ᱜᱟᱨᱜᱤ ᱜᱩᱯᱛᱟ
ᱜᱟᱨᱜᱤ ᱜᱩᱯᱛᱟ ᱫᱚ ᱵᱷᱚᱭᱮᱥ ᱚᱯᱷ ᱣᱟᱨᱞᱰ (ᱮᱱ.ᱡᱤ.ᱳ.) ᱨᱮᱱᱤᱡ ᱯᱷᱟᱣᱩᱱᱰᱟᱨ ᱟᱨ ᱥᱮᱠᱨᱮᱴᱟᱨᱤ ᱠᱟᱱᱟᱭ, ᱱᱚᱣᱟ ᱫᱚ ᱥᱟᱢᱟᱝ ᱵᱷᱟᱨᱚᱛ ᱨᱮ ᱵᱷᱤᱡᱩᱣᱟᱞᱤ ᱤᱢᱯᱮᱭᱟᱨᱰ, ᱰᱤᱥᱮᱵᱮᱞᱰ ᱟᱨ ᱚᱨᱯᱷᱮᱱᱰ ᱜᱤᱫᱽᱨᱟᱹ ᱠᱚ ᱞᱟᱹᱜᱤᱫ ᱢᱤᱫ ᱢᱚᱞᱴᱤ-ᱭᱩᱱᱤᱴ ᱱᱚᱱ-ᱯᱨᱚᱯᱷᱤᱴ ᱚᱨᱜᱟᱱᱟᱭᱡᱮᱥᱚᱱ ᱠᱟᱱᱟ, ᱡᱟᱦᱟᱸ ᱨᱮᱱᱟᱜ ᱦᱮᱰᱠᱩᱣᱟᱴᱟᱨ ᱫᱚ ᱠᱚᱞᱠᱟᱛᱟ, ᱵᱷᱟᱨᱚᱛ ᱨᱮ ᱢᱮᱱᱟᱜᱼᱟ᱾
ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱜᱩᱯᱛᱟ ᱫᱚ ᱯᱟᱪᱮ ᱵᱟᱝᱞᱟ ᱨᱮ ᱡᱟᱱᱟᱢ ᱞᱮᱱᱟᱭ᱾ ᱩᱱᱤ ᱫᱚ ᱠᱚᱞᱠᱟᱛᱟ ᱨᱮ ᱟᱡᱟᱜ ᱟᱥᱲᱟ ᱥᱮᱪᱮᱫ ᱮ ᱯᱩᱨᱟᱹᱣ ᱠᱮᱫᱼᱟ ᱟᱨ ᱵᱷᱟᱨᱚᱛᱤᱭᱚ ᱨᱮᱞᱣᱮ ᱨᱮ ᱥᱮᱞᱮᱫ ᱮᱱᱟᱭ᱾ ᱥᱚᱦᱚᱨ ᱨᱤᱱ ᱰᱟᱦᱟᱨ ᱜᱤᱫᱽᱨᱟᱹ ᱠᱚ ᱫᱚ ᱟᱡ ᱨᱤᱱ ᱟᱭᱳ ᱵᱟᱵᱟ ᱠᱤᱱ ᱵᱚᱸᱜᱟ ᱛᱟᱞᱟ ᱮᱱ ᱛᱟᱭᱚᱢ ᱨᱮᱸᱜᱮᱡ ᱦᱚᱲ ᱠᱚᱣᱟᱜ ᱦᱟᱞᱚᱛ ᱨᱮᱱᱟᱜ ᱯᱩᱭᱞᱩ ᱩᱯᱨᱩᱢ ᱠᱟᱱ ᱛᱟᱦᱮᱸᱫ᱾
ᱜᱩᱯᱛᱟ ᱫᱚ ᱠᱚᱞᱠᱟᱛᱟ ᱨᱮᱱᱟᱜ ᱠᱚᱸᱭᱮ ᱨᱮ ᱟᱡ ᱵᱟᱵᱟᱣᱟᱜ ᱠᱤᱨᱟᱹᱭᱟᱹ ᱚᱲᱟᱜ ᱨᱮ ᱛᱩᱨᱩᱭ ᱜᱚᱴᱟᱝ ᱜᱤᱫᱽᱨᱟᱹ ᱠᱚ ᱥᱟᱶ ᱟᱡᱟᱜ ᱠᱟᱹᱢᱤ ᱮᱦᱚᱵ ᱠᱮᱫᱟ᱾ ᱒᱐᱑᱘ ᱨᱮ ᱠᱟᱹᱭᱫᱤ ᱠᱚᱣᱟᱜ ᱮᱞ ᱓᱐᱐ ᱛᱟᱦᱮᱸ ᱠᱟᱱᱟ᱾ ᱱᱚᱣᱟ ᱫᱚ ᱱᱚᱝᱠᱟᱱ ᱱᱤᱡᱮ ᱛᱮ ᱪᱟᱞᱟᱜ ᱠᱟᱱ ᱛᱟᱞᱢᱟ ᱠᱟᱱᱟ᱾ ᱵᱷᱚᱭᱮᱥ ᱚᱯᱷ ᱣᱟᱨᱞᱰ ᱫᱚ ᱑᱙᱙᱘ ᱨᱮ ᱯᱨᱚᱵᱤᱨ ᱜᱩᱯᱛᱟ ᱟᱜ ᱮᱴᱟᱜ ᱚᱲᱟᱜ ᱨᱮ ᱟᱡᱟᱜ ᱠᱚᱞᱠᱟᱛᱟ ᱛᱟᱞᱢᱟ ᱮᱛᱚᱦᱚᱵ ᱠᱮᱫᱟ᱾ ᱚᱸᱰᱮ ᱜᱮ ᱨᱮᱥᱤᱰᱮᱱᱥᱤᱭᱟᱞ ᱠᱤᱸᱰᱟᱨᱜᱟᱨᱴᱮᱱ ᱟᱥᱲᱟ, ᱵᱨᱮᱞ ᱯᱨᱮᱥ ᱟᱨ ᱞᱟᱭᱵᱨᱮᱨᱤ ᱫᱚ ᱢᱮᱱᱟᱜᱼᱟ᱾
ᱟᱡᱟᱜ ᱥᱮᱵᱟ ᱠᱚ ᱵᱟᱰᱟᱭ ᱠᱷᱟᱹᱛᱤᱨ, ᱵᱷᱟᱨᱚᱛᱤᱭᱚ ᱫᱤᱥᱚᱢ ᱜᱚᱢᱠᱮ ᱨᱟᱢᱱᱟᱛᱷ ᱠᱳᱵᱤᱸᱫᱽ ᱫᱚ ᱘ ᱢᱟᱨᱪ ᱒᱐᱑᱘ ᱨᱮ ᱜᱩᱯᱛᱟ ᱫᱚ ᱱᱟᱨᱤ ᱥᱟᱠᱛᱤ (ᱠᱩᱲᱤ ᱫᱟᱲᱮ) ᱥᱤᱨᱯᱷᱟᱹ ᱛᱮ ᱠᱤᱱ ᱢᱟᱹᱱ ᱠᱮᱫᱮᱭᱟ᱾
ᱫᱟᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱷᱚᱭᱮᱥ ᱚᱯᱷ ᱣᱟᱨᱞᱰ ᱨᱤᱱ ᱠᱟᱹᱭᱫᱤ ᱠᱚ ᱫᱚ ᱚᱨᱯᱷᱮᱱ ᱠᱟᱱᱟ ᱠᱚ ᱟᱨ ᱵᱟᱝᱠᱷᱟᱱ ᱟᱱᱰᱟᱨ-ᱯᱨᱤᱵᱷᱤᱞᱮᱡᱽᱰ ᱜᱷᱟᱨᱚᱸᱡᱽ ᱠᱷᱚᱱ ᱠᱟᱱᱟ ᱠᱚ᱾ ᱩᱱᱠᱩᱣᱟᱜ ᱯᱷᱨᱤ ᱥᱮᱪᱮᱫ ᱥᱟᱶᱛᱮ ᱩᱱᱠᱩ ᱫᱚ ᱢᱟᱣᱩᱱᱴᱮᱱᱤᱭᱟᱨᱤᱝ ᱟᱨ ᱴᱨᱮᱠᱤᱝ ᱥᱟᱶᱛᱮ ᱟᱭᱢᱟ ᱠᱷᱮᱞᱚᱸᱰ ᱠᱚ ᱦᱚᱸ ᱠᱚ ᱟᱹᱭᱠᱟᱹᱣᱟ᱾ ᱒᱐᱑᱘ ᱨᱮ ᱩᱱᱤ ᱫᱚ ᱰᱤᱥᱮᱵᱮᱞᱰ ᱠᱟᱹᱭᱫᱤ ᱠᱚ ᱞᱟᱹᱜᱤᱫ ᱠᱳᱥᱴᱟᱞ ᱴᱨᱮᱠ ᱮ ᱮᱛᱚᱦᱚᱵ ᱠᱮᱫᱟ᱾ ᱠᱟᱹᱭᱫᱤ ᱠᱚᱣᱟᱜ ᱥᱮᱪᱮᱫ ᱯᱩᱨᱟᱹᱣ ᱠᱟᱛᱮᱫ, ᱩᱱᱤ ᱟᱨ ᱩᱱᱤᱭᱟᱜ ᱮᱱ.ᱡᱤ.ᱳ. ᱫᱚ ᱠᱟᱹᱭᱫᱤ ᱠᱚᱣᱟᱜ ᱨᱤᱦᱮᱵᱤᱞᱤᱴᱮᱥᱚᱱ ᱨᱮᱱᱟᱜ ᱠᱚ ᱧᱮᱞ ᱡᱚᱛᱚᱱᱟ, ᱵᱤᱥᱮᱥ ᱠᱟᱛᱮᱫ ᱵᱷᱤᱡᱩᱣᱟᱞᱤ ᱰᱤᱥᱮᱵᱮᱞᱰ ᱠᱩᱲᱤ ᱜᱤᱫᱽᱨᱟᱹ ᱠᱚᱣᱟᱜ᱾