ᱜᱚᱣᱦᱚᱨ ᱥᱩᱞᱛᱟᱱᱟ
ᱜᱚᱣᱦᱚᱨ ᱥᱩᱞᱛᱟᱱᱟ (ᱡᱟᱱᱟᱢ ᱓᱑ ᱢᱟᱨᱪ ᱑᱙᱘᱘) ᱫᱚ ᱥᱤᱧᱚᱛ ᱨᱮᱱ ᱠᱨᱤᱠᱮᱴᱟᱨ ᱠᱟᱱᱟᱭ᱾ ᱥᱩᱞᱛᱟᱱᱟ ᱫᱚ ᱦᱟᱭᱫᱽᱨᱟᱵᱟᱫᱽ ᱨᱮ ᱡᱟᱱᱟᱢ ᱞᱮᱱᱟ᱾ ᱩᱱᱤ ᱫᱚ ᱥᱤᱧᱚᱛ ᱨᱮᱱᱟᱜ ᱒᱑ ᱥᱮᱨᱢᱟ ᱠᱷᱚᱱ ᱠᱚᱢ ᱩᱢᱮᱨ ᱨᱮᱱ ᱠᱩᱲᱤ ᱠᱚᱣᱟᱜ ᱴᱤᱢ ᱟᱨ ᱥᱤᱧᱚᱛ ᱨᱮᱱᱟᱜ ᱡᱟᱹᱛᱤᱭᱟᱹᱨᱤ ᱠᱩᱲᱤ ᱠᱚᱣᱟᱜ ᱠᱨᱤᱠᱮᱴ ᱴᱤᱢ ᱞᱟᱹᱜᱤᱫ ᱡᱮᱜᱮᱛᱟᱹᱨᱤ ᱠᱨᱤᱠᱮᱴ ᱮ ᱮᱱᱮᱡ ᱟᱠᱟᱫᱟ, ᱡᱟᱹᱥᱛᱤ ᱠᱟᱭᱛᱮ ᱞᱮᱯᱷᱴ-ᱟᱨᱢ ᱚᱨᱛᱷᱚᱰᱚᱠᱥ ᱥᱯᱤᱱ ᱵᱳᱣᱞᱟᱨ ᱞᱮᱠᱟᱛᱮ᱾
ᱩᱱᱤ ᱫᱚ ᱒᱓ ᱜᱚᱴᱟᱝ ᱢᱤᱫ ᱢᱟᱦᱟᱸ ᱡᱮᱜᱮᱛᱟᱹᱨᱤ (One-day Internationals) ᱨᱮ ᱮᱱᱮᱡ ᱟᱠᱟᱫᱟ ᱕ ᱢᱮ ᱒᱐᱐᱘ ᱨᱮ ᱠᱩᱨᱩᱱᱮᱜᱟᱞᱟ ᱨᱮ ᱛᱤᱨᱞᱟᱹ ᱮᱥᱤᱭᱟ ᱠᱟᱯ ᱨᱮ ᱯᱟᱠᱤᱥᱛᱟᱱ ᱵᱤᱨᱩᱫᱷ ᱨᱮ ᱮᱛᱚᱦᱚᱵ ᱠᱟᱛᱮᱜ, ᱒᱐᱐᱙ ᱛᱤᱨᱞᱟᱹ ᱠᱨᱤᱠᱮᱴ ᱡᱮᱜᱮᱛ ᱠᱟᱯ ᱥᱟᱶᱛᱮ᱾ ᱩᱱᱤ ᱫᱚ ᱗ ᱜᱚᱴᱟᱝ ᱴᱣᱮᱱᱴᱤ᱒᱐ ᱡᱮᱜᱮᱛᱟᱹᱨᱤ (Twenty20 Internationals) ᱨᱮ ᱦᱚᱸ ᱮᱱᱮᱡ ᱟᱠᱟᱫᱟ ᱒᱘ ᱚᱠᱴᱚᱵᱚᱨ ᱒᱐᱐᱘ ᱨᱮ ᱥᱤᱰᱱᱤ ᱨᱮ ᱚᱥᱴᱨᱮᱞᱤᱭᱟ ᱵᱤᱨᱩᱫᱷ ᱨᱮ ᱮᱛᱚᱦᱚᱵ ᱠᱟᱛᱮᱜ᱾
ᱩᱱᱤ ᱟᱨ ᱟᱢᱤᱛᱟ ᱥᱚᱨᱢᱟ ᱛᱤᱨᱞᱟᱹ ᱠᱚᱣᱟᱜ ᱳᱰᱤ ᱱᱟᱜᱟᱢ ᱨᱮ ᱡᱚᱛᱚ ᱠᱷᱚᱱ ᱵᱟᱹᱲᱛᱤ ᱑᱐ ᱟᱱᱟᱜ ᱣᱤᱠᱮᱴ ᱯᱟᱴᱱᱚᱨᱥᱤᱯ ᱨᱮᱱᱟᱜ ᱨᱮᱠᱚᱨᱰ ᱫᱚᱦᱚ ᱟᱠᱟᱫᱟ (᱕᱘ ᱨᱟᱱ)᱾
ᱰᱤᱥᱮᱢᱵᱚᱨ ᱒᱐᱒᱓ ᱨᱮ, ᱩᱱᱤ ᱫᱚ ᱒᱐᱒᱔ ᱥᱤᱡᱚᱱ ᱞᱟᱹᱜᱤᱫ ᱵᱷᱟᱨᱚᱛ ᱨᱮᱱᱟᱜ ᱛᱤᱨᱞᱟᱹ ᱯᱨᱤᱢᱤᱭᱟᱨ ᱞᱤᱜᱽ ᱱᱤᱞᱟᱢ ᱨᱮ ᱭᱩᱯᱤ ᱣᱟᱨᱤᱭᱚᱨᱡᱽ ᱦᱚᱛᱮᱛᱮ ᱥᱟᱭᱤᱱ ᱞᱮᱱᱟ᱾