebrate Thiruvathira". Retrieved 4 March 2020.
  36. ↑ Panikkar, T. K. Gopal (1900). Malabar and its folk. G.A. Natesan. p. 103. Retrieved 8 April 2010.
  37. ↑ Blend of rhythm and grace
  38. ↑ "Thiruvathira – Kerala's own version of Karva Chauth".
  39. 1 2 "Mega dance enters Guinness records". The Hindu. 2015-02-03. Retrieved 2015-12-30.
  40. ↑ "A new 'thiruvathira' world record in the offing". Archived from the original on 4 March 2016.
  41. ↑ "Thiruvathira Dancers Set World Record". Archived from the original on 18 December 2013.
"https://sat.wikipedia.org/w/index.php?title=ᱛᱷᱤᱨᱩᱵᱷᱟᱛᱷᱤᱨᱟ&oldid=196441" ᱠᱷᱚᱱ ᱧᱟᱢ ᱟᱹᱜᱩᱭ