ᱜᱚ~ᱢᱟᱦᱟ
- ᱜᱚ~ᱢᱟᱦᱟ ᱫᱚ ᱢᱤᱫ ᱯᱟᱨᱟᱵ ᱠᱟᱱᱟ ᱾ ᱡᱚᱛᱚ ᱥᱮᱨᱢᱟ ᱜᱮ ᱥᱟᱱ ᱵᱚᱝᱜᱟ ᱠᱩᱱᱟᱹᱢᱤ ᱦᱤᱞᱚᱜ ᱠᱚ ᱢᱟᱱᱟᱣᱟ ᱾ ᱞᱮᱴᱚ ᱯᱤᱴᱷᱟᱹ ᱡᱤᱞ ᱩᱛᱩ ᱨᱚᱦᱚᱲ ᱫᱟᱠᱟ ᱠᱚ ᱡᱚᱢᱟ ᱾ ᱚᱠᱚᱭ ᱚᱠᱟ ᱞᱮᱠᱟᱭ ᱠᱩᱲᱟᱣ ᱠᱟᱜ-ᱟ ᱾ ᱞᱟᱹᱭᱟᱠᱚ ᱢᱟᱢᱚ ᱦᱟᱛᱚ ᱚᱲᱟᱜ ᱨᱮ ᱟᱭᱳ ᱵᱟᱵᱟ ᱛᱮ ᱴᱩᱣᱟᱨ ᱞᱮᱱ ᱠᱟᱲᱚ ᱠᱩᱭᱞᱤ ᱵᱚᱭᱦᱟ ᱢᱤᱥᱨᱟ ᱠᱤᱱ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱦᱟᱛᱚᱢ ᱛᱮᱫ ᱫᱚ ᱩᱰᱤ ᱦᱤᱨᱪᱤᱫ ᱜᱮᱭᱟᱭ ᱾ ᱩᱱᱠᱤᱱ ᱠᱟᱲᱚ ᱠᱩᱭᱞᱤ ᱛᱟᱹᱠᱤᱱ ᱫᱚ ᱟᱹᱲᱤᱡ ᱮ ᱦᱟᱨᱠᱮᱛ ᱠᱤᱱᱟ ᱾ ᱰᱷᱮᱨᱮ ᱠᱟᱹᱢᱤ ᱦᱚᱪᱚ ᱠᱤᱱᱟ , ᱠᱚᱢ ᱡᱚᱢᱮ ᱮᱢᱟ ᱠᱤᱱᱟ ᱾ ᱛᱤᱥ ᱦᱚᱸ ᱵᱟᱭ ᱡᱤᱨᱟᱣ ᱦᱚᱪᱚ ᱟᱹᱠᱤᱱᱟ ᱾ ᱜᱚ~ᱢᱟᱦᱟ ᱦᱤᱞᱚᱜ ᱦᱚᱸ ᱯᱤᱴᱷᱟᱹ ᱞᱮᱴᱚ ᱵᱟᱝ ᱮᱢ ᱠᱟᱛᱮ ᱨᱮᱸᱜᱮᱡ ᱛᱮ ᱵᱟᱹᱫᱽ ᱦᱮᱲᱦᱮᱫ ᱮ ᱵᱷᱮᱡᱟ ᱟᱠᱟᱫ ᱠᱤᱱᱟ ᱾ ᱤᱱᱟᱹ ᱦᱤᱞᱚᱜ ᱫᱚ ᱵᱟᱹᱫᱽ ᱨᱮ ᱫᱚ ᱵᱟᱠᱚ ᱠᱟᱹᱢᱤᱭᱟᱸ ᱾ ᱠᱟᱹᱢᱤ ᱞᱮᱠᱷᱟᱱ ᱵᱤᱜᱵᱤᱧᱟ ᱾ ᱚᱱᱟ ᱠᱟᱛᱷᱟ ᱵᱟᱰᱟᱭ ᱠᱟᱛᱮ ᱜᱮ ᱩᱱᱤ ᱦᱤᱨᱪᱤᱫ ᱦᱟᱛᱚᱢ ᱫᱚ ᱠᱟᱲᱚ ᱠᱩᱭᱞᱤ ᱛᱟᱹᱠᱤᱱ ᱵᱟᱹᱫ ᱦᱮᱲᱦᱮᱫ ᱮ ᱵᱷᱮᱡᱟ ᱟᱠᱟᱫ ᱠᱤᱱᱟ ᱾
ᱢᱟᱢᱚᱛ ᱛᱮᱫ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱢᱟᱢᱚᱛ ᱛᱮᱫ ᱚᱲᱟᱜ ᱨᱮ ᱵᱷᱟᱹᱜᱽᱱᱟᱹ ᱵᱷᱟᱹᱜᱽᱱᱤ ᱵᱟᱭ ᱧᱮᱞ ᱧᱟᱢ ᱞᱮᱫ ᱠᱤ ᱠᱷᱟᱱ ᱮᱨᱟ ᱛᱟᱭᱮ ᱠᱩᱞᱤ ᱠᱮᱫᱮᱭᱟ ᱦᱮᱸᱫᱟ ᱜᱚ ᱠᱟᱲᱚ ᱠᱩᱭᱞᱤ ᱛᱟᱹᱠᱤᱱ ᱢᱟ ᱵᱟᱹᱠᱤᱱ ᱧᱮᱞᱚᱜ ᱠᱟᱱ ᱫᱚ ? ᱮᱨᱟ ᱛᱟᱭᱮ ᱞᱟᱹᱭ ᱠᱮᱫ-ᱟ , ᱵᱟᱹᱫᱽ ᱦᱮᱲᱦᱮᱫ ᱠᱤᱱ ᱪᱟᱞᱟᱣ ᱟᱠᱟᱱᱟ ᱾ ᱚᱱᱟ ᱟᱸᱡᱚᱢ ᱠᱟᱛᱮ ᱢᱟᱢᱚᱛ ᱛᱮᱫ ᱵᱟᱹᱫ ᱛᱮᱭ ᱪᱟᱞᱟᱣ ᱮᱱᱟ , ᱪᱟᱞᱟᱣ ᱠᱟᱛᱮ ᱧᱮᱞ ᱠᱤᱱᱟᱭ , ᱡᱟᱸᱜᱟ ᱥᱮᱫ ᱠᱷᱚᱱ ᱦᱚᱴᱚᱜ ᱫᱷᱟᱹᱨᱤᱡ ᱫᱚ ᱠᱤᱱ ᱵᱤᱧ ᱟᱠᱟᱱᱟ ᱾ ᱥᱮᱱ ᱥᱩᱨᱮᱱ ᱠᱷᱟᱱᱮ ᱠᱟᱱᱟ , ᱢᱟᱢᱚ ᱢᱚᱞᱚᱝ ᱨᱮ ᱢᱤᱢᱤ ᱴᱤᱰᱟᱜ ᱥᱤᱫᱩᱨ ᱟᱹᱞᱤᱧ ᱵᱤᱱ ᱥᱚᱸᱜᱮ ᱨᱩᱣᱟᱲ ᱠᱟᱛᱮ ᱥᱤᱸᱫᱩᱨ ᱟᱹᱜᱩ ᱠᱟᱛᱮ ᱢᱚᱞᱚᱝ ᱨᱮ ᱴᱤᱰᱟᱹᱜᱟᱫ ᱠᱤᱱᱟᱭ ᱾ ᱚᱢᱭᱱᱟ ᱛᱟᱭᱚᱢ ᱢᱟᱢᱚᱛ ᱛᱮᱫ ᱠᱤᱱ ᱢᱮᱛᱟᱭ ᱠᱟᱱᱟ , ᱢᱟᱢᱚ ᱦᱟᱛᱚᱢ ᱞᱟᱹᱭᱟᱭ ᱢᱮ ᱠᱩᱰᱟᱹᱢ ᱥᱮᱫ ᱨᱮ ᱢᱮᱱᱟ ᱜ ᱛᱚᱨᱚᱡ ᱴᱩᱠᱩᱡ ᱨᱮ ᱢᱤᱫ ᱴᱟᱹᱝ ᱨᱩᱯᱟᱹ ᱢᱟᱞᱟᱧ ᱫᱚᱦᱚ ᱟᱠᱟᱫ -ᱟ ,ᱚᱱᱟ ᱟᱜᱩ ᱠᱟᱛᱮ ᱚᱲᱟᱜ ᱨᱮᱭ ᱵᱟᱭ ᱠᱟᱜ ᱢᱟ ᱾ ᱟᱫᱚ ᱵᱤᱧ ᱯᱩᱨᱟᱣ ᱮᱮᱱ ᱛᱤᱠᱤᱱ ᱞᱮᱧ ᱪᱟᱞᱟᱣ ᱮᱱᱟ ᱾ ᱚᱠᱟ ᱥᱮᱫ ᱛᱮ ᱠᱤᱱ ᱞᱮᱱ ᱪᱟᱞᱟᱣ ᱞᱮᱱᱟ ᱚᱱᱠᱟ ᱛᱮᱜᱮ ᱵᱟᱨᱭᱟ ᱜᱟᱰᱟ ᱵᱮᱱᱟᱣ ᱮᱱᱟ ᱾ ᱚᱱᱟ ᱫᱚ ᱟᱹᱠᱤᱱᱟᱜ ᱧᱩᱛᱩᱢ ᱞᱮᱠᱟ ᱛᱮᱜᱮ ᱠᱟᱲᱚ ᱠᱩᱭᱞᱤ ᱜᱟᱰᱟ ᱧᱩᱛᱩᱢ ᱟᱠᱟᱱᱟ ᱾
ᱢᱟᱢᱚᱛ ᱛᱮᱫ ᱨᱩᱣᱟᱲ ᱠᱟᱛᱮ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱢᱟᱢᱚᱛ ᱛᱮᱫ ᱵᱟᱹᱫ ᱠᱷᱚᱱ ᱨᱩᱣᱟᱲ ᱠᱟᱛᱮ ᱮᱨᱟᱛᱟᱭᱮ ᱞᱟᱹᱭᱟᱭ ᱠᱟᱱᱟ , ᱵᱟᱜᱽᱱᱟ ᱵᱷᱟᱜᱽᱱᱤ ᱠᱤᱱ ᱞᱟᱹᱭ ᱟᱠᱟᱫ-ᱟ , ᱠᱩᱰᱟᱹᱢ ᱥᱮᱫ ᱨᱮ ᱢᱮᱱᱟᱜ ᱛᱚᱨᱚᱡ ᱴᱩᱠᱩᱡ ᱨᱮ ᱨᱩᱯᱟᱹ ᱢᱟᱞᱟ ᱠᱤᱱ ᱫᱚᱦᱚ ᱟᱠᱟᱫ-ᱟ , ᱚᱱᱟᱜᱮ ᱟᱹᱜᱩ ᱠᱟᱜ ᱢᱮ ᱾ ᱚᱱᱟ ᱟᱸᱡᱚᱢ ᱠᱟᱛᱮ ᱞᱚᱜᱚᱱ ᱧᱚᱜ ᱠᱩᱰᱟᱹᱢ ᱥᱮᱫ ᱪᱟᱞᱟᱣ ᱠᱟᱛᱮ ᱛᱚᱨᱚᱡ ᱴᱩᱠᱩᱡ ᱚᱴᱟᱜ ᱠᱟᱛᱮ ᱦᱟᱛᱣᱟ ᱜᱚ ᱞᱮᱫ-ᱟᱭ ,ᱚᱱᱟ ᱠᱷᱚᱱ ᱚᱰᱚᱠ ᱠᱟᱛᱮ ᱢᱤᱫ ᱴᱟᱹᱝ ᱯᱩᱸᱰ ᱟᱭᱟᱝ ᱵᱤᱧ ᱮ ᱚᱰᱚᱠ ᱮᱱ ᱛᱮ ᱛᱤᱨᱮᱭ ᱥᱚᱜᱟᱜ ᱠᱮᱫᱮᱭᱟ ᱾ ᱚᱸᱰᱮ ᱜᱮ ᱵᱷᱤᱸᱫᱟᱹᱲ ᱩᱛᱟᱹᱨ ᱮᱱᱟ ᱾ ᱚᱱᱟ ᱫᱚ ᱯᱟᱞᱮ ᱥᱩᱭᱟᱹ ᱨᱮᱱᱟᱜ ᱠᱩᱲᱟᱭ ᱜᱮ ᱾
ᱟᱭᱳ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱤᱱᱟᱹ ᱦᱤᱞᱚᱜ ᱫᱚ ᱟᱭᱳ ᱩᱭᱦᱟᱹᱨ ᱢᱟᱦᱟ ᱠᱟᱱᱟ ᱾ ᱟᱭᱳ ᱛᱮ ᱟᱞᱚ ᱵᱚ ᱴᱩᱣᱟᱨᱚᱜ ᱢᱟ ᱾ ᱟᱭᱳ ᱛᱮ ᱴᱩᱣᱟᱨ ᱞᱮᱱ ᱠᱟᱲᱚ ᱟᱨ ᱠᱩᱭᱞᱤᱭᱟᱜ ᱦᱟᱞᱟᱠ ᱟᱨ ᱦᱟᱨᱠᱮᱛ ᱵᱚ ᱵᱟᱰᱟᱭ ᱠᱮᱫ-ᱟ ᱾ ᱟᱭᱳᱣᱟᱜ ᱦᱟᱢᱟᱞ ᱟᱨ ᱞᱟᱹᱠᱛᱤ ᱡᱤᱣᱤ ᱡᱟᱹᱱᱤ ᱞᱟᱹᱜᱤ ᱛᱤᱱᱟᱹᱜ ᱥᱟᱹᱨᱤᱭᱟ ᱚᱱᱟ ᱫᱚ ᱠᱟᱲᱚ ᱠᱩᱭᱞᱤ ᱜᱟᱢ ᱧᱮᱪᱮᱞ ᱠᱷᱚᱱ ᱵᱚ ᱪᱮᱫ ᱠᱮᱫ-ᱟ ᱾ ᱤᱱᱟᱹᱦᱤᱞᱚᱜ ᱫᱚ ᱟᱭᱳ ᱛᱤ ᱛᱮᱭᱟᱜ ᱡᱚᱢ ᱧᱩ ᱞᱮᱠᱟᱛᱮ ᱛᱷᱩᱢ ᱵᱚ ᱟᱛᱟᱝ ᱟ ᱾
ᱜᱳ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱜᱳ ᱟᱭᱳ ᱜᱟᱹᱭ ᱟᱨ ᱰᱟᱝᱜᱽᱨᱟ ᱦᱚᱸ ᱨᱟᱱ ᱠᱚ ᱮᱢᱟ ᱠᱚᱣᱟ ᱾ ᱩᱱᱤᱭᱟᱜ ᱛᱚᱣᱟ ᱫᱟᱠᱟ ᱦᱚᱸ ᱟᱞᱚ ᱵᱟᱹᱲᱤᱡᱚᱜ ᱢᱟ ᱢᱮᱱᱛᱮ ᱩᱱᱤ ᱦᱚᱸ ᱵᱚ ᱨᱟᱱ ᱨᱚᱯᱷᱟᱭᱮᱭᱟ ᱾ ᱥᱚᱦᱨᱟᱭ ᱨᱮᱠᱚ ᱢᱮᱱᱟ ᱟᱡ ᱵᱩᱜᱤ ᱨᱮ ᱟᱵᱚ ᱵᱩᱜᱤ ᱟᱡ ᱨᱟᱹᱥᱠᱟᱹ ᱨᱮ ᱟᱵᱚ ᱨᱟᱹᱥᱠᱟ ᱾ ᱱᱩᱠᱤᱱ ᱫᱚ ᱵᱟᱱᱟᱨ ᱜᱮ ᱟᱭᱳ ᱠᱟᱱᱟ ᱠᱤᱱ ᱡᱟᱱᱟᱢ ᱟᱭᱳ ᱦᱚᱸ ᱟᱭᱳ ᱜᱮ , ᱡᱟᱹᱱᱤ ᱟᱭᱳ ᱦᱚᱸ ᱟᱭᱳ ᱜᱮ , ᱪᱮᱫᱟᱜ ᱥᱮ ᱡᱟᱱᱟᱢ ᱟᱭᱳ ᱵᱟᱝ ᱛᱟᱦᱮᱱ ᱨᱮ ᱡᱟᱹᱱᱤ ᱟᱭᱳ ᱦᱚᱸᱭ ᱦᱟᱜᱨᱟ ᱜᱮᱭᱟ ᱾ ᱚᱱᱟ ᱛᱮ ᱤᱱᱟᱹ ᱜᱚ~ ᱢᱟᱦᱟ ᱦᱤᱞᱚᱜ ᱠᱷᱚᱱ ᱜᱮ ᱜᱟᱹᱭ ᱰᱟᱝᱜᱽᱨᱟ ᱠᱟᱰᱟ ᱡᱚᱛᱚᱱ ᱫᱚ ᱵᱚ ᱮᱭᱵᱚᱵ ᱛᱮ ᱥᱚᱦᱨᱟᱭ ᱨᱮ ᱵᱚ ᱥᱟᱨᱦᱟᱣ ᱢᱩᱪᱟᱹᱫ ᱠᱚᱣᱟ ᱾
ᱜᱚ~ᱢᱟᱦᱟ ᱨᱮ ᱪᱮᱫᱟᱜ ᱵᱟᱠᱚ ᱠᱟᱹᱢᱤᱭᱟᱸ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱜᱚ~ᱢᱟᱦᱟ ᱫᱚ ᱥᱟᱱ ᱵᱚᱝᱜᱟ ᱠᱩᱱᱟᱹᱢᱤ ᱨᱮ ᱦᱩᱭᱩᱜ-ᱟ ᱾ ᱤᱱᱟᱹ ᱦᱤᱞᱚᱜ ᱫᱚ ᱦᱤᱸᱥᱠᱤᱫ ᱡᱟᱹᱱᱤ ᱢᱮᱱᱫᱚ ᱵᱤᱧ ᱠᱤᱫᱤᱧ ᱠᱚ ᱵᱟᱹᱫᱽ ᱵᱟᱹᱭᱦᱟᱹᱲ ᱵᱤᱨ ᱵᱩᱨᱩ ᱠᱚᱨᱮ ᱠᱚ ᱚᱰᱚᱠᱚᱜ-ᱟ ᱾ ᱟᱠᱚ ᱠᱚᱦᱚᱸ ᱧᱟᱯᱟᱢ ᱛᱟᱯᱟᱢ ᱠᱟᱛᱮ ᱵᱤᱥ ᱠᱚ ᱠᱚ ᱩᱞᱟᱹᱭᱟ ᱾ ᱚᱱᱟ ᱩᱞᱟᱹ ᱵᱤᱥ ᱞᱮᱵᱮᱫ ᱧᱟᱢ ᱦᱟᱛᱣᱟ ᱧᱟᱢ ᱟᱨ ᱡᱚᱢ ᱧᱩ ᱧᱟᱢ ᱟᱱ ᱠᱷᱟᱱ ᱵᱟᱹᱜᱲᱤᱡ-ᱟ ᱾ ᱚᱱᱟ ᱛᱮᱚᱲᱟᱜ ᱠᱷᱚᱱ ᱵᱟᱹᱫᱽ ᱵᱟᱹᱭᱦᱟᱹᱲ ᱵᱚᱠᱚ ᱚᱰᱚᱠᱚᱜ-ᱟ ᱾ ᱜᱟᱹᱭ ᱠᱟᱰᱟ ᱠᱚᱦᱚᱸ ᱡᱚᱢ ᱧᱟᱢ ᱟᱹᱛᱤᱧ ᱧᱟᱢ ᱠᱟᱛᱮ ᱟᱞᱚᱠᱚ ᱵᱟᱹᱲᱤᱡᱚ ᱢᱟ ᱢᱮᱱ ᱛᱮ ᱥᱚᱥᱚ ᱠᱚ ᱨᱟᱹᱥᱩᱬ ᱠᱚ , ᱨᱟᱱ ᱞᱮᱠᱟᱛᱮ ᱠᱚ ᱮᱢᱟ ᱠᱚᱣᱟ ᱾