ᱜᱟᱥᱟ

ᱜᱟᱥᱟ (Gasa)
ᱜᱟᱥᱟ (Gasa)
ᱱᱟᱜᱟᱨ
	ᱦᱟᱭᱞᱮᱱᱰᱟᱨ ᱨᱮᱱᱟᱜ ᱧᱮᱞ ᱦᱟᱭᱞᱮᱱᱰᱟᱨ ᱨᱮᱱᱟᱜ ᱧᱮᱞ
	ᱜᱟᱥᱟ (Gasa)
	Coordinates: 27°55′N 89°41′E / 27.917°N 89.683°ECoordinates: 27°55′N 89°41′E / 27.917°N 89.683°E
ᱫᱤᱥᱚᱢ	ᱵᱷᱩᱴᱟᱱ
ᱦᱚᱱᱚᱛ	ᱜᱟᱥᱟ ᱦᱚᱱᱚᱛ
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ	(᱒᱐᱐᱕)
• ᱞᱮᱠᱷᱟᱜᱩᱴ	᱓᱑᱑᱖
	BTT (ᱭᱩᱴᱤᱥᱤ+᱖)
ᱣᱮᱵᱽᱥᱟᱭᱤᱴ	www.google.com/search?q=http%3A%2F%2Fwww.gasadzongkhag.gov.bt%2F

ᱜᱟᱥᱟ (English: Gasa) ᱫᱚ ᱵᱷᱩᱴᱟᱱ ᱨᱮᱱᱟᱜ ᱠᱚᱧᱮ-ᱯᱟᱪᱮ ᱨᱮ ᱢᱮᱱᱟᱜ ᱜᱟᱥᱟ ᱦᱚᱱᱚᱛ ᱨᱮᱱᱟᱜ ᱜᱟᱥᱟ ᱡᱚᱝ ᱥᱩᱨ ᱨᱮ ᱢᱮᱱᱟᱜ ᱢᱤᱫ ᱱᱟᱜᱟᱨ ᱠᱟᱱᱟ᱾^[᱑] ᱒᱐᱐᱕ ᱥᱮᱨᱢᱟ ᱨᱮᱱᱟᱜ ᱦᱚᱲ ᱞᱮᱠᱷᱟ ᱞᱮᱠᱟᱛᱮ, ᱱᱚᱸᱰᱮᱱᱟᱜ ᱦᱚᱲ ᱮᱞ ᱫᱚ ᱓,᱑᱑᱖ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ᱾^[᱒] ᱵᱷᱩᱴᱟᱱ ᱨᱮᱱᱟᱜ ᱵᱟᱨ ᱜᱮᱞ ᱜᱚᱴᱟᱝ ᱡᱚᱝᱠᱷᱟᱜᱽ (ᱦᱚᱱᱚᱛ) ᱠᱚ ᱢᱩᱫᱽ ᱨᱮ ᱢᱤᱫᱴᱟᱝ, ᱜᱟᱥᱟ ᱫᱚ ᱛᱤᱵᱵᱚᱛ ᱥᱤᱢᱟᱹ ᱨᱮ ᱢᱮᱱᱟᱜ ᱢᱤᱫ ᱢᱩᱠᱷᱭᱟᱹ ᱠᱚᱧᱮ ᱡᱚᱝᱠᱷᱟᱜᱽ ᱠᱟᱱᱟ᱾ ᱱᱚᱶᱟ ᱴᱷᱟᱶ ᱫᱚ ᱩᱜᱽᱭᱮᱱ ᱜᱩᱨᱩ ᱨᱤᱱᱯᱚᱪᱮ ᱦᱚᱛᱮᱛᱮ ᱟᱹᱥᱤᱨᱵᱟᱫᱽ ᱮᱢ ᱟᱠᱟᱱᱟ ᱟᱨ ᱩᱱᱤ ᱫᱚ ᱱᱚᱸᱰᱮᱭ ᱦᱮᱡ ᱞᱮᱱᱟ᱾ ᱜᱟᱥᱟ ᱫᱚ ᱚᱱᱟ ᱨᱮᱱᱟᱜ ᱞᱚᱞᱚ ᱡᱷᱟᱨᱱᱟ, ᱡᱚᱝ, ᱥᱱᱳᱢᱮᱱ ᱴᱨᱮᱠ ᱟᱨ ᱨᱚᱭᱮᱞ ᱦᱟᱭᱞᱮᱱᱰᱟᱨ ᱯᱚᱨᱚᱵᱽ ᱞᱟᱹᱜᱤᱫ ᱛᱮ ᱵᱟᱰᱟᱭᱚᱜᱼᱟ᱾

ᱜᱟᱥᱟ ᱡᱚᱝ

ᱜᱟᱥᱟ ᱡᱚᱝ ᱫᱚ ᱑᱗ ᱟᱨ ᱑᱘ ᱟᱱᱟᱜ ᱥᱟᱭ ᱥᱮᱨᱢᱟ ᱚᱠᱛᱚ ᱨᱮ ᱛᱤᱵᱵᱚᱛᱤᱭᱟᱹ ᱠᱚ ᱪᱮᱛᱟᱱ ᱨᱮ ᱡᱤᱛᱠᱟᱹᱨ ᱨᱮᱱᱟᱜ ᱪᱤᱱᱦᱟᱹ ᱞᱮᱠᱟᱛᱮ ᱟᱨ ᱫᱤᱥᱚᱢ ᱫᱚ ᱵᱟᱦᱨᱮ ᱨᱮᱱ ᱟᱠᱨᱚᱢᱚᱱᱠᱟᱨᱤ ᱠᱷᱚᱱ ᱨᱩᱠᱷᱤᱭᱟᱹ ᱫᱚᱦᱚᱭ ᱞᱟᱹᱜᱤᱫ ᱵᱮᱱᱟᱣ ᱞᱮᱱᱟ᱾ ᱒᱘᱐᱐ ᱢᱤᱴᱚᱨ ᱩᱥᱩᱞ ᱨᱮ ᱢᱮᱱᱟᱜ, ᱱᱚᱶᱟ ᱡᱚᱝ ᱫᱚ ᱑᱖᱔᱐ ᱜᱮᱞ ᱟᱱᱟᱜ ᱥᱮᱨᱢᱟ ᱨᱮ ᱡᱷᱟᱵᱽᱰᱨᱩᱝ ᱱᱟᱢᱜᱭᱟᱞ ᱦᱚᱛᱮᱛᱮ ᱛᱤᱵᱵᱚᱛᱤ ᱥᱟᱹᱫᱷᱩ ᱛᱮᱨᱠᱷᱩᱝᱯᱟ ᱫᱷᱮᱭᱟᱱ ᱮᱫ ᱛᱟᱦᱮᱸᱫ ᱜᱚᱦᱟ ᱪᱮᱛᱟᱱ ᱨᱮ ᱵᱮᱱᱟᱣ ᱟᱠᱟᱱᱟ ᱢᱮᱱᱛᱮ ᱠᱚ ᱞᱟᱹᱭᱟ᱾ ᱜᱟᱥᱟ ᱡᱚᱝ ᱫᱚ ᱑᱗ ᱟᱱᱟᱜ ᱥᱟᱭ ᱥᱮᱨᱢᱟ ᱨᱮ ᱢᱤᱫ ᱫᱟᱱᱟᱝ ᱠᱮᱢᱯ ᱞᱮᱠᱟᱛᱮ ᱠᱟᱹᱢᱤ ᱞᱮᱫᱼᱟ, ᱟᱨ ᱦᱚᱱᱚᱛ ᱨᱮᱱ ᱨᱩᱠᱷᱤᱭᱟᱹ ᱵᱚᱸᱜᱟ ᱛᱟᱥᱤ ᱛᱷᱚᱝᱢᱚᱱ ᱧᱩᱛᱩᱢ ᱛᱮ ᱱᱚᱶᱟ ᱨᱮᱱᱟᱜ ᱧᱩᱛᱩᱢ ᱫᱚᱦᱚ ᱞᱮᱱᱟ᱾ ᱱᱚᱶᱟ ᱠᱤᱞᱟ ᱫᱚ ᱢᱤᱫ ᱜᱩᱞᱟᱹᱴ ᱵᱮᱱᱟᱣ ᱟᱨ ᱯᱮᱭᱟ ᱧᱮᱞ ᱴᱟᱣᱟᱨ ᱥᱟᱶ ᱵᱷᱮᱜᱟᱨ ᱜᱮᱭᱟ ᱡᱟᱦᱟᱸ ᱫᱚ ᱟᱹᱰᱤ ᱢᱩᱠᱷᱭᱟᱹ ᱡᱟᱭᱜᱟ ᱨᱮ ᱢᱮᱱᱟᱜᱼᱟ᱾^[᱓]

ᱦᱟᱭᱞᱮᱱᱰᱟᱨ

ᱵᱷᱩᱴᱟᱱ ᱨᱮ, ᱩᱥᱩᱞ ᱫᱤᱥᱚᱢ ᱨᱮᱱ ᱜᱩᱯᱤ ᱠᱚᱣᱟᱜ ᱡᱤᱭᱚᱱ ᱨᱮᱱᱟᱜ ᱛᱟᱞᱢᱟ ᱨᱮ ᱡᱤᱭᱚᱱ ᱨᱮᱱᱟᱜ ᱵᱟᱨᱭᱟ ᱢᱩᱠᱷᱭᱟᱹ ᱦᱟᱹᱴᱤᱧ ᱢᱮᱱᱟᱜᱼᱟ - ᱤᱭᱟᱠ (ᱪᱟᱹᱢᱨᱤ ᱜᱟᱹᱭ) ᱟᱨ ᱵᱩᱨᱩ᱾ ᱡᱚᱛᱚ ᱞᱮᱠᱟᱱ ᱢᱩᱠᱷᱭᱟᱹ ᱡᱤᱱᱤᱥ ᱠᱚᱫᱚ ᱱᱚᱶᱟ ᱵᱟᱨᱭᱟ ᱡᱤᱱᱤᱥ ᱪᱮᱛᱟᱱ ᱨᱮᱜᱮ ᱴᱮᱦᱟᱸᱰ ᱟᱠᱟᱱᱟ, ᱡᱟᱦᱟᱸ ᱫᱚ ᱡᱤᱭᱚᱱ ᱥᱚᱢᱵᱷᱚᱵᱽ ᱟᱨ ᱞᱟᱵᱷᱫᱟᱭᱚᱠ ᱮ ᱵᱮᱱᱟᱣᱟ᱾ ᱡᱟᱦᱟᱸ ᱨᱮ ᱦᱚᱭ-ᱦᱤᱥᱤᱫ ᱟᱨ ᱦᱟᱥᱟ ᱨᱮᱱᱟᱜ ᱚᱵᱚᱥᱛᱟ ᱠᱷᱟᱹᱛᱤᱨ ᱠᱷᱮᱛᱤ ᱵᱟᱹᱲᱤ ᱵᱟᱝ ᱜᱟᱱᱚᱜᱼᱟ, ᱚᱸᱰᱮ ᱩᱥᱩᱞ ᱫᱤᱥᱚᱢ ᱨᱮᱱ ᱜᱩᱯᱤ ᱠᱚ ᱨᱟᱵᱟᱝ ᱫᱤᱱ ᱨᱮ ᱟᱠᱚ ᱨᱮᱱ ᱤᱭᱟᱠ ᱟᱨ ᱥᱟᱫᱚᱢ ᱥᱟᱶ ᱞᱟᱛᱟᱨ ᱨᱮᱱᱟᱜ ᱜᱩᱯᱤ ᱴᱟᱺᱰᱤ ᱛᱮᱠᱚ ᱟᱬᱜᱚ ᱦᱤᱡᱩᱜᱼᱟ᱾ ᱩᱱᱠᱩ ᱫᱚ ᱥᱤᱛᱩᱝ ᱫᱤᱱ ᱨᱮ ᱥᱩᱢᱩᱝ ᱩᱥᱩᱞ ᱫᱤᱥᱚᱢ ᱛᱮᱠᱚ ᱨᱩᱣᱟᱹᱲ ᱪᱟᱞᱟᱜᱼᱟ᱾

ᱥᱟᱹᱠᱷᱭᱟᱹᱛ

↑ "NGA GeoName Database". National Geospatial-Intelligence Agency. Archived from the original on 2008-06-08. Retrieved 2008-07-03.
↑ "Fact sheet: Population and Housing Census of Bhutan 2005" (PDF). Archived from the original (PDF) on 2011-07-06. Retrieved 2011-05-18.
↑ Bstan-vdzin-rnam-rgyal (2008). Bstan-vdzin-rnam-rgyal (ed.). Dzongs of Bhutan: fortresses of the Dragon kingdom (2. ed. ed.). Thimphu: Bhutan Times. ISBN 978-99936-705-2-0. {{cite book}}: |edition= has extra text (help)

ᱵᱟᱨᱦᱮ ᱡᱚᱱᱚᱲ

Satellite map at Maplandia.com

[NGA-1] "NGA GeoName Database". National Geospatial-Intelligence Agency. Archived from the original on 2008-06-08. Retrieved 2008-07-03.

[Census2005-2] "Fact sheet: Population and Housing Census of Bhutan 2005" (PDF). Archived from the original (PDF) on 2011-07-06. Retrieved 2011-05-18.

[Dzongs-3] Bstan-vdzin-rnam-rgyal (2008). Bstan-vdzin-rnam-rgyal (ed.). Dzongs of Bhutan: fortresses of the Dragon kingdom (2. ed. ed.). Thimphu: Bhutan Times. ISBN 978-99936-705-2-0. {{cite book}}: |edition= has extra text (help)

[᱑]

[᱒]

[᱓]