ᱜᱟᱛᱮ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search
ᱥᱚᱨᱮᱥ ᱜᱟᱛᱮ Willie Nelson
ᱥᱚᱨᱮᱥ ᱜᱟᱛᱮ (1922) - 6

ᱜᱟᱛᱮ ᱫᱚ ᱵᱟᱨᱭᱟ ᱥᱮ ᱚᱱᱟ ᱠᱷᱚᱱ ᱵᱟᱲᱛᱤ ᱦᱚᱲ ᱛᱟᱞᱟ ᱨᱮ ᱛᱚᱯᱚᱞ ᱟᱠᱟᱱ ᱥᱟᱹᱜᱟᱹᱭ ᱵᱚᱱ ᱢᱮᱛᱟᱜ ᱠᱟᱱᱟ᱾ ᱡᱚᱠᱷᱚᱱ ᱵᱟᱱᱟᱨᱟᱜ ᱢᱚᱱᱮ ᱵᱟᱱᱟᱨ ᱦᱚᱲ ᱨᱮ ᱯᱩᱨᱟ ᱵᱷᱚᱨᱥᱟ ᱟᱨ ᱯᱟᱹᱛᱭᱟᱹᱣ ᱛᱟᱦᱮᱱᱟ, ᱛᱚᱠᱷᱚᱱ ᱚᱱᱟ ᱥᱟᱹᱜᱟᱹᱭ ᱫᱚ ᱜᱟᱛᱮ ᱠᱚ ᱢᱮᱛᱟᱜ-ᱟ, ᱜᱟᱛᱮ ᱥᱟᱹᱜᱟᱹᱭ ᱫᱚ ᱡᱟᱦᱟᱸ ᱨᱮ ᱜᱮ ᱡᱟᱹᱦᱟᱸᱭ ᱥᱟᱶ ᱜᱮ ᱦᱩᱭ ᱫᱟᱲᱮᱭᱟ-ᱟ, ᱱᱚᱶᱟ ᱫᱚ ᱢᱤᱫ ᱜᱟᱶᱛᱟ ᱞᱮᱠᱟᱛᱮ ᱥᱟᱶᱛᱟ ᱞᱮᱠᱟᱛᱮ ᱡᱚᱲᱟᱣ ᱥᱟᱹᱜᱟᱹᱭ ᱦᱩᱭ ᱫᱟᱲᱮᱭᱟ-ᱟ᱾ [᱑] ᱜᱟᱛᱮ ᱥᱟᱹᱜᱟᱹᱭ, ᱟᱯᱱᱟᱨ ᱟᱨ ᱚᱱᱟ ᱡᱟᱭᱜᱟ ᱨᱮ ᱛᱟᱦᱮᱱ, ᱩᱱᱤᱭᱟᱜ ᱥᱟᱶᱛᱟ ᱼᱢᱚᱱᱮ ᱥᱟᱬᱮᱥ ᱨᱮᱱᱟᱜ ᱥᱟᱶᱛᱟ ᱥᱟᱥᱛᱨᱚ, ᱥᱟᱶᱛᱟ ᱦᱚᱲᱟᱢ ᱥᱟᱶᱦᱮᱫ ,ᱮᱱᱮᱡ,ᱧᱮᱞ, ᱥᱟᱶᱦᱮᱫ ᱮᱢᱟᱱ ᱮᱠᱮᱰᱢᱤ ᱮᱢᱟᱱ ᱠᱚᱨᱮᱱᱟᱜ ᱠᱚ ᱥᱮᱪᱮᱫᱚᱜ ᱠᱟᱱᱟ᱾ ᱱᱚᱶᱟ ᱥᱟᱱᱟᱢ ᱞᱮᱠᱟᱛᱮ ᱠᱚ ᱥᱤᱫᱷᱟᱱᱛ ᱥᱚᱫᱚᱨ ᱟᱠᱟᱫᱟ᱾ ᱡᱮᱞᱮᱠᱟ ᱥᱟᱶᱛᱟ ᱧᱤᱱᱤᱢᱚᱭ ᱥᱤᱫᱷᱟᱱᱛ,ᱥᱟᱡᱭᱚ ᱥᱤᱫᱷᱟᱱᱛ, ᱥᱟᱹᱜᱟᱹᱭ ᱥᱤᱫᱷᱟᱱᱛ, ᱮᱢᱟᱱ ᱫᱤᱥᱚᱢ ᱫᱩᱱᱤᱭᱟᱹ ᱨᱮ ᱠᱩᱥᱤᱭᱟᱜ ᱰᱟᱴᱟ ᱵᱮᱥ ᱠᱷᱚᱱ ᱠᱚ ᱧᱟᱢ ᱥᱚᱫᱚᱨ ᱟᱠᱟᱫᱟ ᱢᱮ ᱥᱩᱨ ᱥᱩᱯᱩᱨ ᱥᱟᱶ ᱥᱟᱹᱜᱟᱹᱭ ᱫᱚᱦᱚ ᱟᱹᱱ ᱦᱚᱲ ᱜᱮ ᱟᱹᱰᱤ ᱠᱩᱥᱤ ᱨᱟᱥᱠᱟᱹ ᱛᱟᱦᱮᱱ ᱠᱚ ᱟᱹᱭᱠᱟᱹᱣᱮᱫᱟ᱾ [᱒]

ᱜᱟᱛᱮ ᱨᱮᱱᱟᱜ ᱟᱭᱢᱟ ᱨᱩᱯ ᱢᱮᱱᱟᱭ-ᱟ᱾ ᱱᱚᱶᱟ ᱠᱚ ᱨᱩᱯ ᱛᱮ ᱫᱤᱥᱚᱢ ᱫᱩᱱᱤᱭᱟᱹ ᱨᱮ ᱡᱩᱫᱟᱹ-ᱡᱩᱫᱟᱹ ᱢᱮᱱᱟᱜ-ᱟ᱾ ᱢᱮᱱᱠᱷᱟᱱ ᱟᱫᱷᱟᱱ ᱦᱚᱲ ᱠᱷᱟᱥ ᱠᱟᱨᱚᱱ ᱞᱮᱠᱟᱛᱮ ᱜᱟᱛᱮ ᱠᱚ ᱧᱟᱢᱚᱜ ᱠᱟᱱᱟ᱾ ᱡᱮᱞᱮᱠᱟ ᱥᱟᱥᱚᱞᱛᱤ, ᱥᱟᱶᱮᱫᱱᱚ, ᱢᱚᱱ ᱠᱩᱥᱤᱭᱟᱜ, ᱱᱟᱯᱟᱭ ᱠᱟᱹᱢᱤ ᱧᱮᱞᱛᱮ, ᱵᱤᱨᱫᱟᱨ ᱧᱮᱞᱛᱮ,ᱫᱟᱭᱟ, ᱤᱠᱟᱹᱣᱟᱜ, ᱵᱟᱨ ᱦᱚᱲ ᱛᱟᱞᱟ ᱨᱮ ᱵᱩᱡᱷᱟᱹᱣ, ᱵᱷᱚᱨᱥᱟ ᱥᱩᱠᱷ ᱨᱮ ᱥᱟᱶ, ᱢᱤᱫ ᱞᱮᱠᱟᱛᱮ ᱫᱟᱲᱮᱭᱟ ᱟᱱ, ᱵᱩᱜᱤ-ᱵᱟᱹᱲᱤᱡ ᱨᱮ ᱥᱟᱶ ᱮᱢᱟᱱ᱾ ᱢᱮᱱᱠᱷᱟᱱ ᱚᱠᱚᱭ ᱦᱚᱲ ᱥᱟᱶ ᱚᱠᱟᱞᱮᱠᱟᱱ ᱦᱚᱲ ᱥᱟᱶ ᱜᱟᱛᱮᱢ ᱵᱮᱱᱟᱣ ᱫᱟᱲᱮᱭᱟᱜ-ᱟ ᱱᱚᱶᱟ ᱨᱮᱱᱟᱜ ᱪᱮᱫ ᱦᱚᱸ ᱵᱮᱵᱷᱟᱨᱤᱭᱟ ᱥᱤᱢᱟ ᱫᱚ ᱵᱟᱹᱱᱩᱜ-ᱟ ᱡᱟᱦᱟᱸ ᱨᱮ ᱜᱮ ᱩᱱᱤᱭᱟᱜ ᱛᱟᱦᱮᱱ ᱡᱟᱜᱟ, ᱠᱟᱨᱚᱵᱟᱨ, ᱦᱤᱛ ᱟᱨ ᱤᱪᱷᱟ ᱥᱚᱢᱟᱱ ᱛᱟᱦᱮᱱᱟ᱾ ᱩᱱᱤᱭᱟᱜ ᱥᱟᱹᱜᱟᱹᱭ ᱫᱚ ᱢᱤᱫ ᱡᱟᱜᱟ ᱠᱷᱚᱱ ᱡᱟᱲᱟᱣ ᱛᱟᱦᱮᱱ ᱛᱟᱭᱟ᱾

ᱜᱟᱛᱮᱭᱟᱜ ᱟᱺᱜᱤᱵᱷᱟᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱤᱫ ᱜᱟᱛᱮ ᱨᱮᱱᱟᱜ ᱢᱮᱱ ᱫᱚ ᱱᱚᱶᱟ ᱫᱚ ᱵᱟᱝ ᱡᱮ ᱟᱢ ᱡᱟᱦᱟᱸᱭᱟᱜ ᱢᱟᱡᱟᱠ, ᱜᱟᱞᱢᱟᱨᱟᱣ, ᱢᱤᱫ ᱪᱚᱭ ᱨᱮᱱᱟᱜ ᱠᱚᱯ ᱥᱮ ᱢᱤᱫ ᱞᱟᱸᱫᱟ ᱠᱤᱥᱥᱟ ᱠᱟᱹᱦᱱᱤ ᱨᱮᱱᱤᱡ ᱦᱤᱥᱥᱟᱭ ᱵᱟᱱᱟᱜ᱾ ᱢᱮᱱᱠᱷᱟᱱ ᱱᱚᱶᱟ ᱨᱮᱱᱟᱜ ᱢᱟᱱᱮ ᱫᱚ ᱦᱩᱭᱩᱜ ᱠᱟᱱᱟ ᱟᱯᱱᱟᱨ ᱥᱟᱹᱨᱤ ᱥᱚᱨᱮᱥ ᱟᱨ ᱤᱢᱚᱱᱫᱚᱨ ᱦᱤᱥᱥᱟᱭ ᱦᱩᱭᱩᱜ᱾ ᱜᱟᱛᱮ ᱫᱚ ᱟᱭᱥᱟ ᱛᱟᱭᱥᱟ ᱫᱚ ᱵᱟᱝ ᱦᱩᱭᱩᱜ ᱠᱟᱱᱟ, ᱢᱮᱱᱠᱷᱟᱱ ᱢᱤᱫ ᱢᱟᱨᱟᱝ ᱜᱟᱷᱨᱚᱸᱡ ᱦᱚᱸ ᱠᱟᱱᱟ ᱡᱟᱦᱟᱸ ᱫᱚ ᱵᱟᱱᱟᱨᱟᱜ ᱯᱟᱦᱴᱟ ᱠᱷᱚᱱ ᱛᱚᱞ ᱛᱚᱯᱚᱞ ᱛᱟᱦᱮᱱᱟ᱾ ᱜᱟᱛᱮᱭᱟᱜ ᱠᱟᱹᱢᱤ ᱱᱚᱸᱠᱟ ᱞᱟᱹᱭ ᱟᱠᱟᱱᱟ ᱺ ᱢᱟᱨᱟᱝ ᱟᱨ ᱢᱟᱦᱟᱱ ᱠᱟᱹᱢᱤ ᱨᱮ ᱟᱱᱮᱠᱟᱨᱮ ᱜᱚᱲᱚ ᱮᱢᱚᱜ, ᱢᱚᱱᱮ ᱞᱟᱦᱟᱭ ᱟᱨ ᱥᱟᱦᱟᱥ ᱫᱟᱲᱮ ᱮᱢᱟᱭ ᱡᱮ ᱟᱢ ᱱᱤᱡᱮᱨᱟᱜ ᱠᱟᱹᱢᱤ ᱠᱷᱚᱱ ᱵᱟᱦᱨᱮᱭᱟᱜ ᱠᱟᱹᱢᱤ ᱦᱚᱢ ᱫᱟᱲᱮᱭᱟᱜ-ᱟ ᱾ [᱓]

ᱜᱟᱛᱮᱭᱟᱜ ᱵᱟᱪᱷᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱦᱤᱸᱫᱤ ᱨᱮ ᱟᱞᱚᱪᱟᱠ ᱨᱟᱢ ᱪᱟᱸᱫᱨᱚ ᱥᱷᱩᱠᱞᱚ ᱜᱟᱛᱮ ᱵᱟᱪᱷᱟᱣ ᱨᱮᱱᱟᱜ ᱠᱟᱹᱢᱤ ᱥᱟᱶᱛᱮ ᱞᱟᱹᱭ ᱟᱠᱟᱫᱟᱭ ᱡᱮ- " ᱟᱢ ᱫᱚ ᱩᱱᱠᱟᱱᱤᱡ ᱜᱟᱛᱮ ᱜᱮ ᱠᱷᱚᱡᱮ ᱢᱮ ᱡᱟᱦᱟᱸᱭ ᱟᱢ ᱠᱷᱚᱱ ᱟᱛᱢᱚ ᱵᱟᱞ ᱢᱮᱱᱟᱭᱟ᱾ ᱟᱯᱱᱟᱨ ᱩᱱᱤᱭᱟᱜ ᱯᱟᱞᱟ ᱩᱱᱠᱟ ᱥᱟᱶ ᱢᱮ ᱡᱮ ᱞᱣᱠᱟ ᱥᱩᱜᱨᱤᱣ ᱨᱟᱢᱟᱜ ᱯᱟᱞᱞᱟ ᱨᱮ ᱛᱟᱦᱮᱞᱮᱱᱟᱭ᱾ ᱜᱟᱛᱮ ᱠᱟᱱᱟᱭ ᱠᱷᱟᱱ ᱯᱨᱚᱭᱤᱥ ᱟᱨ ᱚᱱᱛᱚᱨ ᱵᱷᱚᱨᱥᱟ ᱛᱟᱦᱮᱱ ᱢᱟ᱾ ᱯᱟᱹᱛᱭᱟᱹᱣ ᱫᱚᱦᱚ ᱫᱟᱲᱮᱭᱟ-ᱟ ᱡᱮ ᱪᱮᱫ ᱞᱮᱠᱟᱛᱮ ᱨᱮ ᱦᱚᱸ ᱫᱷᱚᱠᱷᱟ ᱵᱟᱝ ᱮᱢᱚᱜ-ᱟ᱾" [᱔]

ᱥᱟ.ᱠᱷᱭᱟ.ᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. "Definition for friend". Oxford Dictionaries. Oxford Dictionary Press. Retrieved 21 ᱟᱜᱚᱥᱴ 2016. 
  2. "Can we make ourselves happier?". BBC News. 1 ᱡᱩᱞᱟᱭ 2013. 
  3. ᱨᱟᱢᱪᱚᱸᱫᱽᱨᱚ ᱥᱩᱠᱞᱚ- ᱪᱤᱱᱛᱟᱢᱚᱬᱤ
  4. ᱨᱟᱢᱪᱚᱸᱫᱽᱨᱚ ᱥᱩᱠᱞᱚ- ᱪᱤᱱᱛᱟᱢᱚᱬᱤ

ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱜᱟᱛᱮ ᱥᱟᱹᱜᱟᱹᱭ ᱨᱮᱱᱟᱜ ᱱᱟᱜᱟᱢ ᱟᱨ ᱗ ᱥᱚᱨᱮᱥ ᱠᱟᱹᱦᱱᱤ