ᱜᱤᱛᱟ ᱨᱟᱡᱟᱥᱮᱠᱷᱟᱨ

ᱥᱩᱱᱫᱚᱨ ᱜᱤᱛᱟ ᱨᱟᱡᱟᱥᱮᱠᱷᱟᱨ ᱫᱚ ᱪᱮᱱᱱᱟᱭ, ᱛᱟᱢᱤᱞᱱᱟᱰᱩ, ᱵᱷᱟᱨᱚᱛ ᱨᱮᱱ ᱢᱤᱫ ᱠᱟᱨᱱᱟᱴᱤᱠ ᱥᱮᱨᱮᱧ ᱥᱤᱠᱟᱹᱨᱤᱭᱟᱹ ᱠᱟᱱᱟᱭ᱾^[᱑] ᱩᱱᱤ ᱫᱚ ᱚᱞ ᱤᱱᱰᱤᱭᱟ ᱨᱮᱰᱤᱭᱳ (AIR) ᱟᱨ ᱫᱩᱨᱫᱟᱨᱥᱟᱱ ᱨᱮᱱ ᱟᱨᱴᱤᱥᱴ ᱠᱟᱱᱟᱭ᱾^[᱒] ᱩᱱᱤ ᱫᱚ ᱱᱟᱣᱟ ᱫᱤᱞᱞᱤ ᱨᱮᱱᱟᱜ ᱤᱱᱰᱤᱭᱟᱱ ᱠᱟᱣᱩᱱᱥᱤᱞ ᱯᱷᱚᱨ ᱠᱟᱞᱪᱟᱨᱟᱞ ᱨᱤᱞᱮᱥᱚᱱᱥ (ICCR) ᱯᱟᱦᱴᱟ ᱠᱷᱚᱱ ᱵᱟᱪᱷᱟᱣ ᱟᱠᱟᱱ ᱟᱨᱴᱤᱥᱴ ᱠᱚᱣᱟᱜ ᱯᱮᱱᱮᱞ ᱨᱮ ᱢᱮᱱᱟᱭᱟ᱾

ᱠᱮᱨᱤᱭᱟᱨ

ᱜᱤᱛᱟ ᱨᱟᱡᱟᱥᱮᱠᱷᱟᱨ ᱫᱚ ᱱᱟᱣᱟ ᱫᱤᱞᱞᱤ ᱨᱮ ᱠᱟᱹᱴᱤᱡ ᱩᱢᱮᱨ ᱠᱷᱚᱱ ᱜᱮ ᱠᱟᱨᱱᱟᱴᱤᱠ ᱥᱮᱨᱮᱧ ᱮ ᱪᱮᱫ ᱮᱦᱚᱵ ᱞᱮᱫ ᱛᱟᱦᱮᱸᱱᱟ ᱟᱨ ᱥᱟᱸᱜᱤᱛᱟ ᱠᱟᱞᱟᱱᱤᱫᱷᱤ ᱥᱨᱤᱢᱟᱹᱛᱤ ᱟᱨ ᱰᱤ.ᱠᱮ. ᱯᱟᱴᱴᱟᱢᱟᱞ ᱴᱷᱮᱱ ᱟᱡᱟᱜ ᱯᱟᱲᱦᱟᱣ ᱮ ᱯᱩᱨᱟᱹᱣ ᱠᱮᱫ ᱛᱟᱦᱮᱸᱱᱟ᱾

ᱩᱱᱤ ᱫᱚ ᱠᱚᱱᱥᱟᱨᱴ ᱞᱟᱹᱜᱤᱫ ᱵᱷᱟᱨᱚᱛ ᱟᱨ ᱵᱟᱦᱨᱮ ᱫᱤᱥᱚᱢ ᱨᱮ ᱟᱹᱰᱤ ᱡᱟᱹᱥᱛᱤ ᱫᱟᱬᱟ ᱟᱠᱟᱫᱟ, ᱟᱨ ᱩᱱᱤ ᱫᱚ ᱭᱩ.ᱮᱥ., ᱠᱮᱱᱟᱰᱟ, ᱢᱟᱞᱮᱥᱤᱭᱟ, ᱚᱥᱴᱨᱮᱞᱤᱭᱟ, ᱥᱤᱝᱜᱟᱯᱩᱨ, ᱫᱩᱵᱟᱭ, ᱟᱵᱩ ᱫᱷᱟᱵᱤ ᱟᱨ ᱞᱚᱱᱰᱚᱱ ᱮ ᱫᱟᱬᱟ ᱟᱠᱟᱫᱟ᱾ ᱩᱱᱤᱭᱟᱜ ᱟᱭᱢᱟ ᱯᱟᱨᱯᱷᱚᱨᱢᱮᱱᱥ ᱨᱮᱠᱚᱨᱰ ᱟᱠᱟᱱᱟ᱾

ᱩᱱᱤ ᱫᱚ ᱨᱟᱜᱟᱞᱟᱭᱟ ᱴᱨᱚᱥᱴ ᱨᱮᱱ "ᱯᱷᱟᱣᱩᱱᱰᱟᱨ ᱴᱨᱚᱥᱴᱤ" ᱠᱟᱱᱟᱭ, ᱱᱚᱣᱟ ᱫᱚ ᱠᱟᱨᱱᱟᱴᱤᱠ ᱥᱮᱨᱮᱧ ᱨᱮᱱᱟᱜ ᱠᱟᱨᱚᱱ ᱞᱟᱹᱜᱤᱫ ᱛᱮ ᱥᱚᱢᱚᱨᱯᱤᱛ ᱟᱠᱟᱱᱟ᱾ ᱩᱱᱤ ᱫᱚ ᱪᱮᱱᱱᱟᱭ ᱨᱮ ᱢᱮᱱᱟᱜ ᱟᱡᱟᱜ ᱤᱥᱠᱩᱞ ᱢᱟᱫᱷᱩᱨᱟ ᱜᱤᱛᱷᱟᱢ ᱨᱮ ᱠᱟᱨᱱᱟᱴᱤᱠ ᱥᱮᱨᱮᱧ ᱮ ᱪᱮᱫ ᱟᱠᱚᱣᱟ, ᱴᱚᱨᱚᱱᱴᱚ ᱠᱮᱱᱟᱰᱟ ᱨᱮ ᱦᱚᱸ ᱢᱤᱫ ᱪᱟᱸᱜᱟ ᱢᱮᱱᱟᱜᱼᱟ ᱡᱟᱦᱟᱸ ᱨᱮ ᱩᱱᱤ ᱫᱚ ᱡᱚᱛᱚ ᱥᱮᱨᱢᱟ ᱨᱮ ᱥᱤᱛᱩᱝ ᱚᱠᱛᱚ ᱨᱮ ᱪᱮᱫ ᱠᱚᱨᱟᱣ ᱞᱟᱹᱜᱤᱫ ᱮ ᱪᱟᱞᱟᱜᱼᱟ᱾ ᱩᱱᱤ ᱫᱚ ᱚᱱᱱᱟᱢᱟᱞᱟᱭ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱮᱱᱟᱰᱟ ᱠᱮᱢᱯᱟᱥ ᱨᱮ ᱦᱤᱡᱩᱜ ᱥᱮᱱᱚᱜ ᱢᱮᱱᱟᱜ ᱢᱤᱫ ᱜᱮᱥᱴ ᱯᱨᱳᱯᱷᱮᱥᱚᱨ ᱦᱚᱸ ᱠᱟᱱᱟᱭ᱾

ᱥᱤᱨᱯᱷᱟᱹ ᱟᱨ ᱢᱟᱱᱚᱛ

ᱩᱱᱤ ᱫᱚ "ᱤᱥᱟᱭ ᱢᱟᱢᱟᱱᱤ", "ᱱᱟᱫᱷᱟ ᱵᱷᱩᱥᱟᱱᱤ", "ᱵᱟᱞᱟ ᱨᱟᱛᱱᱟ" ᱟᱨ "ᱤᱥᱟᱭ ᱥᱮᱞᱵᱷᱟᱢ" ᱨᱮᱱᱟᱜ ᱴᱟᱭᱤᱴᱤᱞ ᱠᱚ ᱮᱢᱟᱣ ᱟᱫᱮᱭᱟ, ᱛᱟᱢᱤᱞᱱᱟᱰᱩ ᱨᱮᱱ ᱪᱤᱯᱷ ᱢᱤᱱᱤᱥᱴᱚᱨ ᱦᱚᱛᱮᱛᱮ ᱛᱟᱭᱚᱢ ᱫᱚ ᱮᱢ ᱟᱠᱟᱱᱟ᱾

ᱩᱱᱤ ᱫᱚ ᱥᱮᱨᱮᱧ ᱮᱠᱟᱰᱮᱢᱤ, ᱥᱨᱤ ᱠᱨᱤᱥᱱᱟ ᱜᱟᱱᱟ ᱥᱟᱵᱷᱟ, ᱟᱨ ᱫᱟ ᱤᱱᱰᱤᱭᱟᱱ ᱯᱷᱟᱭᱤᱱ ᱟᱨᱴᱥ ᱥᱚᱥᱟᱭᱤᱴᱤ ᱠᱷᱚᱱ ᱩᱱᱠᱩᱣᱟᱜ ᱥᱮᱨᱢᱟᱠᱤᱭᱟᱹ ᱥᱮᱨᱮᱧ ᱯᱷᱮᱥᱴᱤᱵᱟᱞ ᱚᱠᱛᱚ ᱨᱮ ᱥᱤᱨᱯᱷᱟᱹ ᱠᱚ ᱡᱤᱛᱠᱟᱹᱨ ᱟᱠᱟᱫᱟ᱾

ᱱᱤᱡᱮᱨᱟᱜ ᱡᱤᱭᱚᱱ

ᱜᱤᱛᱟ ᱨᱟᱡᱟᱥᱮᱠᱷᱟᱨ ᱫᱚ ᱮᱥ.ᱮᱥ. ᱨᱟᱡᱟᱥᱮᱠᱷᱟᱨ ᱥᱟᱶ ᱮ ᱵᱟᱯᱞᱟ ᱟᱠᱟᱱᱟ,^[᱓] ᱩᱱᱤ ᱫᱚ ᱢᱟᱨᱮ ᱭᱩᱱᱤᱭᱚᱱ ᱢᱤᱱᱤᱥᱴᱚᱨ ᱪᱤᱫᱟᱢᱵᱚᱨᱚᱢ ᱥᱩᱵᱽᱨᱟᱢᱟᱱᱤᱭᱟᱢ ᱨᱮᱱ ᱠᱚᱲᱟ ᱜᱤᱫᱽᱨᱟᱹ ᱠᱟᱱᱟᱭ, ᱟᱨ ᱱᱤᱛᱚᱜ ᱩᱱᱤ ᱫᱚ ᱪᱮᱱᱱᱟᱭ, ᱛᱟᱢᱤᱞᱱᱟᱰᱩ, ᱵᱷᱟᱨᱚᱛ ᱨᱮᱭ ᱵᱟᱥᱟ ᱠᱟᱱᱟ᱾

ᱥᱟᱹᱠᱷᱭᱟᱹᱛ

↑ "Lending a classy effect". The Hindu. 25 December 2009. Retrieved 19 December 2010.
↑ N. Rajagopalan (1994). A Garland: A Biographical Dictionary of Carnatic Composers and Musicians. Bharatiya Vidya Bhavan. p. 124-5.
↑ Chidambaram Subramaniam (1993). Hand of Destiny: The green revolution. Bharatiya Vidya Bhavan. p. 96. ISBN 978-81-7276-049-6.

ᱵᱟᱦᱨᱮ ᱡᱚᱱᱚᱲ

[1] "Lending a classy effect". The Hindu. 25 December 2009. Retrieved 19 December 2010.

[Rajagopalan1994-2] N. Rajagopalan (1994). A Garland: A Biographical Dictionary of Carnatic Composers and Musicians. Bharatiya Vidya Bhavan. p. 124-5.

[3] Chidambaram Subramaniam (1993). Hand of Destiny: The green revolution. Bharatiya Vidya Bhavan. p. 96. ISBN 978-81-7276-049-6.

[᱑]

[᱒]

[᱓]