ᱞᱚᱠᱠᱷᱚᱱ ᱥᱚᱨᱮᱱ
| ᱞᱚᱠᱷᱚᱱ ᱥᱚᱨᱮᱱ | |
|---|---|
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱡᱟᱱᱩᱣᱟᱨᱤ ᱘, ᱑᱙᱕᱙ ᱦᱤᱡᱽᱞᱤ, ᱵᱟᱸᱠᱩᱲᱟ, ᱯᱚᱪᱷᱤᱢ ᱵᱟᱝᱞᱟ, ᱥᱤᱧᱚᱛ |
| ᱫᱤᱥᱚᱢᱤᱭᱟᱹ | ᱥᱤᱧᱚᱛᱤᱭᱟᱹ |
| ᱠᱟᱹᱢᱤ | ᱚᱱᱚᱞᱤᱭᱟᱹ, ᱜᱟᱭᱟᱱ ᱚᱱᱚᱞᱤᱭᱟᱹ, ᱥᱟᱥᱟᱯᱲᱟᱣᱤᱡ |
| ᱧᱩᱢᱦᱟᱞᱟᱝ ᱠᱟᱹᱢᱤ | ᱛᱮᱨᱮᱫᱮᱡ (ᱛᱩᱢᱟᱹᱞ ᱠᱟᱹᱦᱱᱤ); ᱡᱷᱤᱸᱜᱟᱹ ᱵᱟᱦᱟ |
ᱞᱚᱠᱷᱚᱱ ᱥᱚᱨᱮᱱ ᱫᱚ ᱢᱤᱫ ᱧᱩᱛᱩᱢᱟᱱ ᱥᱟᱱᱛᱟᱲᱤ ᱚᱱᱚᱞᱤᱭᱟᱹ ᱠᱟᱱᱟᱭ᱾ ᱩᱱᱤ ᱫᱚ ᱟᱥᱚᱠᱟᱭ ᱛᱮ ᱠᱟᱹᱦᱱᱤ ᱚᱱᱚᱞᱤᱭᱟᱹ ᱞᱮᱠᱟᱛᱮ ᱦᱚᱲ ᱠᱚ ᱴᱷᱮᱱ ᱩᱯᱨᱩᱢ ᱢᱮᱱᱟᱜ ᱛᱟᱭᱟ᱾
ᱡᱟᱱᱟᱢ ᱟᱨ ᱜᱷᱟᱨᱚᱸᱡᱽ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱞᱚᱠᱷᱚᱱ ᱥᱚᱨᱮᱱ ᱫᱚ ᱘ ᱡᱟᱱᱩᱣᱟᱨᱤ ᱑᱙᱕᱙ ᱥᱟᱞ ᱨᱮ ᱯᱚᱪᱷᱤᱢ ᱵᱟᱝᱞᱟ ᱯᱚᱱᱚᱛ ᱨᱮᱱᱟᱜ ᱵᱟᱸᱠᱩᱲᱟ ᱦᱚᱱᱚᱛ, ᱵᱟᱹᱨᱤᱠᱩᱞ ᱛᱷᱟᱱᱟ ᱨᱮᱱᱟᱜ ᱦᱤᱡᱽᱞᱤ ᱛᱤᱞᱟᱵᱚᱱᱤ ᱰᱟᱠ ᱚᱲᱟᱜ ᱛᱟᱹᱨᱤ ᱨᱮ ᱢᱮᱱᱟᱜ ᱦᱤᱡᱽᱞᱤ ᱟᱹᱛᱩ ᱨᱮᱭ ᱡᱟᱱᱟᱢ ᱞᱮᱱᱟ᱾ ᱟᱡ ᱵᱟᱵᱟ ᱦᱟᱜ ᱧᱩᱛᱩᱢ ᱫᱚ ᱯᱚᱧᱪᱟᱱᱚᱱ ᱥᱚᱨᱮᱱ ᱟᱨ ᱟᱭᱳ ᱫᱚ ᱥᱟᱫᱚᱨᱤ ᱥᱚᱨᱮᱱ᱾[᱑]
ᱥᱤᱠᱷᱱᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱱᱤ ᱫᱚ ᱦᱟᱲᱟᱢᱜᱟᱲᱟ ᱯᱨᱟᱭᱢᱟᱨᱤ ᱤᱥᱠᱩᱞ ᱟᱨ ᱥᱭᱟᱢᱟᱨᱤ ᱯᱨᱟᱭᱢᱟᱨᱤ ᱤᱥᱠᱩᱞ ᱠᱷᱚᱱ ᱥᱤᱠᱷᱱᱟᱹᱛ ᱮ ᱮᱛᱚᱦᱚᱵ ᱞᱮᱫᱟ᱾ ᱤᱱᱟᱹ ᱛᱟᱭᱚᱢ ᱢᱟᱫᱷᱚᱵᱽᱯᱩᱨ ᱡᱩᱱᱤᱭᱟᱹᱨ ᱵᱮᱥᱤᱠ ᱤᱥᱠᱩᱞ ᱨᱮ ᱢᱚᱬᱮ ᱪᱟᱱᱟᱪ ᱫᱷᱟᱹᱵᱤᱡ ᱯᱟᱲᱦᱟᱣ ᱠᱟᱛᱮ ᱵᱟᱸᱥᱯᱟᱦᱟᱲᱤ ᱠᱮ. ᱯᱤ. ᱥᱤ. ᱦᱟᱭ ᱤᱥᱠᱩᱞ ᱨᱮᱭ ᱵᱷᱩᱨᱛᱤ ᱞᱮᱱᱟ᱾ ᱚᱸᱰᱮ ᱠᱷᱚᱱ ᱜᱮ ᱑᱙᱘᱓ ᱥᱟᱞ ᱨᱮ ᱢᱟᱫᱷᱭᱚᱢᱤᱠ ᱮ ᱯᱟᱥ ᱞᱮᱫᱟ᱾
ᱠᱟᱹᱢᱤ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱜᱷᱟᱨᱚᱸᱡᱽ ᱨᱮᱱᱟᱜ ᱨᱮᱸᱜᱮᱡ ᱦᱟᱞᱚᱛ ᱠᱷᱟᱹᱛᱤᱨ ᱩᱱᱤ ᱫᱚ ᱞᱟᱦᱟ ᱥᱮᱫ ᱵᱟᱭ ᱯᱟᱲᱦᱟᱣ ᱫᱟᱲᱮᱭᱟᱫᱟ᱾ ᱟᱡ ᱨᱮᱱ ᱜᱷᱟᱨᱚᱸᱡᱽ ᱥᱟᱶ ᱦᱩᱜᱽᱞᱤ ᱦᱚᱱᱚᱛ ᱨᱮᱱᱟᱜ ᱠᱷᱚᱱᱭᱟᱱ ᱨᱮ ᱛᱟᱦᱮᱸᱱ ᱠᱚ ᱮᱛᱚᱦᱚᱵ ᱠᱮᱫᱟ᱾ ᱑᱙᱘᱕ ᱥᱟᱞ ᱨᱮ ᱩᱱᱤ ᱫᱚ 'ᱫᱩᱨᱜᱟᱯᱩᱨ ᱢᱮᱞᱤᱭᱮᱵᱚᱞ ᱯᱨᱟᱭᱵᱷᱮᱴ ᱞᱤᱢᱤᱴᱮᱰ' ᱨᱮ ᱥᱤᱠᱤᱣᱨᱤᱴᱤ ᱜᱟᱨᱰ ᱞᱮᱠᱟᱛᱮ ᱠᱟᱹᱢᱤ ᱨᱮᱭ ᱥᱮᱞᱮᱫ ᱞᱮᱱᱟ᱾ ᱤᱱᱟᱹ ᱛᱟᱭᱚᱢ ᱴᱟᱭᱯᱤᱝ ᱥᱮᱬᱟ ᱠᱟᱛᱮ ᱑᱙᱘᱖ ᱥᱟᱞ ᱨᱮ ᱯᱚᱪᱷᱤᱢ ᱵᱟᱝᱞᱟ ᱥᱚᱨᱠᱟᱨ ᱟᱜ 'ᱨᱮᱱᱴ ᱠᱚᱱᱴᱨᱚᱞ' ᱚᱯᱷᱤᱥ ᱨᱮᱭ ᱥᱮᱞᱮᱫ ᱞᱮᱱᱟ᱾
ᱥᱟᱶᱦᱮᱫ ᱪᱟᱨᱪᱟ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱑᱙᱗᱐ ᱜᱮᱞᱟᱝ ᱥᱮᱨᱢᱟ ᱨᱮᱱᱟᱜ ᱢᱩᱪᱟᱹᱫ ᱥᱮᱫ ᱠᱷᱚᱱ ᱩᱱᱤ ᱫᱚ ᱥᱟᱶᱦᱮᱫ ᱥᱟᱶ ᱡᱚᱯᱲᱟᱣ ᱮ ᱛᱟᱦᱮᱸ ᱠᱟᱱᱟ᱾ ᱑᱙᱘᱐ ᱜᱮᱞᱟᱝ ᱥᱮᱨᱢᱟ ᱨᱮ ᱟᱡᱟᱜ ᱚᱞ ᱠᱚ ᱯᱟᱨᱥᱟᱞ ᱮᱛᱚᱦᱚᱵ ᱞᱮᱱᱟ᱾ ᱩᱱᱤ ᱫᱚ ᱟᱭᱢᱟ ᱠᱟᱹᱦᱱᱤ, ᱚᱱᱚᱲᱦᱮ, ᱥᱮᱨᱮᱧ, ᱚᱱᱚᱞ ᱟᱨ ᱜᱟᱭᱟᱱ ᱠᱚᱦᱚᱸᱭ ᱚᱞ ᱟᱠᱟᱫᱟ᱾ ᱒᱐᱐᱕ ᱥᱟᱞ ᱠᱷᱚᱱ ᱩᱱᱤ ᱫᱚ 'ᱛᱚᱯᱚᱞ' ᱥᱟᱶᱦᱮᱫ ᱯᱟᱛᱷᱟᱢ ᱨᱮᱱᱤᱡ ᱥᱟᱥᱟᱯᱲᱟᱣᱤᱡ ᱞᱮᱠᱟᱛᱮ ᱠᱟᱹᱢᱤ ᱠᱟᱱᱟᱭ᱾[᱑]
ᱯᱟᱨᱥᱟᱞ ᱟᱠᱟᱱ ᱯᱩᱛᱷᱤ ᱠᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ᱛᱮᱨᱮᱫᱮᱡ - ᱠᱟᱹᱦᱱᱤ ᱛᱩᱢᱟᱹᱞ, ᱒᱐᱐᱐ ᱥᱟᱞ ᱨᱮ ᱯᱟᱨᱥᱟᱞ ᱟᱠᱟᱱᱟ᱾
- ᱡᱷᱤᱸᱜᱟᱵᱟᱦᱟ- ᱱᱤᱡᱮ ᱛᱮ ᱚᱞ ᱟᱠᱟᱫ ᱥᱮᱨᱮᱧ ᱛᱩᱢᱟᱹᱞ, ᱒᱐᱐᱓ ᱥᱟᱞ ᱨᱮ ᱯᱟᱨᱥᱟᱞ ᱟᱠᱟᱱᱟ᱾
ᱥᱤᱨᱯᱷᱟᱹ ᱟᱨ ᱢᱟᱱᱚᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ᱒᱐᱐᱐ ᱥᱟᱞ ᱨᱮ 'ᱛᱮᱨᱮᱫᱮᱡ' ᱯᱩᱛᱷᱤ ᱞᱟᱹᱜᱤᱫ ᱥᱚᱨᱮᱥ ᱠᱟᱹᱦᱱᱤ ᱚᱱᱚᱞᱤᱭᱟᱹ ᱞᱮᱠᱟᱛᱮ AISWA ᱯᱟᱦᱴᱟ ᱠᱷᱚᱱ ᱥᱤᱨᱯᱷᱟᱹ᱾
- ᱒᱐᱐᱓ ᱥᱟᱞ ᱨᱮ ᱦᱩᱜᱽᱞᱤ ᱦᱚᱱᱚᱛ ᱥᱟᱶᱦᱮᱫ ᱯᱚᱨᱤᱥᱚᱫᱽ ᱯᱟᱦᱴᱟ ᱠᱷᱚᱱ ᱢᱟᱱ ᱥᱟᱠᱟᱢ᱾
- ᱒᱐᱐᱔ ᱥᱟᱞ ᱨᱮ 'ᱨᱩᱥᱤᱠᱟ ᱢᱟᱰᱣᱟ' ᱯᱟᱦᱴᱟ ᱠᱷᱚᱱ ᱢᱟᱱᱚᱛ᱾