ᱜᱭᱟᱱ ᱥᱩᱫᱷᱟ ᱢᱤᱥᱨᱟ
| ᱢᱟᱹᱱᱟᱱ ᱵᱤᱪᱟᱹᱨᱤᱭᱟᱹ ᱵᱤᱪᱟᱹᱨᱤᱭᱟᱹ ᱜᱭᱟᱱ ᱥᱩᱫᱷᱟ ᱢᱤᱥᱨᱟ | |
|---|---|
| ᱥᱤᱧᱚᱛ ᱨᱮᱭᱟᱜ ᱥᱩᱯᱨᱤᱢ ᱠᱳᱨᱰ ᱨᱮᱱ ᱵᱤᱪᱟᱹᱨᱤᱭᱟᱹ | |
| ᱟᱹᱢᱟᱹᱞᱤ ᱨᱮ ᱓᱐ ᱮᱯᱨᱤᱞ ᱒᱐᱑᱐ – ᱒᱗ ᱮᱯᱨᱤᱞ ᱒᱐᱑᱔ | |
| ᱵᱟᱦᱟᱞᱤᱭᱟᱹ | ᱥᱤᱧᱚᱛ ᱨᱮᱱ ᱫᱤᱥᱚᱢ ᱜᱚᱢᱠᱮ |
| ᱡᱷᱟᱨᱠᱷᱚᱸᱰ ᱦᱟᱭ ᱠᱳᱨᱰ ᱨᱮᱱ ᱢᱩᱬᱩᱛ ᱵᱤᱪᱟᱹᱨᱤᱭᱟᱹ | |
| ᱟᱹᱢᱟᱹᱞᱤ ᱨᱮ ᱑᱓ ᱡᱩᱞᱟᱭ ᱒᱐᱐᱘ – ᱒᱙ ᱮᱯᱨᱤᱞ ᱒᱐᱑᱐ | |
| ᱨᱟᱡᱚᱥᱛᱷᱟᱱ ᱦᱟᱭ ᱠᱳᱨᱰ ᱨᱮᱱ ᱵᱤᱪᱟᱹᱨᱤᱭᱟᱹ | |
| ᱟᱹᱢᱟᱹᱞᱤ ᱨᱮ ᱑᱙᱙᱔ – ᱑᱒ ᱡᱩᱞᱟᱭ ᱒᱐᱐᱘ | |
| ᱯᱟᱴᱱᱟ ᱦᱟᱭ ᱠᱳᱨᱰ ᱨᱮᱱ ᱵᱤᱪᱟᱹᱨᱤᱭᱟᱹ | |
| ᱟᱹᱢᱟᱹᱞᱤ ᱨᱮ ᱑᱖ ᱢᱟᱨᱪ ᱑᱙᱙᱔ – ᱑᱙᱙᱔ | |
| ᱯᱟᱨᱥᱚᱱᱟᱞ ᱵᱤᱵᱚᱨᱚᱱ | |
| ᱡᱟᱹᱛᱤᱭᱟᱹᱨᱤ | ᱥᱤᱧᱚᱛᱤᱭᱟᱹ |
ᱜᱭᱟᱱ ᱥᱩᱫᱷᱟ ᱢᱤᱥᱨᱟ ᱫᱚ ᱥᱤᱧᱚᱛ ᱨᱮᱭᱟᱜ ᱥᱩᱯᱨᱤᱢ ᱠᱳᱨᱰ ᱨᱮᱱ ᱢᱟᱨᱮ ᱵᱤᱪᱟᱹᱨᱤᱭᱟᱹ ᱠᱟᱱᱟᱭ ᱾ ᱢᱤᱥᱨᱟ ᱫᱚ ᱓᱐ ᱮᱯᱨᱤᱞ ᱒᱐᱑᱐ ᱨᱮ ᱥᱤᱧᱚᱛ ᱨᱮᱭᱟᱜ ᱥᱩᱯᱨᱤᱢ ᱠᱳᱨᱰ ᱨᱮᱱ ᱵᱤᱪᱟᱹᱨᱤᱭᱟᱹ ᱦᱩᱫᱟᱹ ᱨᱮᱠᱚ ᱨᱟᱠᱟᱵ ᱞᱮᱫᱮᱭᱟ ᱾
ᱩᱱᱤ ᱫᱚ ᱥᱤᱧᱚᱛ ᱨᱮᱭᱟᱜ ᱥᱩᱯᱨᱤᱢ ᱠᱳᱨᱰ ᱨᱮ ᱟᱭᱢᱟ ᱱᱟᱜᱟᱢᱤᱭᱟᱹ ᱟᱨ ᱧᱩᱢ ᱜᱟᱱᱚᱜ ᱨᱟᱭ ᱠᱚᱸᱭ ᱯᱟᱥ ᱟᱠᱟᱫᱟ, ᱚᱱᱟ ᱠᱚ ᱢᱩᱸᱫᱽ ᱨᱮ ᱥᱨᱤᱱᱤᱵᱟᱥᱚᱱ-ᱵᱤ.ᱥᱤ.ᱥᱤ.ᱟᱭ ᱢᱟᱢᱞᱟ ᱨᱮᱭᱟᱜ ᱨᱟᱭ, ᱧᱩᱢ ᱜᱟᱱᱚᱜ ᱭᱩᱛᱷᱮᱱᱮᱥᱤᱭᱟ ᱨᱟᱭ - ᱚᱨᱩᱱᱟ ᱥᱟᱣᱩᱱᱵᱟᱨᱜᱽ ᱢᱟᱢᱞᱟ, ᱟᱨ ᱱᱮᱼᱦᱟᱹᱞᱤ ᱜᱮ ᱫᱤᱞᱞᱤ ᱩᱯᱚᱦᱟᱨ ᱥᱮᱸᱜᱮᱞ ᱜᱷᱚᱴᱚᱱ ᱨᱮᱭᱟᱜ ᱢᱚᱛᱵᱤᱨᱳᱫᱷᱤ ᱨᱟᱭ ᱢᱟᱹᱱᱢᱤ ᱡᱤᱭᱚᱱ ᱨᱮᱭᱟᱜ ᱟᱹᱰᱤᱜᱟᱱ ᱠᱷᱩᱛᱤ ᱞᱟᱹᱜᱤᱫ ᱥᱟᱥᱟᱯᱨᱟᱣ ᱜᱮᱭ ᱫᱟᱹᱭᱤ ᱟᱠᱟᱫᱮᱭᱟ ᱟᱨ ᱴᱨᱳᱢᱟ ᱥᱮᱱᱴᱟᱨ ᱵᱮᱱᱟᱣ ᱞᱮᱠᱟᱱ ᱥᱟᱶᱛᱟᱠᱤᱭᱟᱹ ᱠᱟᱨᱚᱱ ᱵᱮᱵᱷᱟᱨ ᱞᱟᱹᱜᱤᱫ ᱩᱱᱠᱩ ᱟᱭᱢᱟ ᱠᱷᱩᱛᱤᱯᱩᱨᱚᱱ ᱮᱢ ᱨᱮᱭᱟᱜ ᱟᱫᱮᱥ ᱮ ᱮᱢ ᱟᱠᱟᱫ ᱠᱚᱣᱟ ᱾
ᱢᱤᱥᱨᱟ ᱑᱙᱗᱒ ᱨᱮ ᱵᱤᱦᱟᱨ ᱯᱚᱱᱚᱛ ᱨᱮᱭᱟᱜ ᱵᱟᱨ ᱠᱟᱭᱩᱱᱥᱤᱞ ᱨᱮ ᱢᱤᱫ ᱩᱠᱤᱞ ᱞᱮᱠᱟᱛᱮᱭ ᱵᱚᱞᱚ ᱞᱮᱱᱟ, ᱩᱱ ᱚᱠᱛᱚ ᱥᱤᱧᱚᱛ ᱨᱮ ᱟᱹᱱᱟᱹᱨᱤ ᱠᱟᱹᱢᱤ ᱨᱮ ᱛᱤᱨᱞᱟᱹ ᱠᱚ ᱩᱱᱟᱹᱜ ᱵᱟᱝ ᱠᱚ ᱧᱮᱞᱚᱜ ᱠᱟᱱ ᱛᱟᱦᱮᱱᱟ ᱟᱨ ᱱᱚᱣᱟ ᱫᱚ ᱦᱮᱨᱮᱞ ᱠᱚᱣᱟᱜ ᱜᱟᱲ ᱞᱮᱠᱟᱛᱮ ᱵᱟᱲᱟᱭᱚᱜ ᱠᱟᱱ ᱛᱟᱦᱮᱱᱟ ᱾ ᱵᱤᱪᱟᱹᱨᱤᱭᱟᱹ ᱞᱮᱠᱟᱛᱮ ᱵᱚᱦᱟᱞ ᱞᱟᱦᱟ ᱨᱮ, ᱢᱤᱥᱨᱟ ᱫᱚ ᱵᱤᱪᱟᱹᱨᱤᱭᱟᱹ ᱠᱚᱣᱟᱜ ᱠᱟᱹᱢᱤᱦᱚᱨᱟ ᱟᱨ ᱟᱹᱱᱟᱹᱨᱤ ᱠᱟᱹᱢᱤ ᱥᱟᱶ ᱵᱷᱟᱜᱮ ᱞᱮᱠᱟ ᱜᱮᱭ ᱡᱚᱯᱲᱟᱣ ᱛᱟᱦᱮ ᱠᱟᱱᱟ, ᱟᱨ ᱚᱱᱟ ᱛᱮᱜᱮ ᱟᱭᱢᱟ ᱫᱷᱟᱣ ᱩᱱᱤ ᱫᱚ ᱥᱩᱯᱨᱤᱢ ᱠᱳᱨᱰ ᱨᱮᱭᱟᱜ ᱵᱟᱨ ᱮᱥᱳᱥᱤᱭᱟᱱ ᱨᱮᱱ ᱡᱟᱭᱨᱮᱛ, ᱜᱚᱲᱚ ᱥᱩᱛᱨᱮᱛ ᱟᱨ ᱥᱚᱦᱮᱫ ᱮᱠᱥᱤᱠᱤᱭᱩᱴᱤᱵᱷ ᱠᱚᱢᱤᱴᱤ ᱞᱮᱠᱟᱛᱮ ᱠᱚ ᱵᱟᱪᱷᱟᱣ ᱞᱮᱫᱮᱭᱟ, ᱡᱟᱦᱟᱸ ᱫᱚ ᱫᱤᱥᱚᱢ ᱨᱮ ᱩᱠᱤᱞ ᱠᱚᱣᱟᱜ ᱢᱩᱬᱩᱛ ᱜᱟᱶᱛᱟ ᱠᱟᱱᱟ ᱾
ᱦᱟᱭ ᱠᱳᱨᱰ ᱵᱤᱪᱟᱹᱨᱤᱭᱟᱹ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱟᱡᱟᱜ ᱠᱟᱹᱢᱤ ᱨᱮᱭᱟᱜ ᱢᱟᱹᱱ ᱟᱨ ᱒᱑ ᱥᱮᱨᱢᱟ ᱩᱠᱤᱞ ᱞᱮᱠᱟᱛᱮ ᱛᱟᱦᱮᱱ ᱠᱷᱟᱹᱛᱤᱨ ᱑᱖ ᱢᱟᱨᱪ ᱑᱙᱙᱔ ᱨᱮ ᱩᱱᱤ ᱫᱚ ᱵᱤᱦᱟᱨ ᱯᱚᱱᱚᱛ ᱨᱮᱭᱟᱜ ᱯᱟᱴᱱᱟ ᱦᱟᱭ ᱠᱳᱨᱰ ᱨᱮᱱ ᱵᱤᱪᱟᱹᱨᱤᱭᱟᱹ ᱞᱮᱠᱟᱛᱮ ᱠᱚ ᱵᱚᱦᱟᱞ ᱠᱮᱫᱮᱭᱟ, ᱢᱮᱱᱠᱷᱟᱱ ᱟᱹᱰᱤ ᱩᱥᱟᱹᱨᱟ ᱜᱮ ᱩᱱᱤ ᱫᱚ ᱨᱟᱡᱚᱥᱛᱷᱟᱱ ᱯᱚᱱᱚᱛ ᱨᱮᱭᱟᱜ ᱦᱟᱭ ᱠᱳᱨᱰ ᱨᱮᱠᱚ ᱩᱪᱟᱹᱲ ᱞᱮᱫᱮᱭᱟ, ᱩᱱ ᱚᱠᱛᱚ ᱨᱮᱭᱟᱜ ᱥᱤᱧᱚᱛᱤᱭᱟᱹ ᱵᱤᱪᱟᱹᱨᱤᱭᱟᱹ ᱠᱚᱣᱟᱜ ᱟᱹᱨᱤᱪᱟᱹᱞᱤ ᱞᱮᱠᱟᱛᱮ ᱾ ᱨᱟᱡᱚᱥᱛᱷᱟᱱ ᱦᱟᱭ ᱠᱳᱨᱰ ᱨᱮᱱ ᱢᱤᱫ ᱵᱤᱪᱟᱹᱨᱤᱭᱟᱹ ᱞᱮᱠᱟᱛᱮ ᱠᱟᱹᱢᱤ ᱚᱠᱛᱚ, ᱩᱱᱤ ᱟᱭᱢᱟ ᱠᱚᱢᱯᱟᱱᱤ ᱵᱤᱪᱟᱹᱨᱤᱭᱟᱹ, ᱥᱟᱞᱟᱼᱜᱚᱴᱟ ᱢᱟᱢᱞᱟ, ᱥᱚᱝᱵᱤᱫᱷᱟᱱᱤᱭᱟᱹ ᱢᱟᱢᱞᱟ ᱨᱮᱭᱟᱜ ᱵᱤᱪᱟᱹᱨᱤᱭᱟᱹ ᱞᱮᱠᱟᱛᱮ ᱟᱭᱢᱟ ᱧᱩᱢ ᱜᱟᱱᱚᱜ ᱠᱟᱹᱢᱤ ᱮ ᱠᱟᱹᱢᱤ ᱟᱠᱟᱫᱟ ᱟᱨ ᱡᱟᱹᱛᱤᱭᱟᱹᱨᱤ ᱥᱤᱠᱤᱭᱩᱨᱤᱴᱤ ᱮᱠᱴ ᱞᱮᱠᱟᱛᱮ ᱵᱮᱱᱟᱣ ᱟᱠᱟᱱ ᱫᱤᱥᱟᱹ ᱩᱫᱩᱜᱤᱭᱟᱹ ᱵᱳᱨᱰ ᱨᱮᱱ ᱪᱟᱭᱨᱮᱛ ᱮ ᱵᱚᱦᱟᱞ ᱞᱮᱱᱟ ᱾
"ᱛᱤᱨᱞᱟᱹ ᱟᱨ ᱜᱤᱫᱽᱨᱟᱹ ᱠᱚ ᱵᱤᱨᱩᱫᱽ ᱨᱮ ᱱᱟᱦᱟᱪᱟᱨ ᱢᱩᱪᱟᱹᱫ" ᱥᱟᱛᱟᱢ ᱨᱮ ᱠᱟᱴᱷᱢᱟᱱᱰᱩ ᱨᱮ ᱦᱩᱭ ᱞᱮᱱ ᱭᱩᱱᱮᱥᱮᱯᱷ ᱟᱜ ᱮᱛᱚᱢ ᱮᱥᱤᱭᱟ ᱫᱩᱯᱨᱩᱵ ᱨᱮ ᱢᱤᱥᱨᱟ ᱠᱚ ᱱᱮᱶᱛᱟ ᱞᱮᱫᱮᱭᱟ ᱾
ᱡᱷᱟᱨᱠᱷᱚᱸᱰ ᱦᱟᱭ ᱠᱳᱨᱰ ᱨᱮᱱ ᱢᱩᱬᱩᱛ ᱵᱤᱪᱟᱹᱨᱤᱭᱟᱹ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱨᱟᱡᱚᱥᱛᱷᱟᱱ ᱦᱟᱭ ᱠᱳᱨᱰ ᱨᱮ ᱑᱔ ᱥᱮᱨᱢᱟ ᱠᱟᱹᱢᱤ ᱛᱟᱭᱚᱢ ᱢᱤᱥᱨᱟ ᱫᱚ ᱑᱓ ᱡᱩᱞᱟᱭ ᱒᱐᱐᱘ ᱨᱮ ᱡᱷᱟᱨᱠᱷᱚᱸᱰ ᱯᱚᱱᱚᱛ ᱨᱮᱭᱟᱜ ᱨᱟᱺᱪᱤ ᱦᱟᱭ ᱠᱳᱨᱰ ᱨᱮᱱ ᱢᱩᱬᱩᱛ ᱵᱤᱪᱟᱹᱨᱤᱭᱟᱹ ᱞᱮᱠᱟᱛᱮ ᱠᱚ ᱵᱚᱦᱟᱞ ᱠᱮᱫᱮᱭᱟ ᱟᱨ ᱑᱐ ᱮᱯᱨᱤᱞ ᱒᱐᱑᱐ ᱦᱟᱹᱵᱤᱫ ᱚᱱᱟ ᱦᱩᱫᱟᱹ ᱨᱮᱭ ᱛᱟᱦᱮ ᱠᱟᱱᱟ ᱾