ᱜᱳᱯᱚᱵᱚᱱᱫᱷᱩ ᱫᱟᱥ
| ᱜᱳᱯᱚᱵᱚᱱᱫᱷᱩ ᱫᱟᱥ | |
|---|---|
 | |
| ᱡᱟᱱᱟᱢ | ᱙ ᱚᱠᱴᱚᱵᱚᱨ ᱑᱘᱗᱗ ᱥᱩᱣᱟᱱᱰᱚ, ᱯᱩᱨᱤ ᱦᱚᱱᱚᱛ, ᱳᱰᱤᱥᱟ, ᱤᱝᱨᱮᱡᱽ ᱥᱤᱧᱚᱛ |
| ᱜᱩᱨ | ᱑᱗ ᱡᱩᱱ ᱑᱙᱒᱘ (ᱩᱢᱮᱨ ᱕᱐ ᱥᱮᱨᱢᱟ) , |
| ᱠᱟᱹᱢᱤ | ᱚᱱᱚᱬᱦᱤᱭᱟᱹ, ᱯᱷᱤᱞᱚᱥᱚᱯᱷᱟᱨ, ᱥᱟᱶᱛᱟ ᱥᱩᱥᱟᱹᱨᱤᱭᱟᱹ |
| ᱡᱟᱹᱛᱤᱭᱟᱹᱛ | ᱥᱤᱧᱚᱛᱤᱭᱟᱹ |
| ᱥᱮᱪᱮᱫ ᱟᱥᱲᱟ | ᱯᱩᱨᱤ ᱦᱚᱱᱚᱛ ᱟᱥᱲᱟ, ᱨᱮᱵᱷᱮᱱᱥᱟ ᱢᱟᱨᱟᱝᱶᱤᱨᱫᱟᱹᱜᱟᱲ, ᱠᱚᱞᱠᱟᱛᱟ ᱡᱮᱜᱮᱛᱵᱤᱨᱫᱟᱹᱜᱟᱲ |
| ᱚᱠᱛᱚ | ᱒᱐ᱟᱜ ᱥᱟᱭ |
| ᱥᱟᱶᱦᱮᱫ ᱮᱱᱮᱢ | ᱵᱚᱱᱫᱤᱨᱚ ᱟᱛᱢᱚ ᱠᱚᱛᱷᱟ, ᱫᱷᱚᱨᱢᱚᱯᱚᱫᱚ |
ᱜᱳᱯᱚᱵᱚᱱᱫᱷᱩ ᱫᱟᱥ (᱑᱘᱗᱗–᱑᱙᱒᱘), ᱡᱟᱦᱟᱭ ᱫᱚ ᱯᱚᱸᱰᱤᱛ ᱩᱛᱠᱚᱲᱚᱢᱚᱬᱤ ᱜᱳᱯᱚᱵᱚᱱᱫᱷᱩ ᱫᱟᱥ (ᱩᱛᱠᱚᱲ ᱵᱟᱝᱢᱟ ᱳᱰᱤᱥᱟ ᱨᱤᱱᱤᱡ ᱢᱚᱬᱤ) ᱧᱩᱛᱩᱢ ᱛᱮᱠᱚ ᱵᱟᱰᱟᱭᱮᱠᱟᱱ ᱛᱟᱦᱮᱸᱫ, ᱩᱱᱤ ᱫᱚ ᱥᱟᱶᱛᱟ ᱥᱩᱥᱟᱹᱨᱤᱭᱟᱹ, ᱥᱩᱫᱷᱟᱹᱨᱤᱭᱟᱹ, ᱨᱟᱡᱽᱟᱹᱨᱤ ᱠᱟᱹᱢᱤᱭᱟᱹ, ᱯᱚᱛᱨᱚᱠᱟᱨ, ᱚᱱᱚᱬᱦᱤᱭᱟᱹ ᱟᱨ ᱚᱱᱚᱞ ᱚᱱᱚᱞᱤᱭᱟᱹᱭ ᱛᱟᱦᱮᱸ ᱠᱟᱱᱟ ᱾
ᱯᱩᱭᱞᱩ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱜᱳᱯᱚᱵᱚᱱᱫᱷᱩ ᱫᱟᱥ ᱫᱚ ᱙ ᱚᱠᱴᱚᱵᱚᱨ ᱑᱘᱗᱗ ᱥᱟᱹᱦᱤᱛ ᱨᱮ ᱡᱟᱱᱟᱢ ᱞᱮᱱᱟᱭ ᱛᱟᱦᱮᱱ ᱜᱷᱟᱨᱚᱹᱡᱽ ᱥᱩᱣᱟᱱᱰᱚ ᱟᱹᱛᱩ ᱯᱩᱨᱤ ᱦᱚᱱᱚᱛ ᱚᱰᱤᱥᱟ ᱨᱮ᱾ ᱟᱡ ᱟᱭᱚ ᱥᱚᱨᱱᱚᱢᱚᱭᱤ ᱫᱮᱵᱤ ᱫᱚ ᱦᱩᱭᱩᱜ ᱠᱟᱱᱟᱭ ᱫᱚᱤᱛᱟᱨᱤ ᱫᱟᱥᱣᱤᱡ ᱛᱮᱥᱟᱨ ᱮᱨᱟ ᱠᱟᱱᱟᱭ᱾ ᱟᱡ ᱵᱟᱵᱟ ᱫᱚ ᱢᱩᱠᱛᱤᱭᱟᱨᱤ ᱛᱟᱦᱮᱸ ᱠᱟᱱᱟᱭ ᱟᱨ ᱜᱷᱟᱨᱚᱹᱡᱽ ᱫᱚ ᱟᱹᱰᱤ ᱥᱩᱞᱩᱠ ᱛᱟᱦᱮᱸ ᱠᱟᱱᱟ᱾ ᱫᱟᱥ ᱫᱚ ᱑᱒ ᱥᱮᱨᱢᱟ ᱨᱮ ᱵᱟᱯᱞᱟ ᱞᱮᱱᱟᱭ ᱟᱨ ᱟᱡᱟᱜ ᱯᱟᱲᱦᱟᱣ ᱫᱚ ᱛᱚᱝᱜᱮ ᱞᱮᱫᱟᱭ᱾ ᱟᱠᱚ ᱟᱹᱛᱩ ᱥᱩᱯᱩᱨ ᱨᱮ ᱢᱮᱱᱟᱜ ᱟᱥᱲᱟ ᱮᱴᱨᱮ ᱪᱮᱛᱟᱱ ᱪᱟᱱᱚᱪ ᱨᱮ ᱯᱟᱲᱦᱟᱣ ᱞᱟᱦᱟᱛᱮ ᱟᱡ ᱫᱚ ᱟᱹᱛᱩ ᱟᱥᱲᱟ ᱨᱮ ᱟᱡᱟᱜ ᱵᱩᱱᱤᱭᱟᱹᱫᱤ ᱥᱮᱪᱮᱫ ᱧᱟᱢ ᱞᱮᱫ-ᱟᱭ᱾ ᱡᱚᱠᱷᱚᱱ ᱜᱮ ᱟᱡ ᱑᱘᱙᱓ ᱥᱟᱹᱦᱤᱛ ᱨᱮ ᱯᱩᱨᱤ ᱦᱚᱱᱚᱛ ᱟᱥᱲᱟ ᱨᱮ ᱵᱟᱦᱟᱞ ᱮᱱᱟᱭ ᱤᱱᱟᱹ ᱛᱟᱭᱚᱢ ᱜᱮ ᱟᱡ ᱟᱭᱚ ᱫᱚ ᱵᱚᱝᱜᱟ ᱫᱤᱥᱚᱢ ᱞᱮᱱᱟᱭ᱾ ᱚᱱᱰᱮ ᱟᱡ ᱢᱩᱠᱛᱤᱭᱟᱨ ᱨᱟᱢᱪᱚᱱᱫᱨᱚ ᱫᱟᱥᱟᱜ ᱚᱨᱥᱚᱝ ᱛᱮ ᱡᱟᱹᱛᱤᱭᱟᱨᱤ ᱵᱷᱟᱵᱽᱱᱟ ᱨᱮ ᱟᱨ ᱟᱱᱟᱴ ᱮᱴᱠᱮᱴᱚᱬᱮ ᱢᱮᱱᱟᱜ ᱠᱚ ᱦᱚᱲ ᱠᱚᱣᱟᱜ ᱥᱮᱵᱟ ᱡᱚᱛᱚᱱ ᱨᱮ ᱢᱚᱱᱮ ᱞᱟᱜᱟᱣ ᱮᱱᱟ᱾ ᱟᱡ ᱨᱮᱱ ᱜᱟᱛᱮ ᱜᱤᱫᱽᱨᱟᱹ ᱠᱚ ᱥᱟᱶ ᱢᱮᱥᱟ ᱠᱟᱛᱮ ᱯᱩᱨᱤ ᱥᱮᱵᱟ ᱥᱚᱢᱤᱛᱤ ᱧᱩᱛᱩᱢ ᱛᱮ ᱦᱚᱭᱡᱟ ᱵᱮᱢᱟᱨ ᱨᱮ ᱯᱟᱲᱟ ᱟᱠᱟᱱ ᱦᱚᱲ ᱠᱚᱣᱟᱜ ᱥᱮᱵᱟ ᱨᱮ ᱪᱷᱩᱴᱟᱹᱣ ᱮᱱᱟ ᱡᱚᱠᱷᱚᱱ ᱥᱚᱨᱠᱟᱨᱟᱜ ᱜᱚᱲᱚ ᱵᱟᱝᱠᱚ ᱧᱟᱢ ᱞᱮᱫᱼᱟ᱾ ᱱᱚᱶᱟ ᱨᱮ ᱨᱟᱹᱥᱤᱭᱟᱹ ᱠᱚ ᱟᱡᱟᱨ ᱨᱮ ᱡᱷᱟᱹᱞ ᱟᱠᱟᱱ ᱦᱚᱲ ᱠᱚ ᱥᱮᱵᱟ ᱞᱮᱫ ᱠᱚᱣᱟ ᱟᱨ ᱜᱩᱨ ᱟᱠᱟᱱ ᱦᱚᱲ ᱠᱚ ᱠᱚ ᱛᱚᱯᱟ ᱞᱮᱫ ᱠᱚᱶᱟ᱾
ᱡᱚᱠᱷᱚᱱ ᱫᱟᱥ ᱠᱚᱴᱚᱠ ᱨᱮᱭᱟᱜ ᱨᱮᱵᱷᱮᱱᱥᱟ ᱢᱟᱨᱟᱝ ᱵᱤᱨᱫᱟᱹᱜᱟᱲ ᱮ ᱥᱮᱱ ᱮᱱᱟᱭ ᱤᱱᱟᱹ ᱚᱠᱛᱚ ᱛᱮ ᱟᱡ ᱵᱟᱵᱟ ᱫᱚ ᱵᱚᱝᱜᱟ ᱛᱟᱞᱟ ᱟᱠᱟᱱᱟᱭ᱾ ᱵᱤᱡᱩᱲᱤ ᱟᱨ ᱤᱱᱫᱨᱚᱫᱷᱚᱱᱩ ᱧᱩᱛᱩᱢᱟᱱ ᱛᱮ ᱵᱟᱨᱮᱭᱟ ᱴᱚᱴᱷᱟᱠᱤᱭᱟᱹ ᱥᱟᱶᱦᱮᱫ ᱯᱟᱛᱷᱟᱢ ᱨᱮᱱ ᱢᱤᱫ ᱫᱤᱱᱟᱹᱢ ᱮᱱᱮᱢᱤᱭᱟᱹ ᱛᱟᱦᱮᱸ ᱠᱟᱱᱟᱭ, ᱡᱟᱦᱟᱸ ᱨᱮ ᱩᱱᱤ ᱠᱟᱛᱷᱟ ᱨᱟᱯᱟᱪᱟᱜ ᱮ ᱫᱚᱦᱚᱭᱮᱫ ᱛᱟᱦᱮᱸᱱ ᱡᱮ ᱡᱟᱦᱟᱸ ᱛᱤᱱᱟᱹᱜ ᱜᱮ ᱱᱟᱦᱟᱜ ᱥᱟᱶᱦᱮᱫ ᱞᱟᱲᱟᱣᱟᱱᱟ,ᱴᱷᱤᱠ ᱱᱟᱦᱟᱜ ᱢᱤᱫ ᱱᱟᱦᱟᱜ ᱫᱤᱥᱚᱢ ᱞᱮᱠᱟ ᱜᱮ,ᱢᱟᱨᱮ ᱠᱟᱛᱷᱟ ᱠᱷᱚᱱ ᱯᱩᱨᱟ ᱵᱷᱮᱜᱟᱨ ᱫᱚ ᱵᱟᱝ ᱠᱟᱱᱟ, ᱵᱚᱨᱚᱜ ᱚᱱᱟ ᱫᱚ ᱟᱡᱟᱜ ᱯᱟᱨᱚᱢᱮᱱ ᱠᱟᱛᱷᱟ ᱦᱮᱸᱥᱤᱠᱟᱹᱨ ᱟᱨ ᱚᱱᱟ ᱪᱮᱛᱟᱱ ᱨᱮ ᱛᱤᱝᱜᱩ ᱦᱩᱭᱩᱜ ᱛᱟᱭᱟ᱾ ᱢᱤᱫᱫᱷᱟᱣ,ᱩᱱᱤ ᱢᱤᱫᱴᱟᱝ ᱵᱷᱤᱲᱠᱟᱹᱣ ᱚᱱᱚᱬᱦᱮᱸ ᱚᱞ ᱞᱮᱫᱼᱟ ᱡᱟᱦᱟᱸᱛᱮ ᱟᱥᱲᱟ ᱨᱤᱱᱤᱡ ᱤᱱᱥᱯᱮᱠᱴᱚᱨ ᱮᱫᱨᱮ ᱞᱮᱱᱟᱭ ᱡᱟᱦᱟᱸ ᱞᱟᱹᱜᱤᱫ ᱫᱟᱥ ᱤᱠᱟᱹ ᱵᱟᱝ ᱮ ᱠᱚᱭ ᱞᱮᱫ ᱠᱷᱟᱹᱛᱤᱨ ᱥᱟᱹᱥᱛᱤ ᱠᱚ ᱮᱢᱟᱜᱫᱮᱭᱟᱭ᱾
ᱨᱮᱵᱷᱮᱱᱥᱟᱨᱮ ᱛᱟᱸᱦᱮᱱ ᱚᱠᱛᱚ ᱨᱮ ᱜᱮ ᱫᱟᱥ ᱟᱡ ᱨᱤᱱ ᱜᱟᱛᱮ ᱵᱨᱚᱡᱚ ᱥᱩᱱᱫᱚᱨ ᱫᱟᱥ ᱟᱨ ᱠᱳᱠᱚᱱᱟᱛᱷ ᱯᱚᱴᱚᱱᱟᱭᱮᱠ ᱥᱟᱶ ᱢᱤᱫ ᱵᱟᱯᱞᱟ ᱢᱟᱨᱟᱣ ᱟᱠᱷᱲᱟ ᱠᱚ ᱮᱛᱚᱦᱚᱵ ᱞᱮᱫᱼᱟ, ᱡᱟᱦᱟᱸ ᱨᱮᱱᱟᱜ ᱧᱩᱛᱩᱢ "ᱠᱚᱨᱛᱚᱵᱭᱚ ᱵᱚᱫᱷᱤᱱᱤ ᱥᱟᱢᱤᱛᱤ "(ᱠᱟᱢᱤ ᱩᱫᱽᱜᱟᱹᱣ ᱥᱟᱶᱛᱟ), ᱡᱟᱦᱟᱸ ᱨᱮ ᱩᱱᱠᱩ ᱜᱟᱶᱛᱟ ᱠᱟᱹᱣᱰᱤ ᱟᱹᱨᱤ ᱟᱨ ᱨᱟᱡᱽᱟᱹᱨᱤ ᱮᱴᱠᱮᱴᱚᱬᱮ ᱠᱚ ᱥᱚᱞᱦᱮ ᱛᱟᱦᱮᱸᱫ᱾ ᱱᱚᱣᱟ ᱚᱠᱛᱚ ᱑᱙᱐᱓ ᱥᱟᱹᱦᱤᱛ ᱨᱮ ᱩᱛᱠᱚᱲ ᱥᱮᱱᱮᱞᱮᱫ(ᱩᱛᱠᱚᱲ ᱥᱮᱞᱮᱫ) ᱨᱮᱭᱟᱜ ᱢᱤᱫ ᱫᱩᱯᱩᱲᱩᱵ ᱨᱮ ᱥᱮᱞᱮᱫ ᱞᱮᱱᱟᱭ, ᱡᱟᱦᱟᱸ ᱨᱮ ᱩᱱᱤ ᱢᱚᱫᱷᱩᱥᱩᱫᱚᱱ ᱫᱟᱥᱟᱜ ᱫᱤᱥ ᱩᱫᱤᱥ ᱥᱟᱶ ᱵᱟᱝ ᱮ ᱨᱮᱵᱮᱱ ᱞᱮᱱᱟᱭ ᱡᱮ ᱩᱫᱤᱭᱟᱹ ᱨᱚᱲᱟᱱ ᱴᱚᱴᱷᱟ ᱠᱚ ᱵᱮᱝᱜᱚᱞ ᱫᱤᱥᱚᱢ ᱥᱟᱶ ᱢᱮᱥᱟ ᱞᱟᱹᱜᱤᱫ ᱮ ᱨᱚᱲ ᱞᱮᱫᱟᱭ᱾ ᱟᱡᱟᱜ ᱵᱟᱰᱚᱦᱤ ᱫᱚ ᱟᱭᱢᱟ ᱠᱟᱹᱢᱤ ᱨᱮ ᱛᱟᱦᱮᱸᱭᱟ ᱟᱨ ᱟᱡ ᱫᱚ ᱵᱟᱱ ᱨᱮ ᱠᱷᱩᱛᱤ ᱟᱠᱟᱱ ᱦᱚᱲ ᱠᱚ ᱜᱚᱲᱚ ᱟᱠᱚ ᱠᱟᱱ ᱛᱟᱦᱮᱸᱫ ᱚᱱᱟᱛᱮ ᱟᱡᱟᱜ ᱚᱞ ᱯᱟᱲᱦᱟᱣ ᱨᱮ ᱱᱟᱥᱮ ᱥᱟᱹᱜᱤᱧ ᱞᱮᱱᱟᱭ ᱢᱮᱱᱠᱷᱟᱱ ᱫᱚᱥᱟᱨ ᱫᱷᱟᱣ ᱵᱤᱱᱤᱰ ᱨᱮ ᱟᱡ ᱫᱚ ᱥᱟᱹᱛ ᱞᱮᱫᱼᱟᱭ᱾ ᱨᱮᱵᱷᱮᱱᱥᱟᱨᱮ ᱛᱟᱦᱮᱸᱱ ᱚᱠᱛᱚ ᱜᱮ ᱟᱡ ᱨᱮᱱ ᱱᱟᱣᱟ ᱡᱟᱱᱟᱢ ᱠᱚᱲᱟ ᱜᱤᱫᱽᱨᱟᱹ ᱵᱚᱝᱜᱟ ᱮᱱᱟᱭ, ᱟᱡ ᱞᱟᱹᱭ ᱞᱮᱫᱟᱭ ᱡᱮ, ᱤᱧᱤᱡ ᱜᱤᱫᱽᱨᱟᱹ ᱥᱟᱣ ᱛᱟᱦᱮᱸᱱ ᱠᱷᱚᱱ ᱤᱧ ᱫᱚ ᱵᱟᱱ ᱨᱮ ᱠᱷᱩᱛᱤ ᱟᱠᱟᱱ ᱦᱚᱲ ᱜᱮ ᱵᱟᱹᱲᱛᱤ ᱜᱚᱲᱚ ᱟᱠᱚᱣᱟᱧ᱾ ᱤᱧᱤᱡ ᱦᱚᱯᱚᱱ ᱧᱮᱞ ᱞᱟᱹᱜᱤᱫ ᱟᱭᱢᱟ ᱦᱚᱲ ᱢᱮᱱᱟᱜ ᱠᱚᱣᱟ ᱢᱮᱱᱠᱷᱟᱱ ᱤᱧ ᱟᱨ ᱪᱮᱫ ᱤᱧ ᱪᱤᱠᱟᱹ ᱫᱟᱲᱮᱭᱟᱜᱼᱟ? ᱢᱮᱱᱠᱷᱟᱱ ᱵᱟᱱ ᱤᱞᱟᱠᱟ ᱨᱮᱱ ᱦᱚᱲ ᱫᱤᱠᱩ ᱛᱮ ᱠᱚ ᱨᱟᱜᱮᱫᱼᱟ ᱚᱱᱰᱮ ᱥᱮᱱᱚᱜ ᱜᱮ ᱤᱧ ᱫᱚ ᱥᱟᱹᱦᱤ ᱢᱚᱱᱮᱭᱮᱫᱼᱟᱧ ᱾ᱪᱟᱸᱫᱚ ᱵᱚᱝᱜᱟ ᱤᱧᱤᱡ ᱦᱚᱯᱚᱱ ᱥᱟᱶ ᱢᱮᱱᱟᱭᱟ᱾
ᱮᱞ ᱮᱞ ᱟᱨ ᱥᱚᱱᱮᱨ ᱛᱷᱚᱠ ᱯᱟᱲᱦᱟᱣ ᱥᱟᱛᱹ ᱠᱟᱛᱮ ᱟᱡ ᱫᱚ ᱠᱚᱞᱠᱟᱛᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱛᱮ ᱥᱮᱱ ᱮᱱᱟᱭ ᱾ᱚᱱᱟ ᱚᱠᱛᱚ ᱨᱮ ᱱᱟᱜᱟᱨ ᱨᱮ ᱜᱤᱨᱟᱹᱵᱟᱹᱥᱤ ᱚᱰᱤᱭᱟ ᱦᱚᱲ ᱠᱚ ᱞᱟᱹᱜᱤᱫ ᱥᱮᱪᱮᱫ ᱩᱛᱱᱟᱹᱣ ᱠᱟᱹᱢᱤ ᱨᱮ ᱟᱡᱟᱜ ᱫᱟᱲᱮ ᱨᱮᱭᱟᱜ ᱟᱭᱢᱟ ᱫᱤᱸᱥ ᱮ ᱮᱢ ᱞᱮᱫᱼᱟ,ᱚᱱᱟ ᱞᱟᱹᱜᱤᱫ ᱟᱡ ᱫᱚ ᱧᱤᱫᱟᱹ ᱵᱤᱨᱫᱟᱹᱜᱟᱲ ᱮ ᱛᱷᱟᱯᱚᱱ ᱞᱮᱫᱼᱟ᱾ ᱱᱤᱭᱟᱹ ᱚᱠᱛᱚ ᱨᱮ ᱥᱷᱚᱫᱮᱥᱤ ᱟᱱᱫᱚᱲᱚᱱ ᱨᱮᱭᱟᱜ ᱩᱭᱦᱟᱹᱨᱛᱮ ᱮᱥᱮᱨ ᱞᱮᱱᱟᱭ ᱟᱨ ᱥᱟᱶᱛᱟ ᱟᱨ ᱡᱚᱥ ᱨᱮ ᱛᱩᱛᱱᱟᱹᱣ ᱨᱮᱱᱟᱜ ᱮ ᱨᱤᱦᱤᱴ ᱞᱮᱱᱟᱭ᱾ ᱟᱡ ᱟᱹᱭᱤᱱ ᱵᱤᱱᱤᱰ ᱥᱟᱹᱛ ᱠᱮᱫ ᱛᱟᱭᱚᱢ ᱠᱷᱚᱵᱚᱨ ᱧᱟᱢ ᱞᱮᱫᱼᱟ ᱡᱮ ᱟᱡᱤᱜ ᱮᱨᱟ ᱫᱚ ᱵᱚᱝᱜᱟ ᱫᱤᱥᱚᱢ ᱟᱠᱟᱱᱟᱭ᱾