Jump to content

ᱜᱤᱛᱟ (ᱮᱠᱴᱨᱮᱥ)

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
ᱜᱤᱛᱟ
ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ  ᱟᱨ  ᱡᱟᱱᱟᱢ ᱴᱷᱟᱶGeetha Kadambee
ᱛᱟᱢᱤᱞ ᱱᱟᱰᱩ, ᱥᱤᱧᱚᱛ
ᱠᱟᱹᱢᱤᱮᱠᱴᱨᱮᱥ
ᱠᱟᱹᱢᱤ ᱚᱠᱛᱚ1978–1998
2003–present
ᱡᱤᱭᱚᱱ ᱥᱚᱦᱮᱫ
Vasan Thatham (m. 1997)
ᱦᱚᱯᱚᱱ1

ᱜᱤᱛᱟ ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱟᱠᱴᱨᱮᱥ ᱠᱟᱱᱟᱭ, ᱡᱟᱦᱟᱸᱭ ᱫᱚ ᱢᱟᱞᱟᱭᱟᱞᱟᱢ, ᱛᱮᱞᱩᱜᱩ, ᱠᱚᱱᱱᱚᱲ, ᱛᱟᱢᱤᱞ ᱟᱨ ᱦᱤᱱᱫᱤ ᱯᱷᱤᱞᱢ ᱨᱮ ᱠᱟ. ᱩᱱᱤ ᱫᱚ ᱛᱟᱢᱤᱞ ᱯᱷᱤᱞᱢ ᱵᱚᱭᱨᱟᱵᱤ (ᱨᱚᱡᱽᱱᱤᱠᱟᱱᱛᱷ ᱟᱜ ᱥᱤᱸᱜᱤᱲᱤ ᱞᱮᱠᱟᱛᱮ) ᱨᱮ ᱠᱟ.ᱢᱤ ᱟᱠᱟᱫᱟ । ᱚᱱᱟ ᱛᱟᱭᱚᱢ ᱠᱷᱚᱱ ᱩᱱᱤ ᱫᱚ ᱥᱟᱱᱟᱢ ᱢᱩᱬ ᱥᱟᱢᱟᱝ ᱥᱤᱧᱚᱛᱤᱭᱟᱹ ᱯᱟᱹᱨᱥᱤ ᱨᱮ ᱒᱐᱐ ᱜᱟᱱ ᱯᱷᱤᱞᱢ ᱨᱮ ᱟᱨ ᱛᱤᱱᱟᱹᱜ ᱜᱟᱱ ᱦᱤᱱᱫᱤ ᱯᱷᱤᱞᱢ ᱨᱮ ᱠᱟ.ᱢᱤ ᱟᱠᱟᱫ-ᱟ ᱾ ᱩᱱᱤ ᱫᱚ ᱥᱟᱢᱟᱝ ᱥᱤᱧᱚᱛᱤᱭᱟᱹ ᱴᱮᱞᱤᱵᱤᱡᱚᱱ ᱥᱤᱨᱤᱭᱟᱞ ᱨᱮ ᱦᱚᱸᱭ ᱠᱟ.ᱢᱤ ᱟᱠᱟᱫ-ᱟ ᱾ ᱜᱤᱛᱟ ᱫᱚ ᱵᱟᱨᱭᱟ ᱯᱷᱤᱞᱢ ᱯᱷᱮᱭᱟᱨ ᱟᱣᱟᱨᱰ ᱥᱟᱢᱟᱝ ᱟᱨ ᱠᱮᱨᱟᱞᱟ ᱯᱚᱱᱚᱛ ᱯᱷᱤᱞᱢ ᱟᱣᱟᱨᱰ, ᱠᱚᱨᱱᱟᱴᱚᱠ ᱯᱚᱱᱚᱛ ᱯᱷᱤᱞᱢ ᱟᱣᱟᱨᱰ ᱡᱚᱛᱚ ᱡᱤᱛᱠᱟᱹᱨ ᱟᱠᱟᱱᱟᱭ ᱾[]

ᱜᱤᱛᱟ ᱫᱚ ᱟᱡᱟᱜ ᱯᱩᱭᱞᱩ ᱯᱷᱤᱞᱤᱢ ᱫᱚ ᱑᱙᱗᱘ ᱥᱟᱞ ᱨᱮ ᱛᱟᱢᱤᱞ ᱯᱷᱤᱞᱤᱢ ᱵᱚᱭᱨᱟᱵᱤ ᱨᱮ ᱧᱩᱛᱩᱢᱟᱱ ᱪᱚᱞᱚᱱ ᱪᱤᱛᱟ.ᱨ ᱞᱮᱠᱟᱛᱮ ᱠᱟ.ᱢᱤ ᱞᱮᱱᱟ ᱾ ᱡᱟᱦᱟᱸ ᱨᱮ ᱟᱡ ᱫᱚ ᱨᱟᱡᱽᱱᱤᱠᱟᱱᱛᱷ ᱟᱜ ᱟᱭᱳ ᱟᱭᱳ ᱞᱮᱠᱟᱛᱮ ᱠᱟ.ᱢᱤ ᱞᱮᱱᱟ ᱾ ᱯᱷᱤᱞᱢ ᱨᱮ ᱠᱟᱥᱴ ᱞᱮᱱ ᱚᱠᱛᱚ ᱩᱱᱤ ᱫᱚ ᱟᱡᱟᱜ ᱗ ᱟᱱᱟᱜ ᱠᱞᱟᱥ ᱨᱮ ᱛᱟᱦᱮᱸ ᱠᱟᱱᱟᱭ ᱾ ᱛᱟᱭᱚᱢ ᱟᱡᱟᱜ ᱯᱷᱤᱞᱤᱢ ᱠᱮᱨᱤᱭᱚᱨ ᱨᱮ ᱟᱬᱜᱚ ᱞᱟᱹᱜᱤᱫ ᱟᱡᱟᱜ ᱯᱟᱲᱦᱟᱣ ᱫᱚᱭ ᱵᱚᱫᱚᱞ ᱠᱮᱫ-ᱟ ᱾ ᱑᱙᱘᱖ ᱥᱟᱞᱮ ᱨᱮ ᱢᱤᱫ ᱱᱟᱠᱥᱟᱞᱤᱴ ᱨᱟᱡᱽᱟᱹᱨᱤᱭᱟᱹ ᱟᱡᱤᱛᱟ ᱟᱜ ᱥᱟᱹᱨᱤ ᱡᱤᱭᱚᱱ ᱠᱟᱛᱷᱟ ᱨᱮ ᱚᱞ ᱟᱠᱟᱱ ᱢᱟᱞᱟᱭᱟᱞᱟᱢ ᱯᱷᱤᱞᱢ ᱯᱚᱧᱪᱟᱜᱽᱱᱤ ᱨᱮ ᱤᱱᱫᱤᱨᱟ ᱞᱮᱠᱟᱛᱮ ᱟᱡᱟᱜ ᱠᱟᱢᱤ ᱫᱚ ᱟᱹᱰᱤ ᱥᱟᱨᱦᱟᱣ ᱧᱟᱢ ᱞᱮᱱᱟ ᱟᱨ ᱫᱤ ᱦᱤᱱᱫᱩ ᱯᱚᱛᱚᱵ ᱨᱮ "ᱢᱟᱞᱟᱭᱟᱞᱟᱢ ᱥᱤᱱᱮᱢᱟ ᱨᱤᱱᱤᱡ ᱢᱤᱫ ᱢᱩᱬᱩᱛ ᱦᱤᱨᱚᱭᱤᱱᱤ" ᱢᱮᱱᱛᱮᱭ ᱵᱤᱠᱱᱟᱹᱣ ᱞᱮᱱᱟ ᱾ ᱑᱙᱘᱙ ᱥᱟᱞᱮ ᱨᱮ ᱚᱨᱩ ᱵᱚᱰᱚᱠᱟᱱ ᱵᱤᱨᱜᱚᱸᱡᱽ ᱞᱟᱹᱜᱤᱫ ᱛᱮ ᱫᱚᱥᱟᱨ ᱡᱚᱛᱚ ᱠᱷᱚᱱ ᱱᱟᱯᱟᱭ ᱟᱠᱴᱨᱮᱥ ᱞᱮᱠᱟᱛᱮ ᱥᱚᱨᱠᱟᱨᱤ ᱥᱤᱨᱯᱷᱟᱹᱭ ᱟᱢᱮᱴ ᱞᱮᱫ ᱛᱟᱦᱮᱸᱫ ᱾ ᱟᱡᱟᱜ ᱡᱚᱛᱚ ᱠᱷᱚᱱ ᱧᱩᱛᱩᱢᱟᱱ ᱮᱱᱮᱡ ᱫᱚ ᱢᱚᱢᱢᱩᱴᱴᱷᱤ ᱟᱨ ᱢᱳᱦᱚᱱᱞᱟᱞ ᱥᱟᱶ ᱛᱟᱦᱮᱸ ᱠᱟᱱᱟ ᱾

ᱟᱡᱟᱜ ᱧᱩᱛᱩᱢᱟᱱ ᱠᱚᱱᱱᱚᱰᱟ ᱯᱷᱤᱞᱢ ᱨᱮ ᱨᱟᱡᱽᱠᱩᱢᱟᱨ, ᱚᱱᱚᱱᱛᱚ ᱱᱟᱜᱽ, ᱵᱤᱥᱱᱩᱣᱟᱨᱫᱷᱚᱱ ᱟᱨ ᱟᱢᱵᱟᱨᱮᱥ ᱢᱮᱱᱟᱜ ᱠᱚᱣᱟ ᱾ ᱟᱡᱟᱜ ᱧᱩᱛᱩᱢᱟᱱ ᱯᱷᱤᱞᱢ ᱠᱚᱫᱚ ᱫᱷᱨᱩᱵᱟ ᱛᱟᱨᱮ, ᱫᱮᱵᱚᱛᱟ ᱢᱟᱱᱩᱥᱤᱭᱟ, ᱟᱱᱩᱨᱟᱜᱟ ᱟᱨᱟᱞᱤᱛᱷᱩ, ᱥᱨᱩᱛᱷᱤ ᱥᱮᱨᱤᱰᱟᱜᱟ, ᱟᱨ ᱨᱟᱡᱽᱠᱩᱢᱟᱨ ᱥᱟᱶ ᱮᱠᱟᱥᱢᱤᱠᱟ ᱾ ᱮᱴᱟᱜ ᱯᱷᱤᱞᱢ ᱠᱚ ᱫᱚ ᱦᱩᱭᱩᱜ ᱠᱟᱱᱟ ᱤᱨᱟᱫᱩ ᱨᱮᱠᱮᱜᱟᱞᱩ, ᱢᱟᱨᱮᱭᱟᱫᱟ ᱢᱟᱱᱤᱠᱤᱭᱟ, ᱢᱩᱨᱜᱟᱞᱤᱭᱟ, ᱵᱤᱨᱟᱫᱷᱤ ᱵᱤᱨ, ᱢᱤᱛᱷᱤᱞᱤᱭᱟ ᱥᱤᱴᱷᱟᱭᱟᱨᱩ, ᱱᱮᱱᱟᱯᱤᱱᱟ ᱫᱳᱱᱤ, ᱵᱚᱭᱨᱟᱵᱤ, ᱥᱤᱵᱟ ᱢᱮᱠᱪᱤᱰᱟ, ᱜᱤᱨᱤ ᱵᱟᱞᱮ, ᱨᱟᱢᱱᱟ ᱥᱚᱢᱱᱟ, ᱜᱩᱸᱰᱟ ᱜᱩᱨᱩ, ᱱᱤᱜᱳᱫᱟ ᱨᱚᱦᱥᱤᱭᱟ, ᱨᱟᱢᱯᱩᱨᱟᱫᱟ ᱨᱟᱵᱷᱟᱱ, ᱯᱨᱚᱪᱟᱱᱫᱟ ᱠᱩᱞᱞᱟ, ᱦᱨᱩᱫᱟᱭᱟ ᱯᱚᱞᱞᱚᱵᱤ, ᱫᱟᱫᱟ, ᱟᱨᱟᱫᱷᱟᱱᱮ, ᱥᱚᱵᱚᱨᱢᱚᱞ ᱥᱣᱟᱢᱤ ᱟᱭᱚᱯᱯᱟ ᱟᱨ ᱟᱨᱩᱱᱟ ᱨᱟᱜᱟ ᱾ ᱩᱱᱤ ᱫᱚ ᱟᱢᱵᱟᱨᱤᱪ ᱥᱟᱶ ᱢᱤᱫ ᱧᱩᱛᱩᱢᱟᱱ ᱨᱳᱢᱟᱱᱴᱤᱠ ᱯᱟᱨ ᱵᱮᱱᱟᱣ ᱞᱮᱫᱟ ᱟᱨ ᱩᱱᱤ ᱥᱟᱶ ᱑᱕ ᱜᱚᱴᱟᱝ ᱯᱷᱤᱞᱢ ᱨᱮ ᱠᱟ.ᱢᱤ ᱟᱠᱟᱫᱟ ।

ᱜᱤᱛᱟ ᱫᱚ ᱛᱟᱢᱤᱞ ᱥᱤᱨᱤᱭᱮᱞ ᱠᱚᱨᱮ ᱦᱚᱸᱭ ᱠᱟ.ᱢᱤ ᱟᱠᱟᱫ-ᱟ ᱾ ᱵᱟᱞᱟᱪᱮᱱᱰᱟᱨ ᱩᱱᱤ ᱫᱚ ᱠᱟᱛᱷᱟ ᱠᱟᱛᱷᱟᱭᱟᱢ ᱠᱟᱨᱚᱱᱚᱢᱚᱢ ᱞᱮᱠᱟᱱ ᱛᱟᱢᱤᱞ ᱥᱤᱨᱤᱭᱮᱞ ᱨᱮ ᱦᱚᱸᱭ ᱠᱟ.ᱢᱤ ᱟᱠᱟᱫᱟ ᱟᱨ ᱨᱟᱡᱽᱠᱩᱢᱟᱨᱤ ᱨᱮ ᱨᱟᱢᱭᱟ ᱠᱨᱤᱥᱱᱟᱱ ᱟᱭᱳ ᱞᱮᱠᱟᱛᱮ ᱠᱟ.ᱢᱤ ᱟᱠᱟᱫᱟ, ᱡᱟᱦᱟᱸ ᱫᱚ ᱥᱚᱱ ᱴᱤᱵᱷᱤ ᱨᱮ ᱩᱪᱷᱟᱹᱱ ᱞᱮᱱᱟ ।

ᱠᱤ ᱨᱮ 'ᱵᱷᱮ ᱵᱷᱮᱞᱟ ᱜᱚᱯᱮᱢᱢᱟᱞᱟ' ᱥᱮᱨᱮᱧ ᱨᱮ ᱠᱟᱢᱟᱞ ᱦᱟᱥᱟᱱ ᱟᱜ ᱰᱮᱱᱥ ᱯᱟᱨᱴᱱᱚᱨ ᱞᱮᱠᱟᱛᱮ ᱠᱟ. ᱵᱤᱥᱣᱚᱱᱟᱛᱷ ᱟᱜ ᱥᱟᱜᱟᱨᱟ ᱥᱚᱝᱜᱟᱢᱟᱢ ᱾ ᱢᱟᱞᱟᱭᱟᱞᱟᱢ ᱰᱩᱵᱽᱞᱚᱰ ᱵᱷᱚᱨᱥᱚᱱ ᱦᱚᱸ ᱢᱤᱫ ᱥᱩᱯᱚᱨ ᱦᱤᱴ ᱛᱟᱦᱮᱸ ᱠᱟᱱᱟ ᱟᱨ 'ᱠᱚᱨᱢᱮᱜᱷᱟ ᱵᱚᱨᱱᱟᱱᱴᱮ ᱢᱟᱨᱤᱞ' ᱫᱚ ᱯᱟᱧᱡᱟᱵᱽᱱᱤ ᱨᱮ ᱟᱡᱟᱜ ᱥᱚᱱᱥᱮᱥᱱᱟᱞ ᱮᱛᱚᱦᱚᱵ ᱢᱟᱬᱟᱝ ᱠᱮᱨᱟᱞᱟ ᱨᱮ ᱧᱩᱛᱩᱢᱟᱱ ᱮ ᱵᱮᱱᱟᱣ ᱞᱮᱫᱼᱟ ᱾

᱑᱙᱙᱗ ᱨᱮ ᱩᱱᱤ ᱫᱚ ᱵᱚᱥᱟᱱ ᱛᱟᱛᱟᱢ, ᱢᱤᱫ ᱟᱢᱮᱨᱤᱠᱟ ᱨᱤᱱᱤᱡ CPA ᱟᱨ ᱥᱤᱧᱚᱛ ᱨᱤᱱᱤᱡ ᱪᱟᱨᱴᱟᱨᱰ ᱮᱠᱟᱶᱴᱮᱱᱴ ᱥᱟᱶᱮ ᱵᱟᱯᱞᱟ ᱞᱮᱱᱟᱭ ᱾ ᱱᱤᱣ ᱡᱚᱨᱥᱤ ᱨᱮ ᱠᱚ ᱛᱟᱦᱮᱸ ᱠᱟᱱᱟ, ᱡᱟᱦᱟᱸ ᱨᱮ ᱵᱷᱟᱥᱟᱱ ᱫᱚ ᱢᱤᱫ ᱵᱮᱯᱟᱨᱤ ᱯᱨᱚᱢᱳᱴᱚᱨ ᱟᱨ ᱠᱚᱨᱯᱚᱨᱮᱥᱚᱱ ᱠᱚᱣᱟᱜ ᱥᱚᱦᱚᱫᱤᱭᱟᱹ ᱠᱟᱱᱟᱭ ᱾ ᱱᱩᱠᱩ ᱵᱟᱯᱞᱟ ᱨᱮ ᱢᱤᱫ ᱠᱚᱲᱟ ᱜᱤᱫᱽᱨᱟᱹ ᱢᱮᱱᱟᱜᱼᱟ ᱡᱟᱦᱟᱸᱭ ᱫᱚ ᱑᱙᱙᱙ ᱨᱮ ᱡᱟᱱᱟᱢ ᱞᱮᱱᱟᱭ ᱾[]

ᱟᱡᱟᱜ ᱵᱟᱯᱞᱟ ᱛᱟᱭᱚᱢ, ᱑᱙᱙᱘ ᱠᱷᱚᱱ ᱒᱐᱐᱒ ᱫᱷᱟᱹᱵᱤᱡ ᱩᱱᱤ ᱫᱚ ᱟᱠᱴᱤᱝ ᱠᱷᱚᱱ ᱵᱚᱦᱚᱜ ᱦᱤᱡᱩᱜ ᱠᱟᱱ ᱛᱟᱦᱮᱸᱫ ᱾ ᱒᱐᱐᱓ ᱥᱮᱨᱢᱟ ᱨᱮ ᱩᱱᱤ ᱫᱚ ᱮᱱᱮᱡ ᱨᱮᱭ ᱨᱩᱣᱟ.ᱲ ᱮᱱᱟ ᱟᱨ ᱱᱩᱵᱷᱚᱥᱛᱟᱱᱴᱮ ᱱᱮᱱᱳᱰᱚᱰᱟᱱᱴᱟ, ᱚᱠᱠᱠᱮᱰᱩ, ᱯᱩᱨᱱᱚᱢᱤ, ᱚᱱᱚᱠᱠᱩᱢ ᱤᱱᱟᱠᱩᱢ, ᱥᱚᱱᱛᱚᱥ ᱥᱩᱵᱽᱨᱟᱢᱚᱱᱭᱚᱢ, ᱥᱤᱵᱚᱠᱥᱤ, ᱟᱡᱽᱦᱟᱡᱤᱭᱟ ᱛᱟᱢᱤᱞ ᱢᱟᱜᱚᱱ, ᱢᱟᱥᱴᱚᱨᱥ ᱟᱨ ᱟᱱᱣᱟᱨ ᱮᱢᱟᱱ ᱯᱷᱤᱞᱢ ᱨᱮ ᱦᱤᱨᱚ ᱟᱜ ᱢᱟᱢᱮ ᱞᱮᱠᱟᱛᱮᱭ ᱠᱟ.ᱢᱤ ᱟᱠᱟᱫᱟ । ᱛᱟᱭᱚᱢ ᱩᱱᱤ ᱫᱚ ᱪᱮᱱᱱᱟᱭ ᱨᱮᱭ ᱵᱟᱥᱟ ᱞᱮᱱᱟ ᱾[]

  1. M., Athira (26 November 2015). "Playing women of substance". The Hindu. Retrieved 21 July 2019.
  2. "Geetha back to Kannada films". The Times of India. Archived from the original on 30 May 2013. Retrieved 17 January 2022.
  3. "Alitho Saradaga | Geetha (Actress) | 26th September 2022 | Full Episode | ETV Telugu". 26 September 2022 – via YouTube.
  • Geetha (ᱤᱱᱴᱚᱨᱱᱮᱴ ᱢᱩᱵᱷᱤ ᱰᱟᱴᱟᱵᱮᱥ ᱨᱮ)