ᱜᱳᱣᱨᱤ ᱫᱤᱣᱮᱫᱤ

ᱜᱳᱣᱨᱤ ᱯᱟᱱᱰᱤᱛ ᱫᱤᱣᱮᱫᱤ (ᱡᱟᱱᱟᱢ ᱑᱙᱘᱒) ᱫᱚ ᱢᱤᱫ ᱵᱷᱟᱨᱚᱛᱤᱭᱚ ᱢᱚᱰᱮᱞ ᱟᱨ ᱮᱠᱴᱨᱮᱥ ᱠᱟᱱᱟᱭ, ᱡᱟᱦᱟᱸᱭ ᱫᱚ ᱢᱩᱬ ᱨᱩᱯ ᱛᱮ ᱛᱮᱞᱩᱜᱩ ᱥᱤᱱᱮᱢᱟ ᱨᱮ ᱟᱡᱟᱜ ᱠᱟᱹᱢᱤ ᱞᱟᱹᱜᱤᱫ ᱩᱯᱨᱩᱢ ᱢᱮᱱᱟᱜ ᱛᱟᱭᱟ᱾ ᱩᱱᱤ ᱟᱡᱟᱜ ᱮᱠᱴᱤᱝ ᱮᱛᱚᱦᱚᱵ ᱫᱚ ᱒᱐᱐᱕ ᱨᱮ ᱛᱮᱞᱩᱜᱩ ᱯᱷᱤᱞᱢ ᱟᱱᱫᱷᱨᱩᱰᱩ ᱨᱮ ᱜᱳᱯᱤᱪᱚᱸᱫᱽ ᱵᱤᱨᱩᱫᱷ ᱢᱩᱬ ᱮᱠᱴᱨᱮᱥ ᱞᱮᱠᱟᱛᱮ ᱠᱮᱫᱟ᱾^[᱑]^[᱒] ᱛᱟᱭᱚᱢ ᱛᱮ ᱩᱱᱤ ᱟᱹᱰᱤ ᱜᱟᱱ ᱛᱮᱞᱩᱜᱩ ᱯᱷᱤᱞᱢ ᱨᱮ ᱧᱮᱞ ᱮᱱᱟ, ᱚᱱᱟ ᱥᱟᱶᱛᱮ ᱢᱤᱫ ᱦᱤᱱᱫᱤ ᱟᱨ ᱢᱤᱫ ᱠᱟᱱᱱᱟᱰᱟ ᱯᱷᱤᱞᱢ ᱨᱮᱦᱚᱸ᱾

ᱮᱛᱚᱦᱚᱵ ᱡᱤᱭᱚᱱ

ᱜᱳᱣᱨᱤ ᱫᱚ ᱱᱟᱣᱟ ᱫᱤᱞᱞᱤ ᱨᱮᱭ ᱡᱟᱱᱟᱢ ᱞᱮᱱᱟ ᱟᱨ ᱥᱯᱨᱤᱸᱜᱽᱰᱮᱞᱥ, ᱫᱷᱟᱣᱩᱞᱟ ᱠᱩᱣᱟᱱ ᱠᱷᱚᱱ ᱟᱡᱟᱜ ᱤᱥᱠᱩᱞᱤᱝ ᱮ ᱠᱮᱫᱟ᱾ ᱚᱱᱟ ᱛᱟᱭᱚᱢ ᱩᱱᱤ ᱤᱱᱥᱴᱤᱴᱭᱩᱴ ᱚᱯᱷ ᱤᱱᱴᱤᱜᱽᱨᱮᱴᱮᱰ ᱞᱚᱨᱱᱤᱝ ᱤᱱ ᱢᱮᱱᱮᱡᱽᱢᱮᱱᱴ ᱱᱟᱣᱟ ᱫᱤᱞᱞᱤ ᱠᱷᱚᱱ ᱟᱡᱟᱜ ᱜᱨᱟᱡᱩᱭᱮᱥᱚᱱ ᱮ ᱯᱩᱨᱟᱹᱣ ᱠᱮᱫᱟ᱾

ᱠᱚᱢ ᱩᱢᱮᱨ ᱠᱷᱚᱱ ᱜᱮ ᱩᱱᱤ ᱢᱤᱫ ᱮᱠᱴᱨᱮᱥ ᱵᱮᱱᱟᱣ ᱥᱟᱱᱟ ᱮ ᱠᱟᱱ ᱛᱟᱦᱮᱸᱱ ᱟᱨ ᱚᱱᱟ ᱞᱮᱠᱟᱛᱮ ᱟᱡᱟᱜ ᱛᱮᱭᱟᱨᱤ ᱮ ᱪᱟᱞᱩ ᱫᱚᱦᱚ ᱠᱮᱫᱟ᱾ ᱢᱤᱫ ᱟᱹᱰᱤ ᱞᱚᱜᱚᱱ ᱤᱥᱴᱮᱡᱽ ᱨᱮ ᱩᱱᱤ ᱫᱤᱥᱚᱢ ᱨᱮᱱᱟᱜ ᱠᱤᱪᱷᱩ ᱪᱮᱛᱟᱱ ᱵᱨᱟᱸᱰ ᱟᱨ ᱮᱡᱮᱱᱥᱤ ᱠᱷᱚᱱ ᱢᱚᱰᱮᱞᱤᱝ ᱮᱥᱟᱭᱤᱱᱢᱮᱱᱴ ᱧᱟᱢ ᱮᱦᱚᱵ ᱠᱮᱫᱟ᱾ ᱞᱚᱜᱚᱱ ᱜᱮ ᱩᱱᱤ ᱮᱠᱴᱤᱝ ᱨᱮᱭᱟᱜ ᱫᱩᱱᱤᱭᱟᱹ ᱨᱮ ᱵᱚᱞᱚᱜ ᱢᱟᱲᱟᱝ ᱯᱮᱨᱤᱥ ᱟᱨ ᱴᱳᱠᱤᱭᱳ ᱨᱮ ᱢᱟᱱᱟᱣ ᱵᱟᱛᱟᱣ ᱮᱢ ᱮᱢ ᱠᱟᱱ ᱢᱚᱰᱮᱞᱤᱝ ᱮᱥᱟᱭᱤᱱᱢᱮᱱᱴ ᱮ ᱵᱮᱜ ᱠᱮᱫᱟ᱾

ᱠᱮᱨᱤᱭᱚᱨ

ᱜᱳᱣᱨᱤ ᱟᱡᱟᱜ ᱠᱮᱨᱤᱭᱚᱨ ᱢᱤᱫ ᱢᱚᱰᱮᱞ ᱞᱮᱠᱟᱛᱮ ᱮᱛᱚᱦᱚᱵ ᱠᱮᱫᱟ ᱟᱨ ᱢᱟᱨᱟᱝ ᱵᱨᱟᱸᱰ ᱨᱮᱭᱟᱜ ᱟᱹᱰᱤ ᱜᱟᱱ ᱴᱤᱵᱷᱤ ᱠᱚᱢᱟᱨᱥᱤᱭᱟᱞ ᱨᱮ ᱧᱮᱞ ᱮᱱᱟ᱾^[᱓] ᱩᱱᱤᱭᱟᱜ ᱡᱚᱛᱚ ᱠᱷᱚᱱ ᱧᱩᱛᱩᱢᱟᱱ ᱮᱰ ᱠᱷᱚᱱ ᱫᱚ ᱦᱤᱨᱳ ᱦᱳᱱᱰᱟ ᱠᱚᱢᱟᱨᱥᱤᱭᱟᱞ ᱵᱟᱨᱩᱱ ᱥᱳᱵᱷᱛᱤ ᱥᱟᱶ ᱦᱚᱸ ᱛᱟᱦᱮᱸ ᱠᱟᱱᱟ᱾ ᱚᱱᱟ ᱛᱟᱭᱚᱢ ᱩᱱᱤ ᱟᱡᱟᱜ ᱯᱩᱭᱞᱩ ᱛᱮᱞᱩᱜᱩ ᱯᱷᱤᱞᱢ ᱟᱱᱫᱷᱨᱩᱰᱩ ᱥᱟᱭᱤᱱ ᱞᱟᱹᱜᱤᱫ ᱮ ᱪᱟᱞᱟᱣ ᱮᱱᱟ ᱡᱟᱦᱟᱸ ᱫᱚ ᱒᱐᱐᱕ ᱥᱮᱨᱢᱟ ᱨᱮ ᱟᱹᱰᱤ ᱱᱟᱯᱟᱭ ᱦᱤᱴ ᱛᱟᱦᱮᱸ ᱠᱟᱱᱟ᱾ ᱮᱛᱚᱦᱚᱵ ᱨᱮ ᱩᱱᱤ ᱴᱚᱴᱷᱟᱣᱟᱨᱤ ᱯᱷᱤᱞᱢ ᱨᱮ ᱮᱠᱴᱤᱝ ᱤᱪᱪᱷᱟ ᱵᱟᱭ ᱛᱟᱦᱮᱸ ᱠᱟᱱᱟ ᱟᱨ ᱩᱱᱤ ᱵᱳᱞᱤᱣᱩᱰ ᱨᱮ ᱠᱮᱨᱤᱭᱚᱨ ᱮ ᱥᱟᱱᱟ ᱮᱫ ᱠᱟᱱ ᱛᱟᱦᱮᱸᱱ᱾

ᱩᱱᱤ ᱟᱡᱟᱜ ᱵᱳᱞᱤᱣᱩᱰ ᱮᱛᱚᱦᱚᱵ ᱫᱚ ᱒᱐᱐᱗ ᱨᱮ ᱯᱷᱤᱞᱢ ᱤᱴᱥ ᱵᱨᱮᱠᱤᱝ ᱱᱤᱣᱡᱽ ᱥᱟᱶ ᱠᱮᱫᱟ᱾ ᱟᱡᱟᱜ ᱛᱟᱭᱚᱢ ᱨᱤᱞᱤᱡᱽ ᱟᱹᱰᱤ ᱤᱥᱴᱟᱨᱟᱨ ᱛᱮᱞᱩᱜᱩ ᱨᱳᱢᱟᱱᱴᱤᱠ ᱰᱨᱟᱢᱟ ᱯᱷᱤᱞᱢ ᱠᱟᱥᱠᱳ (᱒᱐᱐᱙) ᱡᱤ ᱱᱟᱜᱮᱥᱣᱟᱨ ᱨᱮᱰᱰᱤ ᱦᱚᱛᱮᱛᱮ ᱵᱮᱱᱟᱣ ᱦᱩᱭ ᱞᱮᱱᱟ ᱵᱟᱭᱵᱷᱟᱣ ᱨᱮᱰᱰᱤ ᱟᱨ ᱥᱣᱮᱛᱟ ᱵᱟᱥᱩ ᱯᱨᱚᱥᱟᱫᱽ ᱥᱟᱶ᱾ ᱚᱱᱟ ᱛᱟᱭᱚᱢ ᱩᱱᱤ ᱰᱟᱭᱨᱮᱠᱴᱚᱨ ᱡᱤ ᱟᱥᱳᱠᱟᱜ ᱮᱛᱚᱦᱚᱵ ᱛᱮᱞᱩᱜᱩ ᱯᱷᱤᱞᱢ ᱟᱠᱟᱥᱟ ᱨᱟᱢᱟᱱᱱᱟ (᱒᱐᱑᱐) ᱞᱮᱠᱟᱱ ᱯᱷᱤᱞᱢ ᱨᱮ ᱥᱴᱟᱨ ᱞᱮᱱᱟ᱾ ᱚᱱᱟ ᱥᱮᱨᱢᱟ ᱜᱮ ᱩᱱᱤ ᱟᱡᱟᱜ ᱯᱩᱭᱞᱩ ᱠᱟᱱᱱᱟᱰᱟ ᱢᱩᱵᱷᱤ ᱡᱟᱭᱟᱦᱮ ᱦᱚᱸᱭ ᱠᱮᱫᱟ᱾ ᱛᱟᱭᱚᱢ ᱥᱮᱨᱢᱟ ᱨᱮ ᱩᱱᱤ ᱛᱮᱞᱩᱜᱩ ᱯᱷᱤᱞᱢ ᱞᱮᱠᱟᱱ ᱱᱤᱛᱷᱭᱟ ᱯᱮᱞᱤᱠᱳᱰᱩᱠᱩ (᱒᱐᱑᱑), ᱨᱟᱡᱮᱱᱫᱽᱨᱚ (᱒᱐᱑᱑) ᱟᱨ ᱦᱟᱣᱩᱥᱯᱷᱩᱞ (᱒᱐᱑᱒) ᱨᱮ ᱥᱴᱟᱨ ᱞᱮᱱᱟ᱾

ᱱᱤᱡᱮᱨ ᱡᱤᱭᱚᱱ

᱒᱐᱑᱑ ᱨᱮ ᱩᱱᱤ ᱮᱠᱴᱚᱨ ᱱᱤᱠᱷᱤᱞ ᱫᱤᱣᱮᱫᱤ ᱥᱟᱶ ᱵᱟᱯᱞᱟ ᱮᱱᱟ ᱡᱟᱦᱟᱸᱭ ᱛᱟᱭᱚᱢ ᱯᱨᱚᱰᱭᱩᱥᱟᱨ ᱮ ᱵᱮᱱᱟᱣ ᱮᱱᱟ ᱟᱨ ᱒᱐᱑᱘ ᱨᱮ ᱵᱤᱨᱮ ᱰᱤ ᱣᱮᱰᱤᱝ ᱟᱨ ᱒᱐᱑᱙ ᱨᱮ ᱥᱚᱞᱢᱟᱱ ᱠᱷᱟᱱ ᱥᱟᱶ ᱫᱟᱵᱟᱝᱜᱽ ᱓ ᱞᱮᱠᱟᱱ ᱦᱤᱱᱫᱤ ᱯᱷᱤᱞᱢ ᱮ ᱵᱮᱱᱟᱣ ᱠᱮᱫᱟ᱾ ᱚᱱᱟ ᱡᱩᱨᱤ ᱨᱤᱱ ᱢᱤᱫ ᱠᱚᱲᱟ ᱜᱤᱫᱽᱨᱟᱹ ᱢᱮᱱᱟᱭᱟ, ᱥᱤᱵᱷᱟᱱ᱾^[᱔]

ᱥᱟᱹᱠᱷᱭᱟᱹᱛ

↑ "Movie review - Andhrudu". Idlebrain.com. Archived from the original on 26 February 2020. Retrieved 19 July 2020.
↑ "Gopichand's Andhrudu Pressmeet at Ramakrishna Horticulture Studios, Nacharam". Ragalahari (in ᱟᱝᱜᱽᱨᱮᱡᱤ). Archived from the original on 19 July 2020. Retrieved 19 July 2020.
↑ "Hero Honda Passion Pro 2010 - YouTube". www.youtube.com. Archived from the original on 10 June 2016. Retrieved 19 July 2020.
↑ "How Bollywood kids dressed up for Ahil Sharma's Halloween party!". The Times of India.

ᱵᱟᱦᱨᱮ ᱡᱚᱱᱚᱲ

ᱜᱳᱣᱨᱤ ᱫᱤᱣᱮᱫᱤ (ᱤᱱᱴᱚᱨᱱᱮᱴ ᱢᱩᱵᱷᱤ ᱰᱟᱴᱟᱵᱮᱥ ᱨᱮ)
ᱤᱱᱥᱴᱟᱜᱨᱟᱢ ᱨᱮ ᱜᱳᱣᱨᱤ ᱫᱤᱣᱮᱫᱤ

[1] "Movie review - Andhrudu". Idlebrain.com. Archived from the original on 26 February 2020. Retrieved 19 July 2020.

[2] "Gopichand's Andhrudu Pressmeet at Ramakrishna Horticulture Studios, Nacharam". Ragalahari (in ᱟᱝᱜᱽᱨᱮᱡᱤ). Archived from the original on 19 July 2020. Retrieved 19 July 2020.

[3] "Hero Honda Passion Pro 2010 - YouTube". www.youtube.com. Archived from the original on 10 June 2016. Retrieved 19 July 2020.

[4] "How Bollywood kids dressed up for Ahil Sharma's Halloween party!". The Times of India.

[᱑]

[᱒]

[᱓]

[᱔]