ᱜᱤᱛᱟ ᱵᱤᱡᱚᱭᱟᱱ
ᱜᱤᱛᱟ ᱵᱤᱡᱚᱭᱟᱱ ᱫᱚ ᱢᱤᱫ ᱵᱷᱟᱨᱚᱛᱤᱭᱚ ᱮᱠᱴᱨᱮᱥ ᱠᱟᱱᱟᱭ ᱡᱟᱦᱟᱸᱭ ᱫᱚ ᱢᱟᱞᱟᱭᱟᱞᱚᱢ ᱯᱷᱤᱞᱢ ᱨᱮᱭ ᱧᱮᱞᱚᱜᱼᱟ, ᱠᱤᱪᱷᱩ ᱜᱟᱱ ᱛᱟᱢᱤᱞ ᱟᱨ ᱦᱤᱱᱫᱤ ᱯᱷᱤᱞᱢ ᱨᱮᱦᱚᱸ ᱾ ᱩᱱᱤ ᱫᱚ ᱑᱙᱙᱐ ᱨᱮᱱᱟᱜ ᱢᱟᱞᱟᱭᱟᱞᱚᱢ ᱠᱚᱢᱮᱰᱤ-ᱛᱷᱨᱤᱞᱟᱨ ᱯᱷᱤᱞᱢ ᱤᱱ ᱦᱟᱨᱤᱦᱟᱨ ᱱᱟᱜᱟᱨ ᱨᱮ ᱮᱛᱚᱦᱚᱵ ᱞᱮᱫ ᱛᱟᱦᱮᱸᱫ ᱾ ᱩᱱ ᱠᱷᱚᱱ ᱩᱱᱤ ᱫᱚ ᱑᱕᱐ ᱠᱷᱚᱱ ᱵᱟᱹᱲᱛᱤ ᱢᱟᱞᱟᱭᱟᱞᱚᱢ ᱯᱷᱤᱞᱢ ᱨᱮ ᱟᱨ ᱠᱤᱪᱷᱩ ᱜᱟᱱ ᱛᱟᱢᱤᱞ ᱟᱨ ᱦᱤᱱᱫᱤ ᱯᱷᱤᱞᱢ ᱨᱮ ᱠᱟᱹᱢᱤ ᱟᱠᱟᱫᱟᱭ ᱾ ᱩᱱᱤ ᱫᱚ ᱒᱐ ᱜᱟᱱ ᱢᱟᱞᱟᱭᱟᱞᱚᱢ ᱴᱮᱞᱤᱵᱤᱡᱚᱱ ᱥᱤᱨᱤᱭᱟᱞ ᱨᱮᱦᱚᱸ ᱠᱟᱹᱢᱤ ᱟᱠᱟᱫᱟᱭ ᱾
ᱮᱛᱚᱦᱚᱵ ᱡᱤᱭᱚᱱ ᱟᱨ ᱥᱮᱪᱮᱫ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱜᱤᱛᱟ ᱵᱤᱡᱚᱭᱟᱱ ᱫᱚ ᱰᱟᱠᱴᱚᱨ ᱵᱤᱡᱚᱭᱟᱱ ᱟᱨ ᱥᱟᱨᱟᱫᱟᱢᱵᱟᱞ ᱨᱟᱢᱟᱱ ᱨᱤᱱᱤᱡ ᱡᱚᱛᱚ ᱠᱷᱚᱱ ᱢᱟᱨᱟᱝ ᱠᱩᱲᱤ ᱜᱤᱫᱽᱨᱟᱹ ᱠᱟᱱᱟᱭ ᱾ ᱩᱱᱤ ᱨᱤᱱ ᱢᱤᱫ ᱦᱩᱰᱤᱧ ᱵᱚᱭᱦᱟ ᱫᱤᱵᱽᱭᱟ ᱢᱮᱱᱟᱭᱟ ᱾ ᱮᱠᱴᱨᱮᱥ ᱨᱮᱵᱟᱛᱤ ᱫᱚ ᱩᱱᱤ ᱨᱤᱱ ᱢᱟᱹᱢᱤ ᱠᱩᱲᱤ ᱠᱟᱱᱟᱭ ᱾ ᱩᱱᱤ ᱫᱚ ᱟᱡᱟᱜ ᱯᱨᱟᱭᱢᱟᱨᱤ ᱟᱨ ᱦᱟᱭ ᱥᱠᱩᱞ ᱥᱮᱪᱮᱫ ᱥᱟᱠᱨᱮᱰ ᱦᱟᱨᱴ ᱠᱚᱱᱵᱷᱮᱱᱴ ᱡᱤᱮᱪᱮᱥᱮᱥ, ᱛᱷᱨᱤᱥᱩᱨ ᱠᱷᱚᱱ ᱮ ᱯᱩᱨᱟᱹᱣ ᱠᱮᱫᱼᱟ, ᱟᱨ ᱤᱱᱟᱹ ᱛᱟᱭᱚᱢ ᱠᱟᱞᱟᱠᱥᱮᱛᱨᱟ ᱯᱷᱟᱣᱱᱰᱮᱥᱚᱱ, ᱪᱮᱱᱱᱟᱭ ᱨᱮ ᱥᱮᱞᱮᱫ ᱮᱱᱟ, ᱡᱟᱦᱟᱸ ᱨᱮ ᱩᱱᱤ ᱮᱱᱮᱡ ᱨᱮ ᱟᱡᱟᱜ ᱜᱨᱮᱡᱩᱮᱥᱚᱱ ᱟᱨ ᱯᱳᱥᱴᱜᱨᱮᱡᱩᱮᱥᱚᱱ ᱮ ᱠᱚᱨᱟᱣ ᱠᱮᱫᱼᱟ ᱾