ᱜᱮᱦᱟᱱᱟ ᱵᱟᱥᱤᱥᱴ
ᱵᱟᱱᱫᱟᱱᱟ ᱛᱤᱣᱟᱨᱤ ᱡᱟᱦᱟᱸᱭ ᱫᱚ ᱟᱡᱟᱜ ᱥᱴᱮᱡ ᱧᱩᱛᱩᱢ ᱜᱮᱦᱟᱱᱟ ᱵᱟᱥᱤᱥᱴ ᱛᱮ ᱵᱟᱰᱟᱭᱚᱜ ᱠᱟᱱᱟ, ᱢᱤᱫ ᱵᱷᱟᱨᱚᱛᱤᱭᱚ ᱮᱠᱴᱨᱮᱥ, ᱢᱚᱰᱮᱞ ᱟᱨ ᱴᱮᱞᱤᱵᱤᱡᱚᱱ ᱯᱨᱮᱡᱮᱱᱴᱚᱨ ᱠᱟᱱᱟᱭ᱾ ᱟᱭᱢᱟ ᱵᱨᱟᱸᱰ ᱞᱟᱹᱜᱤᱫ ᱢᱤᱫ ᱢᱚᱰᱮᱞ ᱞᱮᱠᱟᱛᱮ ᱠᱟᱹᱢᱤ ᱠᱟᱛᱮ ᱛᱟᱭᱚᱢ, ᱩᱱᱤ ᱫᱚ ᱢᱤᱥ ᱮᱥᱤᱭᱟ ᱵᱤᱠᱤᱱᱤ ᱞᱮᱠᱟᱛᱮ ᱛᱟᱡ ᱠᱚ ᱦᱚᱨᱚᱜ ᱟᱫᱮᱭᱟ᱾
ᱮᱛᱚᱦᱚᱵ ᱡᱤᱭᱚᱱ ᱟᱨ ᱵᱮᱠᱜᱨᱟᱣᱩᱱᱰ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱟᱥᱤᱥᱴ ᱫᱚ ᱪᱷᱟᱛᱛᱤᱥᱜᱚᱲ ᱨᱮᱱᱟᱜ ᱪᱤᱨᱤᱢᱤᱨᱤ ᱨᱮ ᱡᱟᱱᱟᱢ ᱞᱮᱱᱟᱭ᱾ ᱟᱡ ᱮᱸᱜᱟᱛ, ᱢᱤᱱᱟ ᱛᱤᱣᱟᱨᱤ ᱫᱚ ᱢᱤᱫ ᱚᱲᱟᱜ ᱦᱚᱲ ᱠᱟᱱᱟᱭ ᱟᱨ ᱟᱡ ᱵᱟᱵᱟ, ᱨᱟᱡᱮᱱᱫᱨᱚ ᱛᱤᱣᱟᱨᱤ ᱫᱚ ᱢᱤᱫ ᱮᱰᱩᱠᱮᱥᱚᱱ ᱚᱯᱷᱤᱥᱚᱨ ᱮ ᱛᱟᱦᱮᱸ ᱠᱟᱱᱟ᱾
ᱩᱱᱤ ᱴᱷᱮᱱ ᱢᱤᱫ ᱦᱩᱰᱤᱧ ᱵᱚᱭᱦᱟ ᱱᱟᱢᱨᱟᱛᱟ ᱟᱨ ᱵᱟᱨᱭᱟ ᱦᱩᱰᱤᱧ ᱵᱚᱭᱦᱟ ᱵᱮᱫᱟᱱᱛ ᱟᱨ ᱥᱟᱱᱠᱟᱞᱯ ᱛᱤᱣᱟᱨᱤ ᱢᱮᱱᱟᱜ ᱠᱤᱱᱟ᱾ ᱟᱡ ᱨᱤᱱ ᱜᱟᱛᱮ ᱠᱚ ᱫᱚ ᱡᱤᱱᱫᱟᱜᱤ ᱧᱩᱛᱩᱢ ᱛᱮ ᱠᱚ ᱦᱚᱦᱚ ᱟᱭᱟ᱾
ᱠᱟᱹᱢᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱜᱮᱦᱟᱱᱟ ᱫᱚ ᱟᱭᱢᱟ ᱡᱮᱜᱮᱛ ᱡᱟᱠᱟᱛ ᱵᱨᱟᱸᱰ ᱞᱟᱹᱜᱤᱫ ᱢᱤᱫ ᱢᱚᱰᱮᱞ ᱞᱮᱠᱟᱛᱮ ᱠᱟᱹᱢᱤ ᱠᱮᱫᱟ᱾ ᱩᱱᱤ ᱗᱐ ᱜᱟᱱ ᱮᱰᱵᱷᱟᱨᱴᱟᱭᱤᱡᱽᱢᱮᱱᱴ ᱮ ᱠᱮᱫᱟ᱾ ᱩᱱᱤ ᱫᱚ ᱒᱐᱑᱒ ᱨᱮᱱᱟᱜ ᱢᱤᱥ ᱮᱥᱤᱭᱟ ᱵᱤᱠᱤᱱᱤ ᱠᱚᱱᱴᱮᱥᱴ ᱮ ᱡᱤᱛᱠᱟᱹᱨ ᱮᱱᱟ᱾ ᱩᱱᱤ ᱫᱚ ᱘᱐ ᱠᱷᱚᱱ ᱵᱟᱹᱲᱛᱤ ᱮᱰᱵᱷᱟᱨᱴᱟᱭᱤᱡᱽᱢᱮᱱᱴ ᱮ ᱠᱮᱫᱟ᱾ ᱩᱱᱤ ᱛᱟᱭᱚᱢ ᱛᱮ ᱯᱷᱤᱞᱢᱤ ᱫᱩᱱᱤᱭᱟ ᱧᱩᱛᱩᱢ ᱛᱮ ᱢᱤᱫ ᱯᱷᱤᱞᱢ ᱨᱮ ᱞᱤᱰ ᱨᱳᱞ ᱛᱟᱞᱟ ᱛᱮ ᱯᱷᱤᱞᱢ ᱤᱱᱰᱟᱥᱴᱨᱤ ᱨᱮ ᱵᱚᱞᱚ ᱮᱱᱟ ᱟᱨ ᱩᱱᱤ ᱠᱤᱪᱷᱩ ᱛᱮᱞᱩᱜᱩ ᱯᱷᱤᱞᱢ ᱨᱮ ᱦᱚᱸ "ᱟᱭᱴᱚᱢ ᱥᱮᱨᱮᱧ" ᱞᱮᱠᱟᱛᱮ ᱠᱟᱹᱢᱤ ᱠᱮᱫᱟ᱾ ᱛᱟᱭᱚᱢ ᱛᱮ ᱩᱱᱤ ᱟᱭᱢᱟ ᱞᱤᱰ ᱨᱳᱞ ᱮ ᱯᱟᱨᱯᱷᱚᱨᱢ ᱠᱮᱫᱟ᱾ ᱟᱨᱦᱚᱸ, ᱩᱱᱤ ᱟᱞᱴ ᱵᱟᱞᱟᱡᱤ ᱨᱮ ᱜᱟᱱᱰᱤ ᱵᱟᱟᱛ ᱥᱤᱡᱚᱱ ᱓ ᱥᱮᱞᱮᱫ ᱠᱟᱛᱮ ᱟᱭᱢᱟ ᱣᱮᱵᱽ ᱥᱤᱨᱤᱡᱽ ᱨᱮ ᱠᱟᱹᱢᱤ ᱟᱠᱟᱫᱟ᱾
ᱴᱮᱞᱤᱵᱤᱡᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱱᱤ ᱫᱚ ᱥᱟᱦᱟᱨᱟ ᱳᱣᱟᱱ ᱴᱮᱞᱤᱵᱤᱡᱚᱱ ᱪᱮᱱᱮᱞ ᱨᱮ ᱢᱤᱫ ᱮᱝᱠᱟᱨ ᱞᱮᱠᱟᱛᱮ ᱩᱫᱩᱜ ᱥᱚᱫᱚᱨ ᱦᱩᱭ ᱞᱮᱱᱟ᱾ ᱛᱟᱭᱚᱢ ᱛᱮ ᱩᱱᱤ ᱥᱴᱟᱨ ᱯᱞᱚᱥ ᱨᱮ ᱵᱮᱦᱮᱱᱮᱱ ᱥᱤᱨᱤᱭᱟᱞ ᱨᱮ ᱢᱤᱫ ᱨᱳᱞ ᱮ ᱠᱮᱫᱟ ᱟᱨ ᱮᱢᱴᱤᱵᱷᱤ ᱤᱱᱰᱤᱭᱟ ᱨᱮ ᱴᱨᱩ ᱞᱟᱭᱤᱯᱷ ᱥᱳ ᱨᱮ ᱵᱷᱤᱡᱮ ᱞᱮᱠᱟᱛᱮ ᱧᱮᱞ ᱮᱱᱟ᱾