ᱞᱩᱥᱟᱹᱨᱟᱢ ᱢᱩᱨᱢᱩ
| ᱞᱩᱥᱟᱹᱨᱟᱢ ᱢᱩᱨᱢᱩ Lusaram Murmu | |
|---|---|
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱐᱒ ᱯᱷᱮᱵᱽᱨᱩᱣᱟᱨᱤ ᱑᱙᱓᱖ ᱞᱳᱦᱟᱢᱟᱰᱤᱭᱟ, ᱥᱟᱢᱟᱝ ᱥᱤᱝᱵᱷᱩᱢ, ᱡᱷᱟᱨᱠᱷᱚᱸᱰ, ᱵᱷᱟᱨᱚᱛ |
| ᱫᱤᱥᱚᱢᱤᱭᱟᱹ | ᱵᱷᱟᱨᱚᱛᱤᱭᱟᱹ |
| ᱠᱟᱹᱢᱤ | ᱚᱱᱚᱞᱤᱭᱟᱹ, ᱥᱟᱶᱛᱟ ᱥᱩᱥᱟᱹᱨᱤᱭᱟᱹ |
| ᱟᱯᱟᱛ ᱮᱸᱜᱟᱛ | ᱵᱷᱤᱢ ᱢᱩᱨᱢᱩ (ᱵᱟᱵᱟ), ᱪᱩᱲᱟᱹᱢᱚᱱᱤ (ᱟᱭᱳ) |
ᱞᱩᱥᱟᱹᱨᱟᱢ ᱢᱩᱨᱢᱩ ᱫᱚ ᱢᱤᱫ ᱧᱩᱛᱩᱢᱟᱱ ᱥᱟᱱᱛᱟᱲ ᱥᱟᱥᱛᱚᱨ ᱵᱤᱥᱟᱨᱚᱫᱽ ᱟᱨ ᱚᱱᱚᱞᱤᱭᱟᱹ ᱠᱟᱱᱟᱭ᱾ ᱩᱱᱤ ᱫᱚ ᱥᱟᱱᱛᱟᱲ ᱥᱟᱶᱛᱟ ᱨᱮᱱᱟᱜ ᱢᱟᱨᱮ ᱥᱮᱨᱣᱟ ᱟᱨ ᱞᱟᱠᱪᱟᱨ ᱠᱚ ᱚᱞ ᱛᱚᱞ ᱠᱟᱛᱮ ᱫᱚᱦᱚ ᱨᱮ ᱟᱹᱰᱤ ᱢᱟᱨᱟᱝ ᱮᱱᱮᱢ ᱢᱮᱱᱟᱜ ᱛᱟᱭᱟ᱾
ᱡᱟᱱᱟᱢ ᱟᱨ ᱜᱷᱟᱨᱚᱸᱡᱽ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱞᱩᱥᱟᱹᱨᱟᱢ ᱢᱩᱨᱢᱩ ᱫᱚ ᱑᱙᱓᱖ ᱥᱟᱞ ᱨᱮᱱᱟᱜ ᱒ ᱯᱷᱮᱵᱽᱨᱩᱣᱟᱨᱤ ᱦᱤᱞᱚᱜ ᱡᱷᱟᱨᱠᱷᱚᱸᱰ ᱯᱚᱱᱚᱛ ᱨᱮᱱᱟᱜ ᱯᱩᱨᱩᱵᱽ ᱥᱤᱝᱵᱷᱩᱢ ᱡᱤᱞᱞᱟᱹ ᱨᱮ ᱢᱮᱱᱟᱜ ᱞᱳᱦᱟᱢᱟᱰᱤᱭᱟ ᱟᱹᱛᱩ ᱨᱮ ᱡᱟᱱᱟᱢ ᱞᱮᱱᱟᱭ᱾ ᱟᱡ ᱵᱟᱵᱟ ᱦᱟᱜ ᱧᱩᱛᱩᱢ ᱫᱚ ᱵᱷᱤᱢ ᱢᱩᱨᱢᱩ ᱟᱨ ᱟᱭᱳ ᱦᱟᱜ ᱧᱩᱛᱩᱢ ᱫᱚ ᱪᱩᱲᱟᱹᱢᱚᱱᱤ ᱛᱟᱦᱮᱸ ᱠᱟᱱᱟ᱾[᱑]
ᱡᱤᱭᱚᱱ ᱟᱨ ᱥᱮᱪᱮᱫ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱱᱤ ᱫᱚ ᱟᱹᱰᱤ ᱨᱮᱸᱜᱮᱡ ᱟᱨ ᱦᱚᱲᱢᱚ ᱵᱟᱹᱲᱤᱡ ᱠᱷᱟᱹᱛᱤᱨ ᱛᱮ ᱥᱩᱢᱩᱝ ᱯᱩᱭᱞᱩ ᱪᱟᱱᱟᱪ ᱫᱷᱟᱹᱵᱤᱡ ᱜᱮ ᱯᱟᱲᱦᱟᱣ ᱫᱟᱲᱮᱭᱟᱫ ᱛᱟᱦᱮᱸᱫ᱾ ᱛᱟᱭᱚᱢ ᱛᱮ ᱦᱚᱲᱢᱚ ᱨᱮᱱᱟᱜ ᱟᱹᱰᱤ ᱜᱟᱱ ᱮᱴᱠᱮᱴᱚᱬᱮ ᱠᱷᱟᱹᱛᱤᱨ ᱟᱡ ᱟᱭᱳ ᱥᱟᱶ ᱯᱚᱪᱷᱤᱢ ᱵᱟᱝᱞᱟ ᱨᱮᱱᱟᱜ ᱦᱩᱜᱽᱞᱤ ᱦᱚᱱᱚᱛ ᱨᱮ ᱢᱮᱱᱟᱜ ᱯᱟᱠᱩᱲᱤ ᱵᱷᱟᱜᱟᱲᱯᱟᱲᱟ (ᱵᱷᱟᱜᱟᱨᱰᱤ) ᱟᱹᱛᱩ ᱛᱮ ᱠᱚ ᱦᱮᱡ ᱞᱮᱱᱟ᱾ ᱤᱱᱟᱹ ᱛᱟᱭᱚᱢ ᱯᱟᱠᱩᱲᱤ ᱵᱚᱰᱟᱰᱟᱝᱜᱟ ᱟᱹᱛᱩ ᱨᱮ ᱛᱟᱦᱮᱱ ᱠᱚ ᱮᱦᱚᱵ ᱠᱮᱫᱟ᱾[᱒]
ᱥᱟᱶᱦᱮᱫ ᱠᱟᱹᱢᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱞᱩᱥᱟᱹᱨᱟᱢ ᱢᱩᱨᱢᱩ ᱫᱚ ᱥᱟᱶᱛᱟ ᱥᱩᱥᱟᱹᱨ ᱠᱟᱹᱢᱤ ᱥᱟᱶ ᱥᱟᱶᱛᱮ ᱥᱟᱱᱛᱟᱲ ᱠᱚᱣᱟᱜ ᱢᱟᱨᱮ ᱥᱮᱨᱣᱟ ᱠᱚ ᱚᱞ ᱛᱚᱞ ᱠᱟᱛᱮ ᱫᱚᱦᱚ ᱨᱮᱱᱟᱜ ᱮ ᱠᱟᱹᱢᱤ ᱟᱠᱟᱫᱟ᱾ ᱩᱱᱤ ᱫᱚ "ᱞᱩᱥᱟᱹᱦᱟᱲᱟᱢ" ᱩᱠᱩ ᱧᱩᱛᱩᱢ ᱛᱮ ᱟᱭᱢᱟ ᱯᱟᱛᱷᱟᱢ ᱠᱚᱨᱮ ᱚᱱᱚᱞ ᱠᱚᱭ ᱚᱞ ᱟᱠᱟᱫᱟ᱾[᱒]
ᱯᱟᱨᱥᱟᱞ ᱟᱠᱟᱱ ᱯᱩᱛᱷᱤ ᱠᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ᱠᱷᱮᱨᱣᱟᱞ ᱵᱚᱝᱥᱚ ᱥᱟᱱᱛᱟᱲ ᱥᱮᱨᱣᱟ (᱑᱙᱙᱓) - ᱱᱚᱣᱟ ᱫᱚ ᱥᱟᱱᱛᱟᱲ ᱥᱟᱥᱛᱚᱨ ᱵᱟᱵᱚᱛ ᱯᱩᱛᱷᱤ ᱠᱟᱱᱟ᱾
- ᱞᱚᱴᱟ ᱫᱟᱜ (᱑᱙᱙᱖) - ᱱᱚᱣᱟ ᱫᱚ ᱢᱤᱫ ᱜᱟᱢᱟᱢ ᱛᱩᱢᱟᱹᱞ ᱯᱩᱛᱷᱤ ᱠᱟᱱᱟ᱾
- ᱠᱷᱮᱨᱣᱟᱞ ᱵᱚᱝᱥᱚ ᱥᱟᱱᱛᱟᱲ ᱦᱚᱯᱚᱱᱟᱜ ᱱᱮᱢᱟᱪᱟᱨ ᱢᱟᱜ ᱢᱚᱬᱮ (᱒᱐᱐᱑) - ᱥᱟᱱᱛᱟᱲ ᱠᱚᱣᱟᱜ ᱫᱷᱚᱨᱚᱢ ᱥᱮᱨᱣᱟ ᱢᱚᱬᱮ ᱯᱚᱨᱚᱵᱽ ᱵᱟᱵᱚᱛ᱾[᱑]
ᱢᱟᱹᱱ ᱟᱨ ᱥᱤᱨᱯᱟᱹ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ᱑᱙᱙᱔: "ᱦᱩᱵᱟᱹ ᱥᱟᱶᱛᱟ ᱥᱩᱥᱟᱹᱨ ᱜᱟᱶᱛᱟ" ᱯᱟᱦᱴᱟ ᱠᱷᱚᱱ ᱚᱱᱚᱞᱤᱭᱟᱹ ᱞᱮᱠᱟᱛᱮ ᱢᱟᱹᱱ ᱥᱟᱠᱟᱢ᱾
- ᱒᱐᱐᱑: "ᱦᱩᱜᱽᱞᱤ ᱡᱤᱞᱞᱟᱹ ᱥᱟᱱᱛᱟᱲᱤ ᱥᱟᱶᱦᱮᱫ ᱯᱟᱨᱤᱥᱟᱫᱽ" ᱯᱟᱦᱴᱟ ᱠᱷᱚᱱ ᱢᱟᱹᱱ ᱥᱤᱨᱯᱟᱹ᱾[᱒]