ᱜᱩᱴᱳᱵᱽ ᱯᱟᱹᱨᱥᱤ
| ᱜᱩᱴᱳᱵᱽ | |
|---|---|
| ᱵᱳᱰᱳ ᱜᱟᱰᱟᱵᱟ | |
| ଗଦବା | |
| ᱡᱟᱱᱟᱢ ᱴᱷᱟᱶ | ᱥᱤᱧᱚᱛ |
| ᱮᱞᱟᱠᱟ | ᱳᱰᱤᱥᱟ, ᱟᱱᱫᱷᱨᱚ ᱯᱨᱚᱫᱮᱥ |
ᱡᱟᱱᱟᱢ ᱯᱟᱹᱨᱥᱤ ᱞᱮᱠᱟ | ᱑᱐-᱑᱕,᱐᱐᱐ (᱒᱐᱐᱘)[᱑] |
ᱚᱞ ᱛᱚᱦᱚᱨ | ᱳᱰᱤᱭᱟ ᱪᱤᱠᱤ |
| ᱯᱟᱹᱨᱥᱤ ᱠᱳᱰ | |
| ISO 639-3 | gbj |
| ᱜᱞᱳᱴᱳᱞᱳᱜᱽ | bodo1267[᱒] |
ᱜᱩᱴᱳᱵᱽ ᱥᱮ ᱵᱳᱰᱳ ᱜᱟᱰᱟᱵᱟ ᱯᱟᱹᱨᱥᱤ ᱫᱚ ᱚᱥᱴᱨᱳᱼᱮᱥᱤᱭᱟᱴᱤᱠ ᱯᱟᱹᱨᱥᱤ ᱜᱷᱟᱨᱚᱸᱡᱽ ᱨᱮᱭᱟᱜ ᱢᱤᱫ ᱢᱩᱱᱰᱟ ᱯᱟᱹᱨᱥᱤ ᱠᱟᱱᱟ, ᱱᱚᱣᱟ ᱫᱚ ᱥᱤᱧᱚᱛ ᱨᱮᱭᱟᱜ ᱳᱰᱤᱥᱟ ᱯᱚᱱᱚᱛ ᱨᱮᱭᱟᱜ ᱠᱳᱨᱟᱯᱩᱴ ᱦᱚᱱᱚᱛ ᱟᱨ ᱟᱱᱫᱷᱨᱚ ᱯᱨᱚᱫᱮᱥ ᱨᱮᱭᱟᱜ ᱵᱤᱥᱟᱠᱷᱟᱯᱟᱴᱱᱟᱢ ᱦᱚᱱᱚᱛ ᱨᱮᱠᱚ ᱨᱚᱲᱼᱟ᱾ ᱱᱚᱣᱟ ᱫᱚ ᱥᱟᱫᱷᱟᱨᱚᱱ ᱞᱮᱠᱟᱛᱮ ᱜᱟᱰᱟᱵᱟ ᱯᱟᱹᱨᱥᱤ ᱞᱮᱠᱟᱛᱮ ᱦᱚᱸ ᱵᱟᱲᱟᱭᱚᱜᱼᱟ, ᱛᱚᱵᱮ ᱱᱚᱣᱟ ᱫᱚ ᱰᱨᱟᱵᱷᱤᱰᱤᱭᱟᱱ ᱜᱟᱰᱟᱵᱟ ᱯᱟᱹᱨᱥᱤ ᱠᱷᱚᱱ ᱡᱩᱫᱟᱹ ᱜᱮᱭᱟ᱾ ᱵᱳᱰᱳ ᱜᱟᱰᱟᱵᱟ ᱯᱟᱹᱨᱥᱤ ᱨᱮᱭᱟᱜ ᱮᱴᱟᱜ ᱧᱩᱛᱩᱢ ᱠᱚᱫᱚ ᱦᱩᱭᱩᱜ ᱠᱟᱱᱟ ᱜᱟᱰᱟᱵᱟ, ᱜᱩᱛᱳᱯ, ᱜᱩᱰᱣᱟ, ᱜᱳᱰᱣᱟ, ᱜᱟᱰᱣᱟ ᱟᱨ ᱵᱳᱭ ᱜᱟᱰᱟᱵᱟ ᱮᱢᱟᱱ᱾
ᱦᱟᱹᱴᱤᱧ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱜᱩᱴᱳᱵᱽ ᱫᱚ ᱚᱥᱴᱨᱳᱼᱮᱥᱤᱭᱟᱴᱤᱠ ᱯᱟᱹᱨᱥᱤ ᱜᱷᱟᱨᱚᱸᱡᱽ ᱨᱮᱭᱟᱜ ᱢᱩᱱᱰᱟ ᱪᱟᱸᱜᱟ ᱜᱷᱟᱨᱚᱸᱡᱽ ᱨᱮᱭᱟᱜ ᱮᱛᱚᱢ ᱢᱩᱱᱰᱟ ᱪᱟᱸᱜᱟ ᱦᱟᱹᱴᱤᱧ ᱨᱮᱭᱟᱜ ᱯᱟᱹᱨᱥᱤ ᱠᱟᱱᱟ᱾ ᱱᱚᱣᱟ ᱨᱮᱭᱟᱜ ᱫᱚ ᱵᱳᱱᱰᱳ ᱯᱟᱹᱨᱥᱤ ᱥᱟᱶ ᱥᱩᱯᱩᱨ ᱥᱟᱹᱜᱟᱹᱭ ᱢᱮᱱᱟᱜᱼᱟ᱾[᱓]
ᱯᱟᱥᱱᱟᱣ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱜᱩᱴᱳᱵᱽ ᱫᱚ ᱳᱰᱤᱥᱟ ᱟᱨ ᱠᱚᱸᱭᱮ ᱟᱱᱫᱷᱨᱚ ᱯᱨᱚᱫᱮᱥ ᱨᱮᱭᱟᱜ ᱦᱚᱱᱚᱛ ᱠᱚᱨᱮ ᱠᱚ ᱨᱚᱲᱼᱟ, ᱟᱨ ᱡᱟᱹᱥᱛᱤ ᱫᱚ ᱮᱛᱚᱢ ᱳᱰᱤᱥᱟ (᱒᱐᱐᱘:᱖᱓᱔) ᱨᱮᱭᱟᱜ ᱠᱳᱨᱟᱯᱩᱴ ᱦᱚᱱᱚᱛ, ᱞᱟᱢᱯᱛᱟᱯᱩᱴ ᱵᱚᱱᱚᱛ ᱨᱮᱠᱚ ᱨᱚᱲᱼᱮᱫ ᱠᱟᱱᱟ᱾ ᱪᱟᱞᱟᱣᱮᱱ ᱜᱮᱼᱥᱮᱨᱢᱟ ᱢᱩᱸᱫᱽ ᱨᱮ, ᱜᱩᱴᱳᱵᱽ ᱨᱚᱲᱼᱦᱚᱲ ᱠᱚᱫᱚ ᱟᱱᱫᱷᱨᱚ ᱯᱨᱚᱫᱮᱥ ᱨᱮᱭᱟᱜ ᱥᱚᱢᱟᱱ ᱮᱞᱟᱠᱟ ᱥᱟᱶ ᱥᱟᱶᱛᱮ ᱨᱟᱭᱜᱚᱰᱟ ᱦᱚᱱᱚᱛ ᱟᱨ ᱥᱩᱨ ᱥᱚᱦᱚᱨ ᱢᱟᱡᱤᱜᱩᱰᱟ ᱠᱚᱨᱮ ᱦᱚᱠᱚ ᱱᱟᱞᱦᱟ ᱪᱟᱞᱟᱣ ᱟᱠᱟᱱᱟ, ᱡᱟᱦᱟᱸ ᱨᱮ ᱩᱱᱠᱩ ᱫᱚ ᱰᱨᱟᱵᱷᱤᱰᱤᱭᱟᱱ ᱨᱚᱲᱼᱮᱫ ᱠᱷᱳᱱᱰ ᱦᱚᱲ ᱠᱚ ᱥᱟᱶ ᱠᱚ ᱛᱟᱦᱮᱸᱱ ᱠᱟᱱᱟ᱾
ᱮᱛᱷᱱᱳᱞᱚᱜᱽ ᱱᱚᱣᱟ ᱠᱚ ᱡᱟᱭᱜᱟᱭ ᱪᱤᱱᱦᱟᱹ ᱟᱠᱟᱫᱟ᱾
- ᱮᱛᱚᱢ ᱳᱰᱤᱥᱟ ᱨᱮᱭᱟᱜ ᱠᱳᱨᱟᱯᱩᱴ ᱦᱚᱱᱚᱛ, ᱞᱟᱢᱯᱛᱟᱯᱩᱴ ᱵᱚᱱᱚᱛ ᱨᱮᱭᱟᱜ ᱔᱐ ᱟᱹᱛᱩ
- ᱮᱛᱚᱢ ᱳᱰᱤᱥᱟ ᱨᱮᱭᱟᱜ ᱢᱟᱞᱠᱟᱱᱜᱤᱨᱤ ᱦᱚᱱᱚᱛ ᱠᱷᱳᱭᱨᱟᱯᱩᱴ ᱵᱚᱱᱚᱛ
- ᱠᱚᱸᱭᱮ ᱟᱱᱫᱷᱨᱚ ᱯᱨᱚᱫᱮᱥ ᱨᱮᱭᱟᱜ ᱵᱤᱥᱟᱠᱷᱟᱯᱟᱴᱱᱟᱢ ᱦᱚᱱᱚᱛ
ᱯᱟᱹᱨᱥᱤ ᱨᱮᱭᱟᱜ ᱦᱟᱞᱚᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱟᱭᱢᱟ ᱜᱟᱱ ᱫᱟᱜᱼᱵᱤᱡᱽᱞᱤ ᱯᱚᱨᱛᱚᱱ ᱵᱮᱱᱟᱣ ᱠᱷᱟᱹᱛᱤᱨ ᱜᱩᱴᱳᱵᱽ ᱦᱚᱲ ᱠᱚ ᱟᱠᱟᱣᱟᱜ ᱢᱟᱨᱮ ᱟᱹᱛᱩ ᱠᱷᱚᱱ ᱠᱚ ᱩᱱᱩᱪᱷᱟᱹᱱ ᱠᱟᱛᱮ ᱫᱮᱥᱤᱭᱟ ᱨᱚᱲᱼᱦᱚᱲ ᱠᱚᱣᱟᱜ ᱟᱹᱛᱩ ᱠᱚᱨᱮ ᱞᱮᱠᱷᱟᱥᱤᱫ ᱦᱚᱲ ᱞᱮᱠᱟᱛᱮ ᱛᱟᱦᱮᱸ ᱦᱩᱭᱩᱜ ᱠᱟᱱ ᱛᱟᱠᱚ ᱛᱮ ᱜᱩᱴᱳᱵᱽ ᱯᱟᱹᱨᱥᱤ ᱫᱚ ᱱᱤᱛ ᱟᱫᱚᱜ ᱯᱟᱹᱨᱥᱤ ᱞᱮᱠᱟᱛᱮ ᱞᱮᱠᱷᱟᱜ ᱠᱟᱱᱟ᱾ ᱮᱱᱰᱟᱨᱥᱚᱱ (᱒᱐᱐᱘) ᱟᱜ ᱟᱢᱫᱟᱡᱽ ᱞᱮᱠᱟᱛᱮ ᱑᱐,᱐᱐᱐ ᱠᱷᱚᱱ ᱑᱕,᱐᱐᱐ ᱜᱟᱱ ᱦᱚᱲ ᱜᱩᱴᱳᱵᱽ ᱯᱟᱹᱨᱥᱤ ᱠᱚ ᱨᱚᱲᱼᱮᱫ ᱠᱟᱱᱟ, ᱛᱚᱵᱮ ᱠᱳᱨᱟᱯᱩᱴ ᱨᱮ ᱠᱟᱹᱢᱤᱭᱮᱫ ᱠᱟᱱ ᱟᱥᱟ ᱠᱤᱨᱚᱱ ᱜᱟᱶᱛᱟ ᱟᱜ ᱟᱢᱫᱟᱡᱽ ᱞᱮᱠᱟᱛᱮ ᱱᱚᱣᱟ ᱯᱟᱹᱨᱥᱤ ᱫᱚ ᱕,᱐᱐᱐ ᱠᱷᱚᱱ ᱦᱚᱸ ᱠᱚᱢ ᱦᱚᱲ ᱠᱚ ᱨᱚᱲᱼᱮᱫ ᱠᱟᱱᱟ᱾ ᱦᱩᱭ ᱫᱟᱲᱮᱭᱟᱜᱼᱟ, ᱒᱐᱑᱑ ᱥᱮᱨᱢᱟ ᱨᱮᱭᱟᱜ ᱦᱚᱲᱞᱮᱠᱷᱟ ᱨᱮ ᱜᱩᱴᱳᱵᱽ ᱟᱨ ᱳᱞᱟᱨᱤ ᱫᱚ ᱢᱤᱫᱴᱟᱝ ᱯᱟᱹᱨᱥᱤ ᱞᱮᱠᱟᱛᱮ ᱠᱚ ᱞᱮᱠᱷᱟ ᱟᱠᱟᱫᱟ ᱪᱮᱫᱟᱜ ᱥᱮ ᱱᱚᱣᱟ ᱠᱤᱱ ᱵᱟᱱᱟᱨ ᱯᱟᱹᱨᱥᱤ ᱜᱮ ᱵᱟᱨᱦᱮ ᱨᱮᱱ ᱦᱚᱲ ᱫᱚ ᱜᱟᱰᱟᱵᱟ ᱢᱮᱱᱛᱮ ᱠᱚ ᱢᱮᱛᱟᱜᱼᱟ᱾ ᱮᱱᱛᱮᱨᱮᱦᱚᱸ ᱜᱩᱴᱳᱵᱽ ᱯᱟᱹᱨᱥᱤ ᱛᱮ ᱥᱮᱪᱮᱫ ᱨᱮᱭᱟᱜ ᱠᱩᱨᱩᱢᱩᱴᱩ ᱦᱩᱭ ᱟᱠᱟᱱᱟ, ᱱᱚᱣᱟ ᱠᱩᱨᱩᱢᱩᱴᱩ ᱨᱮ ᱟᱹᱰᱤ ᱜᱟᱱ ᱮᱴᱠᱮᱴᱚᱬᱮ ᱦᱮᱡ ᱟᱠᱟᱱᱟ ᱟᱨ ᱢᱮᱥᱟᱞ ᱛᱮ ᱟᱹᱛᱩ ᱨᱮ ᱛᱟᱦᱮᱸ ᱠᱷᱟᱹᱛᱤᱨ ᱡᱟᱹᱥᱛᱤ ᱜᱟᱱ ᱟᱭᱚᱼᱵᱟᱵᱟ ᱜᱮᱠᱚ ᱠᱷᱚᱡᱚᱜ ᱠᱟᱱᱟ ᱡᱮ ᱩᱱᱠᱩ ᱨᱮᱱ ᱜᱤᱫᱽᱨᱟᱹ ᱠᱚ ᱫᱮᱥᱤᱭᱟ ᱯᱟᱹᱨᱥᱤ ᱛᱮᱜᱮ ᱠᱚ ᱥᱮᱪᱮᱫᱚᱜ ᱢᱟ᱾[᱔]
ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- ↑ Voß, Judith (2015-01-01). "Person markers in Gutob". Journal of South Asian Languages and Linguistics. 2 (2). doi:10.1515/jsall-2015-0011. ISSN 2196-0771. S2CID 151570154.
- ↑ Hammarström, Harald; Forkel, Robert; Haspelmath, Martin, eds. (2017). "Bodo Gadaba". Glottolog 3.0. Jena, Germany: Max Planck Institute for the Science of Human History.
{{cite book}}: Unknown parameter|chapterurl=ignored (help) - ↑ Ethnologue report on the Bodo Gadaba language
- ↑ "Literature development in minority language: Case study of Gutob–Gadaba Language Revitalization Project in India" (in .pdf format)