ᱟᱛᱨᱤ ᱠᱚᱨ
ᱟᱛᱨᱤ ᱠᱚᱨ ᱫᱚ ᱵᱷᱟᱨᱚᱛ ᱨᱮᱱᱟᱜ ᱫᱚᱥᱟᱨ ᱴᱨᱟᱱᱥᱡᱮᱱᱰᱚᱨ ᱦᱚᱲ ᱠᱟᱱᱟᱭ, ᱡᱟᱦᱟᱸᱭ ᱫᱚ ᱢᱤᱫ ᱡᱤᱞᱤᱧ ᱟᱹᱱᱟᱹᱨᱤ ᱞᱟᱹᱲᱦᱟᱹᱭ ᱛᱟᱭᱚᱢ ᱥᱤᱵᱷᱤᱞ ᱥᱟᱨᱵᱷᱤᱥᱮᱥ ᱵᱤᱱᱤᱰ ᱨᱮ ᱦᱟᱛᱟᱣ ᱮ ᱫᱟᱲᱮᱭᱟᱜᱼᱟ᱾ ᱥᱤᱵᱷᱤᱞ ᱥᱟᱨᱵᱷᱤᱥᱮᱥ ᱵᱤᱱᱤᱰ ᱦᱟᱛᱟᱣ ᱟᱠᱟᱫ ᱯᱩᱭᱞᱩ ᱴᱨᱟᱱᱥᱡᱮᱱᱰᱚᱨ ᱦᱚᱲ ᱫᱚ ᱛᱟᱢᱤᱞᱱᱟᱰᱩ ᱨᱤᱱ ᱮᱥ. ᱥᱣᱚᱯᱱᱟ ᱠᱟᱱᱟᱭ᱾[᱑][᱒][᱓]
ᱮᱛᱚᱦᱚᱵ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱠᱚᱨ ᱫᱚ ᱦᱩᱜᱽᱞᱤ ᱨᱮᱱᱟᱜ ᱛᱨᱤᱵᱮᱱᱤ ᱨᱮ ᱟᱡ ᱜᱷᱟᱨᱚᱸᱡᱽ ᱥᱟᱶ ᱮ ᱛᱟᱦᱮᱸᱱᱟ, ᱡᱟᱦᱟᱸ ᱨᱮ ᱟᱡ ᱨᱤᱱ ᱟᱭᱳ-ᱵᱟᱵᱟ, ᱢᱟᱨᱟᱝ ᱵᱚᱭᱦᱟ, ᱟᱡ ᱵᱟᱹᱦᱩ ᱟᱨ ᱦᱚᱯᱚᱱ ᱢᱮᱱᱟᱜ ᱠᱚᱣᱟ᱾ ᱩᱱᱤ ᱫᱚ ᱠᱚᱞᱠᱟᱛᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ ᱤᱝᱞᱤᱥ ᱚᱱᱚᱨᱥ ᱨᱮ ᱟᱡᱟᱜ ᱜᱨᱮᱡᱩᱣᱮᱥᱚᱱ ᱮ ᱯᱩᱨᱟᱹᱣ ᱟᱠᱟᱫᱼᱟ, ᱚᱱᱟ ᱛᱟᱭᱚᱢ ᱩᱱᱤ ᱵᱚᱨᱫᱷᱚᱢᱟᱱ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱟᱡᱟᱜ ᱯᱳᱥᱴ ᱜᱨᱮᱡᱩᱣᱮᱥᱚᱱ ᱰᱤᱜᱽᱨᱤ ᱞᱟᱹᱜᱤᱫ ᱮᱰᱢᱤᱥᱚᱱ ᱮ ᱦᱟᱛᱟᱣ ᱠᱮᱫᱼᱟ᱾ ᱩᱱᱤ ᱫᱚ ᱠᱩᱱᱛᱤᱜᱷᱟᱴ ᱨᱮ ᱢᱤᱫ ᱯᱨᱟᱭᱢᱮᱨᱤ ᱟᱥᱲᱟ ᱨᱮ ᱢᱟᱪᱮᱫ ᱠᱟᱱᱟᱭ᱾ ᱠᱚᱨ ᱫᱚ ᱵᱨᱟᱛᱟᱛᱤ ᱵᱚᱱᱫᱷᱚᱯᱟᱫᱽᱭᱟᱭ ᱤᱱᱥᱴᱤᱴᱭᱩᱴ ᱨᱮ ᱮᱞᱳᱠᱩᱥᱚᱱ ᱨᱤᱱᱤᱡ ᱯᱟᱹᱴᱷᱩᱣᱟᱹ ᱠᱟᱱᱟᱭ ᱟᱨ ᱩᱯᱱᱭᱟᱥ ᱠᱚ ᱯᱟᱲᱦᱟᱣ ᱟᱹᱰᱤ ᱠᱩᱥᱤᱭᱟᱜᱼᱟ᱾
ᱟᱹᱱᱟᱹᱨᱤ ᱞᱟᱹᱲᱦᱟᱹᱭ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱠᱚᱨ ᱫᱚ ᱮᱥ. ᱮᱥ. ᱥᱤ. ᱴᱤ. ᱤ. ᱴᱤ. ᱵᱤᱱᱤᱰ ᱞᱟᱹᱜᱤᱫ ᱟᱯᱞᱟᱭ ᱥᱟᱱᱟᱭ ᱠᱟᱱ ᱛᱟᱦᱮᱸᱱᱟ, ᱢᱮᱱᱠᱷᱟᱱ ᱩᱱᱤ ᱧᱮᱞ ᱠᱮᱫᱟ ᱡᱮ ᱩᱱᱠᱩ ᱴᱷᱮᱱ ᱡᱮᱱᱰᱟᱨ ᱠᱚᱞᱚᱢ ᱨᱮ ᱵᱟᱨᱭᱟ ᱜᱮ ᱚᱯᱥᱚᱱ ᱛᱟᱦᱮᱸ ᱠᱟᱱᱟ᱾ ᱩᱱᱤ ᱫᱚ ᱯᱩᱭᱞᱩ ᱫᱷᱟᱣ ᱒᱐᱑᱑ ᱥᱟᱞᱮ ᱨᱮ ᱥᱮᱪᱮᱫ ᱵᱤᱵᱷᱟᱜᱽ ᱥᱟᱶ ᱱᱚᱣᱟ ᱢᱩᱫᱽᱫᱟ ᱫᱚᱭ ᱨᱟᱠᱟᱵ ᱠᱮᱫᱼᱟ᱾ ᱩᱱᱤ ᱫᱚ ᱟᱡᱟᱜ ᱵᱮᱪᱮᱞᱚᱨ ᱚᱯᱷ ᱮᱰᱩᱠᱮᱥᱚᱱ (B.Ed.) ᱮ ᱯᱩᱨᱟᱹᱣ ᱟᱠᱟᱫ ᱛᱟᱦᱮᱸᱱᱟ ᱟᱨ ᱥᱚᱨᱠᱟᱨ ᱥᱟᱶ ᱢᱤᱫ ᱪᱟᱹᱠᱨᱤ ᱞᱟᱹᱜᱤᱫ ᱟᱯᱞᱟᱭ ᱞᱮᱫ ᱛᱟᱦᱮᱸᱱᱟ᱾ ᱩᱱᱤ ᱫᱚ ᱟᱥᱲᱟ ᱥᱟᱨᱵᱷᱤᱥ ᱠᱚᱢᱤᱥᱚᱱ ᱵᱤᱱᱤᱰ ᱮ ᱮᱢ ᱞᱮᱫ ᱛᱟᱦᱮᱸᱱᱟ ᱟᱨ ᱠᱩᱣᱟᱞᱤᱯᱷᱟᱭ ᱦᱚᱸᱭ ᱛᱟᱦᱮᱸ ᱠᱟᱱᱟ᱾ ᱩᱱ ᱚᱠᱛᱚ ᱨᱮ ᱥᱩᱯᱨᱤᱢ ᱠᱳᱨᱴ ᱨᱮᱱᱟᱜ ᱟᱫᱮᱥ ᱦᱚᱸ ᱵᱟᱝ ᱮᱢ ᱞᱮᱱ ᱛᱟᱦᱮᱸᱱᱟ᱾ ᱥᱮᱪᱮᱫ ᱵᱤᱵᱷᱟᱜᱽ ᱫᱚ ᱩᱱᱤ ᱠᱚ ᱞᱟᱹᱭᱟᱫᱮ ᱛᱟᱦᱮᱸᱱᱟ ᱡᱮ ᱩᱱᱤ ᱫᱚ ᱛᱤᱨᱞᱟᱹ ᱞᱮᱠᱟᱛᱮ ᱵᱤᱱᱤᱰ ᱮ ᱮᱢ ᱟᱠᱟᱫ ᱠᱷᱟᱹᱛᱤᱨ ᱚᱱᱠᱟ ᱜᱮ ᱩᱱᱤ ᱠᱚ ᱵᱷᱚᱨᱛᱤᱭᱟᱭ᱾
ᱱᱤᱭᱟᱹ ᱢᱩᱫᱽᱨᱮ, ᱠᱚᱨ ᱫᱚ ᱰᱟᱹᱵᱞᱭᱩᱹ ᱵᱤᱹ ᱥᱤᱹ ᱮᱥᱹ (ᱯᱩᱪᱷᱤᱢ ᱵᱟᱝᱞᱟ ᱥᱴᱟᱯᱷ ᱥᱮᱞᱮᱠᱥᱚᱱ) ᱵᱤᱱᱤᱰ ᱠᱨᱮᱠ ᱞᱟᱹᱜᱤᱫ RICE ᱨᱮ ᱥᱮᱞᱮᱫ ᱞᱮᱱ ᱛᱟᱦᱮᱸᱱᱟ᱾ ᱚᱸᱰᱮ ᱥᱮᱪᱮᱫ ᱦᱟᱛᱟᱣ ᱠᱟᱛᱮ ᱰᱮᱦᱮᱨ ᱛᱮ ᱢᱤᱫ ᱟᱨ ᱚᱫᱷᱟ ᱥᱮᱨᱢᱟ ᱛᱟᱭᱚᱢ ᱡᱚᱠᱷᱚᱱ ᱩᱱᱤ ᱢᱩᱪᱟᱹᱫ ᱨᱮ ᱒᱐᱑᱖ ᱥᱟᱞᱮ ᱨᱮ ᱵᱤᱱᱤᱰ ᱞᱟᱹᱜᱤᱫ ᱯᱷᱚᱨᱢ ᱯᱩᱨᱟᱹᱣ ᱨᱮᱱᱟᱜ ᱮ ᱠᱩᱨᱩᱢᱩᱴᱩ ᱠᱮᱫᱼᱟ, ᱩᱱᱤ ᱫᱚ ᱧᱮᱞ ᱠᱮᱫᱼᱟ ᱡᱮ ᱡᱮᱱᱰᱟᱨ ᱠᱚᱞᱚᱢ ᱨᱮ ᱵᱟᱨᱭᱟ ᱜᱮ ᱚᱯᱥᱚᱱ ᱢᱮᱱᱟᱜᱼᱟ, ᱥᱮ ᱠᱚᱲᱟ ᱥᱮ ᱠᱩᱲᱤ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "Transgender to Write UPSC Exam in Bengal for the First Time". The Better India (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). 2018-03-03. Retrieved 2018-04-21.
- ↑ "Atri Kar vs The Union Of India & Ors on 16 March, 2017". indiankanoon.org. Retrieved 2018-04-21.
- ↑ "Bengal's Atri Kar, First Transgender to take UPSC exam in 'other' category". www.shethepeople.tv (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). 2018-03-03. Retrieved 2018-04-21.