Jump to content

ᱜᱳᱨᱠᱷᱟᱞᱮᱱᱰ ᱴᱚᱴᱷᱟᱠᱤᱭᱟᱹ ᱥᱟᱥᱚᱱᱤᱭᱟᱹ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ

ᱜᱳᱨᱠᱷᱟᱞᱮᱱᱰ ᱴᱚᱴᱷᱟᱠᱤᱭᱟᱹ ᱥᱟᱥᱚᱱᱤᱭᱟᱹ
ᱟᱯᱱᱟᱨ ᱛᱮ ᱥᱟᱥᱚᱱᱚᱜ ᱴᱚᱴᱷᱟ
ᱪᱮᱛᱟᱱ ᱠᱷᱚᱱ ᱫᱟᱹᱠᱷᱤᱱ ᱥᱮᱫ:
ᱫᱟᱨᱡᱤᱞᱤᱝ ᱦᱤᱢᱟᱞᱚᱭᱟᱱ ᱨᱮᱞᱣᱮ; ᱴᱟᱭᱜᱟᱨ ᱦᱤᱞ ᱠᱷᱚᱱ ᱥᱤᱸᱜᱤ ᱨᱟᱠᱟᱵ ᱧᱮᱞ; ᱯᱤᱥ ᱯᱮᱜᱳᱰᱟ, ᱫᱟᱨᱡᱤᱞᱤᱝ; ᱵᱟᱛᱟᱥᱤᱭᱟ ᱞᱩᱯ; ᱫᱟᱨᱡᱤᱞᱤᱝ ᱠᱷᱚᱱ ᱦᱤᱢᱟᱞᱚᱭ ᱨᱮᱱᱟᱜ ᱧᱮᱞᱚᱜ; ᱫᱟᱨᱡᱤᱞᱤᱝ ᱥᱚᱦᱚᱨ ᱧᱮᱞᱚᱜ
ᱜᱳᱨᱠᱷᱟᱞᱮᱱᱰ ᱴᱚᱴᱷᱟᱠᱤᱭᱟᱹ ᱥᱟᱥᱚᱱᱤᱭᱟᱹ ᱨᱮᱱᱟᱜ ᱥᱤᱞ
Seal
ᱵᱟᱦᱱᱟ ᱧᱩᱛᱩᱢ: 
"ᱜᱳᱨᱠᱷᱟ ᱠᱚᱣᱟᱜ ᱫᱤᱥᱚᱢ"
ᱜᱳᱨᱠᱷᱟᱞᱮᱱᱰ ᱴᱚᱴᱷᱟᱠᱤᱭᱟᱹ ᱥᱟᱥᱚᱱᱤᱭᱟᱹ ᱨᱮᱭᱟᱜ ᱴᱷᱟᱶ
ᱠᱳᱣᱚᱨᱰᱤᱱᱮᱴᱥ: 27°02′N 88°16′E / 27.033°N 88.267°E / 27.033; 88.267Coordinates: 27°02′N 88°16′E / 27.033°N 88.267°E / 27.033; 88.267
ᱫᱤᱥᱚᱢ ᱥᱤᱧᱚᱛ
ᱯᱚᱱᱚᱛᱯᱚᱪᱷᱤᱢ ᱵᱟᱝᱞᱟ
ᱵᱮᱨᱮᱫ ᱟᱠᱟᱱᱟ᱒᱐᱑᱒
ᱦᱮᱰᱠᱩᱣᱟᱴᱚᱨᱫᱟᱨᱡᱤᱞᱤᱝ
ᱚᱥᱟᱨ ᱵᱤᱥᱟᱹᱨ
 • ᱜᱩᱴ
7000 ᱠᱤᱢᱤ২ (3000 ᱜᱟᱺᱴ ᱢᱟᱭᱤᱞ)
ᱦᱚᱲ ᱮᱞ
 (᱒᱐᱒᱑ ᱞᱮᱠᱷᱟ)
 • ᱜᱩᱴ
᱑,᱘᱕᱐,᱐᱐᱐
 • ᱰᱮᱱᱥᱤᱴᱤ260/ᱠᱤᱢᱤ2 (680/ᱜᱟᱺᱴ ᱢᱟᱹᱭᱤᱞ)
ᱯᱟᱹᱨᱥᱤ ᱠᱚ
 • ᱚᱯᱷᱤᱥᱤᱭᱟᱞᱱᱮᱯᱟᱞᱤ, ᱤᱝᱞᱤᱥ
 • ᱴᱚᱴᱷᱟᱠᱤᱭᱟᱹᱵᱟᱝᱞᱟ, ᱵᱷᱩᱴᱤᱭᱟ, ᱦᱤᱱᱫᱤ, ᱞᱮᱯᱪᱟ, ᱞᱤᱢᱵᱩ, ᱨᱟᱭ, ᱥᱮᱨᱯᱟ,ᱛᱟᱢᱟᱝ
ᱚᱠᱛᱚ ᱴᱚᱴᱷᱟᱭᱩ.ᱴᱤ.ᱥᱤ+05:30 (ᱟᱭ.ᱮᱥ.ᱴᱤ (IST))
ᱯᱤᱱ
734xxx
ᱴᱮᱞᱤᱯᱷᱳᱱ ᱠᱳᱰ+91-354
ᱜᱟᱹᱰᱤ ᱨᱮᱡᱤᱥᱴᱨᱮᱥᱚᱱWB-76, WB-77, WB-78
ᱜᱳᱨᱠᱷᱟᱞᱮᱱᱰ ᱴᱚᱴᱷᱟᱠᱤᱭᱟᱹ ᱥᱟᱥᱚᱱᱤᱭᱟᱹ
ᱜᱳᱨᱠᱷᱟᱞᱮᱱᱰ ᱴᱚᱴᱷᱟᱠᱤᱭᱟᱹ ᱥᱟᱥᱚᱱᱤᱭᱟᱹ ᱨᱮᱱᱟᱜ ᱞᱳᱜᱳ
ᱡᱤ.ᱴᱤ.ᱮ ᱨᱮᱱᱟᱜ ᱥᱤᱞ
ᱯᱚᱪᱷᱤᱢ ᱵᱟᱝᱞᱟ ᱨᱮ ᱜᱳᱨᱠᱷᱟᱞᱮᱱᱰ (ᱟᱨᱟᱜ ᱪᱤᱱᱦᱟᱹ)
ᱞᱮᱠᱟᱱ
ᱞᱮᱠᱟᱱ
ᱚᱠᱛᱚ ᱥᱤᱢᱟᱹ
᱕ ᱥᱮᱨᱢᱟ
ᱱᱟᱜᱟᱢ
ᱮᱛᱚᱦᱚᱵ2012; Expression error: ᱵᱟᱝ ᱧᱮᱞ ᱴᱷᱤᱠᱚᱜᱠᱟᱱ ᱪᱤᱱᱦᱟᱹ ᱠᱚ "᱐". Expression error: ᱵᱟᱝ ᱧᱮᱞ ᱴᱷᱤᱠᱚᱜᱠᱟᱱ ᱪᱤᱱᱦᱟᱹ ᱠᱚ "᱐". (2012)
ᱞᱟᱦᱟ ᱛᱮᱱᱤᱡᱫᱟᱨᱡᱤᱞᱤᱝ ᱜᱳᱨᱠᱷᱟ ᱦᱤᱞ ᱠᱟᱣᱩᱱᱥᱤᱞ
ᱟᱹᱭᱩᱨ
ᱪᱤᱯᱷ ᱮᱠᱡᱤᱠᱤᱭᱩᱴᱤᱵᱷ
ᱚᱱᱤᱛ ᱛᱷᱟᱯᱟ, ᱵᱤ.ᱡᱤ.ᱯᱤ.ᱮᱢ (BGPM)
᱒᱐᱒᱒ ᱠᱷᱚᱱ
ᱰᱮᱯᱩᱴᱤ ᱪᱤᱯᱷ ᱮᱠᱡᱤᱠᱤᱭᱩᱴᱤᱵᱷ
ᱥᱟᱱᱪᱟᱵᱤᱨ ᱥᱩᱵᱽᱵᱟ, ᱵᱤ.ᱡᱤ.ᱯᱤ.ᱮᱢ (BGPM)
᱒᱐᱒᱒ ᱠᱷᱚᱱ
ᱪᱮᱭᱟᱨᱢᱮᱱ
ᱚᱱᱡᱩᱞ ᱪᱚᱣᱦᱟᱱ, ᱵᱤ.ᱡᱤ.ᱯᱤ.ᱮᱢ (BGPM)
᱒᱐᱒᱒ ᱠᱷᱚᱱ
ᱰᱮᱯᱩᱴᱤ ᱪᱮᱭᱟᱨᱢᱮᱱ
ᱨᱟᱡᱮᱥ ᱪᱚᱣᱦᱟᱱ, ᱵᱤ.ᱡᱤ.ᱯᱤ.ᱮᱢ (BGPM)
᱒᱐᱒᱒ ᱠᱷᱚᱱ
ᱠᱟᱹᱴᱷᱟᱹᱢ
ᱢᱟᱹᱪᱤ᱕᱐
ᱨᱟᱡᱽᱟᱹᱨᱤ ᱫᱚᱞ
ᱥᱚᱨᱠᱟᱨ (᱓᱖)
  ᱵᱤ.ᱡᱤ.ᱯᱤ.ᱮᱢ (BGPM) (᱒᱙)
  ᱴᱤ.ᱮᱢ.ᱥᱤ (TMC) (᱔)
  ᱯᱷᱩᱨᱜᱟᱹᱞ (IND) (᱓)

ᱵᱤᱨᱳᱫᱷᱤ (᱙)

<span class="legend-color mw-no-invert" style="background-color:Lua error in package.lua at line 80: module 'Module:Political party/H' not found.; color:;-webkit-print-color-adjust: exact; print-color-adjust: exact;">  ᱟᱭ.ᱡᱤ.ᱡᱮ.ᱮᱯᱷ (IGJF) (᱖)
  ᱯᱷᱩᱨᱜᱟᱹᱞ (IND) (᱓)

ᱮᱴᱟᱜ (᱕)

  ᱱᱳᱢᱤᱱᱮᱴᱮᱰ (᱕)
ᱵᱟᱪᱷᱱᱟᱣ
ᱯᱷᱟᱨᱥᱴ-ᱯᱟᱥᱴ-ᱫᱟ-ᱯᱳᱥᱴ ᱵᱷᱳᱴᱤᱝ
ᱢᱩᱪᱟᱹᱫ ᱵᱟᱪᱷᱱᱟᱣ
᱒᱐᱒᱒
ᱛᱟᱭᱚᱢᱟᱜ ᱵᱟᱪᱷᱱᱟᱣ
᱒᱐᱒᱗
ᱫᱩᱯᱨᱩᱵ ᱴᱷᱟᱶ
ᱫᱟᱨᱡᱤᱞᱤᱝ, ᱯᱚᱪᱷᱤᱢ ᱵᱟᱝᱞᱟ
ᱣᱮᱵᱽᱥᱟᱭᱤᱴ
gtadarjeeling.wb.gov.in
ᱯᱷᱮᱰᱟᱛ
  • ᱮᱨᱤᱭᱟ: ᱓,᱓᱐᱓.᱙᱘ km²
  • ᱦᱚᱲ ᱮᱞ : ᱘᱗᱘,᱐᱐᱒
  • ᱰᱮᱱᱥᱤᱴᱤ : ᱒᱗᱐/km²

ᱜᱳᱨᱠᱷᱟᱞᱮᱱᱰ ᱴᱚᱴᱷᱟᱠᱤᱭᱟᱹ ᱥᱟᱥᱚᱱᱤᱭᱟᱹ (ᱡᱤ.ᱴᱤ.ᱮ) ᱫᱚ ᱢᱤᱫ ᱟᱫᱷᱟ-ᱟᱯᱱᱟᱨ ᱛᱮ ᱥᱟᱥᱚᱱ ᱠᱟᱣᱩᱱᱥᱤᱞ ᱠᱟᱱᱟ ᱡᱟᱦᱟᱸ ᱫᱚ ᱥᱤᱧᱚᱛᱤᱭᱟᱹ ᱯᱚᱱᱚᱛ ᱯᱚᱪᱷᱤᱢ ᱵᱟᱝᱞᱟ ᱨᱮᱱᱟᱜ ᱮᱛᱚᱢ ᱩᱛᱟᱹᱨ ᱴᱚᱴᱷᱟ ᱠᱚ ᱤᱫᱤ ᱠᱟᱛᱮ ᱵᱮᱱᱟᱣ ᱟᱠᱟᱱᱟ ᱾ ᱡᱤ.ᱴᱤ.ᱮ ᱫᱚ ᱒᱐᱑᱒ ᱨᱮ ᱫᱟᱨᱡᱤᱞᱤᱝ ᱜᱳᱨᱠᱷᱟ ᱦᱤᱞ ᱠᱟᱣᱩᱱᱥᱤᱞ ᱵᱚᱫᱚᱞ ᱛᱮ ᱵᱮᱱᱟᱣ ᱞᱮᱱᱟ, ᱡᱟᱦᱟᱸ ᱫᱚ ᱑᱙᱘᱘ ᱨᱮ ᱵᱮᱱᱟᱣ ᱞᱮᱱᱟ ᱟᱨ ᱒᱓ ᱥᱮᱨᱢᱟ ᱫᱷᱟᱹᱵᱤᱡ ᱫᱟᱨᱡᱤᱞᱤᱝ ᱵᱩᱨᱩ ᱴᱚᱴᱷᱟ ᱮ ᱥᱟᱥᱚᱱ ᱞᱮᱫᱟ ᱾[᱑][᱒]

ᱡᱤ.ᱴᱤ.ᱮ ᱨᱮ ᱱᱤᱛᱚᱜ ᱯᱮᱭᱟ ᱵᱩᱨᱩ ᱥᱟᱵᱽ-ᱰᱤᱵᱷᱤᱡᱚᱱ ᱫᱟᱨᱡᱤᱞᱤᱝ, ᱠᱟᱨᱥᱤᱭᱚᱝ, ᱢᱤᱨᱤᱠ, ᱫᱟᱨᱡᱤᱞᱤᱝ ᱦᱚᱱᱚᱛ ᱨᱮᱱᱟᱜ ᱥᱤᱞᱤᱜᱩᱲᱤ ᱥᱟᱵᱽ-ᱰᱤᱵᱷᱤᱡᱚᱱ ᱨᱮᱱᱟᱜ ᱠᱤᱪᱷᱩ ᱴᱚᱴᱷᱟ ᱟᱨ ᱜᱚᱴᱟ ᱠᱟᱞᱤᱢᱯᱚᱝ ᱦᱚᱱᱚᱛ ᱟᱡᱟᱜ ᱚᱫᱷᱤᱠᱟᱨ ᱨᱮ ᱢᱮᱱᱟᱜᱼᱟ ᱾[᱓]

ᱱᱟᱜᱟᱢ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱜᱳᱨᱠᱷᱟᱞᱮᱱᱰ ᱫᱚ ᱥᱤᱧᱚᱛ ᱨᱮ ᱯᱨᱚᱯᱚᱡᱟᱞ ᱟᱠᱟᱱ ᱯᱚᱱᱚᱛ ᱨᱮᱱᱟᱜ ᱧᱩᱛᱩᱢ ᱠᱟᱱᱟ ᱡᱟᱦᱟᱸ ᱫᱚ ᱯᱚᱪᱷᱤᱢ ᱵᱟᱝᱞᱟ ᱨᱮᱱᱟᱜ ᱮᱛᱚᱢ ᱴᱚᱴᱷᱟ ᱨᱮᱱᱟᱜ ᱫᱟᱨᱡᱤᱞᱤᱝ ᱟᱨ ᱠᱟᱞᱤᱢᱯᱚᱝ ᱦᱚᱱᱚᱛ ᱟᱨ ᱰᱩᱣᱟᱨᱥ ᱨᱮ ᱢᱮᱱᱟᱜ ᱱᱮᱯᱟᱞᱤ-ᱨᱚᱲᱮᱫ ᱥᱤᱧᱚᱛᱤᱭᱟᱹ ᱜᱳᱨᱠᱷᱟ ᱡᱟᱹᱛᱤ ᱜᱩᱴ ᱠᱚ ᱵᱮᱱᱟᱣ ᱨᱮᱱᱟᱜ ᱟᱸᱥ ᱠᱚ ᱥᱚᱫᱚᱨ ᱟᱠᱟᱫᱟ ᱾ ᱫᱟᱨᱡᱤᱞᱤᱝ ᱨᱮ ᱢᱤᱫ ᱵᱷᱮᱜᱟᱨ ᱮᱰᱢᱤᱱᱤᱥᱴᱨᱮᱴᱤᱵᱽ ᱤᱭᱩᱱᱤᱴ ᱨᱮᱱᱟᱜ ᱫᱟᱹᱵᱤ ᱫᱚ ᱑᱙᱐᱙ ᱠᱷᱚᱱ ᱢᱮᱱᱟᱜᱼᱟ, ᱡᱚᱠᱷᱚᱱ ᱫᱟᱨᱡᱤᱞᱤᱝ ᱨᱮᱱᱟᱜ ᱦᱤᱞᱢᱮᱱᱥ ᱮᱥᱳᱥᱤᱭᱮᱥᱚᱱ ᱢᱤᱫ ᱵᱷᱮᱜᱟᱨ ᱮᱰᱢᱤᱱᱤᱥᱴᱨᱮᱴᱤᱵᱽ ᱥᱮᱴᱚᱯ ᱫᱟᱹᱵᱤ ᱠᱟᱛᱮ ᱢᱤᱱᱴᱳ-ᱢᱳᱨᱞᱮ ᱨᱤᱯᱷᱳᱨᱢᱥ ᱴᱷᱮᱱ ᱢᱤᱫ ᱢᱮᱢᱳᱨᱮᱱᱰᱚᱢ ᱮ ᱮᱢ ᱞᱮᱫᱟ ᱾ ᱜᱳᱨᱠᱷᱟᱞᱮᱱᱰ ᱟᱹᱲᱟᱹ ᱫᱚ ᱜᱳᱨᱠᱷᱟ ᱱᱮᱥᱱᱟᱞ ᱞᱤᱵᱟᱨᱮᱥᱚᱱ ᱯᱷᱨᱚᱱᱴ ᱨᱤᱱᱤᱡ ᱟᱹᱭᱩᱨᱤᱭᱟᱹ ᱥᱩᱵᱷᱟᱥ ᱜᱷᱤᱥᱤᱝ ᱮ ᱵᱮᱱᱟᱣ ᱞᱮᱫᱟ, ᱡᱟᱦᱟᱸᱭ ᱫᱚ ᱑᱙᱘᱐ ᱜᱮᱞᱟᱝ ᱨᱮ ᱱᱚᱶᱟ ᱵᱮᱱᱟᱣ ᱞᱟᱹᱜᱤᱫ ᱢᱤᱫ ᱦᱤᱝᱥᱟ ᱞᱟᱲᱟᱣᱱᱟ ᱮ ᱟᱹᱭᱩᱨ ᱞᱮᱫᱟ ᱾[᱔] ᱱᱚᱶᱟ ᱞᱟᱲᱟᱣᱱᱟ ᱫᱚ ᱑᱙᱘᱘ ᱨᱮ ᱫᱟᱨᱡᱤᱞᱤᱝ ᱜᱳᱨᱠᱷᱟ ᱦᱤᱞ ᱠᱟᱣᱩᱱᱥᱤᱞ (ᱰᱤ.ᱡᱤ.ᱮᱪ.ᱥᱤ) ᱵᱮᱱᱟᱣ ᱥᱟᱶᱛᱮ ᱢᱩᱪᱟᱹᱫ ᱮᱱᱟ ᱾ ᱰᱤ.ᱡᱤ.ᱮᱪ.ᱥᱤ ᱢᱤᱫ ᱱᱟᱶᱟ ᱯᱚᱱᱚᱛ ᱵᱮᱱᱟᱣ ᱨᱮᱱᱟᱜ ᱟᱡᱟᱜ ᱡᱚᱥ ᱯᱩᱨᱟᱹᱣ ᱨᱮ ᱵᱟᱭ ᱫᱟᱲᱮ ᱞᱮᱱᱟ, ᱡᱟᱦᱟᱸ ᱠᱷᱟᱹᱛᱤᱨ ᱥᱩᱵᱷᱟᱥ ᱜᱷᱤᱥᱤᱝ ᱟᱜ ᱫᱟᱲᱮ ᱠᱚᱢ ᱮᱱᱟ[᱕] ᱟᱨ ᱒᱐᱐᱗ ᱨᱮ ᱵᱤᱢᱚᱞ ᱜᱩᱨᱩᱝ ᱟᱜ ᱟᱹᱭᱩᱨ ᱛᱮ ᱮᱴᱟᱜ ᱫᱚᱞ ᱜᱳᱨᱠᱷᱟ ᱡᱚᱱᱢᱩᱠᱛᱤ ᱢᱳᱨᱪᱟ (ᱡᱤ.ᱡᱮ.ᱮᱢ) ᱨᱮᱱᱟᱜ ᱨᱟᱠᱟᱵ ᱦᱩᱭ ᱮᱱᱟ, ᱡᱟᱦᱟᱸ ᱫᱚ ᱜᱳᱨᱠᱷᱟᱞᱮᱱᱰ ᱯᱚᱱᱚᱛ ᱞᱟᱹᱜᱤᱫ ᱫᱚᱥᱟᱨ ᱞᱟᱲᱟᱣᱱᱟ ᱮ ᱮᱦᱚᱵ ᱠᱮᱫᱟ ᱾[᱖]

ᱡᱤ.ᱴᱤ.ᱮ ᱨᱮᱱᱟᱜ ᱵᱮᱱᱟᱣ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱡᱤ.ᱡᱮ.ᱮᱢ ᱟᱜ ᱟᱹᱭᱩᱨ ᱛᱮ ᱜᱳᱨᱠᱷᱟᱞᱮᱱᱰ ᱯᱚᱱᱚᱛ ᱞᱟᱹᱜᱤᱫ ᱯᱮ ᱥᱮᱨᱢᱟ ᱨᱮᱱᱟᱜ ᱞᱟᱲᱟᱣᱱᱟ ᱛᱟᱭᱚᱢ, ᱡᱤ.ᱡᱮ.ᱮᱢ ᱫᱚ ᱫᱟᱨᱡᱤᱞᱤᱝ ᱵᱩᱨᱩ ᱴᱚᱴᱷᱟ ᱥᱟᱥᱚᱱ ᱞᱟᱹᱜᱤᱫ ᱢᱤᱫ ᱥᱮᱢᱤ-ᱚᱴᱚᱱᱚᱢᱟᱥ ᱵᱚᱰᱤ ᱵᱮᱱᱟᱣ ᱞᱟᱹᱜᱤᱫ ᱯᱚᱱᱚᱛ ᱥᱚᱨᱠᱟᱨ ᱥᱟᱶ ᱢᱤᱫ ᱮᱜᱽᱨᱤᱢᱮᱱᱴ ᱮ ᱵᱮᱱᱟᱣ ᱠᱮᱫᱟ ᱾[᱗] ᱒ ᱥᱮᱯᱴᱮᱢᱵᱚᱨ ᱒᱐᱑᱑ ᱨᱮ ᱯᱚᱪᱷᱤᱢ ᱵᱟᱝᱞᱟ ᱵᱤᱫᱷᱟᱱᱥᱚᱵᱷᱟ ᱨᱮ ᱡᱤ.ᱴᱤ.ᱮ ᱵᱮᱱᱟᱣ ᱞᱟᱹᱜᱤᱫ ᱢᱤᱫ ᱵᱤᱞ ᱯᱟᱥ ᱞᱮᱱᱟ ᱾[᱘] ᱡᱤ.ᱴᱤ.ᱮ ᱨᱮᱱᱟᱜ ᱡᱚᱥ ᱫᱚ ᱯᱨᱚᱥᱟᱥᱚᱱᱤᱠ, ᱮᱠᱡᱤᱠᱤᱭᱩᱴᱤᱵᱷ ᱟᱨ ᱠᱟᱹᱣᱰᱤᱟᱹᱨᱤ ᱫᱟᱲᱮ ᱛᱟᱦᱮᱸᱱᱟ ᱢᱮᱱᱠᱷᱟᱱ ᱟᱹᱱᱟᱹᱨᱤ (legislative) ᱫᱟᱲᱮ ᱫᱚ ᱵᱟᱝ ᱛᱟᱦᱮᱸᱱᱟ ᱾ ᱢᱤᱫ ᱨᱤᱴᱟᱭᱟᱨᱰ ᱦᱟᱭ ᱠᱳᱨᱴ ᱡᱚᱡᱽ ᱟᱜ ᱟᱹᱭᱩᱨ ᱛᱮ ᱢᱤᱫ ᱑᱐-ᱢᱮᱢᱵᱚᱨ ᱡᱚᱭᱮᱱᱴ ᱵᱷᱮᱨᱤᱯᱷᱤᱠᱮᱥᱚᱱ ᱠᱚᱢᱤᱴᱤ ᱰᱩᱣᱟᱨᱥ ᱟᱨ ᱛᱮᱨᱟᱭ ᱨᱮᱱᱟᱜ ᱜᱳᱨᱠᱷᱟ ᱛᱟᱦᱮᱸᱱ ᱴᱚᱴᱷᱟ ᱠᱚ ᱡᱤ.ᱴᱤ.ᱮ ᱨᱮ ᱟᱹᱜᱩ ᱨᱮᱱᱟᱜ ᱫᱟᱹᱵᱤ ᱠᱚ ᱯᱚᱨᱤᱠᱷᱟ ᱞᱮᱫᱟ ᱾[᱙]

ᱢᱮᱢᱳᱨᱮᱱᱰᱚᱢ ᱚᱯᱷ ᱮᱜᱽᱨᱤᱢᱮᱱᱴ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱡᱤ.ᱴᱤ.ᱮ ᱞᱟᱹᱜᱤᱫ ᱢᱮᱢᱳᱨᱮᱱᱰᱚᱢ ᱚᱯᱷ ᱮᱜᱽᱨᱤᱢᱮᱱᱴ[᱑᱐] ᱫᱚ ᱑᱘ ᱡᱩᱞᱟᱭ ᱒᱐᱑᱑ ᱨᱮ ᱥᱤᱞᱤᱜᱩᱲᱤ ᱥᱩᱨ ᱯᱤᱱᱴᱮᱞ ᱟᱹᱛᱩ ᱨᱮ ᱤᱭᱩᱱᱤᱭᱚᱱ ᱦᱳᱢ ᱢᱤᱱᱤᱥᱴᱚᱨ ᱯᱤ. ᱪᱤᱫᱚᱢᱵᱚᱨᱚᱢ, ᱯᱚᱪᱷᱤᱢ ᱵᱟᱝᱞᱟ ᱨᱤᱱᱤᱡ ᱥᱤᱨᱟᱹ ᱢᱚᱱᱛᱨᱤ ᱢᱚᱢᱚᱛᱟ ᱵᱟᱱᱟᱨᱡᱤ, ᱩᱱ ᱚᱠᱛᱚ ᱨᱤᱱᱤᱡ ᱫᱟᱨᱡᱤᱞᱤᱝ ᱞᱳᱠᱥᱚᱵᱷᱟ ᱮᱢ.ᱯᱤ ᱡᱚᱥᱣᱚᱸᱛ ᱥᱤᱝ ᱟᱨ ᱜᱳᱨᱠᱷᱟ ᱡᱚᱱᱢᱩᱠᱛᱤ ᱢᱳᱨᱪᱟ ᱟᱹᱭᱩᱨᱤᱭᱟᱹ ᱠᱚᱣᱟᱜ ᱥᱮᱴᱮᱨ ᱨᱮ ᱥᱩᱦᱤ ᱞᱮᱱᱟ ᱾[᱑᱑] ᱱᱚᱶᱟ ᱮᱜᱽᱨᱤᱢᱮᱱᱴ ᱨᱮ ᱯᱚᱪᱷᱤᱢ ᱵᱟᱝᱞᱟ ᱦᱳᱢ ᱥᱮᱠᱨᱮᱴᱟᱨᱤ ᱡᱤ.ᱰᱤ. ᱜᱚᱣᱛᱚᱢᱟ, ᱤᱭᱩᱱᱤᱭᱚᱱ ᱦᱳᱢ ᱢᱤᱱᱤᱥᱴᱨᱤ ᱡᱚᱭᱮᱱᱴ ᱥᱮᱠᱨᱮᱴᱟᱨᱤ ᱠᱮ.ᱠᱮ. ᱯᱟᱴᱷᱚᱠ ᱟᱨ ᱜᱳᱨᱠᱷᱟ ᱡᱚᱱᱢᱩᱠᱛᱤ ᱢᱳᱨᱪᱟ ᱡᱮᱱᱮᱨᱟᱞ ᱥᱮᱠᱨᱮᱴᱟᱨᱤ ᱨᱳᱥᱚᱱ ᱜᱤᱨᱤ ᱠᱚ ᱥᱩᱦᱤ ᱞᱮᱫᱟ ᱾[᱑᱒]

ᱡᱤ.ᱮ.ᱴᱤ.ᱮ ᱞᱟᱹᱜᱤᱫ ᱫᱟᱹᱵᱤ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱒᱙ ᱚᱠᱴᱚᱵᱚᱨ ᱒᱐᱑᱑ ᱨᱮ, ᱜᱳᱨᱠᱷᱟ ᱡᱚᱱᱢᱩᱠᱛᱤ ᱢᱳᱨᱪᱟ ᱟᱨ ᱚᱠᱷᱤᱞ ᱵᱷᱟᱨᱚᱛᱤᱭᱚ ᱟᱹᱫᱤᱵᱟᱹᱥᱤ ᱵᱤᱠᱟᱥ ᱯᱚᱨᱤᱥᱚᱫᱽ (ᱮ.ᱵᱤ.ᱮ.ᱵᱷᱤ.ᱯᱤ), ᱰᱩᱣᱟᱨᱥ ᱤᱭᱩᱱᱤᱴ ᱢᱚᱝᱯᱩ ᱨᱮ ᱢᱤᱫ ᱑᱘-ᱯᱚᱭᱮᱱᱴ ᱮᱜᱽᱨᱤᱢᱮᱱᱴ ᱠᱚ ᱥᱩᱦᱤ ᱠᱮᱫᱟ, ᱡᱟᱦᱟᱸ ᱛᱟᱭᱚᱢ ᱱᱚᱶᱟ ᱥᱚᱝᱜᱚᱴᱷᱚᱱ ᱠᱚ ᱢᱤᱫ ᱛᱮ ᱡᱤ.ᱴᱤ.ᱮ. ᱵᱚᱫᱚᱞ ᱛᱮ ᱜᱳᱨᱠᱷᱟᱞᱮᱱᱰ ᱮᱱᱰ ᱟᱹᱫᱤᱵᱟᱹᱥᱤ ᱴᱮᱨᱤᱴᱚᱨᱤᱭᱟᱞ ᱮᱰᱢᱤᱱᱤᱥᱴᱨᱮᱥᱚᱱ (GATA) ᱧᱩᱛᱩᱢᱟᱱ ᱢᱤᱫ ᱱᱟᱶᱟ ᱯᱨᱚᱥᱟᱥᱚᱱᱤᱠ ᱵᱚᱰᱤ ᱠᱚ ᱯᱨᱚᱯᱳᱡᱽ ᱠᱮᱫᱟ ᱾[᱑᱓] ᱮ.ᱵᱤ.ᱮ.ᱵᱷᱤ.ᱯᱤ ᱫᱚ ᱰᱩᱣᱟᱨᱥ ᱨᱮᱱᱟᱜ ᱑᱙᱖ ᱢᱳᱣᱡᱟ ᱟᱨ ᱛᱚᱨᱟᱭ ᱴᱚᱴᱷᱟ ᱨᱮᱱᱟᱜ ᱑᱙᱙ ᱢᱳᱣᱡᱟ ᱯᱨᱚᱯᱳᱡᱽ ᱟᱠᱟᱱ GATA ᱨᱮ ᱥᱮᱞᱮᱫ ᱞᱟᱹᱜᱤᱫ ᱨᱮᱵᱮᱱ ᱮᱱᱟᱭ ᱾[᱑᱔]

ᱫᱤᱥᱚᱢ ᱜᱚᱢᱠᱮ ᱭᱟᱜ ᱥᱩᱦᱤ ᱟᱨ ᱦᱟᱭ-ᱯᱟᱣᱟᱨ ᱠᱚᱢᱤᱴᱤ ᱨᱤᱯᱳᱨᱴ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱤᱧᱚᱛ ᱨᱤᱱᱤᱡ ᱫᱤᱥᱚᱢ ᱜᱚᱢᱠᱮ ᱯᱨᱚᱛᱤᱵᱷᱟ ᱯᱟᱴᱤᱞ ᱫᱚ ᱗ ᱢᱟᱨᱪ ᱒᱐᱑᱒ ᱨᱮ ᱯᱚᱪᱷᱤᱢ ᱵᱟᱝᱞᱟ ᱨᱮᱱᱟᱜ ᱡᱤ.ᱴᱤ.ᱮ ᱵᱤᱞ ᱨᱮ ᱟᱡᱟᱜ ᱥᱩᱦᱤ ᱮᱢ ᱠᱮᱫᱟ ᱾[᱑᱕] ᱯᱚᱪᱷᱤᱢ ᱵᱟᱝᱞᱟ ᱥᱚᱨᱠᱟᱨ ᱫᱚ ᱑᱔ ᱢᱟᱨᱪ ᱒᱐᱑᱒ ᱨᱮ ᱡᱤ.ᱴᱤ.ᱮ ᱟᱠᱴ (Act) ᱞᱟᱹᱜᱤᱫ ᱢᱤᱫ ᱜᱮᱡᱮᱴ ᱱᱳᱴᱤᱯᱷᱤᱠᱮᱥᱚᱱ ᱮ ᱮᱢ ᱠᱮᱫᱟ, ᱡᱟᱦᱟᱸ ᱫᱚ ᱡᱤ.ᱴᱤ.ᱮ ᱞᱟᱹᱜᱤᱫ ᱵᱟᱪᱷᱱᱟᱣ ᱥᱟᱯᱲᱟᱣ ᱨᱮᱱᱟᱜ ᱤᱥᱟᱨᱟᱭ ᱮᱢ ᱠᱮᱫᱟ ᱾[᱑᱖] ᱒᱔ ᱢᱟᱨᱪ ᱒᱐᱑᱒ ᱨᱮ ᱡᱤ.ᱡᱮ.ᱮᱢ ᱟᱹᱭᱩᱨᱤᱭᱟᱹ ᱠᱚ ᱟᱨ ᱯᱚᱪᱷᱤᱢ ᱵᱟᱝᱞᱟ ᱥᱚᱨᱠᱟᱨ ᱛᱟᱞᱟ ᱨᱮ ᱦᱩᱭ ᱞᱮᱱ ᱢᱤᱫᱩᱱ ᱨᱮ, ᱱᱚᱶᱟ ᱜᱚᱴᱟ ᱮᱱᱟ ᱡᱮ ᱡᱤ.ᱴᱤ.ᱮ ᱨᱮᱱᱟᱜ ᱵᱟᱪᱷᱱᱟᱣ ᱫᱚ ᱡᱩᱱ ᱢᱩᱪᱟᱹᱫ ᱥᱮ ᱡᱩᱞᱟᱭ ᱒᱐᱑᱒ ᱨᱮ ᱦᱩᱭᱩᱜᱼᱟ ᱾ [᱑᱗] ᱡᱟᱥᱴᱤᱥ ᱥᱮᱱ ᱠᱚᱢᱤᱴᱤ ᱴᱷᱮᱱ ᱡᱩᱱ ᱒᱐᱑᱒ ᱮᱛᱚᱦᱚᱵ ᱛᱮ ᱛᱮᱨᱟᱭ ᱟᱨ ᱰᱩᱣᱟᱨᱥ ᱨᱮᱱᱟᱜ ᱵᱟᱹᱲᱛᱤ ᱴᱚᱴᱷᱟ ᱡᱤ.ᱴᱤ.ᱮ ᱨᱮ ᱥᱮᱞᱮᱫ ᱵᱟᱵᱚᱛ ᱟᱡᱟᱜ ᱨᱤᱯᱳᱨᱴ ᱮᱢᱚᱜ ᱞᱟᱹᱜᱤᱫ ᱱᱮᱦᱚᱨ ᱦᱩᱭᱩᱜᱼᱟ ᱾[᱑᱘] ᱯᱚᱪᱷᱤᱢ ᱵᱟᱝᱞᱟ ᱥᱚᱨᱠᱟᱨ ᱫᱚ ᱒᱖ ᱢᱮ ᱒᱐᱑᱒ ᱨᱮ ᱡᱤ.ᱴᱤ.ᱮ ᱨᱮᱱᱟᱜ ᱔᱕ ᱵᱟᱪᱷᱱᱟᱣ ᱴᱚᱴᱷᱟ ᱨᱮᱱᱟᱜ ᱛᱟᱹᱞᱠᱟᱹᱭ ᱯᱟᱨᱥᱟᱞ ᱠᱮᱫᱟ ᱡᱟᱦᱟᱸ ᱨᱮ ᱡᱩᱞᱟᱭ ᱒᱐᱑᱒ ᱨᱮ ᱵᱟᱪᱷᱱᱟᱣ ᱦᱩᱭᱩᱜᱼᱟ ᱾[᱑᱙] ᱯᱚᱪᱷᱤᱢ ᱵᱟᱝᱞᱟ ᱥᱚᱨᱠᱟᱨ ᱦᱚᱛᱮᱛᱮ ᱵᱮᱱᱟᱣ ᱞᱮᱱ ᱨᱤᱴᱟᱭᱟᱨᱰ ᱡᱚᱡᱽ ᱥᱭᱟᱢᱚᱞ ᱠᱩᱢᱟᱨ ᱥᱮᱱ ᱟᱜ ᱟᱹᱭᱩᱨ ᱛᱮ ᱦᱟᱭ-ᱯᱟᱣᱟᱨ ᱠᱚᱢᱤᱴᱤ ᱫᱚ ᱯᱨᱚᱯᱳᱡᱽ ᱟᱠᱟᱱ ᱡᱤ.ᱴᱤ.ᱮ ᱨᱮ ᱥᱩᱢᱩᱝ ᱢᱚᱬᱮ ᱜᱚᱴᱟᱝ ᱢᱳᱣᱡᱟ ᱥᱮᱞᱮᱫ ᱨᱮᱱᱟᱜ ᱨᱮᱠᱚᱢᱮᱱᱰ ᱮᱢ ᱠᱮᱫᱟ, ᱡᱩᱫᱤᱦᱚᱸ ᱜᱳᱨᱠᱷᱟ ᱡᱚᱱᱢᱩᱠᱛᱤ ᱢᱳᱨᱪᱟ ᱫᱚ ᱰᱩᱣᱟᱨᱥ ᱟᱨ ᱛᱮᱨᱟᱭ ᱴᱚᱴᱷᱟ ᱠᱷᱚᱱ ᱓᱙᱘ ᱢᱳᱣᱡᱟ ᱮ ᱫᱟᱹᱵᱤ ᱞᱮᱫ ᱛᱟᱦᱮᱸᱫ ᱾[᱒᱐] ᱜᱳᱨᱠᱷᱟ ᱡᱚᱱᱢᱩᱠᱛᱤ ᱢᱳᱨᱪᱟ ᱡᱟᱥᱴᱤᱥ ᱥᱮᱱ ᱠᱚᱢᱤᱴᱤ ᱟᱜ ᱨᱤᱯᱳᱨᱴ ᱮ ᱵᱟᱛᱟᱣ ᱵᱟᱝ ᱠᱮᱫ ᱛᱟᱭᱚᱢ ᱯᱚᱪᱷᱤᱢ ᱵᱟᱝᱞᱟ ᱥᱚᱨᱠᱟᱨ ᱮ ᱜᱷᱚᱥᱬᱟ ᱠᱮᱫᱟ ᱡᱮ ᱱᱚᱶᱟ ᱨᱮᱱᱟᱜ ᱨᱮᱠᱚᱢᱮᱱᱰᱮᱥᱚᱱ ᱠᱚ ᱧᱮᱞ ᱞᱟᱹᱜᱤᱫ ᱢᱤᱫ ᱯᱮ-ᱢᱮᱢᱵᱚᱨ "ᱯᱷᱮᱠᱴ ᱵᱷᱮᱨᱤᱯᱷᱤᱠᱮᱥᱚᱱ ᱠᱚᱢᱤᱴᱤ" ᱵᱮᱱᱟᱣᱟ ᱾[᱒᱑] ᱠᱚᱞᱠᱟᱛᱟ ᱦᱟᱭ ᱠᱳᱨᱴ ᱫᱚ ᱑᱙ ᱡᱩᱱ ᱒᱐᱑᱒ ᱨᱮ ᱜᱳᱨᱠᱷᱟ ᱱᱮᱥᱱᱟᱞ ᱞᱤᱵᱟᱨᱮᱥᱚᱱ ᱯᱷᱨᱚᱱᱴ ᱨᱤᱱᱤᱡ ᱟᱹᱭᱩᱨᱤᱭᱟᱹ ᱥᱩᱵᱷᱟᱥ ᱜᱷᱤᱥᱤᱝ ᱦᱚᱛᱮᱛᱮ ᱡᱤ.ᱴᱤ.ᱮ ᱨᱮᱱᱟᱜ ᱟᱹᱱᱟᱹᱨᱤ ᱢᱟᱹᱱ ᱪᱮᱞᱮᱧᱡᱽ ᱟᱠᱟᱱ ᱠᱮᱥ ᱮ ᱟᱯᱱᱟᱨ ᱠᱮᱫᱟ ᱾ ᱡᱟᱥᱴᱤᱥ ᱫᱤᱯᱚᱝᱠᱚᱨ ᱫᱚᱛᱛᱚ ᱫᱚ ᱡᱤ.ᱴᱤ.ᱮ ᱮᱜᱽᱨᱤᱢᱮᱱᱴ ᱨᱤᱱ ᱯᱮᱭᱟ ᱥᱩᱦᱤᱭᱤᱡ – ᱛᱟᱞᱢᱟ ᱥᱚᱨᱠᱟᱨ, ᱯᱚᱱᱚᱛ ᱥᱚᱨᱠᱟᱨ ᱟᱨ ᱜᱳᱨᱠᱷᱟ ᱡᱚᱱᱢᱩᱠᱛᱤ ᱢᱳᱨᱪᱟ – ᱜᱷᱤᱥᱤᱝ ᱟᱜ ᱫᱟᱹᱵᱤ ᱪᱮᱛᱟᱱ ᱨᱮ ᱟᱠᱚᱣᱟᱜ ᱴᱷᱟᱶ ᱞᱟᱹᱭ ᱥᱚᱫᱚᱨ ᱠᱟᱛᱮ ᱮᱯᱷᱤᱰᱮᱵᱷᱤᱴ ᱮᱢᱚᱜ ᱮ ᱢᱮᱛᱟᱫ ᱠᱚᱣᱟ ᱾[᱒᱒]

ᱵᱟᱪᱷᱱᱟᱣ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱡᱤ.ᱴᱤ.ᱮ ᱵᱟᱪᱷᱱᱟᱣ ᱒᱐᱑᱒

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱯᱚᱪᱷᱤᱢ ᱵᱟᱝᱞᱟ ᱥᱚᱨᱠᱟᱨ ᱮ ᱜᱷᱚᱥᱬᱟ ᱠᱮᱫᱟ ᱡᱮ ᱡᱤ.ᱴᱤ.ᱮ ᱞᱟᱹᱜᱤᱫ ᱵᱟᱪᱷᱱᱟᱣ ᱫᱚ ᱒᱙ ᱡᱩᱞᱟᱭ ᱒᱐᱑᱒ ᱨᱮ ᱦᱩᱭᱩᱜᱼᱟ ᱾[᱒᱓] ᱜᱳᱨᱠᱷᱟ ᱡᱚᱱᱢᱩᱠᱛᱤ ᱢᱳᱨᱪᱟ ᱮ ᱜᱷᱚᱥᱬᱟ ᱠᱮᱫᱟ ᱡᱮ ᱱᱚᱶᱟ ᱡᱤ.ᱴᱤ.ᱮ ᱵᱟᱪᱷᱱᱟᱣ ᱨᱮᱭ ᱞᱟᱹᱲᱦᱟᱹᱭᱟ, ᱡᱟᱦᱟᱸ ᱫᱚ ᱢᱟᱬᱟᱝ ᱨᱮ ᱰᱩᱣᱟᱨᱥ ᱟᱨ ᱛᱮᱨᱟᱭ ᱴᱚᱴᱷᱟ ᱥᱮᱞᱮᱫ ᱤᱫᱤ ᱛᱮ ᱡᱟᱥᱴᱤᱥ ᱥᱮᱱ-ᱟᱜ ᱟᱹᱭᱩᱨ ᱠᱚᱢᱤᱴᱤ ᱟᱜ ᱨᱮᱠᱚᱢᱮᱱᱰᱮᱥᱚᱱ ᱵᱟᱝ ᱢᱟᱱᱟᱣ ᱠᱷᱟᱹᱛᱤᱨ ᱵᱚᱭᱠᱚᱴ ᱨᱮᱱᱟᱜ ᱫᱷᱚᱢᱚᱠ ᱮ ᱮᱢ ᱞᱮᱫ ᱛᱟᱦᱮᱸᱫ ᱾[᱒᱔] ᱠᱤᱪᱷᱩ ᱫᱤᱱ ᱛᱷᱤᱨ ᱛᱟᱦᱮᱸᱱ ᱛᱟᱭᱚᱢ, ᱜᱳᱨᱠᱷᱟ ᱡᱚᱱᱢᱩᱠᱛᱤ ᱢᱳᱨᱪᱟ ᱟᱡᱨᱤᱱ ᱡᱤ.ᱴᱤ.ᱮ ᱵᱟᱪᱷᱱᱟᱣ ᱠᱮᱱᱰᱤᱰᱮᱴ ᱠᱚᱣᱟᱜ ᱧᱩᱛᱩᱢ ᱮ ᱜᱷᱚᱥᱬᱟ ᱠᱮᱫᱟ ᱾[᱒᱕][᱒᱖] ᱜᱳᱨᱠᱷᱟᱞᱮᱱᱰ ᱴᱟᱥᱠ ᱯᱷᱳᱨᱥ ᱵᱮᱱᱟᱣ ᱟᱠᱟᱫ ᱫᱚᱞ ᱠᱚ (ᱥᱤ.ᱯᱤ.ᱟᱨ.ᱮᱢ, ᱮ.ᱵᱤ.ᱡᱤ.ᱮᱞ, ᱡᱤ.ᱮᱱ.ᱮᱞ.ᱮᱯᱷ (ᱥᱤ), ᱜᱳᱨᱠᱷᱟᱞᱮᱱᱰ ᱨᱟᱡᱽᱭᱚ ᱱᱤᱨᱢᱟᱬ ᱢᱳᱨᱪᱟ ᱟᱨ ᱮᱴᱟᱜ ᱠᱚ) ᱡᱤ.ᱴᱤ.ᱮ ᱵᱟᱪᱷᱱᱟᱣ ᱨᱮ ᱵᱟᱝ ᱞᱟᱹᱲᱦᱟᱹᱭ ᱞᱟᱹᱜᱤᱫ ᱠᱚ ᱜᱚᱴᱟ ᱠᱮᱫᱟ ᱾[᱒᱗] ᱥᱤ.ᱯᱤ.ᱟᱭ(ᱮᱢ) ᱟᱨ ᱛᱨᱤᱱᱟᱢᱩᱞ ᱠᱚᱝᱜᱽᱨᱮᱥ ᱵᱟᱱᱟᱨ ᱜᱮ ᱵᱟᱪᱷᱱᱟᱣ ᱨᱮ ᱠᱮᱱᱰᱤᱰᱮᱴ ᱠᱤᱱ ᱮᱢ ᱠᱮᱫ ᱠᱚᱣᱟ ᱾[᱒᱘] ᱡᱤ.ᱮᱱ.ᱮᱞ.ᱮᱯᱷ ᱫᱚ ᱵᱟᱪᱷᱱᱟᱣ ᱵᱚᱭᱠᱚᱴ ᱞᱟᱹᱜᱤᱫ ᱮ ᱜᱚᱴᱟ ᱠᱮᱫᱟ ᱟᱨ ᱱᱚᱶᱟ ᱨᱤᱱᱤᱡ ᱪᱮᱭᱟᱨᱢᱮᱱ ᱫᱚ ᱡᱤ.ᱴᱤ.ᱮ ᱪᱮᱞᱮᱧᱡᱽ ᱠᱟᱛᱮ ᱠᱚᱞᱠᱟᱛᱟ ᱦᱟᱭ ᱠᱳᱨᱴ ᱨᱮ ᱢᱤᱫ ᱠᱮᱥ ᱮ ᱯᱷᱟᱭᱤᱞ ᱠᱮᱫᱟ ᱾[᱒᱙] ᱥᱤ.ᱯᱤ.ᱟᱭ(ᱮᱢ) ᱫᱚ ᱡᱤ.ᱡᱮ.ᱮᱢ ᱦᱚᱛᱮᱛᱮ ᱵᱚᱛᱚᱨ ᱟᱨ ᱫᱷᱚᱢᱚᱠ ᱮᱢᱚᱜ ᱨᱮᱱᱟᱜ ᱫᱟᱹᱵᱤ ᱠᱟᱛᱮ ᱡᱤ.ᱴᱤ.ᱮ ᱵᱟᱪᱷᱱᱟᱣ ᱠᱷᱚᱱ ᱟᱡᱨᱤᱱ ᱥᱟᱱᱟᱢ ᱑᱓ ᱠᱮᱱᱰᱤᱰᱮᱴ ᱟᱜ ᱱᱳᱢᱤᱱᱮᱥᱚᱱ ᱮ ᱨᱩᱣᱟᱹᱲ ᱦᱟᱛᱟᱣ ᱠᱮᱫᱟ[᱓᱐] ᱟᱨ ᱡᱤ.ᱡᱮ.ᱮᱢ ᱫᱚ ᱵᱤᱱᱟᱹ ᱞᱟᱹᱲᱦᱟᱹᱭ ᱛᱮ ᱡᱤ.ᱴᱤ.ᱮ ᱨᱮᱱᱟᱜ ᱒᱘ ᱜᱚᱴᱟᱝ ᱥᱤᱴ ᱮ ᱧᱟᱢ ᱠᱮᱫᱟ ᱾[᱓᱑] ᱒᱙ ᱡᱩᱞᱟᱭ ᱒᱐᱑᱒ ᱨᱮ ᱦᱩᱭ ᱞᱮᱱ ᱡᱤ.ᱴᱤ.ᱮ ᱨᱮᱱᱟᱜ ᱵᱟᱹᱠᱤ ᱑᱗ ᱜᱚᱴᱟᱝ ᱥᱤᱴ ᱨᱮᱱᱟᱜ ᱵᱟᱪᱷᱱᱟᱣ ᱨᱮ, ᱡᱤ.ᱡᱮ.ᱮᱢ ᱠᱮᱱᱰᱤᱰᱮᱴ ᱠᱚ ᱥᱟᱱᱟᱢ ᱵᱟᱪᱷᱱᱟᱣ ᱴᱚᱴᱷᱟ ᱠᱷᱚᱱ ᱠᱚ ᱫᱟᱲᱮ ᱮᱱᱟ ᱾[᱓᱒] ᱜᱤᱛᱫᱟᱵᱽᱞᱤᱝ-ᱱᱤᱢᱵᱚᱝ ᱠᱷᱚᱱ ᱵᱟᱹᱜᱷᱤ ᱜᱳᱨᱠᱷᱟ ᱡᱚᱱᱢᱩᱠᱛᱤ ᱢᱳᱨᱪᱟ ᱠᱮᱱᱰᱤᱰᱮᱴ ᱥᱟᱱᱪᱟᱵᱤᱨ ᱥᱩᱵᱽᱵᱟ ᱫᱚ ᱫᱚᱞ ᱨᱤᱱᱤᱡ ᱚᱯᱷᱤᱥᱤᱭᱟᱞ ᱠᱮᱱᱰᱤᱰᱮᱴ ᱠᱚᱞᱭᱟᱬ ᱫᱮᱣᱟᱱ ᱴᱷᱮᱱ ᱠᱷᱚᱱ ᱖᱗᱗ ᱵᱷᱳᱴ ᱛᱮᱭ ᱦᱟᱨᱟᱣ ᱮᱱᱟ ᱾[᱓᱓] ᱡᱤ.ᱴᱤ.ᱮ ᱨᱤᱱ ᱱᱟᱶᱟ ᱵᱟᱪᱷᱟᱣ ᱟᱠᱟᱱ ᱢᱮᱢᱵᱚᱨ ᱠᱚ ᱔ ᱚᱜᱚᱥᱴ ᱒᱐᱑᱒ ᱨᱮ ᱫᱟᱨᱡᱤᱞᱤᱝ ᱨᱮ ᱦᱳᱢ ᱢᱤᱱᱤᱥᱴᱚᱨ ᱥᱩᱥᱤᱞᱠᱩᱢᱟᱨ ᱥᱤᱱᱫᱮ ᱟᱨ ᱯᱚᱪᱷᱤᱢ ᱵᱟᱝᱞᱟ ᱨᱤᱱᱤᱡ ᱥᱤᱨᱟᱹ ᱢᱚᱱᱛᱨᱤ ᱢᱚᱢᱚᱛᱟ ᱵᱟᱱᱟᱨᱡᱤ ᱟᱜ ᱥᱮᱴᱮᱨ ᱨᱮ ᱠᱤᱨᱭᱟᱹ ᱠᱚ ᱦᱟᱛᱟᱣ ᱠᱮᱫᱟ ᱾[᱓᱔]

[᱓᱕]

᱒᱐᱑᱒ ᱨᱮᱱᱟᱜ ᱜᱳᱨᱠᱷᱟᱞᱮᱱᱰ ᱴᱚᱴᱷᱟᱠᱤᱭᱟᱹ ᱥᱟᱥᱚᱱᱤᱭᱟᱹ ᱵᱟᱪᱷᱱᱟᱣ ᱚᱨᱡᱚ ᱨᱮᱱᱟᱜ ᱥᱟᱢᱟᱨᱤ
ᱨᱟᱡᱽᱟᱹᱨᱤ ᱫᱚᱞ ᱞᱟᱹᱲᱦᱟᱹᱭ ᱟᱠᱟᱱ ᱥᱤᱴ ᱫᱟᱲᱮ ᱟᱠᱟᱱ ᱥᱤᱴ ᱥᱤᱴ ᱨᱮ ᱵᱚᱫᱚᱞ
GJM ᱔᱕᱔᱕ᱯᱩᱭᱞᱩ ᱵᱟᱪᱷᱱᱟᱣ
AITC ᱑᱗᱐ᱯᱩᱭᱞᱩ ᱵᱟᱪᱷᱱᱟᱣ

᱒᱐᱑᱗ ᱞᱟᱲᱟᱣᱱᱟ ᱟᱨ ᱵᱟᱦᱟᱞ ᱟᱠᱟᱱ ᱮᱰᱢᱤᱱᱤᱥᱴᱨᱮᱴᱚᱨ ᱠᱚ ᱛᱟᱹᱨᱤ ᱨᱮ ᱡᱤ.ᱴᱤ.ᱮ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱒᱐᱑᱗ ᱨᱮ, ᱫᱟᱨᱡᱤᱞᱤᱝ ᱵᱩᱨᱩ ᱴᱚᱴᱷᱟ ᱨᱮ ᱜᱳᱨᱠᱷᱟᱞᱮᱱᱰ ᱞᱟᱹᱜᱤᱫ ᱟᱨᱦᱚᱸ ᱢᱤᱫ ᱞᱟᱲᱟᱣᱱᱟ ᱦᱩᱭ ᱞᱮᱱᱟ ᱾[᱓᱖] ᱡᱤ.ᱡᱮ.ᱮᱢ ᱨᱤᱱ ᱡᱤ.ᱴᱤ.ᱮ ᱠᱟᱣᱩᱱᱥᱤᱞᱚᱨ ᱠᱚ ᱡᱩᱱ ᱒᱐᱑᱗ ᱨᱮ ᱨᱤᱡᱟᱭᱤᱱ ᱠᱚ ᱮᱢ ᱠᱮᱫᱟ ᱟᱨ ᱡᱤ.ᱴᱤ.ᱮ ᱢᱮᱢᱳᱨᱮᱱᱰᱚᱢ ᱚᱯᱷ ᱮᱜᱽᱨᱤᱢᱮᱱᱴ ᱟᱨ ᱡᱤ.ᱴᱤ.ᱮ ᱟᱠᱴ ᱨᱮᱱᱟᱜ ᱠᱚᱯᱤ ᱠᱚ ᱟᱛᱟᱨ ᱠᱮᱫᱟ, ᱱᱚᱶᱟ ᱢᱮᱱ ᱠᱟᱛᱮ ᱡᱮ ᱡᱤ.ᱴᱤ.ᱮ ᱫᱚ ᱦᱚᱲ ᱠᱚᱣᱟᱜ ᱟᱸᱥ ᱯᱩᱨᱟᱹᱣ ᱨᱮ ᱯᱷᱮᱞ ᱟᱠᱟᱱᱟ ᱾[᱓᱗] ᱒᱐ ᱥᱮᱯᱴᱮᱢᱵᱚᱨ ᱒᱐᱑᱗ ᱨᱮ, ᱯᱚᱪᱷᱤᱢ ᱵᱟᱝᱞᱟ ᱥᱚᱨᱠᱟᱨ ᱫᱚ ᱡᱤ.ᱴᱤ.ᱮ ᱟᱨᱦᱚᱸ ᱱᱟᱶᱟ ᱛᱮᱭ ᱵᱮᱱᱟᱣ ᱠᱮᱫᱟ ᱟᱨ ᱵᱟᱹᱜᱷᱤ ᱡᱤ.ᱡᱮ.ᱮᱢ ᱟᱹᱭᱩᱨᱤᱭᱟᱹ ᱵᱤᱱᱚᱭ ᱛᱟᱢᱟᱝ ᱫᱚ ᱱᱚᱶᱟ ᱨᱤᱱᱤᱡ ᱪᱮᱭᱟᱨᱯᱟᱨᱥᱚᱱ ᱞᱮᱠᱟᱛᱮᱭ ᱵᱟᱦᱟᱞ ᱠᱮᱫᱮᱭᱟ ᱾[᱓᱘] ᱒᱐᱑᱙ ᱫᱟᱨᱡᱤᱞᱤᱝ ᱵᱤᱫᱷᱟᱱᱥᱚᱵᱷᱟ ᱵᱟᱭ-ᱤᱞᱮᱠᱥᱚᱱ ᱢᱟᱬᱟᱝ ᱨᱮ, ᱵᱤᱱᱚᱭ ᱛᱟᱢᱟᱝ ᱫᱚ ᱵᱤᱫᱷᱟᱱᱥᱚᱵᱷᱟ ᱵᱟᱭ-ᱤᱞᱮᱠᱥᱚᱱ ᱨᱮ ᱞᱟᱹᱲᱦᱟᱹᱭ ᱞᱟᱹᱜᱤᱫ ᱡᱤ.ᱴᱤ.ᱮ ᱪᱮᱭᱟᱨᱢᱮᱱ ᱯᱚᱫᱽ ᱠᱷᱚᱱ ᱮ ᱚᱪᱚᱜ ᱮᱱᱟ ᱾ ᱚᱱᱤᱛ ᱛᱷᱟᱯᱟ ᱫᱚ ᱱᱟᱶᱟ ᱡᱤ.ᱴᱤ.ᱮ ᱪᱮᱭᱟᱨᱢᱮᱱ ᱞᱮᱠᱟᱛᱮᱭ ᱵᱟᱦᱟᱞ ᱮᱱᱟ ᱾[᱓᱙] ᱒᱐᱒᱑ ᱯᱚᱪᱷᱤᱢ ᱵᱟᱝᱞᱟ ᱵᱤᱫᱷᱟᱱᱥᱚᱵᱷᱟ ᱵᱟᱪᱷᱱᱟᱣ ᱢᱟᱬᱟᱝ ᱨᱮ, ᱯᱚᱪᱷᱤᱢ ᱵᱟᱝᱞᱟ ᱥᱚᱨᱠᱟᱨ ᱫᱚ ᱚᱱᱤᱛ ᱛᱷᱟᱯᱟ ᱟᱜ ᱟᱹᱭᱩᱨ ᱛᱮ ᱪᱟᱞᱟᱜ ᱠᱟᱱ ᱡᱤ.ᱴᱤ.ᱮ ᱵᱳᱨᱰ ᱚᱯᱷ ᱮᱰᱢᱤᱱᱤᱥᱴᱨᱮᱴᱚᱨᱥ ᱮ ᱵᱷᱚᱝᱜᱚ ᱠᱮᱫᱟ ᱟᱨ ᱡᱤ.ᱴᱤ.ᱮ ᱨᱮᱱᱟᱜ ᱥᱟᱥᱚᱱ ᱫᱚ ᱡᱤ.ᱴᱤ.ᱮ ᱯᱨᱤᱱᱥᱤᱯᱟᱞ ᱥᱮᱠᱨᱮᱴᱟᱨᱤ ᱮ ᱡᱤᱢᱟᱹ ᱟᱫᱮᱭᱟ ᱾[᱔᱐]

ᱡᱤ.ᱴᱤ.ᱮ ᱵᱟᱪᱷᱱᱟᱣ ᱒᱐᱒᱒

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱚᱨᱠᱟᱨ ᱦᱚᱛᱮᱛᱮ ᱵᱟᱦᱟᱞ ᱟᱠᱟᱱ ᱮᱰᱢᱤᱱᱤᱥᱴᱨᱮᱴᱚᱨ ᱠᱚ ᱤᱫᱤ ᱠᱟᱛᱮ ᱕ ᱥᱮᱨᱢᱟ (᱒᱐᱑᱗-᱒᱐᱒᱒) ᱡᱤ.ᱴᱤ.ᱮ ᱪᱟᱞᱟᱣ ᱛᱟᱭᱚᱢ, ᱯᱚᱪᱷᱤᱢ ᱵᱟᱝᱞᱟ ᱥᱚᱨᱠᱟᱨ ᱮ ᱜᱷᱚᱥᱬᱟ ᱠᱮᱫᱟ ᱡᱮ ᱫᱚᱥᱟᱨ ᱡᱤ.ᱴᱤ.ᱮ ᱥᱚᱵᱷᱟ ᱞᱟᱹᱜᱤᱫ ᱵᱟᱪᱷᱱᱟᱣ ᱫᱚ ᱒᱖ ᱡᱩᱱ ᱒᱐᱒᱒ ᱨᱮ ᱦᱩᱭᱩᱜᱼᱟ ᱾[᱔᱑] ᱦᱟᱢᱨᱳ ᱯᱟᱨᱴᱤ (ᱱᱤᱛᱚᱜᱟᱜ ᱧᱩᱛᱩᱢ ᱤᱱᱰᱤᱭᱟᱱ ᱜᱳᱨᱠᱷᱟ ᱡᱚᱱᱥᱚᱠᱛᱤ ᱯᱷᱨᱚᱱᱴ) ᱠᱷᱚᱱ ᱔᱕, ᱵᱷᱟᱨᱚᱛᱤᱭᱚ ᱜᱳᱨᱠᱷᱟ ᱯᱨᱚᱡᱟᱛᱟᱱᱛᱨᱤᱠ ᱢᱳᱨᱪᱟ ᱠᱷᱚᱱ ᱓᱖, ᱥᱤ.ᱯᱤ.ᱟᱭ(ᱮᱢ) ᱠᱷᱚᱱ ᱑᱒, ᱛᱨᱤᱱᱟᱢᱩᱞ ᱠᱚᱝᱜᱽᱨᱮᱥ ᱠᱷᱚᱱ ᱑᱐, ᱠᱚᱝᱜᱽᱨᱮᱥ ᱠᱷᱚᱱ ᱕ ᱟᱨ ᱑᱖᱙ ᱯᱷᱩᱨᱜᱟᱹᱞ ᱠᱮᱱᱰᱤᱰᱮᱴ ᱢᱮᱥᱟ ᱠᱟᱛᱮ ᱞᱮᱠᱷᱟᱜᱩᱴ ᱒᱗᱗ ᱠᱮᱱᱰᱤᱰᱮᱴ ᱡᱤ.ᱴᱤ.ᱮ ᱵᱟᱪᱷᱱᱟᱣ ᱨᱮᱠᱚ ᱞᱟᱹᱲᱦᱟᱹᱭ ᱮᱱᱟ ᱾[᱔᱒] ᱡᱤ.ᱴᱤ.ᱮ ᱥᱚᱵᱷᱟ ᱨᱤᱱ ᱥᱟᱱᱟᱢ ᱵᱟᱪᱷᱟᱣ ᱟᱠᱟᱱ ᱢᱮᱢᱵᱚᱨ ᱠᱚ ᱑᱒ ᱡᱩᱞᱟᱭ ᱒᱐᱒᱒ ᱨᱮ ᱫᱟᱨᱡᱤᱞᱤᱝ ᱨᱮ ᱢᱤᱫ ᱠᱟᱹᱢᱤᱦᱚᱨᱟ ᱨᱮ ᱠᱤᱨᱭᱟᱹ ᱠᱚ ᱦᱟᱛᱟᱣ ᱠᱮᱫᱟ ᱡᱟᱦᱟᱸ ᱨᱮ ᱯᱚᱪᱷᱤᱢ ᱵᱟᱝᱞᱟ ᱨᱤᱱᱤᱡ ᱥᱤᱨᱟᱹ ᱢᱚᱱᱛᱨᱤ ᱢᱚᱢᱚᱛᱟ ᱵᱟᱱᱟᱨᱡᱤ ᱥᱮᱞᱮᱫ ᱮ ᱛᱟᱦᱮᱸ ᱠᱟᱱᱟ ᱾[᱔᱓] ᱑᱔ ᱡᱩᱞᱟᱭ ᱒᱐᱒᱒ ᱨᱮ, ᱯᱚᱪᱷᱤᱢ ᱵᱟᱝᱞᱟ ᱨᱤᱱᱤᱡ ᱨᱟᱡᱽᱭᱚᱯᱟᱞ ᱡᱚᱜᱽᱫᱤᱯ ᱫᱷᱚᱱᱠᱷᱚᱲ ᱫᱚ ᱚᱱᱤᱛ ᱛᱷᱟᱯᱟ ᱡᱤ.ᱴᱤ.ᱮ ᱨᱤᱱᱤᱡ ᱪᱤᱯᱷ ᱮᱠᱡᱤᱠᱤᱭᱩᱴᱤᱵᱷ ᱞᱮᱠᱟᱛᱮ ᱚᱯᱷᱤᱥ ᱨᱮᱱᱟᱜ ᱠᱤᱨᱭᱟᱹ ᱮᱢᱟᱫ ᱫᱮᱭᱟ ᱾[᱔᱔] ᱯᱚᱪᱷᱤᱢ ᱵᱟᱝᱞᱟ ᱥᱚᱨᱠᱟᱨ ᱦᱚᱛᱮᱛᱮ ᱱᱳᱢᱤᱱᱮᱴ ᱟᱠᱟᱱ ᱡᱤ.ᱴᱤ.ᱮ ᱥᱚᱵᱷᱟ ᱨᱤᱱ ᱢᱚᱬᱮ ᱜᱚᱴᱟᱝ ᱢᱮᱢᱵᱚᱨ ᱒᱕ ᱚᱜᱚᱥᱴ ᱒᱐᱒᱒ ᱨᱮ ᱠᱤᱨᱭᱟᱹ ᱠᱚ ᱦᱟᱛᱟᱣ ᱠᱮᱫᱟ ᱾[᱔᱕] ᱡᱤ.ᱴᱤ.ᱮ ᱨᱤᱱ ᱵᱟᱨᱭᱟ ᱦᱟᱢᱨᱳ ᱯᱟᱨᱴᱤ ᱠᱟᱣᱩᱱᱥᱤᱞᱚᱨ ᱕ ᱱᱚᱵᱷᱮᱢᱵᱚᱨ ᱒᱐᱒᱒ ᱨᱮ ᱵᱷᱟᱨᱚᱛᱤᱭᱚ ᱜᱳᱨᱠᱷᱟ ᱯᱨᱚᱡᱟᱛᱟᱱᱛᱨᱤᱠ ᱢᱳᱨᱪᱟ ᱨᱮᱠᱤᱱ ᱥᱮᱞᱮᱫ ᱮᱱᱟ ᱾[᱔᱖] ᱵᱤᱱᱚᱭ ᱛᱟᱢᱟᱝ, ᱡᱟᱦᱟᱸᱭ ᱫᱚ ᱴᱤ.ᱮᱢ.ᱥᱤ ᱴᱤᱠᱮᱴ ᱛᱮ ᱡᱤ.ᱴᱤ.ᱮ ᱵᱟᱪᱷᱱᱟᱣ ᱮ ᱫᱟᱲᱮ ᱞᱮᱱᱟ ᱢᱮᱱᱠᱷᱟᱱ ᱛᱟᱭᱚᱢ ᱛᱮ ᱚᱱᱟ ᱫᱚᱞ ᱮ ᱵᱟᱹᱜᱤᱭᱟᱫᱟ, ᱒᱖ ᱱᱚᱵᱷᱮᱢᱵᱚᱨ ᱒᱐᱒᱓ ᱨᱮ ᱠᱚᱝᱜᱽᱨᱮᱥ ᱨᱮᱭ ᱥᱮᱞᱮᱫ ᱮᱱᱟ ᱾[᱔᱗] ᱒᱓ ᱮᱯᱨᱤᱞ ᱒᱐᱒᱔ ᱨᱮ ᱩᱱᱤ ᱫᱚ ᱠᱚᱝᱜᱽᱨᱮᱥ ᱠᱷᱚᱱ ᱠᱚ ᱚᱰᱚᱠ ᱠᱮᱫᱮᱭᱟ ᱾[᱔᱘]

᱒᱐᱒᱒ ᱨᱮᱱᱟᱜ ᱜᱳᱨᱠᱷᱟᱞᱮᱱᱰ ᱴᱚᱴᱷᱟᱠᱤᱭᱟᱹ ᱥᱟᱥᱚᱱᱤᱭᱟᱹ ᱵᱟᱪᱷᱱᱟᱣ ᱚᱨᱡᱚ ᱨᱮᱱᱟᱜ ᱥᱟᱢᱟᱨᱤ
ᱨᱟᱡᱽᱟᱹᱨᱤ ᱫᱚᱞ ᱞᱟᱹᱲᱦᱟᱹᱭ ᱟᱠᱟᱱ ᱥᱤᱴ ᱫᱟᱲᱮ ᱟᱠᱟᱱ ᱥᱤᱴ ᱥᱤᱴ ᱨᱮ ᱵᱚᱫᱚᱞ
Lua error in package.lua at line 80: module 'Module:Political party/H' not found. (ᱟᱭ.ᱡᱤ.ᱡᱮ.ᱮᱯᱷ) ᱔᱕ ᱘ ᱯᱩᱭᱞᱩ ᱵᱟᱪᱷᱱᱟᱣ
BGPM ᱓᱖ ᱒᱗ ᱯᱩᱭᱞᱩ ᱵᱟᱪᱷᱱᱟᱣ
AITC ᱑᱐ ᱕ +᱕
CPI(M) ᱑᱒ ᱐ ᱯᱩᱭᱞᱩ ᱵᱟᱪᱷᱱᱟᱣ
INC ᱕ ᱐ ᱯᱩᱭᱞᱩ ᱵᱟᱪᱷᱱᱟᱣ
Independent (᱑᱖᱙ ᱠᱮᱱᱰᱤᱰᱮᱴ) ᱔᱕ ᱕ +᱕

ᱜᱳᱨᱠᱷᱟᱞᱮᱱᱰ ᱨᱮᱱᱟᱜ ᱴᱚᱴᱷᱟᱠᱤᱭᱟᱹ ᱨᱟᱡᱽᱟᱹᱨᱤ ᱫᱚᱞ ᱠᱚ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱜᱳᱨᱠᱷᱟᱞᱮᱱᱰ ᱥᱚᱯᱚᱴᱮᱫ ᱥᱟᱶᱛᱟᱨᱤ ᱥᱚᱝᱜᱚᱴᱷᱚᱱ ᱠᱚ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱟᱨᱦᱚᱸ ᱧᱮᱞ ᱢᱮ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱹᱠᱷᱭᱟᱹᱛ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
  1. ↑ "Gorkhaland Territorial Administration Agreement signed". Outlook. 18 ᱡᱩᱞᱟᱭ 2011. Archived from the original on 3 ᱡᱩᱱ 2012. Retrieved 16 ᱢᱟᱨᱪ 2012.
  2. ↑ Dutta, Ananya (18 ᱡᱩᱞᱟᱭ 2011). "Pact signed for Gorkhaland Territorial Administration". The Hindu. Chennai, India. Retrieved 16 ᱢᱟᱨᱪ 2012.
  3. ↑ "Gorkhaland Territorial Administration". gtadmin.org. Archived from the original on 3 ᱚᱜᱚᱥᱴ 2020. Retrieved 14 ᱚᱜᱚᱥᱴ 2020.
  4. ↑ "Interview with Subhash Ghisingh". Darjeeling Times. 11 ᱡᱟᱱᱩᱣᱟᱨᱤ 2008. Archived from the original on 12 ᱢᱟᱨᱪ 2012. Retrieved 16 ᱢᱟᱨᱪ 2012.
  5. ↑ "Subhas Ghising resigns". The Hindu. Chennai, India. 11 ᱢᱟᱨᱪ 2008. Retrieved 16 ᱢᱟᱨᱪ 2012.
  6. ↑ "GJM leader Bimal Gurung". The Hindu. 3 ᱡᱩᱱ 2010. Retrieved 16 ᱢᱟᱨᱪ 2012.
  7. ↑ "Darjeeling issue solved: Mamata". Express Buzz. 8 ᱡᱩᱱ 2011. Archived from the original on 12 ᱢᱮ 2014. Retrieved 16 ᱢᱟᱨᱪ 2012.
  8. ↑ "GTA Bill passed with 54 amendments". The Times of India. 3 ᱥᱮᱯᱴᱮᱢᱵᱚᱨ 2011. Archived from the original on 6 ᱱᱚᱵᱷᱮᱢᱵᱚᱨ 2012. Retrieved 16 ᱢᱟᱨᱪ 2012.
  9. ↑ "Ex-judge to head hill committee". The Telegraph. Calcutta, India. 30 ᱡᱩᱞᱟᱭ 2011. Archived from the original on 5 ᱢᱮ 2012. Retrieved 16 ᱢᱟᱨᱪ 2012.
  10. ↑ "Full text of GTA MoA" (PDF). Darjeeling Times. 15 ᱡᱩᱞᱟᱭ 2011. Retrieved 16 ᱢᱟᱨᱪ 2012.[permanent dead link]
  11. ↑ "Gorkhaland Territorial Administration (GTA)". Indian Gorkhas. Archived from the original on 5 ᱢᱟᱨᱪ 2016.
  12. ↑ "Gorkhaland Territorial Administration Agreement signed". Outlook. 18 ᱡᱩᱞᱟᱭ 2011. Archived from the original on 19 ᱡᱩᱞᱟᱭ 2011. Retrieved 16 ᱢᱟᱨᱪ 2012.
  13. ↑ "Plea to rename Gorkha council". Zee News. 30 ᱚᱠᱴᱚᱵᱚᱨ 2011. Retrieved 16 ᱢᱟᱨᱪ 2012.
  14. ↑ "GJMM-ABAVP joint deputation on GATA". The Statesman. 2 ᱱᱚᱵᱷᱮᱢᱵᱚᱨ 2011. Retrieved 16 ᱢᱟᱨᱪ 2012.
  15. ↑ "President gives her assent to the GTA Bill". Hindustan Times. 7 ᱢᱟᱨᱪ 2012. Archived from the original on 8 ᱢᱟᱨᱪ 2012. Retrieved 16 ᱢᱟᱨᱪ 2012.
  16. ↑ "Gorkha territory readies for polls". The Times of India. 15 ᱢᱟᱨᱪ 2012. Archived from the original on 22 ᱮᱯᱨᱤᱞ 2012. Retrieved 16 ᱢᱟᱨᱪ 2012.
  17. ↑ "High-powered committee on GTA emerges as a perfect instrument to resolve impasse". Hindustan Times. 24 ᱢᱟᱨᱪ 2012. Archived from the original on 20 ᱮᱯᱨᱤᱞ 2013. Retrieved 24 ᱢᱟᱨᱪ 2012.
  18. ↑ "GJM climbs down GTA demand, says polls in June–July". Outlook. 24 ᱢᱟᱨᱪ 2012. Archived from the original on 25 ᱢᱟᱨᱪ 2012. Retrieved 24 ᱢᱟᱨᱪ 2012.
  19. ↑ "Gorkhaland Territorial Administration draft lists 17 new constituencies". The Times of India. 27 ᱢᱮ 2012. Retrieved 4 ᱡᱩᱱ 2012.
  20. ↑ "Darjeeling might be violent again". The Economic Times. 9 ᱡᱩᱱ 2012. Retrieved 9 ᱡᱩᱱ 2012.
  21. ↑ "Govt to set up Fact Verification committee on GJM demand". Business Standard. Press Trust of India. 16 ᱡᱩᱱ 2012. Retrieved 1 ᱡᱩᱞᱟᱭ 2012.
  22. ↑ Legal, Our (20 ᱡᱩᱱ 2012). "HC allows Ghisingh GTA plea – Affidavit order for govts & Morcha". The Telegraph. Calcutta, India. Archived from the original on 23 ᱡᱩᱱ 2012. Retrieved 20 ᱡᱩᱱ 2012.
  23. ↑ "State sets July 29 date for GTA polls". The Times of India. 26 ᱡᱩᱱ 2012. Archived from the original on 3 ᱡᱟᱱᱩᱣᱟᱨᱤ 2013. Retrieved 1 ᱡᱩᱞᱟᱭ 2012.
  24. ↑ "Gorkha Janmukti Morcha to contest GTA elections". The Hindustan Times. 30 ᱡᱩᱱ 2012. Archived from the original on 1 ᱡᱩᱞᱟᱭ 2012. Retrieved 1 ᱡᱩᱞᱟᱭ 2012.
  25. ↑ Chhetri, Vivek (5 ᱡᱩᱞᱟᱭ 2012). "GTA list of 32 but no Gurung". The Telegraph. Calcutta, India. Archived from the original on 9 ᱡᱩᱞᱟᱭ 2012. Retrieved 7 ᱡᱩᱞᱟᱭ 2012.
  26. ↑ Chhetri, Vivek (6 ᱡᱩᱞᱟᱭ 2012). "Gurung in GTA fray". The Telegraph. Calcutta, India. Archived from the original on 17 ᱡᱩᱞᱟᱭ 2012. Retrieved 7 ᱡᱩᱞᱟᱭ 2012.
  27. ↑ "GJM faces heat from rival parties for strong-arm tactics". Yahoo News. 7 ᱡᱩᱞᱟᱭ 2012. Retrieved 8 ᱡᱩᱞᱟᱭ 2012.
  28. ↑ "Darjeeling GTA election is taking one sided shape". The Economic Times. 6 ᱡᱩᱞᱟᱭ 2012. Retrieved 7 ᱡᱩᱞᱟᱭ 2012.
  29. ↑ Dam, Marcus (29 ᱡᱩᱱ 2012). "Gurung challenges Ghising to contest GTA polls". The Hindu. Chennai, India. Retrieved 7 ᱡᱩᱞᱟᱭ 2012.
  30. ↑ "All CPI-M candidates pull out of Gorkhaland polls". News track India/IANS. 12 ᱡᱩᱞᱟᱭ 2012. Archived from the original on 15 ᱡᱩᱞᱟᱭ 2012. Retrieved 15 ᱡᱩᱞᱟᱭ 2012.
  31. ↑ Chhetri, Vivek; Sinha, Avijit (13 ᱡᱩᱞᱟᱭ 2012). "Morcha gets 28, Gurung thanks CPM". The Telegraph. Calcutta, India. Archived from the original on 16 ᱡᱩᱞᱟᱭ 2012. Retrieved 15 ᱡᱩᱞᱟᱭ 2012.
  32. ↑ "GJM sweeps maiden GTA polls, not to give up Gorkhaland demand". Darjeeling Times/IANS. 2 ᱚᱜᱚᱥᱴ 2012. Archived from the original on 1 ᱱᱚᱵᱷᱮᱢᱵᱚᱨ 2013. Retrieved 5 ᱚᱜᱚᱥᱴ 2012.
  33. ↑ Ravidas, Rajeev (3 ᱚᱜᱚᱥᱴ 2012). "Lone rebel Subba loses". The Telegraph. Calcutta, India. Archived from the original on 12 ᱢᱮ 2014. Retrieved 5 ᱚᱜᱚᱥᱴ 2012.
  34. ↑ "Gorkha Territorial Administration members sworn in; Shinde, Mamata assure support". The Times of India. 5 ᱚᱜᱚᱥᱴ 2012. Archived from the original on 4 ᱚᱜᱚᱥᱴ 2012. Retrieved 5 ᱚᱜᱚᱥᱴ 2012.
  35. ↑ "GTA Elections 2012". Darjeeling.gov.in. Retrieved 20 ᱯᱷᱮᱵᱽᱨᱩᱣᱟᱨᱤ 2017.
  36. ↑ "2017: The year when Darjeeling hills simmered in Gorkhaland movement". The New Indian Express. 26 ᱰᱤᱥᱮᱢᱵᱚᱨ 2017. Retrieved 23 ᱢᱮ 2022.
  37. ↑ "Violence in Hills: GJM burns copies of GTA Accord and Act". Millennium Post. 28 ᱡᱩᱱ 2017. Retrieved 23 ᱢᱮ 2022.
  38. ↑ "Mamata reconstitutes GTA, appoints Binoy Tamang chairperson". The Hindu. 20 ᱥᱮᱯᱴᱮᱢᱵᱚᱨ 2017. Retrieved 23 ᱢᱮ 2022.
  39. ↑ "Tamang resigns from post of GTA chairman". Millennium Post. 25 ᱮᱯᱨᱤᱞ 2019. Retrieved 23 ᱢᱮ 2022.
  40. ↑ "GTA Board Dissolved, Administration Handed Over to Principal Secretary". Kalimpong News. 29 ᱢᱟᱨᱪ 2021. Retrieved 23 ᱢᱮ 2022.
  41. ↑ "GTA Election 2022: Bengal Election Commission Announces Gorkhaland Territorial Administration Poll Dates". ABP Live. 27 ᱢᱮ 2022. Retrieved 29 ᱢᱮ 2022.
  42. ↑ "GTA elections: 210 of 318 candidates are Independents". The Indian Express. 27 ᱡᱩᱱ 2022. Retrieved 13 ᱡᱩᱱ 2022.
  43. ↑ "Want friendship, no fight: Mamata Banerjee to new Gorkhaland admin". East Mojo. 13 ᱡᱩᱞᱟᱭ 2022. Retrieved 14 ᱡᱩᱞᱟᱭ 2022.
  44. ↑ "WB Governor administers oath to GTA office bearers, warns of yearly audit". The Hindu. 15 ᱡᱩᱞᱟᱭ 2022. Retrieved 15 ᱡᱩᱞᱟᱭ 2022.
  45. ↑ "5 nominated GTA Sabhasads take oath". Millennium Post. 26 ᱚᱜᱚᱥᱴ 2022. Retrieved 26 ᱚᱜᱚᱥᱴ 2022.
  46. ↑ "Two Hamro Party GTA Sabhasads cross over to BGPM". Millennium Post. 6 ᱱᱚᱵᱷᱮᱢᱵᱚᱨ 2022. Retrieved 28 ᱱᱚᱵᱷᱮᱢᱵᱚᱨ 2022.
  47. ↑ Singh, Shiv Sahay (26 ᱱᱚᱵᱷᱮᱢᱵᱚᱨ 2023). "Prominent Gorkha leader Binay Tamang joins Congress". The Hindu. Retrieved 27 ᱱᱚᱵᱷᱮᱢᱵᱚᱨ 2023.
  48. ↑ "Congress expels Gorkha leader Binoy Tamang for 6 years for supporting BJP's Darjeeling candidate". The Economic Times. 23 ᱮᱯᱨᱤᱞ 2024. Retrieved 4 ᱢᱮ 2024.

ᱵᱟᱦᱨᱮ ᱡᱚᱱᱚᱲ ᱠᱚ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱪᱷᱟᱸᱪ:Autonomous administrative divisions of India ᱪᱷᱟᱸᱪ:Proposed states and territories of India ᱪᱷᱟᱸᱪ:Darjeeling

"https://sat.wikipedia.org/w/index.php?title=ᱜᱳᱨᱠᱷᱟᱞᱮᱱᱰ_ᱴᱚᱴᱷᱟᱠᱤᱭᱟᱹ_ᱥᱟᱥᱚᱱᱤᱭᱟᱹ&oldid=197637" ᱠᱷᱚᱱ ᱧᱟᱢ ᱟᱹᱜᱩᱭ