ᱞᱤᱢᱵᱩ ᱦᱚᱲ

ᱭᱟᱠᱛᱷᱩᱝ (Yakthung)
ᤕᤠᤰᤌᤢᤱ
	ᱨᱮᱫ:Hongkong limbu chasok.jpg ᱪᱟᱥᱳᱠ ᱛᱟᱝᱱᱟᱢ (chasok tangnam) ᱯᱟᱨᱟᱵᱽ ᱢᱟᱱᱟᱣ ᱮᱫ ᱞᱤᱢᱵᱩ ᱦᱚᱲ ᱠᱚ
ᱜᱩᱴ ᱦᱚᱲ ᱮᱞ
	Nepal India Bhutan UK
ᱰᱷᱮᱨ ᱧᱚᱜ ᱦᱚᱲ ᱮᱞ ᱢᱮᱱᱟᱜ ᱠᱚ ᱴᱚᱴᱷᱟ
Nepal: ᱔,᱑᱔,᱗᱐᱔ (᱒᱐᱒᱑) ᱠᱳᱥᱤ: ᱓,᱘᱗,᱕᱑᱕ ᱢᱚᱫᱷᱮᱥ: ᱕᱒᱘ ᱵᱟᱜᱽᱢᱚᱛᱤ: ᱒᱓,᱘᱙᱓ ᱜᱚᱱᱰᱚᱠᱤ: ᱑,᱔᱙᱓ ᱞᱩᱢᱵᱤᱱᱤ: ᱖᱔᱒ ᱠᱚᱨᱱᱟᱞᱤ: ᱒᱒᱑ ᱥᱩᱫᱩᱨᱯᱟᱥᱪᱷᱤᱢ: ᱔᱑᱒ Bhutan: ᱑,᱘᱐᱐	India: ᱑,᱖᱓,᱐᱐᱐ (᱒᱐᱑᱑) ᱥᱤᱠᱠᱤᱢ: ᱖᱐,᱐᱐᱐ ᱯᱚᱪᱷᱤᱢ ᱵᱟᱝᱞᱟ: ᱕᱖,᱐᱐᱐ ᱟᱥᱟᱢ: ᱓᱗,᱐᱐᱐ ᱩᱛᱛᱚᱨᱟᱠᱷᱚᱸᱰ: ᱑,᱘᱐᱐ ᱢᱮᱜᱷᱟᱞᱚᱭ: ᱑,᱒᱐᱐ ᱢᱚᱬᱤᱯᱩᱨ: ᱑,᱑᱐᱐ ᱚᱨᱩᱬᱟᱪᱚᱞ: ᱑᱐᱐᱐ UK: ᱑᱕,᱐᱐᱐ (᱒᱐᱑᱕)
ᱯᱟᱹᱨᱥᱤ ᱠᱚ
	ᱞᱤᱢᱵᱩ ᱯᱟᱹᱨᱥᱤ ᱮᱴᱟᱜ ᱠᱚ ᱱᱮᱯᱟᱞᱤ
ᱫᱷᱚᱨᱚᱢ
	ᱡᱟᱹᱥᱛᱤ: ᱠᱤᱨᱟᱛ ᱢᱩᱱᱫᱷᱩᱢ ᱘᱑%; ᱠᱚᱢ: ᱦᱤᱱᱫᱩ ᱫᱷᱚᱨᱚᱢ ᱑᱔%, ᱤᱥᱟᱹᱭ ᱫᱷᱚᱨᱚᱢ ᱕%
ᱥᱩᱯᱩᱨ ᱥᱟᱹᱜᱟᱹᱭᱟᱱ ᱡᱟᱹᱛ ᱠᱚ
	ᱭᱟᱠᱠᱷᱟ; ᱨᱟᱭ; ᱞᱮᱯᱪᱟ; ᱫᱷᱤᱢᱟᱞ; ᱮᱴᱟᱜ ᱪᱤᱱ-ᱛᱤᱵᱵᱚᱛᱤ ᱦᱚᱲ ᱠᱚ;

ᱞᱤᱢᱵᱩ (ᱞᱤᱢᱵᱩ: ᤕᤠᤰᤌᤢᤱ) ᱠᱚᱫᱚ ᱥᱟᱢᱟᱝ ᱱᱮᱯᱟᱞ, ᱠᱚᱧᱮᱼᱥᱟᱢᱟᱝ ᱥᱤᱧᱚᱛ ᱟᱨ ᱯᱟᱪᱮ ᱵᱷᱩᱴᱟᱱ ᱨᱮᱱᱟᱜ ᱦᱤᱢᱟᱞᱚᱭ ᱴᱚᱴᱷᱟ ᱨᱤᱱ ᱢᱤᱫ ᱢᱩᱲᱩᱛ ᱪᱤᱱᱼᱛᱤᱵᱵᱚᱛᱤ ᱟᱹᱫᱤᱵᱟᱹᱥᱤ ᱜᱩᱴ ᱠᱟᱱᱟ ᱠᱚ ᱾ ᱥᱤᱧᱚᱛ ᱨᱮ, ᱞᱤᱢᱵᱩ ᱠᱚᱫᱚ ᱥᱤᱠᱠᱤᱢ, ᱟᱥᱟᱢ, ᱱᱟᱜᱟᱞᱮᱱᱰ ᱟᱨ ᱯᱚᱪᱷᱤᱢ ᱵᱟᱝᱞᱟ ᱨᱮᱱᱟᱜ ᱠᱚᱸᱭᱮ ᱦᱟᱹᱴᱤᱧ ᱨᱮ ᱠᱚ ᱛᱟᱦᱮᱸᱱᱟ ᱾^[᱑]^[᱒]^[᱓]

ᱥᱩᱵᱵᱟ ᱫᱚ ᱥᱟᱦ ᱨᱟᱡᱟ ᱠᱚ ᱦᱚᱛᱮᱛᱮ ᱠᱷᱟᱞᱤ ᱞᱤᱢᱵᱩ ᱟᱹᱛᱩ ᱢᱩᱠᱷᱤᱭᱟᱹ ᱠᱚ ᱮᱢᱟ ᱟᱠᱟᱫ ᱠᱚ ᱢᱤᱫ ᱩᱯᱟᱹᱫᱷᱤ ᱠᱟᱱᱟ ᱾^[᱔] ᱥᱩᱵᱵᱟ ᱟᱹᱲᱟᱹ ᱫᱚ ᱞᱤᱢᱵᱩ ᱠᱚᱣᱟᱜ ᱢᱟᱨᱮ ᱟᱹᱲᱟᱹ ᱵᱟᱝ ᱛᱟᱦᱮᱸ ᱠᱟᱱᱟ, ᱢᱮᱱᱠᱷᱟᱱ ᱱᱤᱛᱚᱜ ᱫᱚ ᱱᱚᱶᱟ ᱵᱟᱱᱟᱨ ᱟᱹᱲᱟᱹ (ᱞᱤᱢᱵᱩ ᱟᱨ ᱥᱩᱵᱵᱟ) ᱢᱤᱫ ᱵᱟᱨ ᱞᱮᱠᱟ ᱜᱮ ᱵᱮᱵᱷᱟᱨᱚᱜ ᱠᱟᱱᱟ ᱾ ᱱᱚᱶᱟ ᱛᱮ ᱟᱹᱛᱩ ᱨᱤᱱ ᱢᱩᱠᱷᱤᱭᱟᱹ ᱠᱚᱫᱚ ᱮᱴᱟᱜ ᱦᱚᱲ ᱠᱷᱚᱱ ᱠᱚ ᱵᱷᱮᱜᱮᱫ ᱮᱫ ᱠᱚ ᱛᱟᱦᱮᱸᱫ ᱾ ᱟᱹᱛᱩ ᱢᱩᱠᱷᱤᱭᱟᱹ ᱠᱚᱣᱟᱜ ᱜᱷᱟᱨᱚᱸᱡᱽ ᱨᱮ ᱡᱟᱣᱮ ᱜᱮ ᱩᱱᱠᱩᱣᱟᱜ ᱯᱟᱹᱨᱤᱥ ᱫᱚ 'ᱥᱩᱵᱵᱟ' ᱢᱮᱱᱛᱮ ᱧᱟᱢᱚᱜᱼᱟ ᱾

ᱩᱱᱠᱩᱣᱟᱜ ᱱᱟᱜᱟᱢ ᱫᱚ 'ᱵᱚᱝᱥᱚᱣᱚᱞᱤ' ᱧᱩᱛᱩᱢᱟᱱ ᱢᱤᱫ ᱯᱩᱛᱷᱤ ᱨᱮ ᱚᱞ ᱢᱮᱱᱟᱜ ᱢᱮᱱᱛᱮ ᱠᱚ ᱞᱟᱹᱭᱟ, ᱡᱟᱦᱟᱸ ᱫᱚ 'ᱵᱚᱝᱥᱟᱣᱚᱞᱤ' ᱦᱚᱸ ᱠᱚ ᱢᱮᱛᱟᱜᱼᱟ ᱾ ᱠᱤᱪᱷᱩ ᱢᱟᱨᱮ ᱜᱷᱟᱨᱚᱸᱡᱽ ᱠᱚ ᱴᱷᱮᱱ ᱱᱚᱶᱟ ᱨᱮᱱᱟᱜ ᱱᱚᱠᱚᱞ ᱠᱚ ᱢᱮᱱᱟᱜᱼᱟ ᱾^[᱕] ᱞᱤᱢᱵᱩ ᱠᱚᱣᱟᱜ ᱥᱟᱭ ᱥᱟᱭ ᱛᱷᱚᱠ ᱟᱨ ᱜᱩᱴ ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱩᱱᱠᱩᱣᱟᱜ ᱟᱹᱫᱤᱵᱟᱹᱥᱤ, ᱡᱟᱹᱛᱤᱭᱟᱹᱨᱤ ᱩᱨᱩᱢ ᱥᱮ ᱥᱤᱨᱡᱚᱱ ᱴᱷᱟᱶ ᱞᱮᱠᱟᱛᱮ ᱦᱟᱹᱴᱤᱧ ᱟᱠᱟᱱᱟ ᱾

᱓᱐᱘ ᱮᱹᱰᱤ ᱨᱮ ᱛᱚᱨᱡᱚᱢᱟ ᱟᱠᱟᱱ ᱪᱤᱱ ᱚᱱᱚᱞ ᱯᱳᱼᱳᱣᱼᱣᱮᱳᱼᱡᱤᱝ ᱨᱮ 'ᱭᱤᱼᱛᱤᱼᱥᱟᱭ' ᱨᱮᱱᱟᱜ ᱠᱟᱛᱷᱟ ᱚᱞ ᱢᱮᱱᱟᱜᱼᱟ (ᱡᱟᱦᱟᱸ ᱨᱮᱱᱟᱜ ᱢᱮᱱᱮᱛ ᱫᱚ ᱠᱚᱸᱭᱮ ᱥᱤᱢᱟᱹ ᱨᱤᱱ ᱵᱟᱹᱨᱵᱟᱹᱨᱤ ᱦᱚᱲ), ᱱᱚᱶᱟ ᱧᱩᱛᱩᱢ ᱫᱚ ᱩᱱᱠᱩ ᱥᱟᱶ ᱵᱟᱨᱟᱵᱟᱹᱨᱤ ᱜᱮᱭᱟ ᱾^[᱖]^[᱗] ᱞᱤᱢᱵᱩ ᱠᱚᱫᱚ ᱥᱤᱠᱠᱤᱢ ᱨᱤᱱ ᱟᱹᱰᱤ ᱢᱟᱨᱮ ᱜᱤᱨᱟᱹᱵᱟᱥ ᱠᱚ ᱢᱩᱫᱽ ᱨᱮ ᱢᱤᱫᱴᱟᱹᱝ ᱠᱟᱱᱟ ᱠᱚ ᱾^[᱘]^[᱙] ᱥᱤᱧᱚᱛ ᱨᱮᱱᱟᱜ ᱱᱚᱶᱟ ᱯᱚᱱᱚᱛ ᱨᱮᱱᱟᱜ ᱧᱩᱛᱩᱢ ᱫᱚ ᱵᱟᱨᱭᱟ ᱞᱤᱢᱵᱩ ᱟᱹᱲᱟᱹ ᱢᱮᱥᱟ ᱠᱟᱛᱮ ᱵᱮᱱᱟᱣ ᱟᱠᱟᱱᱟ: ᱥᱩ,ᱡᱟᱦᱟᱸ ᱨᱮᱱᱟᱜ ᱢᱮᱱᱮᱛ ᱫᱚ "ᱱᱟᱶᱟ", ᱟᱨ ᱠᱷᱤᱢ, ᱡᱟᱦᱟᱸ ᱨᱮᱱᱟᱜ ᱢᱮᱱᱮᱛ ᱫᱚ "ᱨᱟᱡᱽ ᱢᱚᱦᱚᱞ" ᱥᱮ "ᱚᱲᱟᱜ" ᱾^[᱑᱐]

ᱚᱛᱱᱚᱜ ᱦᱟᱹᱴᱤᱧ

᱒᱐᱒᱑ ᱱᱮᱯᱟᱞ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ ᱞᱤᱢᱵᱩ ᱦᱚᱲ ᱠᱚᱫᱚ 'ᱵᱩᱨᱩ/ᱵᱩᱨᱩ ᱡᱚᱱᱚᱡᱟᱛᱤ' ᱜᱩᱴ ᱨᱮ ᱠᱚ ᱞᱮᱠᱷᱟ ᱟᱠᱟᱫ ᱠᱚᱣᱟ ᱾ ᱒᱐᱒᱑ ᱱᱮᱯᱟᱞ ᱞᱮᱠᱷᱟ ᱡᱚᱠᱷᱟ ᱚᱠᱛᱚ ᱨᱮ, ᱔,᱑᱔,᱗᱐᱔ ᱦᱚᱲ (ᱱᱮᱯᱟᱞ ᱨᱮᱱᱟᱜ ᱜᱩᱴ ᱦᱚᱲ ᱮᱞ ᱨᱮᱱᱟᱜ ᱑.᱔᱓%) ᱞᱤᱢᱵᱩ ᱠᱚ ᱛᱟᱦᱮᱸ ᱠᱟᱱᱟ ᱾ ᱯᱨᱚᱫᱮᱥ ᱞᱮᱠᱟᱛᱮ ᱞᱤᱢᱵᱩ ᱦᱚᱲ ᱠᱚᱣᱟᱜ ᱞᱮᱠᱷᱟ ᱫᱚ ᱱᱚᱝᱠᱟ ᱛᱟᱦᱮᱸ ᱠᱟᱱᱟ:

ᱞᱤᱢᱵᱩ ᱠᱚᱣᱟᱜ ᱟᱭᱛᱟᱨ ᱦᱚᱲ ᱮᱞ ᱫᱚ ᱖,᱐᱐,᱐᱐᱐ ᱜᱟᱱ ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱟᱥᱚᱠᱟᱭ ᱛᱮ ᱱᱮᱯᱟᱞ ᱨᱮᱱᱟᱜ ᱛᱮᱦᱨᱟᱛᱷᱩᱢ ᱦᱚᱱᱚᱛ, ᱫᱷᱚᱱᱠᱩᱴᱟ ᱦᱚᱱᱚᱛ, ᱛᱟᱯᱞᱮᱡᱩᱝ, ᱢᱳᱨᱚᱝ ᱦᱚᱱᱚᱛ, ᱥᱩᱱᱥᱚᱨᱤ ᱦᱚᱱᱚᱛ, ᱡᱷᱟᱯᱟ ᱦᱚᱱᱚᱛ, ᱯᱟᱸᱪᱛᱷᱚᱨ ᱦᱚᱱᱚᱛ, ᱤᱞᱟᱢ ᱦᱚᱱᱚᱛ ᱟᱨ ᱠᱚᱧᱮ ᱥᱟᱢᱟᱝ ᱥᱤᱧᱚᱛ ᱨᱮᱱᱟᱜ ᱟᱭᱢᱟ ᱯᱚᱱᱚᱛ ᱨᱮ ᱢᱮᱱᱟᱜ ᱠᱚᱣᱟ ᱾ ᱞᱟᱛᱟᱨ ᱨᱮ ᱚᱞ ᱟᱠᱟᱱ ᱦᱚᱱᱚᱛ ᱠᱚᱨᱮ ᱞᱤᱢᱵᱩ ᱦᱚᱲ ᱠᱚᱣᱟᱜ ᱞᱮᱠᱷᱟ ᱫᱚ ᱡᱟᱹᱛᱤᱭᱟᱹᱨᱤ ᱮᱵᱷᱨᱮᱡᱽ (᱑.᱐%) ᱠᱷᱚᱱ ᱦᱚᱸ ᱵᱟᱹᱲᱛᱤ ᱛᱟᱦᱮᱸ ᱠᱟᱱᱟ ᱾ ᱱᱚᱶᱟ ᱠᱚᱫᱚ ᱡᱚᱛᱚ ᱠᱳᱥᱤ ᱯᱨᱚᱫᱮᱥ ᱥᱮ "ᱞᱤᱢᱵᱩᱣᱟᱱ" ᱵᱷᱤᱛᱤᱨ ᱨᱮ ᱢᱮᱱᱟᱜᱼᱟ ᱾

ᱯᱟᱸᱪᱛᱷᱚᱨ ᱦᱚᱱᱚᱛ (᱔᱓.᱔%)
ᱛᱟᱯᱞᱮᱡᱩᱝ ᱦᱚᱱᱚᱛ (᱔᱒.᱖%)
ᱛᱮᱦᱨᱟᱛᱷᱩᱢ ᱦᱚᱱᱚᱛ (᱓᱖.᱔%)
ᱤᱞᱟᱢ ᱦᱚᱱᱚᱛ (᱑᱖.᱘%)
ᱫᱷᱚᱱᱠᱩᱴᱟ ᱦᱚᱱᱚᱛ (᱑᱓.᱙%)
ᱡᱷᱟᱯᱟ ᱦᱚᱱᱚᱛ (᱗.᱗%)
ᱥᱚᱝᱠᱷᱩᱣᱟᱥᱚᱵᱷᱟ ᱦᱚᱱᱚᱛ (᱕.᱗%)
ᱢᱳᱨᱚᱝ ᱦᱚᱱᱚᱛ (᱔.᱓%)
ᱥᱩᱱᱥᱚᱨᱤ ᱦᱚᱱᱚᱛ (᱓.᱖%)
ᱛᱟᱯᱞᱮᱡᱩᱝ ᱦᱚᱱᱚᱛ (᱕.᱑%)
ᱞᱚᱞᱤᱛᱯᱩᱨ (᱑.᱓%)

ᱥᱤᱧᱚᱛ, ᱵᱷᱩᱴᱟᱱ ᱟᱨ ᱮᱴᱟᱜ ᱫᱤᱥᱚᱢ ᱠᱚ

ᱞᱤᱢᱵᱩ ᱦᱚᱲ ᱮᱞ ᱫᱚ ᱟᱹᱰᱤ ᱜᱟᱱ ᱥᱤᱠᱠᱤᱢ ᱨᱮᱱᱟᱜ ᱥᱟᱢᱟᱝ ᱟᱨ ᱯᱟᱪᱮ ᱦᱚᱱᱚᱛ ᱠᱚᱨᱮ ᱦᱚᱸ ᱢᱮᱱᱟᱜ ᱠᱚᱣᱟ ᱾ ᱱᱚᱶᱟ ᱵᱮᱜᱚᱨ ᱯᱚᱪᱷᱤᱢ ᱵᱟᱝᱞᱟ ᱨᱮᱱᱟᱜ ᱫᱟᱨᱡᱤᱞᱤᱝ ᱟᱨ ᱠᱟᱞᱤᱢᱯᱚᱝ, ᱟᱥᱟᱢ, ᱱᱟᱜᱟᱞᱮᱱᱰ, ᱵᱷᱩᱴᱟᱱ, ᱟᱨ ᱢᱤᱭᱟᱱᱢᱟᱨ ᱥᱚᱦᱚᱨ ᱠᱚᱨᱮ ᱦᱚᱸ ᱠᱚ ᱯᱟᱥᱱᱟᱣ ᱟᱠᱟᱱᱟ ᱾ ᱠᱤᱪᱷᱩ ᱫᱚ ᱭᱩᱱᱟᱭᱴᱮᱰ ᱠᱤᱝᱰᱚᱢ, ᱦᱚᱝᱠᱚᱝ, ᱭᱩᱱᱟᱭᱴᱮᱰ ᱥᱴᱮᱴᱥ, ᱟᱨ ᱮᱴᱟᱜ ᱫᱤᱥᱚᱢ ᱛᱮ ᱠᱚ ᱥᱮᱱ ᱟᱠᱟᱱᱟ ᱾

ᱱᱟᱜᱟᱢ

ᱱᱟᱜᱟᱢᱤᱭᱟᱹ ᱯᱟᱸᱡᱟ ᱥᱮᱫᱟᱭ ᱡᱩᱜᱽ:

ᱵᱮᱫᱽ ᱢᱟᱲᱟᱝ ᱨᱮᱱᱟᱜ ᱥᱤᱨᱡᱚᱱ: ᱞᱤᱢᱵᱩ ᱦᱚᱲ ᱠᱚᱫᱚ ᱤᱱᱰᱳᱼᱟᱨᱡᱚ ᱜᱩᱴ ᱠᱚ ᱦᱤᱡᱩᱜ ᱢᱟᱲᱟᱝ ᱨᱮ ᱥᱟᱢᱟᱝ ᱱᱮᱯᱟᱞ ᱨᱮ ᱠᱚ ᱵᱟᱥᱟ ᱞᱮᱱᱟ ᱢᱮᱱᱛᱮ ᱠᱚ ᱯᱟᱹᱛᱭᱟᱹᱣᱟ ᱾ ᱩᱱᱠᱩ ᱫᱚ ᱵᱮᱫᱽ ᱢᱟᱲᱟᱝ ᱨᱤᱱ, ᱢᱚᱝᱜᱚᱞᱚᱭᱮᱰ ᱦᱚᱲ ᱠᱟᱱᱟ ᱠᱚ ᱡᱟᱦᱟᱸᱭᱟᱜ ᱨᱮᱦᱮᱫ ᱫᱚ ᱦᱤᱢᱟᱞᱚᱭ ᱴᱚᱴᱷᱟ ᱨᱮ ᱟᱹᱰᱤ ᱜᱟᱹᱦᱤᱨ ᱛᱮ ᱢᱮᱱᱟᱜᱼᱟ ᱾
ᱠᱤᱨᱟᱛ ᱨᱟᱡᱽ (ᱟᱭᱛᱟᱨ ᱘᱐᱐ ᱵᱤ.ᱥᱤ.ᱤ ᱼ ᱓᱐᱐ ᱥᱤ.ᱤ):
- ᱞᱤᱢᱵᱩ ᱠᱚᱫᱚ ᱢᱟᱨᱟᱝ ᱠᱤᱨᱟᱛ ᱥᱚᱥᱱᱚᱜ ᱨᱮᱱᱟᱜ ᱢᱤᱫ ᱦᱟᱹᱴᱤᱧ ᱠᱚ ᱛᱟᱦᱮᱸ ᱠᱟᱱᱟ, ᱡᱟᱦᱟᱸ ᱫᱚ ᱠᱟᱴᱷᱢᱟᱱᱰᱩ ᱵᱮᱰᱟ ᱟᱨ ᱥᱟᱢᱟᱝ ᱵᱩᱨᱩ ᱴᱚᱴᱷᱟ ᱨᱮ ᱠᱚ ᱨᱟᱡᱽ ᱮᱫ ᱛᱟᱦᱮᱸᱫ ᱾
- ᱢᱚᱦᱟᱵᱷᱟᱨᱚᱛ ᱟᱨ ᱯᱩᱨᱟᱬ ᱞᱮᱠᱟᱱ ᱢᱟᱨᱮ ᱯᱩᱛᱷᱤ ᱠᱚᱨᱮ ᱠᱤᱨᱟᱛ ᱠᱚᱫᱚ ᱥᱟᱢᱟᱝ ᱥᱮᱫ ᱨᱤᱱ ᱵᱤᱨ ᱞᱟᱹᱲᱦᱟᱹᱭᱤᱭᱟᱹ ᱢᱮᱱᱛᱮ ᱠᱚ ᱚᱞ ᱟᱠᱟᱫ ᱠᱚᱣᱟ ᱾

ᱞᱤᱢᱵᱩᱣᱟᱱ ᱠᱚᱱᱯᱷᱮᱰᱟᱨᱮᱥᱚᱱ:

ᱞᱤᱢᱵᱩᱣᱟᱱ ᱨᱟᱡᱽ (᱑᱘ ᱥᱟᱭ ᱥᱮᱨᱢᱟ ᱢᱟᱲᱟᱝ):
- ᱞᱤᱢᱵᱩᱣᱟᱱ ᱫᱚ ᱑᱐ ᱜᱚᱴᱟᱝ ᱞᱤᱢᱵᱩ ᱨᱟᱡᱽ ᱨᱮᱱᱟᱜ ᱢᱤᱫ ᱟᱹᱯᱱᱟᱹᱛ ᱜᱟᱶᱛᱟ ᱛᱟᱦᱮᱸ ᱠᱟᱱᱟ ᱾
- ᱡᱚᱛᱚ ᱨᱟᱡᱽ ᱜᱮ ᱢᱤᱫ ᱴᱚᱴᱷᱟᱠᱤᱭᱟᱹ ᱨᱟᱡᱟ ᱦᱚᱛᱮᱛᱮ ᱥᱟᱥᱚᱱᱚᱜ ᱠᱟᱱ ᱛᱟᱦᱮᱸᱫ, ᱡᱟᱦᱟᱸᱭ ᱫᱚ 'ᱥᱩᱵᱵᱟ' ᱥᱮ 'ᱦᱟᱝ' ᱠᱚ ᱢᱮᱛᱟᱭ ᱠᱟᱱ ᱛᱟᱦᱮᱸᱫ ᱾
- ᱩᱱᱠᱩᱣᱟᱜ ᱟᱠᱚᱣᱟᱜ ᱟᱹᱭᱱᱟᱹᱨᱤ, ᱟᱹᱨᱤᱪᱟᱹᱞᱤ ᱟᱨ ᱦᱟᱥᱟ ᱵᱮᱵᱚᱥᱛᱟ ᱛᱟᱦᱮᱸ ᱠᱟᱱᱟ ᱾
- ᱱᱚᱶᱟ ᱴᱚᱴᱷᱟ ᱫᱚ ᱞᱟᱠᱪᱟᱨ ᱟᱨ ᱨᱟᱡᱽᱟᱹᱨᱤ ᱞᱮᱠᱟᱛᱮ ᱛᱟᱞᱢᱟ ᱱᱮᱯᱟᱞ ᱠᱷᱚᱱ ᱵᱷᱮᱜᱟᱨ ᱜᱮ ᱛᱟᱦᱮᱸ ᱠᱟᱱᱟ ᱾

ᱜᱳᱨᱠᱷᱟ ᱢᱤᱫᱩᱱ (᱑᱗᱐᱐ ᱥᱮᱨᱢᱟ ᱢᱩᱪᱟᱹᱫ ᱥᱮᱫ):

᱑᱗᱗᱐ ᱥᱮᱨᱢᱟ ᱨᱮ, ᱱᱮᱯᱟᱞ ᱢᱤᱫ ᱠᱮᱪᱮᱫ ᱚᱠᱛᱚ ᱨᱮ ᱨᱟᱡᱟ ᱯᱨᱤᱛᱷᱵᱤ ᱱᱟᱨᱟᱭᱚᱰ ᱥᱟᱦ ᱦᱚᱛᱮᱛᱮ ᱞᱤᱢᱵᱩᱣᱟᱱ ᱫᱚ ᱱᱮᱯᱟᱞ ᱨᱮ ᱢᱮᱥᱟ ᱞᱮᱱᱟ ᱾
"ᱞᱤᱢᱵᱩᱣᱟᱱᱼᱜᱳᱨᱠᱷᱟ ᱪᱩᱠᱛᱤ" (ᱟᱭᱛᱟᱨ ᱑᱗᱗᱔) ᱧᱩᱛᱩᱢᱟᱱ ᱢᱤᱫ ᱪᱩᱠᱛᱤ ᱞᱮᱠᱟᱛᱮ ᱞᱤᱢᱵᱩ ᱠᱚ ᱱᱚᱶᱟ ᱠᱚ ᱟᱹᱭᱫᱟᱹᱨ ᱠᱚ ᱧᱟᱢ ᱞᱮᱫᱼᱟ:
- ᱦᱟᱥᱟ ᱪᱮᱛᱟᱱ ᱨᱮ ᱟᱠᱚᱣᱟᱜ ᱟᱹᱭᱫᱟᱹᱨ (ᱠᱤᱯᱟᱴ ᱵᱮᱵᱚᱥᱛᱟ) ᱾
- ᱟᱠᱚᱣᱟᱜ ᱯᱟᱹᱨᱥᱤ, ᱟᱹᱨᱤᱪᱟᱹᱞᱤ ᱟᱨ ᱞᱟᱠᱪᱟᱨ ᱵᱟᱧᱪᱟᱣ ᱫᱚᱦᱚ ᱨᱮᱱᱟᱜ ᱟᱹᱭᱫᱟᱹᱨ ᱾
ᱢᱮᱱᱠᱷᱟᱱ, ᱚᱠᱛᱚ ᱯᱚᱞᱚᱢ ᱥᱟᱶᱛᱮ ᱥᱚᱨᱠᱟᱨᱟᱜ ᱛᱟᱞᱢᱟ ᱥᱟᱥᱚᱱ, ᱦᱤᱱᱫᱩᱣᱟᱱ ᱟᱨ ᱦᱟᱥᱟ ᱥᱩᱫᱷᱟᱹᱨ ᱠᱷᱟᱹᱛᱤᱨ ᱱᱚᱶᱟ ᱟᱹᱭᱫᱟᱹᱨ ᱠᱚᱫᱚ ᱠᱚᱢ ᱤᱫᱤ ᱮᱱᱟ ᱾

ᱱᱟᱦᱟᱜ ᱱᱟᱜᱟᱢ

ᱦᱟᱥᱟ ᱨᱮᱡ ᱟᱨ ᱛᱟᱭᱚᱢ ᱨᱮ ᱛᱟᱦᱮᱸ ᱠᱟᱱ:
- ᱑᱙᱖0 ᱥᱮᱨᱢᱟ ᱨᱮ ᱯᱚᱧᱪᱟᱭᱚᱛ ᱥᱟᱥᱚᱱ ᱚᱠᱛᱚ ᱨᱮ 'ᱠᱤᱯᱟᱴ' ᱵᱮᱵᱚᱥᱛᱟ ᱪᱟᱵᱟ ᱞᱮᱱᱟ, ᱡᱟᱦᱟᱸ ᱠᱷᱟᱹᱛᱤᱨ ᱟᱭᱢᱟ ᱦᱟᱯᱲᱟᱢ ᱠᱚᱣᱟᱜ ᱦᱟᱥᱟ ᱨᱮᱡ ᱞᱮᱱᱟ ᱾
ᱞᱟᱠᱪᱟᱨ ᱟᱨ ᱩᱨᱩᱢ ᱞᱟᱹᱜᱤᱫ ᱦᱩᱞ:
- ᱑᱙᱙᱐ ᱥᱮᱨᱢᱟ ᱠᱷᱚᱱ, ᱞᱤᱢᱵᱩ ᱠᱚᱫᱚ ᱞᱟᱠᱪᱟᱨ ᱟᱨ ᱨᱟᱡᱽᱟᱹᱨᱤ ᱠᱟᱹᱢᱤ ᱨᱮ ᱠᱚ ᱡᱚᱲᱟᱣ ᱟᱠᱟᱱᱟ, ᱟᱥᱚᱠᱟᱭ ᱛᱮ (ᱦᱚᱲ ᱦᱩᱞ ᱑᱙᱙᱖ᱼ᱒᱐᱐᱖) ᱚᱠᱛᱚ ᱟᱨ ᱚᱱᱟ ᱛᱟᱭᱚᱢ ᱾
- ᱞᱤᱢᱵᱩᱣᱟᱱ ᱚᱴᱚᱱᱚᱢᱚᱥ ᱨᱤᱡᱚᱱ ᱞᱮᱠᱟᱱ ᱦᱩᱞ ᱠᱚᱫᱚ ᱟᱠᱚᱣᱟᱜ ᱦᱟᱯᱲᱟᱢ ᱦᱟᱥᱟ ᱟᱨ ᱩᱨᱩᱢ ᱞᱟᱹᱜᱤᱫ ᱵᱟᱹᱲᱛᱤ ᱟᱹᱭᱫᱟᱹᱨ ᱠᱚ ᱠᱚᱭ ᱮᱫᱼᱟ ᱾
ᱯᱟᱹᱨᱥᱤ ᱟᱨ ᱪᱤᱠᱤ ᱡᱤᱣᱮᱫ ᱨᱩᱣᱟᱹᱲ:
- ᱥᱤᱨᱤᱡᱚᱝᱜᱟ ᱪᱤᱠᱤ ᱡᱤᱣᱮᱫ ᱨᱩᱣᱟᱹᱲ ᱟᱨ ᱭᱟᱠᱛᱷᱩᱝ ᱞᱟᱠᱪᱟᱨ ᱯᱟᱥᱱᱟᱣ ᱨᱮᱱᱟᱜ ᱠᱟᱹᱢᱤ ᱱᱟᱦᱟᱜ ᱡᱩᱣᱟᱹᱱ ᱟᱨ ᱵᱟᱦᱨᱮ ᱫᱤᱥᱚᱢ ᱨᱮ ᱛᱟᱦᱮᱸᱱ ᱠᱟᱱ ᱦᱚᱲ ᱠᱚ ᱛᱟᱞᱟ ᱨᱮ ᱟᱹᱰᱤ ᱡᱩᱨ ᱛᱮ ᱪᱟᱞᱟᱜ ᱠᱟᱱᱟ ᱾

ᱯᱟᱹᱨᱥᱤ

ᱞᱤᱢᱵᱩ (Limbu: ᤕᤠᤰᤌᤢᤱ ᤐᤠᤴ, yakthuṅ pan) ᱫᱚ ᱢᱤᱫ ᱪᱤᱱᱼᱛᱤᱵᱵᱚᱛᱤ ᱯᱟᱹᱨᱥᱤ ᱠᱟᱱᱟ, ᱡᱟᱦᱟᱸ ᱫᱚ ᱱᱮᱯᱟᱞ ᱟᱨ ᱠᱚᱧᱮ ᱥᱟᱢᱟᱝ ᱥᱤᱧᱚᱛ (ᱟᱥᱚᱠᱟᱭ ᱛᱮ ᱯᱚᱪᱷᱤᱢ ᱵᱟᱝᱞᱟ, ᱥᱤᱠᱠᱤᱢ, ᱟᱥᱟᱢ ᱟᱨ ᱱᱟᱜᱟᱞᱮᱱᱰ) ᱨᱤᱱ ᱞᱤᱢᱵᱩ ᱦᱚᱲ ᱠᱚ ᱨᱚᱲᱼᱟ, ᱱᱚᱶᱟ ᱵᱮᱜᱚᱨ ᱵᱷᱩᱴᱟᱱ ᱨᱮ ᱵᱟᱥᱟ ᱟᱠᱟᱱ ᱞᱤᱢᱵᱩ ᱠᱚᱦᱚᱸ ᱱᱚᱶᱟ ᱯᱟᱹᱨᱥᱤ ᱠᱚ ᱵᱮᱵᱷᱟᱨᱟ ᱾ ᱞᱤᱢᱵᱩ ᱦᱚᱲ ᱠᱚᱫᱚ ᱟᱠᱚ ᱛᱮᱫᱚ ᱭᱟᱠᱛᱷᱩᱝ ᱟᱨ ᱟᱠᱚᱣᱟᱜ ᱯᱟᱹᱨᱥᱤ ᱫᱚ ᱭᱟᱠᱛᱷᱩᱝᱯᱟᱱ ᱠᱚ ᱢᱮᱛᱟᱜᱼᱟ ᱾ ᱭᱟᱠᱛᱷᱩᱝᱯᱟᱱ ᱨᱮᱱᱟᱜ ᱯᱩᱱᱭᱟ ᱢᱩᱲᱩᱛ ᱦᱟᱹᱴᱤᱧ ᱢᱮᱱᱟᱜᱼᱟ: ᱯᱷᱮᱫᱟᱯᱮ, ᱪᱷᱚᱛᱷᱟᱨᱮ, ᱛᱟᱢᱵᱚᱨᱠᱷᱳᱞᱮ ᱟᱨ ᱯᱟᱱᱛᱷᱟᱨᱮ ᱾

ᱥᱚᱨᱠᱟᱨᱤ ᱢᱟᱹᱱ

ᱱᱮᱯᱟᱞ ᱯᱟᱹᱨᱥᱤ ᱠᱚᱢᱤᱥᱚᱱ ᱫᱚ ᱞᱤᱢᱵᱩ ᱯᱟᱹᱨᱥᱤ ᱠᱳᱥᱤ ᱯᱨᱚᱫᱮᱥ ᱨᱮᱱᱟᱜ ᱥᱚᱨᱠᱟᱨᱤ ᱯᱟᱹᱨᱥᱤ ᱞᱮᱠᱟᱛᱮ ᱵᱮᱵᱷᱟᱨ ᱞᱟᱹᱜᱤᱫ ᱮ ᱞᱟᱹᱭ ᱟᱠᱟᱫᱟ ᱾ ᱪᱩᱞᱟᱪᱩᱞᱤ ᱟᱹᱛᱩ ᱯᱟᱞᱤᱠᱟ, ᱢᱚᱝᱥᱮᱵᱩᱝ ᱟᱹᱛᱩ ᱯᱟᱞᱤᱠᱟ ᱟᱨ ᱯᱷᱟᱞᱜᱩᱱᱚᱱᱫᱚ ᱟᱹᱛᱩ ᱯᱟᱞᱤᱠᱟ ᱠᱚᱫᱚ ᱞᱤᱢᱵᱩ ᱯᱟᱹᱨᱥᱤ ᱫᱚ ᱥᱚᱨᱠᱟᱨᱤ ᱠᱟᱹᱢᱤ ᱯᱟᱹᱨᱥᱤ ᱞᱮᱠᱟᱛᱮ ᱢᱟᱹᱱ ᱠᱚ ᱮᱢ ᱟᱠᱟᱫᱟ ᱾

ᱥᱤᱧᱚᱛ ᱨᱮ, ᱥᱤᱠᱠᱤᱢ ᱯᱚᱱᱚᱛ ᱫᱚ ᱞᱟᱠᱪᱟᱨ ᱟᱨ ᱟᱹᱨᱤᱪᱟᱹᱞᱤ ᱵᱟᱧᱪᱟᱣ ᱫᱚᱦᱚ ᱞᱟᱹᱜᱤᱫ ᱞᱤᱢᱵᱩ ᱯᱟᱹᱨᱥᱤ ᱫᱚ ᱢᱤᱫ ᱵᱟᱹᱲᱛᱤ ᱥᱚᱨᱠᱟᱨᱤ ᱯᱟᱹᱨᱥᱤ ᱞᱮᱠᱟᱛᱮ ᱢᱟᱹᱱ ᱮ ᱮᱢ ᱟᱠᱟᱫᱟ ᱾ ᱥᱚᱨᱠᱟᱨᱤ ᱦᱟᱯᱛᱟᱠᱤᱭᱟᱹ ᱯᱟᱛᱷᱟᱢ ᱥᱤᱠᱠᱤᱢ ᱦᱮᱨᱟᱞᱰ ᱨᱮᱱᱟᱜ ᱢᱤᱫ ᱞᱤᱢᱵᱩ ᱵᱷᱮᱜᱟᱨ ᱦᱟᱹᱴᱤᱧ ᱦᱚᱸ ᱩᱪᱷᱟᱹᱱᱚᱜᱼᱟ ᱾

ᱥᱤᱨᱤᱡᱚᱝᱜᱟ ᱪᱤᱠᱤ ᱥᱮ ᱭᱟᱠᱛᱷᱩᱝ/ᱞᱤᱢᱵᱩ ᱪᱤᱠᱤ

ᱞᱤᱢᱵᱩ ᱪᱤᱠᱤ (ᱥᱤᱨᱤᱡᱚᱝᱜᱟ) ᱫᱚ ᱙ ᱥᱟᱭ ᱥᱮᱨᱢᱟ ᱨᱮ ᱞᱤᱢᱵᱩ ᱨᱟᱡᱟ ᱥᱤᱨᱤᱡᱚᱝᱜᱟ ᱦᱟᱝ ᱦᱚᱛᱮᱛᱮ ᱵᱮᱱᱟᱣ ᱞᱮᱱᱟ ᱾ ᱛᱟᱭᱚᱢ ᱛᱮ ᱛᱮᱼᱳᱝᱥᱤ ᱥᱤᱨᱤᱡᱚᱝᱜᱟ ᱥᱤᱱ ᱛᱷᱮᱵᱮ ᱱᱚᱶᱟ ᱪᱤᱠᱤ ᱫᱚ ᱟᱨᱦᱚᱸᱭ ᱥᱟᱡᱟᱣ ᱨᱩᱣᱟᱹᱲ ᱞᱮᱫᱼᱟ ᱟᱨ ᱦᱚᱲ ᱠᱚ ᱛᱟᱞᱟ ᱛᱮᱭ ᱟᱹᱜᱩ ᱞᱮᱫᱼᱟ ᱾ ᱛᱮᱼᱳᱝᱥᱤ ᱥᱤᱨᱤᱡᱚᱝᱜᱟ ᱥᱤᱱ ᱛᱷᱮᱵᱮ ᱫᱚ ᱟᱡᱟᱜ ᱡᱟᱹᱥᱛᱤ ᱚᱠᱛᱚ ᱞᱤᱢᱵᱩ ᱯᱟᱹᱨᱥᱤ, ᱞᱟᱠᱪᱟᱨ ᱟᱨ ᱪᱤᱠᱤ ᱞᱟᱦᱟᱱᱛᱤ ᱨᱮᱭ ᱠᱷᱟᱸᱰᱟᱣ ᱞᱮᱫ ᱠᱷᱟᱹᱛᱤᱨ, ᱩᱱᱤ ᱫᱚ ᱙ ᱥᱟᱭ ᱥᱮᱨᱢᱟ ᱨᱤᱱᱤᱡ ᱨᱟᱡᱟ ᱥᱤᱨᱤᱡᱚᱝᱜᱟ ᱟᱜ ᱫᱚᱲᱦᱚ ᱡᱟᱱᱟᱢ ᱢᱮᱱᱛᱮ ᱠᱚ ᱢᱟᱱᱟᱣᱮᱭᱟ ᱾

ᱫᱷᱚᱨᱚᱢ ᱟᱨ ᱯᱟᱨᱟᱵᱽ

ᱞᱤᱢᱵᱩ ᱦᱚᱲ ᱠᱚᱫᱚ ᱢᱩᱱᱫᱷᱩᱢ ᱧᱩᱛᱩᱢᱟᱱ ᱢᱚᱪᱟᱼᱛᱮᱭᱟᱜ 'ᱥᱟᱥᱛᱨᱚ' ᱟᱨ ᱫᱷᱚᱨᱚᱢ ᱯᱩᱛᱷᱤ ᱨᱮᱱᱟᱜ ᱥᱟᱶᱛᱟ ᱟᱹᱨᱤᱪᱟᱹᱞᱤ ᱠᱚ ᱢᱟᱱᱟᱣᱟ ᱾^[᱑᱑] ᱩᱱᱠᱩᱣᱟᱜ ᱫᱷᱚᱨᱚᱢ ᱫᱚ 'ᱭᱩᱢᱟ ᱥᱟᱢᱭᱳ' ᱢᱮᱱᱛᱮ ᱵᱟᱰᱟᱭᱚᱜᱼᱟ ᱾ ᱟᱹᱨᱤᱪᱟᱹᱞᱤ ᱞᱮᱠᱟᱛᱮ, ᱞᱤᱢᱵᱩ ᱦᱚᱲ ᱫᱚ ᱜᱩᱨ ᱟᱠᱟᱱ ᱦᱚᱲ ᱠᱚ ᱛᱚᱯᱟ ᱠᱚᱣᱟ, ᱢᱮᱱᱠᱷᱟᱱ ᱦᱤᱱᱫᱩ ᱫᱷᱚᱨᱚᱢ ᱨᱮᱱᱟᱜ ᱚᱨᱥᱚᱝ ᱛᱮ ᱱᱤᱛᱚᱜ ᱫᱚ ᱨᱟᱯᱟᱜ ᱦᱚᱸ ᱵᱟᱹᱲᱛᱤ ᱤᱫᱤᱜ ᱠᱟᱱᱟ ᱾ ᱞᱤᱢᱵᱩ ᱦᱚᱲ ᱠᱚᱫᱚ ᱭᱩᱢᱟ ᱫᱷᱚᱨᱚᱢ ᱠᱚ ᱢᱟᱱᱟᱣᱟ ᱾ ᱠᱤᱪᱷᱩ ᱞᱤᱢᱵᱩ ᱦᱚᱲ ᱫᱚ ᱤᱥᱟᱹᱭ ᱫᱷᱚᱨᱚᱢ ᱛᱮᱠᱚ ᱥᱮᱱ ᱟᱠᱟᱱᱟ ᱾ ᱞᱤᱢᱵᱩ ᱜᱩᱨᱩ ᱯᱷᱟᱞᱜᱩᱱᱚᱱᱫᱚ ᱢᱤᱫ ᱵᱷᱮᱜᱟᱨ ᱥᱩᱫᱷᱟᱹᱨ ᱟᱹᱨᱤᱪᱟᱹᱞᱤ ᱮᱛᱚᱦᱚᱵ ᱞᱮᱫᱼᱟ, ᱡᱟᱦᱟᱸ ᱫᱚ 'ᱥᱚᱛᱭᱚᱦᱟᱝ' ᱫᱷᱚᱨᱚᱢ ᱢᱮᱱᱛᱮ ᱠᱚ ᱢᱮᱛᱟᱜᱼᱟ ᱾^[᱑᱒]

ᱥᱟᱹᱠᱷᱭᱟᱹᱛ

↑ State government and politics, Sikkim By Nirmalananda Sengupta Sterling, 1985
↑ Evaluation Of Man And The Modern Society In Sikkim By Jash Raj Subba, 2008
↑ P.6 History, Culture and Customs of Sikkim, J. R. Subba, 2008
↑ Democracy, pluralism, and change: an inquiry in the Nepalese context By Sanjaya Serchan Chhye Pahuppe, 2001
↑ Linguistic Survey of India, Volume 3, Part 1 By Office of the superintendent of government printing, 1909
↑ Saklani, Dinesh Prasad Ancient communities of the Himalaya Indus Publishing Company, India (1 Mar 2002) ISBN 978-81-7387-090-3 p. 36
↑ Levi, Sylvain Le Nepal Asian Educational Services, India; Facsimile edition (20 Dec 2007)ISBN 978-81-206-0580-0 p. 78
↑ Sanyal, Dr. Chanru Chandra (1979). The Limbus: A South Eastern Himalayan indigenous kirat People. Dipti Printing. p. 7.
↑ Skoda, Uwe (2014). Navigating Social Exclusion and Inclusion in Contemporary India and Beyond: Structures, Agents, Practices (Anthem South Asian Studies). Anthem Press. p. 137. ISBN 978-1783083404.
↑ Ethnic Groups of South Asia and the Pacific: An Encyclopedia By James Minahan, 2012
↑ Ancestral Voices: Oral Ritual Texts and Their Social Contexts Among the Mewahang Rai of East Nepal By Martin Gaenszle Lit, 2002
↑ P.141 Migration and Religion in Europe: Comparative Perspectives on South Asian Experiences By Ester Gallo, 22 Apr 2016

[1] State government and politics, Sikkim By Nirmalananda Sengupta Sterling, 1985

[2] Evaluation Of Man And The Modern Society In Sikkim By Jash Raj Subba, 2008

[3] P.6 History, Culture and Customs of Sikkim, J. R. Subba, 2008

[4] Democracy, pluralism, and change: an inquiry in the Nepalese context By Sanjaya Serchan Chhye Pahuppe, 2001

[5] Linguistic Survey of India, Volume 3, Part 1 By Office of the superintendent of government printing, 1909

[6] Saklani, Dinesh Prasad Ancient communities of the Himalaya Indus Publishing Company, India (1 Mar 2002) ISBN 978-81-7387-090-3 p. 36

[7] Levi, Sylvain Le Nepal Asian Educational Services, India; Facsimile edition (20 Dec 2007)ISBN 978-81-206-0580-0 p. 78

[8] Sanyal, Dr. Chanru Chandra (1979). The Limbus: A South Eastern Himalayan indigenous kirat People. Dipti Printing. p. 7.

[9] Skoda, Uwe (2014). Navigating Social Exclusion and Inclusion in Contemporary India and Beyond: Structures, Agents, Practices (Anthem South Asian Studies). Anthem Press. p. 137. ISBN 978-1783083404.

[10] Ethnic Groups of South Asia and the Pacific: An Encyclopedia By James Minahan, 2012

[11] Ancestral Voices: Oral Ritual Texts and Their Social Contexts Among the Mewahang Rai of East Nepal By Martin Gaenszle Lit, 2002

[12] P.141 Migration and Religion in Europe: Comparative Perspectives on South Asian Experiences By Ester Gallo, 22 Apr 2016

[᱑]

[᱒]

[᱓]

[᱔]

[᱕]

[᱖]

[᱗]

[᱘]

[᱙]

[᱑᱐]

[᱑᱑]

[᱑᱒]