ᱟᱞᱮ ᱟᱹᱛᱩ ᱱᱟᱭᱟᱰᱤᱦ

ᱟᱵᱚᱣᱟᱜ ᱟᱹᱛᱩ ᱱᱟᱭᱟᱰᱤᱦ ᱫᱚ ᱵᱷᱟᱨᱚᱛ ᱨᱮᱭᱟᱜ ᱡᱟᱨᱠᱷᱟᱱ ᱨᱮᱭᱟᱜ ᱫᱩᱢᱠᱟ ᱡᱤᱞ ᱨᱮᱭᱟᱜ ᱢᱟᱥᱟᱞᱤᱭᱟ ᱵᱞᱚᱠ ᱨᱮ ᱢᱮᱱᱟᱜ ᱢᱤᱫ ᱡᱟᱱᱟᱢ ᱟᱹᱛᱩ ᱠᱟᱱᱟ, ᱚᱱᱟ ᱫᱚ ᱱᱟᱭᱟᱰᱤᱦ ᱯᱟᱱᱪᱟᱭᱴ ᱨᱮ ᱯᱟᱲᱟᱣ ᱟᱠᱟᱱᱟ᱾ ᱟᱹᱛᱩ ᱨᱮᱭᱟᱜ ᱯᱚᱥᱴ ᱚᱯᱷᱤᱥ ᱫᱚ ᱠᱷᱟᱨᱵᱟᱱᱤ ᱠᱟᱱᱟ, ᱟᱨ ᱚᱱᱟ ᱨᱮᱭᱟᱜ ᱯᱤᱱ ᱠᱚᱰ ᱫᱚ ᱘᱑᱔᱑᱔᱖ ᱠᱟᱱᱟ᱾ ᱢᱤᱫ ᱥᱟᱶᱛᱮ, ᱱᱚᱶᱟ ᱦᱟᱢᱞᱮᱴ ᱠᱚ ᱫᱚ ᱱᱟᱭᱟᱰᱤᱦ ᱨᱮᱭᱟᱜ ᱟᱨᱤᱪᱟᱞᱤ ᱞᱮᱠᱟᱛᱮ ᱥᱚᱢᱯᱚᱨ ᱟᱨ ᱥᱟᱶᱛᱟ ᱞᱮᱠᱟᱛᱮ ᱢᱤᱫ ᱟᱹᱛᱩ ᱜᱚᱦᱚᱲ ᱠᱚ ᱵᱮᱱᱟᱣ ᱮᱫᱟ᱾

ᱱᱟᱭᱟᱰᱤᱦ ᱫᱚ ᱱᱟᱜᱟᱢ ᱞᱮᱠᱟᱛᱮ ᱥᱟᱱᱛᱟᱞ ᱡᱟᱱᱟᱢ ᱵᱟᱥᱟ ᱠᱟᱱᱟ, ᱚᱠᱟ ᱨᱮ ᱥᱟᱱᱛᱷᱟᱞ ᱥᱟᱶᱛᱟ ᱫᱚ ᱯᱩᱭᱞᱩ ᱚᱠᱛᱚ ᱨᱮ ᱟᱠᱚᱣᱟᱜ ᱵᱟᱥᱟ ᱠᱚ ᱛᱷᱟᱯᱱᱟᱣ ᱞᱮᱫᱟ᱾ ᱱᱚᱶᱟ ᱱᱟᱜᱟᱢ ᱛᱟᱦᱮᱱ ᱫᱚ ᱟᱹᱛᱩ ᱨᱮ ᱢᱮᱱᱟᱜ ᱯᱟᱨᱚᱢ ᱫᱷᱚᱨᱚᱢ ᱴᱷᱟᱶ ᱠᱚ ᱛᱮ ᱪᱤᱱᱦᱟᱹ ᱠᱟᱱᱟ- ᱡᱮᱞᱮᱠᱟ ᱡᱟᱦᱮᱨ ᱛᱷᱟᱱ ᱟᱨ ᱢᱟᱱᱡᱤ ᱛᱷᱟᱱ᱾ ᱡᱟᱦᱟᱨ ᱛᱷᱟᱱ ᱫᱚ ᱥᱟᱱᱛᱷᱟᱞ ᱥᱟᱶᱛᱟ ᱨᱮᱭᱟᱜ ᱥᱤᱨᱡᱚᱱ ᱯᱚᱛᱚᱵ ᱨᱮᱭᱟᱜ ᱢᱟᱨᱟᱝ ᱴᱷᱟᱶ ᱠᱟᱱᱟ, ᱡᱟᱦᱟᱸ ᱫᱚ ᱢᱟᱱᱡᱷᱤ ᱛᱷᱟᱱ ᱫᱚ ᱟᱹᱛᱩ ᱥᱟᱥᱟᱯᱲᱟᱣ ᱟᱨ ᱡᱟᱱᱟᱢ ᱟᱯᱱᱟᱨ ᱥᱟᱥᱟᱯ ᱨᱮᱭᱟᱜ ᱴᱷᱟᱶ ᱠᱟᱱᱟ᱾ ᱱᱚᱸᱰᱮ ᱢᱟᱨᱟᱝ ᱟᱨ ᱢᱟᱨᱮ ᱥᱟᱞ ᱫᱟᱨᱮ ᱠᱚ ᱱᱚᱶᱟ ᱴᱚᱴᱷᱟ ᱨᱮᱭᱟᱜ ᱥᱤᱨᱡᱚᱱ ᱟᱨ ᱟᱨᱤᱪᱟᱞᱤ ᱱᱟᱜᱟᱢ ᱨᱮᱭᱟᱜ ᱥᱟᱠᱥᱤ ᱮᱢᱚᱜ ᱠᱟᱱᱟ ᱾ ᱟᱹᱛᱩ ᱥᱩᱨ ᱨᱮ ᱢᱮᱱᱟᱜ ᱥᱟᱠᱨᱟ ᱯᱷᱚᱞᱥ, ᱟᱴᱱᱟ ᱫᱟᱨᱦᱟᱠ, ᱟᱨ ᱥᱮᱫᱽᱨᱟ ᱯᱷᱩᱴᱵᱚᱞ ᱯᱷᱤᱞᱰ ᱫᱚ ᱟᱹᱛᱩ ᱨᱮᱭᱟᱜ ᱥᱟᱢᱟᱡᱤᱠ ᱡᱤᱭᱚᱱ ᱨᱮᱭᱟᱜ ᱥᱮᱬᱟ ᱦᱤᱥ ᱠᱟᱱᱟ᱾ ᱢᱟᱨᱟᱝ ᱥᱟᱱᱛᱷᱟᱞ ᱯᱚᱨᱚᱵ ᱠᱚ- ᱥᱚᱦᱨᱟᱭ, ᱵᱟᱦᱟ, ᱠᱟᱨᱟᱢ, ᱢᱟᱜᱽ, ᱟᱨ ᱟᱭᱢᱟ ᱞᱮᱠᱟᱱ ᱵᱟᱯᱞᱟ ᱠᱚ ᱟᱹᱰᱤ ᱩᱢᱡᱷᱟᱹᱣ, ᱥᱟᱶᱛᱟ, ᱟᱨ ᱮᱱᱮᱡ ᱟᱨ ᱥᱮᱨᱮᱧ ᱥᱟᱶᱛᱮ ᱠᱚ ᱢᱟᱱᱟᱣᱟ᱾ ᱱᱚᱶᱟ ᱚᱠᱛᱮ ᱨᱮ ᱦᱚᱲ ᱠᱚ ᱫᱚ ᱱᱟᱴᱩᱣᱟ ᱮᱱᱮᱡ ᱠᱚ ᱮᱱᱮᱡ ᱮᱫᱟ, ᱟᱨ ᱠᱩᱲᱤ ᱠᱚ ᱫᱚ ᱯᱟᱨᱚᱢ ᱫᱟᱣ-ᱱᱟᱪ ᱟᱨ ᱞᱟᱜᱟᱰ ᱮᱱᱮᱡ ᱠᱚ ᱮᱱᱮᱡ ᱮᱫᱟ, ᱚᱱᱟ ᱫᱚ ᱱᱟᱭᱟᱰᱤᱭᱟᱜ ᱥᱟᱹᱠᱷᱤᱭᱟᱹ ᱯᱟᱹᱨᱥᱤ ᱨᱮᱭᱟᱜ ᱢᱤᱫ ᱥᱮᱬᱟ ᱦᱤᱥᱟᱹᱵ ᱠᱟᱱᱟ᱾

ᱜᱤᱭᱳᱜᱨᱟᱯᱷᱤᱠᱟᱞᱤ ᱞᱮᱠᱟᱛᱮ, ᱱᱟᱭᱟᱰᱤᱦ ᱫᱚ ᱥᱤᱨᱡᱚᱱ ᱟᱹᱛᱩ ᱯᱟᱨᱤᱵᱷᱮᱥᱚᱱ ᱨᱮ ᱢᱮᱱᱟᱜᱼᱟ ᱾ ᱟᱹᱛᱩ ᱫᱚ ᱯᱩᱨᱩᱵ ᱥᱮᱫ ᱵᱟᱨᱢᱟᱥᱤᱭᱟ, ᱯᱟᱹᱪᱷᱤᱢ ᱥᱮᱫ ᱢᱟᱠᱟᱱᱤ ᱟᱨ ᱥᱩᱱᱣᱟᱰᱤᱦ, ᱩᱛᱟᱹᱨ ᱥᱮᱫ ᱨᱟᱥᱴᱟᱰᱟᱝ ᱯᱷᱟᱴᱮᱯᱩᱨ ᱟᱨ ᱠᱮᱱᱰᱩᱴᱟᱰ, ᱟᱨ ᱫᱟᱠᱷᱤᱱ ᱥᱮᱫ ᱯᱟᱞᱟᱥᱤ-᱑, ᱱᱟᱣᱟᱥᱟᱨ, ᱟᱨ ᱨᱟᱱᱤᱜᱽᱨ ᱥᱟᱶᱛᱮ ᱢᱮᱱᱟᱜ-ᱟ᱾ ᱟᱹᱛᱩ ᱨᱮᱭᱟᱜ ᱵᱟᱥᱴᱤ ᱛᱚᱞᱟ ᱨᱮ ᱢᱤᱫ ᱦᱩᱰᱤᱧ ᱰᱮᱢ ᱦᱚᱸ ᱢᱮᱱᱟᱜᱼᱟ, ᱚᱱᱟ ᱫᱚ ᱡᱟᱹᱯᱩᱫ ᱫᱟᱜ ᱫᱚᱦᱚ ᱠᱟᱛᱮ ᱟᱹᱛᱩ ᱦᱚᱲ ᱠᱚᱣᱟᱜ ᱫᱟᱜ ᱟᱨ ᱫᱤᱱᱟᱹᱢ ᱵᱮᱵᱷᱟᱨ ᱨᱮᱭᱟᱜ ᱞᱟᱹᱠᱛᱤ ᱠᱚ ᱯᱩᱨᱟᱹᱣ ᱮᱫᱟ᱾

ᱱᱟᱭᱟᱰᱤᱦ ᱫᱚ ᱢᱩᱲᱩᱫ ᱛᱮ ᱥᱟᱱᱛᱷᱟᱞ ᱡᱟᱱᱡᱟᱛᱤ ᱟᱹᱛᱩ ᱠᱟᱱᱟ ᱦᱚᱲ ᱞᱮᱠᱷᱟ ᱞᱮᱠᱟᱛᱮ ᱾ ᱢᱩᱴ ᱦᱚᱲ ᱞᱮᱠᱟ ᱑,᱐᱘᱗ ᱦᱚᱲ ᱢᱮᱱᱟᱜ ᱠᱚᱣᱟ, ᱚᱱᱟ ᱨᱮ ᱑,᱐᱑᱒ ᱥᱟᱱᱛᱷᱟᱞ ᱡᱟᱱᱟᱢ ᱜᱷᱟᱨᱚᱧᱡᱽ ᱟᱨ ᱗᱕ ᱵᱟᱝ ᱡᱟᱱᱟᱢ ᱜᱷᱟᱨᱚᱧᱡᱽ ᱢᱮᱱᱟᱜ ᱠᱚᱣᱟ᱾ ᱟᱹᱛᱩ ᱨᱮ ᱑᱒᱐ ᱜᱟᱱ ᱚᱲᱟᱜ ᱦᱚᱲ ᱢᱮᱱᱟᱜ ᱠᱚᱣᱟ ᱾ ᱥᱟᱱᱛᱷᱟᱞ ᱫᱚ ᱢᱩᱲᱩᱫ ᱯᱟᱹᱨᱥᱤ ᱠᱟᱱᱟ, ᱡᱚᱠᱷᱚᱱ ᱦᱤᱱᱰᱤ ᱫᱚ ᱡᱚᱜᱟᱡᱩᱜᱽ ᱨᱮᱭᱟᱜ ᱥᱟᱫᱷᱟᱨᱚᱱ ᱯᱟᱹᱨᱥᱤ ᱞᱮᱠᱟᱛᱮ ᱵᱮᱵᱷᱟᱨᱚᱜ ᱠᱟᱱᱟ᱾

ᱥᱮᱪᱮᱫ ᱯᱟᱦᱴᱟ ᱨᱮ, ᱟᱹᱛᱩ ᱨᱮ ᱥᱚᱨᱠᱟᱨᱤ ᱯᱨᱟᱭᱢᱟᱨᱤ ᱥᱠᱩᱞ ᱢᱮᱱᱟᱜᱼᱟ, ᱱᱟᱭᱟᱰᱤᱦ, ᱚᱠᱟ ᱫᱚ ᱯᱨᱟᱭᱢᱟᱨᱤ ᱥᱮᱪᱮᱫ ᱮᱢᱚᱜ ᱠᱟᱱᱟ᱾ ᱵᱟᱥᱴᱤ ᱛᱚᱞᱟ ᱨᱮ ᱢᱤᱫ ᱟᱝᱜᱟᱱᱣᱟᱰᱤ ᱛᱟᱞᱢᱟ ᱦᱚᱸ ᱢᱮᱱᱟᱜᱼᱟ, ᱚᱠᱟ ᱫᱚ ᱠᱟᱹᱴᱤᱡ ᱜᱤᱫᱽᱨᱟᱹ ᱠᱚ ᱞᱟᱹᱜᱤᱫ ᱡᱚᱢᱟᱜ ᱟᱨ ᱥᱮᱪᱮᱫ ᱠᱟᱹᱢᱤᱦᱚᱨᱟ ᱮᱢᱚᱜ ᱠᱟᱱᱟ᱾ ᱛᱟᱞᱟ ᱟᱨ ᱪᱮᱛᱟᱱ ᱥᱮᱪᱮᱫ ᱞᱟᱹᱜᱤᱫ, ᱯᱟᱹᱴᱷᱩᱣᱟᱹ ᱠᱚ ᱵᱞᱚᱠ ᱢᱩᱬ ᱫᱷᱟᱯ, ᱢᱟᱥᱟᱞᱤᱭᱟ, ᱥᱩᱨ ᱨᱮᱭᱟᱜ ᱯᱷᱟᱛᱷᱮᱯᱩᱨ ᱵᱟᱡᱟᱨ ᱴᱚᱴᱷᱟ, ᱥᱮ ᱫᱩᱢᱠᱟ ᱥᱚᱦᱚᱨ ᱥᱮᱱᱚᱜ ᱞᱟᱹᱠᱛᱤᱭᱟ᱾

ᱱᱟᱭᱟᱰᱤᱦ ᱟᱜ ᱠᱟᱹᱣᱰᱤ ᱫᱚ ᱟᱥᱚᱠᱟᱭᱛᱮ ᱪᱟᱥ ᱠᱟᱹᱢᱤ ᱨᱮ ᱴᱮᱸᱦᱟᱱᱰ ᱢᱮᱱᱟᱜᱼᱟ ᱾ ᱟᱹᱛᱩ ᱨᱮᱱ ᱠᱤᱥᱟᱹᱬ ᱦᱚᱲ ᱠᱚ ᱫᱚ ᱫᱟᱹᱲᱤ, ᱜᱚᱢ, ᱢᱟᱠᱟ ᱟᱨ ᱟᱭᱢᱟ ᱞᱮᱠᱟᱱ ᱨᱤᱛᱩ ᱩᱛᱩ ᱡᱤᱱᱤᱥ ᱠᱚ ᱪᱟᱥ ᱮᱫᱟ᱾ ᱛᱤᱱᱟᱹᱜ ᱜᱟᱱ ᱜᱷᱟᱨᱚᱧᱡᱽ ᱫᱚ ᱡᱤᱣ ᱯᱟᱞᱴᱟᱣ ᱟᱨ ᱩᱛᱩ ᱡᱤᱱᱤᱥ ᱩᱛᱟᱹᱨ ᱛᱮ ᱟᱠᱚᱣᱟᱜ ᱟᱹᱭᱫᱟᱹᱨ ᱠᱚ ᱯᱩᱨᱟᱹᱣ ᱮᱫᱟ᱾ ᱱᱚᱶᱟ ᱪᱷᱟᱰᱟ ᱠᱟᱛᱮ, ᱟᱭᱢᱟ ᱟᱹᱛᱩ ᱦᱚᱲ ᱠᱚ ᱛᱤ ᱠᱟᱹᱢᱤ, ᱫᱚᱠᱟᱱ ᱫᱚᱦᱚ ᱟᱨ ᱠᱟᱹᱴᱤᱡ ᱵᱮᱯᱟᱨ ᱠᱚ ᱨᱮ ᱞᱟᱜᱟᱣ ᱢᱮᱱᱟᱜ ᱠᱚᱣᱟ᱾ ᱟᱹᱛᱩ ᱨᱮᱭᱟᱜ ᱱᱟᱭᱟᱰᱤᱦ ᱴᱟᱨᱱ ᱨᱮ ᱢᱤᱫ ᱠᱟᱹᱴᱤᱡ ᱞᱚᱠᱟᱞ ᱵᱟᱡᱟᱨ ᱞᱮᱠᱟᱱ ᱩᱢᱩᱞ ᱧᱟᱢ ᱫᱟᱲᱮᱭᱟᱜ-ᱟ, ᱚᱠᱟ ᱨᱮ ᱫᱚᱠᱟᱱ ᱟᱨ ᱫᱤᱱᱟᱹᱢ ᱞᱟᱹᱠᱛᱤᱭᱟᱱ ᱡᱤᱱᱤᱥ ᱠᱚ ᱧᱟᱢ ᱫᱟᱲᱮᱭᱟᱜ-ᱟ᱾ ᱦᱟᱯᱛᱟ ᱨᱮ ᱵᱟᱨ ᱫᱷᱟᱣ-ᱵᱟᱞᱮ ᱟᱨ ᱡᱟᱹᱨᱩᱲ ᱢᱟᱦᱟᱸ- ᱱᱟᱭᱟᱰᱤ ᱦᱟᱴᱤᱭᱟ ᱫᱚ ᱟᱰᱮ ᱯᱟᱥᱮ ᱟᱹᱛᱩ ᱦᱚᱲ ᱠᱚ ᱞᱟᱹᱜᱤᱫ ᱵᱮᱯᱟᱨ ᱟᱨ ᱵᱷᱮᱱᱟᱣ ᱨᱮᱭᱟᱜ ᱢᱟᱨᱟᱝ ᱠᱷᱚᱱᱰ ᱞᱮᱠᱟ ᱠᱟᱹᱢᱤ ᱠᱟᱱᱟ᱾

ᱱᱟᱭᱟᱰᱤᱦ ᱫᱚ ᱟᱠᱚᱨᱮᱱ ᱥᱟᱶᱛᱟ ᱠᱟᱹᱢᱤᱭᱟᱹ ᱟᱨ ᱟᱨᱤᱪᱟᱞᱤ ᱞᱮᱠᱟᱛᱮ ᱠᱮᱴᱮᱡ ᱦᱚᱲ ᱠᱚ ᱞᱟᱹᱜᱤᱫ ᱦᱚᱸ ᱵᱟᱰᱟᱭᱚᱜ ᱠᱟᱱᱟᱭ ᱾ ᱟᱹᱛᱩ ᱠᱷᱚᱱ ᱵᱟᱨ ᱜᱮᱞ ᱦᱚᱲ ᱡᱟᱨᱠᱷᱟᱱ ᱞᱟᱲᱦᱟᱭ ᱨᱮ ᱠᱚ ᱠᱟᱹᱢᱤ ᱠᱟᱱ ᱛᱟᱦᱮᱸᱠᱟᱱᱟ, ᱟᱨ ᱟᱹᱛᱩ ᱨᱮᱱ ᱦᱚᱲ ᱠᱚ ᱩᱱᱠᱩ ᱟᱹᱰᱤ ᱠᱚ ᱢᱟᱱᱚᱛ ᱟᱠᱚᱣᱟ᱾ ᱱᱤᱛ ᱫᱚ ᱡᱩᱣᱟᱹᱱ ᱥᱟᱶᱛᱟ ᱠᱟᱹᱢᱤᱭᱟᱹ ᱨᱟᱡᱟᱫᱷᱟᱱ ᱦᱮᱢᱵᱽᱨᱚᱢ ᱫᱚ ᱥᱮᱪᱮᱫ, ᱦᱚᱲᱢᱚ, ᱡᱟᱜᱽᱣᱟᱨ, ᱟᱨ ᱥᱟᱱᱛᱟᱲ ᱯᱟᱹᱨᱥᱤ ᱟᱨ ᱞᱤᱯᱤ ᱨᱮᱭᱟᱜ ᱨᱟᱠᱷᱟ ᱨᱮ ᱟᱹᱰᱤ ᱜᱟᱱ ᱮᱱᱮᱢ ᱮᱢ ᱠᱟᱱᱟ᱾ ᱢᱟᱲᱟᱝ ᱨᱮᱱ ᱢᱤᱫ ᱵᱟᱰᱟᱭ ᱱᱮᱛᱟ ᱪᱟᱴᱟᱱ ᱦᱮᱢᱵᱨᱚᱢ ᱫᱚ ᱟᱡᱟᱜ ᱵᱩᱡᱷᱟᱹᱣ ᱟᱨ ᱱᱮᱛᱟᱨ ᱞᱟᱹᱜᱤᱫ ᱱᱚᱶᱟ ᱴᱚᱴᱟ ᱨᱮ ᱢᱤᱫ ᱥᱚᱯᱚᱦᱚᱫ ᱦᱚᱲ ᱞᱮᱠᱟ ᱢᱮᱱᱟᱭᱟ᱾ "Chhatiyar Guru" ar "Karam Guru" ᱧᱩᱛᱩᱢ ᱛᱮ ᱵᱟᱰᱟᱭᱚᱜ ᱠᱟᱱ ᱢᱤᱫ ᱥᱮᱬᱟ ᱟᱹᱛᱩ ᱨᱮᱱ ᱢᱟᱨᱟᱝ ᱨᱟᱠᱷᱤᱥᱟᱨ ᱴᱩᱰᱩ ᱫᱚ ᱥᱟᱱᱛᱷᱟᱨ ᱥᱟᱶᱛᱟ ᱨᱮᱱ ᱮᱱᱮᱡ, ᱥᱮᱨᱮᱧ, ᱠᱟᱹᱦᱱᱤ, ᱟᱨ ᱯᱟᱨᱤᱵᱮᱥ ᱠᱚ ᱵᱟᱰᱟᱭ ᱠᱟᱱ ᱛᱟᱦᱮᱱᱟ ᱟᱨ ᱱᱟᱶᱟ ᱯᱤᱥᱚᱢ ᱠᱚ ᱯᱟᱹᱥᱩᱲ ᱨᱮ ᱟᱹᱰᱤ ᱢᱟᱨᱟᱝ ᱮᱱᱮᱢ ᱮᱢᱟᱭᱟ᱾

ᱥᱟᱜᱟᱲᱚᱢ ᱧᱮᱞ ᱛᱮ, ᱱᱟᱭᱟᱰᱤᱦ ᱫᱚ ᱨᱟᱱᱤᱜᱚᱨ, ᱢᱟᱥᱟᱞᱤᱭᱟ, ᱯᱷᱟᱛᱷᱮᱯᱩᱨ ᱟᱨ ᱫᱩᱢᱠᱟ ᱥᱟᱶ ᱰᱟᱦᱟᱨ ᱛᱮ ᱡᱚᱯᱲᱟᱣ ᱢᱮᱱᱟᱜᱼᱟ᱾ ᱟᱹᱛᱩ ᱨᱮ ᱟᱥᱚᱠᱟᱭ ᱛᱮ ᱛᱟᱲᱟᱢ, ᱥᱟᱭᱠᱮᱞ, ᱢᱚᱴᱚᱨᱥᱟᱭᱠᱮᱞ ᱟᱨ ᱞᱚᱠᱟᱞ ᱚᱴᱚ ᱥᱮ ᱯᱤᱠᱟᱯ ᱜᱟᱹᱰᱤ ᱛᱮ ᱫᱟᱬᱟᱱ ᱦᱩᱭᱩᱜ ᱠᱟᱱᱟ᱾

ᱱᱟᱭᱟᱰᱤ ᱫᱚ ᱟᱹᱨᱤᱪᱟᱹᱞᱤ, ᱥᱤᱨᱡᱚᱱ ᱟᱨ ᱥᱟᱶᱛᱟ ᱞᱮᱠᱟᱛᱮ ᱞᱟᱹᱠᱛᱤᱭᱟᱱ ᱟᱹᱛᱩ ᱴᱷᱟᱺᱭ ᱠᱟᱱᱟ-ᱡᱟᱦᱮᱨ ᱛᱷᱟᱱ, ᱢᱟᱱᱡᱷᱤ ᱛᱷᱟᱱ, ᱥᱟᱠᱨᱟ ᱯᱷᱚᱞᱥ, ᱵᱟᱥᱴᱤ ᱛᱚᱞᱟ ᱰᱟᱢ, ᱢᱟᱨᱟᱝ ᱥᱟᱞ ᱫᱟᱨᱮ, ᱟᱹᱭᱫᱟᱹᱨᱤ ᱯᱷᱩᱴᱵᱚᱞ ᱯᱷᱤᱞᱰ, ᱟᱨ ᱟᱴᱱᱟ ᱫᱟᱨᱦᱟᱠ᱾