ᱜᱳᱯᱟᱞ ᱠᱨᱤᱥᱱᱟ ᱜᱳᱠᱷᱚᱞᱮ

ᱢᱚᱦᱟᱛᱢᱟ ᱜᱟᱱᱫᱷᱤ ᱤᱡ ᱨᱟᱡᱽᱟᱹᱨᱤ ᱜᱩᱨᱩ
ᱜᱳᱯᱟᱞ ᱠᱨᱤᱥᱱᱟ ᱜᱳᱠᱷᱚᱞᱮ
ᱢᱚᱦᱟᱛᱢᱟ ᱜᱟᱱᱫᱷᱤ ᱤᱡ ᱨᱟᱡᱽᱟᱹᱨᱤ ᱜᱩᱨᱩ; ᱜᱳᱯᱟᱞ ᱠᱨᱤᱥᱱᱟ ᱜᱳᱠᱷᱚᱞᱮ
ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ	᱙ ᱢᱮ ᱑᱘᱖᱖; ᱨᱚᱛᱱᱟᱜᱤᱨᱤ, ᱵᱚᱢᱵᱮ ᱯᱨᱮᱥᱤᱰᱮᱱᱥᱤ, ᱱᱤᱛᱚᱜ ᱢᱚᱦᱟᱨᱟᱥᱴᱨᱚ
ᱜᱩᱨ	᱑᱙ ᱯᱷᱮᱵᱽᱨᱩᱣᱟᱨᱤ ᱑᱙᱑᱕ (ᱩᱢᱮᱨ ᱔᱘ ᱥᱮᱨᱢᱟ); ᱵᱚᱢᱵᱮ, ᱵᱚᱢᱵᱮ ᱯᱨᱮᱥᱤᱰᱮᱱᱥᱤ, ᱱᱤᱛᱚᱜ ᱢᱚᱦᱟᱨᱟᱥᱴᱨᱚ
ᱥᱮᱪᱮᱫ ᱟᱠᱷᱲᱟ	ᱮᱞᱯᱷᱤᱱᱥᱴᱚᱱ ᱵᱤᱨᱫᱟᱹᱜᱟᱲ
ᱠᱟᱹᱢᱤ	ᱯᱨᱚᱯᱷᱮᱥᱚᱨ, ᱨᱟᱡᱽᱟᱹᱨᱤᱭᱟᱹ
ᱨᱟᱡᱽᱟᱹᱨᱤ ᱫᱚᱞ	ᱤᱱᱰᱤᱭᱟᱱ ᱱᱮᱥᱱᱟᱞ ᱠᱚᱸᱜᱽᱨᱮᱥ
ᱨᱟᱡᱽᱟᱹᱨᱤ ᱞᱟᱲᱟᱣᱱᱟ	ᱤᱱᱰᱤᱭᱟᱱ ᱤᱱᱰᱤᱯᱮᱱᱰᱮᱱᱥ ᱢᱳᱢᱮᱴ
ᱡᱤᱭᱚᱱ ᱥᱚᱦᱮᱫ	ᱥᱟᱵᱤᱛᱨᱤ ᱵᱟᱭᱤ (᱑᱘᱘᱐–᱑᱙᱘᱘᱗); ᱨᱤᱥᱤᱵᱟᱢᱟ (᱑᱘᱘᱗–᱑᱘᱙᱙)
ᱦᱚᱯᱚᱱ	᱒

ᱜᱳᱯᱟᱞ ᱠᱨᱤᱥᱱᱟ ᱜᱳᱠᱷᱚᱞᱮ ᱫᱚ ᱙ ᱢᱮ ᱑᱘᱖᱖ - ᱙ ᱯᱷᱮᱵᱽᱨᱩᱣᱟᱨᱤ ᱑᱙᱑᱕) ^[᱑]^[᱒]^[᱓]^[᱔] ᱫᱚ ᱥᱤᱧᱚᱛᱤᱭᱟᱹ ᱯᱷᱩᱨᱜᱟᱹᱞ ᱦᱩᱞᱥᱟᱹᱭ ᱚᱠᱛᱚ ᱨᱮ ᱢᱤᱫ ᱥᱤᱧᱚᱛᱤᱭᱟᱹ ᱨᱟᱡᱽᱟᱹᱨᱤᱭᱟᱹ ᱱᱮᱛᱟ ᱟᱨ ᱥᱟᱶᱛᱟ ᱥᱩᱥᱟᱹᱨᱤᱭᱟᱹᱭ ᱛᱟᱦᱮᱸ ᱠᱟᱱᱟ, ᱟᱨ ᱥᱤᱧᱚᱛᱚᱭᱟᱹ ᱯᱷᱩᱨᱜᱟᱹᱞ ᱥᱮᱱᱟᱱᱤ ᱢᱚᱦᱟᱛᱢᱟ ᱜᱟᱱᱫᱷᱤᱭᱤᱡ ᱨᱟᱡᱽᱟᱹᱨᱮᱛ ᱜᱩᱨᱩᱭ ᱛᱟᱦᱮᱸ ᱠᱟᱱᱟ ᱾

ᱜᱳᱠᱷᱚᱞᱮ ᱫᱚ ᱵᱷᱟᱨᱚᱛᱤᱭᱚ ᱨᱟᱥᱴᱨᱤᱭᱚ ᱠᱚᱸᱜᱽᱨᱮᱥ ᱨᱤᱱᱤᱡ ᱢᱤᱫ ᱢᱩᱲᱩᱛ ᱱᱮᱛᱟ ᱟᱨ ᱥᱟᱨᱵᱷᱮᱱᱴᱥ ᱳᱯᱷ ᱤᱱᱰᱤᱭᱟ ᱥᱳᱥᱟᱭᱴᱤ ᱨᱤᱱᱤᱡ ᱛᱷᱟᱯᱚᱱᱤᱭᱟᱹᱭ ᱛᱟᱦᱮᱸ ᱠᱟᱱᱟ ᱾ ᱥᱳᱥᱟᱭᱴᱤ ᱥᱟᱶ ᱥᱟᱶᱛᱮ ᱠᱚᱸᱜᱽᱨᱮᱥ ᱟᱨ ᱮᱴᱟᱜ ᱞᱮᱡᱤᱥᱞᱮᱴᱤᱵᱽ ᱵᱳᱰᱤ ᱠᱚᱣᱟᱜ ᱫᱟᱨᱟᱭ ᱛᱮ, ᱡᱟᱦᱟᱸ ᱨᱮ ᱩᱱᱤᱭ ᱠᱟᱹᱢᱤ ᱠᱮᱫ-ᱟ, ᱜᱳᱠᱷᱚᱞᱮ ᱫᱚ ᱥᱤᱧᱚᱛᱤᱭᱟᱹ ᱟᱯᱚᱱ ᱥᱟᱥᱚᱱ ᱟᱨ ᱥᱟᱶᱛᱟᱨᱤ ᱥᱩᱫᱷᱨᱟᱹᱣ ᱞᱟᱹᱜᱤᱫ ᱚᱵᱷᱤᱭᱟᱱ ᱮ ᱪᱟᱹᱞᱩ ᱞᱮᱫ-ᱟ ᱾ ᱩᱱᱤ ᱫᱚ ᱠᱚᱸᱜᱽᱨᱮᱥᱤᱡ ᱚᱱᱠᱟᱱ ᱩᱫᱟᱨᱵᱟᱫᱤ ᱜᱩᱴ ᱨᱤᱱᱤᱡ ᱱᱮᱛᱟᱭ ᱛᱟᱦᱮᱸ ᱠᱟᱱᱟ ᱡᱟᱦᱟᱸᱭ ᱫᱚ ᱚᱱᱟ ᱚᱠᱛᱚ ᱨᱮᱱᱤᱡ ᱥᱚᱨᱠᱟᱨᱟᱜ ᱜᱟᱸᱛᱷᱟᱠ ᱠᱚ ᱥᱟᱶ ᱥᱮᱞᱮᱫ ᱠᱟᱛᱮ ᱠᱟᱹᱢᱤ ᱠᱟᱛᱮ ᱥᱩᱫᱷᱨᱟᱹᱣ ᱞᱟᱹᱜᱤᱫ ᱮ ᱵᱚᱠᱟᱞᱚᱛ ᱮᱫ ᱛᱟᱦᱮᱸᱫ, ᱟᱨ ᱯᱩᱱᱱᱟ ᱮᱥᱳᱥᱤᱭᱮᱥᱚᱱ ᱟᱨᱵᱟᱝ ᱯᱩᱱᱱᱟ ᱥᱟᱨᱵᱚᱡᱚᱱᱤᱠ ᱥᱚᱵᱷᱟ ᱨᱤᱱᱤᱡ ᱢᱤᱫ ᱢᱩᱲᱩᱛ ᱥᱚᱦᱮᱫ ᱮ ᱛᱟᱦᱮᱸ ᱠᱟᱱᱟ ᱾

ᱮᱛᱚᱦᱚᱵ ᱠᱟᱛᱷᱟ

ᱜᱳᱯᱟᱞ ᱠᱨᱤᱥᱱᱟ ᱜᱳᱠᱷᱚᱞᱮ ᱨᱚᱛᱱᱟᱜᱤᱨᱤ, ᱵᱚᱢᱵᱮ ᱯᱨᱮᱥᱤᱰᱮᱱᱥᱤ, ᱱᱤᱛᱚᱜ ᱢᱚᱦᱟᱨᱟᱥᱴᱨᱚ ᱨᱮᱱᱟᱜ ᱢᱤᱫ ᱢᱚᱨᱟᱴᱷᱤ ᱦᱤᱱᱫᱩ ᱵᱟᱵᱽᱬᱮ ᱜᱷᱟᱨᱚᱸᱡᱽ ᱠᱷᱚᱱ ᱮ ᱛᱟᱦᱮᱸ ᱠᱟᱱᱟ ᱾

ᱩᱱᱤᱭᱟᱜ ᱡᱟᱱᱟᱢ ᱫᱚ ᱵᱽᱨᱤᱴᱤᱥ ᱨᱟᱡᱽ ᱚᱠᱛᱚ ᱨᱮ ᱙ ᱢᱮ ᱑᱘᱖᱖ ᱨᱮ ᱱᱤᱭᱟᱹᱱᱟᱝ ᱢᱚᱦᱟᱨᱟᱥᱴᱨᱚ (ᱩᱱ ᱫᱚ ᱵᱚᱢᱵᱮ ᱯᱨᱮᱥᱤᱰᱮᱱᱥᱤ ᱨᱮᱱᱟᱜ ᱵᱷᱟᱜᱽ) ᱨᱮᱱᱟᱜ ᱨᱚᱛᱱᱟᱜᱤᱨᱤ ᱯᱚᱱᱚᱛ ᱨᱮᱱᱟᱜ ᱜᱩᱦᱟᱜᱚᱨ ᱴᱚᱴᱷᱟ ᱨᱮᱱᱟᱜ ᱠᱳᱴᱞᱩᱠ ᱟᱹᱛᱩ ᱨᱮ ᱢᱤᱫ ᱪᱤᱛᱯᱟᱵᱚᱱ ᱵᱟᱵᱽᱬᱮ ᱜᱷᱟᱨᱚᱸᱡᱽ ^[᱕] ᱨᱮ ᱦᱩᱭ ᱞᱮᱱ ᱛᱟᱦᱮᱸᱫ ᱾ ᱞᱟᱹᱠᱛᱤ ᱠᱷᱚᱱ ᱵᱟᱹᱲᱛᱤ ᱨᱮᱸᱜᱮᱡ ᱱᱟᱪᱟᱨ ᱦᱩᱭ ᱠᱟᱛᱮ ᱨᱮᱦᱚᱸ, ᱩᱱᱤᱭᱟᱜ ᱜᱷᱟᱨᱚᱸᱡᱽ ᱨᱤᱱ ᱥᱚᱦᱮᱫ ᱠᱚᱫᱚ ᱱᱚᱣᱟ ᱠᱚ ᱴᱷᱟᱹᱣᱠᱟᱹ ᱠᱮᱫ-ᱟ ᱪᱤ ᱜᱳᱠᱷᱚᱞᱮ ᱫᱚ ᱤᱝᱞᱤᱥ ᱥᱮᱪᱮᱫ ᱮ ᱧᱟᱢ ᱢᱟ, ᱡᱟᱛᱮ ᱜᱳᱠᱷᱚᱞᱮ ᱫᱚ ᱵᱽᱨᱤᱴᱤᱥ ᱥᱟᱥᱚᱱ ᱨᱮ ᱠᱞᱟᱨᱠ ᱟᱨᱵᱟᱝ ᱠᱟᱹᱴᱤᱡ ᱟᱹᱢᱟᱹᱞᱤᱭᱟᱹ ᱞᱮᱠᱟᱛᱮ ᱦᱚᱸ ᱟᱨᱡᱟᱣ ᱟᱢᱮᱴ ᱫᱟᱲᱮᱭᱟᱜ ᱦᱚᱨ ᱛᱮᱭ ᱦᱮᱡ ᱫᱟᱲᱮᱭᱟᱜ ᱢᱟ ᱾ ᱩᱱᱤ ᱫᱚ ᱠᱳᱞᱦᱟᱯᱩᱨ ᱨᱮᱱᱟᱜ ᱨᱟᱡᱟᱨᱟᱢ ᱵᱤᱨᱫᱟᱹᱜᱟᱲ ᱠᱷᱚᱱ ᱮ ᱯᱟᱲᱦᱟᱣ ᱞᱮᱱᱟ ᱾ ᱤᱱᱟᱹ ᱚᱠᱛᱚ ᱨᱤᱱᱤᱡ ᱢᱤᱫ ᱢᱟᱦᱟᱱ ᱥᱤᱧᱚᱛᱤᱭᱟᱹ ᱯᱷᱤᱞᱚᱥᱚᱯᱷᱚᱨ ᱪᱚᱠᱨᱚᱯᱯᱚᱱ ᱟᱜ ᱫᱤᱥᱟᱹ ᱩᱫᱩᱜ ᱛᱮ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮᱱᱟᱜ ᱥᱮᱪᱮᱫ ᱟᱢᱮᱴ ᱟᱠᱟᱫ ᱥᱤᱧᱚᱛᱤᱭᱟᱹ ᱠᱚᱨᱮ ᱠᱷᱚᱱ ᱯᱩᱭᱞᱩ ᱯᱤᱰᱷᱤ ᱠᱷᱚᱱ ᱢᱤᱫ ᱦᱚᱲ ᱠᱟᱱ ᱠᱷᱟᱹᱛᱤᱨ ᱮ, ᱜᱳᱠᱷᱚᱞᱮ ᱫᱚ ᱑᱘᱘᱔ ᱨᱮ ᱮᱞᱯᱷᱤᱱᱥᱴᱳᱱ ᱵᱤᱨᱫᱟᱹᱜᱟᱲ ᱠᱷᱚᱱ ᱥᱚᱱᱮᱨ ᱨᱮᱱᱟᱜ ᱩᱯᱟᱫᱷᱤ ᱟᱢᱮᱴ ᱠᱮᱫ-ᱟ ᱾ ᱜᱳᱠᱷᱚᱞᱮ ᱟᱜ ᱥᱤᱠᱷᱱᱟᱹᱛ ᱫᱚ ᱟᱡᱟᱜ ᱠᱟᱹᱢᱤᱦᱚᱨᱟ ᱪᱮᱛᱟᱱ ᱨᱮ ᱟᱹᱰᱤ ᱜᱮ ᱱᱟᱯᱟᱭ ᱚᱨᱥᱚᱝ ᱯᱟᱲᱟᱣ ᱮᱱᱟ - ᱤᱝᱞᱤᱥ ᱪᱮᱫᱚᱜ ᱪᱷᱟᱰᱟ ᱠᱟᱛᱮ, ᱩᱱᱤ ᱫᱚ ᱯᱟᱪᱷᱮᱛ ᱨᱟᱡᱽᱟᱹᱨᱮᱛ ᱩᱭᱦᱟᱹᱨ ᱵᱤᱪᱟᱹᱨ ᱛᱮ ᱦᱚᱸᱭ ᱩᱯᱨᱩᱢ ᱮᱱᱟ ᱟᱨ ᱡᱚᱱ ᱥᱴᱩᱣᱟᱴ ᱢᱤᱞ ᱥᱟᱶᱛᱮ ᱮᱰᱢᱚᱰ ᱵᱚᱨᱠ ᱞᱮᱠᱟᱱ ᱛᱷᱤᱣᱚᱨᱤᱥᱴᱥ ᱠᱚᱣᱤᱡ ᱟᱹᱰᱤ ᱢᱟᱨᱟᱝ ᱥᱟᱨᱦᱟᱣᱟᱱᱤᱡ ᱮ ᱵᱮᱱᱟᱣ ᱮᱱᱟ ᱾

ᱜᱷᱟᱨᱚᱸᱡᱽ

ᱜᱳᱠᱷᱚᱞᱮ ᱫᱚ ᱵᱟᱨᱭᱟᱭ ᱵᱟᱯᱞᱟ ᱞᱮᱱᱟ ᱾ ᱩᱱᱤᱭᱟᱜ ᱯᱩᱭᱞᱩ ᱵᱟᱯᱞᱟ ᱫᱚ ᱑᱘᱘᱐ ᱨᱮ ᱦᱩᱰᱤᱧ ᱚᱠᱛᱚ ᱨᱮ ᱥᱟᱵᱤᱛᱨᱤ ᱵᱟᱭᱤ ᱥᱟᱶ ᱦᱩᱭ ᱞᱮᱱ ᱛᱟᱦᱮᱸᱫ, ᱡᱟᱦᱟᱸᱭ ᱫᱚ ᱢᱤᱫ ᱵᱟᱝ ᱛᱤᱠᱪᱸᱟᱹ ᱜᱟᱱᱚᱜ ᱟᱡᱟᱨ ᱨᱮᱭ ᱯᱟᱲᱟᱣ ᱞᱮᱱ ᱛᱟᱦᱮᱸᱫ ᱾ ᱩᱱᱤ ᱫᱚ ᱑᱘᱘᱗ ᱨᱚ ᱨᱤᱥᱤᱵᱟᱢᱟ ᱥᱟᱶ ᱫᱚᱥᱟᱨ ᱫᱷᱟᱣ ᱮ ᱵᱟᱯᱞᱟ ᱮᱱᱟ, ᱩᱱ ᱡᱚᱦᱚᱜ ᱫᱚ ᱥᱟᱵᱤᱛᱨᱤ ᱵᱟᱭᱤ ᱡᱤᱣᱤᱫ ᱜᱮᱭ ᱛᱟᱦᱮᱸ ᱠᱟᱱᱟ ᱾ ᱩᱱᱤᱭᱤᱡ ᱫᱚᱥᱟᱨ ᱮᱨᱟ ᱨᱤᱱ ᱫᱚ ᱑᱘᱙᱙ ᱨᱮ ᱵᱟᱨᱭᱟ ᱦᱚᱯᱚᱱ ᱮᱨᱟᱭ ᱡᱟᱱᱟᱢ ᱠᱮᱫ ᱠᱤᱱ ᱛᱟᱭᱚᱢ ᱵᱚᱸᱜᱟ ᱛᱟᱞᱟ ᱮᱱᱟ ᱾ ᱤᱱᱟᱹ ᱛᱟᱭᱚᱢ ᱜᱳᱠᱷᱚᱞᱮ ᱫᱚ ᱵᱟᱭ ᱵᱟᱯᱞᱟ ᱞᱮᱱᱟ ᱟᱨ ᱩᱱᱤ ᱨᱤᱱ ᱜᱤᱫᱽᱨᱟᱹ ᱠᱤᱱ ᱫᱚ ᱟᱡ ᱨᱤᱱ ᱚᱲᱟᱜ ᱥᱟᱹᱜᱟᱹᱭᱟᱱ ᱦᱚᱲ ᱠᱚ ᱧᱮᱞ ᱡᱚᱛᱚᱱ ᱠᱮᱫ ᱠᱤᱱᱟ ᱾ ^[᱑]^[᱓]^[᱖]^[᱔]^[᱗]^[᱘]

ᱠᱟᱹᱢᱤ ᱠᱚ

ᱤᱝᱞᱤᱥ ᱦᱟᱯᱛᱟᱠᱤᱭᱟᱹ ᱵᱮᱣᱨᱟ ᱥᱟᱠᱟᱢ, "ᱫᱤ ᱦᱤᱛᱟᱣᱟᱫᱽ" The Hitavad (The people's paper).

ᱥᱟᱹᱠᱷᱭᱟᱹᱛ

↑ ^᱑.᱐ ^᱑.᱑ Talwalkar, Govind (2015). Gopal Krishna Gokhale : Gandhi's political guru. New Delhi: Pentagon Press. ISBN 9788182748330. OCLC 913778097.
↑ Sastri, Srinivas. My Master Gokhale.
↑ ^᱓.᱐ ^᱓.᱑ Talwalkar, Govind (2006). Gopal Krishna Gokhale: His Life and Times. Rupa & Co,.
↑ ^᱔.᱐ ^᱔.᱑ Talwalkar, Govind (2003). Nek Namdar Gokhale (in ᱢᱟᱨᱟᱴᱷᱤ). Pune, India: Prestige Prakashan.
↑ Khan, Mohammad Shabbir (1992). Tilak and Gokhale: A Comparative Study of Their Socio-politico-economic Programmes of Reconstruction (in ᱟᱝᱜᱽᱨᱮᱡᱤ). APH Publishing. ISBN 978-81-7024-478-3.
↑ ᱛᱩᱢᱟᱹᱞ ᱦᱩᱲᱟᱹᱜ:Invalid <ref> tag; no text was provided for refs named :1
↑ Hoyland, John S. (1933). Gopal Krishna Gokhale: His life and Speeches (PDF). Calcutta: Y.M.C.A. Publishing House. p. 29. Archived from the original (PDF) on 13 December 2013. Retrieved 13 December 2013.
↑ Sastri, V.S. Srinivasa (1937). Life of Gopal Krishna Gokhale (PDF). Bangalore India: The Bangalore Press. Archived from the original (PDF) on 13 December 2013. Retrieved 13 December 2013.

ᱵᱟᱦᱨᱮ ᱡᱚᱱᱚᱲ

[:0-1] ᱑.᱐ ^᱑.᱑ Talwalkar, Govind (2015). Gopal Krishna Gokhale : Gandhi's political guru. New Delhi: Pentagon Press. ISBN 9788182748330. OCLC 913778097.

[:6-2] Sastri, Srinivas. My Master Gokhale.

[:2-3] ᱓.᱐ ^᱓.᱑ Talwalkar, Govind (2006). Gopal Krishna Gokhale: His Life and Times. Rupa & Co,.

[:7-4] ᱔.᱐ ^᱔.᱑ Talwalkar, Govind (2003). Nek Namdar Gokhale (in ᱢᱟᱨᱟᱴᱷᱤ). Pune, India: Prestige Prakashan.

[5] Khan, Mohammad Shabbir (1992). Tilak and Gokhale: A Comparative Study of Their Socio-politico-economic Programmes of Reconstruction (in ᱟᱝᱜᱽᱨᱮᱡᱤ). APH Publishing. ISBN 978-81-7024-478-3.

[:1-6] ᱛᱩᱢᱟᱹᱞ ᱦᱩᱲᱟᱹᱜ:Invalid <ref> tag; no text was provided for refs named :1

[7] Hoyland, John S. (1933). Gopal Krishna Gokhale: His life and Speeches (PDF). Calcutta: Y.M.C.A. Publishing House. p. 29. Archived from the original (PDF) on 13 December 2013. Retrieved 13 December 2013.

[8] Sastri, V.S. Srinivasa (1937). Life of Gopal Krishna Gokhale (PDF). Bangalore India: The Bangalore Press. Archived from the original (PDF) on 13 December 2013. Retrieved 13 December 2013.

[᱑]

[᱒]

[᱓]

[᱔]

[᱕]

[᱖]

[᱗]

[᱘]