ᱛᱷᱳᱞᱯᱟᱵᱟᱠᱩᱛᱷᱩ

ᱛᱷᱳᱞᱯᱟᱵᱟᱠᱩᱛᱷᱩ (ᱢᱟᱞᱟᱭᱟᱞᱚᱢ: തോൽപ്പാവക്കൂത്ത്, ᱛᱟᱢᱤᱞ: தோல்பாவைக்கூத்து) ᱫᱚ ᱢᱤᱫ ᱞᱮᱠᱟᱱ ᱩᱢᱩᱞ ᱯᱩᱛᱩᱞ ᱮᱱᱮᱡ ᱠᱟᱱᱟ ᱡᱟᱦᱟᱸ ᱫᱚ ᱥᱤᱧᱚᱛ ᱨᱮᱱᱟᱜ ᱠᱮᱨᱟᱞᱟ ᱟᱨ ᱛᱟᱢᱤᱞᱱᱟᱰᱩ ᱨᱮ ᱩᱫᱩᱜ ᱥᱚᱫᱚᱨᱚᱜᱼᱟ ᱾ ᱱᱚᱶᱟ ᱫᱚ ᱦᱟᱨᱛᱟ ᱯᱩᱛᱩᱞ ᱠᱚ ᱵᱮᱵᱷᱟᱨ ᱠᱟᱛᱮ ᱢᱚᱱᱫᱤᱨ ᱨᱮ ᱥᱮ ᱟᱹᱛᱩ ᱨᱮ ᱟᱥᱚᱠᱟᱭ ᱛᱮ ᱵᱮᱱᱟᱣ ᱟᱠᱟᱱ ᱛᱷᱤᱭᱮᱴᱚᱨ ᱨᱮ ᱩᱫᱩᱜ ᱥᱚᱫᱚᱨᱚᱜᱼᱟ ᱾ ᱱᱚᱶᱟ ᱠᱟᱹᱨᱤ ᱫᱚ ᱟᱥᱚᱠᱟᱭ ᱛᱮ ᱛᱟᱢᱤᱞᱱᱟᱰᱩ ᱨᱮᱱᱟᱜ ᱢᱟᱫᱩᱨᱟᱭ ᱟᱨ ᱢᱟᱫᱩᱨᱟᱭ ᱥᱩᱨ ᱨᱮᱱᱟᱜ ᱦᱚᱱᱚᱛ ᱠᱚᱨᱮ ᱟᱨ ᱠᱮᱨᱟᱞᱟ ᱨᱮᱱᱟᱜ ᱯᱟᱞᱟᱠᱠᱟᱲ, ᱛᱷᱨᱤᱥᱩᱨ ᱟᱨ ᱢᱟᱞᱟᱯᱯᱩᱨᱚᱢ ᱦᱚᱱᱚᱛ ᱠᱚᱨᱮ ᱟᱹᱰᱤ ᱧᱩᱛᱩᱢᱟᱱᱟ ᱾^[᱑]

ᱨᱟᱢᱪᱚᱸᱫᱽᱨᱚ ᱯᱩᱞᱟᱵᱷᱚᱨ ᱟᱨ ᱫᱚᱞ ᱦᱚᱛᱮᱛᱮ ᱩᱫᱩᱜ ᱥᱚᱫᱚᱨ, Govt. S.N.D.P.U.P. ᱟᱥᱲᱟ, ᱯᱟᱴᱴᱟᱛᱷᱟᱱᱚᱢ, ᱠᱳᱞᱞᱟᱢ ᱨᱮ ᱾

ᱨᱟᱢᱪᱚᱸᱫᱽᱨᱚ ᱯᱩᱞᱟᱵᱷᱚᱨ ᱩᱫᱩᱜ ᱥᱚᱫᱚᱨ ᱢᱟᱬᱟᱝ ᱨᱮ ᱯᱩᱛᱩᱞ ᱠᱚᱭ ᱥᱟᱯᱲᱟᱣᱮᱫ ᱠᱚᱣᱟ, ᱢᱩᱢᱵᱟᱭ, ᱒᱐᱑᱗

ᱮᱡᱷᱩᱯᱟᱨᱟ, ᱛᱷᱳᱞᱯᱟᱵᱟᱠᱩᱛᱷᱩ ᱨᱮ ᱵᱮᱵᱷᱟᱨᱚᱜ ᱠᱟᱱ ᱢᱤᱫ ᱨᱩ~ᱚᱨᱚᱝ ᱥᱟᱯᱟᱵ

ᱱᱟᱜᱟᱢ

ᱛᱷᱳᱞᱯᱟᱵᱟᱠᱩᱛᱷᱩ ᱫᱚ ᱯᱮᱭᱟ ᱛᱟᱢᱤᱞ/ᱢᱟᱞᱟᱭᱟᱞᱚᱢ ᱟᱹᱲᱟᱹ ᱨᱮᱱᱟᱜ ᱢᱤᱫ ᱡᱚᱲᱟᱣ ᱟᱹᱲᱟᱹ ᱠᱟᱱᱟ: தோல் (ᱛᱳᱞ) ᱢᱮᱱᱮᱛ ᱦᱟᱨᱛᱟ, பாவை (ᱯᱟᱵᱟᱭ) ᱢᱮᱱᱮᱛ ᱯᱩᱛᱩᱞ ᱟᱨ கூத்து (ᱠᱩᱛᱷᱩ) ᱢᱮᱱᱮᱛ ᱮᱱᱮᱡ ᱥᱮ ᱰᱨᱟᱢᱟ ᱾ ᱱᱚᱶᱟ ᱫᱚ ᱮᱛᱚᱢ ᱥᱤᱧᱚᱛ ᱨᱮ ᱦᱩᱭᱩᱜ ᱠᱟᱱ ᱵᱟᱨᱭᱟ ᱥᱮᱨᱣᱟ ᱟᱹᱨᱤ ᱯᱟᱵᱟᱭ ᱠᱩᱛᱷᱩ ᱠᱷᱚᱱ ᱢᱤᱫᱴᱟᱹᱝ ᱠᱟᱱᱟ ᱾ ᱟᱨᱢᱤᱫᱴᱟᱹᱝ ᱫᱚ ᱦᱩᱭᱩᱜ ᱠᱟᱱᱟ "ᱢᱟᱨᱟᱯᱯᱟᱵᱟᱭᱠᱩᱛᱷᱩ" ᱡᱟᱦᱟᱸ ᱫᱚ ᱵᱳᱢᱢᱟᱞᱟᱴᱴᱟᱢ ᱦᱚᱸᱠᱚ ᱢᱮᱛᱟᱜᱼᱟ ᱾ ᱱᱚᱶᱟ ᱨᱮᱱᱟᱜ ᱵᱷᱮᱜᱟᱨ ᱫᱚ ᱱᱚᱶᱟ ᱠᱟᱱᱟ ᱡᱮ ᱵᱳᱢᱢᱟᱞᱟᱴᱴᱟᱢ ᱨᱮ ᱠᱟᱴ ᱨᱮᱱᱟᱜ ᱯᱩᱛᱩᱞ ᱵᱮᱵᱷᱟᱨᱚᱜᱼᱟ, ᱟᱨ ᱛᱷᱳᱞᱯᱟᱵᱟᱠᱩᱛᱷᱩ ᱨᱮᱫᱚ ᱦᱟᱨᱛᱟ ᱨᱮᱱᱟᱜ ᱯᱩᱛᱩᱞ ᱵᱮᱵᱷᱟᱨᱚᱜᱼᱟ ᱾ ᱯᱟᱵᱟᱭᱠᱩᱛᱷᱩ (ᱵᱟᱱᱟᱨ ᱵᱳᱢᱢᱟᱞᱟᱴᱴᱟᱢ ᱟᱨ ᱛᱷᱳᱞᱯᱟᱵᱟᱠᱩᱛᱷᱩ) ᱨᱮᱱᱟᱜ ᱡᱚᱛᱚ ᱠᱷᱚᱱ ᱢᱟᱨᱮ ᱥᱟᱹᱠᱷᱭᱟᱹᱛ ᱫᱚ ᱓᱐૦ CE ᱨᱮᱱᱟᱜ ᱢᱤᱫ ᱢᱟᱨᱮ ᱛᱟᱢᱤᱞ ᱚᱱᱚᱞ ᱛᱷᱤᱨᱩᱠᱠᱩᱨᱟᱞ ᱨᱮ ᱧᱟᱢᱚᱜᱼᱟ ᱾ ᱑᱐᱒᱐ ᱟᱱᱟᱜ ᱠᱩᱨᱟᱞ ᱨᱮ ᱱᱚᱶᱟ ᱨᱮᱱᱟᱜ ᱥᱟᱹᱠᱷᱭᱟᱹᱛ ᱢᱮᱱᱟᱜᱼᱟ ᱾ ᱩᱫᱩᱜ ᱥᱚᱫᱚᱨ ᱯᱟᱹᱨᱥᱤ ᱨᱮ ᱛᱟᱢᱤᱞ, ᱥᱚᱸᱥᱠᱨᱤᱛ ᱟᱨ ᱢᱟᱞᱟᱭᱟᱞᱚᱢ ᱟᱹᱲᱟᱹ ᱠᱚ ᱵᱮᱵᱷᱟᱨᱚᱜᱼᱟ ᱾ ᱢᱩᱰᱤᱭᱮᱴᱴᱩ ᱟᱨ ᱯᱟᱴᱟᱭᱟᱱᱤ ᱞᱮᱠᱟ ᱜᱮ, ᱛᱷᱳᱞᱯᱟᱵᱟᱠᱩᱛᱷᱩ ᱦᱚᱸ ᱢᱤᱫ ᱠᱟᱹᱨᱤ ᱠᱟᱱᱟ ᱡᱟᱦᱟᱸ ᱫᱚ ᱠᱮᱨᱟᱞᱟ ᱨᱮ ᱵᱷᱚᱫᱽᱨᱚᱠᱟᱞᱤ ᱭᱟᱜ ᱧᱩᱛᱩᱢ ᱛᱮ ᱩᱫᱩᱜᱚᱜᱼᱟ ᱾ ᱢᱟᱨᱮ ᱠᱟᱛᱷᱟ ᱞᱮᱠᱟᱛᱮ, ᱛᱷᱳᱞᱯᱟᱵᱟᱠᱩᱛᱷᱩ ᱫᱚ ᱵᱷᱚᱫᱽᱨᱚᱠᱟᱞᱤ ᱭᱟᱜ ᱱᱮᱦᱚᱸᱨ ᱛᱮ ᱩᱫᱩᱜ ᱥᱚᱫᱚᱨ ᱞᱮᱱᱟ ᱡᱟᱦᱟᱸᱭ ᱫᱚ ᱨᱟᱵᱚᱬ ᱟᱜ ᱜᱚᱡ ᱵᱟᱭ ᱧᱮᱞ ᱫᱟᱲᱮᱭᱟᱫ ᱛᱟᱦᱮᱸᱫ ᱪᱮᱫᱟᱜ ᱥᱮ ᱩᱱᱤ ᱫᱚ ᱫᱟᱨᱤᱠᱟ ᱨᱟᱠᱠᱷᱚᱥ ᱥᱟᱶᱮ ᱞᱟᱹᱲᱦᱟᱹᱭ ᱠᱟᱱ ᱛᱟᱦᱮᱸᱫ ᱾ ᱚᱱᱟᱛᱮ ᱡᱚᱠᱷᱚᱱ ᱱᱚᱶᱟ ᱢᱚᱱᱫᱤᱨ ᱠᱚᱨᱮ ᱩᱫᱩᱜ ᱥᱚᱫᱚᱨᱚᱜᱼᱟ, ᱩᱱᱡᱚᱠᱷᱮᱡ ᱵᱚᱸᱜᱟ ᱠᱩᱲᱤ ᱭᱟᱜ ᱢᱤᱫ ᱢᱩᱨᱛᱤ ᱫᱚ ᱥᱴᱮᱡᱽ ᱥᱟᱢᱟᱝ ᱨᱮ ᱢᱤᱫ ᱴᱷᱟᱶ ᱨᱮᱠᱚ ᱫᱚᱦᱚᱭᱟ ᱾^[᱒]^[᱓]

ᱩᱫᱩᱜ ᱥᱚᱫᱚᱨ ᱠᱚ

ᱠᱩᱛᱷᱩᱢᱟᱰᱚᱢ ᱫᱚ ᱢᱤᱫ ᱵᱷᱮᱜᱟᱨ ᱔᱒ ᱯᱷᱩᱴ ᱡᱤᱞᱤᱧ ᱥᱴᱮᱡᱽ ᱠᱟᱱᱟ ᱡᱟᱦᱟᱸ ᱨᱮ ᱛᱷᱳᱞᱯᱟᱵᱟᱠᱩᱛᱷᱩ ᱩᱫᱩᱜ ᱥᱚᱫᱚᱨᱚᱜᱼᱟ ᱾ ᱥᱴᱮᱡᱽ ᱨᱮ ᱢᱤᱫ ᱯᱚᱨᱫᱟ ᱛᱟᱦᱮᱸᱱᱟ, ᱢᱤᱫ ᱯᱩᱸᱰ ᱞᱩᱜᱽᱲᱤ, ᱡᱟᱦᱟᱸ ᱛᱟᱭᱚᱢ ᱨᱮ ᱯᱩᱛᱩᱞ ᱠᱚ ᱥᱟᱵ ᱠᱚᱣᱟ ᱾ ᱢᱟᱨᱥᱟᱞ ᱞᱟᱹᱜᱤᱫ ᱒᱑ ᱜᱚᱴᱟᱝ ᱵᱟᱹᱛᱤ ᱫᱚ ᱱᱟᱹᱲᱠᱚᱲ ᱠᱷᱚᱞ ᱨᱮ ᱥᱮ ᱦᱟᱥᱟ ᱨᱮᱱᱟᱜ ᱵᱟᱹᱛᱤ ᱨᱮ ᱡᱩᱞ ᱠᱟᱛᱮ ᱯᱩᱛᱩᱞ ᱛᱟᱭᱚᱢ ᱨᱮᱠᱚ ᱫᱚᱦᱚᱭᱟ, ᱡᱟᱦᱟᱸ ᱛᱮ ᱚᱱᱟ ᱨᱮᱱᱟᱜ ᱩᱢᱩᱞ ᱫᱚ ᱯᱚᱨᱫᱟ ᱨᱮ ᱧᱩᱨᱩᱜᱼᱟ ᱾ ᱵᱟᱹᱛᱤ ᱠᱚᱫᱚ ᱵᱤᱞᱟᱠᱠᱩ ᱢᱟᱰᱚᱢ ᱧᱩᱛᱩᱢᱟᱱ ᱢᱤᱫ ᱵᱤᱥᱮᱥ ᱵᱮᱱᱟᱣ ᱟᱠᱟᱱ ᱠᱟᱴ ᱨᱮᱱᱟᱜ ᱵᱤᱢ ᱨᱮ ᱥᱚᱢᱟᱱ ᱥᱟᱺᱜᱤᱧ ᱨᱮᱠᱚ ᱫᱚᱦᱚᱭᱟ ᱾ ᱩᱫᱩᱜ ᱥᱚᱫᱚᱨ ᱥᱟᱶᱛᱮ ᱥᱞᱳᱠᱚ ᱠᱚ ᱯᱟᱲᱦᱟᱣᱜᱼᱟ ᱟᱨ ᱩᱫᱩᱜ ᱥᱚᱫᱚᱨᱤᱭᱟᱹ ᱠᱚᱫᱚ ᱩᱫᱩᱜ ᱥᱚᱫᱚᱨ ᱢᱟᱬᱟᱝ ᱨᱮ ᱓᱐᱐᱐ ᱠᱷᱚᱱ ᱵᱟᱹᱲᱛᱤ ᱥᱞᱳᱠᱚ ᱪᱮᱫ ᱞᱟᱹᱠᱛᱤᱜᱼᱟ ᱾ ᱱᱚᱶᱟ ᱥᱟᱶᱛᱮ ᱪᱮᱱᱰᱟ, ᱢᱟᱫᱫᱟᱞᱟᱢ, ᱮᱡᱷᱩᱯᱟᱨᱟ, ᱤᱞᱟᱛᱷᱟᱞᱟᱢ, ᱥᱚᱝᱠᱷᱚ ᱟᱨ ᱪᱮᱨᱩᱠᱩᱡᱷᱟᱞ ᱞᱮᱠᱟᱱ ᱨᱩ~ᱚᱨᱚᱝ ᱥᱟᱯᱟᱵ ᱠᱚ ᱵᱮᱵᱷᱟᱨᱚᱜᱼᱟ ᱾^[᱔]^[᱕]^[᱖]

ᱠᱟᱢᱵᱟ ᱨᱟᱢᱟᱭᱚᱬ ᱨᱮᱱᱟᱜ ᱥᱟᱱᱟᱢ ᱦᱟᱹᱴᱤᱧ ᱩᱫᱩᱜ ᱥᱚᱫᱚᱨ ᱠᱟᱛᱮ, ᱢᱤᱫ ᱯᱩᱨᱟᱹ ᱛᱷᱳᱞᱯᱟᱵᱟᱠᱩᱛᱷᱩ ᱩᱫᱩᱜ ᱥᱚᱫᱚᱨ ᱯᱩᱨᱟᱹᱣ ᱞᱟᱹᱜᱤᱫ ᱒᱑ ᱫᱤᱱ ᱞᱟᱹᱠᱛᱤᱜᱼᱟ, ᱡᱟᱦᱟᱸ ᱨᱮ ᱫᱤᱱᱟᱹᱢ ᱜᱮ ᱙ ᱴᱟᱲᱟᱝ ᱩᱫᱩᱜ ᱥᱚᱫᱚᱨᱚᱜᱼᱟ, ᱟᱨ ᱑᱘᱐ ᱠᱷᱚᱱ ᱒᱐᱐ ᱯᱩᱛᱩᱞ ᱞᱟᱹᱠᱛᱤᱜᱼᱟ ᱾ ᱢᱤᱫ ᱯᱩᱨᱟᱹ ᱩᱫᱩᱜ ᱥᱚᱫᱚᱨ ᱨᱮ ᱔᱐ ᱜᱟᱱ ᱠᱟᱹᱨᱤᱜᱚᱞ ᱞᱟᱹᱠᱛᱤᱜᱼᱟ ᱾ ᱢᱩᱬᱩᱛ ᱯᱩᱛᱩᱞ ᱮᱱᱮᱡᱤᱭᱟᱹ ᱫᱚ ᱯᱩᱞᱟᱵᱷᱚᱨ ᱠᱚ ᱢᱮᱛᱟᱭᱟ ᱾ ᱥᱮᱨᱣᱟ ᱞᱮᱠᱟᱛᱮ, ᱩᱫᱩᱜ ᱥᱚᱫᱚᱨ ᱫᱚ ᱧᱤᱫᱟᱹ ᱮᱛᱚᱦᱚᱵᱚᱜᱼᱟ ᱟᱨ ᱥᱮᱛᱟᱜ ᱫᱷᱟᱹᱵᱤᱡ ᱪᱟᱞᱟᱜᱼᱟ ᱾ ᱩᱫᱩᱜ ᱥᱚᱫᱚᱨ ᱫᱚ ᱠᱮᱞᱤᱠᱳᱴᱴᱩ ᱟᱨ ᱠᱟᱞᱟᱨᱤᱪᱤᱱᱛᱷᱩ ᱧᱩᱛᱩᱢᱟᱱ ᱢᱤᱫ ᱱᱮᱦᱚᱸᱨ ᱛᱮ ᱮᱛᱚᱦᱚᱵᱚᱜᱼᱟ ᱾^[᱓] ᱡᱟᱱᱩᱣᱟᱨᱤ ᱠᱷᱚᱱ ᱢᱮ ᱫᱷᱟᱹᱵᱤᱡ ᱟᱨ ᱯᱩᱨᱟᱢ ᱚᱠᱛᱚ ᱨᱮ ᱩᱫᱩᱜ ᱥᱚᱫᱚᱨ ᱦᱩᱭᱩᱜᱼᱟ ᱾ ᱡᱟᱦᱟᱸ ᱢᱚᱱᱫᱤᱨ ᱨᱮ ᱱᱚᱶᱟ ᱩᱫᱩᱜ ᱥᱚᱫᱚᱨᱚᱜᱼᱟ ᱚᱱᱟ ᱨᱮᱱᱟᱜ ᱥᱮᱨᱣᱟ ᱞᱮᱠᱟᱛᱮ ᱢᱤᱫ ᱛᱷᱳᱞᱯᱟᱵᱟᱠᱩᱛᱷᱩ ᱩᱫᱩᱜ ᱥᱚᱫᱚᱨ ᱫᱚ ᱗, ᱑᱔, ᱒᱑, ᱔᱑ ᱥᱮ ᱗᱑ ᱫᱤᱱ ᱫᱷᱟᱹᱵᱤᱡ ᱪᱟᱞᱟᱣ ᱫᱟᱲᱮᱭᱟᱜᱼᱟ ᱾ ᱱᱚᱶᱟ ᱫᱚ ᱠᱮᱨᱟᱞᱟ ᱨᱮᱱᱟᱜ ᱢᱤᱫ ᱥᱟᱭ ᱠᱷᱚᱱ ᱵᱟᱹᱲᱛᱤ ᱢᱚᱱᱫᱤᱨ ᱨᱮ ᱱᱤᱛ ᱦᱚᱸ ᱩᱫᱩᱜ ᱥᱚᱫᱚᱨᱚᱜ ᱠᱟᱱ ᱜᱮᱭᱟ ᱾^[᱗]

ᱯᱩᱛᱩᱞ ᱠᱚ

ᱛᱷᱳᱞᱯᱟᱵᱟᱠᱩᱛᱷᱩ ᱨᱮ ᱵᱮᱵᱷᱟᱨᱚᱜ ᱠᱟᱱ ᱯᱩᱛᱩᱞ ᱠᱚᱫᱚ ᱥᱮᱫᱟᱭ ᱫᱚ ᱡᱤᱞ ᱦᱟᱨᱛᱟ ᱛᱮ ᱵᱮᱱᱟᱣᱜ ᱠᱟᱱ ᱛᱟᱦᱮᱸᱫ ᱢᱮᱱᱠᱷᱟᱱ ᱱᱮᱛᱟᱨ ᱫᱚ ᱟᱥᱚᱠᱟᱭ ᱛᱮ ᱢᱮᱨᱚᱢ ᱦᱟᱨᱛᱟ ᱛᱮ ᱵᱮᱱᱟᱣᱜ ᱠᱟᱱᱟ ᱾ ᱯᱩᱛᱩᱞ ᱠᱚᱫᱚ ᱟᱲᱟᱜ ᱥᱟᱠᱟᱢ ᱨᱚᱝ ᱛᱮᱠᱚ ᱨᱚᱝ ᱟᱠᱚᱣᱟ, ᱪᱮᱫᱟᱜ ᱥᱮ ᱱᱚᱶᱟ ᱨᱚᱝ ᱫᱚ ᱟᱹᱰᱤ ᱫᱤᱱ ᱴᱤᱠᱟᱹᱣᱜᱼᱟ ᱾ ᱟᱫᱚᱢ ᱯᱩᱛᱩᱞ ᱫᱚ ᱯᱩᱱ ᱯᱷᱩᱴ ᱩᱥᱩᱞ ᱦᱚᱸ ᱦᱩᱭ ᱫᱟᱲᱮᱭᱟᱜᱼᱟ ᱾ ᱯᱩᱛᱩᱞ ᱠᱚᱫᱚ ᱵᱟᱨᱭᱟ ᱴᱷᱮᱸᱜᱟ ᱛᱮᱠᱚ ᱞᱟᱲᱟᱣ ᱠᱚᱣᱟ; ᱯᱩᱛᱩᱞ ᱮᱱᱮᱡᱤᱭᱟᱹ ᱫᱚ ᱢᱤᱫ ᱛᱤ ᱛᱮ ᱯᱩᱛᱩᱞ ᱮ ᱥᱟᱵᱮᱭᱟ ᱟᱨ ᱟᱨᱢᱤᱫ ᱛᱤ ᱨᱮ ᱥᱟᱵ ᱟᱠᱟᱱ ᱱᱟᱱᱦᱟ ᱴᱷᱮᱸᱜᱟ ᱛᱮ ᱚᱱᱟ ᱨᱮᱱᱟᱜ ᱛᱤ ᱡᱟᱸᱜᱟᱭ ᱞᱟᱲᱟᱣᱟ ᱾^[᱑]^[᱖]

ᱯᱩᱛᱩᱞ ᱮᱱᱮᱡᱤᱭᱟᱹ ᱠᱚ

ᱢᱩᱬᱩᱛ ᱯᱩᱛᱩᱞ ᱮᱱᱮᱡᱤᱭᱟᱹ ᱫᱚ ᱟᱥᱚᱠᱟᱭ ᱛᱮ ᱯᱩᱞᱟᱵᱷᱚᱨ ᱮ ᱛᱟᱦᱮᱸᱱᱟ ᱡᱟᱦᱟᱸ ᱫᱚ ᱢᱤᱫ ᱯᱩᱛᱩᱞ ᱮᱱᱮᱡᱤᱭᱟᱹ ᱡᱟᱦᱟᱸᱭ ᱫᱚ ᱢᱤᱫ ᱜᱟᱹᱠᱷᱩᱲᱤᱭᱟᱹ ᱦᱚᱸ ᱠᱟᱱᱟᱭ ᱩᱱᱤ ᱮᱢᱚᱜ ᱠᱟᱱ ᱢᱤᱫ ᱢᱟᱹᱱ ᱟᱹᱲᱟᱹ ᱠᱟᱱᱟ ᱾ ᱯᱩᱞᱟᱵᱷᱚᱨ ᱠᱚᱫᱚ ᱯᱩᱛᱩᱞ ᱮᱱᱮᱡ ᱨᱮ ᱟᱹᱰᱤ ᱠᱮᱴᱮᱡ ᱴᱨᱮᱱᱤᱝ ᱠᱚ ᱦᱟᱛᱟᱣᱟ ᱟᱨ ᱢᱟᱞᱟᱭᱟᱞᱚᱢ, ᱛᱟᱢᱤᱞ ᱟᱨ ᱥᱚᱸᱥᱠᱨᱤᱛ ᱨᱮᱱᱟᱜ ᱟᱹᱰᱤ ᱜᱟᱹᱦᱤᱨ ᱜᱮᱭᱟᱱ ᱛᱟᱦᱮᱸᱱ ᱛᱟᱠᱚᱣᱟ ᱾ ᱯᱩᱛᱩᱞ ᱮᱱᱮᱡᱤᱭᱟᱹ ᱠᱚᱫᱚ ᱠᱟᱢᱵᱟ ᱨᱟᱢᱟᱭᱚᱬ ᱯᱟᱲᱦᱟᱣ ᱦᱩᱭᱩᱜ ᱛᱟᱠᱚᱣᱟ ᱟᱨ ᱵᱮᱫᱽ ᱟᱨ ᱯᱩᱨᱟᱬ, ᱟᱭᱩᱨᱵᱮᱫᱽ ᱨᱮ ᱱᱟᱯᱟᱭ ᱛᱮ ᱯᱟᱲᱦᱟᱣ ᱠᱚᱜ ᱢᱟ ᱟᱨ ᱥᱟᱥᱛᱨᱤᱭᱚ ᱥᱮᱨᱮᱧ ᱨᱮ ᱴᱨᱮᱱᱤᱝ ᱠᱚ ᱦᱟᱛᱟᱣ ᱠᱟᱜ ᱢᱟ ᱾ ᱮᱱᱨᱮᱦᱚᱸ, ᱟᱫᱚᱢ ᱯᱩᱛᱩᱞ ᱮᱱᱮᱡᱤᱭᱟᱹ ᱫᱚ ᱥᱟᱥᱛᱨᱤᱭᱚ ᱥᱮᱨᱮᱧ ᱵᱟᱠᱚ ᱪᱮᱫᱟ ᱪᱮᱫᱟᱜ ᱥᱮ ᱱᱚᱶᱟ ᱨᱮ ᱜᱟᱹᱠᱷᱩᱲᱚᱜ ᱞᱟᱹᱜᱤᱫ ᱟᱹᱰᱤ ᱥᱮᱨᱢᱟ ᱯᱟᱲᱦᱟᱣ ᱞᱟᱹᱠᱛᱤᱜᱼᱟ ᱾ ᱢᱤᱫ ᱯᱩᱛᱩᱞ ᱮᱱᱮᱡᱤᱭᱟᱹ ᱱᱚᱶᱟ ᱠᱟᱹᱨᱤ ᱨᱮ ᱯᱩᱨᱟᱹ ᱜᱟᱹᱠᱷᱩᱲᱚᱜ ᱟᱨ ᱩᱫᱩᱜ ᱥᱚᱫᱚᱨ ᱫᱟᱲᱮᱭᱟᱜ ᱞᱟᱹᱜᱤᱫ ᱖ ᱠᱷᱚᱱ ᱑᱐ ᱥᱮᱨᱢᱟ ᱨᱮᱱᱟᱜ ᱠᱮᱴᱮᱡ ᱴᱨᱮᱱᱤᱝ ᱞᱟᱹᱠᱛᱤᱜᱼᱟ ᱾^[᱒]^[᱔] ᱠᱮ. ᱠᱮ. ᱨᱟᱢᱪᱚᱸᱫᱽᱨᱚ ᱯᱩᱞᱟᱵᱷᱚᱨ ᱫᱚ ᱠᱮᱨᱟᱞᱟ ᱨᱤᱱᱤᱡ ᱢᱩᱬᱩᱛ ᱯᱩᱛᱩᱞ ᱮᱱᱮᱡᱤᱭᱟᱹᱭ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱢᱤᱫ ᱠᱤᱥᱟᱹᱬ ᱱᱟᱜᱟᱢᱤᱭᱟᱹ ᱜᱩᱱ ᱟᱱ ᱥᱮᱨᱣᱟ ᱟᱹᱨᱤ ᱜᱷᱟᱨᱚᱸᱡᱽ ᱨᱮᱭ ᱡᱟᱱᱟᱢ ᱞᱮᱱᱟ; ᱩᱱᱤ ᱫᱚ ᱛᱩᱨᱩᱭ ᱥᱮᱨᱢᱟ ᱩᱢᱮᱨ ᱠᱷᱚᱱ ᱜᱮ ᱟᱡᱤᱡ ᱢᱟᱨᱟᱝ ᱜᱩᱨᱩ/ᱟᱯᱟᱛ ᱴᱷᱮᱱ ᱠᱷᱚᱱ ᱛᱷᱳᱞᱯᱟᱵᱟᱠᱩᱛᱷᱩᱭ ᱪᱮᱫ ᱞᱮᱫ ᱛᱟᱦᱮᱸᱫ ᱾

ᱵᱚᱛᱚᱨ ᱟᱨ ᱱᱟᱶᱟ ᱴᱨᱮᱱᱰ ᱠᱚ

ᱛᱷᱳᱞᱯᱟᱵᱟᱠᱩᱛᱷᱩ, ᱟᱭᱢᱟ ᱥᱮᱨᱣᱟ ᱟᱹᱨᱤ ᱠᱟᱹᱨᱤ ᱞᱮᱠᱟ ᱜᱮ, ᱴᱮᱞᱤᱵᱷᱤᱡᱚᱱ ᱟᱨ ᱥᱤᱱᱮᱢᱟ ᱞᱮᱠᱟᱱ ᱨᱟᱹᱥᱠᱟᱹ ᱨᱚᱢᱚᱡᱽ ᱨᱮᱱᱟᱜ ᱮᱴᱟᱜ ᱯᱞᱮᱴᱯᱷᱚᱨᱢ ᱠᱚ ᱦᱤᱡᱩᱜ ᱟᱨ ᱞᱟᱠᱪᱟᱨ ᱜᱩᱱ ᱠᱚ ᱵᱚᱫᱚᱞᱚᱜ ᱠᱷᱟᱹᱛᱤᱨ ᱟᱫᱚᱜ ᱨᱮᱱᱟᱜ ᱵᱚᱛᱚᱨ ᱮ ᱥᱟᱢᱟᱝ ᱮᱫᱟ ᱾ ᱱᱟᱶᱟ ᱯᱤᱲᱦᱤ ᱫᱚ ᱱᱚᱶᱟ ᱠᱟᱹᱨᱤ ᱟᱯᱱᱟᱨ ᱨᱮᱠᱚ ᱯᱷᱮᱞ ᱟᱠᱟᱱᱟ ᱪᱮᱫᱟᱜ ᱥᱮ ᱱᱚᱶᱟ ᱨᱮ ᱟᱹᱰᱤ ᱠᱩᱨᱩᱢᱩᱴᱩ ᱞᱟᱹᱠᱛᱤᱜᱼᱟ ᱟᱨ ᱯᱩᱭᱥᱟᱹ ᱫᱚ ᱟᱹᱰᱤ ᱵᱟᱝ ᱧᱟᱢᱚᱜᱼᱟ ᱾ ᱱᱚᱶᱟ ᱩᱫᱩᱜ ᱥᱚᱫᱚᱨ ᱨᱤᱱ ᱧᱮᱧᱮᱞᱤᱭᱟᱹ ᱠᱚᱫᱚ ᱠᱮᱨᱟᱞᱟ ᱨᱮᱱᱟᱜ ᱟᱹᱛᱩ ᱫᱤᱥᱚᱢ ᱠᱚᱨᱮ ᱦᱚᱸ ᱠᱚ ᱠᱚᱢ ᱟᱠᱟᱱᱟ ᱾ ᱱᱚᱶᱟ ᱥᱟᱶᱛᱟᱨᱤ ᱵᱚᱫᱚᱞ ᱥᱟᱶ ᱛᱟᱞ ᱢᱤᱞᱟᱹᱣ ᱞᱟᱹᱜᱤᱫ, ᱟᱭᱢᱟ ᱩᱫᱩᱜ ᱥᱚᱫᱚᱨ ᱨᱮᱱᱟᱜ ᱚᱠᱛᱚ ᱫᱚ ᱟᱹᱰᱤ ᱠᱚᱢ ᱟᱠᱟᱱᱟ ᱾ ᱥᱟᱛᱟᱢ ᱞᱮᱠᱟᱛᱮ, ᱯᱩᱛᱩᱞ ᱮᱱᱮᱡᱤᱭᱟᱹ ᱠᱚᱫᱚ ᱡᱩᱣᱟᱹᱱ ᱠᱚ ᱨᱤᱡᱷᱟᱹᱣ ᱞᱟᱹᱜᱤᱫ ᱱᱟᱦᱟᱜ ᱟᱨ ᱥᱮᱠᱩᱞᱟᱨ ᱥᱟᱛᱟᱢ ᱠᱚ ᱩᱫᱩᱜ ᱠᱚ ᱮᱦᱚᱵ ᱟᱠᱟᱫᱟ ᱾ ᱱᱮᱛᱟᱨ ᱥᱮᱨᱢᱟ ᱠᱚᱨᱮ ᱨᱮᱜᱤᱝ, ᱥᱟᱶᱛᱟᱨᱤ ᱥᱩᱞᱩᱠ ᱟᱨ ᱥᱤᱧᱚᱛ ᱨᱮᱱᱟᱜ ᱯᱷᱩᱨᱜᱟᱹᱞ ᱞᱟᱹᱲᱦᱟᱹᱭ ᱨᱮᱱᱟᱜ ᱠᱟᱹᱦᱱᱤ ᱞᱮᱠᱟᱱ ᱥᱟᱛᱟᱢ ᱠᱚ ᱩᱫᱩᱜ ᱥᱚᱫᱚᱨ ᱟᱠᱟᱱᱟ ᱾ ᱩᱫᱩᱜ ᱥᱚᱫᱚᱨ ᱠᱚᱫᱚ ᱱᱤᱛ ᱠᱷᱟᱹᱞᱤ ᱢᱚᱱᱫᱤᱨ ᱠᱚᱨᱮ ᱜᱮ ᱵᱟᱝ ᱥᱤᱢᱟᱹ ᱟᱠᱟᱱᱟ ᱢᱮᱱᱠᱷᱟᱱ ᱠᱚᱞᱮᱡᱽ ᱟᱨ ᱠᱮᱨᱟᱞᱟ ᱨᱮᱱᱟᱜ ᱡᱮᱡᱟᱹᱛᱤᱭᱟᱹᱨᱤ ᱯᱷᱤᱞᱢ ᱯᱷᱮᱥᱴᱤᱵᱷᱟᱞ ᱞᱮᱠᱟᱱ ᱥᱮᱠᱩᱞᱟᱨ ᱴᱷᱟᱶ ᱠᱚᱨᱮ ᱦᱚᱸ ᱦᱩᱭᱩᱜ ᱠᱟᱱᱟ ᱾^[᱕]^[᱘]^[᱙]^[᱑᱐]

ᱟᱨᱦᱚᱸ ᱧᱮᱞ ᱢᱮ

ᱪᱟᱫᱚᱨ ᱵᱟᱫᱚᱨ, ᱥᱤᱧᱚᱛ ᱨᱤᱱ ᱥᱟᱱᱛᱟᱲ ᱦᱚᱲ ᱠᱚᱣᱟᱜ ᱯᱩᱛᱩᱞ ᱮᱱᱮᱡ
ᱜᱳᱯᱟᱞᱤᱞᱟ, ᱥᱤᱧᱚᱛ ᱨᱮᱱᱟᱜ ᱳᱰᱤᱥᱟ ᱯᱚᱱᱚᱛ ᱨᱮᱱᱟᱜ ᱯᱩᱛᱩᱞ ᱮᱱᱮᱡ
ᱠᱟᱴᱷᱯᱩᱛᱞᱤ, ᱥᱤᱧᱚᱛ ᱨᱮᱱᱟᱜ ᱨᱟᱡᱚᱥᱛᱷᱟᱱ ᱯᱚᱱᱚᱛ ᱨᱮᱱᱟᱜ ᱯᱩᱛᱩᱞ ᱮᱱᱮᱡ
ᱱᱳᱠᱠᱩᱵᱤᱫᱽᱭᱟ ᱯᱟᱵᱟᱠᱚᱞᱤ, ᱥᱤᱧᱚᱛ ᱨᱮᱱᱟᱜ ᱠᱮᱨᱟᱞᱟ ᱯᱚᱱᱚᱛ ᱨᱮᱱᱟᱜ ᱯᱩᱛᱩᱞ ᱮᱱᱮᱡ
ᱨᱟᱵᱚᱬ ᱪᱷᱟᱭᱟ, ᱥᱤᱧᱚᱛ ᱨᱮᱱᱟᱜ ᱳᱰᱤᱥᱟ ᱯᱚᱱᱚᱛ ᱨᱮᱱᱟᱜ ᱩᱢᱩᱞ ᱯᱩᱛᱩᱞ ᱮᱱᱮᱡ
ᱥᱚᱠᱷᱤ ᱠᱟᱱᱫᱷᱮᱭ, ᱥᱤᱧᱚᱛ ᱨᱮᱱᱟᱜ ᱳᱰᱤᱥᱟ ᱯᱚᱱᱚᱛ ᱨᱮᱱᱟᱜ ᱥᱩᱛᱟᱹᱢ ᱯᱩᱛᱩᱞ ᱮᱱᱮᱡ
ᱩᱢᱩᱞ ᱮᱱᱮᱡ, ᱩᱢᱩᱞ ᱯᱩᱛᱩᱞ ᱮᱱᱮᱡ ᱡᱟᱦᱟᱸ ᱫᱚ ᱥᱤᱧᱚᱛ ᱨᱮ ᱯᱩᱭᱞᱩ ᱥᱟᱥᱟᱭ ᱥᱮᱨᱢᱟ ᱵᱤ.ᱥᱤ.ᱤ. ᱨᱮ ᱮᱛᱚᱦᱚᱵ ᱞᱮᱱᱟ
ᱛᱷᱳᱞᱩ ᱵᱳᱢᱢᱟᱞᱟᱛᱟ, ᱥᱤᱧᱚᱛ ᱨᱮᱱᱟᱜ ᱟᱸᱫᱷᱨᱚ ᱯᱨᱚᱫᱮᱥ ᱯᱚᱱᱚᱛ ᱨᱮᱱᱟᱜ ᱩᱢᱩᱞ ᱯᱩᱛᱩᱞ ᱮᱱᱮᱡ
ᱛᱳᱜᱟᱞᱩ ᱜᱳᱢᱵᱮᱭᱟᱛᱟ, ᱥᱤᱧᱚᱛ ᱨᱮᱱᱟᱜ ᱠᱚᱨᱱᱟᱴᱚᱠ ᱯᱚᱱᱚᱛ ᱨᱮᱱᱟᱜ ᱩᱢᱩᱞ ᱯᱩᱛᱩᱞ ᱮᱱᱮᱡ
ᱣᱟᱭᱟᱝ, ᱤᱱᱰᱚᱱᱮᱥᱤᱭᱟ ᱨᱮᱱᱟᱜ ᱯᱩᱛᱩᱞ ᱮᱱᱮᱡ ᱡᱟᱦᱟᱸ ᱫᱚ ᱥᱤᱧᱚᱛᱤᱭᱟᱹ ᱯᱩᱛᱩᱞ ᱮᱱᱮᱡ ᱠᱷᱚᱱ ᱩᱫᱽᱜᱟᱹᱣ ᱟᱠᱟᱱᱟ

ᱥᱟᱹᱠᱷᱭᱟᱹᱛ

1 2 "Tholpavakoothu". Retrieved 4 December 2012.
1 2 "Reviving the ancient art of puppetry". The Hindu. 14 November 2009. Retrieved 4 December 2012.
1 2 "Enchanting Tholpavakoothu". The Hindu. 5 September 2008. Archived from the original on 25 January 2013. Retrieved 4 December 2012.
1 2 "Fading away into the shadows". The Hindu. 14 June 2012. Retrieved 4 December 2012.
1 2 "Colourful tales from shadow puppets". The Hindu. 15 March 2011. Retrieved 4 December 2012.
1 2 "Tolpava Koothu - The Shadow Puppet Theatre of Kerala". Retrieved 4 December 2012.
↑ "Shadow of the original". The Hindu. 3 October 2008. Archived from the original on 7 October 2008. Retrieved 4 December 2012.
↑ "Puppet show". The Hindu. 2010-06-08. Archived from the original on 14 June 2010. Retrieved 4 December 2012.
↑ "Shadow of death over Tholpavakoothu". The Hindu. 23 June 2003. Archived from the original on 10 May 2005. Retrieved 4 December 2012.
↑ "Shadow leather puppet play facing near death". The Hindu. 12 May 2010. Retrieved 4 December 2012.

ᱵᱟᱦᱨᱮ ᱡᱚᱱᱚᱲ ᱠᱚ

tholpavakoothu.in (ᱛᱷᱳᱞᱯᱟᱵᱟᱠᱩᱛᱷᱩ - ᱢᱤᱫ ᱵᱷᱮᱜᱟᱨ ᱩᱢᱩᱞ ᱯᱩᱛᱩᱞ ᱮᱱᱮᱡ ᱩᱫᱩᱜ ᱥᱚᱫᱚᱨ)
puppetry.org.in (ᱛᱷᱳᱞᱯᱟᱵᱟᱠᱩᱛᱷᱩ - ᱜᱩᱨ ᱟᱠᱟᱱ ᱜᱩᱨᱩ ᱠᱨᱤᱥᱱᱚᱱ ᱠᱩᱴᱴᱤ ᱯᱩᱞᱟᱵᱷᱚᱨ ᱟᱜ ᱩᱭᱦᱟᱹᱨ ᱛᱮ ᱦᱳᱢᱯᱮᱡᱽ)
tholpavakoothu.org (ᱛᱷᱳᱞᱯᱟᱵᱟᱠᱩᱛᱷᱩ - ᱥᱤᱧᱚᱛ, ᱠᱮᱨᱟᱞᱟ ᱨᱮᱱᱟᱜ ᱩᱢᱩᱞ ᱯᱩᱛᱩᱞ ᱮᱱᱮᱡ (archived))

[keralatourism-1] 1 2 "Tholpavakoothu". Retrieved 4 December 2012.

[puppetry-2] 1 2 "Reviving the ancient art of puppetry". The Hindu. 14 November 2009. Retrieved 4 December 2012.

[hindu-3] 1 2 "Enchanting Tholpavakoothu". The Hindu. 5 September 2008. Archived from the original on 25 January 2013. Retrieved 4 December 2012.

[thehindu-4] 1 2 "Fading away into the shadows". The Hindu. 14 June 2012. Retrieved 4 December 2012.

[thehindu_a-5] 1 2 "Colourful tales from shadow puppets". The Hindu. 15 March 2011. Retrieved 4 December 2012.

[mykerala-6] 1 2 "Tolpava Koothu - The Shadow Puppet Theatre of Kerala". Retrieved 4 December 2012.

[7] "Shadow of the original". The Hindu. 3 October 2008. Archived from the original on 7 October 2008. Retrieved 4 December 2012.

[8] "Puppet show". The Hindu. 2010-06-08. Archived from the original on 14 June 2010. Retrieved 4 December 2012.

[9] "Shadow of death over Tholpavakoothu". The Hindu. 23 June 2003. Archived from the original on 10 May 2005. Retrieved 4 December 2012.

[10] "Shadow leather puppet play facing near death". The Hindu. 12 May 2010. Retrieved 4 December 2012.

[᱑]

[᱒]

[᱓]

[᱔]

[᱕]

[᱖]

[᱗]

[᱘]

[᱙]

[᱑᱐]