ᱟᱞᱤᱜᱷᱳᱞᱤ ᱟᱨᱫᱟᱞᱟᱱ

ᱟᱞᱤᱜᱷᱳᱞᱤ ᱟᱨᱫᱟᱞᱟᱱ
ᱟᱞᱤᱜᱷᱳᱞᱤ ᱟᱨᱫᱟᱞᱟᱱ
ᱪᱷᱟᱸᱪ:No bold
ᱵᱤᱫᱮᱥ ᱢᱚᱱᱛᱨᱤ
	ᱟᱹᱢᱟᱹᱞᱤ ᱨᱮ; ᱘ ᱮᱯᱨᱤᱞ ᱑᱙᱕᱕ – ᱑᱙᱕᱙
ᱨᱟᱡᱽᱜᱟᱲ ᱨᱤᱱᱤᱡ ᱢᱚᱱᱛᱨᱤ
	ᱟᱹᱢᱟᱹᱞᱤ ᱨᱮ; ᱗ ᱥᱮᱯᱴᱮᱢᱵᱚᱨ ᱑᱙᱗᱘ – ᱑᱑ ᱯᱷᱮᱵᱽᱨᱩᱣᱟᱨᱤ ᱑᱙۷᱙
ᱢᱟᱬᱟᱝ ᱟᱹᱢᱟᱹᱞᱤᱭᱟᱹ	ᱟᱢᱤᱨ-ᱟᱵᱽᱵᱟᱥ ᱦᱳᱵᱷᱮᱭᱫᱟ
ᱨᱤᱡᱮᱱᱥᱤ ᱠᱟᱣᱩᱱᱥᱤᱞ ᱨᱤᱱᱤᱡ ᱥᱚᱦᱮᱛ
	ᱟᱹᱢᱟᱹᱞᱤ ᱨᱮ; ᱑᱓ ᱡᱟᱱᱩᱣᱟᱨᱤ ᱑᱙۷᱙ – ᱒᱒ ᱡᱟᱱᱩᱣᱟᱨᱤ ᱑᱙۷᱙
ᱵᱟᱦᱟᱞᱤᱭᱟᱹ	ᱢᱚᱦᱚᱢᱢᱚᱫᱽ ᱨᱮᱡᱟ ᱯᱟᱦᱞᱟᱵᱷᱤ
ᱯᱟᱨᱥᱚᱱᱟᱞ ᱵᱤᱵᱚᱨᱚᱱ
ᱡᱟᱱᱟᱢ	᱒᱕ ᱡᱟᱱᱩᱣᱟᱨᱤ ᱑᱙᱐᱐; ᱛᱮᱦᱨᱟᱱ, ᱤᱨᱟᱱ ᱨᱮᱱᱟᱜ ᱥᱟᱵᱽᱞᱟᱭᱤᱢ ᱤᱥᱴᱮᱴ
ᱜᱩᱨ	᱐᱒ ᱚᱜᱚᱥᱴ ᱑᱙᱘᱖ (ᱩᱢᱮᱨ ᱘᱖ ᱥᱮᱨᱢᱟ)

ᱟᱞᱤᱜᱷᱳᱞᱤ ᱟᱨᱫᱟᱞᱟᱱ (ᱯᱷᱟᱨᱥᱤ: علیقلی اردلان‎‎; ᱟᱞᱤᱠᱳᱞᱤ ᱟᱨᱫᱟᱞᱟᱱ ᱞᱮᱠᱟᱛᱮ ᱦᱚᱸ ᱨᱳᱢᱟᱱᱟᱭᱤᱡᱽ ᱟᱠᱟᱱᱟ; ᱒᱕ ᱡᱟᱱᱩᱣᱟᱨᱤ ᱑᱙᱐᱐ – ᱒ ᱚᱜᱚᱥᱴ ᱑᱙᱘᱖) ᱫᱚ ᱟᱡᱟᱜ ᱯᱤᱲᱷᱤ ᱨᱤᱱᱤᱡ ᱢᱤᱫ ᱢᱩᱬᱩᱛ ᱤᱨᱟᱱᱤ ᱰᱤᱯᱞᱚᱢᱮᱴ ᱮ ᱛᱟᱦᱮᱸ ᱠᱟᱱᱟᱭ ᱾ ᱩᱱᱤ ᱫᱚ ᱤᱱᱰᱟᱥᱴᱨᱤ ᱢᱚᱱᱛᱨᱤ, ᱵᱤᱫᱮᱥ ᱵᱮᱯᱟᱨ ᱠᱮᱵᱤᱱᱮᱴ ᱢᱚᱱᱛᱨᱤ ᱟᱨ ᱥᱮᱞᱮᱫ ᱯᱚᱱᱚᱛ ᱟᱢᱮᱨᱤᱠᱟ, ᱥᱳᱵᱷᱤᱭᱮᱛ ᱭᱩᱱᱤᱭᱚᱱ, ᱟᱨ ᱯᱟᱪᱮ ᱡᱟᱨᱢᱟᱱᱤ ᱨᱮ ᱨᱟᱡᱽᱫᱩᱛ ᱞᱮᱠᱟᱛᱮᱭ ᱠᱟᱹᱢᱤ ᱞᱮᱫᱼᱟ ᱾ ᱩᱱᱤ ᱫᱚ ᱮᱛᱚᱢ ᱤᱨᱟᱱ ᱞᱟᱹᱜᱤᱫ ᱡᱟᱹᱛᱤᱭᱟᱹᱨᱤ ᱤᱨᱟᱱᱤ ᱥᱩᱱᱩᱢ ᱠᱚᱢᱯᱟᱹᱱᱤ ᱨᱤᱱᱤᱡ ᱢᱮᱱᱮᱡᱤᱝ ᱰᱟᱭᱨᱮᱠᱴᱚᱨ ᱦᱚᱸᱭ ᱛᱟᱦᱮᱸ ᱠᱟᱱᱟ ᱾^[᱑]

ᱡᱤᱭᱚᱱ ᱠᱟᱛᱷᱟ

ᱟᱨᱫᱟᱞᱟᱱ ᱫᱚ ᱒᱕ ᱡᱟᱱᱩᱣᱟᱨᱤ ᱑᱙᱐᱐ ᱥᱟᱞᱮ ᱨᱮ ᱛᱮᱦᱨᱟᱱ ᱨᱮᱭ ᱡᱟᱱᱟᱢ ᱞᱮᱱᱟ ᱾^[᱒] ᱑᱙᱒᱔ ᱠᱷᱚᱱ ᱑᱙᱒᱗ ᱫᱷᱟᱹᱵᱤᱡ ᱩᱱᱤ ᱫᱚ ᱵᱚᱨᱞᱤᱱ ᱨᱮ ᱤᱨᱟᱱᱤ ᱮᱢᱵᱟᱥᱤ ᱨᱤᱱᱤᱡ ᱰᱮᱯᱩᱴᱤ ᱞᱮᱠᱟᱛᱮᱭ ᱠᱟᱹᱢᱤ ᱞᱮᱫᱼᱟ ᱾ ᱩᱱᱤ ᱫᱚ ᱯᱷᱨᱮᱰᱮᱨᱤᱠ ᱣᱤᱞᱦᱮᱞᱢ ᱡᱮᱜᱮᱛ ᱵᱤᱨᱫᱟᱹᱜᱟᱲ, ᱵᱚᱨᱞᱤᱱ (ᱱᱤᱛᱚᱜ ᱦᱟᱢᱵᱳᱞᱰᱴ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱵᱚᱨᱞᱤᱱ) ᱠᱷᱚᱱ ᱰᱚᱠᱴᱚᱨᱮᱴ ᱮ ᱦᱟᱢᱮᱴ ᱞᱮᱫᱼᱟ, ᱡᱟᱦᱟᱸ ᱨᱮ ᱩᱱᱤ ᱫᱚ 'ᱡᱮᱜᱮᱛ ᱠᱟᱹᱣᱰᱤᱟᱹᱨᱤ ᱨᱮ ᱤᱨᱟᱱᱤ ᱠᱚᱣᱟᱜ ᱴᱷᱟᱶ' (᱒᱓ ᱱᱚᱵᱷᱮᱢᱵᱚᱨ ᱑᱙᱒᱙ ᱨᱮ) ᱪᱮᱛᱟᱱ ᱨᱮ ᱟᱡᱟᱜ ᱛᱷᱮᱥᱤᱥ ᱟᱹᱰᱤ ᱱᱟᱯᱟᱭ ᱡᱟᱨᱢᱟᱱ ᱯᱟᱹᱨᱥᱤ ᱛᱮᱭ ᱚᱞ ᱞᱮᱫᱼᱟ ᱾ ᱩᱱᱤ ᱫᱚ ᱓᱐ ᱥᱮᱨᱢᱟ ᱩᱢᱮᱨ ᱨᱮ ᱤᱨᱟᱱ ᱨᱮᱱᱟᱜ ᱵᱤᱫᱮᱥ ᱢᱚᱱᱛᱨᱟᱞᱚᱭ ᱨᱮᱭ ᱥᱮᱞᱮᱫ ᱮᱱᱟ, ᱟᱨ ᱣᱟᱥᱤᱝᱴᱚᱱ ᱰᱤ.ᱥᱤ. ᱨᱮ ᱤᱨᱟᱱᱤ ᱮᱢᱵᱟᱥᱤ ᱨᱮ ᱯᱚᱞᱤᱴᱤᱠᱟᱞ ᱚᱯᱷᱤᱥᱟᱨ ᱮ ᱵᱮᱱᱟᱣ ᱮᱱᱟ ᱾ ᱑᱔ ᱢᱮ ᱑᱙᱕᱘ ᱠᱷᱚᱱ ᱑᱖ ᱢᱟᱨᱪ ᱑᱙᱖᱐ ᱫᱷᱟᱹᱵᱤᱡ ᱩᱱᱤ ᱫᱚ ᱥᱮᱞᱮᱫ ᱯᱚᱱᱚᱛ ᱟᱢᱮᱨᱤᱠᱟ ᱨᱮ ᱨᱟᱡᱽᱫᱩᱛ ᱞᱮᱠᱟᱛᱮᱭ ᱠᱟᱹᱢᱤ ᱞᱮᱫᱼᱟ ᱾^[᱒] ᱚᱱᱟ ᱛᱟᱭᱚᱢ ᱩᱱᱤ ᱫᱚ ᱥᱳᱵᱷᱤᱭᱮᱛ ᱭᱩᱱᱤᱭᱚᱱ ᱨᱮ ᱤᱨᱟᱱ ᱨᱤᱱᱤᱡ ᱨᱟᱡᱽᱫᱩᱛ ᱞᱮᱠᱟᱛᱮ ᱠᱚ ᱵᱟᱦᱟᱞ ᱠᱮᱫᱮᱭᱟ ᱾^[᱓] ᱟᱨᱫᱟᱞᱟᱱ ᱫᱚ ᱨᱮᱭᱟᱲ ᱞᱟᱹᱲᱦᱟᱹᱭ ᱚᱠᱛᱚ ᱨᱤᱱᱤᱡ ᱢᱤᱫᱴᱟᱹᱝ ᱤᱨᱟᱱᱤ ᱰᱤᱯᱞᱚᱢᱮᱴ ᱮ ᱛᱟᱦᱮᱸ ᱠᱟᱱᱟᱭ ᱡᱟᱦᱟᱸᱭ ᱫᱚ ᱟᱡᱟᱜ ᱰᱤᱯᱞᱚᱢᱮᱴ ᱠᱟᱹᱢᱤ ᱚᱠᱛᱚ ᱨᱮ ᱡᱟᱹᱛᱤ ᱜᱟᱫᱮᱞ, ᱣᱟᱥᱤᱝᱴᱚᱱ ᱟᱨ ᱢᱚᱥᱠᱚ ᱨᱮᱭ ᱠᱟᱹᱢᱤ ᱞᱮᱫᱼᱟ ᱾ ᱩᱱᱤ ᱫᱚ ᱡᱟᱨᱢᱟᱱ, ᱯᱷᱨᱮᱸᱪ, ᱤᱝᱞᱤᱥ, ᱠᱩᱨᱫᱤᱥ ᱟᱨ ᱯᱷᱟᱨᱥᱤ ᱯᱟᱹᱨᱥᱤ ᱛᱮᱭ ᱨᱚᱲ ᱫᱟᱲᱮᱭᱟᱜ ᱠᱟᱱ ᱛᱟᱦᱮᱸᱫ ᱾^[᱔]

ᱱᱤᱡᱮᱨᱟᱜ ᱡᱤᱭᱚᱱ

᱑᱙᱓᱙ ᱥᱟᱞᱮ ᱨᱮ, ᱟᱨᱫᱟᱞᱟᱱ ᱫᱚ ᱢᱮᱦᱨᱤ ᱮᱥᱯᱷᱟᱱᱫᱤᱭᱟᱨᱤ ᱥᱟᱶᱮ ᱵᱟᱯᱞᱟ ᱞᱮᱱᱟ, ᱡᱟᱦᱟᱸᱭ ᱫᱚ ᱟᱭᱢᱟ ᱥᱮᱨᱢᱟ ᱫᱷᱟᱹᱵᱤᱡ ᱢᱟᱡᱽᱞᱤᱥ ᱨᱤᱱᱤᱡ ᱯᱟᱨᱥᱮᱛ ᱮ ᱛᱟᱦᱮᱸ ᱠᱟᱱ ᱦᱟᱡᱽ ᱢᱳᱦᱛᱟᱥᱟᱢ ᱥᱟᱞᱛᱟᱱᱮᱦ ᱮᱥᱯᱷᱟᱱᱫᱤᱭᱟᱨᱤ ᱤᱡ ᱜᱚᱲᱚᱢ ᱠᱩᱲᱤᱭ ᱛᱟᱦᱮᱸ ᱠᱟᱱᱟ ᱾ ᱩᱱᱠᱤᱱ ᱨᱤᱱ ᱫᱚ ᱵᱟᱨᱭᱟ ᱠᱚᱲᱟ ᱜᱤᱫᱽᱨᱟᱹ ᱠᱤᱱ ᱛᱟᱦᱮᱸ ᱠᱟᱱᱟ: ᱢᱟᱱᱳᱣᱪᱮᱦᱮᱨ ᱟᱨ ᱥᱟᱭᱨᱟᱥ ᱾

ᱥᱟᱹᱠᱷᱭᱟᱹᱛ

↑ "علیقلی اردلان". Magiran. Retrieved 2 August 2018.
1 2 "عليقلي اردلان". Iichs. Archived from the original on 2026-05-19. Retrieved 2026-05-25.
↑ Roham Alvandi (2014). "The Shah's détente with Khrushchev: Iran's 1962 missile base pledge to the Soviet Union". Cold War History. 14 (3): 440. doi:10.1080/14682745.2014.890591.
↑ Qajar Studies VI: Entertainment in Qajar Persia. Barjesteh van Waalwijk van Doorn & Co Uitgeversmaatschappij. 2006. p. 218.

ᱵᱟᱦᱨᱮ ᱡᱚᱱᱚᱲ

[1] "علیقلی اردلان". Magiran. Retrieved 2 August 2018.

[iich-2] 1 2 "عليقلي اردلان". Iichs. Archived from the original on 2026-05-19. Retrieved 2026-05-25.

[3] Roham Alvandi (2014). "The Shah's détente with Khrushchev: Iran's 1962 missile base pledge to the Soviet Union". Cold War History. 14 (3): 440. doi:10.1080/14682745.2014.890591.

[4] Qajar Studies VI: Entertainment in Qajar Persia. Barjesteh van Waalwijk van Doorn & Co Uitgeversmaatschappij. 2006. p. 218.

[᱑]

[᱒]

[᱓]

[᱔]