ᱜᱟᱭᱟᱛᱨᱤ ᱜᱳᱵᱤᱱᱫᱷᱚᱨᱟᱡᱽ
ᱜᱟᱭᱟᱛᱨᱤ ᱜᱳᱵᱤᱱᱫᱷᱚᱨᱟᱡᱽ (ᱡᱟᱱᱟᱢ ᱒᱗ ᱮᱯᱨᱤᱞ ᱑᱙᱙᱑) ᱫᱚ ᱢᱤᱫ ᱵᱷᱟᱨᱚᱛᱤᱭᱚ ᱠᱷᱮᱞᱚᱸᱰᱤᱭᱟᱹ ᱠᱟᱱᱟᱭ, ᱡᱟᱦᱟᱸᱭ ᱫᱚ ᱑᱐᱐ ᱢᱤᱴᱚᱨ ᱦᱟᱨᱰᱚᱞᱥ ᱟᱨ ᱴᱨᱤᱯᱚᱞ ᱡᱚᱢᱯ ᱤᱵᱷᱮᱱᱴ ᱨᱮ ᱠᱚᱢᱯᱤᱴᱤᱥᱚᱱ ᱮ ᱠᱚᱨᱟᱣᱟ᱾ ᱩᱱᱤ ᱫᱚ ᱚᱞᱤᱢᱯᱤᱠ ᱜᱳᱞᱰ ᱠᱣᱮᱥᱴ ᱦᱚᱛᱮᱛᱮ ᱥᱚᱯᱚᱨᱴ ᱮ ᱧᱟᱢ ᱟᱠᱟᱫᱟ, ᱱᱚᱣᱟ ᱫᱚ ᱢᱤᱫ ᱱᱚᱱ-ᱯᱨᱚᱯᱷᱤᱴ ᱯᱷᱟᱣᱩᱱᱰᱮᱥᱚᱱ ᱠᱟᱱᱟ, ᱡᱟᱦᱟᱸ ᱫᱚ ᱵᱷᱟᱨᱚᱛᱤᱭᱚ ᱠᱷᱮᱞᱚᱸᱰᱤᱭᱟᱹ ᱠᱚ ᱪᱤᱱᱦᱟᱹᱣ ᱠᱟᱛᱮᱫ ᱥᱚᱦᱚᱫ ᱮ ᱮᱢᱟᱠᱚᱣᱟ᱾ ᱩᱱᱤ ᱫᱚ ᱵᱷᱟᱨᱚᱛᱤᱭᱚ ᱤᱱᱠᱚᱢ ᱴᱮᱠᱥ ᱰᱤᱯᱟᱨᱴᱢᱮᱱᱴ ᱥᱟᱶ ᱮ ᱠᱟᱹᱢᱤᱭᱟ᱾ ᱩᱱᱤ ᱫᱚ ᱰᱤ.ᱮᱢ.ᱠᱮ. ᱠᱟᱰᱨᱮᱥ ᱠᱚ ᱦᱚᱛᱮᱛᱮ ᱠᱚ ᱫᱟᱞ ᱠᱮᱫᱮᱭᱟ ᱟᱨ ᱩᱱᱤᱭᱟᱜ ᱜᱟᱹᱰᱤ ᱦᱚᱸ ᱠᱚ ᱨᱟᱹᱯᱩᱫ ᱠᱮᱫᱟ ᱡᱚᱠᱷᱚᱱ ᱰᱤ.ᱮᱢ.ᱠᱮ. ᱨᱤᱱ ᱯᱟᱨᱴᱤ ᱦᱚᱲ ᱠᱚᱣᱟᱜ ᱚᱲᱟᱜ ᱠᱚᱨᱮ ᱨᱮᱰ ᱠᱚ ᱠᱚᱨᱟᱣ ᱠᱮᱫᱟ ᱾ ᱛᱟᱭᱚᱢ ᱛᱮ ᱩᱱᱤ ᱫᱚ ᱠᱚ ᱦᱟᱥᱯᱟᱛᱟᱞ ᱨᱮ ᱠᱚ ᱵᱷᱩᱨᱛᱤ ᱠᱮᱫᱮᱭᱟ ᱵᱷᱩᱜᱟᱹᱜ ᱠᱷᱟᱹᱛᱤᱨ ᱛᱮ ᱾ ᱩᱱᱤ ᱫᱚ ᱧᱩᱛᱩᱢᱟᱱ ᱞᱮᱠᱟᱛᱮ "ᱤᱱᱰᱤᱭᱟᱱ ᱩᱥᱮᱱ ᱵᱳᱞᱴ" ᱠᱚ ᱢᱮᱛᱟᱭᱟ᱾
ᱮᱛᱚᱦᱚᱵ ᱡᱤᱭᱚᱱ ᱟᱨ ᱥᱮᱪᱮᱫ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱜᱟᱭᱟᱛᱨᱤ ᱫᱚ ᱟᱹᱨᱤᱭᱟᱞᱩᱨ ᱦᱚᱱᱚᱛ ᱨᱮᱱᱟᱜ ᱢᱤᱫ ᱦᱩᱰᱤᱧ ᱟᱹᱛᱩ ᱠᱷᱚᱱ ᱮ ᱦᱮᱡ ᱟᱠᱟᱱᱟ᱾ ᱩᱱᱤ ᱫᱚ ᱢᱤᱫ ᱨᱮᱸᱜᱮᱡ ᱚᱲᱟᱜ ᱠᱷᱚᱱ ᱮ ᱦᱮᱡ ᱟᱠᱟᱱᱟ ᱟᱨ ᱩᱱᱤ ᱧᱩᱛᱩᱢ ᱮ ᱧᱟᱢ ᱢᱟᱲᱟᱝ ᱨᱮ, ᱩᱱᱤᱭᱟᱜ ᱜᱷᱟᱨᱚᱸᱡᱽ ᱫᱚ ᱠᱩᱲᱟᱹᱭ ᱠᱚ ᱮᱢ ᱦᱩᱭᱩᱜ ᱠᱟᱱ ᱛᱟᱦᱮᱸᱱᱟ᱾ ᱩᱱᱤᱭᱟᱜ ᱠᱟᱹᱣᱰᱤ ᱟᱹᱨᱤ ᱵᱮᱜᱽᱨᱟᱣᱩᱱᱰ ᱠᱷᱟᱹᱛᱤᱨ ᱛᱮ ᱩᱱᱤ ᱨᱤᱱ ᱟᱭᱳ ᱵᱟᱵᱟ ᱫᱚ ᱩᱱᱤ ᱯᱷᱚᱨᱢᱟᱞ ᱴᱨᱮᱱᱤᱝ ᱮᱢ ᱵᱟᱠᱚ ᱫᱟᱲᱮᱭᱟᱫᱟ, ᱚᱱᱟ ᱠᱷᱟᱹᱛᱤᱨ ᱩᱱᱤ ᱫᱚ ᱮᱥ.ᱴᱤ. ᱡᱚᱥᱮᱯᱷ ᱥᱯᱳᱨᱴᱥ ᱮᱠᱟᱰᱮᱢᱤ ᱨᱮ ᱠᱚ ᱴᱨᱮᱱᱤᱝ ᱠᱮᱫᱮᱭᱟ (ᱮᱥ.ᱴᱤ. ᱡᱚᱥᱮᱯᱷ ᱠᱚᱞᱮᱡᱽ ᱚᱯᱷ ᱤᱧᱡᱤᱱᱤᱭᱟᱨᱤᱝ, ᱪᱮᱱᱱᱟᱭ ᱦᱚᱛᱮᱛᱮ ᱥᱯᱚᱱᱥᱚᱨ) ᱟᱨ ᱩᱱᱤ ᱫᱚ ᱫᱤ ᱤᱱᱰᱤᱭᱟᱱ ᱮᱠᱥᱯᱨᱮᱥ ᱥᱟᱶ ᱤᱱᱴᱟᱨᱵᱷᱤᱭᱩ ᱨᱮ ᱮ ᱢᱮᱱ ᱟᱠᱟᱫᱟ, "ᱤᱧ ᱨᱤᱱ ᱟᱭᱳ ᱵᱟᱵᱟ ᱠᱤᱱ ᱩᱭᱦᱟᱹᱨ ᱮᱫᱟ ᱡᱮ ᱤᱧ ᱫᱚ ᱜᱤᱫᱽᱨᱟᱹ ᱚᱠᱛᱚ ᱨᱮ ᱟᱹᱰᱤ ᱜᱟᱱ ᱫᱟᱹᱲ ᱵᱟᱲᱟᱭ ᱛᱟᱦᱮᱸᱱᱟ᱾ ᱟᱥᱲᱟ ᱨᱮ, ᱤᱧ ᱫᱚ ᱴᱩᱨᱱᱟᱢᱮᱱᱴ ᱨᱮᱱᱟᱜ ᱡᱚᱛᱚ ᱮᱛᱷᱞᱮᱴᱤᱠ ᱤᱵᱷᱮᱱᱴ ᱨᱮ ᱵᱷᱟᱜᱽ ᱤᱧ ᱦᱟᱛᱟᱣ ᱮᱫ ᱛᱟᱦᱮᱸᱱᱟ᱾"
ᱩᱱᱤ ᱫᱚ ᱒᱐᱐᱘ ᱨᱮ ᱮᱥ.ᱴᱤ. ᱩᱨᱥᱩᱞᱟ'ᱥ ᱮ.ᱟᱭ. ᱮᱪ.ᱟᱨ. ᱮᱥᱮᱠ ᱥᱠᱩᱞ, ᱪᱚᱨᱪ ᱯᱟᱨᱠ, ᱪᱮᱱᱱᱟᱭ ᱠᱷᱚᱱ ᱟᱡᱟᱜ ᱟᱥᱲᱟ ᱥᱮᱪᱮᱫ ᱮ ᱯᱩᱨᱟᱹᱣ ᱠᱮᱫᱟ᱾ ᱟᱡᱟᱜ ᱜᱮᱞᱵᱟᱨ ᱠᱞᱟᱥ ᱨᱮ ᱙᱑ ᱯᱟᱨᱥᱮᱱᱴ ᱦᱟᱛᱟᱣ ᱠᱟᱛᱮᱫ, ᱩᱱᱤ ᱫᱚ ᱮᱥ.ᱴᱤ. ᱡᱚᱥᱮᱯᱷ ᱠᱚᱞᱮᱡᱽ ᱚᱯᱷ ᱤᱧᱡᱤᱱᱤᱭᱟᱨᱤᱝ ᱮᱥ.ᱴᱤ. ᱡᱚᱥᱮᱯᱷ ᱠᱚᱞᱮᱡᱽ ᱚᱯᱷ ᱤᱧᱡᱤᱱᱤᱭᱟᱨᱤᱝ ᱠᱷᱚᱱ ᱵᱤᱡᱱᱮᱥ ᱮᱰᱢᱤᱱᱤᱥᱴᱨᱮᱥᱚᱱ ᱨᱮ ᱟᱡᱟᱜ ᱢᱟᱥᱴᱟᱨᱥ ᱰᱤᱜᱽᱨᱤ ᱮ ᱯᱟᱲᱦᱟᱣ ᱠᱮᱫᱟ, ᱚᱸᱰᱮ ᱩᱱᱤ ᱫᱚ ᱘᱕᱙᱙ ᱠᱣᱟᱞᱤᱯᱷᱟᱭᱤᱰ ᱠᱮᱱᱰᱤᱰᱮᱴ ᱠᱚ ᱢᱩᱫᱽ ᱨᱮ ᱟᱱᱱᱟ ᱭᱩᱱᱤᱵᱷᱚᱨᱥᱤᱴᱤ ᱨᱮ ᱓᱓ ᱨᱮᱸᱠ ᱮ ᱧᱟᱢ ᱠᱮᱫᱟ᱾ ᱩᱱᱤ ᱨᱤᱱ ᱟᱭᱳᱣᱟᱜ ᱯᱤ.ᱮᱪ.ᱰᱤ ᱯᱟᱲᱦᱟᱣ ᱨᱮᱱᱟᱜ ᱥᱩᱯᱩᱱ ᱫᱚ ᱥᱟᱹᱨᱤ ᱮᱱᱟ, ᱡᱚᱠᱷᱚᱱ ᱩᱱᱤ ᱫᱚ ᱒᱐᱒᱒ ᱨᱮ ᱢᱟᱫᱽᱨᱟᱥ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱦᱚᱛᱮᱛᱮ ᱯᱤ.ᱮᱪ.ᱰᱤ (ᱵᱤᱡᱱᱮᱥ ᱮᱰᱢᱤᱱᱤᱥᱴᱨᱮᱥᱚᱱ - ᱠᱚᱢᱟᱨᱥ) ᱠᱚ ᱮᱢᱟᱫᱮᱭᱟ, ᱟᱡᱟᱜ "ᱴᱨᱮᱱᱤᱝ ᱨᱮᱱᱟᱜ ᱯᱨᱚᱵᱷᱟᱣ" ᱪᱮᱛᱟᱱ ᱨᱮ ᱤᱱᱴᱟᱨ-ᱰᱤᱥᱤᱯᱞᱤᱱᱟᱨᱤ ᱛᱷᱤᱥᱤᱥ ᱞᱟᱹᱜᱤᱫ ᱾
ᱠᱮᱨᱤᱭᱟᱨ ᱟᱨ ᱮᱪᱤᱵᱷᱢᱮᱱᱴ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱟᱭᱢᱟ ᱤᱱᱴᱟᱨ ᱠᱚᱞᱮᱡᱽ ᱥᱯᱳᱨᱴᱥ ᱤᱵᱷᱮᱱᱴ ᱨᱮ ᱵᱷᱟᱜᱽ ᱦᱟᱛᱟᱣ ᱠᱟᱛᱮᱫ, ᱩᱱᱤ ᱫᱚ ᱨᱟᱭᱪᱩᱨ ᱨᱮ ᱑᱘ ᱟᱱᱟᱜ ᱡᱳᱱ ᱡᱩᱱᱤᱭᱚᱨ ᱤᱱᱴᱟᱨ-ᱥᱴᱮᱴ ᱮᱛᱷᱞᱮᱴᱤᱠ ᱪᱟᱢᱯᱤᱭᱟᱱᱥᱤᱯ (᱒᱐᱐᱖) ᱦᱚᱛᱮᱛᱮ ᱧᱩᱛᱩᱢ ᱮ ᱟᱢᱮᱴ ᱠᱮᱫᱟ᱾ ᱱᱚᱸᱰᱮ ᱩᱱᱤ ᱫᱚ ᱭᱩ-᱑᱖ ᱑᱐᱐ ᱮᱢ ᱦᱟᱨᱰᱚᱞᱥ ᱨᱮ ᱥᱳᱱᱟ ᱮ ᱡᱤᱛᱠᱟᱹᱨ ᱮᱱᱟ᱾ ᱩᱱᱤ ᱫᱚ ᱒᱐᱑᱖ ᱥᱮᱨᱢᱟ ᱨᱮ ᱯᱩᱱᱚᱢ ᱵᱮᱞᱤᱭᱟᱯᱟᱣᱟᱜ ᱑᱑ ᱥᱮᱨᱢᱟ ᱢᱟᱨᱮ ᱨᱮᱠᱚᱨᱰ ᱑᱔.᱔᱐ ᱥᱮᱠᱮᱱᱰ ᱦᱚᱸ ᱠᱚ ᱨᱟᱹᱯᱩᱫ ᱠᱮᱫᱟ ᱑᱘ ᱵᱚᱪᱷᱚᱨ ᱠᱷᱚᱱ ᱞᱟᱛᱟᱨ ᱠᱮᱴᱮᱜᱚᱨᱤ ᱨᱮ᱾ ᱱᱚᱣᱟ ᱛᱟᱭᱚᱢ ᱩᱱᱤᱭᱟᱜ ᱟᱨ ᱢᱤᱫ ᱑᱔.᱐᱔ ᱥᱮᱠᱮᱱᱰ ᱒᱐᱐᱘ ᱨᱮ ᱟᱨ ᱢᱟᱭᱥᱩᱨ ᱨᱮ ᱩᱱᱤ ᱫᱚ ᱟᱡᱟᱜ ᱨᱮᱠᱚᱨᱰ ᱐.᱐᱒ ᱥᱮᱠᱮᱱᱰ ᱛᱮ ᱮ ᱡᱤᱛᱠᱟᱹᱨ ᱠᱮᱫᱟ᱾
ᱱᱟᱣᱟ ᱫᱤᱞᱞᱤ ᱨᱮ ᱦᱩᱭ ᱟᱠᱟᱱ ᱠᱚᱢᱚᱱᱣᱮᱞᱛᱷ ᱜᱮᱢᱥ ᱒᱐᱑᱐ ᱨᱮᱱᱟᱜ ᱴᱨᱤᱯᱚᱞ ᱡᱚᱢᱯ ᱤᱵᱷᱮᱱᱴ ᱚᱠᱛᱮ ᱩᱱᱤᱭᱟᱜ ᱞᱮᱯᱷᱴ ᱜᱚᱰᱟ ᱨᱮ ᱵᱷᱩᱜᱟᱹᱜ ᱦᱩᱭ ᱮᱱᱟ᱾ ᱟᱡᱟᱜ ᱞᱮᱯᱷᱴ ᱡᱟᱝᱜᱟ ᱨᱮ ᱚᱯᱚᱨᱮᱥᱚᱱ ᱦᱩᱭ ᱠᱟᱛᱮᱫ, ᱩᱱᱤ ᱫᱚ ᱫᱤ ᱦᱤᱱᱫᱩ ᱥᱟᱶ ᱤᱱᱴᱟᱨᱵᱷᱤᱭᱩ ᱨᱮ ᱞᱟᱹᱭ ᱠᱮᱫᱟ ᱡᱮ ᱩᱱᱤ ᱫᱚ ᱟᱨᱦᱚᱸ ᱠᱷᱮᱞᱚᱸᱰ ᱨᱮ ᱦᱤᱡᱩᱜ ᱞᱟᱹᱜᱤᱫ ᱟᱹᱰᱤ ᱜᱟᱱ ᱮ ᱯᱨᱮᱠᱴᱤᱥ ᱮᱫᱟ᱾
