ᱜᱤᱛᱟᱱᱡᱟᱞᱤ ᱥᱨᱤ
| ᱜᱤᱛᱟᱱᱡᱟᱞᱤ ᱥᱨᱤ | |
|---|---|
 Geetanjali Shree in February 2010 | |
| ᱡᱟᱱᱟᱢ | ᱜᱤᱛᱟᱱᱡᱟᱞᱤ ᱯᱟᱱᱰᱮᱭ ᱑᱒ ᱡᱩᱱ ᱑᱙᱕᱗ ᱢᱮᱱᱯᱩᱨᱤ, ᱩᱛᱛᱟᱨ ᱯᱨᱟᱫᱮᱥ, ᱥᱤᱧᱚᱛ |
| ᱯᱟᱹᱨᱥᱤ | ᱦᱤᱱᱫᱤ |
| ᱡᱟᱹᱛᱤᱭᱟᱹᱛ | ᱥᱤᱧᱚᱛᱤᱭᱟᱹ |
| ᱚᱱᱚᱞ ᱛᱷᱚᱠ | ᱜᱟᱢᱟᱢ, ᱠᱷᱟᱴᱚ ᱠᱟᱹᱦᱱᱤ |
| ᱥᱟᱶᱦᱮᱫ ᱮᱱᱮᱢ | Tomb of Sand |
| ᱥᱤᱨᱯᱷᱟᱹ | International Booker Prize (2022) |
ᱜᱤᱛᱟᱱᱡᱟᱞᱤ ᱥᱨᱤ (ᱡᱟᱱᱟᱢ ᱑᱒ ᱡᱩᱱ ᱑᱙᱕᱗), ᱡᱟᱦᱟᱸᱭ ᱫᱚ ᱜᱤᱛᱟᱱᱡᱟᱞᱤ ᱯᱟᱱᱰᱮᱭ ᱧᱩᱛᱩᱢ ᱛᱮ ᱦᱚᱸ ᱠᱚ ᱵᱟᱰᱟᱭᱮᱭᱟ, ᱩᱱᱤ ᱫᱚ ᱵᱷᱟᱨᱚᱛ ᱨᱮᱱᱟᱜ ᱱᱟᱶᱟ ᱫᱤᱞᱞᱤ ᱨᱮ ᱵᱮᱱᱟᱣ ᱟᱠᱟᱱ ᱦᱤᱱᱫᱤᱼᱯᱟᱹᱨᱥᱤ ᱩᱯᱚᱱᱭᱟᱥ ᱟᱨ ᱠᱟᱹᱴᱤᱡ ᱠᱟᱹᱦᱱᱤ ᱚᱱᱚᱞᱤᱭᱟᱹ ᱠᱟᱱᱟᱭ᱾ ᱩᱱᱤ ᱟᱭᱢᱟ ᱠᱟᱹᱴᱤᱡ ᱠᱟᱹᱦᱱᱤ ᱟᱨ ᱢᱚᱬᱮ ᱜᱚᱴᱟᱝ ᱩᱯᱚᱱᱭᱟᱥ ᱨᱤᱱᱤᱡ ᱚᱱᱚᱞᱤᱭᱟᱹ ᱠᱟᱱᱟᱭ᱾ ᱟᱡᱟᱜ ᱒᱐᱐᱐ ᱨᱮᱱᱟᱜ ᱩᱯᱚᱱᱭᱟᱥ ᱢᱟᱭ ᱫᱚ ᱒᱐᱐᱑ ᱨᱮ ᱠᱨᱚᱥᱣᱚᱨᱰ ᱵᱩᱠ ᱟᱣᱟᱨᱰ ᱞᱟᱹᱜᱤᱫ ᱵᱟᱪᱷᱟᱣ ᱛᱟᱹᱞᱠᱟᱹ ᱨᱮ ᱛᱟᱦᱮᱸ ᱠᱟᱱᱟ, ᱩᱱ ᱚᱠᱛᱚ ᱱᱤᱛᱟ ᱠᱩᱢᱟᱨ ᱦᱚᱛᱮᱛᱮ ᱚᱱᱟ ᱨᱮᱱᱟᱜ ᱤᱝᱞᱤᱥ ᱩᱱᱩᱵᱟᱫᱽ ᱫᱚ ᱒᱐᱑᱗ ᱨᱮ ᱱᱤᱭᱳᱜᱤ ᱵᱩᱠᱥ ᱦᱚᱛᱮᱛᱮ ᱯᱟᱨᱥᱟᱞ ᱞᱮᱱᱟ᱾ ᱒᱐᱒᱒ ᱨᱮ, ᱟᱡᱟᱜ ᱩᱯᱚᱱᱭᱟᱥ ᱨᱮᱛ ᱥᱟᱢᱟᱫᱷᱤ (᱒᱐᱑᱘), ᱤᱝᱞᱤᱥ ᱨᱮ ᱰᱮᱭᱡᱤ ᱨᱳᱠᱣᱮᱞ ᱦᱚᱛᱮᱛᱮ ᱴᱳᱢᱵᱽ ᱚᱯᱷ ᱥᱮᱸᱰ ᱞᱮᱠᱟᱛᱮ ᱩᱱᱩᱵᱟᱫᱽ ᱞᱮᱱᱟ, ᱡᱮᱜᱮᱛᱟᱹᱨᱤ ᱵᱩᱠᱚᱨ ᱥᱤᱨᱯᱷᱟᱹ ᱡᱤᱛᱠᱟᱹᱨ ᱠᱮᱫᱟ᱾[᱑] ᱠᱟᱞᱯᱚᱱᱤᱠ ᱵᱮᱜᱚᱨ, ᱩᱱᱤ ᱯᱨᱮᱢᱪᱟᱸᱫᱽ ᱪᱮᱛᱟᱱ ᱨᱮ ᱠᱨᱤᱴᱤᱠᱟᱞ ᱠᱟᱹᱢᱤ ᱠᱚ ᱦᱚᱸᱭ ᱚᱞ ᱟᱠᱟᱫᱟ᱾
ᱮᱛᱚᱦᱚᱵ ᱡᱤᱭᱚᱱ ᱟᱨ ᱥᱮᱪᱮᱫ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱨᱤ ᱫᱚ ᱑᱒ ᱡᱩᱱ ᱑᱙᱕᱗ ᱨᱮ ᱩᱛᱛᱚᱨ ᱯᱨᱚᱫᱮᱥ ᱯᱚᱱᱚᱛ ᱨᱮᱱᱟᱜ ᱢᱟᱭᱤᱱᱯᱩᱨᱤ ᱥᱚᱦᱚᱨ ᱨᱮ ᱡᱟᱱᱟᱢ ᱞᱮᱱᱟ᱾[᱒][᱓] ᱩᱱᱤ ᱨᱤᱱ ᱟᱯᱟᱛ, ᱟᱱᱤᱨᱩᱫᱷ ᱯᱟᱱᱰᱮᱭ, ᱢᱤᱫ ᱥᱤᱵᱷᱤᱞ ᱥᱟᱨᱵᱷᱮᱱᱴ ᱮ ᱛᱟᱦᱮᱸ ᱠᱟᱱᱟ, ᱚᱱᱟ ᱠᱷᱟᱹᱛᱤᱨ ᱟᱡᱟᱜ ᱜᱷᱟᱨᱚᱸᱡᱽ ᱩᱛᱛᱚᱨ ᱯᱨᱚᱫᱮᱥ ᱡᱟᱠᱟᱛ ᱨᱮ ᱟᱭᱢᱟ ᱴᱟᱣᱩᱱ ᱨᱮ ᱠᱚ ᱛᱟᱦᱮᱸ ᱠᱟᱱᱟ᱾ ᱥᱨᱤ ᱢᱮᱱᱟᱭ ᱡᱮ ᱩᱛᱛᱚᱨ ᱯᱨᱚᱫᱮᱥ ᱨᱮᱱᱟᱜ ᱚᱱᱟ ᱦᱟᱨᱟ ᱵᱩᱨᱩ, ᱤᱝᱞᱤᱥ ᱛᱮ ᱜᱤᱫᱽᱨᱟᱹ ᱠᱚᱣᱟᱜ ᱯᱚᱛᱚᱵ ᱠᱚ ᱵᱟᱝ ᱛᱟᱦᱮᱸ ᱠᱷᱟᱹᱛᱤᱨ, ᱩᱱᱤ ᱦᱤᱱᱫᱤ ᱥᱟᱶ ᱟᱹᱰᱤ ᱢᱚᱡᱽ ᱡᱩᱲᱟᱹᱣ ᱮᱢ ᱠᱮᱫᱮᱭᱟ᱾ ᱩᱱᱤ ᱵᱚᱝᱥᱚ ᱞᱮᱠᱟᱛᱮ ᱜᱟᱡᱤᱯᱩᱨ ᱦᱚᱱᱚᱛ, ᱜᱳᱱᱰᱟᱣᱨ ᱟᱹᱛᱩ ᱠᱷᱚᱱ ᱮ ᱠᱟᱱᱟ᱾
ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ, ᱩᱱᱤ ᱱᱟᱜᱟᱢ ᱮ ᱯᱟᱲᱦᱟᱣ ᱠᱮᱫᱟ᱾ ᱩᱱᱤ ᱞᱮᱰᱤ ᱥᱨᱤ ᱨᱟᱢ ᱠᱚᱞᱮᱡᱽ ᱠᱷᱚᱱ ᱢᱤᱫ ᱵᱤᱮ ᱟᱨ ᱱᱟᱶᱟ ᱫᱤᱞᱞᱤ ᱨᱮᱱᱟᱜ ᱡᱚᱣᱟᱦᱟᱨᱞᱟᱞ ᱱᱮᱦᱨᱩ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ ᱢᱤᱫ ᱢᱟᱥᱴᱟᱨ ᱰᱤᱜᱽᱨᱤ ᱯᱩᱨᱟᱹᱣ ᱠᱮᱫᱟ᱾ ᱦᱤᱱᱫᱤ ᱚᱱᱚᱞᱤᱭᱟᱹ ᱢᱩᱱᱥᱤ ᱯᱨᱮᱢᱪᱟᱸᱫᱽ ᱪᱮᱛᱟᱱ ᱨᱮ ᱵᱚᱰᱳᱫᱟ ᱨᱮᱱᱟᱜ ᱢᱟᱦᱟᱨᱟᱡᱟ ᱥᱟᱭᱟᱡᱤᱨᱟᱣ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱯᱤᱮᱪᱰᱤ ᱠᱟᱹᱢᱤ ᱮᱛᱚᱦᱚᱵ ᱛᱟᱭᱚᱢ, ᱥᱨᱤ ᱦᱤᱱᱫᱤ ᱥᱟᱶᱦᱮᱫ ᱨᱮ ᱵᱟᱹᱲᱛᱤ ᱮ ᱠᱩᱥᱤᱭᱟᱫ ᱛᱟᱦᱮᱸᱫ᱾ ᱩᱱᱤ ᱟᱡᱟᱜ ᱯᱤᱮᱪᱰᱤ ᱚᱠᱛᱚ ᱨᱮ ᱯᱩᱭᱞᱩ ᱠᱟᱹᱴᱤᱡ ᱠᱟᱹᱦᱱᱤ ᱮ ᱚᱞ ᱠᱮᱫᱟ, ᱟᱨ ᱜᱨᱮᱡᱩᱭᱮᱥᱚᱱ ᱛᱟᱭᱚᱢ ᱚᱞ ᱥᱮᱫ ᱮ ᱪᱟᱞᱟᱣ ᱮᱱᱟ᱾
ᱠᱟᱹᱢᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱟᱡᱟᱜ ᱯᱩᱭᱞᱩ ᱠᱟᱹᱦᱱᱤ, "ᱵᱮᱞ ᱯᱟᱛᱨᱟ" (᱑᱙᱘᱗), ᱦᱟᱱᱥ ᱧᱩᱛᱩᱢᱟᱱ ᱥᱟᱶᱦᱮᱫ ᱯᱚᱛᱨᱤᱠᱟ ᱨᱮ ᱯᱟᱨᱥᱟᱞ ᱞᱮᱱᱟ ᱟᱨ ᱚᱱᱟ ᱛᱟᱭᱚᱢ ᱠᱟᱹᱴᱤᱡ ᱠᱟᱹᱦᱱᱤ ᱨᱮᱱᱟᱜ ᱠᱚᱞᱮᱠᱥᱚᱱ ᱟᱱᱩᱜᱩᱸᱡ (᱑᱙᱙᱑) ᱯᱟᱨᱥᱟᱞ ᱞᱮᱱᱟ᱾[᱔][᱕][᱖]
ᱟᱡᱟᱜ ᱩᱯᱚᱱᱭᱟᱥ ᱢᱟᱭ ᱨᱮᱱᱟᱜ ᱤᱝᱞᱤᱥ ᱩᱱᱩᱵᱟᱫᱽ ᱩᱱᱤ ᱧᱩᱛᱩᱢ ᱛᱮ ᱪᱟᱞᱟᱣ ᱠᱮᱫᱮᱭᱟ᱾ ᱩᱯᱚᱱᱭᱟᱥ ᱫᱚ ᱯᱮᱭᱟ ᱡᱮᱱᱮᱨᱮᱥᱚᱱ ᱨᱤᱱ ᱛᱤᱨᱞᱟᱹ ᱠᱚ ᱟᱨ ᱩᱛᱛᱚᱨ ᱵᱷᱟᱨᱚᱛᱤᱭᱚ ᱛᱟᱞᱟᱼᱠᱞᱟᱥ ᱜᱷᱟᱨᱚᱸᱡᱽ ᱨᱮ ᱩᱱᱠᱩ ᱥᱩᱨ ᱨᱤᱱ ᱠᱚᱲᱟ ᱦᱚᱯᱚᱱ ᱠᱚ ᱤᱫᱤ ᱠᱟᱛᱮ ᱢᱮᱱᱟᱜᱼᱟ᱾ ᱢᱟᱭ ᱟᱭᱢᱟ ᱯᱟᱹᱨᱥᱤ ᱛᱮ ᱩᱱᱩᱵᱟᱫᱽ ᱦᱩᱭ ᱟᱠᱟᱱᱟ, ᱚᱱᱟ ᱨᱮ ᱥᱟᱨᱵᱤᱭᱟᱭᱤ ᱟᱨ ᱠᱳᱨᱤᱭᱟᱭᱤ ᱦᱚᱸ ᱥᱮᱞᱮᱫ ᱢᱮᱱᱟᱜᱼᱟ᱾ ᱱᱤᱛᱟ ᱠᱩᱢᱟᱨ ᱦᱚᱛᱮᱛᱮ ᱱᱚᱣᱟ ᱤᱝᱞᱤᱥ ᱛᱮ ᱦᱚᱸ ᱩᱱᱩᱵᱟᱫᱽ ᱦᱩᱭ ᱟᱠᱟᱱᱟ, ᱡᱟᱦᱟᱸᱭ ᱫᱚ ᱥᱟᱦᱤᱛᱭᱟ ᱟᱠᱟᱰᱮᱢᱤ ᱩᱱᱩᱵᱟᱫᱽ ᱥᱤᱨᱯᱷᱟᱹ ᱮ ᱧᱟᱢ ᱠᱮᱫᱟ, ᱟᱨ ᱤᱱᱛᱤᱡᱟᱨ ᱦᱩᱥᱮᱱ ᱦᱚᱛᱮᱛᱮ ᱢᱤᱫ ᱢᱩᱠᱷᱟᱹᱛ ᱥᱟᱶ ᱵᱟᱥᱤᱨ ᱩᱱᱣᱟᱱ ᱦᱚᱛᱮᱛᱮ ᱩᱨᱫᱩ ᱛᱮ ᱦᱚᱸ ᱩᱱᱩᱵᱟᱫᱽ ᱦᱩᱭ ᱟᱠᱟᱱᱟ᱾ ᱩᱯᱚᱱᱭᱟᱥ ᱨᱮᱱᱟᱜ ᱮᱴᱟᱜ ᱩᱱᱩᱵᱟᱫᱽ ᱠᱚᱨᱮ ᱟᱱᱤ ᱢᱳᱱᱴᱟᱣᱩᱴ ᱦᱚᱛᱮᱛᱮ ᱯᱷᱨᱮᱸᱪ ᱩᱱᱩᱵᱟᱫᱽ, ᱟᱨ ᱨᱤᱭᱟᱭᱤᱱᱦᱳᱞᱰ ᱥᱮᱭᱤᱱ ᱦᱚᱛᱮᱛᱮ ᱡᱚᱨᱢᱟᱱ ᱩᱱᱩᱵᱟᱫᱽ ᱥᱮᱞᱮᱫ ᱢᱮᱱᱟᱜᱼᱟ᱾
ᱥᱨᱤ ᱭᱟᱜ ᱫᱚᱥᱟᱨ ᱩᱯᱚᱱᱭᱟᱥ ᱦᱟᱢᱟᱨᱟ ᱥᱟᱦᱟᱨ ᱩᱥ ᱵᱟᱨᱟᱥ ᱵᱟᱵᱽᱨᱤ ᱢᱟᱥᱡᱤᱫᱽ ᱵᱷᱟᱸᱜᱟᱣ ᱨᱮᱱᱟᱜ ᱜᱷᱚᱴᱚᱱ ᱛᱟᱭᱚᱢ ᱥᱟᱹᱛ ᱦᱩᱭ ᱟᱠᱟᱱᱟ᱾
ᱟᱡᱟᱜ ᱯᱩᱱᱭᱟᱜ ᱩᱯᱚᱱᱭᱟᱥ, ᱠᱷᱟᱞᱤ ᱡᱟᱜᱟᱦ (᱒᱐᱐᱖), ᱱᱤᱵᱮᱫᱤᱛᱟ ᱢᱮᱱᱚᱱ ᱦᱚᱛᱮᱛᱮ ᱤᱝᱞᱤᱥ ᱛᱮ ᱫᱟ ᱮᱢᱴᱤ ᱥᱯᱮᱥ ᱞᱮᱠᱟᱛᱮ, ᱱᱤᱠᱳᱞᱟ ᱯᱳᱡᱟ ᱦᱚᱛᱮᱛᱮ ᱯᱷᱨᱮᱸᱪ ᱛᱮ ᱩᱱᱮ ᱯᱞᱮᱥ ᱵᱷᱤᱰᱮ ᱞᱮᱠᱟᱛᱮ, ᱟᱨ ᱡᱳᱨᱡᱽ ᱞᱮᱪᱱᱟᱨ ᱟᱨ ᱱᱤᱵᱮᱫᱤᱛᱟ ᱢᱮᱱᱚᱱ ᱦᱚᱛᱮᱛᱮ ᱤᱢ ᱞᱤᱨᱮᱱ ᱨᱟᱣᱢ ᱞᱮᱠᱟᱛᱮ ᱡᱚᱨᱢᱟᱱ ᱛᱮ ᱩᱱᱩᱵᱟᱫᱽ ᱦᱩᱭ ᱟᱠᱟᱱᱟ᱾
ᱟᱡᱟᱜ ᱢᱚᱬᱮᱭᱟᱜ ᱩᱯᱚᱱᱭᱟᱥ, ᱨᱮᱛ ᱥᱟᱢᱟᱫᱷᱤ (᱒᱐᱑᱘), ᱟᱞᱠᱟ ᱥᱟᱨᱟᱣᱟᱜᱤ ᱦᱚᱛᱮᱛᱮ "ᱟᱡᱟᱜ ᱥᱣᱤᱯᱤᱝ ᱠᱚᱞᱯᱟᱱᱟ ᱟᱨ ᱯᱟᱹᱨᱥᱤ ᱨᱮᱱᱟᱜ ᱟᱥᱚᱞ ᱫᱟᱲᱮ, ᱡᱟᱦᱟᱸ ᱢᱟᱲᱟᱝ ᱵᱟᱝ ᱦᱩᱭ ᱟᱠᱟᱱᱟ ᱟᱨ ᱵᱟᱝ ᱛᱚᱦᱞᱟᱣ ᱟᱠᱟᱱᱟ" ᱞᱟᱹᱜᱤᱫ ᱥᱟᱨᱦᱟᱣ ᱧᱟᱢ ᱟᱠᱟᱫᱟ᱾ ᱱᱚᱣᱟ ᱰᱮᱭᱡᱤ ᱨᱳᱠᱣᱮᱞ ᱦᱚᱛᱮᱛᱮ ᱴᱳᱢᱵᱽ ᱚᱯᱷ ᱥᱮᱸᱰ ᱞᱮᱠᱟᱛᱮ ᱤᱝᱞᱤᱥ ᱛᱮ ᱟᱨ ᱟᱱᱤ ᱢᱳᱱᱴᱟᱣᱩᱴ ᱦᱚᱛᱮᱛᱮ ᱚᱣ-ᱫᱮᱞᱟ ᱫᱟ ᱯᱷᱨᱚᱱᱴᱤᱭᱟᱨ ᱞᱮᱠᱟᱛᱮ ᱯᱷᱨᱮᱸᱪ ᱛᱮ ᱩᱱᱩᱵᱟᱫᱽ ᱦᱩᱭ ᱟᱠᱟᱱᱟ᱾ ᱒᱖ ᱢᱮ ᱒᱐᱒᱒ ᱨᱮ, ᱴᱳᱢᱵᱽ ᱚᱯᱷ ᱥᱮᱸᱰ ᱡᱮᱜᱮᱛᱟᱹᱨᱤ ᱵᱩᱠᱚᱨ ᱥᱤᱨᱯᱷᱟᱹ ᱡᱤᱛᱠᱟᱹᱨ ᱠᱮᱫᱟ, ᱦᱤᱱᱫᱤ ᱨᱮ ᱟᱨ ᱱᱚᱣᱟ ᱥᱟᱨᱦᱟᱣ ᱧᱟᱢ ᱞᱟᱹᱜᱤᱫ ᱯᱩᱭᱞᱩ ᱯᱚᱛᱚᱵ ᱟᱨ ᱯᱩᱭᱞᱩ ᱵᱷᱟᱨᱚᱛᱤᱭᱚ ᱚᱱᱚᱞᱤᱭᱟᱹ ᱮ ᱵᱮᱱᱟᱣ ᱮᱱᱟ᱾[᱗][᱘]
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "Tomb of Sand | The Booker Prizes". thebookerprizes.com (in ᱟᱝᱜᱽᱨᱮᱡᱤ). 26 August 2021. Retrieved 27 May 2022.
- ↑ "Geetanjali Shree is first Indian winner of International Booker Prize". BBC News (in ᱵᱨᱤᱴᱤᱥ ᱟᱝᱜᱽᱨᱮᱡᱤ). 27 May 2022. Retrieved 28 May 2022.
- ↑ Chhaya, Mayank (27 May 2022). "Geetanjali Shree first Indian to win International Booker Prize: Will it open doors for translations of great literature in all Indian languages?". South Asian Monitor. Archived from the original on 27 May 2022. Retrieved 29 May 2022.
- ↑ "'I'm Waiting To Write The Book Which Will Slip Out Of My Grasp'". Interview with Geetanjali Shree in Outlook India.
- ↑ Mai: A Novel, Kali for Women, 2000. Via Google Books.
- ↑ "The past is ever present, realized by us in bits: An interview with Geetanjali Shree". Deep Blue Ink.
- ↑ Knight, Lucy (7 April 2022). "International Booker prize shortlist delivers 'awe and exhilaration'". The Guardian.
- ↑ Shaffi, Sarah (26 May 2022). "First novel translated from Hindi wins International Booker prize". The Guardian (in ᱟᱝᱜᱽᱨᱮᱡᱤ). Retrieved 26 May 2022.
ᱵᱟᱦᱨᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱣᱤᱠᱤᱢᱤᱰᱤᱭᱟ ᱠᱚᱢᱚᱱᱥ ᱨᱮ ᱜᱤᱛᱟᱱᱡᱟᱞᱤ ᱥᱨᱤ ᱵᱟᱵᱚᱛᱫᱽ ᱛᱮ ᱨᱮᱫ ᱢᱮᱱᱟᱜᱼᱟ ᱾.
