ᱞᱟᱠᱪᱟᱨ ᱟᱨ ᱪᱟᱸᱫᱚᱠᱤᱭᱟ. ᱫᱷᱚᱨᱚᱢ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search

ᱞᱟᱠᱪᱟᱨ ᱟᱨ ᱪᱟᱸᱫᱚᱠᱤᱭᱟ. ᱫᱷᱚᱨᱚᱢ(culture and menstruation)


ᱪᱟᱸᱫᱚᱠᱤᱭᱟ. ᱫᱷᱚᱨᱚᱢ ᱚᱠᱛᱚ ᱨᱮ ᱮᱱᱮᱡ ᱠᱟᱱ ᱠᱤᱱ ᱵᱟᱨᱭᱟ ᱛᱤᱨᱞᱟ.


ᱪᱟᱸᱫᱚᱠᱤᱭᱟ. ᱫᱷᱚᱨᱚᱢ ᱫᱚ ᱢᱤᱫ ᱱᱚᱝᱠᱟᱱ ᱜᱷᱚᱴᱚᱱ ᱠᱟᱱᱟ, ᱡᱟᱦᱟᱸ ᱫᱚ ᱠᱩᱲᱤ ᱦᱚᱯᱚᱱ ᱠᱚ ᱞᱟ.ᱜᱤᱫ ᱫᱚ ᱟᱞᱟᱫᱟ ᱜᱮᱭᱟ ᱾ ᱢᱮᱱ ᱞᱮᱠᱷᱟᱱ ᱱᱚᱣᱟ ᱫᱚ ᱞᱮᱛᱟᱲ ᱜᱮ ᱵᱟᱨᱚᱱ ᱟᱨ ᱵᱟᱛᱚᱲ ᱞᱮᱠᱟᱱ ᱠᱟᱛᱷᱟ ᱛᱮ ᱜᱷᱮᱨᱟᱣ ᱮᱥᱮᱫ ᱠᱟᱛᱮ ᱢᱮᱱᱟᱜᱼᱟ ᱡᱟᱦᱟᱸ ᱫᱚ ᱛᱤᱨᱞᱟ. ᱠᱚ ᱥᱟᱶᱛᱟᱨᱤ ᱟᱨ ᱞᱟᱠᱪᱟᱨᱤᱭᱟ. ᱡᱤᱭᱚᱱ ᱨᱮᱭᱟᱜ ᱟ.ᱰᱤ ᱞᱮᱠᱟᱱ ᱛᱟᱠ ᱛᱚᱦᱚᱨ ᱠᱷᱚᱱ ᱥᱟᱦᱟ ᱨᱮᱭ ᱫᱚᱦᱚ ᱠᱚᱣᱟ ᱾ ᱵᱷᱟᱨᱚᱛ ᱨᱮ ᱱᱚᱣᱟ ᱥᱟᱛᱟᱢ ᱫᱚ ᱛᱮᱦᱮᱧ ᱫᱷᱟ.ᱵᱤᱡ ᱵᱟᱨᱚᱱ ᱨᱮᱜᱮ ᱢᱮᱱᱟᱜᱼᱟ ᱾ ᱩᱭᱦᱟ.ᱨ ᱵᱷᱟᱵᱽᱱᱟ, ᱚᱱᱛᱚᱨ ᱢᱚᱱᱮ, ᱡᱤᱭᱚᱱ ᱛᱚᱦᱚᱨ ᱟᱨ ᱡᱚᱛᱚ ᱠᱷᱚᱱ ᱢᱟᱨᱟᱝ ᱠᱟᱛᱷᱟ ᱦᱚᱲᱢᱚ ᱪᱮᱛᱟᱱ ᱨᱮ ᱚᱨᱥᱚᱝ ᱯᱟᱲᱟᱣᱜᱼᱟ ᱾ ᱛᱤᱨᱝᱟ. ᱠᱚᱣᱟᱜ ᱪᱟᱸᱫᱚᱠᱤᱭᱟ. ᱫᱷᱚᱨᱚᱢ ᱪᱟᱨᱠᱷᱟ ᱫᱚ ᱥᱤᱨᱠᱚᱱ ᱨᱮᱭᱟᱜ ᱢᱤᱫ ᱥᱟ.ᱨᱤ ᱦᱤᱥ ᱨᱮᱭᱟᱜ ᱪᱟᱨᱠᱷᱟ ᱠᱟᱱᱟ ᱾ ᱡᱟᱦᱟᱸ ᱫᱚ ᱠᱚᱞᱮ ᱠᱩᱠᱷᱤ ᱠᱷᱚᱱ ᱢᱟᱭᱟᱢ ᱫᱟᱜ ᱦᱚᱨ ᱥᱮᱫ ᱛᱮ ᱚᱰᱚᱠᱚᱜᱼᱟ ᱾ ᱱᱚᱣᱟ ᱫᱚ ᱢᱤᱫ ᱯᱩᱨᱠᱩᱛ ᱪᱟᱞᱟᱣᱱᱟ ᱠᱟᱱᱟ ᱡᱟᱦᱟᱸ ᱫᱚ ᱵᱟ.ᱲᱛᱤ ᱞᱮᱠᱟᱛᱮ ᱑᱑ ᱠᱷᱚᱱ ᱑᱔ ᱥᱮᱨᱢᱟ ᱵᱚᱭᱚᱥ ᱨᱤᱱ ᱠᱩᱲᱤ ᱜᱤᱫᱽᱨᱟ. ᱠᱚ ᱛᱟᱞᱟᱨᱮ ᱮᱛᱚᱦᱚᱵᱚᱜᱼᱟ ᱟᱨ ᱱᱚᱣᱟ ᱠᱷᱚᱱ ᱡᱩᱣᱟ.ᱱ ᱚᱠᱛᱚ ᱮᱛᱚᱦᱚᱵᱚᱜ ᱨᱮᱭᱟᱜ ᱩᱱᱩᱫᱩᱜ ᱠᱷᱚᱱ ᱢᱤᱫᱴᱟ.ᱝ ᱠᱟᱱᱟ ᱾ ᱪᱟᱸᱫᱚᱠᱤᱭᱟ. ᱫᱷᱚᱨᱚᱢ ᱥᱟᱶ ᱚᱠᱛᱚ ᱠᱚ ᱠᱷᱮᱢᱟᱣ ᱮᱫ ᱠᱩᱲᱤ ᱜᱤᱫᱽᱨᱟ. ᱟᱨ ᱛᱤᱨᱞᱟ. ᱠᱚ ᱟᱵᱚᱣᱟᱜ ᱥᱟᱶᱛᱟ ᱨᱤᱱ ᱥᱟᱶᱛᱟ ᱪᱟᱪᱞᱟᱣ ᱦᱚᱲ ᱠᱚ ᱥᱩᱨ ᱥᱩᱯᱩᱨ ᱨᱮ ᱦᱩᱭᱩᱜ ᱠᱟᱱ ᱥᱟᱶᱛᱟᱨᱤ ᱟᱨ ᱞᱟᱠᱪᱟᱨᱮᱛ ᱡᱤᱭᱚᱱ ᱨᱮᱭᱟᱜ ᱟ.ᱰᱤ ᱞᱮᱠᱟᱱ ᱴᱚᱴᱷᱟ ᱠᱷᱚᱱ ᱵᱟᱨᱚᱱ ᱠᱟᱛᱮ ᱠᱚ ᱵᱟᱦᱮᱨ ᱠᱚᱣᱟ ᱾ ᱡᱟᱦᱟᱸ ᱛᱤᱱ ᱡᱚᱦᱚᱜ ᱱᱚᱣᱟ ᱫᱚ ᱚᱱᱠᱟᱱ ᱚᱠᱛᱚ ᱦᱩᱭ ᱠᱚᱜᱼᱟ ᱡᱟᱦᱟᱸ ᱵᱮᱲᱟᱨᱮ ᱩᱠᱩᱣᱟᱜ ᱵᱟ.ᱲᱛᱤ ᱡᱚᱛᱚᱱ ᱛᱤᱠᱷᱪᱟ. ᱨᱮᱭᱟᱜ ᱞᱟ.ᱠᱛᱤ ᱢᱮᱱᱟᱜᱼᱟ ᱾

ᱵᱷᱟᱨᱚᱛ ᱨᱮ ᱪᱟᱸᱫᱚᱠᱤᱭᱟ. ᱫᱷᱚᱨᱚᱢ ᱚᱠᱛᱚ ᱨᱮ ᱛᱤᱨᱞᱟ. ᱟᱨ ᱠᱩᱲᱤ ᱜᱤᱫᱽᱨᱟᱹ ᱠᱚᱣᱟᱜ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱷᱟᱨᱚᱛ ᱨᱮ ᱱᱚᱣᱟ ᱥᱟᱛᱟᱢ ᱫᱚ ᱟ.ᱰᱤ ᱯᱟ.ᱦᱤᱞ ᱠᱷᱚᱱ ᱜᱮ ᱵᱟᱨᱚᱱ ᱦᱮᱡ ᱟ.ᱜᱩ ᱟᱠᱟᱱᱟ ᱾ ᱪᱮᱫᱟᱜ ᱥᱮ ᱦᱤᱱᱫᱩ ᱞᱟᱠᱪᱟᱨ ᱨᱮᱭᱟᱜ ᱱᱟᱜᱟᱢ ᱨᱮ ᱢᱤᱫ ᱠᱟᱛᱷᱟ ᱡᱩᱲᱟ.ᱭ ᱠᱟᱛᱮ ᱢᱮᱱᱟᱜᱼᱟ ᱾ ᱚᱱᱟ ᱞᱮᱠᱟᱛᱮ ᱤᱸᱫᱽᱨᱚ ᱫᱮᱵᱽᱛᱟ ᱟᱜ ᱛᱤᱛᱮ ᱢᱤᱫ ᱵᱟᱵᱽᱬᱮᱭᱟᱜ ᱜᱚᱡ ᱦᱩᱭ ᱞᱮᱱᱟ ᱾ ᱚᱱᱟ ᱜᱚᱡ ᱨᱮᱭᱟᱜ ᱯᱟᱯ ᱞᱮᱠᱟᱛᱮ ᱢᱤᱫ ᱯᱟᱦᱴᱟ ᱫᱚ ᱛᱤᱨᱞᱟ. ᱠᱚ ᱧᱟᱢ ᱠᱮᱜᱼᱟ ᱾ ᱡᱟᱦᱟᱸ ᱠᱷᱟ.ᱛᱤᱨ ᱩᱱᱠᱩᱣᱟᱜ ᱫᱚ ᱪᱟᱸᱫᱚᱠᱤᱭᱟ. ᱫᱷᱚᱨᱚᱢ ᱦᱩᱭᱩᱜᱼᱟ ᱾ ᱡᱟᱦᱟᱸ ᱚᱠᱛᱚ ᱨᱮ ᱩᱱᱠᱩ ᱫᱚ ᱵᱟ.ᱥᱚᱱᱚᱛ ᱢᱮᱱᱛᱮ ᱠᱚ ᱢᱟᱱᱟᱣ ᱫᱩᱥᱟ.ᱣ ᱠᱚᱣᱟ ᱾ ᱱᱚᱣᱟ ᱵᱟ.ᱥᱚᱱᱚᱛ ᱮᱛᱮᱫ ᱠᱷᱟ.ᱛᱤᱨ ᱜᱮ ᱩᱱᱠᱩ ᱫᱚ ᱵᱚᱸᱜᱟ ᱵᱳᱨᱳ ᱫᱷᱚᱨᱚᱢ ᱠᱟ.ᱢᱤ ᱨᱮ ᱫᱟᱣ ᱦᱟᱛᱟᱣ ᱞᱟ.ᱜᱤᱫ ᱫᱚ ᱵᱟᱨᱚᱱ ᱨᱮᱠᱚ ᱛᱟᱦᱮᱸᱱᱟ ᱾ ᱫᱚᱥᱟᱨ ᱮᱛᱮᱫ : ᱦᱤᱱᱫᱩ ᱫᱮᱵᱤ ᱫᱮᱵᱽᱛᱟ ᱠᱚᱣᱟᱜ ᱢᱟᱱᱛᱟᱨ ᱵᱟᱠᱷᱮᱬ ᱫᱚ ᱥᱟᱸᱥᱠᱨᱤᱴ ᱛᱮ ᱢᱮᱱᱟᱜᱼᱟ ᱾ ᱡᱟᱦᱟᱸ ᱯᱟᱲᱦᱟᱣ ᱞᱟ.ᱜᱤᱫ ᱵᱟᱝ ᱨᱟ.ᱯᱩᱫ ᱚᱠᱛᱚ ᱞᱟ.ᱠᱛᱤᱜᱼᱟ ᱾ ᱤᱠᱷᱟ.ᱱ ᱪᱟᱸᱫᱚᱠᱤᱭᱟ. ᱫᱷᱚᱨᱚᱢ ᱪᱟᱞᱟᱜ ᱢᱟᱦᱟᱸᱨᱮ ᱛᱤᱨᱞᱟ. ᱟᱨᱵᱟᱝ ᱠᱩᱲᱤ ᱜᱤᱫᱽᱨᱟᱹ ᱵᱟᱝ ᱥᱟᱦᱟᱣ ᱫᱟᱲᱮᱭᱟᱜ ᱞᱮᱠᱟ ᱦᱟᱨᱠᱮᱛ ᱠᱚ ᱥᱟᱢᱟᱝᱼᱟ ᱾ ᱡᱟᱦᱟᱸ ᱠᱷᱟ.ᱛᱤᱨ ᱩᱱᱠᱩᱣᱟᱜ ᱫᱷᱮᱭᱟᱜ ᱵᱚᱸᱜᱟ ᱵᱳᱨᱳ ᱠᱟ.ᱢᱤ ᱨᱮ ᱵᱟᱝ ᱛᱟᱦᱮᱸ ᱛᱷᱤᱨᱩᱜᱼᱟ ᱾ ᱡᱩᱫᱤ ᱢᱚᱱᱮ ᱢᱩᱠᱨᱩᱲ ᱠᱟᱛᱮ ᱵᱚᱸᱜᱟ ᱵᱳᱨᱳ ᱠᱟ.ᱢᱤ ᱨᱮᱭ ᱫᱩᱲᱩᱵ ᱜᱚᱫᱚᱜ ᱨᱮᱦᱚᱸ ᱦᱩᱲᱟ.ᱜ ᱦᱩᱭᱩᱜ ᱟᱨ ᱯᱟᱯ ᱞᱟᱜᱟᱣᱜ ᱨᱮᱭᱟᱜ ᱵᱚᱛᱚᱨ ᱛᱟᱦᱮᱸᱱᱟ ᱾ ᱱᱚᱣᱟ ᱠᱚᱨᱮ ᱠᱷᱚᱱ ᱫᱩᱜ ᱵᱟᱧᱪᱟᱣᱜ ᱞᱟ.ᱜᱤᱫ ᱩᱱᱠᱩ ᱫᱚ ᱡᱟᱸᱜᱮ ᱫᱟᱨᱟᱢ ᱨᱮᱠᱚ ᱛᱟᱦᱮᱸᱱᱟ ᱾

ᱵᱟᱨᱚᱱ ᱨᱮᱭᱟᱜ ᱮᱛᱮᱫ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱪᱟᱸᱫᱚᱠᱤᱭᱟ. ᱫᱷᱚᱨᱚᱢ ᱚᱠᱛᱚ ᱨᱮ ᱵᱚᱸᱜᱟ ᱛᱷᱟᱱ ᱠᱷᱩᱸᱫᱽᱲᱤ ᱨᱮ ᱵᱟᱝ ᱵᱚᱞᱚᱱ ᱫᱚ ᱵᱟᱡᱟᱨ ᱨᱤᱱ ᱠᱩᱲᱤ ᱠᱚ ᱞᱟ.ᱜᱤᱫ ᱵᱟᱨᱚᱱ ᱜᱮᱭᱟ ᱛᱤᱱ ᱡᱚᱦᱚᱜ ᱫᱟᱠᱟ ᱚᱲᱟᱜ ᱨᱮ ᱵᱟᱝ ᱵᱚᱞᱚᱱ ᱫᱚ ᱟ.ᱛᱩ ᱠᱩᱲᱤ ᱠᱚᱣᱟᱜ ᱵᱟ.ᱲᱛᱤ ᱞᱮᱠᱟᱛᱮ ᱵᱟᱨᱚᱱ ᱛᱟᱦᱮᱸᱱᱟ ᱾ ᱪᱟᱸᱫᱚᱠᱤᱭᱟ. ᱫᱷᱚᱨᱚᱢ ᱚᱠᱛᱚ ᱨᱮ ᱠᱩᱲᱤ ᱜᱤᱫᱽᱨᱟᱹ ᱟᱨᱵᱟᱝ ᱛᱤᱨᱞᱟ. ᱠᱚ ᱚᱦᱬᱮ ᱟᱨ ᱥᱚᱱᱚᱛ ᱫᱷᱚᱨᱚᱢ ᱯᱩᱛᱷᱤ ᱠᱚ ᱡᱚᱴᱮᱫ ᱨᱮᱭᱟᱜ ᱦᱚᱸ ᱵᱟᱨᱚᱱ ᱛᱟᱦᱮᱸᱱᱟ ᱾ ᱢᱤᱫ ᱯᱚᱲᱦᱚᱱ ᱨᱮ ᱫᱟᱣ ᱦᱟᱛᱟᱣ ᱮᱫ ᱛᱤᱨᱞᱟ. ᱠᱚ ᱱᱚᱣᱟ ᱦᱚᱸ ᱠᱚ ᱞᱟ.ᱭᱟ ᱫᱚ ᱪᱟᱸᱫᱚᱠᱤᱭᱟ. ᱫᱷᱚᱨᱚᱢ ᱚᱠᱛᱚ ᱨᱮᱫᱚ ᱦᱚᱲᱢᱚ ᱠᱷᱚᱱ ᱱᱟᱥᱮ ᱥᱚ ᱟᱨᱵᱟᱝ ᱟᱦᱞᱟ ᱦᱚᱸ ᱚᱰᱚᱠ ᱚᱜᱼᱟ ᱡᱟᱦᱟᱸᱛᱮ ᱥᱟᱧᱪᱟᱣ ᱛᱟᱦᱮᱸᱱ ᱡᱚᱢᱟᱜ ᱮ ᱵᱟ.ᱲᱤᱡᱟ ᱾ ᱟᱨ ᱚᱱᱟᱛᱮ, ᱩᱱᱠᱩ ᱫᱚ ᱟᱪᱟᱨ ᱞᱮᱠᱟᱱ ᱡᱚᱢᱟᱜ ᱡᱤᱱᱤᱥ ᱡᱚᱴᱮᱫ ᱞᱟ.ᱜᱤᱫ ᱫᱟᱣ ᱵᱟ.ᱱᱩᱜᱼᱟ ᱾ ᱤᱠᱷᱟ.ᱱ ᱥᱟᱬᱮᱥᱤᱭᱟ. ᱠᱚᱣᱟᱜ ᱵᱤᱱᱤᱰᱟ.ᱣ ᱞᱮᱠᱟᱛᱮ ᱪᱟᱸᱫᱚᱠᱤᱭᱟ. ᱫᱷᱚᱨᱚᱢ ᱚᱠᱛᱚ ᱨᱮ ᱡᱚᱢᱟᱜ ᱡᱤᱱᱤᱥ ᱠᱷᱟᱨᱟᱯᱚᱜ ᱞᱮᱞᱟᱱᱟᱜ ᱫᱚ ᱪᱮᱫ ᱮᱛᱮᱫ ᱦᱚᱸ ᱵᱟᱝ ᱧᱮᱞ ᱧᱟᱢᱚᱜ ᱠᱟᱱᱟ ᱾

ᱛᱤᱨᱞᱟ. ᱠᱚᱣᱟᱜ ᱡᱤᱭᱚᱱ ᱨᱮ ᱪᱟᱸᱫᱚᱠᱤᱭᱟ. ᱫᱷᱚᱨᱚᱢ ᱥᱟᱶ ᱥᱟ.ᱜᱟ.ᱭ ᱨᱮ ᱢᱟᱨᱮ ᱠᱟᱛᱷᱟ ᱚᱨᱥᱚᱝ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱛᱤᱱᱟ.ᱝ ᱜᱟᱱ ᱞᱟᱠᱪᱟᱨᱮᱛ ᱨᱮ ᱛᱤᱨᱞᱟ. ᱠᱚᱫᱚ ᱟᱠᱚᱣᱟᱜ ᱞᱩᱜᱽᱲᱤ ᱠᱚ ᱪᱟᱸᱫᱚᱠᱤᱭᱟ. ᱫᱷᱚᱨᱚᱢ ᱚᱠᱛᱚ ᱨᱮ ᱵᱟ.ᱲᱤᱡ ᱟᱛᱢᱟ ᱦᱚᱛᱮᱛᱮ ᱵᱮᱵᱷᱟᱨ ᱠᱷᱚᱱ ᱟᱴᱠᱟᱣ ᱠᱷᱟ.ᱛᱤᱨ ᱚᱱᱟ ᱠᱤᱪᱨᱤᱫ ᱠᱚᱫᱚ ᱠᱚ ᱛᱚᱯᱟ ᱜᱤᱰᱤ ᱠᱟᱜᱼᱟ ᱾ ᱥᱩᱨᱤᱱᱟᱢ ᱨᱮ ᱪᱟᱸᱫᱚᱠᱤᱭᱟ. ᱫᱷᱚᱨᱚᱢ ᱢᱟᱭᱟᱢ ᱫᱚ ᱟ.ᱰᱤ ᱵᱚᱛᱚᱨ ᱟᱱ ᱢᱮᱱᱛᱮ ᱠᱚ ᱢᱟᱱᱟᱣᱟ ᱾ ᱟᱨ ᱢᱤᱫ ᱢᱟ.ᱱᱢᱤ ᱡᱚᱡᱚᱢ ᱦᱚᱲ ᱢᱤᱫ ᱵᱟ.ᱲᱤᱡ ᱵᱚᱸᱜᱟ ᱵᱳᱨᱳ ᱦᱚᱨ ᱟᱯᱱᱟᱨ ᱠᱟᱛᱮ ᱪᱟᱸᱫᱚᱠᱤᱭᱟ. ᱫᱷᱚᱨᱚᱢ ᱨᱮ ᱢᱮᱱᱟᱭ ᱛᱤᱨᱞᱟ. ᱟᱨᱵᱟᱝ ᱠᱩᱲᱤ ᱜᱤᱫᱽᱨᱟ. ᱡᱟᱦᱟᱸᱱᱟᱜ ᱮᱴᱠᱮᱴᱚᱬᱮᱭ ᱥᱮᱴᱮᱨ ᱫᱟᱲᱮ ᱟᱭᱟ ᱾ ᱱᱚᱣᱟ ᱦᱚᱸ ᱠᱚ ᱢᱟᱱᱟᱣ ᱵᱟᱛᱟᱣ ᱟᱫᱚ ᱢᱤᱫ ᱛᱤᱨᱞᱟ. ᱢᱤᱫ ᱠᱚᱲᱟ ᱦᱚᱯᱚᱱ ᱪᱮᱛᱟᱱ ᱨᱮ ᱟᱡᱟᱜ ᱟᱸᱥ ᱮ ᱯᱩᱨᱩᱱ ᱞᱟ.ᱜᱤᱫ ᱪᱟᱸᱫᱚᱠᱤᱭᱟ. ᱫᱷᱚᱨᱚᱢ ᱢᱟᱭᱟᱢ ᱮ ᱵᱮᱵᱷᱟᱨ ᱫᱟᱲᱮᱭᱟᱜᱼᱟ ᱾ ᱟᱸᱡᱚᱢ ᱡᱚᱝ ᱠᱟᱛᱷᱟ ᱫᱚ ᱟᱨ ᱦᱚᱸ ᱱᱚᱣᱟ ᱠᱟᱱᱟ ᱡᱮ ᱵᱷᱟᱨᱚᱛ ᱥᱟᱶᱛᱮ ᱮᱥᱤᱭᱟ ᱨᱮ, ᱱᱚᱜ ᱚᱭ ᱱᱚᱝᱠᱟᱱ ᱯᱟ.ᱛᱭᱟ.ᱣ ᱫᱚ ᱱᱤᱛᱚᱜ ᱫᱷᱟ.ᱵᱤᱡ ᱪᱟᱞᱟᱜ ᱠᱟᱱᱟ ᱾ ᱱᱤᱛᱚᱜ ᱫᱷᱟ.ᱵᱤᱡ ᱱᱚᱣᱟ ᱞᱟ.ᱜᱤᱫ ᱪᱮᱫ ᱛᱚᱠᱨᱟᱲ ᱥᱮ ᱥᱟᱬᱮᱥᱤᱭᱟ. ᱠᱚᱣᱟᱜ ᱴᱷᱟ.ᱣᱠᱟ. ᱮᱛᱮᱫ ᱜᱮ ᱪᱮᱫ ᱦᱚᱸ ᱵᱟᱝ ᱧᱮᱞ ᱧᱟᱢᱚᱜ ᱠᱟᱱᱟ ᱾ ᱵᱷᱟᱨᱚᱛ ᱨᱮᱭᱟᱜ ᱛᱤᱱᱟ.ᱝ ᱜᱟᱱ ᱴᱚᱴᱷᱟᱨᱮ, ᱪᱟᱸᱫᱚᱠᱤᱭᱟ. ᱫᱷᱚᱨᱚᱢ ᱮ ᱠᱷᱮᱢᱟᱣ ᱮᱫ ᱠᱩᱲᱤ ᱜᱤᱫᱽᱨᱟᱹ ᱟᱨᱵᱟᱝ ᱛᱤᱨᱞᱟ. ᱦᱚᱛᱮᱛᱮ ᱛᱤᱱᱟ.ᱜ ᱜᱟᱱ ᱡᱚᱢᱟᱜ ᱵᱟᱨᱚᱱ ᱨᱮᱭᱟᱜ ᱦᱚᱸ ᱟ.ᱰᱤ ᱢᱟᱱᱟᱣ ᱵᱟᱛᱟᱣ ᱢᱮᱱᱟᱜᱼᱟ ᱾ ᱡᱟᱦᱟᱸ ᱞᱮᱠᱟ ᱫᱚᱦᱤ, ᱪᱤᱢᱱᱤ ᱟᱨ ᱟᱪᱟᱨ ᱞᱮᱠᱟᱱ ᱡᱚᱡᱚ ᱡᱚᱢᱟᱜ ᱫᱚ ᱡᱚᱴᱮᱫ ᱞᱟ.ᱜᱤᱫ ᱦᱚᱸ ᱠᱚ ᱵᱟᱨᱚᱱ ᱚᱜᱼᱟ ᱾ ᱪᱮᱫᱟᱜ ᱥᱮ ᱱᱚᱣᱟ ᱫᱚ ᱢᱤᱫ ᱱᱚᱝᱠᱟᱱ ᱡᱚᱢᱟᱜ ᱡᱤᱱᱤᱥ ᱠᱟᱱᱟ, ᱡᱟᱦᱟᱸᱛᱮ ᱟ.ᱰᱤ ᱞᱚᱜᱚᱱ ᱤᱱᱯᱷᱮᱠᱥᱚᱱ ᱯᱟᱥᱱᱟᱣᱜ ᱨᱮᱭᱟᱜ ᱵᱚᱛᱚᱨ ᱛᱟᱦᱮᱸᱱᱟ ᱾

ᱱᱚᱝᱠᱟ ᱦᱚᱸ ᱢᱟᱱᱟᱣ ᱵᱟᱛᱟᱣ ᱨᱮ ᱢᱮᱱᱟᱜᱼᱟ ᱚᱛᱮ ᱱᱚᱝᱠᱟᱱ ᱡᱚᱢᱟᱜ ᱡᱤᱱᱤᱥ ᱫᱚ ᱪᱟᱸᱫᱚᱠᱤᱭᱟ. ᱫᱷᱚᱨᱚᱢ ᱞᱤᱸᱜᱤᱱ ᱨᱮ ᱮᱴᱠᱮᱴᱚᱬᱮᱭ ᱟ.ᱜᱩᱭᱟ ᱟᱨ ᱴᱷᱟᱠᱮᱫ ᱦᱚᱸᱭ ᱴᱷᱟᱠᱮᱫ ᱫᱟᱲᱮᱭᱟᱜᱼᱟ ᱾

ᱥᱟᱶᱛᱟ ᱟᱨ ᱞᱟᱠᱪᱟᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱮᱪᱮᱫ

ᱪᱟᱸᱫᱚᱠᱤᱭᱟ. ᱫᱷᱚᱨᱚᱢ ᱨᱮᱭᱟᱜ ᱥᱮᱪᱮᱫ ᱫᱚ ᱵᱟ.ᱲᱛᱤ ᱞᱮᱠᱟᱛᱮ ᱟᱢᱮᱨᱤᱠᱟ ᱨᱮ ᱥᱮᱠᱥ ᱮᱡᱩᱠᱮᱥᱚᱱ ᱚᱠᱛᱚ ᱨᱮ ᱯᱟᱲᱦᱟᱣ ᱦᱩᱭᱩᱜᱼᱟ ᱾ ᱱᱤᱛᱚᱜ ᱱᱚᱣᱟ ᱯᱚᱲᱦᱚᱱ ᱠᱷᱚᱱ ᱵᱟᱰᱟᱭ ᱧᱟᱢᱚᱜ ᱠᱟᱱᱟ ᱫᱚ ᱠᱩᱲᱮ ᱜᱤᱫᱽᱨᱟ. ᱠᱚ ᱪᱟᱸᱫᱚᱠᱤᱭᱟ. ᱫᱷᱚᱨᱚᱢ ᱟᱨ ᱡᱩᱣᱟ.ᱱ ᱚᱠᱛᱚ ᱨᱮᱭᱟᱜ ᱠᱟᱛᱷᱟ ᱦᱟ.ᱴᱤᱧ ᱞᱟ.ᱜᱤᱫ ᱛᱮᱫᱚ ᱡᱚᱛᱚ ᱠᱷᱚᱱ ᱯᱩᱭᱞᱩ ᱨᱮ ᱟᱡᱤᱡ ᱡᱟᱱᱟᱢ ᱟᱭᱳᱭ ᱵᱟᱪᱷᱚᱱ ᱮᱭᱟ ᱾ ᱢᱤᱫ ᱱᱟᱭᱡᱤᱨᱤᱭᱟ ᱯᱚᱲᱦᱚᱱ ᱫᱚ ᱪᱟᱸᱫᱚᱠᱤᱭᱟ. ᱥᱮᱪᱮᱫ ᱫᱷᱚᱨᱚᱢ ᱨᱮ ᱞᱟᱛᱟᱨ ᱨᱮ ᱢᱮᱱᱟᱜ ᱛᱤᱱᱟ.ᱝ ᱜᱟᱱ ᱵᱤᱱᱤᱥᱲᱤᱭ ᱩᱫᱩᱜ ᱥᱚᱫᱚᱨ ᱟᱠᱟᱜᱼᱟ ᱺ " ᱕᱖% ᱨᱤᱱ ᱟᱭᱳᱼᱵᱟᱵᱟ, ᱕᱓% ᱨᱤᱱ ᱡᱚᱴᱟᱣ, ᱔᱖% ᱫᱚ ᱯᱚᱛᱚᱵ ᱠᱚ, ᱔᱔% ᱫᱚ ᱢᱟᱪᱮᱛ, ᱔᱕% ᱫᱚ ᱤᱱᱴᱚᱨᱱᱮᱴ, ᱟᱨ ᱕᱔% ᱫᱚ ᱦᱚᱲᱢᱚᱥᱟᱶᱟᱨ ᱛᱟᱞᱢᱟ" ᱨᱮᱭᱟᱜ ᱢᱟᱵᱽᱞᱟ ᱨᱮ ᱡᱚᱛᱚ ᱠᱷᱚᱱ ᱵᱟ.ᱲᱛᱤ ᱚᱨᱥᱚᱝ ᱵᱟᱡᱟᱣᱜᱼᱟ ᱪᱟᱸᱫᱚᱠᱤᱭᱟ. ᱫᱷᱚᱨᱚᱢ ᱥᱮᱪᱮᱫ ᱾ ᱪᱟᱸᱫᱚᱠᱤᱭᱟ. ᱫᱷᱚᱨᱚᱢ ᱤᱫᱤ ᱠᱟᱛᱮ ᱥᱟᱯᱷᱟ ᱟᱨ ᱴᱷᱟ.ᱣᱠᱟ. ᱥᱟᱺᱦᱤᱡ ᱵᱟᱰᱟᱭ ᱞᱟ.ᱜᱤᱫ ᱜᱤᱫᱽᱨᱟ. ᱟᱨ ᱦᱟᱨᱟᱛᱚᱨᱟ ᱠᱚ ᱪᱟᱞ ᱟᱠᱚ ᱞᱟ.ᱜᱤᱫ ᱫᱚ ᱢᱤᱫ ᱱᱟᱯᱟᱭ ᱥᱮᱪᱮᱫ ᱠᱟ.ᱢᱤᱦᱚᱨᱟ ᱨᱮᱭᱟᱜ ᱞᱟ.ᱠᱛᱤ ᱢᱮᱱᱟᱜᱼᱟ ᱾

ᱟᱨ ᱦᱚᱸ ᱧᱮᱞ ᱢᱮ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

https://en.m.wikipedia.org/wiki/Arunachalam_Muruganantham

https://en.m.wikipedia.org/wiki/Female_cosmetic_coalitions

https://en.m.wikipedia.org/wiki/Grandmother_hypothesishttps://en.m.wikipedia.org/wiki/Grandmother_hypothesishttps://en.m.wikipedia.org/wiki/Grandmother_hypothesis

https://en.m.wikipedia.org/wiki/Menophilia

https://en.m.wikipedia.org/wiki/Menstrual_hygiene_day

https://en.m.wikipedia.org/wiki/Tampon_tax

https://en.m.wikipedia.org/wiki/The_Story_of_Menstruation

https://en.m.wikipedia.org/wiki/Vagina_and_vulva_in_art

ᱥᱟ.ᱠᱷᱭᱟ.ᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

http://www.metaformia.org/articles/emergence-of-metaformic-consciousness/

https://books.google.com/books?id=YvxLmta7Yb0C&pg=PA232

https://www.ncbi.nlm.nih.gov/pubmed/5419031

https://doi.org/10.1016%2Fs0895-4356%2899%2900202-4

https://books.google.com/?id=W1LAL2MzfOEC&pg=PA78&dq=menstruation+as+powerful#v=onepage&q=menstruation+as+powerful&f=false

ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

http://www.mum.org/

http://www.arhp.org/healthcareproviders/resources/menstruationresources/index.cfm/