ᱞᱚᱠᱷᱚᱱ ᱠᱤᱥᱠᱩ

ᱞᱚᱠᱷᱚᱱ ᱠᱤᱥᱠᱩ
ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ  ᱟᱨ  ᱡᱟᱱᱟᱢ ᱴᱷᱟᱶ	᱑᱙᱗᱗ (᱑᱙᱗᱗-᱐᱒-0᱓) ᱯᱷᱩᱞᱠᱩᱥᱢᱟ, ᱯᱚᱪᱷᱤᱢ ᱵᱟᱝᱞᱟ, ᱥᱤᱧᱚᱛ
ᱫᱤᱥᱚᱢᱤᱭᱟᱹ	ᱥᱤᱧᱚᱛᱤᱭᱟᱹ
ᱠᱟᱹᱢᱤ	ᱚᱱᱚᱞᱤᱭᱟᱹ

ᱞᱚᱠᱷᱚᱱ ᱠᱤᱥᱠᱩ ᱫᱚ ᱢᱟᱹᱱᱢᱤ ᱫᱚᱨᱚᱫᱤᱭᱟᱹ ᱠᱚᱵᱤ ᱾ ᱩᱱᱤ ᱫᱚ ᱞᱟᱭᱚᱝ ᱠᱚᱵᱤ ᱦᱚᱸᱠᱚ ᱢᱮᱛᱟᱭᱟ ᱾ ᱩᱱᱤ ᱫᱚ ᱚᱱᱚᱞᱤᱭᱟᱹ,ᱚᱱᱚᱬᱦᱤᱭᱟᱹ,ᱜᱟᱢᱟᱢᱤᱭᱟᱹ, ᱱᱟᱜᱟᱢᱤᱭᱟᱹ ᱥᱟᱶᱦᱮᱫᱤᱭᱟᱹ ᱥᱟᱶᱛᱮ ᱧᱩᱛᱩᱢᱟᱱ ᱢᱟᱪᱮᱫ ᱟᱨ ᱥᱚᱝᱜᱚᱴᱷᱚᱠ ᱠᱟᱱᱟᱭ ᱾ ᱩᱱᱤ ᱫᱚ ᱥᱟᱱᱛᱟᱲᱤ ᱯᱟᱹᱨᱥᱤ, ᱥᱟᱶᱦᱮᱫ ᱟᱨ ᱥᱤᱠᱷᱱᱟᱹᱛ ᱞᱟᱦᱟᱱᱛᱤ ᱨᱮ ᱡᱳᱣᱟᱨ ᱮ ᱟ.ᱜᱩ ᱞᱮᱫᱟ ᱾

ᱯᱩᱭᱞᱩ ᱡᱤᱭᱚᱱ

ᱧᱩᱛᱩᱢᱟᱱ ᱚᱱᱚᱞᱤᱭᱟᱹ ᱚᱱᱚᱬᱦᱤᱭᱟᱹ ᱥᱟᱶᱦᱮᱫᱤᱭᱟᱹ ᱞᱚᱠᱠᱷᱚᱱ ᱠᱤᱥᱠᱩ ᱣᱟᱜ ᱡᱟᱱᱟᱢ ᱫᱚ ᱵᱷᱟᱨᱚᱛ ᱫᱤᱥᱚᱢ ᱯᱚᱪᱷᱤᱢ ᱵᱟᱝᱞᱟ ᱯᱚᱱᱚᱛ ᱠᱳᱞᱠᱟᱛᱷᱟ ᱠᱷᱚᱱ ᱒᱐᱐ ᱠᱤᱞᱳᱢᱤᱴᱟᱨ ᱥᱟᱹᱜᱤᱧ ᱵᱟᱸᱠᱩᱲᱟ ᱡᱮᱞᱟ ᱯᱷᱩᱞᱠᱩᱥᱢᱟ ᱡᱟᱯᱟᱜ ᱜᱤᱨᱳᱞᱵᱚᱱᱤ ᱟᱛᱳ ᱨᱮ ᱾ ᱡᱟᱱᱟᱢ ᱞᱮᱱᱟᱭ ᱑᱙᱗᱗ ᱥᱟᱞ ᱨᱮᱭᱟᱜ ᱓ ᱯᱷᱮᱵᱽᱨᱩᱣᱟᱨᱤ ᱾ ᱟᱡ ᱵᱟᱵᱟ ᱫᱚ ᱰᱟᱦᱟᱨ ᱥᱤᱭᱳᱜ ᱦᱚᱲ ᱥᱚᱢᱟᱭ ᱠᱤᱥᱠᱩ ᱾ ᱟᱭᱳ ᱧᱩᱛᱩᱢ ᱪᱩᱲᱟ ᱢᱚᱱᱤ , ᱦᱮᱢᱵᱨᱚᱢ ᱠᱚᱨᱮᱱ ᱦᱚᱯᱚᱱ ᱮᱨᱟᱭ ᱛᱟᱦᱮᱸ ᱠᱟᱱᱟ ᱾

ᱚᱞᱚᱜ ᱡᱤᱭᱚᱱ

᱑᱙᱘᱕ ᱥᱟᱞ ᱨᱮ ᱯᱷᱩᱞᱠᱩᱥᱢᱟ ᱵᱳᱨᱰ ᱯᱨᱟᱭᱢᱟᱨᱤ ᱥᱠᱩᱞ ᱨᱮ ᱩᱱᱤᱭᱟᱜ ᱚᱞᱚᱜ ᱡᱤᱭᱚᱱ ᱫᱚ ᱮᱛᱚᱦᱚᱵ ᱞᱮᱱᱟ ᱾ ᱑᱙᱙᱓ ᱥᱟᱞ ᱨᱮ ᱯᱷᱩᱞᱠᱩᱥᱢᱟ ᱦᱟᱭ ᱥᱠᱩᱞ ᱠᱷᱚᱱ ᱵᱟᱝᱞᱟ ᱢᱟᱫᱽᱫᱷᱚᱢ ᱛᱮ ᱫᱚᱥᱟᱨ ᱰᱤᱵᱷᱤᱥᱚᱱ ᱟᱛᱮ ᱜᱮᱞ ᱪᱟᱱᱟᱪ ᱫᱚᱭ ᱯᱟᱥ ᱞᱮᱫᱟ ᱾ ᱑᱙᱙᱕ ᱥᱟᱞ ᱨᱮ ᱜᱚᱲ ᱨᱟᱭᱯᱩᱨ ᱦᱟᱭᱟᱨ ᱥᱮᱠᱮᱱᱰᱟᱨᱤ ᱵᱤᱨᱫᱟᱹᱜᱟᱲ ᱠᱷᱚᱱ ᱜᱮᱞᱵᱟᱨ ᱪᱟᱱᱟᱪ ᱯᱟᱥ ᱠᱟᱛᱮ ᱥᱤᱞᱫᱟᱹ ᱪᱚᱱᱫᱨᱚ ᱥᱮᱠᱷᱚᱨ ᱠᱚᱞᱮᱡᱽ ᱨᱮ ᱱᱟᱜᱟᱢ (History Hons ) ᱟᱛᱮᱭ ᱵᱷᱩᱨᱛᱤ ᱞᱮᱱᱟ ᱾ ᱑᱙᱙᱘ ᱥᱟᱞ ᱨᱮ ᱚᱸᱰᱮ ᱠᱷᱚᱱ ᱯᱟᱥ ᱠᱟᱛᱮ ᱵᱤᱫᱽᱫᱟᱥᱟᱜᱚᱨ ᱡᱮᱜᱮᱫ ᱵᱤᱨᱫᱟᱹ ᱨᱮ ᱱᱟᱜᱟᱢ ᱥᱟᱛᱟᱢ ᱟᱛᱮᱭ ᱵᱷᱩᱨᱛᱤ ᱞᱮᱱᱟ ᱾ ᱒᱐᱐᱐ ᱥᱟᱞ ᱨᱮ ᱢᱟᱥᱴᱟᱨᱥ ᱰᱤᱜᱽᱨᱤ ᱦᱟᱢᱮᱴ ᱫᱮᱞᱟᱫᱮᱞᱤ ᱯᱟᱸᱥᱠᱩᱲᱟ ᱵᱚᱱᱚᱢᱟᱞᱤ ᱠᱚᱞᱮᱡᱽ ᱨᱮ B.Ed. ᱯᱟᱲᱦᱟᱣ ᱞᱟᱹᱜᱤᱫ ᱫᱟᱣᱮ ᱧᱟᱢ ᱞᱮᱫᱟ ᱟᱨ ᱒᱐᱐᱑ ᱥᱟᱞ ᱨᱮ ᱴᱨᱮᱱᱤᱝᱫᱚᱭ ᱢᱩᱪᱟᱹᱫ ᱞᱮᱫᱟ ᱾ ᱯᱨᱚᱛᱷᱟᱜᱚᱛᱚ ᱥᱚᱨᱠᱟᱨᱤ ᱯᱟᱲᱦᱟᱣ ᱛᱟᱞᱟ ᱨᱮᱜᱮ ᱩᱱᱤ ᱫᱚ ᱑᱙᱙᱗ ᱥᱟᱞ ᱨᱮ ᱟᱥᱮᱠᱟ ᱯᱚᱪᱷᱤᱢ ᱵᱟᱝᱞᱟ ᱪᱟᱸᱜᱟ ᱦᱚᱛᱮ ᱛᱮ ᱥᱟᱹᱦᱤᱡᱩᱦᱤ ᱪᱟᱞᱟᱜ ᱠᱟᱱ ᱵᱷᱮᱞᱟᱭᱰᱤᱦᱟ ᱚᱞ ᱤᱛᱩᱱ ᱟᱥᱲᱟ, ᱢᱮᱫᱤᱱᱤᱯᱩᱨ ( ᱱᱟᱦᱟᱜ ᱫᱚ ᱡᱷᱟᱲᱜᱨᱟᱢ) ᱡᱮᱞᱟ ᱠᱷᱚᱱ ᱥᱟᱱᱛᱟᱲᱤ ᱯᱟᱹᱨᱥᱤ ᱚᱞ ᱪᱤᱠᱤ ᱟᱠᱷᱚᱨ ᱛᱟᱞᱟ ᱛᱮ ᱚᱞ ᱤᱛᱩᱱ ᱵᱤᱱᱤᱰ ᱫᱚᱭ ᱯᱟᱥ ᱞᱮᱫᱟ ᱾ ᱚᱱᱟ ᱟᱥᱲᱟ ᱨᱮᱱ ᱥᱩᱛᱨᱮᱫ ᱫᱚᱭ ᱛᱟᱦᱮᱸ ᱠᱟᱟ ᱪᱩᱱᱟᱨᱟᱢ ᱢᱩᱨᱢᱩ, ᱟᱛᱳ ᱵᱟᱸᱠᱥᱳᱞ, ᱵᱮᱹᱞᱯᱟᱦᱟᱲᱤ ᱾ ᱩᱱᱤ ᱦᱚᱛᱮ ᱛᱮ ᱞᱚᱠᱷᱚᱱ ᱠᱤᱥᱠᱩ ᱫᱚ ᱑᱙᱙᱘ ᱥᱟᱞ ᱨᱮ ᱠᱟᱯᱜᱟᱲᱤ ᱥᱮᱵᱟ ᱵᱷᱟᱨᱚᱛᱤ ᱠᱚᱞᱮᱡᱽ ᱨᱮ ᱟᱥᱮᱠᱟ ᱢᱮᱫᱽᱱᱤᱯᱩᱨ ᱡᱮᱞᱟ ᱪᱟᱸᱜᱟ ᱯᱟᱦᱴᱟ ᱠᱷᱚᱱ ᱥᱟᱯᱲᱟᱣ ᱞᱮᱱ ᱥᱟᱱᱛᱟᱲᱤ ᱢᱟᱪᱮᱫ ᱟᱪᱮᱫ Training ᱫᱚ ᱱᱟᱯᱟᱭ ᱛᱮᱭ ᱦᱟᱛᱟᱣ ᱞᱮᱫᱟ ᱾ ᱒᱐᱑᱓ ᱥᱟᱞ ᱨᱮ ᱩᱱᱤ ᱫᱚ ᱵᱚᱨᱫᱷᱚᱢᱟᱱ ᱡᱮᱜᱮᱫ ᱵᱤᱫᱽᱫᱟᱞᱚᱭ ᱨᱮᱭᱟᱜ ᱟᱶᱛᱟ ᱨᱮ ᱢᱮᱱᱟᱜ ᱯᱚᱱᱰᱤᱛ ᱨᱚᱜᱷᱩᱱᱟᱛᱷ ᱢᱩᱨᱢᱩ ᱥᱨᱤᱛᱤ ᱢᱚᱦᱟᱵᱤᱫᱽᱫᱟᱞᱚᱭ ᱠᱷᱚᱱ ᱥᱟᱱᱛᱟᱲᱤ ᱛᱮ B.A ( Special ) ᱮ ᱯᱩᱨᱟᱹᱣ ᱟᱠᱟᱫᱟ ᱾ ᱢᱮᱱ ᱛᱚᱨᱟ ᱜᱟᱱᱚᱜᱼᱟ ᱩᱱᱤ ᱫᱚ ᱨᱮᱜᱩᱞᱟᱨ ᱯᱟᱹᱴᱷᱩᱣᱟᱹ ᱠᱚ ᱥᱟᱶᱛᱮ ᱯᱮ ᱥᱮᱨᱢᱟ ᱯᱟᱲᱦᱟᱣ ᱠᱟᱛᱮ ᱱᱚᱣᱟ ᱚᱨᱡᱚᱫᱚᱭ ᱦᱟᱢᱮᱴ ᱟᱠᱟᱫᱟ ᱾

ᱟᱯᱟᱥᱩᱞᱚᱜ ᱡᱤᱭᱚᱱ

ᱩᱱᱤ ᱫᱚ ᱒᱐᱐᱑ ᱥᱟᱞ ᱨᱮᱭᱟᱜ ᱑᱐ ᱚᱠᱴᱳᱵᱚᱨ ᱯᱚᱪᱷᱤᱢ ᱵᱟᱝᱞᱟ ᱯᱚᱱᱚᱛ ᱵᱟᱸᱠᱩᱲᱟ ᱡᱮᱞᱟ, ᱨᱟᱱᱤᱵᱟᱸᱫᱷ ᱛᱷᱟᱱᱟ ᱨᱮᱭᱟᱜ ᱫᱷᱟᱱᱟᱲᱟ ᱦᱟᱭ ᱥᱠᱩᱞ ᱨᱮ ᱱᱟᱜᱟᱢ ᱥᱟᱛᱟᱢ ᱨᱮᱱ ᱢᱚᱦᱟᱥᱚᱭ ᱞᱮᱠᱟᱛᱮ ᱟᱯᱟᱥᱩᱞᱚᱜ ᱡᱤᱭᱚᱱ ᱫᱚᱭ ᱮᱛᱚᱦᱚᱵ ᱟᱠᱟᱫᱟ ᱾ ᱒᱐᱐᱕ ᱥᱟᱞ ᱨᱮ ᱞᱟᱸᱵᱮ ᱯᱟᱛᱷᱟᱢ ᱥᱟᱯᱲᱟᱣᱤᱡ ᱚᱱᱚᱞᱤᱭᱟᱹ ᱰᱨᱹ ᱱᱚᱨᱮᱱᱫᱨᱚᱱᱟᱛᱷ ᱵᱮᱥᱨᱟ ᱨᱮᱱ ᱦᱩᱰᱤᱧ ᱦᱚᱯᱚᱱ ᱮᱨᱟ ᱨᱤᱞᱟᱹ ᱢᱟᱞᱟ ᱥᱟᱶᱛᱮ ᱡᱤᱭᱚᱱ ᱥᱤᱠᱲᱤ ᱛᱚᱯᱚᱞ ᱠᱟᱛᱮ ᱒᱐᱐᱖ ᱥᱟᱞ ᱠᱷᱚᱱ ᱫᱚ ᱨᱟᱱᱤ ᱵᱟᱸᱫᱷ ᱨᱮᱭᱟᱜ ᱠᱤᱭᱟᱹ ᱱᱟᱜᱟᱨ ᱨᱮᱭ ᱜᱤᱨᱟᱹ ᱵᱟᱥᱤ ᱟᱠᱟᱱᱟ ᱾ ᱩᱱᱤ ᱫᱚ ᱒᱐᱐᱕ ᱠᱷᱚᱱ ᱒᱐᱑᱑ ᱦᱟᱹᱵᱤᱡ ᱫᱚ ᱨᱟᱱᱤᱵᱟᱸᱫᱷ ᱵᱞᱚᱠ ᱥᱠᱩᱞ ᱠᱚᱢᱯᱞᱮᱹᱠᱥ ᱨᱮᱱ ‘ᱵᱤᱥᱚᱭ ᱵᱷᱤᱛᱛᱤᱠ” ᱠᱚᱱᱵᱷᱮᱱᱚᱨ ᱮ ᱛᱟᱦᱮᱸ ᱠᱟᱱᱟ ᱾ ᱱᱤᱭᱟᱹ ᱚᱠᱛᱚ ᱨᱮᱜᱮ ᱩᱱᱤ ᱫᱚ ᱵᱟᱸᱠᱩᱲᱟ ᱡᱮᱞᱟ ᱨᱮᱱ ᱵᱟᱨ ᱦᱚᱲ ᱢᱟᱪᱮᱫ “ Key Resource Person” ᱵᱷᱤᱛᱨᱤ ᱨᱮ ᱢᱤᱫ ᱢᱟᱪᱮᱫ ᱮ ᱛᱟᱦᱮᱸ ᱞᱠᱟᱱᱟ ᱾ ᱠᱷᱟᱛᱲᱟ ᱢᱚᱦᱚ ᱠᱩᱢᱟ ᱨᱮᱱ ᱥᱠᱩᱞ ᱢᱟᱪᱮᱫ ᱠᱚ ᱱᱚᱣᱟ ᱥᱤᱠᱷᱱᱟᱹᱛ ᱯᱚᱞᱤᱥᱤ ᱪᱮᱛᱟᱱ ᱴᱨᱮᱱᱤᱝ ᱮ ᱮᱢᱟ ᱠᱚ ᱠᱟᱱ ᱛᱟᱦᱮᱸᱫ ᱾ ᱟᱡᱟᱜ ᱵᱤᱨᱫᱟᱹᱜᱟᱲ ᱨᱮᱱ ᱢᱟᱨᱟᱝ ᱢᱟᱪᱮᱫ ᱵᱤᱫᱽᱫᱩᱛ ᱠᱩᱢᱟᱨ ᱯᱚᱛᱤ ᱢᱚᱦᱟᱥᱚᱭ ᱓᱑ ᱥᱮᱯᱴᱮᱢᱵᱚᱨ ᱒᱐᱒᱓ ᱦᱤᱞᱳᱜ ᱡᱤᱨᱟᱹᱣ ᱛᱟᱭᱱᱚᱢ ᱩᱱᱤ ᱫᱚ ᱑ ᱚᱠᱛᱚᱵᱚᱨ ᱒᱐᱒᱓ ᱠᱷᱚᱱ ᱓᱑ ᱥᱮᱯᱴᱮᱢᱵᱚᱨ ᱒᱐᱒᱔ ᱦᱟᱵᱤᱡ ᱢᱟᱨᱟᱝ ᱢᱚᱦᱟᱥᱚᱭᱟᱜ ᱫᱟᱭᱵᱷᱟᱨ ᱦᱚᱭ ᱜᱚᱜ ᱟᱠᱟᱫᱟ ᱾

ᱥᱟᱶᱦᱮᱫ ᱡᱤᱭᱚᱱ

᱑᱑ ᱡᱟᱱᱩᱣᱟᱨᱤ ᱑᱙᱙᱐ ᱵᱟᱨ ᱯᱚᱫᱽ ᱚᱱᱚᱬᱦᱮ ᱜᱟᱜ ᱜᱟᱵᱟᱱ ᱛᱟᱞᱟ ᱛᱮ ᱠᱤᱥᱠᱩ ᱜᱚᱢᱠᱮᱭᱟᱜ ᱥᱟᱶᱦᱮᱫ ᱡᱤᱭᱚᱱ ᱫᱚ ᱮᱛᱚᱦᱚᱵ ᱞᱮᱱ ᱛᱟᱭᱟ ᱾ ᱩᱱ ᱫᱚ ᱮᱭᱟᱭ ᱪᱟᱱᱟᱪ ᱨᱮᱱ ᱯᱟᱴᱷᱩᱣᱟᱹ ᱾ ᱥᱠᱩᱞ ᱫᱮᱣᱟᱞ ᱯᱚᱛᱛᱨᱤᱠᱟ ᱨᱮ ᱯᱳᱭᱞᱳ ᱚᱞ ᱫᱚ ᱵᱟᱝᱞᱟ ᱛᱮ ᱩᱪᱷᱟᱹᱱ ᱞᱮᱱ ᱛᱟᱭᱟ ᱾ ᱤᱱᱟᱹ ᱛᱟᱭᱱᱚᱢ “ ᱥᱚᱨᱚᱱᱤᱠᱟ’ “ ᱢᱚᱦᱩᱣᱟ’ “ ᱪᱮᱛᱚᱱᱟ “ “ ᱪᱷᱟᱲᱯᱚᱛᱛᱨᱚ “ ᱮᱢᱟᱱ ᱮᱢᱟᱱ ᱯᱚᱛᱛᱨᱤᱠᱟ ᱠᱚᱨᱮ ᱥᱟᱱᱛᱟᱲᱤ ᱟᱨ ᱵᱟᱝᱞᱟ ᱚᱱᱚᱬᱦᱮ ᱠᱚ ᱩᱪᱷᱟᱹᱱ ᱞᱮᱱ ᱛᱟᱭᱟ ᱾ ᱠᱮ ᱯᱤ ᱥᱚᱨᱮᱱᱟᱜ ᱥᱟᱯᱲᱟᱣ ᱛᱮ ᱠᱳᱞᱠᱟᱛᱟ ᱠᱷᱚᱱ ᱩᱪᱷᱟᱹᱱᱚᱜ ᱠᱟᱱ ᱛᱟᱦᱮᱸ “ ᱮᱵᱷᱮᱱ ᱥᱟᱠᱣᱟ” ᱯᱟᱛᱷᱟᱢ ᱨᱮᱭᱟᱜ ᱱᱚᱵᱷᱮᱢᱵᱚᱨ ᱞᱮᱠᱷᱟ ᱑᱙᱙᱖ ᱥᱟᱞ ᱨᱮ ᱥᱟᱱᱛᱟᱲᱤ ᱛᱮ “ ᱱᱟᱦᱟᱜ ᱱᱟᱝ ᱨᱮ” ᱚᱱᱚᱬᱦᱮ ᱛᱟᱞᱟ ᱛᱮ ᱥᱟᱱᱛᱟᱲᱤ ᱥᱟᱶᱦᱮᱫ ᱵᱟᱜᱟᱱ ᱨᱮ ᱢᱤᱫ ᱡᱩᱱᱩᱠ ᱞᱮᱠᱟᱛᱮᱭ ᱢᱩᱞᱩᱜ ᱞᱮᱱᱟ ᱾ ᱩᱱᱤ ᱫᱚ ᱑᱒ ᱡᱩᱱ ᱒᱐᱐᱘ ᱨᱮᱭᱟᱜ ᱥᱟᱱᱛᱟᱲᱤ ᱯᱟᱹᱨᱥᱤ ᱥᱤᱠᱷᱱᱟᱛ ᱦᱩᱞ ᱥᱮᱸᱜᱮᱞ ᱡᱩᱞ ᱨᱮᱱ ᱢᱤᱫ ᱦᱩᱞ ᱜᱟᱹᱨᱤᱭᱟᱹ ᱠᱟᱱᱟᱭ ᱾ ᱤᱱᱟᱹ ᱦᱤᱞᱳᱜ ᱜᱮ ᱯᱚᱪᱷᱤᱢ ᱵᱟᱝᱞᱟ, ᱵᱷᱟᱨᱚᱛ ᱨᱮ ᱯᱨᱟᱭᱢᱟᱨᱤ ᱠᱷᱚᱱ ᱡᱮᱜᱮᱫ ᱵᱤᱨᱫᱟᱹᱜᱟᱲ ᱦᱟᱹᱵᱤᱡ ᱥᱟᱱᱛᱟᱲᱤ ᱢᱤᱰᱤᱭᱟᱢ ᱛᱮ ᱚᱞᱚᱜ ᱯᱚᱲᱦᱚᱱ ᱨᱮᱭᱟᱜ ᱫᱟᱣ ᱵᱚᱱ ᱦᱟᱢᱮᱴ ᱟᱠᱟᱫᱟ ᱾ ᱞᱚᱠᱷᱚᱱ ᱠᱤᱥᱠᱩ ᱫᱚ ᱥᱟᱶᱦᱮᱫ ᱥᱤᱨᱡᱚᱱ ᱨᱮ ᱵᱟᱦᱱᱟ ᱧᱩᱛᱩᱢ ᱛᱮᱦᱚᱸᱭ ᱚᱞ ᱵᱮᱞ ᱟᱠᱟᱫᱟ ᱾ ᱩᱱᱤᱭᱟᱜ ᱵᱟᱦᱟᱱᱟ ᱧᱩᱛᱩᱢ ᱫᱚ ᱦᱩᱭᱩᱜ ᱠᱟᱱᱟ ᱼ ᱜᱩᱨᱟᱹᱭ ᱠᱤᱥᱠᱩ, ‘ ᱚᱞ ᱨᱟᱯᱟᱡᱽ’ ‘ᱥᱤᱥᱤᱨ’ ‘ ᱵᱤᱨ ᱪᱮᱬᱮ “᱾ ᱥᱟᱱᱛᱟᱲᱤ ᱯᱟᱹᱨᱥᱤ ᱛᱮ ᱩᱱᱤᱭᱟᱜ ᱚᱞ ᱠᱚ ᱫᱚ “ ᱮ ᱵᱷᱮᱱ ᱥᱟᱠᱣᱟ “ “ ᱥᱟᱶᱛᱟ ᱟᱨᱥᱤ “ “ ᱢᱟᱞᱤ ᱵᱟᱦᱟ “ “ ᱥᱮᱢᱞᱮᱫ ᱥᱟᱠᱣᱟ “ “ ᱠᱷᱮᱨᱣᱟᱞ ᱡᱟᱦᱮᱨ” “ ᱞᱟᱦᱟᱱᱛᱤ” ᱮᱢᱟᱱ ᱯᱚᱛᱛᱨᱤᱠᱟ ᱠᱚᱨᱮ ᱩᱪᱷᱟᱹᱱ ᱟᱠᱟᱱᱟ ᱾ ᱩᱱᱤᱭᱟᱜ ᱵᱟᱝᱞᱟ ᱯᱟᱹᱨᱥᱤ ᱛᱮ ᱚᱞ ᱠᱚᱫᱚ “ ᱮᱵᱷᱮᱱ ᱥᱟᱠᱣᱟ” “ ᱥᱟᱶᱛᱟ ᱟᱹᱨᱥᱤ “ “ ᱢᱟᱹᱞᱤ ᱵᱟᱦᱟ “ “ ᱥᱮᱢᱞᱮᱫ ᱥᱟᱠᱣᱟ” “ ᱠᱷᱮᱨᱣᱟᱞ ᱡᱟᱦᱮᱨ”, ᱞᱟᱦᱟᱱᱛᱤ ᱮᱢᱟᱱ ᱯᱚᱛᱛᱨᱤᱠᱟ ᱠᱚᱨᱮ ᱩᱪᱷᱟᱹᱱ ᱟᱠᱟᱱᱟ ᱾ ᱩᱱᱤᱭᱟᱜ ᱵᱟᱝᱞᱟ ᱯᱟᱹᱨᱥᱤ ᱛᱮ ᱚᱞ ᱠᱚᱫᱚ “ ᱵᱟᱨᱱᱤᱠ” ( ᱵᱷᱟᱨᱚᱛ ), “ ᱟᱥᱨᱚᱢ” (ᱠᱟᱱᱟᱰᱟ) ,” ᱯᱨᱚᱵᱟᱥᱤ”( ᱠᱮᱞᱤᱯᱷᱚᱨᱱᱤᱭᱟ) ᱮᱢᱟᱱ ᱯᱚᱛᱛᱨᱤᱠᱟ ᱨᱮ ᱩᱪᱷᱟᱹᱱ ᱟᱠᱟᱱ ᱛᱟᱭᱟ ᱾ ᱩᱪᱷᱟᱹᱱ ᱟᱠᱟᱱ ᱥᱟᱱᱛᱟᱲᱤ ᱯᱩᱛᱷᱤ ᱺᱼ ᱑) ᱠᱟᱺᱥᱟᱭ ᱠᱩᱶᱟᱹᱨᱤ ᱠᱷᱚᱱ ᱢᱤᱞᱚᱱ ᱜᱷᱟᱴ (ᱜᱟᱢᱟᱢ) ᱒᱐᱐᱒ ᱒) ᱛᱮᱨᱫᱮᱡ ᱦᱚᱨᱟᱥᱤ ᱨᱮ ᱥᱤᱥᱤᱨ (ᱠᱟᱹᱦᱱᱤ) ᱒᱐᱐᱔ ᱓) ᱢᱟᱨᱥᱟᱞ ᱩᱢᱩᱞ (ᱚᱱᱚᱬᱦᱮ) ᱒᱐᱑᱐ ᱔) ᱥᱟᱱᱛᱟᱲᱤ ᱥᱟᱶᱦᱮᱫ ᱯᱚᱦᱟ ᱒᱐᱑᱒ ᱕) ᱢᱟᱱᱢᱤ ᱵᱟᱧᱪᱟᱣ ᱟᱭ ᱚᱠᱟ ᱟᱸᱥ ᱛᱮ (ᱠᱟᱦᱱᱤ) ᱒᱐᱑᱔ ᱖) ᱰᱚᱭᱞᱚᱝ ᱪᱮᱬᱮᱭᱟᱜ ᱜᱚᱞ (ᱚᱱᱚᱬᱦᱮ) ᱒᱐᱑᱕ ᱗) ᱰᱚᱜᱚᱨ (ᱚᱱᱚᱬᱦᱮ) ᱒᱐᱑᱘ ᱘) ᱵᱷᱟᱨᱚᱛ ᱨᱮᱱᱟᱜ ᱱᱟᱜᱟᱢ (ᱥᱮᱫᱟᱭ ᱡᱩᱜᱽ) ᱒᱐᱒᱐ ᱵᱟᱝᱞᱟ ᱯᱟᱨᱥᱤ ᱛᱮ ᱩᱪᱷᱟᱹᱱ ᱯᱩᱛᱷᱤ ᱠᱚ ᱺᱼ ᱑) সাঁওতালি ভাষায় অলচিকি লিপির গ্রহণযোগ্যতা ও আন্তর্জাতিক ক্ষেত্রে তার প্রেক্ষিত (গবেষণামূলক প্রবন্ধ) 2013 ᱒) রূপ সাগরের তীরে( কাব্যগ্রন্থ) 2021 ᱛᱚᱨᱡᱚᱢᱟ ᱯᱩᱛᱷᱤ ᱺᱼ ᱑) ᱜᱳᱞᱞᱟᱪᱷᱩᱴ ᱨᱮᱱᱟᱜ ᱜᱚᱯᱯᱚ (ᱵᱟᱝᱞᱟ ᱠᱷᱚᱱ ᱥᱟᱱᱛᱟᱲᱤ ) ᱒᱐᱒᱒ ᱒) ᱯᱚᱫᱽᱢᱚᱥᱨᱤ ᱠᱟᱞᱤᱯᱚᱫᱚ ᱥᱚᱨᱮᱱ ᱠᱷᱮᱨᱣᱟᱞ ᱼ ᱠᱚᱵᱤᱛᱟᱨ ᱨᱚᱝ (ᱥᱟᱱᱛᱟᱲᱤ ᱠᱷᱚᱱ ᱵᱟᱝᱞᱟ) ᱒᱐᱒᱔ ᱓)ᱩᱰᱟᱹᱱ ᱜᱟᱰᱤ ᱨᱮᱱᱟᱜ ᱠᱟᱛᱷᱟ (ᱵᱟᱝᱞᱟ ᱠᱷᱚᱱ ᱥᱟᱱᱛᱟᱲᱤ) ᱒᱐᱒᱕ ᱥᱟᱯᱲᱟᱣ ᱯᱩᱛᱷᱤ ᱠᱚᱺᱼ ᱑) ᱞᱟᱣᱟ ᱞᱟᱛᱮ ᱼ ᱵᱤᱡᱽᱞᱤ (ᱚᱱᱚᱬᱦᱮ ᱯᱩᱛᱷᱤ ) ᱒᱐᱑᱙ ᱒) ᱚᱞ ᱪᱮᱢᱮᱫ ᱼ ᱯᱚᱰᱤᱛ ᱨᱚᱜᱷᱩᱱᱟᱛᱷ ᱢᱩᱨᱢᱩ ᱒᱐᱒᱕ ᱯᱟᱛᱷᱟᱢ ᱥᱟᱯᱲᱟᱣ ᱺᱼ ᱑) ᱥᱟᱥᱟᱯᱲᱟᱣᱤᱡ ᱼ ᱢᱟᱹᱞᱤ ᱵᱟᱦᱟ ᱒᱐᱐᱙ ᱒)ᱥᱟᱥᱟᱯᱲᱟᱣ ᱼ ᱥᱯᱷᱩᱞᱤᱝᱜᱚ ᱒᱐᱑᱔ ᱓) ᱜᱚᱲᱚ ᱥᱟᱥᱟᱯᱲᱟᱣ ᱼ ᱥᱮᱢᱞᱮᱫ ᱥᱟᱠᱣᱟ ᱒᱐᱐᱙ ᱔) ᱜᱚᱲᱚ ᱥᱟᱥᱟᱯᱲᱟᱣ ᱼ ᱠᱷᱮᱨᱣᱟᱞ ᱡᱟᱦᱮᱨ ᱒᱐᱑᱔

ᱥᱟᱶᱛᱟ ᱟᱨ ᱥᱟᱶᱦᱮᱫ ᱜᱟᱶᱛᱟ ᱥᱟᱶ ᱡᱚᱱᱚᱲᱟᱣ

ᱥᱟᱱᱛᱟᱲᱤ ᱯᱟᱨᱥᱤ ᱥᱟᱶᱦᱮᱫ ᱟᱨ ᱚᱞᱪᱤᱠᱤ ᱯᱟᱥᱱᱟᱣ ᱨᱮ ᱟᱥᱮᱠᱟ ᱼᱟᱜ ᱮᱱᱮᱢ ᱫᱚ ᱡᱟᱭᱡᱩᱜᱽ ᱡᱤᱭᱟᱹᱲ ᱛᱟᱸᱦᱮᱱᱟ ᱾ ᱩᱱᱤ ᱫᱚ ᱑᱒ ᱯᱷᱮᱵᱽᱨᱩᱣᱟᱨᱤ ᱒᱐᱐᱒ ᱥᱟᱞ ᱠᱷᱚᱱ ᱒᱐᱒᱖ ᱥᱟᱞ ᱦᱟᱵᱤᱡ ᱵᱟᱨᱚᱯᱟᱭᱟ ᱚᱞ ᱤᱛᱩᱱ ᱟᱥᱲᱟ ᱟᱨ ᱟᱥᱮᱠᱟ ᱦᱟᱛᱠᱟᱴᱟ ᱪᱟᱸᱜᱟ ᱨᱮᱱ ᱯᱟᱨᱥᱮᱫᱼᱮ ᱛᱟᱦᱮᱸ ᱠᱟᱱᱟ ᱾ ᱒᱐᱑᱐ ᱨᱮ ᱩᱱᱤᱭᱟᱜ ᱠᱩᱨᱩᱢᱩᱴᱩ ᱛᱮ ᱨᱟᱱᱤᱵᱟᱸᱫᱽ ᱨᱮ ᱵᱮᱨᱮᱫ ᱞᱮᱱᱟ ``ᱫᱚᱠᱷᱤᱱ ᱵᱟᱸᱠᱩᱲᱟ ᱥᱟᱱᱛᱟᱲᱤ ᱚᱱᱚᱞᱤᱭᱟᱹ ᱜᱟᱶᱛᱟ “ ᱾ᱚᱱᱟ ᱨᱮᱱ ᱮᱛᱚᱦᱚᱵ ᱯᱟᱨᱥᱮᱫ ᱫᱚ ᱞᱚᱠᱷᱚᱱ ᱠᱤᱥᱠᱩ ᱟᱨ ᱥᱩᱛᱨᱮᱫ ᱫᱚ ᱥᱚᱱᱛᱳᱥ ᱠᱩᱢᱟᱨ ᱴᱩᱰᱩ ᱾ ᱒᱐᱑᱔ ᱥᱟᱞ ᱨᱮ ᱳᱰᱤᱥᱟ ᱨᱮᱱᱟᱜ ᱠᱳᱨᱟᱯᱩᱴ ᱨᱮ ᱥᱟᱦᱤᱡᱩᱦᱤ ᱞᱮᱱ All India Santali Writers Association (AISWA) ᱼᱟᱜ ᱥᱮᱨᱢᱟ ᱯᱩᱨᱟᱹᱣ ᱦᱮᱞᱢᱮᱞ ᱨᱮ Executive Member ᱞᱮᱠᱟᱛᱮᱭ ᱵᱟᱪᱟᱦᱟᱣ ᱞᱮᱱᱟ ᱾ ᱒᱐᱑᱘ ᱠᱷᱚᱱ ᱒᱐᱒᱑ ᱥᱟᱞ ᱦᱟᱵᱤᱡ ᱫᱚ All India Santali Writers Association (AISWA) ᱨᱮᱱ ᱡᱚᱜᱚ ᱥᱩᱨᱮᱫ ᱞᱮᱠᱟᱛᱮᱭ ᱛᱟᱸᱦᱮ ᱠᱟᱱᱟ ᱟᱨ ᱒᱐᱒᱑ ᱥᱟᱞ ᱨᱮ ᱡᱷᱲᱠᱷᱚᱱᱰ ᱨᱮᱱᱟᱜ ᱪᱟᱠᱩᱞᱤᱭᱟ ᱨᱮ ᱦᱩᱭ ᱞᱮᱱᱟ ᱥᱮᱨᱢᱟ ᱯᱩᱨᱟᱹᱣ ᱦᱮᱞᱢᱮᱞ ᱨᱮᱫᱚ All India Santali Writers Association (AISWA) ᱨᱮᱱ ᱯᱟᱨᱥᱮᱫ ᱞᱮᱠᱟᱛᱮᱭ ᱵᱟᱪᱷᱱᱟᱣ ᱞᱮᱱᱟ ᱾ ᱢᱟᱲᱛᱮ ᱥᱩᱛᱨᱮᱫ ᱫᱚ ᱴᱟᱴᱟ ᱠᱚᱨᱚᱱᱰᱤ ᱨᱮᱱ ᱨᱚᱵᱤᱱᱫᱨᱚᱱᱟᱛᱷ ᱢᱩᱨᱢᱩ ᱾ ᱒᱐᱒᱓ ᱥᱟᱞ ᱠᱷᱚᱱ ᱒᱐᱒᱗ ᱦᱟᱵᱤᱡ ᱠᱮᱱᱫᱨᱤᱭᱚ ᱥᱟᱦᱤᱛᱭᱚ ᱟᱠᱟᱫᱮᱢᱤ, ᱱᱟᱣᱟ ᱫᱤᱞᱞᱤ ᱨᱮᱭᱟᱜ SANTALI ADVISORY BOARD ᱨᱮᱱ MEMBER ᱞᱮᱠᱟᱛᱮᱭ ᱵᱟᱦᱟᱞ ᱟᱠᱟᱱᱟ ᱾ ᱒ ᱢᱟᱨᱪ ᱒᱐᱒᱕ ᱥᱟᱞ ᱨᱮ ᱞᱚᱠᱷᱚᱱ ᱠᱤᱥᱠᱩ ᱟᱨ ᱫᱩᱨᱜᱟᱫᱟᱥ ᱥᱚᱨᱮᱱ ᱛᱟᱹᱠᱤᱱᱟᱜ ᱩᱫᱽᱜᱟᱹᱣ ᱛᱮ ``ᱵᱟᱸᱠᱩᱲᱟ ᱡᱮᱞᱟ ᱥᱟᱱᱛᱟᱲᱤ ᱚᱱᱚᱞᱤᱭᱟᱹ ᱜᱟᱶᱛᱟ” ᱵᱟᱸᱠᱩᱲᱟ ᱨᱮᱱᱟᱜ ᱨᱟᱲ ᱟᱠᱟᱫᱮᱢᱤ ᱨᱮ ᱵᱮᱨᱮᱫ ᱞᱮᱱᱟ ᱾ ᱚᱱᱟᱨᱮᱱ ᱯᱟᱨᱥᱮᱫ ᱫᱚ ᱢᱚᱞᱤᱱᱫᱚ ᱦᱟᱸᱥᱫᱟ ᱟᱨ ᱥᱚᱛᱨᱮᱫ ᱫᱚ ᱫᱩᱨᱜᱟ ᱪᱚᱨᱚᱱ ᱢᱩᱨᱢᱩ ᱾ ᱚᱱᱟ ᱜᱟᱶᱛᱟ ᱫᱚ ᱵᱟᱸᱠᱩᱲᱟ ᱡᱮᱞᱟ ᱨᱮᱱ ᱚᱱᱚᱞᱤᱭᱟᱹ ᱠᱚ ᱩᱫᱽᱜᱟᱹᱣᱼᱮ ᱪᱟᱞ ᱟᱠᱚᱣᱟ ᱟᱨ All India Santali Writers Association (AISWA) ᱼ ᱟᱜ ᱡᱚᱥ ᱠᱟᱢᱤᱦᱚᱨᱟ ᱠᱚ ᱡᱮᱞᱟ ᱨᱮᱱ ᱚᱱᱚᱞᱤᱭᱟ ᱠᱚᱷᱮᱱᱼᱮ ᱥᱟᱵ ᱨᱟᱠᱟᱵᱟ ᱾ ᱵᱷᱟᱨᱚᱛ ᱵᱟᱦᱨᱮ ᱫᱚᱥᱚᱢ ᱠᱷᱚᱱ ᱥᱚᱨᱠᱟᱨᱤ ᱟᱨ ᱵᱮᱥᱚᱨᱠᱟᱨᱤ ᱟᱭᱢᱟ ᱥᱟᱨᱦᱟᱣ ᱟᱨ ᱢᱟᱹᱱ ᱥᱟᱠᱟᱢᱼᱮ ᱦᱟᱢᱮᱴ ᱟᱠᱟᱫᱟ ᱾

ᱥᱟᱶᱛᱟ ᱠᱟᱹᱢᱤ ᱠᱷᱟᱹᱛᱤᱨ ᱢᱟᱹᱱ ᱥᱟᱠᱟᱢ

᱒᱐᱑᱒ ᱺ ``ᱦᱩᱞᱜᱟᱹᱨᱤᱭᱟᱹ ᱯᱟᱦᱟᱴᱟ ᱞᱚᱠᱷᱚᱱ “ ᱢᱟᱹᱱ ᱥᱟᱠᱟᱢ ᱼ ᱯᱚᱪᱷᱤᱢ ᱵᱟᱝᱞᱟ ᱥᱟᱱᱛᱟᱲᱤ ᱥᱤᱠᱷᱱᱟᱹᱛ ᱨᱩᱠᱷᱤᱭᱟᱹ ᱢᱟᱰᱣᱟ, ᱵᱟᱸᱠᱩᱲᱟ (᱑᱐ᱹ᱑᱐ᱹ᱒᱐᱑᱒) ᱒᱐᱒᱑ ᱺ ᱥᱚᱢᱟᱡᱽ ᱠᱚᱨᱢᱤᱼᱢᱚᱦᱟᱵᱚᱝᱜᱚ ᱥᱟᱦᱤᱭᱚ ᱯᱚᱨᱤᱥᱚᱫᱽ ᱟᱨ ᱪᱮᱨᱤᱴᱮᱵᱚᱞ ᱴᱨᱟᱥᱴ, ᱠᱚᱞᱠᱟᱛᱟ (᱑᱑ᱹ᱑᱒ᱹ᱒᱐᱒᱑) ᱥᱟᱶᱦᱮᱫ ᱪᱮᱛᱟᱱ ᱥᱟᱨᱦᱟᱣ ᱢᱟᱹᱱ ᱥᱟᱠᱟᱢ ᱺ ᱑) ᱒᱐᱑᱕ ᱺ ``ᱥᱟᱶᱟᱨ ᱥᱟᱨᱦᱟᱣᱱᱟ ᱒᱐᱑᱕” ᱼ ᱥᱟᱶᱟᱨ ᱯᱟᱛᱷᱟᱢ ᱠᱩᱢᱩᱴ, ᱠᱷᱮᱨᱣᱟᱞ ᱟᱨᱥᱟᱞ ᱜᱟᱶᱛᱟ, ᱨᱟᱱᱤᱵᱟᱸᱫᱷ, ᱵᱟᱸᱠᱩᱲᱟ (᱒᱑ᱹ᱐᱕ᱹ᱒᱐᱑᱕) ᱒) ᱒᱐᱑᱘ ᱺ `` ᱠᱚᱵᱤ ᱥᱟᱨᱚᱫᱟ ᱯᱨᱚᱥᱫᱽ ᱠᱤᱥᱠᱩ ᱩᱱᱩᱭᱦᱟᱹᱨ ᱥᱤᱨᱯᱟᱹ ᱒᱐᱑᱖ᱼ᱑᱗’ ᱯᱚᱪᱷᱤᱢ ᱵᱚᱝᱜᱚ ᱥᱟᱱᱛᱟᱞᱤ ᱟᱠᱟᱫᱮᱢᱤ, ᱟᱹᱫᱤᱵᱟᱥᱤ ᱩᱛᱱᱟᱹᱣ ᱵᱤᱵᱷᱟᱜᱽ , ᱯᱚᱥᱪᱤᱢ ᱵᱚᱝᱜᱚ ᱥᱚᱨᱠᱟᱨ (᱑᱐ᱹ᱐᱓ᱹ᱒᱐᱑᱘) ᱓) ᱒᱐᱑᱘ ᱺ ᱵᱷᱟᱨᱚᱛ ᱡᱟᱠᱟᱛ ᱥᱟᱱᱛᱟᱞᱤ ᱚᱱᱚᱞᱤᱭᱟᱹ ᱜᱟᱶᱛᱟ, ᱡᱷᱟᱲᱜᱨᱟᱢ, ᱯᱚᱪᱷᱤᱢᱵᱟᱝᱞᱟ (᱑᱗ᱹ᱑᱑ᱹ᱒᱐᱑᱘) ᱔) ᱒᱐᱑᱘ ᱺ ᱫᱚᱠᱷᱤᱱ ᱵᱟᱸᱠᱩᱲᱟ ᱥᱟᱱଠᱟᱞᱤ ᱚᱢᱚᱞᱤᱭᱟᱹ ᱜᱟᱶᱛᱟ , ᱨᱟᱱᱤᱵᱟᱸᱫᱷ, ᱵᱟᱸᱠᱩᱲᱟ ( ᱑᱘ᱹ᱐᱓ᱹ᱒᱐᱑᱘) ᱕) ᱒᱐᱒᱐ ᱢᱟᱨᱥᱟᱞ ᱜᱟᱶᱛᱟ ᱱᱚᱨᱛᱷ ᱜᱷᱳᱥᱯᱟᱲᱟ, ᱵᱟᱞᱤ, ᱦᱟᱣᱲᱟ (᱒᱒ᱹ᱑᱒ᱹ᱒᱐᱒᱐) ᱖) ᱒᱐᱒᱑ “ ᱥᱟᱫᱷᱩᱨᱟᱢ ᱪᱟᱸᱫᱽ ᱢᱩᱨᱢᱩ ᱥᱨᱤᱛᱤ ᱯᱩᱨᱚᱥᱠᱟᱨ “ ( ᱟᱹᱫᱤᱵᱟᱥᱤ ᱜᱩᱱᱤᱡᱚᱱ ) ᱒᱐᱒᱐ᱼ᱒᱑, ᱚᱱᱚᱜᱨᱚᱥᱚᱨ ᱥᱨᱮᱱᱤ ᱠᱚᱞᱭᱟᱱ ᱳ ᱟᱫᱤᱵᱟᱥᱤ ᱩᱱᱱᱚᱭᱚᱱ ᱚᱫᱷᱤᱠᱟᱨ , ᱯᱚᱪᱷᱤᱢ ᱵᱚᱝᱜᱚ ᱥᱚᱨᱠᱟᱨ ᱾ (᱑᱒ᱹ᱐᱒ᱹ᱒᱐᱒᱑ ) ᱗) ᱒᱐᱒᱐ ᱯᱚᱥᱪᱤᱢ ᱵᱚᱝᱜᱚ ᱵᱟᱝᱞᱟ ᱥᱟᱦᱤᱛᱛᱭᱚ ᱳ ᱠᱟᱵᱭᱚ ᱯᱚᱨᱤᱥᱚᱫᱽ, ᱠᱚᱞᱠᱟᱛᱟ ᱾ ᱘) ᱒᱐᱒᱐ ᱵᱟᱝᱞᱟ ᱫᱮᱥ , ᱞᱮᱠᱷᱚᱠ ᱯᱚᱨᱤᱵᱟᱨ, ᱰᱷᱟᱠᱟ ᱵᱟᱝᱞᱟᱫᱮᱹᱥ ᱾ ᱙) ᱒᱐᱒᱐ ᱫᱤᱥᱟ ᱥᱟᱶᱦᱮᱫ ᱯᱟᱛᱷᱟᱢ ᱯᱟᱦᱴᱟ ᱠᱷᱚᱱ ᱥᱟᱨᱦᱟᱣ, ᱢᱚᱱᱳᱦᱚᱨᱯᱩᱨ, ᱦᱟᱣᱲᱟ ᱾ ᱑᱐) ᱒᱐᱒᱑ ᱢᱟᱹᱱ ᱥᱟᱠᱟᱢ ᱵᱚᱸᱜᱟ ᱢᱟᱹᱭ ᱠᱞᱟᱵᱽ, ᱡᱷᱟᱨᱟᱜᱮᱲᱤᱭᱟ, ᱡᱷᱟᱲᱜᱨᱟᱢ (᱑᱐ᱹ᱐᱓ᱹ᱒᱐᱒᱑) ᱑᱑) ᱒᱐᱒᱑ ᱺ ᱵᱷᱟᱨᱚᱛ ᱡᱟᱠᱟᱛ ᱥᱟᱱᱛᱟᱲᱤ ᱚᱱᱚᱞᱤᱭᱟᱹ ᱜᱟᱶᱛᱟ ( ᱒᱙ᱹ᱐᱑ᱹ᱒᱐᱒᱒) ᱑᱒) ᱒᱐᱒᱒ ᱠᱚᱵᱤ ᱥᱟᱨᱚᱫᱟ ᱯᱨᱚᱥᱟᱫᱽ ᱠᱤᱥᱠᱩ ᱥᱨᱤᱛᱤ ᱯᱩᱨᱚᱥᱠᱟᱨᱼ᱒᱐᱒᱒, ᱡᱟᱱᱟᱢ ᱫᱤᱥᱚᱢ ᱩᱛᱱᱟᱹᱣ ᱜᱟᱶᱛᱟ, ᱡᱟᱢᱛᱳᱲᱤᱭᱟᱹ, ᱯᱩᱨᱩᱞᱤᱭᱟ (᱐᱘ᱹ᱑᱐ᱹ᱒᱐᱒᱒) ᱑᱓) ᱢᱚᱦᱟ ᱵᱚᱝᱜᱚ ᱥᱟᱨᱚᱫᱽ ᱥᱚᱢᱢᱟᱱ, ᱢᱚᱦᱟᱵᱚᱝᱜᱚ ᱢᱚᱧᱪᱚ, ᱠᱚᱞᱠᱟᱛᱟ (᱐᱙ᱹ᱑᱐ᱹ᱒᱐᱒᱑) ᱑᱔) ᱡᱚᱝᱜᱚᱞ ᱢᱚᱦᱚᱞ ᱥᱟᱦᱤᱛᱭᱚ ᱥᱚᱢᱢᱟᱱ, ᱯᱚᱥᱪᱤᱢ ᱵᱚᱝᱜᱚ ᱵᱟᱝᱞᱟ ᱟᱠᱟᱫᱮᱢᱤ, ᱛᱚᱛᱷᱭᱚ ᱳ ᱥᱚᱝᱥᱠᱨᱤᱛ ᱵᱤᱵᱷᱟᱜᱽ, ᱯᱚᱪᱷᱤᱢ ᱵᱚᱝᱜᱚ ᱥᱚᱨᱠᱟᱨ, ᱠᱚᱞᱠᱟᱛᱟ (᱑᱔ᱹ᱑᱒ᱹ᱒᱐᱒᱔) ᱑᱕) ᱒᱐᱒᱕ ᱵᱤᱢᱟᱱ ᱢᱟᱦᱟᱛᱚ ᱥᱨᱤᱛᱤ ᱥᱚᱢᱢᱟᱱ , ᱯᱚᱪᱷᱤᱢ ᱵᱚᱝᱜᱚ ᱥᱟᱦᱤᱛᱭᱚ ᱯᱚᱨᱤᱥᱚᱫᱽ, ᱡᱷᱟᱲᱜᱨᱟᱢ, ( ᱒᱓ᱹ᱐᱑ᱹ᱒᱐᱒᱕) ᱑᱖) ᱒᱐᱒᱕ Dr. Lakshman Kisku is awarded the Honorary Degree Of Doctorate in Literature and Education from Frankford International University. 100 N Howards ST, United State Of America (26.04.2025) ᱑᱗) ᱒᱐᱒᱕ ᱯᱚᱱᱰᱤᱛ ᱨᱚᱜᱷᱩᱱᱟᱛᱷ ᱢᱩᱨᱢᱩ ᱥᱟᱨᱦᱟᱣ ᱥᱟᱠᱟᱢ, ᱢᱚᱦᱟᱛᱢᱟ ᱜᱟᱱᱫᱷᱤ ᱠᱚᱞᱮᱡᱽ, ᱞᱟᱞᱯᱩᱨ, ᱯᱩᱨᱩᱞᱤᱭᱟ, ᱯᱚᱪᱷᱤᱢ ᱵᱟᱝᱞᱟ (᱐᱕ᱹ᱐᱕ᱹ᱒᱐᱒᱕) ᱾ ᱰᱨᱹ ᱞᱚᱠᱷᱚᱱ ᱠᱤᱥᱠᱩ ᱫᱚ ᱥᱟᱱᱛᱟᱲ ᱥᱟᱶᱛᱟ, ᱥᱟᱶᱦᱮᱫ ᱟᱨ ᱥᱮᱪᱮᱫ ᱪᱮᱛᱟᱱ ᱨᱮᱭ ᱠᱟᱹᱢᱤ ᱠᱟᱱᱟ ᱾ ᱩᱱᱤ ᱫᱚ ᱱᱤᱛ ᱦᱚᱸ ᱵᱷᱟᱨᱚᱛ ᱡᱟᱠᱟᱛ ᱥᱟᱱᱛᱟᱲᱤ ᱚᱱᱚᱞᱤᱭᱟᱹ ᱜᱟᱶᱛᱟ ᱨᱮᱱ ᱯᱟᱨᱥᱮᱫ ᱞᱮᱠᱟᱛᱮ ᱥᱟᱶᱦᱮᱫ ᱞᱟᱦᱟᱱᱛᱤ ᱨᱮ ᱡᱚᱯᱲᱟᱣ ᱢᱮᱱᱟᱭᱟ ᱾

ᱵᱟᱦᱨᱮ ᱡᱚᱱᱚᱲ

᱑ᱹ https://epaper.prabhatkhabar.com/ranchi/ranchi-city/2025-12-30/3 ᱒ᱹ https://epaper.prabhatkhabar.com/jamshedpur/jamshedpur-city/2024-12-29/7